فضيلي جماع يقطع نصف طريق العودة الى السودان ويقول (وبلادي وشمٌ أحملُهُ في القلب وفي الكفين)

لدى وصوله سلطنة عمان في مشروع عودته التدريجي الى الوطن استقبل الشاعر الكبير فضيلي جماع بحفاوة بالغة من كل اصدقائه السودانيين والعمانيين وعلى الرغم من انه قد اخفى خبر وصوله الا لقلة من الاصدقاء ريثما يتم ترتيب اموره في المكتب والسكن الا ان الخبر قد انتشر بين الاصدقاء ومحبي شعره وقد رحب به النادي السوداني في اجتماع لمجلس ادارته مبديا سعادة اعضاء النادي باضمام الاستاذ الشاعر الى اسرة الجالية السودانية في سلطنة عمان وقد قال الشاعر عندما سألناه عن إحساسه لدى عودته التدريجية الى الوطن -قال مبتسماً : ( أشعر بسعادة لاني قد قطعت نصف الطريق الى الوطن في مشروع عودتى التدريجية الى حضن بلادي ) ، وقال متمثلا بيت شعر من قصيدة له : ( وبلادي وشم احمله في القلب وفي الكفين)..ننشر أدناه القصيدة.

كان الوطن ..وكنت معي

.كحفيفِ النسمةِ
يدخل طيفك ذات مساء
يتنقّل هوْناً
بين رتاجِ القلب
وساحل رمشِ العينْ
يتماهَى خيطاً فضياً
يتبعثر في أرجاءِ الغرفة
شلاّلاً من نورْ
وغلالةَ ضوءٍ وشجنْ
يتنقّلُ هوْناً
يدخلُ ثمّ يعودُ
فيخلعُ عند البابِ
خيالَ الظلِّ
وينشرُ عِطراً
ليس يماثله
..في الروْعةِ إلاّ
فوْحُ عطورِ الجنّة
كنتُ وحيداً
وكنت ُأُغالِب
جمْرَ الشوْقِ إلى وطنٍ
أحمله وَشْماً في الكفّينِ
وخارطةً في القلبْ
..وأصدِّق ظنِّي
أقسمُ أنّي
كنتُ قريباً منك
ومن أحراشِ بلادي
أرخي سمعي
كان الوطنُ وكنتِ معي
في لحْنٍ طيّ شريط كاسيت
ِينداحُ فأبصرُ فيه
تضاريسَ بلادي
ِوعذاباتِ الشّعراء
وأحزانَ العشاقْ
..................
يا أنّة المجروحْ )
!( يا الرّوح فداكِ الرُّوحِْ
........................
وطيفك يسعى
بين رتاج القلبِ
وساحلِ رمش العينْ
وبلادي وشمٌ أحملُهُ
في القلبِ وفي الكفّين
..وأمدُّ يدي
لأداعِبَ خصلةَ شعرك
آهٍ .. كان اللّْيلُ معي
وكنت بعيداً عنكِ ..
وعن وطنٍ أحملُهُ
وشماً في الكفّينِ..
وخارطةً في القلبْ

جوّاً / لندن - جنيف
2007 ابريل

Quote: آهٍ .. كان اللّْيلُ معي وكنت بعيداً عنكِ .. وعن وطنٍ أحملُهُ وشماً في الكفّينِ.. وخارطةً في القلبْ

العزيز - الطيب شيقوق
تحياتي

رد الله غربة كل من يحملون
الوطن في قلوبهم وهم يحيون
في حر المهاجر والمنافي

فالمبدع ينمو في عرقه أكثر
والشاعر لا يحيا دون الناس
الذين تغنى بأحزانهم ..

نسأل الله أن يرد غربة الشاعر
فضيلي وغربة كل من فارق الوطن بلا
رغبة في الفراق .. وشكرا يا شيقوق
يالله جيب لينا الشعر المصفى عن
شوق الشاعر للوطن

Quote: نسأل الله أن يرد غربة الشاعر فضيلي وغربة كل من فارق الوطن بلا رغبة في الفراق .. وشكرا يا شيقوق يالله جيب لينا الشعر المصفى عن شوق الشاعر للوطن

التحية للشاعر فضيلي جماع والتحية لك أخي محمد عبد الجليل والتحية لكل الشرفاء
شكرا أخي الطيب شيقوق .. سؤال للشاعر.. ممكن نعرف السلاح الذى إستخدمه حتى تمكن من قطع نصف الطريق؟
أمنياتي بالتوفيق للجميع .

حباب الملكة بت القبائل
لم "أتوهط " بعد حتى اجد راحتي في الأنس عبر عالم الإنترنت. شكراً لك وللأصيل الطيب ود شيقوق وللصديق محمد المرتضى والصديق الشيخ قريب الله والبروف علي عوض يوسف والدكتو ر الطيب الزاكي والأستاذ مكي الحاج عربي وآخرين ممن لم يتركوني لحظة لزحمة الأيام الأولى ومحاولة الإستقرار. كانوا معي ليل نهار.
رداً على سؤالك ، أقول بأني مثل مئات الآلاف من أبناء وبنات وطني كنت مرغما ًعلى رحلة ال17 عاما بعيدا عن وطني رغم أن خارطة الوطن كانت معي في كل لحظة، لذا فإن محاولة العودة تدريجاً بإذن الله إلى الوطن ومحاولة أن تعرف بنتي وولداي الطريق إلى وطنهما كانت دائما في البال. من مسقط بدأت رحلة خروجي الحزين من بلادي (مكرها أخاك لا بطل !!) وإلى مسقط الخضراء أعود لعل الله يجعل ذلك سببا لعودة نهائية عندما تكمل الدائرة محيطها وينكسر القيد. أدعي بأني رجل مصاب بالوطن في مقتل..صعب على قلبي أن يسلو مكان رأيت الشمس والقمر أول مرة.
صحيح أنني - ما زلت شيئا ما - مرتبطاً ببريطانيا التي آوتني وأكرمتني ( ارتباط أبنائي بالدراسة هناك)..لكن لابد من عودة للوطن الأم. ولابد من صنعاء وإن طال السفر.

سعيد بتحيتك لي عبر الهاتف وكذلك ترحاب الأخ الصديق الزبير الشيخ الطيب بمقدمي. لكما وللأبناء محبتي وتقديري يا ملكة.

اخي العزيز محمد عبد الجليل

Quote: Quote: رد الله غربة كل من يحملون الوطن في قلوبهم وهم يحيون في حر المهاجر والمنافي فالمبدع ينمو في عرقه أكثر والشاعر لا يحيا دون الناس الذين تغنى بأحزانهم ..

صح لسانك ايها الاديب الاريب اطال الله عمرك واحييك واهديك باقة من ورود شاعرنا الفضيلي بعنوان شمس على النافذة التي يقول فيها :



علِقتْ شمسُ الصباحِ الحُلْوِ
في نافذتي
طبَعتْ قُبلَتها ورْداً
وياقوتا ..
وطارتْ ..
كان في نافذةِ القلبِ بلادي
ِوصدَى همْسِكِ كالجدول
مغسولاً بأمطارِ بلادي!
وضِفافُ الجنّة الخضراءِ
في بسمةِ أمِّي !
وهطولُ الأملِ المنشودِ
في ضحْكةِ أطفالِ بلادي!

(2)
قُمْتُ مبهوراً أغنِّي
بيْد أنِّي ..
ما تغشّاني شعاعُ الشمسِ
أو همْسُكِ
أوْ بسْمةُ أمِّي
سرقوا الشمسَ
ومِن حوْلي تنادَوْا !
بيْدَ أنِّي ..
صِرْتُ في نشْوةِ أحلامي
ومن تلقاءِ نفسي
وطناً أسعى به
عبْر المطاراتِ..المواني !
فيه ماضيَّ
ومستقبلُ أيّامي وأحْلامي
وعِشْقي وسُهادي
وبه أنتِ
وأُمِّي ..
وأساطِيرُ بلادي

الاخت الملكة بت طلحة

Quote: التحية للشاعر فضيلي جماع والتحية لك أخي محمد عبد الجليل والتحية لكل الشرفاء شكرا أخي الطيب شيقوق .. سؤال للشاعر.. ممكن نعرف السلاح الذى إستخدمه حتى تمكن من قطع نصف الطريق؟ أمنياتي بالتوفيق للجميع .

شكرا ليك يا بت البطانة - الاخ فضيلي يحييك ويبلغك انه لم يستقر حتى الان ليتسنى له الرد على سؤالك
فكوني معنا لتجدى رده عليك .

شيخ العرب
شكرا على كل ما قمت وتقوم به ايها الأخ الصديق ..وأردد قول أهلنا الطيبين : الله لا جاب يوم شكرك! كنت قبيلة بحالها يا رجل يا أصيل.
وممنوع من اليوم دا صاحبك الرطان يقول كلام سالب في حقك يا زول.

أخي و صديقي الفاضل فضيلي
دائرة كاملة و متكاملة من التحية و الاعزاز لكم....
و إن شاء الله في شارع القبة!!

الأخ الأستاذ محمد عبدالجليل
لك فائق شكري. أعجبني كلامك..وأؤكد لك أن الوجود بعيدا عن تراب الوطن وعن الأهل والأحباب لفترات طويلة قسراً لا طوعاً مدعاة للألم القاسي.
لك مودتي ايها الصديق.

سلام لك يا ود شيقوق ولشاعرنا المجيد فضيلي ..
يابختك بيهم يافضيلي ويا بختهم بيك وبأدبك لرفيع..
فضيلي اعمل حسابك الناس ديل حبهم بغرق عديييل .

العزيز محمد علي طه الملك
قلت تنصحني ، وتحذرني من حب السودانيين في سلطنة عمان:

(يابحتك بيهم يا فضيلي ويا بختهم بيك. فضيلي أعمل حسابك ، الناس ديل حبهم بغرق عديل )!!!

وصيتك جات متأخرة يا ملك..أصلي غرقت من قولة تيت !

عقبالك يا عرريب تكمل رحلة عمرك و مشوار سنينك وتملي النهر الجاف وتطلع التيمس المغرز .. اها نشوف فضيلي يمكن يسلفك شوية كلمات تكمل بيها قصة رحلة عمر ومشوار السنين ..
يعني اتلميتو بهناك وخليتو الرطان بجاي ... اها نشوف كتيبة وادي عبقر تسوي شنو معاي ... انا من هسع ما بعرف عربي والعايز يناضمني يرطن .. قال عربي وشعر قال ...

Quote: ولابد من صنعاء وإن طال السفر.

شكرا الأديب فضيلي جماع
قضيت عمرى ولم أفلح في خطوة نحو العودة
لذا كنت أسأل عن سر قطعك لنصف الطريق

Quote: انا من هسع ما بعرف عربي والعايز يناضمني يرطن .. قال عربي وشعر قال ...

أبوبكر .. عفيت منك غايتو أنا من هسع رطانية فأشهدوا
ألا أيها الركب الرطاني عرجوا
فقد أضحي هوانا رطانيا

Quote: فضيلي اعمل حسابك الناس ديل حبهم بغرق عديييل

دي بالغت فيها يا محمد على ، الراجل جانا لإزالة آثار جونو.

لكم مودتي.

الصديق محمد المرتضى حامد، الله لا جاب يوم شكرو. من فترة إقامتي أسبوعا كاملا بالفندق ومحمد المرتضى وود شيقوق والشيخ قريب الله في سباق كل يوم بالسيارات في المساء لأخذي في سياحة حول المدينة..وأخيرا خطف المرتضى عفشي وأمتعتي لأقضي فترة ضيافة أخرى بمنزله العامر قبل أن آذهب غدا الجمعة لأستقر بنزلي بإذن الله. فعلا زي ما قال الملك: ديل ناس حبهم بغرق عديل.

الصديق المهندس أبوبكر سيد احمد
لو قلبك بشلعك بس ديل نحن هنا ماسكين سيرتك. بالمناسبة كنا بنفكر كيف نزورك أنا وود شيقوق كيف نسجل ليك زيارة خاطفة (ساعات ) في دبي الشهور الجاية لو ربنا أطال العمر. لكن صدقني يا هندسة الزول دا شيخ عرب ونص وخمسة ؛ وحكايه بتاعة العكاز المضبب أيام إعصار جونو ونجدته للناس أنا بديت أصدقها. يا زول دا عربيتو البيضا الصالون خاتيها تحت تصرفي لامن خجلني (أوع تقولي التيمس والنهر الجاف يا باشمهندس ) الزول دا هنا هيييييييييييييع يملا العين لامن تدفق !

Quote: أبوبكر .. عفيت منك غايتو أنا من هسع رطانية فأشهدوا ألا أيها الركب الرطاني عرجوا فقد أضحي هوانا رطانيا

ياالف مرحب بالملكة ... اها دة امر ملكي يا ناس النهر الجاف ومجاهد الغونو ترطن وكمان تدوبي رطانة .. اها نشوف فضيلي يسوي في دي شنو بشان يساعدك ؟

Quote: لو قلبك بشلعك بس ديل نحن هنا ماسكين سيرتك. بالمناسبة كنا بنفكر كيف نزورك أنا وود شيقوق كيف نسجل ليك زيارة خاطفة (ساعات ) في دبي الشهور الجاية لو ربنا أطال العمر

شلع وبس لو ما عاصم البنا في التلفزيون كنت لحقتكم ؟؟
يافضيلي العرريب ما يغشك .. لو عايزو يجي دبي خليهو يجي من غير نطارة ومحفظة ( خصوصا لو كانت امعبدالله رسلت ليهو مصاريف الشهر يادوبك ) اصلو بحب الصرمحة في مولات ودكاكيين دبي لحد الطيارة تفوتو ...

Quote: .كحفيفِ النسمةِ يدخل طيفك ذات مساء يتنقّل هوْناً بين رتاجِ القلب وساحل رمشِ العينْ يتماهَى خيطاً فضياً يتبعثر في أرجاءِ الغرفة شلاّلاً من نورْ وغلالةَ ضوءٍ وشجنْ يتنقّلُ هوْناً يدخلُ ثمّ يعودُ فيخلعُ عند البابِ خيالَ الظلِّ وينشرُ عِطراً ليس يماثله ..في الروْعةِ إلاّ فوْحُ عطورِ الجنّة كنتُ وحيداً وكنت ُأُغالِب جمْرَ الشوْقِ إلى وطنٍ أحمله وَشْماً في الكفّينِ وخارطةً في القلبْ ..وأصدِّق ظنِّي أقسمُ أنّي كنتُ قريباً منك ومن أحراشِ بلادي أرخي سمعي كان الوطنُ وكنتِ معي في لحْنٍ طيّ شريط كاسيت ِينداحُ فأبصرُ فيه تضاريسَ بلادي ِوعذاباتِ الشّعراء وأحزانَ العشاقْ

الله ما أجمل ابداعك صديقي وأستاذي فضيلي. أمثالك لا يستحقون الغربة ولا تستحقهم أبدا. متى.. متى تعمّر ليالي كردفان الغرة، وتشرق شمسا في الخرطوم؟

Quote: اصلو بحب الصرمحة في مولات ودكاكيين دبي لحد الطيارة تفوتو ...

الزول ده لخبطني عديل بقى يشايل العربي بالرطانة - انا يا الفضيلي ما قادر افهم الكلام الفوق ده مدحا ام قدحا ؟

قال صرمحة وقال مولات - هييييييييييييييييع قلب في عولو الرطانة عديل

سلمت أيها الحبيب لي
سلمت لك
تنزلت حلمت لو بلحظة
على يديك أنجم
وكف عن دواره الفلك
حلمت لو يطوق الربيع
بالورود منزلك
سلمت أيها الجميل من لواحظ العيون
نجوت يا بديع من شوارد الظنون
حاسدين من آفة تلونت بكيد
وعلقت بقبة السماء ذيلها

سلمت لي - سلمت لك
يزفك الأصيل نغمة نديه
لبلبل صدح
غرست فرعك المديد
يا موزع الفرح
شجيرة من الحناء
تمايلت فروعها
نداوة وروعة وكبرياء
هنا الجمال غار منك
ثم حط مرغما"
لديك كل ما ملك
والنهر موجه الرقيق
هل رأيت كيف غازلك؟

ما أجملك – ما أجملك
خرجت للصباح وردة من الضياء
في طهارة الملك
سلمت لي – سلمت لك

الخرطوم ،صيف 1990

Quote: الصديق محمد المرتضى حامد، الله لا جاب يوم شكرو. من فترة إقامتي أسبوعا كاملا بالفندق ومحمد المرتضى وود شيقوق والشيخ قريب الله في سباق كل يوم بالسيارات في المساء لأخذي في سياحة حول المدينة..وأخيرا خطف المرتضى عفشي وأمتعتي لأقضي فترة ضيافة أخرى بمنزله العامر قبل أن آذهب غدا الجمعة لأستقر بنزلي بإذن الله. فعلا زي ما قال الملك: ديل ناس حبهم بغرق عديل.

حرام عليك ياالفضيلي يا امير . لا خير فينا ان لم نعز ونكرم من يقلد الحبيب هذه الدرر واللآلي:-


سلمت أيها الحبيب لي
سلمت لك
تنزلت حلمت لو بلحظة
على يديك أنجم
وكف عن دواره الفلك
حلمت لو يطوق الربيع
بالورود منزلك
سلمت أيها الجميل من لواحظ العيون
نجوت يا بديع من شوارد الظنون
حاسدين من آفة تلونت بكيد
وعلقت بقبة السماء ذيلها

سلمت لي - سلمت لك
يزفك الأصيل نغمة نديه
لبلبل صدح
غرست فرعك المديد
يا موزع الفرح
شجيرة من الحناء
تمايلت فروعها
نداوة وروعة وكبرياء
هنا الجمال غار منك
ثم حط مرغما"
لديك كل ما ملك
والنهر موجه الرقيق
هل رأيت كيف غازلك؟

ما أجملك – ما أجملك
خرجت للصباح وردة من الضياء
في طهارة الملك
سلمت لي – سلمت لك

فضيلي جماع

الخرطوم ،صيف 1990

ودشيقوق أصبحت طيب إنشاءالله.ز

وتحية للأستاذ فضيلي وهو مسكون بحب الوطن ويتحمل نيران الغربة ..

وقريب سوف نجمع شملنا بالوطن أزاح الله عنه الألم هذا الوطن ..

الود ..

المجاهد الابنوسي

كييييييييييفك

Quote: وتحية للأستاذ فضيلي وهو مسكون بحب الوطن ويتحمل نيران الغربة ..

انت عارف يا مجاهد اخوى الاستاذ فضيلي ده تتمنى يكون معاك وتستمع ليهو في اى مجال _ المهم انك تكون فنان زي اخوك كده تستتدرجه براحة للحته الانت محتاج للحكي فيها والله يمتعك بكل ضروب المعرفه .

طبعا الرطاني لو جلس مع الفضيلي سنة ما بطلع منه حاجة .

Quote: طبعا الرطاني لو جلس مع الفضيلي سنة ما بطلع منه حاجة

الخوف فضيلي بيبقى رطاني ..

الرجل الأصيل مجاهد
تعرف قبال وصولي لمسقط باسبوعين كنت في هولندا بدعوة من النادي النوبي بامستردام. منتهى الذوق والأدب والكرم. 4 أيام مرت زي الحلم. وغايتو فضل بيني وبين الرطانة سنتيمتر واحد. ياخي دي أمة حضارتها 3 آلاف سنة! ويا صاحبي ود شيقوق صديقنا الرطاني دا خلي بالك مو هين!!

Quote: طبعا الرطاني لو جلس مع الفضيلي سنة ما بطلع منه حاجة .

يا عرريب حاطلع "الرطانة " الجواهو ( وجوا كل اهل السودان ) .... قال عربي قال .... يا سراق اللبن الجاف " ذا سنتش " ؟

.. يا سراق اللبن الجاف " ذا سنتش

هههههههههههههههههههههههههههههههههههههههههههههها انت ماك نصيح خلاص علق هنا بس

Quote: هههههههههههههههههههههههههههههههههههههههههههههها انت ماك نصيح خلاص علق هنا بس

اها في ذمتك سرقة اللبن الجاف من سحارة الوالدة ما شغل سنتش ؟؟؟ اسال مولانا المرتضي ؟ قانونا دو هو ذا سنتش اكت ؟؟؟؟؟؟ مش ؟؟؟؟؟ قال عميل قال ذا سنتش

Quote: اسال مولانا المرتضي ؟

مولانا المرتضى ما بقدر بفك الشفرة دى الا يتصل بصديقة الفضيلي المقيم معه الان عشان يوريهو السحارة .

يا هندسة صاحبي شيخ العرب قال بحب لبن البودرة (الجاف)..دي فيها حاجة؟ وبعدين معقول الأستاذ محمدالمرتضى يبطل حقوق العملاء الزاحمين مكتبو صباح ومساء عشان يفصل فيما إذا كان صاحبنا شيخ العرب milk snitch ولا غير كدة؟ بالمناسبة المغرب دا كان شيخ العرب معانا في بيت المرتضى وقال مجرد زيارة للإطمئنان والمجاملة !!! أتاري كان شامي لو إشاعة !!!!!!!!

بسر دعاء فضيلى وسر خالق قاضيى الحوائج من خلقه أن يعرج بنا إلى الوطن على جنج جن سليمان أو بأسرع والحمد لله الذى جاء لكم بفضيلى من مهاجر الحضر الفرنجه إلى مرابط النعم ذات الخلق الفريد ليتفرد بينكم بصدح زهوه الفاتن من ذوات الفواتن من قصائده فله الدعاء بحياة سعيدة بينكم ويا بختكم به آل مسقط



منصور

الأديب منصور المفتاح

شكرا لك وزارتك العافية. السودانيون في هذا البلد الطيب جعلوا اسم الوطن أهزوجة عذبة في لسان كل عماني أو وافد. صدقني يا أخي أنا سعيد بوجودي بينهم.

أحسب أن الدنيا كلها الآن (عمان)

مالذي لا يعنيه (فضيلي جماع ) ؟

فضيلي جماع نحمله وشماً في القلب كما يحمل الوطن ..

أحبك يارجل ..

وأحسد آل (عمان) فقد جاءتهم نسمة من زمان جميل ..

ورجل كله قلب , وقلب كله محبة ..

محبتي ...

الرجل الثوري النظيف كمال على الزين
طوقت عنقي بأحلى الكلام. أسأل الله أن أكون عند حسن الظن. عد إلى البورد بكتاباتك الناضجة والتي تبدو أكبر من عمرك. أبادلك محبتك أيها الصديق.

Quote: صاحبنا شيخ العرب milk snitch

( بلغة الاعراب في الخليج وحيث انه شيخ عرب )" قطوة اسنتش" !!!
حاشية : قيل ان القطة عند الاعراب قطوة وكديسة وهرة وبسبس بث!!!

باشمهندس .. سلام

أنا يا دابك في مرحلة نقل العفش للسكن وأشوفو ناقص كم والسكن قريب من محلات التسوق ولا بعيد؟ والأسئلة دي شبه يومية من (وزارة الداخلية) القاعدة مع العيال في لندن. لامن أخلص من الدوشة دي واستقر بجيك راجع.
صديقك اللدود ود شيقوق اليومين دي مبسوط شديد كونك رجعت لمشاغلتو. جاني يضحك وقال لي: أعمل شنو مع الرطان أب لسانا سليط دا؟ خلا حكاية التيمس والنهر الجاف ومسك لي في حكاية اللبن الجاف!

بشيشك على شيخ العرب.

الأستاذ فضيلي:

هيا بنا نغني من الحناجر الجهيرة
للوعد أغنيات..

ما أسعدنا بعودتك أيها الصديق..دار النادي"نوّرتْ" بعودتك إليها
لتستفيء ظل شعرك الوريف من صهد الغربة وهجيرها..

أهلاً بك أيها الرائع وأنت تشدو بيننا شعراً يسكرنا حتى التلاشي في عالم الزهو المباح..


شيخ القبيلة الطيب لك الشكر على المبادرة بالترحيب بأستاذنا فضيلي جماع...


الزاكي

أعمل شنو مع الرطان أب لسانا سليط دا؟ خلا حكاية التيمس والنهر الجاف ومسك لي في حكاية اللبن الجاف!

الفضيلي

اصبر ساى انا ماشى اصوم نصف رمضان في السودان وعندى فكي كارب والله اجيك متحجب للرطاني ابو لسانا طويل ده و تاني كلما يحاول يفك كلمة ما عدل في الهواء الاسفيري ده الحجاب يلحسها ليك في السماء خليها تقع صوب ناس الحب في المنبر العام .

انت ملاحظ الرطاني اصلا ما بباري جهة الحب في المنبر العام الا محلات الهرف لكن بباينو .

الأخ الأديب الزاكي عبدالحميد
أخجلتم تواضعي بترحبكم الحار بشخصي الضعيف. أرجو أن تنقل لإخوتنا في مجلس إدارة النادي سعادتي ببادرتهم الجميلة في الترحاب بانضمامي إلى جاليتنا السودانية ذات السمعة الطيبة في هذا البلد الصديق.
قمتم بواجب الترحاب وزيادة. وأسأل الله تعالى أن يوفقني لأكون عند حسن الظن.

أهلاً بك أيها الرائع وأنت تشدو بيننا شعراً يسكرنا حتى التلاشي في عالم الزهو المباح..

يا الزاكي

ياخي الدرر واللآلي دى مالك حارمنا منها عد الينا لنتلاشى في عالم الزهو المباح ( انت معاك جن؟) التفاح ده شنو يا الزاكي اخوى ؟

اخوك مجتهد مع شيخ العرب وعايزو يستقر ليبحر بنا في مسرح النادى الى عالم الزهو المباح ( دى حلوة خلاص بحبها شديد)

وحياتك الزاكي جيب واحدة تاني زى العسولة دى .

العزيز ود شيقوق
تحية طيبة
حمد لله الف على السلامة
والتحية عبرك لاستاذنا الفاضل فضيلي جماع

Quote: وطيفك يسعى بين رتاج القلبِ وساحلِ رمش العينْ وبلادي وشمٌ أحملُهُ في القلبِ وفي الكفّين

شكراً استاذنا فضيلي

الاخ عبدو ود الحميد جاد الله

لك منى خالص الود يا وفي .

اخي منصور المفتاح ( شنو يعني جاى عاصر ابنصيك سايرين سااااااااااااااااااااااى لا سلام لا كلام ولا اللوم بالغفلات ؟

شكرا على طلتك الجميلة

اهديكما هذه الرائعة للاستاذ فضيلي جماع

تعْوِيذة للحبيب !
* *
نسْمةُ الفجْرِ علي أجْفانِها مرّتْ
رجمْنا بالتعاويذِ الحسودْ
وليكُنْ فجْرُ أغانينا الجديدْ
حزمةَ الضوءِ الذي..
يعرُجُ منها وإليها !
ومضةََ البرْقِِِ التي..
نبصرُ فيها ..
مطراً يغسلُنا
قدراً يحملنا..
ثمّ يذرّينا مع الرّيحِِ
فيشتدُّ صدى الإيقاعِِ
تجْفونا.. و نشتاقُ إليها !
* *
جلَستْ.. طوّقها البدْرُ
بشالٍ من ضياءْ
و على غُصْنِ يديْها
هبطتْ بعضُ الثرياتِ..
وحياها المساءْ !
خبّأ الليْلُ بعينيها
بحاراً وجزرْ
وعلى الوجه القمرْ
نامت الفتنةُ
و السِّحْرُ..
وأشتاتُ الصُّورْ !!
وطن للفنَّ في داخلِنا
وطنٌ حلّق إذْ كُنْتِ تنامين وطافْ
سامحي صبْوتنا
سامحي النّهْرَ إذا خُضْرُ الضِّفافْ
سرقتْ منْكِ الوقارْ !
وليكن طائراً يفردُ للشمسِ الجناحْ
يشدو وتراً
كمنجاتٍ عذارَى
تنفثُ اللحْنَ المباحْ
عمِّديها بالندَى يا غُرَّةَ الفجرِ
وصُونيها من العيْنِ ..
اقرئي في كفِّها
تعويذةً تحرِقُ أشواكَ الحسدْ
أطلقي الندَّ وآياتِ البخورْ
مطرُ الخيْرِِ أتاها
مطرُ الخيْرِِ لها حتّى الأبدْ

لكما منى عاطر التحايا

الغالي/ عبده عبدالحميد جادالله
تحياتك وصلت أيها الأخ الفاضل. محبتي وتقديري.

Quote: اصبر ساى انا ماشى اصوم نصف رمضان في السودان وعندى فكي كارب والله اجيك متحجب للرطاني ابو لسانا طويل ده و تاني كلما يحاول يفك كلمة ما عدل في الهواء الاسفيري ده الحجاب يلحسها ليك في السماء خليها تقع صوب ناس الحب في المنبر العام .

اها بقينا في الكجور ؟؟ ما قت عرريب لسانك فصيح وبتعرف النحو ؟؟ انت حكايتك شنو مع "الجفاف" ...نهر جاف ولبن جاف .. ياخي في اجازتك ما تجفف لينا انهار الفساد اها تكسب ثواب في خلق الله .... قال لبن جاف يا اسنتش ...

Quote: أخلص من الدوشة دي واستقر بجيك راجع.

انا الدوشة الماليها حد بتاعتي بتبدء صباح الغد ولحداشر شهر .. اخر يوم في اجازي هو اليوم ونرجع للمونة والعتالة ...لكن رغم ذلك بنقدر علي لبن جاف اسنتش

اها بقينا في الكجور ؟؟ ما قت عرريب لسانك فصيح وبتعرف النحو ؟؟ انت حكايتك شنو مع "الجفاف" ...نهر جاف ولبن جاف .. ياخي في اجازتك ما تجفف لينا انهار الفساد اها تكسب ثواب في خلق الله .... قال لبن جاف يا اسنتش ...

عليك ربك بطل حركاتك دى وامشى اقرا بوست فضيلي عن غادة نورى - الراجل ده ياخي السودان من نمولى لحلفا في حدقات عيونه مش زيكم ناس حصحصة وانتقائية لو الواحد جاى يناسبكم ساى تدقوهو فتاشة زى شوال العيش .

Quote: عليك ربك بطل حركاتك دى وامشى اقرا بوست فضيلي عن غادة نورى - الراجل ده ياخي السودان من نمولى لحلفا في حدقات عيونه مش زيكم ناس حصحصة وانتقائية لو الواحد جاى يناسبكم ساى تدقوهو فتاشة زى شوال العيش .

يا لخبات .. الدخل فضيلي في الجفاف بتاع العرريب شنو ؟؟ خلي الزول في حالو مغترب جديد ( او مستجد)( ناس انجلتيرا ما بقولو عليهم مغتربيين نحن بس الجينا صحراء تابط شرا المغتربيين .. )... نصف سكان السودان مناسبننا ( كدة شوف واحد ما عندو نسب مع النوبيين من الف سنة ..).. دة كلام يا لبن جاف اسنتش

نصف سكان السودان مناسبننا ( كدة شوف واحد ما عندو نسب مع النوبيين من الف سنة ..).. دة كلام يا لبن جاف اسنتش

امشى كده انتو ولدكم ذاتو لما يجي يسكن مع العرب في الخرطوم وينسى الرطانة كباركم هناااااااااااااااك يبكوا عليهو بالدموع لانو خلاص ضاع

قال يناسب قال

السلام ألاف ألاف كما الحمد عند ودبادى يا شيقوق سلاما يعليك ما يدليك كما كانت تقول الوالده عليها من اللطيف الرحمه ومن آل مسقط غيركم يا من لم يسقط عنكم سهوا السلام يا فاعلى الخيرات سرا وجهرة ومن جاءكم بقارى وبرمكى فهيئوا له جلس البرامكه ولك يا شيقوق ولود المرتضى ولسميه واسماء وبت فاطمه ومى أبوقصيصه وأسرهن وأسركم أنتم وجميع من نعرف صادق السلام......................


منصور

.. ومن الناس من جعل رقة الحال ، و القلب الاخضر ، و اقواس الشعر الموشى مدخلا للوطن !! هؤلاء بعض من رحِم ربي !!

وفي رحلةالصراع الطويل و البحث عن مداخل العودة للوطن ، يقول محمود درويش :

" نازل من نحلة الجرح القديم الي تفاصيل البلاد .. وقد كانت السنة انفصال البحر عن مدن الرماد .. وكنت وحدى ! و كلما آخيت عاصمة رمتنى بالحقيبة !! "

حقا لا قرار و لا راحة الا في الخرطوم !

فيا فضيلى هنيئا لك بمسقط و ناسا .. و هنيئا لهم انك صرت بينهم ! وعطفا علي قول صديق مدثر نقول : عاد الطيب شيقوق .. فعادت الينا احلي البوستات ! و مكرر قولنا و سلامنا للملكة صاحبة الاكليل .. و ود حامد النصيح حديدو ، و الشيخ قريب الله اللى رباعتو مهِل ، و زاكى النفس المحترق كاغلى العود و الصندلِ .. وسيد عيسى الما بنقاس .. و كل اولئك ممن يشملهم قول سيد عبد العزيز : ما ظن النهار العين تدورلو دليل ..

الأخ الطيب
التحية لك ولشاعرنا الفضيل فضيلي جماع ولكل ما أتحفنا من شعراً ينساب الى دواخلنا كحفيفِ النسمةِ
يدخل طيفه ذات مساء
يتنقّل هوْناً
بين رتاجِ القلب
وساحل رمشِ العينْ.


هو فخر للسودان

كل التقدير

بلدى ،،، " بالبلدى "

شديت الرحال
باريت فيافى النمة
فى ربوع البوادى والتلال .
غورت فى عمق الزمن
سايقانى احلام الخيال .
مديت افتش للمرافى الضايعة
من عمرى الموكر فى المُحال .
لميتا افراحى المدفقه
فى الدروب
والغربة لافاها الظلال .
لميتا باصابع موتره
مرة ترجع
ومرة تهرب تانى
لى حضن الزوال .
سواح أعاين فى المدن
بين الرصيف
بين الشوارع
والحوارى 00 والمَحال .
وفى عيون الحسان أسأل
لو إجابة ترد
على نص السوأل .
......
وينك انتى يا بلدى !
......
بلدى الموشحة بالتراب
لافه الغيوم زى فردة
من أرض الشمال .
بلدى البتزرع فى النجوم
أطرافا تشتل فى الهلال .
بلدى البتفرح بى الحزن
وكت الحزن فى ربوعا جال .
بلدى البترقص بالالم
فى الحارة بين اكوام عيال .
بلدى البتحفر فى السحاب
بسنونا تاكل فى الجبال .
......
وينك انتى يا بلدى !
......
بلدى البتغزل من حباب العيش
طواقى
فوقا عمه ولفحه شال .
بلدى البتكتب فى مواويل الفرح
بدموع مشتته فى الوِحال .
بلدى المسافره مع الهجير
كايسالا لى ضلا يلمها بى دلال .
كايسالا لى وترا يدندن
يمسح أحزانا الطوال .
وديها من حزمة امل
لو ترجع البسمة
اللى ماتت فى عوينات الجُهال .
......
وينك انتى يا بلدى !
......
بلدى المدمدمه بالعفاف .
كاسيها توب العزه
من الراس ولى عند النعال .
بلدى الطفوله
اللابسه طرحه
الزى اطار
لى صوره آيه من الجمال .
بلدى العروسه
اللسه ما لبست زفاف
ولا كان كحل من عينا سال .
موجوعه تحسب فى السنين
كان يوم يدق لى بابا زولا ود حلال .
مشتاقه ديك يالحنة
والزغرودة يوم تبراها
بشرة خير وفال .
.....
الفاتح الجنيد

من منا لا يحب أن يتغنى بلحن الخلود (الوطن)

الوشم الاستاذ " فضيلى جماع "

الرجل الذى يزرع الدفء بأقدامه أينما وطأت ،،،
كان فى مسقط ، وها قد عاد إليها الآن يجذبه حنين أهلها ،،،
فمن منهم هو المحظوظ ؟؟
هو يقول : أنا ،،، ومسقط كلها تقول أنا ،،،
إذن رأى الأغلبية هو الصحيح ،،،
فمرحبا به بيننا حرافا ،، وكلمة ،، وقصيدة ،، ومقال ،،،
وقبل كل هذا وذاك "إنسان"

..............

الحبيب شيقوق ،،،

دائما ما توشم حضورك بالحرف والكلمة المضيئة ، وتتواجد فى المكان المناسب ،،،
فكن دوما كذلك ،،،
فالرضاعة سهلة ،،، لكن صعب الفطام ،،،

وارقد عافية ،،،

اخي الحبيب ل منصور ود المفتاح


السلام ألاف ألاف كما الحمد عند ودبادى يا شيقوق سلاما يعليك ما يدليك كما كانت تقول الوالده عليها من اللطيف الرحمه ومن آل مسقط غيركم يا من لم يسقط عنكم سهوا السلام يا فاعلى الخيرات سرا وجهرة ومن جاءكم بقارى وبرمكى فهيئوا له جلس البرامكه ولك يا شيقوق ولود المرتضى ولسميه واسماء وبت فاطمه ومى أبوقصيصه وأسرهن وأسركم أنتم وجميع من نعرف صادق السلام......................

رحم الله الوالدة اخي المنصور فكفاها ان خلّفت رجالا صناديد يضيئ وميض كلماتهم من اقاصي الدنيا ليهتدي ببريقها اهلنا التائهون في ارض البطانة

لك عميق محبتي

" نازل من نحلة الجرح القديم الي تفاصيل البلاد .. وقد كانت السنة انفصال البحر عن مدن الرماد .. وكنت وحدى ! و كلما آخيت عاصمة رمتنى بالحقيبة !! "

سبحان الله يا احمد اخوى تأمل في هذه الدنيا وتأمل ما آلت اليه حالنا صرنا نتجول تائهين في ارض الله الواسعة بعد ان ضاقت بنا المليون .

الاخت الغالية سلمى

التحية لك ولشاعرنا الفضيل فضيلي جماع ولكل ما أتحفنا من شعراً ينساب الى دواخلنا كحفيفِ النسمةِ

اليك هذا (الزهو المباح )من كلمات الاستاذ المشرق فضيلي


نسْمةُ الفجْرِ علي أجْفانِها مرّتْ
رجمْنا بالتعاويذِ الحسودْ
وليكُنْ فجْرُ أغانينا الجديدْ
حزمةَ الضوءِ الذي..
يعرُجُ منها وإليها !
ومضةََ البرْقِِِ التي..
نبصرُ فيها ..
مطراً يغسلُنا
قدراً يحملنا..
ثمّ يذرّينا مع الرّيحِِ
فيشتدُّ صدى الإيقاعِِ
تجْفونا.. و نشتاقُ إليها !
* *
جلَستْ.. طوّقها البدْرُ
بشالٍ من ضياءْ
و على غُصْنِ يديْها
هبطتْ بعضُ الثرياتِ..
وحياها المساءْ !
خبّأ الليْلُ بعينيها
بحاراً وجزرْ
وعلى الوجه القمرْ
نامت الفتنةُ
و السِّحْرُ..
وأشتاتُ الصُّورْ !!
وطن للفنَّ في داخلِنا
وطنٌ حلّق إذْ كُنْتِ تنامين وطافْ
سامحي صبْوتنا
سامحي النّهْرَ إذا خُضْرُ الضِّفافْ
سرقتْ منْكِ الوقارْ !
وليكن طائراً يفردُ للشمسِ الجناحْ
يشدو وتراً
كمنجاتٍ عذارَى
تنفثُ اللحْنَ المباحْ
عمِّديها بالندَى يا غُرَّةَ الفجرِ
وصُونيها من العيْنِ ..
اقرئي في كفِّها
تعويذةً تحرِقُ أشواكَ الحسدْ
أطلقي الندَّ وآياتِ البخورْ
مطرُ الخيْرِِ أتاها
مطرُ الخيْرِِ لها حتّى الأبدْ

الخرطوم– 1990

ابن عمي الحبيب / الفاتح الجنيد

دائما ما توشم حضورك بالحرف والكلمة المضيئة ، وتتواجد فى المكان المناسب ،،،

انها عيونكم الراضية والرضية يا الفاتح اخوى ربنا يديك العافية

لك عميق مودتي

الفنانة حقا/ سلمى صبحي
شكرا على تحيتك وكلماتك العسل.أسأل الله أن أكون عند حسن الظن.

الرجل الأصيل / طراوة

لحين من الدهر كانت أيامي شديدة العبوس - طالما أنني على قول محمود درويش الذي تكرمت أنت باقتباسه: (كلما آخيت عاصمة رمتني بالحقيبة)!! لكني أحسبني أيضامحظوظا إذ أحببت وأحبتني قلوب كثيرة حتى إنني ما فتئت فهنيئا لك. أردد قوله تعالى الحمدلله الذي سخر لنا هذا وما كنا له مقرنين وإنا إلى ربنا لمنقلبون ). عدت إلى مسقط بعد أن فارقتها إثني عشر عاماً ونيف. قابلتني الوجوه السودانية الطيبة والجميلة. ووجدت المدينة الأنيقة والهادئة توسد شعرها للجبل وتعطي خصرها لماء البحر وتنهد بصدرها إلى شمس حارقة لكن قمرا ضاحكا يعقب هجيرها فيحلو الأنس. هي مسقط كما تركتها أنت أيها الصديق..ذكروك لي بالخير وضمخوا المكان بعبق ذكريات نضرة حكاها لي عنك أحبابنا المشتركون: محمد المرتضى ، الشيخ قريب الله ، ود شيقوق وآخرون.أحبوا فيك الإنسان، فاكرم بالإنسان. من سوء بختي أنني هجرت عمان ولم تكن أنت قد وفدت إليها ثم عدت إليها وقد هجرتها أنت .

تعجبني كتاباتك في شئون الثقافة السودانية وخصوصا جانب المغني الذي كم تمنيت لو ألتقيك والدكتور الفنان احمد القرشي وصديق الموج ذات أمسية حتى أنهل من فيض علمكم في الحقيبة بالذات. لكن عشمي في الله لا ينقطع ، ولتكن المحبة خيطا نورانيا يوثق عرانا أينما كنا.

لم أتعود بعد على الملامح حولي
لم تتآلف عيناي مع كل التفاصيل و الروائح و الألوان
إلا و عاد شيطان السفر ليسكنني
عادت هواجس الغياب لتستعمر يومياتي .

و ها انا الآن .. استجيب لنداءات الريح ..
ألبي دعوة الموانئ و المطارات
أوضب حقيبتي و القليل من الذكريات

الحادية عشر صباحا ,, موعد طائرتي
سأسافر الى حيث تنساني البلاد
الى حيث لا يذكر العابرون خطاي

سيد الدار لك (مليار) تحية ولضيوفكم أمثالها مضاعفة .........
(عفى الله عن زمن الألف و المليون و بارك لنا فى عصر المليارات) ...


اسمحوا لنا بالدعوات الصادقة للشاعر المرهف و الصديق الوفى بطيب الإقامة فى داره الجديدة العامرة به و بكم ......

و أنتم أهل مسقط ، المقيمين و الذين رحلوا عنها، طابت لكم مسقط و طبتم لمسقط .....





a

الاخ شكري

طابت لكم مسقط و طبتم لمسقط .....

لك خالص الود والشكر الجزيل

يبدو انك متأثر بخطب الزعيم الازهري ؟؟؟؟؟؟؟؟؟؟؟؟؟؟؟؟

حصَـارُ الحُـلُم في كرّاسةِ طـفلة !

هل جاءكَ الخبرُ اليقينْ؟
الليلُ عاتبَ نجمةً ..
فَـضَـحَـتْ بطلعتها الظلام !
عَـبَـرَتْ تخومَ الكونِ ..
شاهدةً على فجرٍ يحنُ إلى الطلوع
فاضممْ لقلبك بذرةَ الأملِ الطريِ
خريدةً بيْن الضلوعْ !
وكُنْ تميمةَ مَنْ توسّـلَ ..
فيكَ عافيةَ الحروفِ
وحرّضوكَ على الغناءْ !
واهتفْ بوجهِ الرّيح :
إنَّ الخوفَ يزحفُ في الشوارعِ ..
حيّةً رقطاءَ تُمعِنُ في الأذى !
فاحملْ يقينك – زادَ عمرِك – لا تخفْ
عبثاً تناطح ظلَها الاشجارُ
والساعاتُ تهربُ للوراءْ !
وانشد إذا هبط المساءْ :
ياأيها الوطنُ المعبّاً في دمي
خذنى إليك ..
فتىً يعافُ موائدَ اللؤماءِ
والساعين باسمكَ
ينهبون ويقتلونْ !
بالأمسِ أمطرتِ القنابلُ
فجْر قريتنا .. هُرِعنا !
كان رهطٌ من تلاميذِ المدارسِ
يرسُمونَ على دفاترهم
مزارعَ أو حدائقَ
كانت البنتُ الصغيرة والجميلةُ
ترسمُ الحلمَ الجديدَ
لعالمٍ حلوٍ تـفـتّـق في الخيالْ
فكان في كراسة التلوينِ..
أجملَ من فراديسِ الجمالْ !
حلماً بعالمها السعيدْ
حلماً بعالمنا الجديدْ
فإذا الرّعاعُ الجنجويد..
يحاصرون حدائقَ الوردِ النضيرِ
ويشعلون النار باسمِ الله..
في فجرٍ يحنّ إلى الطلوعْ !
هل جاءك الخبر اليقين ؟
مرت خيول الغزو فوق جماجم الأطفالِ
كان الفاتحونَ بلا حياءٍ..
يرتقون رداءَ محنتهم بضوضاءِ الطبول..
وضجَة التكبير !!
لا تحزنْ،
فهذا العصر أكبر من خلافتهم!
وأجمل منه ..
أنَّ براعمَ النوّار تُزهِرُ ..
كلما داستْ خيولُ الجنْجويدِ..
عظامَ قـتلانا!!
* * *
فضيلي جماع – لندن