قصص شورت

كانت تتكلم وهو يسترق النظر في شفتاها، فخجلت الفتاه واحمرت .
نظر اليها وهمس في اذنها ... ليه ما شلتي شنبك بي الحلاوة .

حالق شنبو ودقنو ، شايل حواجبينو بي موس وعامل تنظيف بشرة ومكياج والشعر مصبغ بني.
اقول ليك ....النظافة من الايمان....

ياخ انت ايمان ذاااااااااااااااته

شورت ياتها
حقت الكهربا
ولا الكلمه الاجنبيه الوصونا زمااان اسما اجنبيا فألعب به
ولا شورت قصاد السروال
معليش دي افكار خشت الراس مع العنوان رغم انصرافيتها
خشت اصبح
واذكر بالخير
فاطمة السنوسي
اظن اسمها كده اول من كتبت قصص قصيره جدا وارجو ان لا اكون دعيا في ريادتها
نوع القصص دي صعبه ,, صعبه جد جد رغم ما يبدو من سهولتها عند القراءه
عربون ود ومحبه

سلام يا دسيس


قصص ملهلبة
ذات حبكة درامية بالغة الجمال
واصل على ذات المنوال
مع الانتباه للغة



تحياتي، محبتي واحترامي

قال الشيخك عندما نتحدث عن امور البنات قبل ما يستمعن الي النصائح والهدايا الي الطريق القويم يضحكن هكذا هي هي هيهي.
فيا اختاه لا تضحكي هكذا فقد تثيري الفتنه بين الرجال بل قولي...
انا اضحك الان...
جزاك الله خير

Quote: شورت ياتها حقت الكهربا ولا الكلمه الاجنبيه الوصونا زمااان اسما اجنبيا فألعب به ولا شورت قصاد السروال معليش دي افكار خشت الراس مع العنوان رغم انصرافيتها خشت اصبح واذكر بالخير فاطمة السنوسي اظن اسمها كده اول من كتبت قصص قصيره جدا وارجو ان لا اكون دعيا في ريادتها نوع القصص دي صعبه ,, صعبه جد جد رغم ما يبدو من سهولتها عند القراءه عربون ود ومحبه

الوجيه ودابوسن سلام وتحية يا حبينا
اسما اجنبيا فألعب به .... امسك في دي قوي عشان ما اجينا هواء
عايزين نرك الصعب كان ما نقع بي قدومنا واكيد الزيكم كان معانا ما بتجينا عوجة
شاكر ومقدر للمتابعة

Quote: سلام يا دسيس قصص ملهلبة ذات حبكة درامية بالغة الجمال واصل على ذات المنوال مع الانتباه للغة تحياتي، محبتي واحترامي

استاذنا وحبينا بله سلام وتحياتي
شكر ي وتقديري للمتابعة
سعيد جدا بالمداخله
من اهم الاشياء قبل الواحد ما اضغط ارسال او رد من المفروض مراجعة المداخله ... دي مشكلتنا
رغم عن ذلك بنحاول
تحياتي وتقديري

سدد لحارس ادبخانات السوق مبلغ خمسة جنيهات ((بالقديم ))وتناول الابريق وجلس علي المقعد البلدي ثم قال:
كيف حالك ؟؟؟
رد: انا كويس انت كيف
قال : انت معاك زول
رد: كيف معاي زول انت بتستعبط
قال: بتسوي في شنو
رد : يعني زول في الادبخانه بسوي في شنو
قال: خلاس أنا جاي عليك
رد: اعوذ بالله منك انت ما عاقل يا .....
قال: يا عبدالرحمن عليك الله اقفل خط الموبايل في واحد حمار في الادبخانه الجمبي قايلني بتكلم معاهو

تلاقت نظراتهما

حدق مليا في عينيها أحبها بصدق

فجأة وجدها تحولت بنظرها إلى جيبه

ودعها قائلا
قومي لفي كدا ولا كدا
أنا ما جاهز للعرس

Quote: قومي لفي كدا ولا كدا

حمد يا وجيه سلام وتحية
طيب استلم دي




كان يحادثها والساعة تشير الي الحادية عشر وخمسة وخمسون دقيقه
قال لها... نومي الان بعد ساعتين او ثلاثة ساعاود الاتصال بك
قالت مندهشة ... ولما
همس وبصوت خافض ... صوتك اجمل لما تصحي من النوم يا حبيبتي
قفلت الموبايل وراحت عليها نومه طويله
كان هنالك عرض من شركة سوداني المحادثات بعد الساعة 12 مجانا سهر يتحدث مع الثانية حتي الفجر

أحد الأصدقاء حكى لي أنه شاهد منذ سنوات إعلانا في إحدى فضائيات اليمن ينادي : (إركــب اليمنية). . (إركــب اليمنية).
منذ أن شاهد ذلك الإعلان وصديقنا هذا..
إن كان قادماً للخرطوم بخط صنعاء، أو بخط جدة ، أو بـ "خط هيثرو" ، أو حتى بخط ويلينغتون..
فهو لا يركب غير اليمنية ولا يبدلها بغيرها..
انطباعه عنها أن تكلفتها بسيطة، و "مقاعدها مريحة"
وهو دائماً يركبها و "يمضغ" ..

...
..
.
ملاحظة أخي عباس: هذه المشاركة انزلتها ببراءة في بوست الأخ زهير عن (طيران الشرق الأوسط "اللبنانية") وبعد أن أعدت قراءتها هناك وجدت أنها لا تصلح إلا هنا.

تحياتي،

قال لها
قولي لي الكلمة حتي استرد روحي
فقالتها
ومات فرحا

Quote: انطباعه عنها أن تكلفتها بسيطة، و "مقاعدها مريحة" وهو دائماً يركبها و "يمضغ" ..

الصادق سلام وتحية
مباااااااااااااااااااااااااااالغة

Quote: قال لها قولي لي الكلمة حتي استرد روحي فقالتها ومات فرحا

شورت شنو يا حبيبنا ودابوسن كده دخلتنا في حق حمامات السباحة

في جلسة رومانسيه وهي تحادثه قالت له ... ياخ انا بحسدك عديييييييييييييل كده
فتح فمه باندهاشه وقال لها : ليه يا بت الناس
قالت له: تقدر تطلع من بيتكم وتقابل اصحابك في اي وقت انت عايز
قال لها: والله انا البحسدك
قالت: علي شنو ؟؟؟؟
قال لها : عشان تلفونك مليان ارقام بنات

مر عام علي عيد زواجهما وكانت تنتظر منه المفاجأة عند حضوره من العمل قابلها بابتسامة ثم ضرب راسه وصاح...
الله يا حبيبتي والله نسيت اجيب ليك الهدية معاي لكن مافي مشكله اديك قروش و ل موبايلي الجديد؟؟؟
فكرت وقالت في نفسها ربما لو طلبت منه مبلغ من المال خاصة وهو بخيل سوف يعطيني بضع جنيهات لا تسمن ولا تغني عن جوع ثم قالت
اريد موبايلك الجديد.
قال لها اكتبي عندكـ ......092001

إنتظرها كثيرا فهي دائما تأتي في مثل هذا الوقت

ضايقه تأخيرها وكادت روحه أن تخرج من جسده

وأخيرا










عطس

فأنفرجت أساريره وعادت إليه روحه


ـــــــــــــــــــــــــــــــــــــــــــــــــــــــــــــــــــــــــــ

تحياتي ياخ

وجدت في هاتف زوجها رسالة من احداهن ، تجمد الدم في عروقها ثم غضبت وثارت وصاحت باعلي صوتها ((يا أنا ياهو في البيت)) وسوس لها ابليس ... هدي من روعك خليني اعمل ليك فيهو عمليه اشرب ما إروي.
قالت له: اطلع منها يا ابليس شوفني اعمل شنو !!!!
تناولت موبايل زوجها وردت علي الرسالة:
اشكرك يا عزيزتي لمراسلة زوجي لقد اتضح لي انت سر سعادته في الاونه الاخيره والوحيده التي جعلتي الامل والتفاؤل يعود اليه بعد ان فقده لقد عجزت بعد أن اخبروه الاطباء منذ فترة طويله أن لا يوجد امل لشفائه بعد اصابته بمرض الايدز الذي اصابه قبل فترة ويعاني حالة اليأس والقلق والموت البطيء.....
ارجوك لا تتوقفي عن مراسلته ،،، ارجوك عشان خاطر اسرتنا.
منذ ذلك الوقت ابليس يتابع نشاطات هذه المرأة التي اصبحت مثله الاعلي

Quote: واذكر بالخير فاطمة السنوسي اظن اسمها كده اول من كتبت قصص قصيره جدا وارجو ان لا اكون دعيا في ريادتها

الأخ عبد الحفيظ أبو سن بعد السلام
كلامك صاح بنسبة 100% عن القصة القصيرة ورائدتها الأخت فاطمة السنوسي في سبعينيات القرن الماضي. لها التحية أينما وجدت فهي زميلة ودفعة منذ الزمن الجميل.
تحياتي


كبـّاشي الصـّـافي
(العوج راي والعديل راي)

Quote: وهو يسترق النظر في شفتاها

يا عباس بعد السلام .. لأنك همشتنا لمدة طويلة فإليك هذه العكلتة عشان ما تطنشنا مرة تانية.
النظر دائماً إلى وليس في : نظر إلى شفتيها. وشفتيها مثنى مجرور بحرف الجر في أو إلى والمثنى يرفع بالألف وينصب ويجر بالياء. ههههههههههه مش فراغ بالله.
تحياتي


كبـّاشي الصـّـافي
(العوج راي والعديل راي)

قال الشيخ :
أني قد تزوجت بخفية عن زوجتي الأولى ، ولكنها أحسّت بذلك دون دليل ، وصرت كلما أثارت الموضوع
أقنعها بأن ما تتخيله وهم .

ثم اتفقت أنا وزوجتي الأخيرة على خطة لإقناعها،
ولتنفيذ الخطة ذهبت زوجتي الثانية ، إلى بيتي وقت صلاة الظهر ، وقالت لزوجتي الأولى : أريد أن أستشير الشيخ في أمراً ما..
فرّحبت بها الزوجة الأولى وقالت :
انتظريه ، فسوف يعود بعد الصلاة،
عاد الشيخ من الصلاة ، وأخبرته أن امرأة في الصالون تنتظره ، فدخل ومعه زوجته الأولى..

استمع الشيخ لما لدى المرأة من أمر يتلخص في :

أن لها زوجاً تحبه ويحببها ، ولكنها لاحظت في الأيام الأخيرة ، ما جعلها تشك أنه قد تزوج عليها وفاتحته فأنكر وأقنعها أن هذه وساوس الشيطان الذي لم يرضى الانسجام التام بيننا

وكلما أثرت الموضوع معه ، لأني لا أصبر ، أقنعني بأن ما أتوهمه بعيدا عن الحقيقة،
فقال الشيخ بعدما انتهت الزوجة الثانية من حديثها قلت لها :

اسمعي يا بنتي زوجك صادق، هذه وسوسة من وساوس الشيطان ، يقدمها أمامك إذا أراد أن يفسد بين المرء وزوجه فاستعيذي منه ، وأبعدي الشكوك من رأسك..

ثم قال :
لماذا نذهب بعيداً ، هذه زوجتي قد عشش إبليس في رأسها وأوهمها بأني متزوج ،
وكلما قدمت لها الأدلة اقتنعت ولكنه لا يتركها، ويعود إلى وسوستها ثم تعود إلى نفس الموضوع ..

وأنا أمامك الآن أقـول:
إن كان لي زوجة خارج هذه الغرفة ، فهي : ((طـالق))

فقفزت زوجته الأولى ، وقبلت ركبتيه وقالت : ما بعد هذا شيء ، سوف ادحر إبليس ، ولن أعود للشك مرةً آخرى.

مصيبة هالشيخ!!!!!
تعدى كيد الحررريم

ارسلت له زوجته في موبايله
انا احبك
فحول لها رصيدا

Quote: إنتظرها كثيرا فهي دائما تأتي في مثل هذا الوقت ضايقه تأخيرها وكادت روحه أن تخرج من جسده وأخيرا عطس فأنفرجت أساريره وعادت إليه روحه ـــــــــــــــــــــــــــــــــــــــــــــــــــــــــــــــــــــــــــ تحياتي ياخ

حبيبنا حمد سلام وتحية
‘حنا ذاتنا انفرجت اساريرنا بي متابعة ومشاركتك
تحياتي وتقديري

دخل علي زوجته فوجدها تخونه مع اخر اخرج السكين فصاح الرجل الاخر لحظه معاك الكاميرا الخفيه وضع السكين في الطاولة وغطي وجهه بيديه وهو يضحك ثم قال... حرام عليكم يا جماعة كده عشرة مرات تعملوها فيني خلال هذا الشهر

جلس أحد المساطيل تحت أحد أشجار النيم مع مجموعه من ابناء الحي وهو يستمع لتحليلات عدد من الحاضرين حول أوضاع البلاد السياسية والإقتصادية .ثم نظر اليهم واستاذنهم في الإدلاء برايه فيما يتصل باوضاع البلاد ومسارها ومستقبلها . فقال لهم :
البلد دي قصتها عاملة زي جماعة لابسين عراريق وسراويل قرروا يمشوا ليهم عزاء بعربية لوري بعد مسافة من سيرهم لجهتم المقصودة اللوري قطع سير مكنة ووجدوا ماف طريقة إلا إن واحد منهم يقوم بفك تكة السروال عشان يشغلوا بها اللوري . وكل شوية التكة الختوها محل السير تنقطع ويقوموا بفك أخري من أخر . ولما وصلوا العزاء كانوا كلهم بدون تككك .
لما نزلوا بقوا ما عارفين يمسكوا السراويل ولا يشيلوا الفاتحة ؟؟؟
ثم اعقب في القول ده بالضبط حال السودان وناسه .

كتبت له: في اخر عناق لنا نسيت ملامح وجهي علي كتفك...
كتب لها: بالغتي بوظتي لي القميص

Quote: يا عباس بعد السلام .. لأنك همشتنا لمدة طويلة فإليك هذه العكلتة عشان ما تطنشنا مرة تانية. النظر دائماً إلى وليس في : نظر إلى شفتيها. وشفتيها مثنى مجرور بحرف الجر في أو إلى والمثنى يرفع بالألف وينصب ويجر بالياء. ههههههههههه مش فراغ بالله. تحياتي

حبيبنا كباشي سلام
معقولة انت تتهمش انت في القلب
قلبتها لي حصة لغة عربية
ود الجبل قالو عايز اشتري ليهو عربية لاندكروزر في مفاوضات السعر شابكم ليك ... القروش دي كثيرة علي الانتي كروزر.... معاهو المحامي بتاعو حاول اصلح ليهو الاسم الصاح رد ليهو ... انتو قولو الاسم صاح واحنا بنركبها.
انت قايلنا صحفيين زيك احنا ناس هواه بنكتب عشان نستمتع ما ضقل بينا بالله

كانت زميلتهم بالجامعه دائما تفرض نفسها عليه وهو شاب حساس لا يستطيع ان يحرجها رغم عن شناتها ذات يوم جلست بجواره واخرج له صورتها وقالت ... ممكن اخليها معاك بس عليك الله ما تخلي زول تاني اشوفها...
قال لها : عليك الله ما تقولي لي زول بتعرفيني.....

حضر من ضمن المدعويين لحفلة الزواج التي كانت تكتظ بالمجاملين وهو واقف ينظر اليها من فترة الي اخري، وهي تنتظر مبادرته !!!
فجأة تقدم منها وقال لها : هل ترقصين
اجابته بدلال : ايوه
ثم وقفت وجلس علي مكانها ... وقال: الله اديك العافية يا بت الناس ظهري اتكسر من الوقفه وكرعي بردن

ماهو الضغط:
تركب ليك امجاد و ل تكسي تكون معاك بت حلوة باسطه فجأة يغمي عليها وتتكبكب توديها المستشفي.
الدكتور اقول ليك مبروك مرتك حامل !!!
الناس الجمبك إشبكوك مبروك ... مبروك... مبروك وانت تمعط في شعرك وتكورك يا جماعه عليكم الله الهدؤ انا ما ابو الولد.
تنط البت الحلوة تقول ليهم : والله العظيم ده الأبو...
هنا تلقي ضغطك بدأ ارتفع....
تجيك فكره: خلاس يا جماعه نعمل تحليل
والوقت داك البت تصر انك الاب
الضغط عندك ارتفع لدجة عالية
بعد التحاليل الدكتور اقول ليكك مستحيل تكون انت الاب لانك عقيم!!!!
ضغطك مرتفع حقو ترتاح شويه.
انت راجع اليت تتذكر عندك اربعه اطفال... منو اوبهم ؟؟؟؟؟؟
كده الضغط بكون بقي مرض.

هههههه
حضرت لي فلم امريكي بنفس الفكرة
وعندي ليك نكتة
ولكنها بتجيب الهوا
وسدنه اللغه وحراس الاخلاق
وبنفس الفكرة

Quote: هههههه حضرت لي فلم امريكي بنفس الفكرة وعندي ليك نكتة ولكنها بتجيب الهوا وسدنه اللغه وحراس الاخلاق وبنفس الفكرة

ههههههههههههههههههههه

اوعك تكون بتاعت و النور طافى...

عبد اللطيف يا دفعه
ام انك ود حنوت
ياها زاتا ومعاها واحده تانيه

هو يحب البروز الامامي جدا، هذه المعلومة الحميمة؛
انتزعناها منه انتزاعا بعد ان سرى الفرح
في الدم، وانساب الكلام....
هي تحبه حدا،
ولم ياخذ اي خطوة ذات شان ولسنين...
على ابواب التخرج سالناه؟ بعد سريان الفرح،
وقد صار خفيف الروح صادقا:
يا جماعة ولكن من اين يرضع طفلنا؟

كان دائما يضرب زوجته بالمركوب لقد رأي في احدي المرات زوج يلاطف زوجته يقول لها: هل رأيتي القمر يا حبيبتي
قالت: نعم
فقال لها : انت أحلي منه.
فكر في ان يغيير حياته ويصير مثل هذا الزوج ذهب الي البيت وصاح مناديا علي زوجته يا أم فلان وينك ؟؟؟
اجابته : عايز شنو يا راجل
قال لها : شوفتي القمر
ردت له: ليه ما بشوفو قايلني زي امك العمياء و ل اختك الحوله !!!
ثم قال: أين المركوب والله ما في فايده كلو كلو

Quote: هههههه حضرت لي فلم امريكي بنفس الفكرة وعندي ليك نكتة ولكنها بتجيب الهوا وسدنه اللغه وحراس الاخلاق وبنفس الفكرة

ود ابوسن سلام وتحية
رشها بي طريقة فينة ما بتغلبك
كان غلبك رسلها في الماسنجر
تحياتي

ولد يسأل أبوه :
برج ايفل دا وين ؟؟
الاب ... ما عارف
الولد : السيراميك مصنوعه من شنو ؟؟
الاب .. ما عارف
الولد : طيب العولمه يعني شنو ؟؟
الاب : تصدق .... ما عارف ...
الولد : عندك ايميل ....؟
الاب .. لا . ما عندي ..
دخلت الام وقالت للولد :
لا تزعج ابوك خليه ينووم ..
رد الاب .... ما مشكله يااخ خلي الولد .. يستفيد ...

سلامات ..حارات ..وصادقات عباس أخوي ...لك ولجميع من حولك ومن تحب .....

يا حبيبنا ... صدقني إني أحبك ياعبس ياخ ..... وفي الله ساكت بس....وكان عجبك ....

Quote: حالق شنبو ودقنو ، شايل حواجبينو بي موس وعامل تنظيف بشرة ومكياج والشعر مصبغ بني. اقول ليك ....النظافة من الايمان.... ياخ انت ايمان ذاااااااااااااااته

طبعاً دي حاجه ما تخلص .... عجبتني لامن عرفت حاجه زاتو ....

بالجد يا عباس منذ أن قرأت مداخلاتك الأولى ...تيقنت بأن وراء الأكمة ما وراءها ....وصدق حدسي .... ولم تخيب ظني ياعبس والله.....


وحقيقة وبدون أية مجاملة أنت كاتب خطيييير ..... ولديك أسلوب جذاب وراق جداً ...تعرف كيف تأخذ بتلابيب القاريء حتى النهايه .... وفي ذلك غاية الابداع .... اسلوب السهل الممتنع كما يجب أن يطلق عليه البعض....

وكما تفضل الاخوة الكرام فأن من أصعب وأمتع أساليب الكتابة ...هو الايجاز الذي يتضمن معان كبيرة .... ولا يقدرعلى ذلك إلامن رحم ربي .....

ومن أشهر من برعوا في ذلك الفن الكاتب المصري الساخر الشهير أحمد رجب .... وكان زمان في السودان عندنا الكاتب الفذ عبد الله رجب.... وعاشور (نسيت اسمه الاول أعتقد أحمد) الصحفي المصري الشهير .... وعندو برنامج تلفزيوني ذائع الصيت اسمه (قلم رصاص) ....لاحظ الكناية الخطيرة في اسم البرنامج نفسه.....

كما يعجبني في نفس المجال ... الصحفي والشاعر الجميل الزبير سعيد ....بصحيفة الخرطوم ... صاحب عمود (أقرأ واسكت...) وأخاله ألان أحد كبار المسئولين في تلك الصحيفه ....ولا أنسى زميلنا حسين ملاسي ...رغم اختلافي معه كثيراُ ...حيث أرى فيه ....تعظيماً وتضخيماُ لذاته ...وبالعربي الليلنا كده شايف نفسو ... ومضروب فيها قلم كبير ....ويفتقد للتواضه حقاً .... ومن تواضع لله رفعه ..... (وأكيد العكس صحيح) ولكنه رغم ذلك ...وبحق يعرف كيف يوجز المواضيع ... وذو حنكة ودراية في ذلك الشأن لا ينكرها إلا مدع كذاب ....

وعشان ما أجيك كيسي فاصي ياحبيبنا ...واسمح لي أن اسميك منذ اليوم عباس (الشفيف) .... هاك القصه الحقيقية دي :... :


أتصل عليها من مهجره صباح يوم غائم شاعري جميل ...وقد فاضت به الاشواق ... وبادرها قائلاً .... والله يا (نــ ....) أنا ما عندي أي موضوع ... اتصلت عليك بس عشان أسمع صوتك العجيب ده.... فردت عليه بدلالها المعهود ....: يخص عليك يا (فلان) ... يعني ده ما موضوع ؟ .....





وإن شاء الله تسلم عباس (الشفيف ...) ياخ ....


مع كل الحب الذي تعرف؛؛؛؛

عباس
يا دسيس صباحك خير أنت وضيوفك
هاك دي :

أغار الروم على خيام العرب ذات ليلة سوداء كالحة
وأسروا البطل المغوار عنترة بن شداد العبسي
وساروا بليلهم ذاك ومعهم أسيرهم حتى بلغوا مضارب جيشهم
وعرضوا البطل الأسير علي ملكهم
وأمر الملك بسجن الأسير بعد قيده بسلاسل عظيمة
وزج بالاسير في غياهب سجونهم المظلمة
وفي يوم من الأيام أتي ابن الملك الصغير لوالده باكيا شاكيا
أبتي : لقد هنق جهازي الجديد ولا استطيع الدخول للفيسبوك
وأحتار المكل وحاشيته
حتى سمعوا صوتا يهتف من خلف الأسوار : أنا لها .. أنا لها
كان ذلك صوت الأسير عنترة
أستدعاه الملك إلي بلاطه
وقام عنترة بفرمتته جهاز الصبي وأضاف اليه ويندو 8
ففرح الصبي
وفرح الملك
واطلقو سراح عنترة وحملوه بهدايا قيمة فلاش ميموري 32 قيقا
وجهاز دل تطش وجلاكسي نوت ثري
وغادر عنترة الي بلاده فرحا مسرورا ....

=

أيام كانت سكك حديد السودان بخيرها، جلست إحدى المعلمات في محطة السكة حديد في الخرطوم لعدة ساعات في انتظار موعد القطار للانطلاق بها نحو مقر مدرستها في أحد أقاليم السودان . وأثناء فترة انتظارها اشترت كتاباً من تأليف المبدع (عباس الدسيس) وكيساً من الحلوى تساعدها على تزجية وقتها.

وعندما بدأت القراءة في الكتاب الذي اشترته انتبهت إلى أن هناك شابة صغيرة لا تعرفها قد جلست بجانبها واختطفت قطعة من كيس الحلوى الذي كان موضوعا بينهما. قررت أن تتجاهلها في بداية الأمر, ولكنها شعرت بالانزعاج عندما كانت تأكل الحلوى وتنظر في الساعة بينما كانت هذه الشابة تشاركها في الأكل من الكيس أيضا. حينها بدأت بالغضب فعلا ثم فكرت في نفسها قائلة " لو لم أكن امرأة متعلمة وجيدة الأخلاق لنهرت هذه المتطفلة وأبعدتها عني" وهكذا في كل مرة كانت تأكل قطعة من الحلوى كانت الشابة تمد يدها وتأكل واحدة أيضا وتستمر المحادثة المستنكرة بين أعينهما وهي متعجبة بما تفعلة، ثم ان الفتاة وبهدوء وبابتسامة خفيفة قامت باختطاف آخر قطعة من الحلوى وقسمتها الى نصفين فأعطت المعلمة نصفا بينما أكلت هي النصف الآخر.
أخذت المعلمة القطعة بسرعة وفكرت قائلة " يالها من وقـحـة كما أنها غير مؤدبة حتى أنها لم تشكرني ". بعد ذلك بلحظات سمعت صافرة القطار تؤذن ببدء الانطلاق، فجمعت أمتعتها ودخلت عربة القطار دون أن تلتفت وراءها الى المكان الذي تجلس فيه تلك السارقة الوقـحـة.

وبعدما صعدت الى القطار ونعمت بمشاهد جميلة وهي تنظر من نافذة القطار أرادت وضع كتاب (قصص شورت) الذي قاربت عل إنهائه في الحقيبة , وهنا صعقت بالكامل حيث وجدت كيس الحلوى الذي اشترته موجودا لم يمس في تلك الحقيبة .. عندها بدأت تفكر :

يا الهي لقد كان كيس الحلوى ذاك مِلكا للشابة وقد جعَلتني أشاركها به", حينها أدركت وهي متألمة بأنها هي التي كانت وقـحـة , غير مؤدبة , وسارقة أيضا.
---
كم مرة في حياتنا كنا نظن بكل ثقة ويقين بأن شيئا ما يحصل بالطريقة الصحيحة التي حكمنا عليه بها, ولكننا نكتشف متأخرين بأن ذلك لم يكن صحيحا , وكم مرة جعلنا فقد الثقة بالآخرين والتمسك بآرائنا نحكم عليهم بغير العدل بسبب آرائنا المغرورة بعيدا عن الحق والصواب.
هذا هو السبب الذي يجعلنا نفكر مرتين قبل أن نحكم على الآخرين ... دعونا دوما نعطي الآخرين آلاف الفرص قبل أن نحكم عليهم بطريقة سيئة.


منقول .. "مع بعض التصرف" من قصة بعنون (كيس الحلوى).

...
..
.

Quote: يا جماعة ولكن من اين يرضع طفلنا؟

عبدالمنعم يا صديق اخبارك
حاوة والله...................
شوف دي قريب منها


رجعت من شهر العسل وهي تجرجر زيول خيبتها حزينه منكسره تفاجأت بها اختها ثم صاحت ...وب علي وب علي مالك يا بت الناس كنتي في شهر عسل ولا بصل ؟؟؟
اجابتها وهي منحنية الراس: لما وافقت علي زواج من العجوز المكركب العمرو 75 سنة قال لي أنا مخزن لي 57 سنة كنت مفتكراه مخزن قروش.

محمد مجيدو سلام يا حبيبنا ((الاقتباس ابي اشتغل معاي))

طيب كلنا نستفيد ما الولد براهو:

من اصعب الاشياء للمرأة لما تعرف ليها شمار وما اكون عندها رصيد !!!

شاهدها من النافذة تمشي الهوينى !!!
فاندفع خارجاً كما السيل لكنه لم يجدها
فأصيب بإحباط شديد
فضرب رأسه بالجدار واسيقظ مذعوراً من شدة الألم.

خرجت من العمل الي بيتها وجدت زحمة المواصلات وبصعوبه تحصلت علي مقعد لسؤ حظها كانت تضع قروشها في الستيانه كعادة غالبية البنات سرقت منها فذهبت للشرطه تشتكي.
سألها الضابط: كنتي خاته قروشك وين
اجابته : في الستيانه
قال لها: الم تشعري بالحرامي وهو يسرقك
قالت: والله العظيم ما كنت متوقعه حرامي

بعدما وضعا شنط الحديد علي رف عربة القطار في الدرجة الثانية
جلسا متقابلين وكلاهما ينظر الي ساحة محطة السكة حديد عبر النافذة التي بقربة
وانطلقا يناقشان امر النقلية الي مكتب البريد الجديد، يعلقان علي ما يشاهدان في ساحة المحطة
ولم يلاحظا وصول رجل كبير في السن ومعه فتاة فبادر بالسلام ومع التفاتهما لرد التحية
واثناء الرد علي السلام قام احدها بطريقة عفوية وجلس بالقرب من زميله
وبعد جلوس الفتاة بالقرب من الشباك، بداء النقر بالاصابع يوصفان محاسن القتاة بشفرة مورس
الجبهة، العيون، الرموش، الانف ونازلين ...نقر شديد
اول ما وصلوا للصدر،،
نقر لهم الرجل بعنف كفاية تادبوا ولما شاف ما اصابهما من دهشة والحيرة والخجل
نقر لهما معاش من سلاح الاشارة

Quote: سلامات ..حارات ..وصادقات عباس أخوي ...لك ولجميع من حولك ومن تحب ..... يا حبيبنا ... صدقني إني أحبك ياعبس ياخ ..... وفي الله ساكت بس....وكان عجبك ....

حبيبنا ادريس محمد ابراهيم سلام وتحية
القلوب شواهد ...
ابادلك المحبه الصادقة والتقدير والتجلة
سعيد جدا بمتابعتك والسعادة التي لا توصف مرافقتك لنا بالمفترع احنا لاقيين زول زيك اعجبنا وافوت عجبنا ذاتو يا حبيبنا
اتمني ان يدوم التواصل بيننا والصداقة والمحبه ،،، مع اكيد تحياتي وتقديري

Quote: عباس يا دسيس صباحك خير أنت وضيوفك

جمال عبدالناصر
سلام يا حبيبنا اخبارك وحمدلله علي السلامة
مشتاقين والله
تحياتي وتقديري

Quote: منقول .. "مع بعض التصرف" من قصة بعنون (كيس الحلوى).

الصادق عبدالله اخبار يا حبيبنا
كيس حلاوة شنو !!! دي شياله حلاوة ((البختوها في العيد ما بتاعت الشعر))
تحياتي

Quote: شاهدها من النافذة تمشي الهوينى !!! فاندفع خارجاً كما السيل لكنه لم يجدها فأصيب بإحباط شديد فضرب رأسه بالجدار واسيقظ مذعوراً من شدة الألم.

بدرالدين سلام
حلوة.......... نص كم
تحياتي وتقديري

Quote: بعدما وضعا شنط الحديد علي رف عربة القطار في الدرجة الثانية جلسا متقابلين وكلاهما ينظر الي ساحة محطة السكة حديد عبر النافذة التي بقربة وانطلقا يناقشان امر النقلية الي مكتب البريد الجديد، يعلقان علي ما يشاهدان في ساحة المحطة ولم يلاحظا وصول رجل كبير في السن ومعه فتاة فبادر بالسلام ومع التفاتهما لرد التحية واثناء الرد علي السلام قام احدها بطريقة عفوية وجلس بالقرب من زميله وبعد جلوس الفتاة بالقرب من الشباك، بداء النقر بالاصابع يوصفان محاسن القتاة بشفرة مورس الجبهة، العيون، الرموش، الانف ونازلين ...نقر شديد اول ما وصلوا للصدر،، نقر لهم الرجل بعنف كفاية تادبوا ولما شاف ما اصابهما من دهشة والحيرة والخجل نقر لهما معاش من سلاح الاشارة

ابوالزفت سلام يا حبيبنا
بتاعت سلاح الاشارة والجيش عجبتني
ياها ذاتا بتاعت شوفنا القمر شوفناهو
تحياتي يا الحبيب

انتزعت علبة السجاير من يده واخرجت واحده لكي تشعلها قائله له حبيبي عايزه اقتل نفسي زي ما انت بتقتل نفسك بالتدخين.
امسك يدها وعيناه مليئة بالدموع وقال:
لااااااااااااااااااا أرجوكي
قالت له لهذه الدرجة بتحبني ؟؟؟
يا شيخه علبة السجاير بقت بي خمة قروش كمان عايزة تشاريكنا في التدخين من وين نجيب ليك قروش

كان الزوجان نائمين على السرير وكان الضوء خافتاً جداً وموسيقى التلفاز على الهدوء
وفجأة شعرت الزوجة بزوجها وهو يلامسها بطرق لم تعهدها منه من قبل إلا عندما كانوا في بداية علاقتهما الزوجية
فكان الزوج يدغدغها ويمر بأصابعه على رقبتها
كما كان يشعرها بلمسات صغيرة على ظهرها
ثم مداعباً لكتفيها والرقبة
وكان يمرر يده ببطء إلى أسفل بطنها
وشرع بعد ذلك بوضع يده على ذراعها الأيسر الداخلي
واستمر في ذلك الى جانبها الآخر ونزولا إلى ساقها
ثم مضى حتى فخذها وتوقف عند أعلى ساقها وتابع في نفس الطريقة على الجانب الآخر
ثم توقف فجأة وانقلب لمشاهدة التلفزيون
إلا انها شعرت بلطف مداعبته
وسألت في صوت يخفقه الحب
كان هذا رائعا جدا ً, لماذا توقفت فقال:
لقيت الريموت ... خلاص اتخمدي ....

مجيدو
لا
ياخ
ليه بس
هههههه

Quote: لقيت الريموت ... خلاص اتخمدي ....

حبيبنا مجيدو سلام وتحية
رشيتها يا الحبيب....
امسك يا ودابوسن قول واحد ،،،
هاك دي حنينه


قمة الاحباط ،،،،،،،،،،،،
تكون راكب مع المدام في العربية تقول ليها نكته تنتظر ضحكتها !!!!
فجأة تقول ليك: اللفة الجاية خش يمين ما تفوتنا دخلت السوق

يا عبس يااااا
آي صحي والله
ما تفوتها دخلت السوق الأهم من كلامك حق السوغار ده ,,
وما تشوف من الفلم البتحضر فيهو إلا النسوان
صباح الخير

Quote: يا عبس يااااا آي صحي والله ما تفوتها دخلت السوق الأهم من كلامك حق السوغار ده ,, وما تشوف من الفلم البتحضر فيهو إلا النسوان صباح الخير

ودابوسن
غايتو مجيدو لو باريناهو المرأة بطلقنا
اخبارك يا شيخ العرب

رفعت صورتها الجميلة علي الفيس بوك ..........
انهالت عليها عشرات اللايكات والتعليقات من الشباب !!!!
كتب لها احد الشباب (( بعد عملية التجميل والكريمات الفي وشك اصلحتي كثير)) ؟؟
مئات لايك وتعليق كلهم بنات ...عالم حواء غريب!!!

قالت ليهو... ليه طوالي أنا أطفي النور ؟
اجابها مبتسما... لانك ست البيت
ثم قالت له: لا ما عشان كده انتو الرجال ما بتحبو التعب وكسلانيين.
عرض من ابتسامته وقال لها... عشان إكون وجهك اخر ما أراهو قبل نومي مش مفتاح الكهرباء.
صدقت المسكينه !!!!!!!!!!!!!!!

هههههه
فلوينق اب

قاعد هو و حبيتو جمب البحر بالليل
وقالعين جزمهم و عايشين اللحظه
قال لي حبيبتو شايفه القمره دييييييييك .. ؟؟؟
قالت ليهو بكل خجل... ايوه ...
قال ليها اقسم بالله حتكون ريحه جزمتك واصلاها

Quote: هههههه فلوينق اب

ودابوسن سلام
عاجزين عن الشكر للمتابعه
كلك زوق
تحياتي وتقديري

Quote: محمد مجيدو

سلام يا وجيه طيب امسك .....




يستعطفها ... ما تقولي أنا عندي رصيد في البنك وعربية وبيت ومشروع استثماري مثل صاحبي أحمد أنا زول يادوبك في بداية الطريق وما عندي شيء ...
نظرت اليه وترورقت عينيها الجميلتين بالدموع ثم احتضنته وقالت:
طيب منتظر شنو ما تعرفني بي صاحبك أحمد !!!!!

الأستاذ :أزيك يا الريح الشين
الريح: يضحك ساخرا، هسي عليك الله الشين فينا منو؟ أبسن يضحك على أبسنين !!
الأستاذ: نعم أنا شين وما ناكر: بس أنا دكتور، وعندي عربية جديدة، وباني بيت فخم في أرقى أحياء العاصمة وعندي زوجة ملكة جمال، لكن إنت شناتك شن طعمها؟أنت لم تزل طالبا!
الريح: صدقت يا أستاذ وفعلا شناة لشناة تفرق !

مسك يد زوجته وقال لها رأيك شنو نرجع زي زمان؟
كادت تطير من الفرح وسألته بدلال كيف؟
فأجاب لا تعرفيني والا اعرفك!!!!!!!!!!!!

الأم: يا ولدي كان ما جيت شفت مرتك وأولادك ما عافية عليك وماك ولدي
الولد: يا أمي لكن ظروف الغربة اللئيمة هي الحامياني ما أجي لأولادي
الأم بحزم : خلاص يا ولدي كان ظروفك ما سمحة شن مقعدك في بلاد الغربة دق خروج نهائي وتعال راجع لأولادك
أثر كلام الأم في ولدها ومن ثم اتخذ قراره بالعودة فورا . حزم عفشه وقال في نفسه معلون أبوك يا غربة
وصل الولد ووجد أمه في انتظاره فأسرع نحوها معانقا وقبل رأسها في شوق ولهفة والدموع بللت خديه.
ثم سلم على أولاده بشوق وحنية وسار ببطء نحو زوجته ومد لها يده ببرود وفتور. غضبت الأم وقالت : دا سلام شنو يا ولدي؟ سلم على مرتك زي الناس، فسلم عليها لكن سلامه لم يرق لها فقالت وهي غاضبة: أقلد مرتك فقلدها بارتباك، قالت : ضمها عليك. تردد الولد ، فنهرته قلت ليك ضمها عليك فضمها وهو يتصبب عرقا. قالت : أديها "قدوم" إنهار الولد تماما فصاحت فيه قلت ليك أديها قدوم، فقبل الولد زوجته وكاد الخجل أن يفتك به.
قالت الأم: يا الله شوف خدود مرتك كيف وردن وفرهدن. إنت قايل شنو يا ولدي أصلو نفس ( بفتح النون والسين) الراجل للمره ( المرأة) متل الموية للخدار (الخضار)، ما شفت الخدار كيفن بفرهد لامن يرشوه بالموية.

قمة القناعه....
يا زول مبروك الخطوبه..
الله ابارك فيك أنا عارفها ما جميله بس لو قعدته معاها تكتشف جمال روحها
-------------------------------------------------------------------------
قمة التوتر ...........
تكون ضيف علي ناس تدخل حمام بيتم تلقي الباب قفلو بايظ ويدك ما بتحصلو !!!!
ومنتظر الهجمة المرتدة ،،،،

Quote: إسحاق بله الأمين أبوالزفت

الاعزاء إسحاق بله الأمين - ابوالزفت
شاكر ومقدر للمساهمات الثرة في المفترع
تحياتي وتقديري

تقاعد جراح القلب عن العمل في المستشفي تكريما له علقت بالحائط صورته في قلب كبير.
ضحك زميله دكتور البواسير
سأله: ليه بتضحك يا زول
قال له: أنا بنزل المعاش الشهر الجاي

تحياتي اخي عباس بوست روعة

Quote: قمة التوتر ........... تكون ضيف علي ناس تدخل حمام بيتم تلقي الباب قفلو بايظ ويدك ما بتحصلو !!!! ومنتظر الهجمة المرتدة ،،،،

وكيف بتاعت زمن الجنب باب الشارع وما فيها باب
تكح كان زول طالع الشارع ولا داخل
قمت التوتر

Quote: تحياتي اخي عباس بوست روعة وكيف بتاعت زمن الجنب باب الشارع وما فيها باب تكح كان زول طالع الشارع ولا داخل قمت التوتر

حمزه سيف الشريف سلام يا حبيبنا
شاكر ومقدر للماتابعة
الجمب الشراع خليهو الزول لو جات غنماية بتجهجهك وخاصة نوع الغنماية البتكابس
تحياتي وتقدرير

بجمعية العلاقات الاسريه بالحي سأل محاضر النساء المتزوجات.
اخر مرة قلتي لي زوجك بحبك متين ؟؟؟
الاجابة: ما بنتذكر والله !!!!
طلب من كل واحده إرسال رسالة لزوجها ((احبك يا زوجي العزيز)) ثم تقرأ الرد من زوجها.
فكانت الردود...
يا ساتر في شنو يا أمراة
بسم الله ضربك قطر
تقصدي شنو ا يا زوله المرة دي بفوتا ليك لكن تاني تعرفي براك
انا ما فاضي ليك عايزة شنو اجيبو ليك معاي
اوعي تكوني مشيتي علي باقي السجارة القارصة تحت الدولاب
والله ما تقولي لي الرسالة موديها لي منو الي اطلقك بي الثلاثة
اخر واحد.... لو سمحتي معاي منو !!!!
-
-
الاخير قايلها رسالة طاشة عايز امشي لي قدام ويكب الحنان

حكوة سياسية قديمة لكنها مفيدة.
بعد إنقلاب عبود واعتقال كل كبار الساسة – الله يرحمهم- الأزهري – المحجوب – زروق- المرضي – عبد الرحمن النور – عبد الخالق، تمكن الأمير عبد الله عبد الرحمن نقد الله من الإختفاء – شفتوا يا الشيوعية برضو نحن ناس حزب الأمة بنعرف نختفي من قبلكم، يعني نحن الرواد- سافر الأمير إلى مصر بالقطار من الخرطوم.
ركب في القمرة مع شابين في طريقهما إلى مصر أيضاً عشان يشوفوا شبابهم كما قالا لاحقاً. بدأ الشابان يتحدثان باللغة الإنجليزية رحمها الله،عندما كان خريج المدرسة الوسطى – قلت الوسطى ولم أقل المتوسطة- يتحدث الإنجليزية بطلاقة. كانا يتحدثان عن الرجل الشايب دا ماشي مصر يسوي شنو؟ قال صاحبه: ماشي يشوف شبابه زينا كدا. وعلى هذا المنوال دار حديثهما عن الرجل الشايب. بعد وصولهم حلفا القديمة ركبوا معه في نفس القمرة بالباخرة. ومنها في اسوان تحولوا لنفس القمرة في القطار المصري المتجه إلى القاهرة.
عندها فاجأهم: ياعيالي بتقطعوا فيني بالإنجليزية ليه؟ كذبا عليه وقالا: لا ياعم كنا بنتكلم في مواضيع خاصة بنا. أفحمهما عندما قال لهما: أنا عبد الله عبد الرحمن نقد الله وزير الداخلية قبل إنقلاب عبود وخريج كلية غردون. فأُسقط في أيديهما.
تحياتي.

كبـّاشي الصـّـافي
(العوج راي والعديل راي)

سلام لصاحب البوست والجماعة الجو معاة كلهم بدون فرز .
وسلام خاص جدا جدا ومعاة صفقة للرايع مجيب ياخى روعة .

شكرا يا أحمد النور ....

تعال لي في البوست حقنا .. تجد ما يسركم ....


قــنــقــلــيــزيــــــات ........ ( كــــوكـــتــيــــــــــل ) !!!!!!!!!

تحياتي ,,,

الحبيب عباس الدسيس متعك الله بالصحة والعافية ..
بوستك جميل كالعادة ..
حبيت أشارك معاك ..

************

كانت (علوية) سريعة الغضب بطبعها الحامي ونفسها القصير، وكان زوجها (كامل) هادي الطبع أميل ما يكون للبرود وعدم المبالاة، ولذلك كانت (علوية) ما أن تؤجج نار الشكلة بينهما حتى يصب عليها (كامل) الماء البارد بلا مبالاته المغيظة، مما يشعرها بالكبت فتندفع في محاولة تصعيد المشكلة، لعلها تفلح في جره معها للشكل والتنفيس عما بها ، لذلك عندما لاحقته بكترة الكلام في ذات شكلة، فكر في الخروج من البيت هربا من النقة فلاحقته حتى الباب وهي تصيح خلفه:
ما ترد علي .. مخليني أهوهو زي ال######ة مالك؟ .. طبعا ما معتبرني بني آدم زيك ....
وعندما فتح الباب وخرج دون أن يلتفت إليها صاحت فيه:
خليك عارف يا كامل .. لو طلعتا .. ما حا تجي تلقاني قاعدة ليك في البيت ده .. ترسل لي ورقتي في بيت أبوي.
ما إن أغلق الباب وراءه حتى إنفجرت في البكاء، ومع إنحسار نوبة البكاء كانت قد وصلت لقناعة بأنه لا يأخذ تهديداتها على محمل الجد، لأنها دائما ما تهدده بترك البيت ثم لا تفعل .. إنتصبت واقفة وجمعت ثيابها وحاجياتها في (هاند باك) بسرعة .. وتركت له رسالة لطختها بدموعها تخبره فيها عن إستحالة العيش بينهم وتطلب منه الطلاق ثم وضعتها في مكان بارز على التسريحة وخرجت من البيت.
ركبت الحافلة وهي تعاني من تنازع شديد طوال الطريق لبيت أهلها، فقد أحست بشئ من الندم على تهورها وخافت من تبعات تصعيد الشكلة بتدخل أسرتها في الموضوع .. سرحت مع أفكارها في محاولة لتصور ردة فعل (كامل) عندما يعود للبيت ويجدها قد نفذت تهديدها وتركته .. حدثها قلبها بأنه سوف يحزن ويكتئب لفراقها ولكن شيطانها صوّر لها سعادته الغامرة بتخلصه منها، وتراءى لها وهو يضحك سعيدا بحريته .. فرقت بأصابعها للكمساري - عندما وصلت بأفكارها لتلك المحصلة - لكي تنزل .. وعادت بالحافلة العائدة على نفس الخط وهي تجاهد في إقناع نفسها بعدم (نخّتها) عن الزعلة، فكل الحكاية أنها تريد أن ترى ردة فعله على مغادرتها البيت عند عودته .. جلست تنتظر على نار حتى سمعت صوت مفتاحه يفتح الباب فأسرعت بالنزول للأرض وحشرت نفسها تحت السرير وإنتظرت.
من مكمنها تحت السرير راقبته عندما دخل وقرأ الرسالة ثم تعالى صوته وهو يصفر ويدندن لحن أغنيته المفضلة .. قلب الرسالة بعد أن أتم قراءتها وكتب على ظهرها بضعة كلمات، ثم فتح الدولاب وأخرج ملابسه ودخل الحمام دون أن يتوقف عن الدندنة والصفارة .. ظلت في مكمنها تتقلب في نار الغيظ من لا مبالاته، وفضلت الإنتظار حتى خرج من الحمام حيث حمل الموبايل واضجع على السرير .. سمعته يضحك وهو يضرب موعدا مع أحدهم ويدعوه لقضاء الأمسية معا ويختم مكالمته بالقول:
أيوه .. الليلة مسجون وأنفكا .. السهرة صبّاحي .. أيوة غارت مشت بيت أهلا .. ربنا ريحني منها .. يلا خلاص نتقابل بعد نص ساعة !!
كادت تنفجر غيظا وسالت دمعاتها حتى بللت الأرضية بينما إنهمك – هو - في القشرة وكبكبة العطور وتأمل نفسه في المرآة بسعادة قبل أن يحمل مفاتيحه ويخرج.
أنتظرت حتى سمعت صوت إغلاقه للباب الخارجي واسرعت بالخروج من تحت السرير .. إندفعت لتحمل الرسالة وتقرأ ما كتبه على ظهرها .. فوجئت بأنه كتب ثلاث كلمات فقط:
بالمناسبة كرعينك ظاهرة

زولة بعد الزواج إتنقبت بعد فترة زوجها طلقها !!!
تقول رجعته اسمع الاغاني الاهداها لي زمان ما عشان اتذكرو عشان ازيد ذنوبو...
.
.
عجيب ... ابليس محتار من الفكرة الجديدة خاتي يدو في خدو ومتمحن !!!

Quote: cantona_1

سلام يا وجيه والف حمدلله علي السلامة تاني
اخبارك والاسرة الكريمية
دخلتنا في السياسة نجدع ليك واحدة صغيرة

التعديل الوزاري لحكومة التهب !!!!
قالو لي مسطول:
ما هي المشاعر المختطله
قال ليهم:
زول مكرهك الدنيا ومكجنو وكان ليك مراد ما تشوفو...
اقع من الطابق العاشر علي عربيتك الجديدة.

Quote: سلام لصاحب البوست والجماعة الجو معاة كلهم بدون فرز . وسلام خاص جدا جدا ومعاة صفقة للرايع مجيب ياخى روعة .

احمد النور سلام يا حبيبنا
سعيدين بي طلتك
وتحياتنا معاك للمخضرم مجيدو
تقديري واحترامي

Quote: بالمناسبة كرعينك ظاهرة

هشام عبادي سلام يا حبيبنا
قوية !!!!
مشيت مع القصة كنت متخيل درب تاتني
الروعه فيها حكاية الكرعيين
تحياتي وتقديري

حكاية حزينه
أعد في الايام لي عيد ميلادي منتظرو بفارق الصبر !!!
يوم عيد الميلاد المدام ولا عبرتني بدل تقول لي عيد ميلاد سعيد دخلتني في الدوام اليومي توصيل الاولاد للمدرسه.
حتي الاولاد ما فيهم واحد قال لي عيد ميلاد سعيد !!!
مشيت المكتب الزملاء ولا واحد فيهم بارك لي عيد الميلاد
قابلتني السكرتيرة... يا سلاااااااااام قالت لي وبابتسامتها الجميلة ((كل عام وانت بخير يا استاذ)).
يا سلااااااام حسيت كاني في عالم تاني ... عزمتني علي الغذاء وبعدها اقترحت نمشي بيتها اصرت والحت ..وافقت
وصلنا بيتها قالت لي لو سمحت اغير الملابس واجيك.
قلت ليها اخدي راحتك انا منتظرك.
جات راجعه شايله في يدها كيكة عيد الميلاد مزينة بالشمع !!!
وفجأة...................... زوجتي واولادي وأهلي والزملاء في المكتب طلعو من وراها وصاحو ....مفااااااااجأة
تصدقو اتسمرت في محلي ............

تصدقو اتسمرت في محلي


يا ود الدسيس غايتو قصة عيد الميلاد دي روعة

انا لمن وصلت السطر الأخير زي الكبو فيني جردل موية ساااااقطة

انا غايتو من حسع كلمة ناس البيت بتاريخ الميلاد بتاعي وقلت ليهم ناس الشغل ح يعملوا مفاجأة ...

كدي الله حيينا


تحياتى

Quote: يا ود الدسيس غايتو قصة عيد الميلاد دي روعة انا لمن وصلت السطر الأخير زي الكبو فيني جردل موية ساااااقطة انا غايتو من حسع كلمة ناس البيت بتاريخ الميلاد بتاعي وقلت ليهم ناس الشغل ح يعملوا مفاجأة ... كدي الله حيينا تحياتى

سيف اخبارك يا حبيبنا
اهم شيء السكرتيرة ..... بالله ما تنسي
اعمل حسابك من المفاجأة مرات بتودي التوج
تحياتي

يا عبس ....
مسطول يشبه المرأة بالكره ....

المرأه في سن20 ككرةالقدم يجري خلفها22رجلا
وفي سن30 ككرةالسلة يجري خلفها10رجال
وفي سن40 ككرة البيسبول يجري خلفها رجل واحد
وفي سن50 ككرة التنس كل رجل يرميها للآخر
أما في سن 60 ككرة القولف تقذف إلى الحفرة

كانت تتمشي معه تحت رزار المطر.
يتناجيان برومانسية ثم فجأة نظر اليها من تحت نظارته التي تبللت بمياه المطر وقد ذهب المكياج عن وجهها فقال:
مصطفي بالغت ياخ دائما تخرب اللحظات السعيدة الجابك حسي شنو !!!!!

تلقاهو لسع ما كمل العشرة سنوات تجيب ليهو ايباد اقول ليك ما فيهو شريحة نت رجعو !!!
أنا كان عمري 15 سنة اشترو لي استيكه ((مساحه)) بريحة الفراوله غلبني مقاومة ريحتها واكلتها.

الدسيس وصحبه كل عام وانتم بخير

الولد قال لابوه يابا انا داير اعرس
الاب:طيب يا ولدي نمشي نعزل ليك
الولد: باستغراب تعزل لي هسة انت عزلك لأمي دا عزل

عربي اول مره يمشى القاهره
دخل بار .. وطلب من الجرسون بيره سااقطه ..
الجرسون سالو ... اجيب ليك هنكين ولا استيلا ؟؟؟
العربي قال ليهو ... انت حسي جيب البيره ....
والبنات بعدين ......

يشاور فيها:
سوف اغترب الحياة هنا بقت صعبه ؟؟
قالت سوف اقتلك إن سافرت...
قال:
الميت and#65275;‌ يموت اand#65275;‌ مرة واحدة
فكيف تقتلين من مات فيك عشق
المهم الرجل وصل السعودية والزولة تتصل خجلانه عشان إرسل المصاريف.
روعه حكاية مشورة النساء

جكسا فى خط سته
ـــــــــــــــــــــــــــــــــــ
وسوس له الشيطان
فحاول ان يفتعه بعدم الدخول
قال له
_ماعندك زمن لا للقصيره ولا للطويله
....
وس وس وس شفت كيف؟؟
عشان كده يازول أرمى وراك
.....
_مابرمى
يازول احسن ليك
....
_قلت ليك مابرمى

يازووول ابعد مابتقدر ...!!!
.
.
.
ياخ امشى وسوس لى زول تانى


دى قصص شورت

ياخ البوست ده لم اصحابي كلهم
جنهم شورتات !

الزوجه: ليه ما قلته لي ما عندك حاجة وفقران ومسجم من قبل ما تتزوجني ؟؟؟
الزوج: الوقت داك إنتي ما بتفهمي... سابحه في سماك العالي !!
اول ما شفتك اقول ليك انتي كل شيء بملكو في الدنيا.... تتضحكي لي وتغرودي في عيونك زي العويره.