الى الرائع فصيلى جماع وكل مسيرى .......أفزعوناااااااااااااا

EMBED SRC=http://www.sudaneseonline.com/video/salim2.ram AUTOSTART=true LOOP=FALSE WIDTH=145 HEIGHT=55 ALIGN=CENTER>





حودى
نبينا محمد معانا
حودى الشماليه
انترى غادى

الدنيا القايطت فينا
عيال دينقا أم الديار
عيال كيلك أم زقاف
الفوله الحميرا
الميرم نوار
جهات تميش ، والدبب
ناما الغرنوق
لقاوه
أفزعونااااااااااااااااا
أنا الدلقاسم ول الفيرانى قور أبو حامد ول الفقيه محمد أبو فاطمه
خدم نقارتى
نقارتى فزع

ياتوه بخدم فوق نقارتى
وبنفش فى كوراكى

الخبر بجيكو رقيق
عيال كيلك أم زقاف
الفوله الحميرا
لقاوه البحيير
دينقا أم الديار
الميرم نوار
ناما الغرنوق
الدبب نونى

الأخ الصديق الدكتور/ ابوالقاسم قور

النقارة بخدموها لتلاتة أغراض:

(1) فرح (جيزة ، طحورة، عيد، نضر الخ....).

(2) فزع ( دواس ، حريق شب في الفرقان ، خبر شين الخ...)

(3) الضعاين سايرة ( كاسرين .. والمسار دغش الرحمن).


قول لي نقارتك ياتي في ديل؟ كن للفرح بارك للناس الفرحانين. أنا حزنان على بلد إسمو السودان لي 17 سنة ، ويوم فك الحداد عندي ما جا.

وكن للدواس العدو بالنسبة لأهلي في المجلد وألبكانات الطريتها .. العدو ماجيراني العشت معاهم واختلطت بيهم حوالي تلاتة قرون وزيادة وبعرفهم وبعرفوني زين. العدو لابد في قصور ومكيفات هوا..وما بعرف غير مداقشة الروسين. قلنا الكلام دا قبل أكتر من عشرين سنة - وإنت شاهد. قالوا علينا خونة ومتمردين! سبنا البلد وقلنا أرض الله واسعة..والخبر بجيبنو فزاعات الكريب !!!

وكن خدمتك للنقارة داير تسير دغش ..الله يستر علينا وعليك. بكاني الأنا قاعد فيه دا وحشة وغربة.. لكن سترة حال !

سلامي لبنت القبيلة أم الوليدات وللصغار.

الشاعر الفحل
فضيلى
نقارتى فزع عديل
ناس المكيفات أم توب
أكلوا الدنيا طب
دارنا باعوها
جات آفه زى جوج وماجوج
ما عندها قشه مره
أكلتنا نحن وأخونا غرانيق البحر
ياتو بخدم فى نقارتى
الخبر يا توه ما نجض

الدقم يونوه

اليوم بلكلم فوق محمد الدقم
الفارس الاصم
يوم المداته ما باللم
الدقم النمر ابو شب
أخد كوندليزا رايس
وخلى ولاد عمها ريحتهم شحم شحم

أنا يا جماعه دير الدقم

اناقلبي مفقوع منك حاااااااااااااااااااااار

بفزعك..لكن ما اليوم !! دايرك تجرب تنضرب في قفاك وبطنك زين، ولما يبقى بينك وبين الموت شبر بتلقاني أنا والدقم فاردين حرابنا الطبايق وواقفين بينك وبين الغاروا عليك. الحمدلله قلت نقارتك ما ليها علاقة باخوانا ناس ابيي. ديل ما بتجيك منهم عوجة. كن كتير بكوسوا على حقهم زي ما أي زول بكوس. الخوف من أبوندرق الجدادي !!!! ان شاالله كلامي وقع ليك ؟

فتك بالعافية !

خربت على ييى
هاى كلامكوا دا شنوه
أنا دير طبايكوا حرابكوا قبال الفازعه
وأنا كن أنضرب فى بطنى وقفاى بنضرب أكتر من الضرب الضربونى لى دا
هاى فضيلى دا خاف ما ات !
وحات سيدى الدرحمان
كن زى دا أن الاغبن
وأدل من ضهر الكومبيوتور أمشى لضهر التور
أنا دا جماعة الغلب الفينى دا
مالى أنا
مسكين ساكت شقال فى شغلى رفدونى منه
أنا أسس لى مركز كامل ...أم توب رفدتنى
فى التدريس حق التماثيل دا ..ناس المؤتمر الوطنى الماسكين المعهد ما طونى جدولى ...عشان أنا ما بقيت معاهم
سنتى دى أخوى الكبير حمدان قور مات مافى لوكات زول قال لى البركه فيك
طردونى من بيت الايجار مافى زول سعلنى
تانى يا فضيلى الا كن أبقى أم جكاكى
انضرب أكتر من دا
ها كن زى دا أنا بورم خشمى وبزعل
أم توب أكلت الدار طب

Quote: أنا الدلقاسم ول الفيرانى قور أبو حامد ول الفقيه محمد أبو فاطمه

سلام دكتور قور
الفقيه محمد أبوفاطمة هل تقصد الشيخ محمد الرقيق أبوفاطمة الذي حارب في المهدية ام اسم على اسم
مع شكري
أبوهريرة

أبوهريره ات اسمك دا أمصحيوه أم صحيوه ؟
أنا جدى الشريف محمد أبوفاطمه فقيه آخر
ما صدق المهدى
وقال دى دعوة ما صحى
وسار حط جوه الطين
جهات عديره جنوب غرب قرية أبيى
محمد الرقيق أبوفاطمه من أسرتنا
نحن الفيارين
لكن داك فكيه وحيده وجدى أنا فكيه تندل آخر
وكن قريت مذكراتى ( من التور الى الكمبيوتور بتلقى الكلام دا مكتوب)
ترى جدى محمد أبوفاطمة ذاته ولى
لا يقل فى كراماته من المهدى
الجهدية دوم يقربوا لى فريقه
البيوت كلها بتنقلب لى قناطير ...تعرف القنطور
أبو هريره ات منيناك

شكرا دكتور قور بس لانو دا جدي

أبو هريره
كن جدك الرقيق ولد أبو فاطمه
الذكر أبوسليم فى الوثيقة نمرة 30
والبايع المهدى مع الروب ول بيونق
كن دا جدك من جهة أبوك
دا معناه ات مسيرى أحمر ، فيرانى يعنى ول عمى لزم
لكن مالك صورتك وكلامك زى كلام الجلابه
ات خاف الجيلب
اندخل ليك فوق نقره وما قدر تسل رسك ولا شنوه
ات راجل ول فقيه فارس
ديرنك تجهز نفسك
أمتوب أكلت تراب جدودك

شكرا
نعم هو ذا
لكن طبعا هذا منبر عام ومفتوح وكلنا سودانيين هنا ولا نريد ان نفتح جراح القبلية

توه ات أقعد زى دا
ودما الدنيا تخرب ليك فوق راسك
ونشوفك سراب ..سراب
الثقافه الحار دى خلها
تعال أمسك تراب جدودك
مافى أى زول حامد ليك جميل واحد
أنا كن ما بخاف الكضب تقول شفتك فى أسمرا سنة 2000م
أو زول من أخوانك
كان شخصية قيادية فى حزب الامة
الزول الشفتو داك راجل ضكرر
كريم وبكتل مناك للحجاز

نعم ياهودا انا ولكن خربت لينا في رأسنا واسع جينا قعدنا فوق ام الديار الجديدة امريكا ومنتظرين الفرج وبقينا ناس كي بورد ساي ودي جبخانة الجديدة نشوف كان جابت لينا حق اهلنا في عموم السودان

الدقم ولضمى
أنا خاف السنة دى سنة موتى
الدقم زاته زعلان منا أنا
اليوم بطعن نفسى
والله العظيم
وعلى بطلاق عيينى
تحسب على عوره واحده
أنا أرضيك بالدايره
كن داير مرا أديك
كن داير مال برضيك بعجلين جضعات
كن داير الشنوه داك بسوى ليك
ها داهو أنا فرش خلقى
والناس بقولو العوره بسدوا فيها البيت .
أنا دوم كورك وخدم نقارتى الفقدتك
أم توب أكلت دارنا طب
تارى نحن قاعدين والسوسى بتاقل فوق عصاتنا
مثل الزول الماشى وخلقه مشروط لى من وره
خلاص الدنيا خربت
آفة ....درنقاس كبير ....نحن وأهلنا المونجاك اكلنا
أفزعونااااااااا

Quote: الدقم ولضمى أنا خاف السنة دى سنة موتى الدقم زاته زعلان منا أنا اليوم بطعن نفسى والله العظيم وعلى بطلاق عيينى تحسب على عوره واحده أنا أرضيك بالدايره كن داير مرا أديك كن داير مال برضيك بعجلين جضعات كن داير الشنوه داك بسوى ليك ها داهو أنا فرش خلقى والناس بقولو العوره بسدوا فيها البيت . أنا دوم كورك وخدم نقارتى الفقدتك أم توب أكلت دارنا طب تارى نحن قاعدين والسوسى بتاقل فوق عصاتنا مثل الزول الماشى وخلقه مشروط لى من وره خلاص الدنيا خربت آفة ....درنقاس كبير ....نحن وأهلنا المونجاك اكلنا أفزعونااااااااا

ضهر التُور!! ما كان اخييير؟
السرحة بين القيزان لي بحر العرب!! ما اكان اخيييير؟
كلام الحكامات المُشكارات والنُُقارة البلِم الشاي والشية وكلام البنية الجابت الفكي وخلتا الا بيرقص مردوم وخلي المحاية شوية!! الكلام دادا كلوا ما كان اخييير؟؟
وزي ما قال ليييك خالي الدكتور فضيلي جماع انحنا توا بنرااااااعي لييك ساااااكت وبعدين وكت تقول اشهد ان لا اله الا الله من كُتر الوجع الالم اها توا بنجو فوق الخيل نفزعك، والحكامات يسمعن..جأ عج!!!

هاى يا عرب الله
انا عورتى شنوه ؟
والدار الاكلتها أم توب دى دارى أنا وحيدى ؟
يا جماعة أحسبوا على عوره واحده وما تكتلونى بصمة خشمى
الناس بقولوا :اللوامه وجع بطن
الدقم ولضم
قريت كلام الباقر
ندع فضيلى ول جماع
كلامك شنوه؟
فارس زى فضيلى بسلو ممنا سلت عود ضاله فت مننا

أول مرة أعرف فضيلي جماع مسيريا
عرفته شخصيا لعقود

صوتا سودانيا

الباقر موسى

حد الله ومحمد الرسول ألله !
الباقر هنتك دى صحرمه هن جلابه ولا تعنى
كن فضيلى دا ما مسيرى بتن المسيرى ياتوه؟
كلاملك دا فسل
بتندع مننا راجل وفارس ضكر زى فضيلى
توه دى شغلتكوا اتو المثقفين
فضيلى ...قومى
فضيلى عالمى
لما فضيلى مرق من الجارده والجريده
سنة مرق السودان فضيلى بيت ماعنده
تكرموا فوق الناس
آتو جلابى كرم فضيلى ول جماع ؟؟
بتغششو فوقنا ..الفاعل تارك والحازل نال وفجو ماجو
كلمتك دى كن اليوم المسيرية سمعوها
خبرك يجبنه فزاعات الكريب
كن عاله قال فضيلى دا قومى
وقال فضيلى دا حق السودان كله
واتو الجلابه باكلوا فوق الشقلات
لوكات شغل واحد ما أديتو لى
أى من كان كرمتوا
الا فضيلى
هاى الباقر ترى انقرع
وانتر غادى

الاستاذ الباقر موسى تحيه فعلا فضيلى مشروعه وصوته مكرسا لفكره وصوره الوطن الذى يتعايش به الجميع رغم ذلك هو مسيرى له امتداد اثنى فى قبيله اخرى وفضيلى يعتز بذلك انسانيا ...
المشكله الثانيه السودان الذى يحلم به فضيلى لم يولد بعد لان عقليه المركز اوعلامه الهابط يحدثنا كثيرا عن الاغنيه الكردفانيه " رغم لانها اغنيه سودانيه" ويصنف السودانين الى اولاد بلد واولاد الغرب ودونك كتابات لمورخين الجلابه كالتجانى عامر وغيره ثم ان المثقفين الشماليين لا زالوا يسخرون من البطل المحرر الثائر ود تورشين عبدالله التعايشى باعتباره عبيطا وظالما وجاهلا وهو غير ذلك ويمجدون الذين فروا من ديارهم الى الحبشه كالمك نمر والخائن عبدالله ودسعد الذى تعامل تجاريا مع جيش كتشنر الغازى ثم ان اى انقلاب عسكرى فاشل بالسودان به عدد كبير من الغرابه يصنفونه رسميا انقلاب عنصرى وا كان غالبيته من قبائل الشمال لا يصنفون كذلك مع العلم ان انقللاب رمضان الاول على الانقلابى البشير جل افراده من الشايقيه مع ذلك لم نسمع احدا يصنفه انقلابا عنصريا ..
ختاما يا الباقر انت فنان مثل فضيلى جماع تنظر للانسان كانسان دون النظر الى عرقه ودينه وتنظر مثله الى الوطن من نمولى الى حلفا ومن الجنينه الى سواكن دقنه لكن الواقع غير ذلك الامر الذى ادى ظهور حركات مسلحه فى الهامش الجغرافى كالجنوب والغرب وجبال النوبه ...
دكتور قور محق ان السودان لم يقدم شيئا يذكر لفضيلى جماع الشاعر والمسرحى والروائى والمثقف الشريف بل حرمه من اشياء هى حق له كمواطن سودانى هل تعلم ان فضيلى كان اول لجنه الخريجين المتقدمين لوازره الخارجيه رغم ذلك لم يتم اختياره ثم انه عمل فتره اختبار بالمجلس القومى للاداب والفنون وعندما حان اوان التثبيت الوظيفى رفض قيلى احمد عمر تثبيته ونسمع عن شعراء لا تتجاوز قامتهم قدم الشاعر فضيلى جماع وشاعريته الفذه تقام لهم مهرجانات قوميه فقط لان المركز يحتفى بانتمائهم القبلى ختاما ارجو ان لا يغضب الشاعر فضيلى جماع عن حديثى هذا لانه يعيش فى مرحله الحلم وينظر الى المستقبل البعيد الذى يصبح فيه الكل سودانين حتى ان لم يعش ليرى ذلك علما انه قبل اكثر من عشره سنوات انه بشرنى ان مشكله الجنوب ستحل حضاريا لكن بعد اكثر من خسين عاما وقتها يكون هوه مقيم بجدث والتحيه للدكتور قور ول حامد " ضباح التويان" اكرم المسيريه

أحمد الامين
والله فارس ول فارس
دى النصيحة ذاتها
وبجيك راجع توه دا
الجلابه أكلو الدنيا طب خلونا

أخي الباقر موسى

سلمت أيها الصديق..أفهم ما ترمي إليه وكل كلمة كتبتها في ردي على الأخ الدكتور قور تنأى بنفسها عن ظلال القبلية. قور يستنجد بي في أمر يخص المنطقة (والمنطقة عندي حكر سوداني يسكنه كل من أراد التعايش). لكني ولدت هناك (اللو- شمال شرق ابيي ) وعشت طفولتي وصباي الباكر في مشاوير الترحال بين المجلد وأبيي و ضواحي بانتيو والميرم..رقعة تساوي بلدا أوربيا من حيث المساحة لكنها ظلت متخلفة وظلت نهبا لحرب أهلية تشعلها حكومات النخبة في الخرطوم وتشعل فتيلها العرقي على غرار الحكمة الإستعمارية (فرق تسد)!. وقفت ضد هذا السرطان المفتعل منذ زمن طويل وما زلت. انتمائي إلى منطقة سودانية ليس عيبا في حد ذاته ..العيب أن نقع اسارى العرق والقبيلة ، وهذا ما نأيت بنفسي عنه وأصررت أن يتفوق أطفالي عليه أيضا..فكبراهم وقد ختمت الجامعةوالحمدلله بتفوق في بريطانيا تعرف أنها سودانية من غرب السودان من مدينة المجلد..وحسب.

قور يتحدث عن مظلمة ألمت بالأهل هناك ..ولي فكرة كاملة عما يحدث -وهو مخطط يحدث بوعي وإدراك حكومة الخرطوم التي نجحت مذ جاءت لسدة الحكم في إشعال نار الفتن القبلية فقط في هذه الرقعة من الوطن.توظيف الناس هناك مليشيات وجنجويد!!

أخي الباقر..في آخر زيارة لي للمجلد طلبت في حفل تكريم شرفتني به المدينة أن يطلق إسما شارعين في المدينه على خالدي الذكر إبراهيم الخليفة (جعلي من المتمة لم يخلص شخص للمجلد مثلما فعل هو) والآحر باسم العم عبدالله ابوحريبة(جعلي من الجزيرة) الذي أصر أن يبقى واحدا من أبناء المنطقة حتى أخر أنفاسه . وقد حكى لي إبناه كمال ومحمد أن والدهما قال لهما: ما عافي منكم لو دفنتوني في أي مكان غير المجلد.

هذه قيم سودانية نرفض التخلي عنها لنعرة القبيلة ..وكلامي للدكتور قور هو أن الأمر لا علاقة له إلا بالفاعل الحقيقي وهو مؤسسة حكم وليس فاعل قبلي !

قاسم قور

أنت تنقرع

لماذا تصر على التصنيف القبلي؟

كما عرفت فضيلي عرفتك أنت أيضا

منذ التقينا في أروقة المسرح

لم تقل لي أنك مسيري

آخر مرة التقينا في شركة أسامة سالم

للانتاج الفني

كنت الوحيد في السودان الذي عرف لي
نفسه - وإن مازحا- بأنه جبهة

ما الذي يجعل التصينف القبلي فجأة

يعلو على كل تصنيف آخر

لفضيلي أصول قبلية من حقه أن يوفيها حقوقها في سياقاتها

ولكن الشاعر فضيلي طرح نفسه إنسانيا - فيما أزعم -

أذكر حواراته حول الأدب الروسى والأنجليزي والعربي
ودراساته عن الأدب الأفريقي

لم يطرح نفسه ويكتسب جمهوره كشيخ قبيلة

حقيقة تعرفت على آداب المسيرية من عزالدين اسماعيل
ودراسات مركز الدراسات السودانية


أخي قاسم

حتى أنت عندما عرفتك لم تقدم لي نفسك على أنك راعي العصبية المسيرية
في أول لقاء تبادلنا انشاد بعض الشعر من غرب السودان
ولكن لم ألمس مطلقا أنك تتناوله بأسلوب يسمعن بنات فلان
وإنما كان في تناولك تنبيه إلى قيمة ذلك الأدب والإهمال الذي يلقاه
وهذا تناول وجد ويجد تشجيعا مني ومن غالبية المثقفين المنصفين

لا يفوتني أن هنالك بوستات أخري في هذا البورد
تجتر فيها المداخلات بلهجات إقليمية

لم تجد مني سوى التساؤل حول دوافعها
وهل هي مرضية أم سوية

فضيلي
وأنت نفسك
قامات أسمى من ذلك

الباقر موسى

الإبن الباحث احمد الامين احمد يوسف

شكرا على الإضاءة الكريمة..والله يا احمد -وانت تعرف ذلك جيدا- لم أحاول مجرد محاولة ذات يوم أن أفرد في داخلي مساحة غبن على أهل إقليم سوداني دون سواهم. مشكلتي كما قلتها أنت في مداخلتك أعلاه أن نظرتي للوطن والمواطنة لا تخلو من تكريس النزعة المثالية..لكني أكتشف كل يوم أن التيار الغالب في تفكيرنا اليوم يتجه نحو سودان قائم على المواطنة. هنا كانت نقطة لقائي بالثائر الأممي جون قرنق دي مابيور كما تعلم وهنا سبب وقوفي حاليا ودون تحفظ مع المناصير وأهل شرق السودان إنسان دارفور.

أتفهم جدا كلام الأخ الصديق الباقر موسى ..وأعرف الباقر فنانا سودانيا تقدميا وشديد الحساسية تجاه الوعي المعرفي الفني الداعي لثقافة سودانية جامعة..لذا لم أتحسس شيئا مغايرا تجاه كلامه ولم أحمله فوق ما يحتمل. المظلمة هناك تظل أيضا هما سودانيا خالصا ودعونا ننظر إليها من هذه الزاوية ..وطبعا كل هذا لا يلغي انتماء المرء فينا للمكان الذي رأى الشمس والقمر فيه أول مرة. أنا من هناك..وفخور أنني من المجلد ..لكن سوداني قبل حصري في زاوية القبيلة الضيقة التي هي واقع نحاول تخطيه حتى نسحب آخر كروت السحر من حكومات النخبة في الخرطوم.

أخي الفنان/ الباقر

قصدت لضيق الوقت أن تقرأ تعقيبا لي على الإبن احمد الأمين - وهو لعلمك خريج لغات جامعة الخرطوم / تخصص لغة فرنسية وله كتابات وأبحاث مقدرة في الأدب الأفريقي في طريقها الآن للنشر بإذن الله. ربما شممت في كتابته هنا بعض الإندفاع الذي تمليه بالضرورة أحيانا صلة المكان والقربي والشباب..لا تشغل بالك بهذا. دعنا - وليحذو قور نفس الحذو- نكشف مؤامرات حكومات النخبة دون استثناء في الظلم الذي ألحقته بالإنسان السوداني في تلك المنطقة. أنقل مداخلتي للإبن احمد الامين لشخصك لمطالعتهاإن امكن.

أخوك/ فضيلي جماع

Quote: الإبن الباحث احمد الامين احمد يوسف شكرا على الإضاءة الكريمة..والله يا احمد -وانت تعرف ذلك جيدا- لم أحاول مجرد محاولة ذات يوم أن أفرد في داخلي مساحة غبن على أهل إقليم سوداني دون سواهم. مشكلتي كما قلتها أنت في مداخلتك أعلاه أن نظرتي للوطن والمواطنة لا تخلو من تكريس النزعة المثالية..لكني أكتشف كل يوم أن التيار الغالب في تفكيرنا اليوم يتجه نحو سودان قائم على المواطنة. هنا كانت نقطة لقائي بالثائر الأممي جون قرنق دي مابيور كما تعلم وهنا سبب وقوفي حاليا ودون تحفظ مع المناصير وأهل شرق السودان إنسان دارفور. أتفهم جدا كلام الأخ الصديق الباقر موسى ..وأعرف الباقر فنانا سودانيا تقدميا وشديد الحساسية تجاه الوعي المعرفي الفني الداعي لثقافة سودانية جامعة..لذا لم أتحسس شيئا مغايرا تجاه كلامه ولم أحمله فوق ما يحتمل. المظلمة هناك تظل أيضا هما سودانيا خالصا ودعونا ننظر إليها من هذه الزاوية ..وطبعا كل هذا لا يلغي انتماء المرء فينا للمكان الذي رأى الشمس والقمر فيه أول مرة. أنا من هناك..وفخور أنني من المجلد ..لكن سوداني قبل حصري في زاوية القبيلة الضيقة التي هي واقع نحاول تخطيه حتى نسحب آخر كروت السحر من حكومات النخبة في الخرطوم.

هاى الباقر
توه خليت فضيلى وتركبنى أنا فوق رقبتى !
أنا الدلقاسم ول قور أبوحامد معروف بقارى
والجبهة القلتها دى واحده من درانقيس وصحرمت الجلابه.
كل كائن من كان من حقو اتكلم بلغتو البلغها.
واسع انا بقول ليك ....
كن كلامك دا ديرنى أخلى دارى ...أخير ليك انقرع
الزول زاته كن داير يبقى عالمى عديل زى عالميتك دى بيبقى بالعندو
والمثل بقول : العندها مرجات أخير تصبو فوق رأسها
أنا من الله خلقنى بقارى.
صحى جيت دار الصباح ولقيت الصحرمه هنت الجلابه
وصحرمت عيال الديوم شرابين المريسه عندك دى
لكن يلزمنى جميع الأمان أنا مشيت امريكا ذاتها وقل لوهم أنا دا بقارى ما لقيت زول قال لى عينك فوق راسك
اليوم عشان كتب بلغة أهلى البلغوها تنط لى فوق رقبتى زى دا!!
اسع دا الصحرمجية حقين الجلابه شرابين المريسه يقروا كلمتك جبهة دى وينطو لى فى رقبتى
الجبهة بزيها بالموت و بالخراب والميته تقطع مصارينها....
أنا سويت شنوه ؟
أم توب أكلت درانا طب وقسموها
المجلد زاتو سمو شندى !!
وكن خدم نقارتى دير الفزع
تمسكنا واحد واحد تندعنازى دا!!
فضيلى عالمى
وفوق العالمية ذاتها
لكن سوعالى ليك
جلابة الخرطوم طردوا فضيلى ولا كو؟
وقالوا لى ات داير بالبيت شنوه ما كفاك بيوتك هنات الشعر
الباقر لا اله الا الله
ترى انقرع

قاسم

أكرر أنني اتحدث عن ظاهرة البوستات التي تجتر اللهجات المحلية

هنالك بوستات أخري بلهجات أخري من أقاليم أخري

ربما لم أتناولهم بنفس الملاحظات

لأنني معرفتي الشخصية بهم محدودة

ولكن فضيلي وأنت أيضا

أسماء معروفة بمساهماتكم الثقافية
وليس القبلية - التي يولد بها كل إنسان -

سأرجع وأحاول فهم كل مفردات مداخلتك السابقة
ولن تجرني أبدا لأتنبر لك بقبيلتي وأسرد لك سلسلة أسماء
أجدادي وتاريخهم

الباقر موسى

Quote: أخي الباقر..في آخر زيارة لي للمجلد طلبت في حفل تكريم شرفتني به المدينة أن يطلق إسما شارعان في المدينه على خالدي الذكر إبراهيم الخليفة (جعلي من المتمة لم يخلص شخص للمجلد مثلما فعل هو) والآحر باسم العم عبدالله ابوحريبة(جعلي من الجزيرة) الذي أصر أن يبقى واحدا من أبناء المنطقة حتى أخر أنفاسه . وقد حكى لي إبناه كمال ومحمد أن والدهما قال لهما: ما عافي منكم لو دفنتوني في أي مكان غير المجلد. هذه قيم سودانية نرفض التخلي عنها لنعرة القبيلة ..وكلامي للدكتور قور هو أن الأمر لا علاقة له إلا بالفاعل الحقيقي وهو مؤسسة حكم وليس فاعل قبلي !

فضيلى هو فضيلى الشاعر الانسان المرهف
جنى

العزيز جني

لي طلب قبل أن اشكرك على تعليقك الذي أخجل تواضعي..طلبي هو أن تأخذ بالك من الصبي صاحب الإبتسامة الحلوة في موقعك هنا ..أظنه ابنك أو إبن اختك او إبن أخيك. لمثل هؤلاء ينبغي أن نحني رؤوسنا خجلا حين ننزلق وراء القبيلة والعرق.

أكرر شكري لك على ما خلعته على شخصي الضعيف من شرف تقصر دونه هامتي. الوطن فوقنا جميعا. يكفي أنه يطاردني في المدن الباردات هنا وفي كل ركن يممته في غربتي حتى يعود بي إلى ثراه. أنا فخور أنني من بلد اسمه السودان.

هاى جينى
فضيلى انسانى وعالمى
لكن فضيلى له أسره و(مجتمع محلى)
دى أموركو يالجلابه تقعدوا تغشغشوا فى فضيلى
نحن اليوم فضيلى دا بنشيله
فضيلى عياله كبروا وبقوا خواجات
ات عارف فضيلى عندنا كم مثله
ات كن راجل ضكر وفارس
اسع دا تعال السودان وطالب الحومه دى بانصاف فضيلى
والله تعرد ضحى كراجات
نحن خلاص كفانا غشغاش
والديمقراطية الجات دى بتنصفنا
برتولنا بحفروا فى المجلد بصفوا فى شندى
وبياكلوا ناس الخرطوم
اليوم النار الفوقنا دا
أمى أنا
وأهل فضيلى
ما عندهم كهربه
ولا دكتور
ولا دايه
وبرميل المويه بعشرة الف جنيه
يا زول تر انقرع

الفنان التشكيلى الباقر موسى معذره مره اخرى على الازعاج انت مشكلتك ترى الوطن بصوره فنان وليس سياسى ..القبيله فى وطن متخلف حضاريا وسياسيا واخلاقيا كالسودان وغيره من الدول الافريقيه ستظل لوقت طويل قادم هى الحزب والمحرك والمدافع عن المواطن وليس الوطن القومى وهذا يزعجنى كثيرا ولعلك لاحظت فى الانتخابات 1986 ا التفات بعض الاحزاب الضعيفه جماهيريافى الاقاليم كالحزب الشيوعى عندما استفاد من وعى وسطوه القبيله فى ادخال اثنان من كوادرهما الى الجمعيه التاسيسيه هم منصور العجب ومرشح حلفاوى اسمه محمد صالح وقد نبه حكيم افريقيا نكواكى نكروما قديما الى ذلك عندما صرح فى خوتتيم هزيمه مشروعه الوطنى الى ان القبيله هى الحزب السياسى الافريقى وهذا مر مؤسف لى ...

الباقر
أنا كتبت بلغتى البلغوها أهلى
لغة البقاره
أنا سعلتك
أنا قلت فى آفة أكلت دارنا
والجلابه ترى ما قبيله
اسع ذاتك هم بضحكوا عليك عشان مثقف ساكت
فى زول بقدر بقول كلمه فى ثقافتك
من الله خلقنا لقيناك بتكاتل فوق الدرب هنا الثقافه
والجلابه بضحكوا عليك ساكت
لما تقع كشلنق .
أنا حريص على بيتى وشخصيتى
وكن كل زول ما بقى هو نفسو محترم لمحليتو
العالم بتلخبط
زى اللخبطة هن ناس الخرطوم
أى زول ما بقى زيهم طردوا
أنا مولود فى منطقة أبيى
أقرب انسان لى أهلى عيال مونجانق
يجى زول من دار صباح ويقول الدار دى دار هو
وكل اسم حله يغيروا
يا جماعة ...ات يالباقر كن ما أنصفتنى تانى البنصفنى آتو
المثل بقول : النصيحه عرديب

قاسم

النصيحة أمر من العرديب
في شايقية طلعوا لينا حميد شايقي
وأنت هسه داير تطلع لينا فضيلي مسير وبس
وبعد شوية محجوب شايقي
والطيب صالح بديري

البفضل شنو

يعني السودان انتهى
وكل قبيلة تشيل شليتها

بداية بهذا البورد
البقت فيهو بوستات باللهجات المحلية
والبقية يمتنعون

عليك الله يا د. قاسم خلى الحركات دي
صحي عندك قبيلة ومن حقك أو واجبك تديها حقها في محلها
لكنك أصبحت من سكنت في داخليات معهد الموسيقي
من قبيلة المثقفين
وبقي ليك خشم بيت في مدارس النقد
وجبت دكتوراه بمناهج البحث العلمي
ويمكن تكون عملت ليك أولاد
ينتسبوا لي مدرستك النقدية

في مثل إنو اللبن ما برجع في الشطر
بعد دا كلو
كان داير ترجع بقاري ساي
ما بتقدر

الباقر موسى

Quote: فضيلى انسانى وعالمى لكن فضيلى له أسره و(مجتمع محلى) دى أموركو يالجلابه تقعدوا تغشغشوا فى فضيلى نحن اليوم فضيلى دا بنشيله فضيلى عياله كبروا وبقوا خواجات ات عارف فضيلى عندنا كم مثله ات كن راجل ضكر وفارس اسع دا تعال السودان وطالب الحومه دى بانصاف فضيلى والله تعرد ضحى كراجات نحن خلاص كفانا غشغاش والديمقراطية الجات دى بتنصفنا برتولنا بحفروا فى المجلد بصفوا فى شندى وبياكلوا ناس الخرطوم اليوم النار الفوقنا دا أمى أنا وأهل فضيلى ما عندهم كهربه ولا دكتور ولا دايه وبرميل المويه بعشرة الف جنيه يا زول تر انقرع

الأمر لله فيك يا بلد ..
في جنس ده الكلام الني ..
منو البيغش فضيلي يا أخونا قاسم ؟؟ هسع عليك الله متل كلامك ده ما بتخجل منه ؟؟
إنتو يا ناس الدايرين تسوهو في بلد السجم و الرماد دي شنو أكتر من كده ؟
داير منو يقول ليك إنه نفس شكيتك الفوق دي و تحتها خط يا شيخنا الدكتور بيقولها أوهاج شرقا و شريف شمالا و منوت جنوبا و إسحق غربا و العبيد في الوسط !!
آفتنا المركز و السلطان الجاير و عواطل النوايا و هوان البلد و اللوثات الجهوية و الفئوية و الآيدلوجية و العقائدية و الجن الكلكي في دورانية الشيطان البتزيد مليون مرة من جنس كلامك ده ..
ياخي شينة إنكسارة المثقف ..
و شينة و ما بتتشكر جهوية المثقف الشايل عصاة القبيلة و بقجة الإثنية و يكورك في وش المظلومين من نوع ظلمه هو و يقول : يا لصوص يا ظلمة .
شيخنا فضيلي ( ركن في العواصف ) و ركازة و شعبة دار لثقافة السودان كله و هويات السودان كافة , شئت أم أبيت يا أخونا أبو القاسم .
و ما زي ناس مغبونة بقهرها .. و ماشة تنكسر قدامه , فضيلي أوسع الرؤى و أعلى الحلم و أسمى المقاصد و أرفع الرأس و أكبر الوطن .
و زي ما قال أستاذنا الباقر لو كل زول قال ده حقي و ده نصيبي ياها واطاتنا الأصبحت .. و قعدوا أهلك عريانين في السهلة , أهلك الهنا البقارة المسيرية و جوارهم من بطون و أفخاد , و أهلك الهناك في صحارى النيل و العتامير الصي , و أهلك الفي الأحراش الجنوبية المكلومة و منسية , و أهلك في الشرق النايم على طوى بطنو من يوم خلق الله الجهات .

أفوووو ..
شينة سقطة المثقف ..
و عيبة في حقك ..
و حق أهلك .. الياهم نحنا ديل كن رضيت كن أبيت .

يا عماد
كلامك دا كلو صاح
لكن نحن عندنا الزى فضيلى واحد
يا زول كن تقول سقطه
كن تقول نكسه
عاوزك : تقول رايك
فى أسره النسوان بميتوا بالولاده عشان مافى دايات
وبرميل المويه بعشره ألف ج
والبترول يتحول لعمارات
يا عماد قول أى كلام
يا زول أنا انفجر
18 سنة يا عماد أنا سكت
قاعد فى البلد دى ما خليت حيله عشان أوضح نحن سواسيه
دايركم ياجماعه انصافى فى مقدراتى
ياخى ديل مقدراتك كن ما اعترف بها تنظييم الكيزان ولا المؤتمر الوطنى
لو تقلى ليهم الشخم فى يدك بنظروا ليك باحتقار
يا عماد
تعال أسألك سؤال
ات قيل التعبير (ديمقراطية ثقافية ) يعنى شنوه؟
هو بيعنى كلامى القاعد أقول فيه دا
يعنى فضيلى الحلو دا
مرق من بطن اهلوا البقاره
طيب البقاره قريب دا بيبقوا متل قبيلة الاك اليوغندية
العيب شنوه كن كتبت بلغة أهلى البلعوها
ما الكينى نقوقى واثينقو كتب بلغة أهلو
يعنى نحن يا نحمل ختم الجلابه
وراية الجلابه . اليعنى الدبره فى الجواد جيبوا الحمار أكوه
المعنى ات دايرنا نبقى جلابه
والمثقف كن ما بقى جلابى ما مثقف

الأخ الصديق الفنان عماد عبدالله

قبل خروجي النهائي من هذا البوست أود ان أسجل لك صوت شكر يا عمدة..وكمان أبصم بالعشرة على حقيقة ما ذكرته أنت بمنتهى الوضوح حين قلت في معرض تعليقك على الأخ قور:

Quote: آفتنا المركز و السلطان الجاير و عواطل النوايا و هوان البلد و اللوثات الجهوية و الفئوية و الآيدلوجية

الاستاذ الباقر ول موسى جيتن جيت:
يازول د.لقاسم ولقور بقصد انو الشاعر فضيلي جماع انسان سوداني عالمي ودي طب ما فوقا كلام، لكن برضو بيقصد انو جذور شاعرنا واصوله هي المسيرية فوق دا ول قور راعا لسوعالك انك اول مرة تعرف انو شاعرنا مسيري، وعشان دا برضا انهجم بولقاسم ول قور، اصولواليومين ديل ابو القاسم
مهجوم ومورود من الملاريا حقت الحكومة.

واتا يالفيراني دكتور بولقاسم ول قور، وحات الكُتاب غيبتك من المنبر والظروف الحصلت ليك كلو كلوا ما عندي بها علم دوت كي، امسحا لي في وشي دادا، لكن الفنان الباقر وقف مع قضايا المسيرية خصوصا مع المعتقلين من شمم.

وانحنا كولنا في الموقع دا سودانيين اولا وبعدين اي زول بيعتز بقبيلتا، توا ما تحرجوا الشاعر كتيير وخلونا في الفزعة وصلت يييين؟ والحكاما ضزكرها ولللا لا؟ الخواجية الكان في البروفايل هيييلك وين غمستها؟وللا شغلك حسادة؟

ولضم الدقم
أنا كو مانى زعلان منك
صحى أنا فى شهر واحد رقد بسكرى وضغط والآن ببلع فى حبوب قال بتنظم ضربات القلب
أولا بالتبادى : كلام الباقر ول موسى أنا مانى منحرج منه
الباقر زاتو مظلوم
الجلابه ايسر وايمن بقولوا دا زول خيالى مثالى ومثقف ساكت
حسع ات الباقر دا القدم للسودان قليل
والله زول واحد حامد للباقر انجاز مافى .
أنا قعد فى البلد دى
الناس عيرونى قالو لى جبهة سكت ساكت
18 سة أنا ساكت
بقول كن قل لى كلمة بتبقى كبيره
لكن يا خوى ربنا ذاته ما أمر بالتهلكه
الناس دول بقو لينا فى عشى عيالنا
الفارس الدقم دا كلو كوم
دى كلها يمكن نقول حاجات شخصية
لكن يا الدقم لما نحن نكون قاعدين ونبقى غايبين
يا الدقم برميل المويه بعشرة ألف
عيالنا وقفين صفوف عشان يبقوا خفر لشركات البترول
مافى زول بديهم فرصة
أما فضيلى
أنا والله كن فى مرادى اجى أخمشه من لندن وأجيب لأهله
يعنى فضيلى دا أقل من الطيب صالح
الصحرمة هنت الجلابه الاسمها الخرطوم عاصمة الثقافة العربية جابت الطيب صالح وكرمتوا ليه ما يجيبوا فضيلى
لكن تانى السكات بنخلى
وبنمرق برا
وبنتكلم قرفه شرط عود
اسع أنا دا عاير لى عيره
أى زول قايلنى ترى حكومه
والحكومه ذاتها قلبها ما كاره الا زول اسمو قور
أنا عارف دى حاجات بتحرج فضيلى
لكن فضيلى عايش لرقبته
++++++
أنا بقول حقو زول مثقف زى الباقر
وعندو كلمه هن رجال فى دروب الثقافة فى السودان
ما يقعد غفل
أولا : السودان الواحد دا موجود فى راس الباقر وفضيلى
والكلام القالو أحمد ولد الشيخ الامين كلام صح
نحن عملنا شنوه
السيسيون هم قسموا البلد
قسموا الحكم
قسموا المال
كمان عوزين يقسموا فرقانا ...الفرقان والحلال
يا جماعه نحن ما متنا
لكن شقينا المقابر
والله دا ما شافوا بالعين
والدنيا هنى خلاص الجاوكت طب
أخير كل زول امسك تراب جدوده
ولما الدنيا تلجاوك
الناس بالفقدوا فرسانهم
ودا السبب الخلانى خدم نقارتى
وسوعالك هنا الخوجية
دى حكامه نضيفه
اسمها بولى دافيز
أستاذه فى مركز فض النزاعات هنا تاكوما
حكامه نضيفه حار
لكن عندها صبى
وهيه يا ولضمى

والله وتاني والله يادكتور بولقاسم ول قور انا الحيكومة ما خايف منها دوت، ناس الحكومة ديل زي ضل الضحى بكرة بعريدو لاكين بخاف من المثقفين، ولضمي، واتا عارف الناس هيناك في الفرقان خلااااااص بيقو كل صباح بيسعلو في لب السوق: الامام المهدي المنتظر جا ولا للسع؟ وسيدنا المسيح نزل من السماء واللا لسع؟ بيكوسو في الموية والفترتيا من المسيح وسيدنا الامام المهدي، الناس ولض ابا هناك خلاااااص ضاق بيهم البكان، وناس (شمم) لمن قالوا انحنا نمشي لاهلنا الدنيكا ونقعد معاهم في ضل العرديبا نحلو مشاكلنا، جات الحيكومة وتاف خفطتم بالليل، وزي ما قُل زمان انحنا مصلحتنا مع الدينكاوالمثقفين في الفرقان هناك يشتغلو بالطريقة دي.

والزمن دا ولض ابا ما زمن سكين وحرباوكوكاب، دا زمن قاسي حااااااار داير العقل والتفكير البارد اها اتا توا الناس يقول اتا كوز!! ولا جردل!! ما تشغال بيهم، بكرة بتعبوا وبشربوا ليهم المي بارد وبشوف شغل غيرك، المهم بصروا الناس هناك زين بالمستقبل واتا سيد العارفيين، وبدور لي طلب اكان عندك شريط كي بتاع حكامه او هداي شغل لينا انا خلاص جُع من التراث حق المسيرية.

واتا اخوي الباقر كلامك دا ما بيصدر الا من مثقفي واعي بقضيتو وياريت لو عندك لوحة ترد الروح ترجع بيها روحي الحفانية من الدورب التايهة دي.

العزيزين محمود وقاسم

الموضوع كان البترول
نقيف معاكم للطيش - زي ما بقولوا ناس الخرطوم -
البشيلو بترولو في الغرب
والبشيلو دهبو في الشرق
وهو يموت جنبهم بالجوع
كما وقفنا معاهو
إلا نبقي أولاد هايلية

وكان لي اللغة والشعر
والتراث المسيري
نحن مع احترامه وحفظه ودراسته ونشره هو وانتاج الـ 597 قبيلة الأخري
فمنه تتكون ذاتنا
وما استهدفت ثقافة إنسان
إلا بقصد استهداف الإنسان نفسه

الباقر موسى

الاخو الفارس الدقم
دخل على الدتور البروفسير عجب الدور هسع دا
طبعا هو متابع علاجى منذ شهر
ومركز شديد فى حرمانى من الكومبيوتور
أنا بقول نيتايتى ضربت لى تلفون
وقالت لى الزول من الصباح قاعد فى الكمبيوتر
أنا حألتزم بكلامو
سأعود للسرير
لكن ما هو يطلع تانى بفتح الكميوتور
أنا عارف بعمل هايكتم حقات الدكتره عندك دى
قياس ضغط
ونفس وشنوه شنوه
الروح دى فى يد رب العالمين
وأقعدوا طيبين لغاية أجيكم راجع
شريط الحكامه برسله ليك

Quote: الاخو الفارس الدقم

د. قاسم ياخي معليش كلمة فارس، واستاذ، ومناضل، وقيادي، الخ. دي شوية كدا ما بحبا لكن اهم شيء انتا يا ولض ابا تهتم بصحتك، الكمبيوتر ملحوق بس اهتم بصحتك وتعال في اي وكت يكون مناسب مش الليلة بس حاول كل مرة والتانية كدا طمنا عليك، وبلغ السلام للام العيال.

العزيز قاسم

تمنياتي لك بالشفاء العاجل

وشكرا على فتح الموضوع الذي إرى أنه يجري استعداله
ليتسع لكافة المهمشين

ثم

لو عندك أشرطة حكامات أو أي تراث سوداني
ما ترسل لي أنا ذاتي

مع ودي

الباقر موسى

سلام الباقر و عماد والجميع
يا عماد
شينة سقطة المثقف ..

خلينى اختلف معاك شوية
فعلا شينة سقطة المثقف لما تكون سقطة بالفعل, لكن دى شنو الحركة الجديدة بتاعة المثففين الحبرتجية الحايمين بمختلف انواع الاكتشافات المفاجئة الجديدة انهم اما عندهم قبائل او انهم "مهمشين" (و ما كانو عارفين) او انهم ما عرب او انهم عرب (والفرق في الحالتين ما كبير ... اعنى الاكتشاف المفاجئ ده)..

في بعض المثقفين يدخلو في مسير حياتهم في صراعات حقيقية و مفهومة جدا ما بين افكارهم و تصوراتهم الجديدة والمكتسبة و ما بين البيئة الجو منها و الانتماءات العرقية والدينية والقبلية, المثقف الحق بيخوض صراعه ده بوعى و بتاكيد انتماءه في المقام الاول لما تعنيه كلمة مثقف .... الحبرتجية بياكلو الناس حنك و سلفقة كلام و انتماءات مفتعلة و غير اصيلة لا للخلف لا للامام ولا للحاضر .....

ده كلام كاتبو مثقف (يعى مسئوليته كمثقف) لاخونا قور المثقف "المسيري ... فجاة.... مع تشككي الكامل في "فجاة" بتاعتى دى...

و سلام

Quote: محمد النعمان ترددت كثيراً قبل أن أدفع بمساهمتي هذه ، والتي قد لاتخلو من غلظة ، إلى فضاء هذا البوست. كنت أود أن أحييك ببساطة "غـرّابي" ودون لجاج بعد هذه السنوات الطويلة التي إنقضت منذ أن رأيتك أخر مرة في أوائل التسعين قبل أن يرمي بنا مشروع الإسلاميين إلى فجاج الأرض ومنافيها. ولكنني رأيت ، مع ذلك ، أن أتجاوز حرجي الشخصي (وهو حرج بالغ) حتى أضع أمامك سؤالاَ ظل عالقاً بذهني منذ أن قرأت في مكان ما أنك تنشط الآن في خدمة قضايا السلم. مبعث هذا السؤال يعود إلى "ونسات" متفرقة كنا نتجاذبها في خرطوم ما قبل إكتشاف "أقرب الطرق ما بين المحطة الوسطى والله." إشارتك لـ "بقاريتك" فيما كتبت عاليه هي ما دفع بسؤالي إلى السطح. هذا وقد شجعتني ذهنية "الراوي" المنفتحة على المراجعة والتجاوز على طرح سؤالي الذي أرجو ألا يجد فيه قارئ متعجل مدعاة للتناكف أو المماحكة أو التشفي أو غيرها من دعاوى الشقاق. في ركوننا للونسة بلهجة أهلك المسيرية والتي كنت أحبها وأجيدها بسبب دراستي الإبتدائية برجل الفولة ، سمعتك في ترجيعات مؤذية ومتعالية وأنت تسمي دينكا نقوق "جانقي" وتردفها بالصفة اللعينة التي يلصقها بعض الناس بهم. وقد "زعمت" أمامي مرة أنك تمضي أيام إجازتك في صيد " ـ " مع المراحيل من أهلك حين تعود إلى البلد. أضع زعمك بين هذه الأقواس لأنني لم أصدقك حينها ولكنني مع ذلك أحتفظت بقشعريرة ساورتني مرة أخرى حين علمت بنشاطك الراهن من أجل ثقافة السلام ، وهو نشاط يجب تقديره. لقد عن لي أن أسألك عن تقييمك "الآن" لمثل هذه الآراء المشار إليها. ربما يشكل طرح هذا الأمر خارج سياقاته القديمة "تعسفاَ ما" ولكنني أراه أمراً ضرورياَ لإرساء ثقافة سلام حقيقية قائمة على الإحترام العميق لهويات الآخر كما إنه يحرض بكفاءة على فضيلة النقد الذاتي. وأزعم إن طرح هذا السؤال بمثل هذه الغلظة تتجاوز ضرورته ما هو شخصي وخاص إلى جوهر الأزمة الوطنية التي عصفت بأرواح ملايين الأبرياء. من الممكن بالطبع أن "أفترض" أو حتى أن أستنتج مما أقرأ لك الآن أن هذه المسألة قد عفى عليها الزمن على الأقل عن سطح "الونسة" وإن بقيت مطمورة في أعماق الوعي السحيقة. ولكنني رأيت إن الإكتفاء بمثل هذه النتيجة فيه إجحاف ودفن للرؤوس في الرمال. فإذا لم يستطع مثقفو "القبائل" الإعتراف بأن هناك خطأ جسيم في تصورات القبيلة لآخرها الإثني والثقافي فإن الحلم بسلام عادل ووطن واحد سيكون من باب الأماني إن لم يكن من باب الرهان على البطش الغاشم. تكمن إحتمالات السلام بالضبط في ذلك "الفرق الحداثي" ما بين النخبة التي تصنع مصائر البلد ووعي أعراقها وقبائلها ، كما ظلت ضرورات الحرب تتخلق من منطق المطابقة والمماهاة ما بين الإثنين. غرب السودان مرزوء بقبائله مثل ما هو متماسك تاريخياً بها وفقاً لهرم السلطة المعروف ومنطقها. هناك ما يجب نقده دون هوادة ومن ثمّ تجاوزه بوثوق كما أن هناك بالطبع ما يجب تخديمه وتنميته من أجل دعم قضايا التعايش السلمي والتكامل الإجتماعي المأمول. تجربة الحرب الدامية في إقليم دار فور ، ومن قبله في كردفان ، كشفت عن عمق الأزمة التي تنخر في "هويات المثقف" الذي لم تفلح تجربة التنمية المحدودة في إكسابه "الشرف" القومي الذي يتجاوز به مهالك القبيلة ودروبها الضيقة. إن ما يرعب في هذا الخصوص هو فشل المثقف ، رغم "المطالعات" الكثيرة التي أشرت إلى مثلها في معرض سردك السابق لتجربتك إبان فترة المعهد ، في تأهيل هوية مفارقة للوعي القبائلي القائم على الشوفينية العرقية والتعالي الثقافي والإستعلاء الديني. يجد سؤالي السابق مشروعيته في أن "الونسات" المشار إليها وقعت وأنت قد قرأت ما قد قرأت وتعاطفت سياسياً مع من تعاطفت بل أفردت باباً في تجربتك لنقد علم الجمال الماركسي. كلّ ذلك ، ويظل الدينكاوي في أضابير تلك التجربة وبين حيلها القاهرة "جنقاوي" وهي تنطق بالكيفية الفظة التي يقف على دلالتها من يفقهون وعي القبائل ولغاتها كما تظل تلك "الصفة" البذيئة التي أجد الحرج في كتابتها رهن التداول المشين. أعذرني إن كنت تجد فيما كتبت مشقة ولكنني وبصدق وددت أن أمهد سبيلاً أمام كتابتك حتى تغطي عبرها تحولات الوعي العميق التي طالت "ذهنية البقاري" وليس فقط تلك المحطات التي قد يتوقف عندها الكثيرون في معرض بحثهم عن المعرفة ولكنها ، من بعد ، قد لا تبدل في الوعي من شئ. ولك خالص إحترامي، نعمان

Quote: عزيزي أبو القاسم وضيوف البوست ، تحياتي. حين فرغت من قراءة الرد الذي تفضل به الأخ أبو القاسم على مداخلتي لم ينتابني الشك أبداً في أنه قد إلتقط الإشارات الواردة في مداخلتي على نحو صحيح وقد عالجها عبر خيار فكري وأيديولوجي إنتقاه من ضمن خيارات عديدة. فالإشارات المعنية ، على كلّ ، ليست على درجة من الإلتباس الذي يستدعي شروحاً يتبرع بها آخرون. لربما عازتها بالفعل المباشرة العاصفة التي كتب بها الصديق كارلوس إدانته المطلقة والتي لم يكن دافعها العشم في تدوير الحوار. أما مداخلتي فقد توسمت تحريض الأخ أبو القاسم على كتابة تستطيع أن تحاكم تجربة الوعي نفسها طالما تعلقت تلك الكتابة بسيرة تحولات أيديولوجية رافقت الإنتقال من ظهر الثور إلى سطح الكمبيوتر ، فيما عبر أبو القاسم. لم أكن أسعى إلى الإكتفاء بإدانة الأخ أبو القاسم من خلال ايراد وقائع قديمة ، أتمسك تماماً بصحة حدوثها ، ولكنني حاولت الإشارة إليها لأدفع به نحو كتابة حقيقية تتفادى مزالق "نفخ البوق الشخصي" كما يقول الأمريكيون وذلك من أجل تشريح وتقييم مدارج الوعي التي مرت بها تجربته المعرفية في عمومها والأيديولوجية على وجه الخصوص. لقد كتبت في مداخلتي الأولى Quote: في ركوننا للونسة بلهجة أهلك المسيرية والتي كنت أحبها وأجيدها بسبب دراستي الإبتدائية برجل الفولة ، سمعتك في ترجيعات مؤذية ومتعالية وأنت تسمي دينكا نقوق "جانقي" وتردفها بالصفة اللعينة التي يلصقها بعض الناس بهم. وقد أضفت Quote: أن "الونسات" المشار إليها وقعت وأنت قد قرأت ما قد قرأت وتعاطفت سياسياً مع من تعاطفت بل أفردت باباً في تجربتك لنقد علم الجمال الماركسي. كلّ ذلك ، ويظل الدينكاوي في أضابير تلك التجربة وبين حيلها القاهرة "جنقاوي" وهي تنطق بالكيفية الفظة التي يقف على دلالتها من يفقهون وعي القبائل ولغاتها بعد أن شرح الأخ أبو القاسم ، حسب معرفته ، المصطلحات التي يتم تداولها للإشارة إلى الجماعة الأثنية المعروفة ، في تصنيف قطاعيّ باسم النقوك ، كتب Quote: أما طريقة نطق هذه الجملة هي التي تحدد المعني الإستعلائي. وهذه هي الإشارة الصحيحة التي أحالت إليها مداخلتي وقد إلتقطها الأخ أبو القاسم دون إلتباس. أما بخصوص النقطة الثانية التي وردت في مداخلتي والتي قام بتنصيصها الأخ الذي تكبد مشقة شرح الواضح فقد أختار الأخ أبو القاسم أيضاً أن يدلف إلى معالجتها من خلال عرض لغوي وأنثروبولوجي قد يفيد بعض القراء قبل أن يكتب وبالنحو العجول نفسه الذي عالج به إشارتي إلى إشكالية دينكا-جنقي: Quote: لكن أتخذت المفردة معني آخر بعد أن إرتبطت بالدفاع الشعبي وثقافة الحرب. وهذه هي الإشارة الصحيحة التي أحالت إليها مداخلتي وقد إلتقطها الأخ أبو القاسم أيضاً دون إلتباس. إذن ما أردت إيصاله لعناية الأخ أبو القاسم قد وصله ولكنه بالطبع حر في إختيار الطريقة التي يعالج عبرها المسألة. مداخلتي المحددة إنطلقت من هموم أخرى غير إدانة الأخ أبو القاسم بناء على وقائع إنقضت عليها سنوات طويلة. ما كان يشغلني وأنا أكتب مداخلتي هو أمر عام يتمثل في دفع "مثقفي القبائل" إلى نقد وعي قبائلهم وأن يلتمسوا هويات معرفية وأيديولوجية خارج محددات ذلك الوعي. قبائل البقارة في غرب السودان تشكل جماعة ذات ثقل لا يمكن التغاضي أو الإلتفاف على تصوراتها الثقافية والعرقية للآخر. الشاهد أن المساعي الفكرية والسياسية الجادة نحو إرساء دولة العدالة والكرامة والمساواة ستصطدم لا محالة بحقيقة أن تلك التصورات في غالبها سالب بحيث لا يمكن إنجاز مشروع التحول الشامل دون نقدها وتجاوزها. حين أكتب "غالبها سالب" فأنا أشير إلى المخيلة الشعبية القبلية (وفي ذلك تتساوى القبائل كافة) ولا أتبنى من أي وجه الزعم بأن "البقاري" مطلقاً ينطوي على تصور سالب للآخر. فلو إقتصرت أمثلتي في دعم فساد هذا التصور التعميمي الأخير على أصدقائي الذين تعود أصولهم الإثنية إلى قبائل البقارة وحدهم لكفوني دليلاً على إبطال التعميم. المسألة في جوهرها تكمن في الإنتباه إلى ضرورة إحداث نوع من القطيعة المعرفية ما بين القبيلة والنخب التي تنتمي تاريخياً لها وذلك لمصلحة قيم الحداثة التي تكفل ، وحدها ، دولة العدالة والكرامة والمساواة بين مواطنيها. هذه القطيعة لا يمكن إنجازها الآن على نحو فاعل إذا لم ينهض بأعبائها النقدية أبناء القبائل أنفسهم. فالقبيلة ، مثل الديانة ، هي بنية مغلقة تتحصن ضد النقد الذي يتأسس خارج بنيتها بكفاءة فائقة. ما يجردها من منظومة الدفاع التقليدي هو صدور النقد من بين صفوفها التي لا تفتأ تشقها التنمية والمعرفة. فالملاحظة التي أشار إليها الأخ أبو القاسم من أن "السياسيين من أبناء المسيرية" هم حسب تجربته "أكثر الكيانات خطورة على التعايش السلمي في منطقة أبيي" هي ملاحظة وجدت عندي ترحيباً بالغاً ليس لأنها بالضرورة تنطوي على "الحقيقة" ولكن لأنها كشفت قدرة نسبية على ممارسة النقد داخل الإطار القبلي نفسه. النقطتان اللتان أشارت إليهما مداخلتي الأولى كانتا مبنيتين على إنعدام هذه القدرة النقدية التي مارسها الأخ أبو القاسم الآن ضمن رده على مداخلتي. إهميتهما لدي كانت تتمثل في Quote: فشل المثقف ، رغم "المطالعات" الكثيرة التي أشرت إلى مثلها في معرض سردك السابق لتجربتك إبان فترة المعهد ، في تأهيل هوية مفارقة للوعي القبائلي القائم على الشوفينية العرقية والتعالي الثقافي والإستعلاء الديني. وقع التوقف إزاء مداخلتي على النقطة الثانية المرتبطة بفعل الصيد وهو صيد كما كتب الأخ أبو القاسم اتخذ "معني آخر بعد أن إرتبط (ت) بالدفاع الشعبي وثقافة الحرب." أولاً يجب أن أستنكر "تأويل" الأخ الذي قام بتنصيص هذا الجزء من مداخلتي ليعين الدكتور أبو القاسم على الفهم. فأنا لم "أتهم" أبو القاسم بأنه كان يخرج لصيد الدينكا ولكنني قلت أن أبو القاسم "زعم" أمامي بأنه قد فعل ذلك. وحين كتبت إنني لم أصدقه حينها فهذا يعني من باب أولى أنني لا "أتهمه" بذلك. أهمية هذه الواقعة ، والتي قد يتذكرها الصديق أحمد الحضري (الذي لم يتذكره أبو القاسم في مذكراته بالمناسبة) تتمثل في إنها كانت "إدعاء" يكشف في أقل مستوياته عن تصالح أخلاقي وتواطؤ أيديولوجي مع المهانة الدموية التي تعرض لها الدينكا على يد مليشيات المراحيل. لربما كان أبو القاسم يعبر في الحدود الدنيا عن مراراته الشخصية أو القبلية إزاء الحرب الطاحنة في منطقة أهله وفقده لأقارب جراء ذلك. مهما كانت منطلقات الأخ أبو القاسم في ذلك الوقت فإن الواقعة ، مقروءة مع الكيفية التي كان يشير بها للـ "جنقي" ظلت ناتئة في ذاكرتي وهي تشير إلى ذهنية قبائلية أنا أكثر الناس إحتراماً الآن لتجاوزها الذي عبر عنه الأخ أبو القاسم في رده على مداخلتي. أحمد الأمين البنا ، فضيلي جماع ، وصلاح أبو جبر هم من بين أبناء تلك المنطقة التي ربطتني بهم الصداقة لسنوات طويلة. أشير إليهم حصراً لأنهم إنضموا لهذا المنبر في وقت ما وكتبوا فيه. هولاء الناس وغيرهم من المستنيرين من أبناء تلك المنطقة استطاعوا أن يقيموا الفرق الضروري بين وعيهم ووعي القبيلة الباطش المنغلق. إنضمام أبو القاسم وغيره إلى هذه الكوكبة هو بلا شك كسب في الإتجاه الصحيح. أكتب ملاحظتي السابقة وليس بي وهم المطابقة الأيديولوجية بينهم لمجرد إنتمائهم التاريخي لأثنية أو قبيلة واحدة. يظل فرق الموقف السياسي قائماً بينهم على نحو لا يمكن طمسه عبر علاقات القرابة. وفي هذا الموقف السياسي بالضبط تكمن "خصومتي غير الشخصية" مع الأخ أبو القاسم حتى بعد أن صار عضواً في حركة السلم العالمية. إن دعم أبو القاسم لمشروع الإنقاذ الغاشم ، والذي وقفت الآن على تخليه عنه ، هو ما يحتاج لوقفة أكثر صدقية. ففي الفترة الأخيرة وبعد أن جنحت "سفينة الإنقاذ" إلى صخرة دامية تقافز عن متنها كثيرون تفاوتت أدوارهم السابقة داخلها. لربما لم يغتن أبو القاسم ولم يتكسب منصباً سياسياً جراء "تعاطفه" مع أوباش الإسلاميين القتلة ، ولكنه بلا شك "استفاد" على نحو ما من الإنقلاب. إدانة هذه المرحلة من حياته تتطلب إعترافاً صادقاً بطبيعة "المنافع" التي إكتسبها. قرأت بالطبع ما كتبه الأخ أبو القاسم من أن الإنقاذ لم تتكفل بتعليمه العالي ، وأنا أصدقه في ذلك. ولكن يبقى السؤال الذي لا يمكن الإستغناء عنه: هل كان من الممكن أن يستحصل أبو القاسم على كافة ما يحوزه الآن معنوياً ومادياً إن لم يكن "متعاطفاً" مع الإسلاميين وإن لم يحفظوا له صنيعاً ما بعد أن وقع إنقلابهم في 89؟ وضمن حدود أخرى ، هل يمثل الأخ أبو القاسم وناشطون آخرون في الحقل الثقافي أثرياء حرب معنويين؟ما يدفعني إلى طرح هذه النقطة هو إشارة الأخ أبو القاسم التبريرية إلى أن الصديق أمفريب ، الذي إعتزر له أبو القاسم لاحقاً بتميزه الفكري ، لم يتم قبوله كمعيد بالمعهد لأنه تخرج فيه بدرجة مقبول. هذه الإشارة تخفي أكثر مما تفصح لأنها ببساطة تجعل المشهد في مجمله وكأنه يجري داخل شروط إجتماسياسية لا يتحكم فيها الإستثناء الشامل كما هو الحال في واقع الأمر. القارئ الذي لم يقف على خلفيات الصراع السياسي في السودان سوف يخرج من قراءته لها بنتيجة مضللة مؤداها أن كل شئ كان على ما يرام وأن المدعو أمفريب لم يكن على درجة التأهل نفسها التي تملكها المدعو أبو القاسم ولذلك سقط الأول في معاينات المعيدين فيما إجتازها الثاني. ما يخفيه هذا المشهد ، حين تمت إعادة تركيبه من موقع الدفاع الذرائعي الراهن ، هو ذلك "الفقيه" الخفي الذي يجري إمتحانات الولاء تحت حد السيف. لربما كانت واقعة الدرجة العلمية التي أشرت إليها ، يا أبو القاسم ، صحيحة. ودون أن أخوض في نوعية الأستاذ الذي منح تلك الدرجة فإنني أشير إلى حقيقة أخرى أكثر إلحاحاً وهي إنك شخصياً ما كان سيتم قبولك كمعيد بالمعهد ، إن كنت شيوعياً أو بعثياً مثلاُ ، بغض النظر عن مستوى الدرجة العلمية التي تحصلت عليها. يجب الإعتراف الصريح يا أبو القاسم بأن الإسلاميين في مبتدأ أمرهم عملوا بنحو منظم على إحتكار جهاز الدولة وتخديم مؤسساته على أساس الولاء السياسي الديني وذلك لمصلحة شرائح بعينها وإن هذه العملية المتكاملة شملت فيما شملت تشريد الكفاءات بالفصل للصالح العام وبالسجن والإرهاب كما قامت بتلفيق "الكفاءات" وتصنيعها بالجملة عبر تزوير الشهادة العلمية أو"تسهيلها" ومنح الوظائف خارج أنظمة الخدمة المدنية وغيرها من آليات الإقصاء أو الإستوظاف. لا ألمح من بعيد أو من قريب إلى أنك لم تكن مؤهلاً أكاديمياً لشغل وظيفة المعيد. ولكنني أحاول أن استصحب المشهد الشامل الذي تحركت داخله شخوص التراجوكوميديا بغض النظر عن طبيعة أدوارها المفردة. إن إي نقد قد يمارسه الذين يخرجون من عباءة الإنقاذ ، مهما تفاوتت علاقتهم بها ، مطالبون أخلاقياً بفضحها على نحو كلي يتجاوز الشماتة والسخرية إلى تملك المعرفة الحقة بطبيعتها والعمل على وضع الحقائق أمام ضحاياها حتى وإن إقتضى ذلك الإجراء فضح ذواتهم. هذه الشمولية النقدية وحدها هي التي تكفل إخلاء الذمة الفردية كما يتأهل بها الشعب لتجاوز مرارته السابقة. هذه يا أخي هي نسختي الشخصية لصيغة المصالحة ، فيما يتعلق بالجبهة الفكرية والثقافية ، التي تعلمتها ضمن ما تعلمته من مبادئ فضّ النزاعات الذي سبقت لك الإشارة إليه. ولكم ولقراء هذا البوست خالص الإحترام نعمان

الى الزول الاسم esam
كلامك دا كلام الجلابه ذاته
أنا كن بقيت واضح وكتبت بلغة أهلى البقاره
دا يعنى أنا ما مثقف
ياخى الثقافة تطير وانت تطير معاها
بعدين انت كن قايئ حصيف كان ظهر ليك من كل بويتاتى أنا بقارى فى لغتى باللغه
أولا بالتبادى اتو الجلابه لازم تعتذروا لينا نحن من صحرمتكو السياسية والثقافية
الصحرمه الثقافيه والسياسية هى سوله فيكو
كن خوفتو فضيلى انا بتخوفونى .
ات حسى الدخلك فى البوست دا شنوه
أهلك الجلابه أكلوا بلدنا
وأنا خدم نقارتى لأهلى فى البوست
ات كن مثقف ما تتكلم أهلك
أسمع يازول أنا ما بعرفك
ولا عاوز ليك كلام
أنا بوستى بخص عيال المسيريه وات جلابى
كن زعلان أمش تش البحر فى صرتو[/B
+++++++++++++++++++++++++++
حسى أنا عاوز أكشف صحرمتك كجلابى ظلام
شوف ات قطعت بوستات الاستاذ النعمان وحزفت ردودى
دى واحده من أمور المثقف الجلابى .
ات كن مثقف ولست (ساقط) ما تنزل بوستاتى وردى على النعمان
ات جلابى ....مثقف جلابى
]

ابو القاسم قور
الزول اسمو عصام جبرالله لو غلبك تقراهو بالحروف اللاتينية و لو امرك تانى ده بيخصك.

من الاخر: جلابي الرافعا سيف فوق راسي دى ما بتجيب شي, اولا لانها ابتذلت للنهاية و تحولت من توصيف لحالة او مؤسسة قامت في سياق اجتماعى وسياسي واقتصادى واثنى محدد لي "شتيمة" لا معنى لها و لا طعم. شخصيا قيلت لى والمضحك في سياق احتلاف شبيه مع احد مواطنى الغرب فلجا للذخيرة المعهودة "جلابي"... اها انا جلابي حتى الجد المليون و شايقي و شيوعى كمان ... يلا طلع باقي الذخيرة.
- مين القال ما تتكلم بلغة اهلك? في كل مكان وهنا في الموقع ده كتبو ناس كتار بلغاتهم الاصلية, ده ما الموضوع, و لا الموضوع هو انو الناس انجبرت للرجوع للقبيلة لاسباب كتيرة منها:
- بحث عن الامان والحماية خاصة بعد ان صارت الدولة هى العدو المباشر
- الارتباطات الثقيلة والمتشابكة بين الاسرة الممتدة والقبيلة والاثنية الخ.
السؤال هو شنو الفرق بين المثقف العاوز او مجبر يكون جزء من واقع القبيلة ده لكن من موقعه المختلف/الجديد و بين المثقف التانى البفتكر انو بس يشيل عفشو و يركب قطر القبيلة زى زمان و كان شئ لم يحدث, شنو الفرق بين فضيلى و النعمان و قرنق و عثمان محمد صالح و ..و.. اللي لا زالت لهم ارتباطات قوية بالقبيلة و مهمومين بامرها لكن من مواقعهم المختلفة الناقدة و بوعى وافق اوسع من افق القبيلة ....

باقي هرجلتك و بلبطتك دى ما شغالة ..... عندك كلام بالمسبري و لا البقارى و لا اللاتينى اكتبو و نتفاهم ..



ده الموضوع والسؤال

Quote: . ما كان يشغلني وأنا أكتب مداخلتي هو أمر عام يتمثل في دفع "مثقفي القبائل" إلى نقد وعي قبائلهم وأن يلتمسوا هويات معرفية وأيديولوجية خارج محددات ذلك الوعي. قبائل البقارة في غرب السودان تشكل جماعة ذات ثقل لا يمكن التغاضي أو الإلتفاف على تصوراتها الثقافية والعرقية للآخر. الشاهد أن المساعي الفكرية والسياسية الجادة نحو إرساء دولة العدالة والكرامة والمساواة ستصطدم لا محالة بحقيقة أن تلك التصورات في غالبها سالب بحيث لا يمكن إنجاز مشروع التحول الشامل دون نقدها وتجاوزها. حين أكتب "غالبها سالب" فأنا أشير إلى المخيلة الشعبية القبلية (وفي ذلك تتساوى القبائل كافة) ولا أتبنى من أي وجه الزعم بأن "البقاري" مطلقاً ينطوي على تصور سالب للآخر. فلو إقتصرت أمثلتي في دعم فساد هذا التصور التعميمي الأخير على أصدقائي الذين تعود أصولهم الإثنية إلى قبائل البقارة وحدهم لكفوني دليلاً على إبطال التعميم. المسألة في جوهرها تكمن في الإنتباه إلى ضرورة إحداث نوع من القطيعة المعرفية ما بين القبيلة والنخب التي تنتمي تاريخياً لها وذلك لمصلحة قيم الحداثة التي تكفل ، وحدها ، دولة العدالة والكرامة والمساواة بين مواطنيها

فكرة تسويق "المهمش" المسكين الراكبا كل من هب و دب برضها بقت ركيكة و مبتذلة مش لانو مافي مهمشين او مافى تهميش ... بس لانها عند البعض تنقصها الاصالة و الصدق ... تذكرنى بفكرة تسويق الافريقي والافريقانية "المساكين" خاصة عندما يفعلها بعض "اولاد العرب" السودانيين في "الغرب" فقط لانها اكسوتيك و سيكسي ....

وان عدتم و لا لأ ... عدنا

يا زول كن تبقى جلابى وشيوعى وشاقى ولا شيطان رجيم دا كلو من حقك
كمان أنا بقارى ....العوره شنوه
كل المطلوب ديمقراطية ثقافية
(راجع مفهوم الديمقراطية الثقافية للامم المتحده - تقرير التنمية الأجتماعية)
أنا بقارى ، وعاوز ترابى وثقافتى ، واليوم عشان الكلم قرفه شرط عود
كل زول فى محله ....لكن لما ت ذات نفسك كجلابى وتدورنى أنا يا أبقى جلابى زيك وكن أنا ما بقيت زيك أن ببقى ما مثقف
دى الحارارى ذاتها
ات جارى ليك سعف معقد
تعرف السعف المعقد؟
كن ربطو ليك فى رجليك وجريت به ما هى بخم الدنيا وراك
ها دا ات ذاتك
وتوه من قل كلاملك دا أنا دهابه عفرتك ات دا المثقف الجلابى الاكل شغلاتنا كلها
ذخيره هن شنوه
ات أول زول (كجلابى تاريخيا) جاب لينا مفهوم الدواس فى السودان
يا زول أنقرع
وخل الصحرمه هنتك دى
أنا بقارى ,ات جلابى نعيش سوى لما تعترف بى ثقافتى البكلم بيها
لكن من زمن جدودك المليون الجو مع الاستعمار
ات شاد وراكب فينى
ها اليوم أنا قفط

شكرا عصام
لإعادة نشر هذه المقتطفات التي يبدو أنها من بوست قاسم الشهير
"مذكرات بقاري من ظهر التور إلى الكومبيوتر"
والتي لم أستطع قراءتها حينها لوجود مادة وسائطية بالبورد multimedia
ظلت تغلق البوست في وجهي كلما فتحته

صديقنا د. قاسم قور طبعا مثقف وكان له نشاط على علاقة وثيقة بالسياسة
بدا لي في فترات قريبا من السلطة
حيث كانت له مساحة في الصحف
في نفس الزمن الذي شرد فيه غالبية المثقفين
وكما ذكرت أتيحت له فرصة نيل الدكتوراه
- والتي هي من ناحية نباهة ليست كثيرة عليه -
وتأسيس مركز دراسات السلام على ما أظن

وكل ذلك لم يكن يمنع تعاملي معه في قضايا ثقافية
فأنا لا أتعامل مع من هم معي فقط

لمست هنا أنه قد غير موقفه ذلك
وانتقل إلى نقد صائب لجرائم الجبهة
وبهذا أنا سعيد
وأوافقك أن هذا يجب أن يتم بأسلوب مسئول
أي نقد صريح للتجربة
ثم الحرص على التوصيف السليم للصراع
كصراع مهمشين في الريف والمدن
ضد أقلية تحتكر كل شئ
والبعد عن خلط الأوراق

الباقر موسى

تحيه للجميع يبدو ان سوء فهم الفنان التشكيلى الباقر عثمان لتوجه البوست عبر مداخلته الاولى قد انحرف بموضوع البوست وقذف به بعيدا عن مجراه !!!مداخله فضيلى الشاعر الكبير الثانيه التى رد فيها على الاستاذ الباقر كانت تنبى عن فهم لمجرى البوست وهى التى كانت ستعدل البوست لكن مداخلته اى الاستاذ فضيلى الرابعه فى الرد على الاستاذ الباقر كرست ربما عن غير قصد بنى وجه نظر فهم الباقر للبوست وهى اى وجهه نظر الباقر خاطئه فى فهم البوست عليه ضاع الخيط الاساسى من البوست واشك ان سيعود لمجراه الذى قصده صاحبه الدكتور قور رغم ان هذا البوست يمكن ان يكون بوستادسما وثرا ويفتح عده محاور ...
ملحوظه : صديقى النعمان الشاعر والقانونى الكبير الذى اورد عصام جبر الله نتفا من مداخلات سابقه له هو نفسه احد ضحايا الانتماء الى الهامش الجغرافى بالسودان ولدى شواهد كثيره حول ذلك ليس هذا مجالها علما اننى اصنفه اى النعمان بثقافته الواسعه وذهنه المرن ابرز طالب تخرج من جامعه الخرطوم طوال عقد الثمانينات من القرن العشرين ...

سلام الباقر

شكرا للرد و اتفق معك في مجمل ما ذكرت.
في ما يخص قور و هو ليس المعنى فقط بالمكتوب اعلاه وان اتى الكلام في بوسته وملحق بكتابات النعمان عنه, انا اشير الظاهرة بشكل عام . هنه لا اعرف شيئا سوى سماع اسمه في الثمانينات كناشط اسلامى في الوسط الثقافي و بعدها كتاباته و سجالاته الدائرة هنا. بالطبع حق تغيير الافكار و المواقف من والى للجميع, لكن لان الامر ليس فقط في الانتقال من الانتماء للجبهة الاسلامية الى لمعارضتها و فقط, بل الانتقال لمعارضة الجذور والاسس المادية و غير المادية التى افرزتها و يمكن ان تفرزها مستقبلا اذا زال هذا النظام و بقي الاساس كما هو.
و فى هذا لا اختزل الامر في معادلة يمين و يسار الناقصة لانى الان على يقين انه داخل اليسار - بمعايير مختلفة - يوجد يمين و اصولى كمان , وانت ادرى, بالمناسبة اتذكر تعليقك/سؤالك في احد البوستات لى عن موضوع الخروج من المنظومة وغيره, لم اهمله ولم اتجاهله لكن راح في زحمة الحاصل, ربما نجد الفرصة للتحاور حوله واشياء اخرى, اتمنى ذلك.

سلام و مزيد من الحوار

الأخ قاسم

انت مش مفروض ترقد وما تقعد في الكومبيوتر

يهمني أن أقرأ ردودك على النعمان
ذكرت سبب عدم تمكني من متابعة بوستك السابق
هل تكرمت بإعادة نشرها

الباقر

د.الباقر
شكرا لسوعالك من صحتى
أنا يا توه راقد
لكن فى دوغمائى شيوعى جلابى شايقى بعير فوقى
أنا أسكت لى ساكت
الزول الاسمو عصام دا أنا ما بعرفو
لكن والله العظيم الزول دا ما تريخى وما عارف حاجه عن الشيوعية
تلقاهو قرا لى كتاب واحد وقعد بالفلقص فوقنا
حسى دا كن هو شيوعى أمو بت عم أبو أنا بتحداهو فى شيوعيتو ذاتها.
أنا بتن بكرر كلامى
أنا بقارى
والآخر جلابى
وكل زول ما يظلم الزول الآخر
وأى زول من حقو يبقى الدايرو
اما الدوله (الدوله كمفهوم حديث) تجمعنا كلنا
أنا يا د. الباقر خدم نقارتى فزع
عشان نحن عندنا مشكله هناك فى ديارنا
ونقارتى لكل مسيرى
وكل ناس عندهم ونحن رمزنا دا فضيلى
وسعل من الدقم عشان هو ذاتو تور كلالى بنشيل فوقه
ودراج محل
البوست كلو نط لى فى رقبتى
+++++++
حسى اسلامى دى ذاتها أنا غشونا بيها جلابة الخرطوم
أنا لا أسلامى ولا حاجه
أنا ما عندى حساب فى بنك
ما عضو فى حزب
ما عندى سلطه
أكون اسلامى كيف يا جماعه
حسى زولك الشيوعى عصام دا
تلقو ذاتو شيوعيتو ناقصه
هو كن شيوعى جد جد ما يجى هنا ويقود عمليات ثورية
وأنا كن ما وقف معاهو اسمعن بنات عمى الفيرانيات
قاعد بعيد بياكل فوق الحاجات المتلجات
وساكن فى البيوت السمحات
والعرمات الملس
وكن حكامه سمحه بتانس معاها
وقال شيوعى
يا خوى الشيوعية فيها جيفارية
الشيوعية التحررية فيها فرانز فنونيه
الشيوعية دى ما ساكت كل واحد الدرب راح فى لب الألمى ...بيقول شيوعى
ات كن دايرنى أرقد
أقرع الزول دا
والا تمت بالله
أمرقو ليكو سمسم ضرب شق
أنا كن أنقلب ليهو وكتب باللغه العربية الفصيحه
اليوم داك الا يشوف لى بوست آخر

شنكل الى دعوة البقارية بالحروف اللاتينية:
Hi Waldami Aldagam
Shono Ito Betkhlooni
Foog Elnga Wa madata wheedi
Alglaba Khaf Khowfooko
Ana Yahtoh Bkhadam Foog Nogarti

أعتزر لخطأ قراءتي و قصر فهمي...
إحترامي سيدي..
أميرة

هاى يا عرب الله
فضيلى كن بقى طاغور عديل هى بقارى
العوره شنوه
أميره ...اتى العنصرية
الجلابه القسمو ترابنا طب
الاسماء ذاتها غيروها
وأنا خدم نقارتى فزع
ات حكامه معروفه
الحاريها فيكى تزغرطى لى
توه تنقلبى تعيرنى مثل معياركى دا
والله يا جماعه دى حرارى ومسعلة أنا راسى انقطع فوقها
أسع فى زول اسمو عصام بالنبر فينى قال شايقى وشيوعى وجلابى
وانا ما عندى بى شغله
يعنى يا أبقى زيه شيوعى وشايقى وجلابى والا أنا غلطان
عليكى ألله دا ما الاستعمار ذاتو

التحية والتجلة لكم جميعا للاستاذ قور ..
ورمزنا فضيلى ..
والفنان الباقر موسى ..
والاخ الدقم ..وكل المتداخلين ..
ونسأل الله ان يجنبنا الفتن (ما ظهر منها وما بطن ) .. كل الود

سماعين
السلام عليكوا
كتر خيرك
أنا عورتى شنوه ؟
عشان الزول الاسمو عصام ينبر فوقى ويقول لى ( أنا شايقى وجلابى وشيوعى عديل )
أنا خدم نقارتى فزع
وداير أخوانى الحقونى
كن فى الخاص ولا فى العام

Quote: سماعين السلام عليكوا كتر خيرك أنا عورتى شنوه ؟ عشان الزول الاسمو عصام ينبر فوقى ويقول لى ( أنا شايقى وجلابى وشيوعى عديل ) أنا خدم نقارتى فزع وداير أخوانى الحقونى كن فى الخاص ولا فى العام

والله اتعداك العيب ..ات اخى صاحب قضية وما بنقرعك ، لكن ما يجرجروك ويحرفوا البوست عن مرحالو ويرموك بالخبث فى اللوم .. خليك نجيض امشى فى فزعك ويمين نقارتك وصلت كل بكان ..وخليك حريف لى آخر مدى ..كل الود

حبابكـ ولضمي..
جيتكـ جاكي جلكايتي فوق التراب..
قدر الله فوق الجاتكـ في وظيفتكـ سامحتكـ في الدنيا أم قدود..
أرض الله واسعة هج وتعال أحجز معانا كرسي منفاكـ كان التراب هناك ما شالكـ..
ابولقاسم ول ابا قور حبوبتي أم أمي المسيراوية الزرقاء..
على قولها البخالف قولكـ فوق حق الجهادية..
قالت تراهم ماهم الأنصار..
وأبو فاطمة المتوفقر البقلب الفريق قنطور كان أحسن يقلب القنطور بارا..
والجهاد وقتها كان صحى صحى مرقو ناسا..
ول ابا خاف ابو فاطمة فقيركم هو ذاتا القال للفقراء الكدروكـ كان شال الكتاب فوق راسا دوت ما بنخلي..

هاي أبولخاسم..
الغلط ما يركب راسكـ وتفج..
والقنطور كوم تراب..
ترى جدكـ هو ذاتا فوق كلاما ده إلا إللخبتت ليا الدنيا فوق راسا وقال ليكم جهادية الأتراكـ هم ذاتهم مجاهدين الأنصار..


الكلام ده سمعنا زمان فوق خشوم الناس سمع العضان..
وقرينا في كتاب برفسور ابو سليم النوبي صحي صحي شوف العين وقال لازم نفرق بينهم..
ترى إنتو القريتو قولو للناس الكلام ده غلط دوت ومو بصحيح..
عشان ما تبخسو الناس حقها..
الغلط ما ببقى صاح..
والصحي صحى..
وبكانهم ما واحد..

زول الفريق..
ركبت ضهور التور وركبت ضهر الكمبيوتر..
إلا الجهادية ـ جنود محمد علي باشا الفشلو في الحجاز بالطاعون وفوق حرب البُلقان بالبرد..
رجعوهم عشان يركبو ضهور الناس يجمعو الضرايب الأباها البقاري ول تور الشيل..

أفرق بينهن وخلي عينكـ نجيضة:
جهادية محمد علي..
ومجاهدين الأنصار..
فرق الليل بالنهار..

خطان متوازيان لا يلتقيان..

وكيف يركبن..

طيب زين
أخوى ول راز
أنا قاعد فوق ترابى
وبخدم فوق نقارتى
جلكايتك فوق التراب تعال جاى
دل جواد
وأكل ليك لحم
أنا يا توه بخدم فى نقارتى
الناس السمعو بالخبر
منهم الدقم
ومنهم فضيلى
لكن شايفهم قمقموا

أم توب حبل القطان ...عيال جلبه
كن لقيته فى الدكان بقول ليك يعنى واذا كان
وكن لقيته وحيده بديك وليد!!

هاتوه الكلام نجض طب

Quote: منهم الدقم ومنهم فضيلى

ديل ناسي البعزهم..
وبنصرهم ظالمين ومظلومين..
ولا أبا من يوما أنا ما مارق للريبة والتلاف..
وكي بورتي مجلدا بالإيمان سلاح..
إلا نقارتكـ شد جلدا..

وأتوكل على الله..
خلي الخيل يقلبن..

وأصقع صنقور..

الأخت او البنت أميرة

لا أوافقك على وصف د. قاسم بالعنصرية

توصف الدعاوى العرقية بالعنصرية في حالة استعلائها على الآخرين
وليس عندما تتحرك ضد ظلم واقع عليها من الآخرين

مثلا العروبة ضد الإستعمار ليست عنصرية
ولكن عند قمح الأقليات الأمازيغية أو الكردية أو الأفريقية تكون عنصرية

الباقر

الفاضل الباقر عثمان ...آسفة سيدي لإتهامي له بالعنصرية ..يبدو أنني قرأته خطأ....
و سوف أسحب مداخلتي..
كل الإحترام...
أميرة

شكرا أميرة

لقد طرح د. قور قضايا عادلة تخص المسيرية
كالإستفادة من البترول
واحترام تراثهم
وإشراكهم العادل في حكم وإدارة البلاد

ولكن يتوجب عليه أيضا

عدم إطلاق الإتهام بصورة معممة على من يصفهم بالجلابة
في نظري أن الجلابة كانت ممارسة وليست عرقا
عندما ذهب بعض السودانيين إلى مناطق أقل تنمية وأقل تعريبا
واستغلوا سكانها ومواردهم استغلالا بشعا
محتمين بما يوصف بعروبة وأسلامية الدولة
وكما وصفها المحليون بذكاء عندما وصفوا الجلابي بأنه

كان لقيتو في الدكان
يقول ليك إذ لو كان

وكان لقيته عند القاضي
تر منه غادي

فهذه المؤسسات التي يستقوي بها

ولكن كل أرث الجلابة الشرس
تأسست عليه سلطة الجبهة

فهي التي تنهب البترول
وهي التي تحرم الغالبية من حقوقهم

على قاسم أن يسدد سهامه لصنقورهم هم
كما فعل البطل التاريخي الشهيد
بولاد

وهو مطالب أيضا
بإدانة المراحيل التي استباحت قرى الدينكا
كما طالبه محقا النعمان وعصام

وبالمناسبة يا أخ قاسم
عصام جبرالله ليس نكرة
وانما عرفت عنه مبدئيته في الدفاع عن حقوق المستضعفين
وإن إدي ذلك إلى الخلاف مع من ينتمي إليهم

الباقر موسى

فى الواقع ارث الجلابه الشرس تاسست عليه كل الفعاليات السياسيه بالدوله السودانيه منذ الاستقلال والجبهه التابعه للترابى مجرد فصل هزيل من تلك الدوله استند على رساله الدكتوره فاطنه بابكرمحمود حول عقليه البرجوازيه السودانيه وتجلياتها المختلفه وتحالفاتها القذره فى التامر على افقار اجزاء غنيه بغرب السودان تمثل مصادرلانتاج راسمال عبر المحاصيل النقديه والتجاره والثروه الحيوانيه الضخمه تؤدى الى اثراء فئه متحكمه فى مفاصل الدوله اشارت اليهم بالجلابه احيانا لا يوفرون خدمات لتلك الهوامش المنتجه ثم يصدرون راس المال بعد تناميه الى تنميه حواضر اخرى كالخرطوم وبورتسودان ..
حضور شركه شيفرون فى منصف سبعين القرن العشرين كان فرصه لتحويل جانبا كبيرا من كردفان الى منطقه تشبه المنطقه الشرقيه بالسعوديه من حيث الثراء وسهوله الخدمات والاهتمام ببناء الانسان لكن المسيطرين على مفاصل الدوله اهملوا تنميه المنطقه حيث لم يوفروا خدمات بنيه تحتيه بل خصصوا المهن الضعيفه لابناء المنطقه وسواها لغيرهم وللعلم جانب كبير من روايه جديده لفضيلى جماع يستند على ذلك التاثير السالب للنفط بمنطقته وهذا لا ينفى سودانيته مثل المسرحى والثائر النيجيرى "كينا سارورا" الذى ادى صدامه المركز بلاغوس حول تهميش قومه الذين يقع البترول فى اراضيهم الى فقده حياته ولقد اشار فضيلى جماع الى هذا الاديب اكثر من مره..هذا جانب.
الانتماء الى قبيله ليس امرا معيبا انما العيب فى تبرير اخطاء القبيله علما ان القبيله احيانا تتفوق على الايدليوجيه فى حل المعضلات تنبه الخاتم عدلان بعد تحرره من الحزب الشيوعى الى ان عبدالخالق محجوب عندما حارت به السبل وقفلت امامه ابواب الايدليوجيين التى يفترض لها حمايته حسب تدابير معينه لم يجد سوى ان يلجا الى ذوى القربى لحمايته وقد فعل رغم ان الحمايه لم تكتمل حسب اراده الله .
اخيرا الجبهه اللاسلاميه مجردفصل تافه فى مسيره الدوله السودانيه وهى لا تختلف كثيرا عن سواها من الاحزاب التى حكمت السودان وهمشت جانبا كبيرا من ريفه المنتج ودمرت الانسان الامر الذى يؤكد ان مشكله السودان فى اسلوب الحكم وليس فى من يحكم.
مجلس ريفى المجلد يعتبر اكثر المجالس ضخا للايرادات داخل الخزينه العامه يليه مجلس غبيش وهى غير بعيده عن المجلد رغم ذلك انسان المجلد يشرب الماء الاسنه فى احواض مشتركه مع الحيوانات وتفتقر المطقه عموما للخدمات البيطريه والصحيه والتعليميه والاجتماعيه ويموت جل مواطنيها من امراض هشه يسهل السيطره عليها عبر العلم لدغه عقرب او دابى عثر ولاده الخ..

الأخ أحمد
أتفق معك كثيرا
فقط لا أوافق أن الجبهة هي جزء تافه في مسيرة الإستغلال
نعم ليست وحدها من الحكومات السودانية من كرست استغلال ونهب
الأقاليم الأقل تنمية
وأنما هي الآن قطب محاولة الإبقاء على ذلك الإستغلال
وما جاءت للسطة إلا بدعوى أن أحزاب احتكار السطة التقليدية
كانت متهاونة مع مطالب المهمشين
فجاءت الجبهة معلنة الجهاد على كل من يطالب بحته في الجنوب أو أي إقليم
وفي المدن أيضا كالنقابات
ومن ناحية أخرى أصبحت الجبهة بعد تركيز السلطة في يدها بما لم تسبق عليه
أكبر ناهب لثروات البلد بدءا من البترول والذهب ونزولا لأصغر دكان رابح

ألى صناقيرهم يجب أن نوجه سهامنا بلا لبس

وجميل أن يكتب فضيلي رواية عن البترول والإفقار فهذا دوره
وهذه ستكون إضافة مثل الرواية الجيدة لإبراهيم بشير التراب والرحيل
التي وثق فيها للمجاعة التي ضربت كردفان منتصف الثمانينات

الباقر موسى

الفنان الباقر تحيه هل بالامكان ان ترسل لى بريدك الالكترونى على الماسنجر او على [email protected] وسوف ارسل لك مجمل كتاب الدكتوره فاطنه بابكر " مترجم بالعربى" كمرفق حول " الراسماليه السودانيه هل تمثل طليعه فى التنميه؟ علما انه عمل اكاديمى دقيق ظهرت ترجمته فى كتاب قبل اقل من شهرين ..عبره تعرفت على الكثير من اسباب وصول الجبهه الى الحكم وظهور حركات مسلحه بهوامش السودان الجغرافيه علما اننى انطلق من ايدليوجيا مختلفه عنها لكنى احترم كثيرا منهجها فى التحليل" منهج ماركسى كما اشارت فى المقدمه" والنتائج التى توصلت اليها والتحذيرات التى اشارت اليها منها مخاطر التحالف مع الاحزاب البرجازيه مهما كان المبرر الامر الذى وقعت فيهبعض النقابات والاحزاب التقدميه فى مظله ما يعرف قديما بالتجمع الوطنى الديمقراطى وهذا باب اخر

شكرا أحمد

سوف أرسل لك إيملي
سعيد بصدور كتاب د. فاطمة
الذي كانت تحدثني عنه منذ كان مخطوطة

نعم د. فاطمة من أمضى العقول السودانية

الباقر

د.الباقر

Quote: عدم إطلاق الإتهام بصورة معممة على من يصفهم بالجلابة في نظري أن الجلابة كانت ممارسة وليست عرقا عندما ذهب بعض السودانيين إلى مناطق أقل تنمية وأقل تعريبا واستغلوا سكانها ومواردهم استغلالا بشعا محتمين بما يوصف بعروبة وأسلامية الدولة وكما وصفها المحليون بذكاء عندما وصفوا الجلابي بأنه كان لقيتو في الدكان يقول ليك إذ لو كان وكان لقيته عند القاضي تر منه غادي فهذه المؤسسات التي يستقوي بها ولكن كل أرث الجلابة الشرس تأسست عليه سلطة الجبهة فهي التي تنهب البترول وهي التي تحرم الغالبية من حقوقهم على قاسم أن يسدد سهامه لصنقورهم هم كما فعل البطل التاريخي الشهيد بولاد وهو مطالب أيضا بإدانة المراحيل التي استباحت قرى الدينكا كما طالبه محقا النعمان وعصام وبالمناسبة يا أخ قاسم عصام جبرالله ليس نكرة وانما عرفت عنه مبدئيته في الدفاع عن حقوق المستضعفين وإن إدي ذلك إلى الخلاف مع من ينتمي إليهم الباقر موسى

دزالباقر

كتر خيرك
هادا الكلام الصح
وكلام المثقف ...بيقول الحقيقه كلها كنلى وكن عليه
عشان المظلمه ما تقع على زول
ات حطيت اصبعك فى الوعى
وكسرت البخسه عديل
البتسيوى الحكومه دا : شدق لبن وشدق دقيق
والمثل بقول : اللقمه الكبيره بتفرر الضرا
وأنا شايف أهلنا جلابة البترول لقمتم بقت كبيره
والزول كن خلقه مشروط ما بتشنقل
ونحن ما ناس خراب
لكن النهار الأبيض دا أنا بوجه ليك الدعوه
عشان تلف الدار دى كلها
أول بالتبادى : لرميل المويه ب 1000 ج
ثانيا: الحكومه بعد ما جاء السلام ...اهتمت بمصالحها وخلت عيالنا القيبل وقفوا معاها بلاعمل
ثالثا: عيالنا طالبو بوظائف وعمل فى البترول مرقوا أصبعا ملحوس
رابع: عيالنا عملوا حركات مسلحه شهامه 1 وشهامه 2 وحركات سياسية مثل شمم . الحكومه ألدابة ليهم بشيئ أسمو مجلس شورى المسيرية وهو ترى لا مجلس شورى لا حتا جاى هو ضراع للمؤتمر الوطن نفسو بى نشاطهم
أنا ما عندى أى دعوة خراب أو دعوة هن فرقه
لكن المثل بيقول : العندو ضهر ما بنكتل على بطنه
نحن كافة يا مسيرى ما عندنا ضهر
انكتلنا فى بطنا
أنا كلامى فى السياسه وما عندى نية فتنه
عشان كى أنا خدم نقارتى فزع
لكافة المسيرية المتعلمين
عشان ننقاش موضوعنا دا بعيد ما أى تشنج
والمثل بقول : حلا بالايدى ولا حلا بالسنون
أما بخصوص الفنجريه أميره
ترى أنا مانى متحرج من كلامها
وكتر خيرها أعتذرت
واعتذارها دا ذاتو دليل على علمها
وأنا عارف هى ذاتها حاتساعدنا

الاخوة على اسماعيل و فضيلي و قور زاتو و كل مهتم بالموضوع الذي تمت كتابة البوست ده من اجله

سلام

لا توجد جرجرة لا نوايا مخفية و لا اجندة اخرى غير الكلام الكتبتو هنا و هى تعبر فقط عن وجهة نظرى الخاصة جدا في موضوع علاقة المتعلم او المثقف بانتماءاته القديمة او التقليدية و هى لا تخص فقط الانتماء القبلي ففط.

اعتقد ان الامر يستحق من الجميع نظر و تفاكر دون تخوف و حساسية منه لانه مهم للغاية خاصة في الظرف الراهن .

اسف اذا ساهمت في تعطيل حواركم.

الى لقاء في مكان اخر لمناقشة الامر دون شخصنته....

توفيق في مسعاكم



سلام وتحايا

الدكتور قور على ايقاع نقارتك اشار الشاعر فضيلى جماع فى مداخلته الاولى الى دواعى " دق النقاره" ذاكر اكثر من سبب لذلك فى الفريق او القريه...
توظيف ايقاع الطبول كوسيله اتصال طقس افريقى بحت وظفه ACHEBE فى اكثر من روايه وكذلك استفاد منه الامريكى الاسود اليكس هيلى فى اكثر من مشهد فى روايته ROOTS اجملها ذاك المشهد الذى نطق به الطبل اسم ابن القريه المفقود كونتا كونتى عندما غاب اكثر من ليله اثر خطفه بواسطه تجار الرقيق عندما كان يحتطب بحثا عن خشب معين لاجل صنع طبلا خاصا به كذلك يسود هذا الطقس الصوتى فى اكثر من عمل ابداعى افريقى على ضوء انتباهك الاخير الى الابداع الافريقى وانتماءك العرقى الى قبيله المسيريه ذات الجذور العربيه حسب روايه اهلها من اين اتى هذا الطقس الافريقى البحت الى تراث هذه القبيله؟؟ علما ان احد الروايات المتداوله حول هذه القبيله العربيه كما يقول اهلهاتشير الى دخولهم السودان عبر غرب وشمال افريقيا بعد خراب الاندلس ام ان هذه القبيله افريقيه الاصل تدعى النسب العربى كما اشار ابن خلدون تلميحا؟

الاستاذ الناقد أحمد الامين
كى أجيب على سؤالك هذا دعنى أضع اللهجة البقارية جانبا لبضع بوستات:
هذا سؤال عميق وفكرى ويفتح فضاءات عديده ليس على مستوى الثقافه بل على المستوى الحياة العامة لدى هذه المجموعة البشرية. الحقيقة يجد الباحث فى تاريخ المسيرية عدد من المؤشرات والوقائع التاريخية التى تدل على انهم مجموعه قارية تعرضت لشتات أستمر نحو 500 سنة . لقد ذكر الانثربولوجى أيان كونسون فى كتابه ( Bagara Arabs )ان المسيريرة الحمر بضم الحاء هم فى الأصل ينتمون الى مجموعه عربية جهينية دخلوا مصر ثم ضربوافجاج الأرض على طول البحر شواطيئ البحر الأبيض جهات المغرب العربى وتونس ثم اتجهوا الى الصحراء شرقا. واليوم نجد امتداد المسيرية نفسه فى أقطار عديده مثل تشاد ، وتونس ، والمغرب كل هذه البلاد يوجد بها مسيرية.ويوجد مسيرية السودان فى دار فور وكردفان . والمسيرية الذين أتحدث عنهم هم المسيرية الذين دخلوا مناطقهم الحالية فى القرن السادس عشر الميلادى .لقد دارت معارك بينهم وبين الداجو أهل السلطنة الاصليين .لكنهم تعايشوا معهم ثم ضربو جنوبا وأختلطوا مع قبائل افريقة بحته مثل الدينكا . كما يشير هندرسون فى Sudan Notes and record فى تقاريره الى هذه الحقائق . هذا يدل فى تصورى ان المسيرية هم عرب أفارقة ، ولقد كان لأختلاطهم بالقبائل الافريقية أثر كبير حيث أضطرتهم سبل كسب العيش الى اكتساب كافة أنماط الحياة الافريقة وتمظهراتها الحياتية . على سبيل المثال نجد فى رقصة النقاره طبول افريقية ورقص تعبيرى تم التخلص فيه من اللغة أى كان نوعها. كذلك فى أزيائهم المذركشه . كذلك اتخذ هذا التحول بعدا انثروبولجيا، فالمسيرية اليوم يتحدثون لهجة عربية لكنهم بخصائص فيزيقة أفريقية . على المستوى الشخصى وبحوثى المتواضعه أكتشفت ان لهجة البقاره بها بعض المفردات الميزيقيه مثل كلمة ( جع) و(كو) ومحاولتهم الدائمه لتصوير الفعل مثل قولهم ( فلان وقع بب) و(نط جر ) وشرب الشاى شوت) وركب الحمار طرب ( ورمى الحجر فى البئر جلبونق) لكل فعل بقارى صوت مفسر له ربما كان ذلك بصدد تفسير كلامهم الى مجموعات لا تتحدث اللغة العربي لاحظ هذه الافعال وأنت المتخصص فى هذا المجل ( جر ، بب ، جلبونق ، طرب) ...ربما أكتشف المسيرية لغة جديده تساعدهم فى التحاور مع المجموعات ىالافريقية الاخرى التى يعيشون معها. كذلك اننى لا أنفى أثر الاندلس بعد سقوطها فى القرن الرابع عشر على ثقافة المسيرية اذا انهم كانوا حينها فى حركة أكثر دينميكية على شواطيئ المتوسط ، اذا فى اثناء بحثى عن ايقاعات النقار المسيريرة وجدت هناك هناك يسمى ( فلموك) وهو عزف حر يبرز فيه قارع الطبل مقدراته \أما الراقص يبرز فنونه التعبييرية وهذا هو ( الفلومنكو ) الاسبانى . لكن يا عزيزى كما تعلم ان محاولتى هذه ليست سوى بحوث ضعيفه فأنا مثلا رغم تخرجى من معهد الموسيقى والمسرح لكننى لست متخصصا فى الموسيقى والايقاعات ، لكن بلاشك الدكتور عبد القادر سالم له فى ذلك شأوا عظيما . أما النقارة التى قرعتها (خدمتها) فى هذا البوست هى (نقارة فزع) وهى احدى الحالات التى تخدم فيها النقاره كما أشار الى ذلك الدكتور فضيلى جماع ، فهى تقرع انا لفزع والفزع هنا يعنى ( النجده ) وليس الخوف أو ( المسار) أى الرحيل ، أو ( فرح) وهى كلها أشار اليها فضيلى فى بوسته عاليه .

السيد عصام
ات زعلان ولا شنوه
كن زعلان منى أنا بعتزر ليك
يا خوى المثل بقول الكلام عرديب
وصحى الكلام بقى فسل
وصيدتى دخلت فساله
لكن مروقك من البوست منقصه
ات شايفك مهتم بدور المثقف والمتعلم فى السودان الواحد
لكن يا ولضمى البلد بسيرو السياسيين ما المثقفين
المثقف والمتعلم كن ما بقى واعى وقعد فى التراب مع أهلو تحت قعور الشدر ما بحل
حله أنا دا قال بالكلم فى شكسبير ، وآرثر ميلر و يين يين وشنو شنوه لكن الناس فى التراب هناك دايرين الشغلات ديل
1- مويه (ماء)
2- خدمه (عمل)
3-حكيم ( خدمات صحيه)
4- مدارس (تعليم)

هاها يا ولد الراجل الزين كن أنا مشيت وعرض ليهم مسرحية من مسرحيات شكسبير ماهيه بقولوا ول قور دا شوطن
وكن قعد فى الخرطيم وأم دراماين وقعد فى لب المكيفات وشراب المويه البارد كمان بقولوا على ملفلهم والقلم مابزيل بلم
دا كلو كوم يا ولضمى
الشيئ البقى لى حار وخلانى أخدم نقارتى فزع فى طامه جديده مقبله على ديارنا هناك ...طامه كبيره خلاص : أولها تارى نحن قاعدين شركات البترول قسمت ترابنا طب . وبجى يوم فضيلى يوم ينقلب لى قريته بلقاها شركة هن بترول .ها الشركة دى بتبقى لى أخو ولا أخت ولا خاله . والوجعنى التقسيم دا عملوا جلابة الخرطوم.

ول أبا..
يخي..

نقارتكـ دقتها مفروزة إلا النفس مغبونة..

عيال البقارة يا توا واحدين ما قلعو المرقعة وقاعدين على الله..
وعينهم نجيضا إلا باكر الفولة بتتملي وسياد البارا بيجو..
أنا من عِرِف بُكانكـ تحت القنطور عندكـ ده..

تاني ما بغباكـ..
بجيكـ ساير شاقي التراب بسعيتي..

إلا..

الفولة غرقانة كتاحة لعضانا..

ولضمى عبد الرازق
أجر جاى
بنات عملك ظعرطن ليك
الكوكب سو لى جمجم
وطبيقتك قصر عودها

ولضمى عبد الرازق
أجر جاى
بنات عملك ظعرطن ليك
الكوكب سو لى جمجم
وطبيقتك قصر عودها

الاخ قور
السيد دى زحا بعيد, قول عصام ساكت كده...
انا ما زعلت و لا بزعل في السياسة و خلاف الافكار والمواقف, انا قلت اخلى النقاش لى وقت تانى و مكان تانى, واذا في شئ برجعنى للبوست برجع طوالى بخشم الباب. و هسة دى رجعة خاصة حسيت من كلام اخونا على اسماعيل الذى احترمه جدا انو كلامى قد يحرف نقاشكم عن امر يخص منطقتكم , و ده ما هدفي.

Quote: ات شايفك مهتم بدور المثقف والمتعلم فى السودان الواحد لكن يا ولضمى البلد بسيرو السياسيين ما المثقفين المثقف والمتعلم كن ما بقى واعى وقعد فى التراب مع أهلو تحت قعور الشدر ما بحل حله أنا دا قال بالكلم فى شكسبير ، وآرثر ميلر و يين يين وشنو شنوه لكن الناس فى التراب هناك دايرين الشغلات ديل 1- مويه (ماء) 2- خدمه (عمل) 3-حكيم ( خدمات صحيه) 4- مدارس (تعليم) هاها يا ولد الراجل الزين كن أنا مشيت وعرض ليهم مسرحية من مسرحيات شكسبير ماهيه بقولوا ول قور دا شوطن

يا قور انت فهمت كلامى بطريقة غير الانا قاصدا, انا لا اصف نفسي كمثقف, انا "ناشط" في العمل العام و السياسة بالتحديد, الثقافة بتاعت المسرح والقصة والشعر حدى فيها انى متلقي و قارئ و مستمع و مشاهد يقول رايو العادى ده.
اهتمامى في المقام الاول بالنقاط العديتم انتا ديل:

Quote: - مويه (ماء) 2- خدمه (عمل) 3-حكيم ( خدمات صحيه) 4- مدارس (تعليم)

لكن المتعلم او المثقف او الزول الله اداهو ساكت حكمة دنيا لما يمشي و يتتفن في ا مع اهلو و يكلمهم بي لغتهم ايا كانت حيكرر معاهم كلامهم لو صاح او غلط و لا يفتح ليهم عينهم و يوريهم لما تكون في حاجة عدم التعليم ده زاتو ما ساعد الناس يشوفوها....
اها انا معاك في انو مش المسيرية و لا كردفان بس تلقي حقوقا الاساسية زى التعليم والصحة و موية نضيفة وغيرو بل اى سودانى وسودانية واى منطقة و اقليم ... السؤال : كيف نصل لى ده؟

القصة موش بس الزول يتكلم بالحلفاوى و لا الشلكاوى و لا المسيرى انما بقول شنو؟ محتوى الكلام شنو؟ لعشرات السنين في كل بقاع السودان واطرافه كلها الناس المغلوبة و مطحونة دى ضللوهم و غشوهم ناس بقعدوا معاهم تحت قعور الشدر و ينضموا معاهم بي لغتهم زاتا.... شغالين وكلاء للمستفيدين الكبار في السلطة ... اها دور المتعلم والمثقف في مقاومة السياسي و ضبطه شنو؟ عشان ما يقرر على كيفو و لمصالحه، و دوره شنو في كشف المثقفين والمتعلمين (حتى لو كانو من نفس القبيلة و لا الحزب و لا الطائفة) الشغالين يبررو للاستغلال والظلم؟

امشي معاك للموضوع المهم:

Quote: الشيئ البقى لى حار وخلانى أخدم نقارتى فزع فى طامه جديده مقبله على ديارنا هناك ...طامه كبيره خلاص : أولها تارى نحن قاعدين شركات البترول قسمت ترابنا طب . وبجى يوم فضيلى يوم ينقلب لى قريته بلقاها شركة هن بترول .ها الشركة دى بتبقى لى أخو ولا أخت ولا خال

هل ممكن مزيد من التفاصيل حتى نكون على بينة ؟ و لانو الامر لا يخص المسيرية وحدهم.... اى نعم هم حيتاثرو مباشرة بما يحدث في منطقتهم لكن اى طامة تحصل هناك بتعم كل البلد زى ما حاصل في دارفور وغيرا....

Quote: . والوجعنى التقسيم دا عملوا جلابة الخرطوم

ده رايك ومن حقك بس هل ممكن تفصل في موضوع

Quote: جلابة الخرطوم

.... لانو نوع الكلام المعمم و مبهم ده البجيب الاختلاف

و ده بجيك ليهو راجع عشان نتفاهم فيهو ....

السيد عصام
لأجلك أعطل لهجتى بغية الحوار باللغة العربية الفصحى
ولكى تكون هذه المداخلات ذات مقاربة حقيقية لما كنت أرسله كودا بلهجة البقاره سابدأ بتثبيت الفرضية التالية .
[B]المثقف الجلابى بين الانتهازية وتزوير التاريخ السياسى السودانى[/B]
تلك هى فرضيتى والتى سوف أدعمها بالتحليل ، والدراسة والتصويب . لست شاكيا ، أو مغترا ان أنت أختلفت معى أو أتفقت معى فذلك أمر به فائده ، وقمين باثراء هذا الحوار وكما اننى افيدك علما لست باحثا عن اتفاق بقدر ما اننى ابحث عن عقل نقدى ثاقب ، يكسر أغلال دوغمائية الايدلوجيا المتعفنه تاريخيا....سأركز على نقد تلك الحالة التى أسميها مؤقتا التفشى التاريخى للمثقف الجلابى فى التاريخ السيايى السودانى. ان مقدرتنا اليوم على فرز وكنس جزيئيات هذا التفشى التاريخيى هو ما يثبت حقيقة اننا ندرك خطورة هذا الجسد السايب تاريخيا هذا الجسد هو المثقف الجلابى : طقمة من المتعلمين ، صاروا هكذا بفعل التاريخ والجغرافيا. هذا الجسد الجلابى النتن له جذور ضاربة فى التاريخ السياسى و الخطاب الثقافى السودانى كانت حصيلت ذلك فى قرن من الزمان انفضاحه وتداعيه أمام ايدلوجيا العالم فى مطلع هذا القرن الحادى والعشرين.كتب المثقف الجلابى التاريخ السودانى بمنظور عروبى اسلامى ركيزته دخول العرب السودان .الجسد الثقافى الجلابى المتفشى تاريخيا يؤسس بذنب قاتل مقولات مفارقة لحقيقة قاطعه وهى أفريقية السودان جغرافيا وتاريخيا. هذا المثقف الجلابى الذى أسس لمقولات الحركة الوطنية ، ختما للسلطان الظالم ، لم تنفعه ادعاء أيدلوجية جوفاء ، وتخفى عقدى ودعاوى أحزاب طائفية وشيوعية واسلاموية وهلمجرا . يجد الباحث فى التاريخ السياسى السودانى ارتهانا نفعى انتهازى لمركزية سياسية داجنة كرست لنظام الدولة السودانية 1956طيلة -2007م.ان تصادم هذا الجسد الجلابى المتفشى والسائب تاريخيا مع الوعى التاريخى لفئات الهامش المقموعه جلابيا وبحثها عن حقوقها الأولية من مأكل ومشرب ومسكن هو أمر حتمى كاسرا لمنطق الاحتمالات.بيد أن المثقف الجلابى ظل متفشيا تاريخيا فى جسد السلطان بعيدا عن قراءة الواقع السودانى .....السودان يحتل مليون ميل مربع تحفه ثمانى دول لكنه بلد فقير ساحليا اذ يبلغ طول ساحله بضع كيلومترات ....على الرغم من هذه الحقيقه الجعرافية لم ينظر المثقف الجلابى الى الابعاد الجغرافية للسودان كمكون أساسى لاستراتيجية سياسية سودانية ، لكنه ظل يلوك بجهل تاريحى مقولات ومسلمات مثل الوطن الواحد ويدعى بحثه عن ذلك بسذاجه مغلفه بايدلوجيا وشوفينية كوارثيه، بل ظل رهين نظم بالية ، وأفكار داجنة من شموليات ودوغمائيات دعوية الى ديكتاتوريات عسكرية .يمكننا اليوم القول أن كان من اسلاف الحزب الشيوعى السودانى من شهدت لهم المقاصل بالشرف فأحفادهم الذين آثروا الهروب والانزواء أو الاختفاء يؤسسون نوعا من هروب المثقف الجلابى وغزل للسلطة بدعوى الوطن الواحد فى عالم متعولم ومتغير فالمثقف الجلابى هو من يكتف بالانفعال دون الفعل. أما الحركة الاسلامية فهى لا تقل شأنا من الشيوعية بوصفها منظومة لتفشى ألمثقف الجلابى الذى يبحث عن السلطة وأمورها واسبابها حتى اذا ما علاها وجد نفسه فى غربة من أمره وأمر السودان بأقاليمه المختلفه وهضابه وفيافيه وشعوبه وسماواته وأراضيه. هذا لقد رزح السودان تحت ويل أحزاب طائفية جعلت من السيادات والولاءات الميتافيزيقيه- الكارازماتيه رصيفا لتحركها قكانت ويلا على كافة البشر فى السودان فى غربه وشرقه وشماله وجنوبه حتى سئم الوعى الجمعى تلكم الدائرة الجحيمية فانفجر. لقد شهد مطلع هذا القرن الحادى والعشرين تحولا كبيرا أستراتيجيا فى بلاد السودان .فى عام 1989 أستولى انقلاب عسكرى مدعوم بنظام الجبهة الاسلامية على السلطة فى السودان.بينما كانت تطورات كثيره وجوهرية تحدث فى العالم فى الفترة 1989-2000 م مثل انهيار القطبية الثنائية وانهيار حائط برلين وتحلل الاتحاد السوفيتى الى دويلات أدت الى اختفاء الدولة الشيوعية الى الابد وتنامى الاكزيما فى تمثال لينين ، ثم ظهور تحالف أوروبى ، وحلف الناتو ، وظهور مقولات جديده مثل النظام العالمى الجديد ، وصدام الحضارات على الرغم من كل ذلك لم يفلح نظام الجبهة الاسلامية فى قراءة هذه التحولات بذنب التفشى الثقافى الجلابى، فوجد نفسه فى تمظهره العربى المتجذر فى الخطاب الجلابى العروبى محسوبا على العالم العربى الذى هو هدف القوة الجديده ومصادما لمقولات عصرنا هذا. تلك أحدى ذنوب تفشى المثقف الجلابى فى جسد الخطاب السياسى تاريخيا. لقد أفضت التحولات الاستراتيجيية والاجتماعية الكبرى فى عالمنا الى تحولات أقليمية وقطرية ، أهم تلك التحولات أحساس الافراد بذواتهم واحساس الهامش السودانى بذاته ، وبحثه عن حقوقه . ان التطور السبرنطيقى فى مجالات الحاسوب والانترنت ، والاتصالات عامة كاها أسبابا أسهمت بصورة فاعله فى تنامى الوعى لدى المجموعات المهمشه من قبل الخطاب السياسى الموبوء بتفشى المثقف الجلابى ، لذلك عندما بدأت ( حروب السودان الاخرى ) والمصطلح لسودان وتش فى دار فور فشل العقل الجلابى فى قراءة ذلك الواقع بل دلت كل الوقائع ان الجلابى كان يفتقر لأدنى المعلومات عن أقاليم السودان .وعندما ازدادت الضغوط الدولية على نظام الخرطوم ، وبعد توقيع الاتفاقية أقر أقرارا سياسيا لم يسبق له مثيل حينما وقع على بروتوكلات ثلاث تعرف بالمناطق المهمشه - أبيى - النيل الأزرق - جبال النوبه.

شكرا الأخ د. قور على فتح نافذة حوار ولعلنا نستطيع أن نقوم راكوبة البلدة المايلة لصالح فئات محددة او لتفسير تاريخي مسئول منه افراد محددين سميتهم الجلابة المثقفين ودعني اختلف معك قليلا، ارجو أن نبدأ بتعريف هذا المثقف الجلابي، برغم حديثك عن أن المثقف ليس همه السياسي من الفعل وانما الثقافي منه، وعرجت في مقاربتك وفسرت هذا المثقف الجلابي بأنه كل المنتمي سياسيا من اقصى اليمين إلى اقصى اليسار واستثنيت الحركة الشعبية والحركات المسلحة في دارفور من هذا التفسير. طبعاً هذا الكلام ظهر مع ما يسمى بموجة التهميش وقد ركب هذه الموجة الكثيرون بعضهم بوعي وبعضهم بغير وعي ولا سلطان مبين واحسب أن الاخ قور يمتلك ناصية المعرفة ولديه فهم لما يقول ونرجو أن يشرح لنا اكثر حتى لا نأخذه بجريرة بضع اسطر لا تغني العقول الجائعة لايجاد حل لفك هذه الدائرة العنقودية التي المت بالوطن ولا اريد أن احمل جهة واحدة المسئولية كاملة سواء كان بشكل ثقافي او سياسي او ايديولوجي.
اذا بحثنا في ازمة بلد كالسودان لا يمكن أن نختزل كل المشكلة في تعريف ثقافي غير متفق عليه، فمثلاً هنالك الملايين من ابناء الهامش "اذا اعتبرنا أن الهامش كل من لم يجد نصيبه من كيكة السلطة وباسطة الثروة" هم اعضاء في هذه الأحزاب ولا يمكن أن نقول انهم اعضاء بغير وعي وهنا سوف نصادر حقهم في المعرفة وفي الانتماء ونكون سلكنا مسلك وصائي غير ديمقراطي، نعم ربما يكونوا غير متعلمين ولكنهم يمتلكون الوعي الذي يميزون به. اتفق معك هناك فشل سياسي كبير اذا قلنا أن المثقفين فاشلين وقد ادمنوا الفشل حسب تعبير منصور خالد او بالاحرى السياسيين لم يستطيعوا أن يشقوا طريق وطن كما الاوطان يتوفر فيه الحد الأدني من "وطن" مشروخ بجراحات تجد صداها وترديدها في مثلما كتبت الآن.
لكي نشرح هذه المشكلة لابد أن نبحث في تاريخنا ونجد معالجات من صميم واقعنا، نعم هناك من ينظرون بعيدا عن ارض الواقع وواقع الأرض التي يمشي عليها اهلنا لذلك تأتي تنظيراتهم مجرد لغة جوفاء بعيدة عن مشاكل الناس وهمومهم لأن هذه الرؤى غير مشتقة من واقع الناس وحياتهم وذلك من اقصى اليمين إلى اقصى اليسار ودائما ما اقول ذلك ، ربما الشعبية التي حصل عليها قرنق نتيجة لانه استطاع ان يقول شعارات وأن يضع مقاربات لامست واقع كثير من اهل القرى والفيافي حول المدن وذلك في رحلة اهلنا السودانيين المملة للبحث عن الجديد السياسي في اطار الانسداد السياسي الحاصل في البلد نتيجة لضعف بنية الاحزاب وعدم مقدرتها على الفعل حيث اصبحت مجرد ردود افعال لما تتنجه الانقاذ والحركة والجهات الداعمة لهم في الغر ب وامريكا لذلك ترى حالة الفرح التي اعترت الكل عند الحديث عن محكمة الجنايات الدولية او القوات الدولية والكل في انتظار ان يصفي النظام العالمي الانقاذ. ما يحدث في دارفور كان لوحده كفيل بتغيير هذا النظام اذا كانت هناك قوى سياسية جادة وربما اخرجت السودان من الدائرة الشريرة وربما سمعنا مقاربة من الاخ قور غير هذه المقاربة التي جاءت نتيجة لهذا الانغلاق السياسي.
اختلف مع هذا التفسير الذي جاء به الاخ قور واعتقد أن الازمة في بنية الشعب السوداني والاحزاب والعمل السياسي هذا الكل المعقد ما هو الا مرآة لواقعنا الاجتماعي المتخلف والذي بدوره افرز لنا واقع سياسي متخلف، والحل لا يكمن في ايجاد مثل هذه التفسيرات وتحميل جهات ثقافية سياسية المسئولية ونعفي انفسنا من المسئولية وكأن المشكلة قد حلت ، لا، المشكلة سوف لن تحل بمثل هذه المقاربات بل سوف تزيد الطين بلة، لذلك ارجو من مثقفينا تحليل البنية الكلية للمجتمع وايجاد معالجة تنبع من هذا الواقع ورفد الاحزاب بهذه الرؤى وتقديم نقد واعي وليس مجرد اتهامات لا تحرك قضايا الواقع المأزوم ولا قضايا الواقع المهمش او المهمش الواقع.
مع شكري
أبوهريرة

الاخ ابوهريرة
شكرا للمداخلة الذكية
سأعود اليك لاحقا لكن أرجوك التركيز معى برؤية نقدية مرتكزة على فلسفة التاريخ والسياسة-حول هذه الفرضية

Quote: سأركز على نقد تلك الحالة التى أسميها مؤقتا التفشى التاريخى للمثقف الجلابى فى التاريخ السيايى السودانى. ان مقدرتنا اليوم على فرز وكنس جزيئيات هذا التفشى التاريخيى هو ما يثبت حقيقة اننا ندرك خطورة هذا الجسد السايب تاريخيا

أى اننى أبحث مكينيزمات هذا الجسد السايب تاريخيا الى قاد الى ضلال العقل السودانى وعدم مقاربته لأيدلوجيا العالم
أتفق معك جول هذا الاختلاف الثر والزرب سأعود لاحقا

Thanks

You see my friend Abuhirira .
Esam has completely disappeared and vanished away ,if he came out he would be crashed in this online discussion. While he pretends revolutionary attitude he couldn't bare visionary disagreement, what a man?? .This is stereotypical Galaba methods of conversation .Dogmatism , one dimension speech without listening to others , superiority ,and ethnocentrism.symptoms of what I called the historical existence of Jalaba elements in Sudanese political history)

الاخ قور
سلام

Quote: You see my friend Abuhirira . Esam has completely disappeared and vanished away ,if he came out he would be crashed in this online discussion. While he pretends revolutionary attitude he couldn't bare visionary disagreement, what a man?? .This is stereotypical Galaba methods of conversation .Dogmatism , one dimension speech without listening to others , superiority ,and ethnocentrism.symptoms of what I called the historical existence of Jalaba elements in Sudanese political history

)

يا زول قول بسم الله؟ الناس بقولو الغايب عذرو معاهو، في داعى لى الكلام ده، يمكن رقبتى انكسرت او دقشنى قطر ياخى،

قبل المواصلة ارجو منك ان توضح تفاصيل هذا الامر لانه يهم الجميع

Quote: فى طامه جديده مقبله على ديارنا هناك ...طامه كبيره خلاص : أولها تارى نحن قاعدين شركات البترول قسمت ترابنا ط

نرجع للمواضيع التانية:
- انا ما عندى مانع انتظر الى ان تكمل اطروحاتك كلها وبعدها نتناقش, او اتداخل اثناء ذلك, وان كنت افضل الاسلوب الاول... اختار انت المناسب ليك وانا موافق.

- ابدا باسئلة ذات صلة باشياء تكررت في هذا البوست , اعتقد ولمصلحة اى حوار ان نبدا بتعريف و تحديد ما نتحدث عنه حتى نعرف على ماذا نختلف و في ماذا نتفق واين هى الاسئلة الاخرى المفتوحة , لذا اطلب منك تحديد ما تعنى ب:
1- "ما هى" الجلابة؟ او من هو الجلابي
2ـ من او ما هو المثقف الجلابي.
3ـ من او ماهو الاخر المقابل للجلابة/الجلابي
4ـ من او ماهو المثقف الاخر المقابل للمثقف الجلابي.

اى غيبة تعنى مشاغل حياة عادية تحدث للجميع ...

سلام للكل

عصام
أرجو التركيز
كل أسألتك تم الرد عليها بهذا البوست

Quote: B]المثقف الجلابى بين الانتهازية وتزوير التاريخ السياسى السودانى تلك هى فرضيتى والتى سوف أدعمها بالتحليل ، والدراسة والتصويب . لست شاكيا ، أو مغترا ان أنت أختلفت معى أو أتفقت معى فذلك أمر به فائده ، وقمين باثراء هذا الحوار وكما اننى افيدك علما لست باحثا عن اتفاق بقدر ما اننى ابحث عن عقل نقدى ثاقب ، يكسر أغلال دوغمائية الايدلوجيا المتعفنه تاريخيا....سأركز على نقد تلك الحالة التى أسميها مؤقتا التفشى التاريخى للمثقف الجلابى فى التاريخ السيايى السودانى. ان مقدرتنا اليوم على فرز وكنس جزيئيات هذا التفشى التاريخيى هو ما يثبت حقيقة اننا ندرك خطورة هذا الجسد السايب تاريخيا هذا الجسد هو المثقف الجلابى : طقمة من المتعلمين ، صاروا هكذا بفعل التاريخ والجغرافيا. هذا الجسد الجلابى النتن له جذور ضاربة فى التاريخ السياسى و الخطاب الثقافى السودانى كانت حصيلت ذلك فى قرن من الزمان انفضاحه وتداعيه أمام ايدلوجيا العالم فى مطلع هذا القرن الحادى والعشرين.كتب المثقف الجلابى التاريخ السودانى بمنظور عروبى اسلامى ركيزته دخول العرب السودان .الجسد الثقافى الجلابى المتفشى تاريخيا يؤسس بذنب قاتل مقولات مفارقة لحقيقة قاطعه وهى أفريقية السودان جغرافيا وتاريخيا. هذا المثقف الجلابى الذى أسس لمقولات الحركة الوطنية ، ختما للسلطان الظالم ، لم تنفعه ادعاء أيدلوجية جوفاء ، وتخفى عقدى ودعاوى أحزاب طائفية وشيوعية واسلاموية وهلمجرا . يجد الباحث فى التاريخ السياسى السودانى ارتهانا نفعى انتهازى لمركزية سياسية داجنة كرست لنظام الدولة السودانية 1956طيلة -2007م.ان تصادم هذا الجسد الجلابى المتفشى والسائب تاريخيا مع الوعى التاريخى لفئات الهامش المقموعه جلابيا وبحثها عن حقوقها الأولية من مأكل ومشرب ومسكن هو أمر حتمى كاسرا لمنطق الاحتمالات.بيد أن المثقف الجلابى ظل متفشيا تاريخيا فى جسد السلطان بعيدا عن قراءة الواقع السودانى .....السودان يحتل مليون ميل مربع تحفه ثمانى دول لكنه بلد فقير ساحليا اذ يبلغ طول ساحله بضع كيلومترات ....على الرغم من هذه الحقيقه الجعرافية لم ينظر المثقف الجلابى الى الابعاد الجغرافية للسودان كمكون أساسى لاستراتيجية سياسية سودانية ، لكنه ظل يلوك بجهل تاريحى مقولات ومسلمات مثل الوطن الواحد ويدعى بحثه عن ذلك بسذاجه مغلفه بايدلوجيا وشوفينية كوارثيه، بل ظل رهين نظم بالية ، وأفكار داجنة من شموليات ودوغمائيات دعوية الى ديكتاتوريات عسكرية .يمكننا اليوم القول أن كان من اسلاف الحزب الشيوعى السودانى من شهدت لهم المقاصل بالشرف فأحفادهم الذين آثروا الهروب والانزواء أو الاختفاء يؤسسون نوعا من هروب المثقف الجلابى وغزل للسلطة بدعوى الوطن الواحد فى عالم متعولم ومتغير فالمثقف الجلابى هو من يكتف بالانفعال دون الفعل. أما الحركة الاسلامية فهى لا تقل شأنا من الشيوعية بوصفها منظومة لتفشى ألمثقف الجلابى الذى يبحث عن السلطة وأمورها واسبابها حتى اذا ما علاها وجد نفسه فى غربة من أمره وأمر السودان بأقاليمه المختلفه وهضابه وفيافيه وشعوبه وسماواته وأراضيه. هذا لقد رزح السودان تحت ويل أحزاب طائفية جعلت من السيادات والولاءات الميتافيزيقيه- الكارازماتيه رصيفا لتحركها قكانت ويلا على كافة البشر فى السودان فى غربه وشرقه وشماله وجنوبه حتى سئم الوعى الجمعى تلكم الدائرة الجحيمية فانفجر. لقد شهد مطلع هذا القرن الحادى والعشرين تحولا كبيرا أستراتيجيا فى بلاد السودان .فى عام 1989 أستولى انقلاب عسكرى مدعوم بنظام الجبهة الاسلامية على السلطة فى السودان.بينما كانت تطورات كثيره وجوهرية تحدث فى العالم فى الفترة 1989-2000 م مثل انهيار القطبية الثنائية وانهيار حائط برلين وتحلل الاتحاد السوفيتى الى دويلات أدت الى اختفاء الدولة الشيوعية الى الابد وتنامى الاكزيما فى تمثال لينين ، ثم ظهور تحالف أوروبى ، وحلف الناتو ، وظهور مقولات جديده مثل النظام العالمى الجديد ، وصدام الحضارات على الرغم من كل ذلك لم يفلح نظام الجبهة الاسلامية فى قراءة هذه التحولات بذنب التفشى الثقافى الجلابى، فوجد نفسه فى تمظهره العربى المتجذر فى الخطاب الجلابى العروبى محسوبا على العالم العربى الذى هو هدف القوة الجديده ومصادما لمقولات عصرنا هذا. تلك أحدى ذنوب تفشى المثقف الجلابى فى جسد الخطاب السياسى تاريخيا. لقد أفضت التحولات الاستراتيجيية والاجتماعية الكبرى فى عالمنا الى تحولات أقليمية وقطرية ، أهم تلك التحولات أحساس الافراد بذواتهم واحساس الهامش السودانى بذاته ، وبحثه عن حقوقه . ان التطور السبرنطيقى فى مجالات الحاسوب والانترنت ، والاتصالات عامة كاها أسبابا أسهمت بصورة فاعله فى تنامى الوعى لدى المجموعات المهمشه من قبل الخطاب السياسى الموبوء بتفشى المثقف الجلابى ، لذلك عندما بدأت ( حروب السودان الاخرى ) والمصطلح لسودان وتش فى دار فور فشل العقل الجلابى فى قراءة ذلك الواقع بل دلت كل الوقائع ان الجلابى كان يفتقر لأدنى المعلومات عن أقاليم السودان .وعندما ازدادت الضغوط الدولية على نظام الخرطوم ، وبعد توقيع الاتفاقية أقر أقرارا سياسيا لم يسبق له مثيل حينما وقع على بروتوكلات ثلاث تعرف بالمناطق المهمشه - أبيى - النيل الأزرق - جبال النوبه.

Quote: الاخو الفارس الدقم دخل على الدتور البروفسير عجب الدور هسع دا طبعا هو متابع علاجى منذ شهر ومركز شديد فى حرمانى من الكومبيوتور أنا بقول نيتايتى ضربت لى تلفون وقالت لى الزول من الصباح قاعد فى الكمبيوتر أنا حألتزم بكلامو سأعود للسرير لكن ما هو يطلع تانى بفتح الكميوتور أنا عارف بعمل هايكتم حقات الدكتره عندك دى قياس ضغط ونفس وشنوه شنوه الروح دى فى يد رب العالمين وأقعدوا طيبين لغاية أجيكم راجع شريط الحكامه برسله ليك

الاخ العزيز دكتور قور
تمنياتى القلبية بموفور الصحة ومديد العمر وان تعود معافا لاسرتك الصغيرة ووطنك الكبير
انا شخصيا استمتعت بخطابك البليغ بلكنة ولهجة البقارة الحلوة المؤثرة ولم ارى فى خطابك نزعة عنصرية بقدر ما رايت فيه احساسا بالغبن والاحباط والمرارة و احسست فيه نوعا من الاحساس بالخذلان وليس الحنق والحقد.
جنى

لك الشكر العزيز جينى
وتجدنى آسف .نعم انه خذلان وانهيار واحباط ومرض لكن أين المفر؟
(كل ما آنست مدينة رمتنى بالحقيبه) هذا بالطبع هذا ما قاله درويش
لكنى اليوم أقول
( لقد آنست هذا الوطن حتى أدمنته....لكن ربما لم أكن حيا فأنا اليوم أغيب )
لك العتبى حتى ترضى
أنا الآن أتماثل للشفاء والحمد لله

دكتور/ قور
تحية واجلال
يادكتور رغم انك خصصت كلامك للقامة فضيلى والدقم ، ثم عممت لبقية المسيرية
ولا احب اكرر كلام بعض المتداخلين بأننا هنا نمثل كل السودان ، ولا مانع من طرح
القضايا القبلية بصورة مقبولة .

تكلمت عن اشياء متفرقة ولكن بصراحة ما ركزت لينا على مشكلة او قضية معينة عشان
نفهم الحاصل شنو بالضبط ، اتمنى ان تلخص لينا الغرض من البوست فى نقاط محددة عشان
نقدر نعطيك رأينا بصراحة .

( طبعا انا استمتعت جدا جدا بلهجة اهلى المسيرية التى كتبت بها هذا البوست )


مع خالص ودى

أحمد العمار

فى عام 2000 شارك نحو 16 طالب وطالبه من كلية الموسيقى والدراما (معهد الموسيقى والمسرح) فى تقديم عروض مسرحية فى كل من الفوله وبابنوسه والمجلد والميرم وأبيى ضمن منشط بحثى بعنوان التدخل الثقافى من أجل بناء سلام القواعد بدعم من منظمة UNDP . أهم الاعمال مسرحية البرمكة وهذه مقتطفات من المسرحية .

برمكى 1: دريتو بالكمكلى ومصيبته
البرامكه: نعل خلقه ما انشرط قدام نسيبته
(البرامكة يضحكون)
برمكى 1: البرامكه مسكو فوق
سارق المجوك
البرامكه : ( يرددون بصوت جماعى) أعوذبالله من الكملكلى
خصيم الحريف زمكه
برمكية: سنون صفر
عيونو حمر
ايدى من الدلقى قشر

ناظر برمكى : تلل
البرامكه: سانطين

ناظر برمكى : خلونى أنظر ليكو فوق المسعله
وأصدر القرار
ونطرد الكمكلى من دينقا أم الديار

جميل أن نقرأ مسرح بلهجة كردفانية
وطقس كردفاني
وهو مجلس البرامكة
والذي أرى أنه من أهم الممارسات الإجتماعية والإبداعية

الباقر

شكرا الدكتور الباقر
هل ترغب فى النص الكامل لمسرحية البرمكه
أما وأنت لا زلت تدفع بى معنويا للخروج من هذه الحالة التعيسه ...أقول لك الحمدالله أن اليوم بخير وبدأت أمارس حياتى بصورة طبيعية. وآخر ما ذفرت به على جريدة السودانى فى عمود بدايات قرن يوم السبت 29 ابريل 2007:

Quote: بدايات قرن د.ابوالقاسم قور حكايا ت من غرب ولا ية جنوب كردفان الديناصورية السياسية ومزارع الحيوان (2) الذي يجرى بهدوء فى الجزء الغربي لولاية جنوب كردفان ينذر بنهايات قد تكون مذهله.للأسف الشديد لم تستطع حكومة الوحدة الوطنية والمؤتمر من إحداث أى مقاربة أو قراءة أوتحليل علمى للإحداث التي ظلت فى تطور درامتيكى وترسل اشارات وشفرات لا زالت سلمية. تحدثنا المراجع والتجارب فى دراسات السلم عن أنماط المقاومه السلمية Nonviolent Struggle ، وهنا أضم صوتى دون تردد لصوت هؤلاء الشباب ، لقد سئمت تقديم النصح لهذه الحكومه عبر أحد اشرف وسائل التعبير وهى الكتابة الصحفية وتقديم المحاضرات والمنافحات فى مجالات ثقافة السلام وفض النزاعات حتى صرخ فيلسوف الصحافه السودانية الدكتور عبد اللطيف البونى ( مين يسمعك يا قور) على أشهر عمود صحفى راتب ( حاطب ليل) بجريدة الرأى العام .. فان هم شكوا – الشباب- فى بياض راسى و ما أعتراه أقول لهم تلك علامة من علامات السعادة والبخت الدعة منها بعد دلق قنانات العطر فوق راسى ، والمثل بيقول ( كضب البياض وصدق الكرماش ) الحمد الله على عدم الكرماش فى زمن تكرمشت فيه الاشياء دون غسيل. اليوم يؤسس شباب المنطقة الغربية لولاية جنوب كردفان منظومة رفيعه من الوعى السياسى ، والحكمة المفقودة ، لقد ضلت الحكمة كثيرا فى هذا البلد فهل يسمع المؤمنين ذلك بتبنيهم أحدى أرقى نظم المقاومه وهى لمقاومة السلمية التى تكون ضد الحكومه فى مؤسساتها أو ضد الممارسات السياسية ، أو ضد أساليب القمع والنبذ السياسى الممتد عبر التفشى التاريخى للديناصورية السياسية . هذا المنهج هو منهج الزعيم الأفريقى الغانى نكروما . ويقولون لولا نكروما لظلت غانا الى يومنا هذا ترزح تحت الاستعمار البغيض . يرى نكروما انه بامكان الشعوب الافلات من حالات الكبت السياسى والمظلمة دون عنف ، ويقول نكروما فى مذكراته انه درس النظم الاجتماعية عبر اضطلاعه على الفلسفة الاجتماعية ثم بدأ دراسة حياة الزعيم الهندى غاندى وأساليبه فى المقاومه و انه قد تعرف على حقيقة امكانية تحرر الشعوب دون ثورات مسلحه ، بدون سلاح أو زخيره ولقد خلص نكروما الى ما أطلق عليه تعبير ( الفعل الايجابى Positive Action ) . لكن حكومة الوحدة الوطنية لم تقرأ فلسفة المجتمع.لأنهم لم يفعلوا ذلك ولن يفعلون وبذنب جهلهم للتحولات المجتمعية ذات الأبعاد السياسية أحدث الانشطار (شباب / الكهول) نقلة أخرى على رقعة المقاومة السلمية وهى (شباب / المؤتمر الوطنى).هذا بالطبع ما كشفه اللقاء المشترك الذى تم بين الفئتين فى مطلع الاسبوع المنصرم اثر تفويض رئيس الجمهورية لثلاثة من أعضاء المؤتمر الوطنى النافذين من أبناء المنطقة الغربية لولاية كردفان للتفاوض مع فئة الشبابا هم بالاسم السفير الدرديرى محمد أحمد والأستاذ أحمد الصالح صلوحه رئيس هيئة تنمية غرب كردفان والدكتور عيسى بشرى نائب والى ولاية غرب كردفان. تشير المصادر ان اللقاءات كانت عاصفه لم تخلى من توتر ، خاصة بعد أن أفصح السيد أحمد الصالح عن المسكوت عنه وهو وجود عناصر لأحزاب المعارضة وسط تجمع الشباب. ما كان له أن يفصح عن المسكوت عنه وهو يردد ( دا فى الدبه ودا بدبه).بالطبع لم تكن تلك هى المرة الأولى التى يلتقى بها المؤتمر الوطنى بفئة الشباب لقد تم اللقاء الاول فى مطلع يناير من هذا العام بمدينة الفوله، حينها حدثنى من شهد الوقيعة و اللقاء بأن كارثة كانت وشيكه الحدوث وسمع الهتاف ( مسيرية وي يى) ، لقاء عاصف ، لم يخل من مدى طران عصى غلاظ ، ثم كادت أن تحدث الكارثة لولا حكمة الحكماء . أما اللقاء الثانى أسفر عن خيبة أمل المفاوضين أعضاء المؤتمر الوطنى . الذين عادوا وخشومهم ملح ...ملح . السؤال هو مالذى يحدث بالجزء الغربى لولاية جنوب كردفان ؟هذا هو السؤال الذى يحتاج البحث والتفاكر بعد أن أسست لنا المنطقة الغربية لولايية جنوب كردفان منظومة رفيعه للمقاومة غير العنيفه ..لمزيد من التوضيح يمكننا اليوم توصيف المنطقة التى تسمى الجزء الغربى لولاية غرب كردفان جغرافيا بانها رفاة ولاية غرب كردفان سابقا تلك المنطقة التى نسيها تاريخ التنمية ، والتاريخ السياسى وتريخ المسوحات الاجتماعية حتى حسبها الساسة من أهل الانقاذ الوطنى انها نقطة ثابته لكنها فى الحقيقة كانت نقطة متحولة ، ومتحركة ...انها ديناميكية الوعى الجمعى .المنطقة فوق كل ذلك تشمل أشد البؤر المتوترة والمأزومة بمكينزمات النزاع فى متون وحواشى وبروتكولات اتفاقية السلام الشامله وهى منطقة أبيى . تقع هذه المنطقة فى مثلث تحدد أضلاعه نقاط أبو جابرة –أبيى – الفوله .قاعدة المثلث هو الخط أبو جابره- الفوله وتقدر بنحو 210 كيلومتر. تقدر مساحة هذه المنطقة ب 21000 كلم مربع . يحفه منخفض هو امتداد لوادى شلنقو يلتف كنتوريا حول جهات الوادى عند المجلد ، ووادى الغله ، ويبدو أكثر وضوحا فى منطقة الفوله حيث وادى (جغمنى). هذه منطقه خصبة ، وحوض للمياه الجوفيه ، ومياه الأمطار التى سرعان ما تتبخر بفعل الحرارة .يشمل هذا المثلث على حقول النفط فى أبوجابره ، و هجليج ، و دفره .هذا المثلث هو مثلث النفط الذى حسدته شيفرون ، اذ تشير تقاريرها انه أحد أكبر حوض لاحتياطى النفط فى العالم . كانت أميركا تدسه لليوم الأسود بعد أن أحكمت شفرون سد آبار البترول ووراتهم الثرى .لكن حكومة الانقاذ تعودت على بحت الأشياء ، وتلك خاصية ليست كلها شر ، فمن بين ما بحتته من مسدودات هذا الزمان الاميركى تفجير ينابيع هذا الحوض بمساعدة أكثر الكيانات البشريه لا تععط أميركا أهتماما وهو التنين الأصفر ( الصين) ، ومن يومها أصيبت الانقاذ بلعنة الكاربوهدروينات. يلمس هذا المثلث فى أحدى اركانه ولاية جنوب دار فور و تقطنه قبائل ذات أصول عربية مثل المسيرية والمعاليا والحمر والبديرية وقبائل افريقية خالصه هى الدينكا والنوبه . ان توصيف هذذا المثلث وحده كفيل بتأسيس منهج الحل ، والرؤى التى من شأنها توصيف المشكل واكتشاف مؤشراته وبحثه جذور الصراع ثم تصميم الحلول... لكن ماذا نقول مع مؤسسة سياسية تبدأ مشاريعها الحساسه دون بحث وباتالى بدون معلومات كافية ، مؤسسة سياسية تكتفى بالظواهر ...تلك محنة هذه الحكومه ، فهى تذهب نحو الظواهر ، ويا ويلك اذا ما تبرعت وتحدثت عن خلف الظواهر ، نحن الذين نبحث فى النصوص الخفية ، المسكوت عنه لا نجد من هذه الحكومه غير غضب ، بل هى فى الغالب لا تعير ما نكتبه أى اهتمام ، نحن الذين نؤذن فى مالطه أنهكتنا حالة التبرع بالنصح ، ويقول المفكر البونى فى عموده حاطب ليل ( مين يسمعك يا قور) ، لماذا لا نطوى الصحائف ، ونرفع أقلامنا فمن المداد ما يندى وجهه ، وبلاد الله واسعه ، ماذا سنرى أكثر من فقر ومذلة وفاقه تساوت فيها معادلة العمل وعدمه. التفكير الغريب هو ان تواجه الحكومة تشظيات هذا المثلث وتمظهراته بمنظومة مؤتمر وطنى ، خاصة اذا ما علمنا أن حزب المؤتمر لم يعد مرغوبا مثلثيا. ان حركة الشباب التى أنتجت منظومة ( شباب مجتمع المسيرية ) شمم هى تمظهر وقول سياسى يحتاج لقراءة عميقة ورؤية ثاقبه . ان هجوم مجموعات دار فور المسلحة على منطقة أبو جابره احتلالها للمنطقة لبضعة أيام مؤشر آخر الى امكانية انتقال المعارضة المسلحه من دار فور الى كردفان عبر أحدى اضلاع هذا المثلث ، لكن بحكمة الشباب قد تحول الانتقال الى وعى عميق بخطورة العنف ، فبرز تيار شباب المسيرية. ويمكننا اليوم النظر الى عدم تفسير الجهات المختصة بصورة منطقية ، أو التوعية الكافية للمواطنين بدواعى حل ولاية غرب كردفان التى كانت رغم ضعفها تسد بعض الفراغ الادارى ومن أسباب بروز هذا التيار احساس الجيل الجديد بعدم التحول بعد تعرضه لعمليات وعود غير صادقه قادت الى احباط شديد ثم احساسه فى ذات الوقت بذاته ، واتصاله باقرانه من أجيال داخل وخارج السودان .ايضا من الأسباب تحجر المؤسسه السياسية وتكلسها وسدها للمنافذ وعدم رفدها للجسد السياسى بدماء شابه !!!هذه الأخيره هى الأصل فى تحرك الرمال . ربما جاء الشباب للعاصمة ، لمتابعة المشاريع التى وجه رئيس الجمهورية بتنفيذها فورا ، اقول لا خيل عندك تهديها يا قور ، لكنى سأرتدى التى شيرت الأحمر عليه صورة جيفارا أو بوب مارلى ، أو حتى نانسى عجرم ، وسيجدنى الشباب معهم .... هل أحدثكم عن ثورة هربرت ماركوز ، كان قد بلغ نحو سبعين ونيف ويرتدى التى شيرت ليقود المظاهرات السلمية فى باريس ، أنه مؤلف ( الانسان ذو الاتجاه الواحد ) وأحد أهم فلسفة ونقاد الشيوعية بفرنسا.

هاى عيال المسيرية
كافة يا مسيريى أزرق ولا أحمر
الخبر النجيض
الجلابه قسموا تراب جدودكو
ها توه اتو قاعدين فى ديار الخواجات الحدب والغضب
والجلابه قسموا ترابكو طب
أنا فى بكانى دا بداوس وحيدى ....اتو ما بتفزعزنى
أنا خدمت النقاره فزع
كيلك أم زقاف قسموها
الميرم قسموها
غريقى أم الديار طب قسموها

عيال المسيرية
الجلابه قمقموكوا
........
يييييييييي اليوم بالكلم فوق ولاد عمى
ميرية حمر وزرق
نضاف كبابى الشاى
تمرتهم ورتبتهم
وبالشاى النضيف سلمتهم
خدم نقارتى فزع فوكم
غيال امتوب حبل القيطان
قمقموهم

ول أبا قور..
جيتكـ بتاً تو..

Quote: بنات عملك ظعرطن ليك

بنات عمي ديل كلامهن عجيب..
الرجاجيل سياد الضلال سوهن دركـ مقاتلة بلزوهن لز لقدام للجققان..
وبجقهن فوق النقار يمرق ليهن دبيب يعدمهن الريش..
وبتاً يكس للابدين وراهن..

Quote: وطبيقتك قصر عودها

كو..
عودها لاحق.. إلا طبق معاها كوكاب..
وكايس لي صنقور متين وسط الصناقير الكترن عندكـ ديل ديل..

شوفها كيفن مارقه وسط الحراب..

يخي إنت كلام العيين والعنصرية شبعانين منهن ..
والعجيب فوقهن المرة كان جاتكـ بكلامها الشين تبهتكـ إلا كفانا منهن..
يخي كي شوف ما عندكـ دي بت حينا سابقاً فوق داره [نيالا] الشيوعية تراجي التركية اللزوها لز لمقطوعة الطاري دي دي وقالوا ليها سوي لينا جمعية صداقة مع عدو الله ورسولا مكايده كي..

وداوستها وقل ليها ترى غادي بعد ما أكلوكـ لحم ورموكي عضم..
وقنعو منكـ قنيعة الكارو في طرف الحلة..
إلا خُف باكر دي أهلكـ يقولو لي ود الطالب بدواسا للعيين فقد المروة..
كلام أهلكـ الملان حكمة بعرفا زين ول أبا قور فوقن..

ما هم القالوا المرا كان بقت فاس ما بتورم الراس..
آهه أكسب راسكـ..

أهلكـ كلامهم مع العيين عندكـ ديلاكـ ستات السعية الرضيانات رضية والله ذاتا راضي عليهن.. [بنات البقارة]..

إلا كلامكـ أنا فارزا زين..
كلامكـ مع العينة النشاز حقت عجوبة الخربت سوبا..



ولا كو..?

ول ضمى ابو القاسم واصل نضمك السمح دى ..
وبندورك تنطينا الكثير من روايعك الدرر دى ..
غاندى سوى شنوة ؟؟ لك الود والاحترام

الفزع الكردفانى ..ابوالقاسم قور دق النقارة تشكيليا
http://kordofanonline.com/viewtopic.php?t=1831

أخوى اسماعيل
أنا مبسوط منك حار
وأنا اليوم دا ...ويسمع كافة يا كردفانى ومسيرى
أنا عندى جواد ممهر من أم كينية
جدو أسمو ( المزاح كمل)....جواد سابق بكتلوا بى الزراف
جوادى دا أنا دفعت ليك .
أنا مبسوط منك حار
ووصاتى ليك كل شيئ كردفانى
أنا غايب ولا حاضر عودى راكب
خير ولا شر أنا عودى راكب

Quote: أخوى اسماعيل أنا مبسوط منك حار وأنا اليوم دا ...ويسمع كافة يا كردفانى ومسيرى أنا عندى جواد ممهر من أم كينية جدو أسمو ( المزاح كمل)....جواد سابق بكتلوا بى الزراف جوادى دا أنا دفعت ليك . أنا مبسوط منك حار ووصاتى ليك كل شيئ كردفانى أنا غايب ولا حاضر عودى راكب خير ولا شر أنا عودى راكب

قبلنا الهدية تب ..
وجهز سرجى ولجامى ورسنى ..ووين ما ماشين اها انا بجوادى الزين ده يانى مباريكم و قدامكم تب ..لمن نركز فى حققكو وبعدين البسويها الله التبقى ..
ابشر وكمان عودك راكب فى كل بكان تدورو فى ارض الميل مربع دى كمان..ولا شنوة ؟ ..لكن يا ول ضم كلام دودى التحت ده لازم بدور لو فنفاج زى ما بقولوا اهل البحر ضرب الحقيقة فى مقتل ولا انا مضهب ..كلامو هنى الدرديرى وجماتوا دول ..كدى ورينا موقفهم شنوة من كلام هى الحدود 1905 ، و 1902 ، 1916 والمراحيل واحقية المشايخ ال 9 بتاعة اهنا الدينكا ؟ ..كل الود

اسماعيل ولضم
دودى لخبط الكيمان
أولا بالتبادى :
الناس والوفد المشى نيفاشا وناقش موضوع أبيى ( الدرديرى) ، ( أحمد الصالح) ( أحدم عبد الله ) ، ( آدم دينج) دول ناس المؤتمر الوطنى.
ناس الحركة الشعبية رفضوهم
تانى انقلبوا جونا جاريين
الناس فى الفرقان قالت ليهم اتو ما تمثلونا
نحن ما مضونكم
تانى مشوا لينفاشا
الحقيقه يا ولد أبوك
الناس ديل ما كانوا بناقشوا فى حدود أبيى
كانوا بناقشوا فى حدود الشمال
اسع أنا البلكلم معاك دا أهلى فى الميرم
أقرب لى واو ولا الخرطوم ؟
وابيى كن قالوا حدودها فى الابيض ولا فى جنقلى نحن قاعدين فى ترابنا .
لكن الشى البقى لينا حار ناس الدديرى من فوق بتشوفهم بتكلموا عن أبيى
لكن فى الحقيقه هم بدافعوا عن حدود الشمال
نحن مالنا ومال الشمال يا زول
الشمال عندو رجالو
وقادرين على رسم حدودهم
حكاية الحدود دى مسرحيه ساكت
أسع ات من الله خلقك سمع بدينكاوى مشى للميرم وقال دى حقتى
ولا مشى للدبب وقال دى حقتى ؟
أنا اليوم بالكلم قرفه شرطها عود
أولا : أهلى النقوك عندهم أرض ....دى أرضهم وقرى معروفه
أمسك عندك : تمش من البنطون 12 كيلو جنوب قرية أبيى وتمش من قرية أبيى شمالا تمر بقرية ( نوم ) والعرب بسموها النعام دينج مجوك ، وتج لقرية (توداج) والعرب بسموها ( أمبلايل ) وتمش بتن 30 كيلو شمال تصل ( الجنقاى ) على بعد 12 كيلو جنوب الستيب القرى دى كلها دى قرى أهلنا النقوك . وهى كلها تقع فى المرحال الاوسط ( مرحال اولاد كامل والمزاغنه) وخشم دار أمشيبه من أولاد كامل وخشم بيت ابيور من النقوك ديل من الزمن البدرى عايشين سوى ومتصاهرين . اسع كن المسيرية قالوا للنقوك : تعالوا يا أهلنا القرى دى والبكان دا دا بكانكو والله العظيم المشكله دى جم بتموت. لكن مطاولة الحديث سببو طمع الجلابه فى البترول ، وكمان لما الدينكا شافوا طمع الجلابه وجات لجنه وسعت الحدود.صحى المثل بقول اللقمه الكبيره بتفرر الضراء ... نحن وأهلنا النقوك كن اتفقنا بنقسم لقمتنا وخلاص توه بناكل وحيدنا .دارنا فيها البترول ، وعندنا الماشيه ، والعسل والثمن ، وشجر وطيور وبحر ...والله خير كتير بلحق لينا كلنا لكن الجلابه دول بقرعهم آتو يا ولضمى

دكتور قور

للمرة الثانية السلام عليكم ( المرة الاولى ما رديت التحية )

بصراحة كلامك ما واضح حتى الان ، التراب اشتروا شراء ، ولا حاجة تانية





بالمناسبة اخوك ( زيودى )




أحمد العمار

ولضم أحمد
التراب قسموا
يعنى بصراحة كده هناك خطة اسكانية
جلابة وزعوا تراب جدودك طب بينتم
الزيود أهل الفراسه
قدحهم كبير
والزول كن ماشى فى لب الخلاء وسمع أو شاف فريق زيود
اليوم داك من اللحم بشبع
ومن العسل واللبن
فراس
وسكينهم حمرا

ولد أبوك ول رازق
كلامك حلو حار
وجالا البحير
دايما فوق

الكلام نجض

Gasim

I will be very happy to get the play

Bagir

الاخ قور
جميل جدا ان يدافع ابناء المنطقه عن ارضهم ومهد جدودهم ولكن اليس ابناء المنطقه من باع ابييى للمفاوض الاجنبى (الدرديرى محمد احمد نموزجا) كعضو مفاوض بنيفاشا ومسئول عن ملف ابييى وبقيه اعضاء اللجنه الفنيه للمفاوضات كمستشارين للجنه الدرديرى محمد احمد. الم تكن احد اعضاء هذه اللجنه الفنيه فى رحله من مراحل نيفاشا وبروتكول ابييى ماهى المشوره التى قدمتموها لوفد المؤتمر الوطنى وماسك ملف ابييى ابن المنطقه الدرديرى ؟ هل تقدمتكم باستقالاتكم من عضويه الوفد واللجنه الفنيه ام باركتم منطقه ابييى الكبرى كغربان لسلام نيفاشا!!! ابناء المنطقه وخاصه المسيريه بالمؤتمر الوطنى و من تعاطف مع خط المؤتمر الوطنى مسئولون مسئوليه مباشره عن كارثه بروتكول اببيى اسوه بقاده المؤتمر الوطنى فى المفاوضات (على عثمان). لماذا رضى ابناء المنطقه فى مفاوضات نيفاشا بتقديم ابييي كبش فداء لبقاء الانقاذ فى السلطه وياريت لو كانت التضحيه قريه ابييى والتى لا يتعدى محورها العشرين كيلو لقد التهمت قسمه الخواجه الضيزى منطقه ممتده من حدود بحر العرب حتى تخوم كادقلى ؟. لماذا لم يستفيد المؤتمر الوطنى من ارث التجمع , اتفاقيه شقدم التى وقعها حزب الالمه فى تسعينيات القرن الماضى او حتى اتفاق مشاكوس الاطارى التى حدد التفاوض بحدود المستعمر 1956. اذا افترضنا ان على عثمان وسيد الخطيب وامين عمر لايهمهم امر ابييى وهى بالنسبه لهم زياده فى الهم الوطنى و تقع خارج محور حمدى ولكن ماذا جرى لابناء المنطقه!!!!!!!!!
مره اخرى احمل ابناء المنطقه فى المفاوضات واعضاء اللجان الفنيه ماساه ابييي والتاريخ لا يرحم والنيي بيرجع للنار

دودى

Quote: هاى عيال المسيرية كافة يا مسيريى أزرق ولا أحمر الخبر النجيض الجلابه قسموا تراب جدودكو ها توه اتو قاعدين فى ديار الخواجات الحدب والغضب والجلابه قسموا ترابكو طب أنا فى بكانى دا بداوس وحيدى ....اتو ما بتفزعزنى أنا خدمت النقاره فزع كيلك أم زقاف قسموها الميرم قسموها غريقى أم الديار طب قسموها

قاسم قور
تحياتى وآمل ان تكون بلغت تمام الصحة
بشير لقاكم هوينين وحقر بيكم!

كيلك ام زقاف!
التى قتل البشير اتنين من فتياتها وهو يبشر فى عرس فيها عقب عودته من ميوم فطاش الرصاص وقتال الفتاتين!
كيلك ام زقاف التى استغل البشير اهلها واهل الفولة لتحجيم النوبة وهاهو الان يضعهم تحت رئاسة النوبة ويضم ابيى للجنوب الموشك على الانفصال!
كان الله فى عونكم
جنى

الاخ جينى
كلامك غلط
نحن الراجل الضكر بنحترمه
فى زمن الحادثه كان الرجل ليس رئيسا
وبعدين نحن ناس عندنا أصول وعادات وتقاليد
الحادث تم عن طرق الخطأ حسب علمى
والرجل جعلى أصيل حسب الروايه قال لأهل القتيله أنا اللحم واتو السكين
يعنى جعلى أصيل ما فزا وما عرد واحترم العادات والتقاليد
وفقنا لعادتنا راجل مثل دا بنكسبوا
والحقيقه أهل القتيله كانوا فراس
وعفوا الحادث لأنه وقع عن طريق الخطأ وانت بعضمت لسانك تقول

Quote: التى قتل البشير اتنين من فتياتها وهو يبشر فى عرس فيها عقب عودته من ميوم فطاش الرصاص وقتال الفتاتين!

وات لازم عرف
كيلك عندها رجال بياكلوا النار
لكن بقدروا الضيف
والمثل عندنا بقول : ما بنبح فراشه الا الكلب
الراجل كان اليوم داك فى فراش رجال كيلك
ونصيحتى ليك الكلام دا تانى ما تكرروا
وات دهابه طلع جلابى بلباصى
توه عاوز تعمل المديده حرقتنى
لكن المديده بتحرقك ات ذاتك
جينى كمرق راسك جاى
اسمك مستعار
وصورتك مستعاره
من الخوف ات مستعار
او واحد من الامن مستعار
جينى صحرمتك دى انقرع منها
جينى الجلابى أكل شقلاتنا طب
وتوه داير يغير الكلام

Quote: جينى صحرمتك دى انقرع منها

الحقيقة مرة عرديب ما بتنبلع!
دايرين ترموا شغلاتكم كلها فوق الجلابة وتمرقوا زى الشعرة من العجين!
نحن صحرمتنا ما بنخيها الا نخليكم دروع بشرية وحائط صد
دى بنيتى قول ما شاءالله ما تديها عين
جنى

جينى
بنيتك دى دمها دم مسيريه!!
أنا بدورها لولدى
لكن الجلابه ما بتدونا عيينكو!
ولله ما شاء الله تبارك الله
الله يخليها ليك
تكون من العارفاغت بأمور دينهن ، العابدات ، الكاسيات
الضاربت بخمورهن على جيوبهن

Quote: جينى بنيتك دى دمها دم مسيريه!! أنا بدورها لولدى لكن الجلابه ما بتدونا عيينكو! ولله ما شاء الله تبارك الله الله يخليها ليك تكون من العارفاغت بأمور دينهن ، العابدات ، الكاسيات الضاربت بخمورهن على جيوبهن

الفرس ما بردوهو وهى ما اعز منو مرحبتين حبابو جيبو بقركم وتعالو
جنى

ربنا يحفظها من
عين الشيوعيين الشايقيه
أمثال عصام
الشيوعى لمن يكون شايقى عينو حاره
عين ايدلوجيه
يا عصام أوعاك تزعل تانى
أنا بهذر معاك

Hi you Jinni like Elbagier .You manged in trnsforming conflict into social joking .I thank you any how you are nice and witty as well
Howver I saw our friend Doudi is battling

الأخ محمد دودى
يؤسفنى جدا أن أسمع كلام مثل هذا .من اسمك يبدو واضحا انك من بدنة المسيرية . عموما أنت تجهل كل المعلومات عن ملف أبيى .على سبيل المثال أنت تقول

Quote: من باع ابييى للمفاوض الاجنبى (الدرديرى محمد احمد نموزجا) كعضو مفاوض بنيفاشا ومسئول عن ملف ابييى وبقيه اعضاء اللجنه الفنيه للمفاوضات كمستشارين للجنه الدرديرى محمد احمد

أذا كنت تظن اتفاقنا مع أخوتنا الدينكا نقوك مسألة فيها بيع للاجنبى انت مخطيئ . فالدينكا نقوك أصيلين فى أبيى . فقط اذا ما ابتعد الجلابه والمتجيلبين من أمثالك عن هذا الملف سوف نعرف كيف نحل نزاعنا . أنا شخصيا ، مستعد أن أتبع الى الجنوب اذا أختار أهلنا النقوك الأنفصال. أما أمثال الدرديرى ، وكل لجنة تفاوض أبيى أنا لى موقف واضح من طريقتهم العدائية التى أدت الى تفاقم المشكل ، هؤلاء جميعهم أعضاء المؤتمر الوطنى ، وجميعهم لا يمثلون غير أنفسهم

أما كذبتك التى يجب أن يندى لها جبينك هى قولك :

Quote: الم تكن احد اعضاء هذه اللجنه الفنيه فى رحله من مراحل نيفاشا وبروتكول ابييى ماهى المشوره التى قدمتموها لوفد المؤتمر الوطنى وماسك ملف ابييى ابن المنطقه الدرديرى ؟

هذا كذب لم أكن أحد المفاوضين . وتم عزلى من ملف أبيى لأننى لست مؤتمرا وطنى. بالطبع قد تمت دعوتى ضمن الخبراء الى كلستر ال DDR بوصفى أول من وضع منهجا تقليديا فى هذا الشأن .وكانت الورشة فى فندق ويندسور بنيروبى وليست بينفاشا . وكم كنت تمنيت أن أكون أحد المفاوضين فى نيفاشا .
انظر قولك

Quote: باركتم منطقه ابييى الكبرى كغربان لسلام نيفاشا

هذا هو كلام من يفتقر للمعلومات .وحديثك به نوع من المحراش ضد أهلنا النقوك

أنت تقول بجهل عجيب

Quote: كارثه بروتكول اببيى

من الذى قال بروتكول أبيى كارثة؟ أنت الذى قلت ذلك والحكومة . الكارثة هى عدم تطبيق بروتكول أبيى !! نعم أنا من الذين يدعون نهارا جهارا الى تطبيق هذا البروتكول وحينها ستعم الفائدة للمسيرية والدينكا .
طيب يا عزيزى دا كلو كوم ووالموضوع البتحدث عنه أنا كوم
بالله تعال لينا بالدغرى
وما تخليك جلابى مدسوس

الاخ ابوالقاسم

Quote: أذا كنت تظن اتفاقنا مع أخوتنا الدينكا نقوك مسألة فيها بيع للاجنبى انت مخطيئ . فالدينكا نقوك أصيلين فى أبيى . فقط اذا ما ابتعد الجلابه والمتجيلبين من أمثالك عن هذا الملف سوف نعرف كيف نحل نزاعنا . أنا شخصيا ، مستعد أن أتبع الى الجنوب اذا أختار أهلنا النقوك الأنفصال. أما أمثال الدرديرى ، وكل لجنة تفاوض أبيى أنا لى موقف واضح من طريقتهم العدائية التى أدت الى تفاقم المشكل ، هؤلاء جميعهم أعضاء المؤتمر الوطنى ، وجميعهم لا يمثلون غير أنفسهم

لااتحدث عن اتفاقكم مع دينكا نقوك والتى اعتز بصداقات عزيزه جمعتنى مع ابنائهم ولكنى اتحدث عن اتفاق الحركه والمؤتمر الوطنى بخصوص منطقه ابيي والذى ترك مصير ابيى فى اياد لجنه التحكيم وياريت المشكله لو حصرت فى منطقه ابيي بل تعدت ابيى لتبلع جزء كبير من جنوب كردفان(راجع قرار لجنه التحكيم)

Quote: هذا كذب لم أكن أحد المفاوضين . وتم عزلى من ملف أبيى لأننى لست مؤتمرا وطنى. بالطبع قد تمت دعوتى ضمن الخبراء الى كلستر ال DDR بوصفى أول من وضع منهجا تقليديا فى هذا الشأن .وكانت الورشة فى فندق ويندسور بنيروبى وليست بينفاشا . وكم كنت تمنيت أن أكون أحد المفاوضين فى نيفاشا .

لقد زكرت فى مداخلتى الاولى بانك احد اعضاء اللجان الفنيه فى مرحله من مراحل نيفاشا الم تكن هذه الورشه جزء من لجان ابيي!!! وياسيدى اذا لم تشارك فى اى لجنه من لجان ابيي فهذا موقف يحسب لك ولقضيتك واعتذر اذا كانت معلومتى خطأ

اننى لم احرش ضد اهلنا انقوك او خلافه ولكنى اعتبر بروتكول نيفاشا بشان المنطقه كارثه والواقع يؤكد ماذهبت اليه من استقطاب واستقطاب مضاد

ولى عوده
دودى

Quote: لقد زكرت فى مداخلتى الاولى بانك احد اعضاء اللجان الفنيه فى مرحله من مراحل نيفاشا الم تكن هذه الورشه جزء من لجان ابيي!!!

خطأ . وكذب . أنا تمت دعوتى من لجنة الايقاد بوصفى خبير . هناك كثيريرن تمت دعوتهم. أنا لست عضوا باللجنة الخاصة بابيى ولم أكن يوما مشاركا فى نيفاشا . كنت سأكون سعيدا اذا ما تم اختيارى فى أى لجنة. يا دودى من الواضح انك تجهل أشياء كثيره. تخلط بين اللجنة الفنية ، والمفاوضين والكلستر .يا أخوى ات تخصصك شموه؟ عشان نكون على بلاطه .أرجو ان لا تركب الاشياء حماريه بهذا الشكل أنا حزين لجهلك بآليات ال CPA

Thank you witty friend Elbagier
I will send you the text Barmaka Play through your e- mail.
Could you send it although
Peace
Sincerely yours
Gor

جاتنا
حودى
من ديار الجلابه
جاتنا من دار البخسه المدششه
العنكره مكششه

Quote: خطأ . وكذب . أنا تمت دعوتى من لجنة الايقاد بوصفى خبير . هناك كثيريرن تمت دعوتهم. أنا لست عضوا باللجنة الخاصة بابيى ولم أكن يوما مشاركا فى نيفاشا . كنت سأكون سعيدا اذا ما تم اختيارى فى أى لجنة. يا دودى من الواضح انك تجهل أشياء كثيره. تخلط بين اللجنة الفنية ، والمفاوضين والكلستر .يا أخوى ات تخصصك شموه؟ عشان نكون على بلاطه .أرجو ان لا تركب الاشياء حماريه بهذا الشكل أنا حزين لجهلك بآليات ال CPA

الاخ ابوالقاسم مره اخرى
يادكتور ماهور دور الخبير فى اى مفاوضات ان لم يكن فنى استشارى؟ نعم لقد تمت دعوه كثيرون كخبراء فنيون لمساعده المفاوضون فى محادثات السلام بكينيا (خلينا من مشاكوس , ناكورو , نيفاشا, نيروبى) وهذا ماقلته فاين الكذب؟
تخصصى المهنى فى البروفايل والسياسى تابع مشاركاتى فى المنبر العام وحتعرف اناشايت وين



محمد دودى

Quote: Howver I saw our friend Doudi is battling

ولد العم انامابداوس اخوانى وداوست الانقاذ زمان وهسه قاعد فى امريكا بداوس بقلمى ولكنى اسى لحال المنطقه من جراء نيفاشا يعنى الناس الحكومه والحركه خلقوا المشكله معلقه للخواجات وده المزعلنى.....اكن لك كل الاحترام والتقدير والراجنها منك كتيره يعنى كلامى ده كلام زول عشمان والحى مصيرو بيلاقى

دودى