وزارة دفاع جمهورية السودان تؤكد مصداقية جني فيما يختص بالمهندس ابراهيم محمود جلاد هبة سبتمبر!

http://mod.gov.sd/section-blog/78-التقارير/18617-التشكيل-الو...-المكان-المناسب.html

Quote: التشكيل الوزاري.. الرجل المناسب في المكان المناسب and#57363; طباعة M البريد الإلكتروني التفاصيل 11كانون12013. حدث بتاريخ: 11 كانون1/ديسمبر 2013 نشر بتاريخ: 11 كانون1/ديسمبر 2013 كتب بواسطة: شذى الزيارات: 174 . تقرير: عزيزة أحمد موسى بإعلان التشكيل الوزاري الجديد الذي حمل الى السطح وجوهاً جديدة تباينت ردود الأفعال ما بين مرحب بالتشكيل ومستنكر لبعض الوجوه ومرد الاستنكار هو إسناد بعض الوزارات لأشخاص ليسوا على علاقه أو صلة بتلك الوزارات ولعل الحديث عن إسناد وزارة الزراعة للمهندس إبراهيم محمود حامد وزير الداخلية الأسبق كان هو ما أثار الاستنكار ولكن نزول الحيرة إذا علم المتسائلون أن المهندس إبراهيم محمود حامد خريج زراعة حيث تقول سيرته الذاتية إنه من مواليد 1956م متزوج وأب لخمسة أطفال مهندس زراعي وبمجيء ثورة الإنقاذ الوطني كان حامد مفتشاً زراعياً حيث أمضى قرابة العشر سنوات في هذا المنصب وشغل منصب منسق برنامج التنمية الزراعية بشرق السودان وشغل منصب الوالي لولاية نهر النيل وولاية كسلا وقبلاً وزيراً لوزارة الشؤون الإنسانية التي قدم إليها من القاهرة حيث كان يتولى رئيس اتحاد الطلاب الأرتيريين ومن وزارة الشؤون الإنسانية تم الدفع به لولاية كسلا ومن ثم وزارة الداخلية ومنها الى وزارة الزراعة. ولعل الرؤية التي يتمتع بها والتهذيب والتنظيم الدقيق والتواضع أبرز مميزات الرجل ويلاحظ ذلك كل من تعامل معه عن قرب الى الجانب الخاص وتقديره للإعلاميين وسعيه لتمليكهم المعلومة الصحيحة وقد أجمع الخبراء الزراعيون على إيجابية تعيين حامد وزيراً للزراعة ووصفوه بالرجل المناسب في المكان المناسب باعتبار أنه سبق له العمل في المناصب القيادية في المجال الزراعي ويقول نائب أول رئيس اتحاد المزارعين محمد عثمان محجوب إن إبراهيم محمود حامد ليس غريباً عن القطاع الزراعي ولا المزارعين وسبق وأن عمل لفترة طويلة أمين أمانة الزراع بالمؤتمر الوطني وتمكن من خلق علاقات طيبة مع المزارعين في الولايات . يدخل إبراهيم محمود حامد وزارة الزراعة ليرث الخراب والدمار الذي خلفه سابقه المتعافي كانت تجربته فاشله بكافة المقاييس وما قضايا التقاوي الفاسدة المتكررة التي وصفها البرلمان بالفضيحة نتاج السياسات العقيمة التي أرساها المتعافي تلك الاخفاقات التي عجلت برحيله والإطاحة به عقب ارتفاع الأصوات المطالبة بإقالته وإبعاده عن مسرح الوزارة التي خرج منها وهو يحمل قليلاً من الانجاز ورصيداً كبيراً من الاخفاقات والأعداء . بانتظار إبراهيم حامد تحديات جسيمة لقيادة وزارة الزراعة وبث الروح في المشاريع التي ماتت وما مشروع الجزيرة إلا خير مثال وأبلغ دليل على تدهور الوضع الزراعي.. ينتظر حامد إعادة إعمار ما دمره المتعافي وسابقوه في فترة البلاد أحوج ما نكون فيه للإنتاج الزراعي الذي يمثل سلاح صمام الأمان.. تحقيقاً للشعار السابق الذي رفعته الإنقاذ (بالإنتاج لن نحتاج) (ونأكل مما نزرع ) واتساقاً مع الأطروحات التي أطلقها الرئيس البشير في العديد من المناسبات المحلية والإقليمية بضرورة الالتفات الى مشاريع الأمن الغذائي . في غضون ذلك يأتي تناول البرلمان للاخفاقات الزراعية وما صاحبها من ردود أفعال منادية بمحاسبة المتورطين وإرساء دعائم جديدة للسياسة الزراعية لتفادي الوقوع في الأخطاء وهي خطوة صحيحة في طريق الإصلاح الزراعي ستساعد الوزير الجديد في رسم خارطة طريق جديدة لمعالم نهضة زراعية كبرى تساعد في سد الثغرات الاقتصادية فهل ينجح إبراهيم محمود حامد في الزراعة أم أن النحس سيكون حليفه مثل سابقيه؟ الأيام المقبلات تحمل إجابة لكافة التساؤلات.

!!!

البوست دا فيهو ريحة اسنة ..

البيقول مربوطة منو يا جماعة ؛)

Quote: حيث تقول سيرته الذاتية إنه من مواليد 1956م متزوج وأب لخمسة أطفال مهندس زراعي وبمجيء ثورة الإنقاذ الوطني كان حامد مفتشاً زراعياً حيث أمضى قرابة العشر سنوات في هذا المنصب وشغل منصب منسق برنامج التنمية الزراعية بشرق السودان وشغل منصب الوالي لولاية نهر النيل وولاية كسلا وقبلاً وزيراً لوزارة الشؤون الإنسانية التي قدم إليها من القاهرة حيث كان يتولى رئيس اتحاد الطلاب الأرتيريين ومن وزارة الشؤون الإنسانية تم الدفع به لولاية كسلا ومن ثم وزارة الداخلية ومنها الى وزارة الزراعة.

جني بالجد يادوب بقيت اشفق عليك هذا التقرير يمدح في الرجل ولا يقدح في كفاءته عكس كلامك تماما .. انت قلت الراجل ما يفهم في الزراعة اي حاجة والتقرير يقول غير كدا .. والتقرير يقول الرجل جاء من القاهرة مباشرة على وزارة الشئون الإنسانية التي قدم إليها من القاهرة حيث كان يتولى رئيس اتحاد الطلاب الأرتيريين هذا خطأ فادح في التقرير لان الرجل تقلد مناصب قيادية كثيره محافظا في ام كداده ومحافظاً في سنار ثم واليا لكسلا وواليا لنهرررررررررر النيـــــل ووزيراً للشئون الإنسانية وعاد مرة اخري واليا لولاية كسلا ثم وزيراً للداخلية (الوزارة الحارقة فشاش الكثيرين) والان وزيراً للزراعة .. معقول في زول يتلقد كل المناصب دي ثم يقول في سيرته الذاتية كنت رئيس اتحاد طلبة ارتريا(حسب التقرير) .. إلا اذا كان الاتحاد الأرتري يكون جزء لا يتجزاء من هياكل حكومة جمهورية السودان ..

التقرير داء يا جني ما يضيف للكذب إلا كذباً ..


أجري فتش فريه اخري ..

لاحظ انا قلت التقرير يمدح في كفاءته وأنت قطعت بعدم كفاءته كما جردته من الجنسية السودانية ..

واللاى يا جنى ما عارف الواحد يقول ليك شنـو...

غايتو اقترح عليك تأخذ راحـة شويــة.. ثم تواصل النقاش

الكفاءة الليلتو
شفنا ها في وزارة الداخلية
القتل بالرصاص في الصدر والراس من داخل خط ستة
والتجنيس الهوبلي
حتى لعواجيز
كرة القدم وانفراط
الأمن وتفشي الجريمة بصورة غير مسبوقة.
ولو كفاءة يعني خبير اجنبي ما نجيب أمريكي ولا كندى!
نحن نقطتنا
المحورية انه كان رئيس اتحاد طلاب ارتريا
جبنا ليك موقع وزارة الدفاع السودانية
قلت كضب بعد دا إلا البنتاجون الأمريكي!
ولا مكتبة الكونجرس!
جني

Quote: الكفاءة الليلتو شفنا ها في وزارة الداخلية القتل بالرصاص في الصدر والراس من داخل خط ستة

يا جني
ما تأخذك العزة بالإثم والمكابرة
دي ناحية ...
الناحية التانية
هل إنت صادق مع نفسك ومقتنع إنو إبراهيم محمود اللي كان وزير الداخلية يتحمل
وزر ضحايا هبة سبتمبر ؟؟؟؟ هل إنت مقتنع إنو الآلة الأمنية اللي قمعت إحتجاجات سبتمبر
تأتمر بأوامر إبراهيم محمود .. ولا القصة بالنسبة ليك بقت مجرد مماحكات

لو كان يملك ذرة من الحياء لاستقال
عوضا عن إنكار عدد القتلى والحديث عن فبركة صور من مصر!


جني

واللاى يا جنى ما عارف الواحد يقول ليك شنـو...

غايتو اقترح عليك تأخذ راحـة شويــة.. ثم تواصل النقاش

الجديد شنو فى المقال دا سوى الإشادة بكفاءة ابراهيم محمود فى منصب وزير زراعـة.. وموضوع رئاسـة اتحاد الطلاب الإرتريين دا قتل نقاش، وما فى زول نفاه، لا انا لا عوضاى لا شحوتاى.. الخ
وما قلناه إنك لا تستطيع تجريد مواطن من جنسيتـه بسبب انه ترأس إتحاد طلاب دولة اجنبيـة، الكلام الما قدرت ترد عليه.. راجع مداخلاتى. . أما لو احتجيت بأنه حالة خاصـة لأنه من الأطراف الذين تتداخل
اسرهم بين السودان وارتريا لذلك يمكن ان يكون ارترى ايضا إضافـة لرئاستـه للإتحاد، فهـذا القول يتعدى شخص إبراهيم ليمس قبيلـة كاملة، وهى العنصريـة المغلفـة والكراهيـة التى تحدثنا عنها..

يا زول قول يا لطيف وخت الرحمن فى قبلك.

-------

الاخ العزيز جدا حيدر (جني غايتو السماك جني ما كضب )

يا حيدر والله غلبتني خلاص حكاية الصمت والفرجة يا حيدر والله انت ماشي في طريق ابسط شئ ممكن افتكر انك عندك تار مع الراجل دا ، معقولة يا حيدر مصر هذا الاصرار ومتفرغ عشان تجيب مصادر كلها كلام تحتمل الصاح والغلط
يا جني الرجوع عن الخطأ والاعتراف به فضيلة والله اصرارك ده كل يوم يخليك تفقد رصيد من معارفك ومن يعرفونك عن حقيقتك انك عكس ما تصوره لك كتاباتك خلال اليومين الماضيين


عكســـــــــــــــــــــــــــــــــــــــــــــــــــــــــــــــــــــــــة :- اخونا احمد سليمان ما هذا الذي خطاه يراعك عيب عليك يا راجل

Quote: يا جني --- أنت بذات نفسك من وين --- موش حلبي جعفري بواقي الغجر ....... قوم لف شوف ليك حِلل مقددة صحلها .......

الجعافرة سودانيين ومهنتهم شريفة لا تعاب طالما بعرقهم وحلالهم
كيف لك ان تدافع عن فرية جني وعنصريته وتأتي بفرية وعنصرية اقذر منها
اعتذر لكافة الجعافرة داخل الوطن ولاصحاب هذه المهنة اين ما كانوا في هذا العالم الواسع

مودتي

الرحـــال

Quote: يا جني --- أنت بذات نفسك من وين --- موش حلبي جعفري بواقي الغجر ....... قوم لف شوف ليك حِلل مقددة صحلها .......

أحمد سليمان ياخ لو شاطر ما تعتقـد الناس هبل ما بيعرفوا حاجـة..

Quote: يا جني --- أنت بذات نفسك من وين --- موش حلبي جعفري بواقي الغجر ....... قوم لف شوف ليك حِلل مقددة صحلها .......

اهااااااااا
التوقيع
اخونا احمدونا .. سلفي


.............




غايتو !! الواحد فى اقل استفزاز ينسى كل شى

.

Quote: ولعل الرؤية التي يتمتع بها والتهذيب والتنظيم الدقيق والتواضع أبرز مميزات الرجل ويلاحظ ذلك كل من تعامل معه عن قرب

يا لها من "كفاءة" لايلاحظها إلا من تعامل معها عن قرب!! وهي ما جعلت الرجل يتقافذ من ولاية لوزارة، ومن وزارة لولاية ثم من وزارة لوزارة !

انا قايتو الكفاءة التي أعرفها هي سخريات القدر!

.

Quote: لاحظ انا قلت التقرير يمدح في كفاءته وأنت قطعت بعدم كفاءته كما جردته من الجنسية السودانية ..

التقرير والرابط جبته انت ووزارة الدفاع أنت قلت وزيرها لا يفقه شيء وبالتالي ممكن نشك في اي تقرير يخرج منها ..

جني الزول دا مغبون عليه للدرجة دي مالك .. يا أخي دي ما بقت وزارة داخلية ومع ذلك لا ندافع عن افعاله فهو في النهاية كوز .. بس انت يا جني منو أداك الحق تجرده من الجنسية السودانية ولما جيناك بحالات كثيره مماثله جبنت وهربت واظهرت عنصريتك الدفينة وحقدك عليه وعلى من ينتمي لهم ..



إنت غايتو شغال بالمثل القائل كان غلبك سدها وسع قدها ..

بسم الله الرحمن الرحيم
الأخ / جني
تحية طيبة
بالرغم من أنني من شرق السودان فضلت عدم التداخل في البوست السابق
على أمل أن تتجاوز هذا الأمر لأنه يشكك ليس في الوزير المعنى ولكن يشكك أيضا في سودانية عشيرته وأهله وهم سودانيين بلا مزايدة من أحد
وان كان الأمر أو السودنة مقياسها مثل هذه الأحاديث المتناقلة بدون سند لخلا السودان من السوادنة إلا من رحم ربك
اما عن مسئوليته عن قتل المتظاهرين فهذا ليس تجنيا عليه فهو من عصبة اجرمت بحق هذا الشعب.. ولكنه تجني على مؤسسة الشرطة لأن المقيم ومن هو بالخارج يعلم من الذي قتل المتظاهرين ولم يكن بينهم شخص يرتدي الزي الرسمي
أخي.. اعرض عن هذا الأمر فهو خصما عليك

ارتيقا

اخونا الحبيب جني
الكلام البتصر عليهو ده والله ما بشبهك
ما عهدناك هكذا ياخي
يعني ات عايز تصل لي شنو؟
داير تجردو من مواطنيته؟
تعرف لو نجحت في كده، ح تكون جردت اكتر من مليون شخص في الشرق من سودانيتهم
ومثلهم في الشمال
واضعافهم في الغرب والجنوب
سودانك ده يا جني ما كمل 200 سنة
ولا يوجد من يدعي اصالته فيهو
انا القدامك ده، شايقي مأصل وبيقولوا انو واحدة من حبوباتي حبشية

اعرض عن هذا يا صاحبي فهو سيوصلك الى لاشيء
وتحياتي ومودتي التي تعرف

احمدونا بالله عليك عدل مداخلتك دي انا ما اقتبستها علشان يستوجب انك تعدلها وتعتذر عنها ..........
بالجد مداخلتك مخجله ومؤذيه ..........

ده شنو ده يا جماعه

الزول اليوم كله يحجز بقي في العنصريه؟!


معقوله يا احمدونا كل الكلام ده لجني وللجعافره اخوتنا في الارض؟!


عيب يا غالي عيب اعتذر لاخيك جني…وصدقوني اخوتي جني ليس عنصري لكنه فقط ماخدها من ناحيه سياسيه.

ويا جني رجاء عشان عين تكرم مائة عين

اهلك البني عامر بانتظار اعتذارك. فلا تاكبر لانك خير نصير لهم و انا اعلم هذا عنك.

يا جني ابراهيم محمود سوداني أصيل .
صحيح تم زراعته فى كيان مهم لضرورة مرحليه وهو إتحاد الطلاب الارتريين كعادة الكيزان فى العمل السياسي والامني ولكن هذا لا ينفى سودانيتة.
منصب وزير الداخلية من المناصب السيادية الحساسه التى تتطلب وجود شخص ذو تاريخ ناصع خالي من الشوائب والشبهات .

Quote: وصدقوني اخوتي جني ليس عنصري لكنه فقط ماخدها من ناحيه سياسيه.

جني صاحب قلم متميز وله مواقف واضحة وتاريخة بالمنبر يشهد له الجميع بقول الحق والكلمة المتزنة.

ما شايفها يا حسين،

هل حذفت؟

Quote: يا جني --- أنت بذات نفسك من وين --- موش حلبي جعفري بواقي الغجر ....... قوم لف شوف ليك حِلل مقددة صحلها .......

بالله دا كلام ؟ من اين جاء هذا العنصري

أين اقحمت
البني عامر هنا
انا قلت في عدة أماكن ان
شقيق إبراهيم يمكن أن يستوزر
أما هو فلا لأنه اختار يوما ان يكون في اتحاد الطلاب الإرتريين بدلا عن الطلاب السودانيين
هكذا يقول المنطق
قلتوا
هات الدليل أتينا بموقع وزارة الدفاع الرسمي
لم أقل أن البني عامر ليس سودانيين والا لطالبت بأرض دون بشر إذن من الذي يحميها!
لمن لا يعرف أن السودان دفع ثمن دعمه ج التحرير الاريترية
من أرضه فقد كافئته
ايثوبيا بدعم انفصال جنوب السودان برعايتها
للحركة الشعبية.
البني عامر السودانيون هم سودانيون
اصيلون
من يشكك فى جنسيتهم واهم
انا أتحدث عن واقعة وشخص معين قلت انه ترأس اتحاد طلاب ارتريا مخنارا
ولاجندة
يعرفها وبهذا يكون شخص غير مؤتمن على وثيقة لم يحترمها ذات يوم!
وثائق الجنسية تنظم التخابر مع الدول الأجنبية والتجسس. والتجنيد الإجباري والملكية
إبراهيم ليس شخص عادي لا يهم أمر انتمائه
الله يعلم الجنسيات الهوبلي في زمنه
الهجوم
يجب أن يوجه لإبراهيم لما فضل ذات يوم اتحاد طلاب ارتريا على طلاب السودان ا!
من الذى تحدث عن القبلية وعن البني عامر
قرنق شكك في سودانية المفاوضين في بداية عهد الإنقاذ وأحمد توفيق تحدث عن الغزاة والعابرين
على ظهور أمهاتهم
جني لم يتفوه
بمثل هذا
انا أكثر مقتا
للعنصرية وانا أراها اعابة
للخالق وليس المخلوق والعنصري عندي شخص مريض يجب أن يطلب العلاج

Quote: يا جني --- أنت بذات نفسك من وين --- موش حلبي جعفري بواقي الغجر ....... قوم لف شوف ليك حِلل مقددة صحلها .......

من اين ياتون مثل هؤلاء

وين احاديثك ودينك وما تجلبه من اقوال الائمة والمذاهب

سقط ahmdona كما سقط jini

عنصرية مضادة عنيفة

يا شيخ احمدونا جني عنصريته في زول واحد بس تجي اتا تطلع قبيلة كاملة ما سودانية وتحتقر نشاطها الاقتصادي
بئس ما كتبت ايها المتفلت العنصري

كناطح صخرة يوما ليكسرها فلم يضرها وأوهى قرنه الوعل.....

انا ما جردته
هو عنده جنسية وجواز سفر دبلوماسي
انا حاكمته
سياسيا بسبب اختياره أن يكون في قيادة اتحاد طلاب ارتريا وليس السودان. وقلت هذا موقف غير أخلاقي ويجب أن لا يؤتمن على وثيقة خلعها
ذات يوم
متى تحدثت عن قبلية أو عنصرية ولو كان رئيس لطلاب ش لقلت
نفس السبب.
ولذلك لم يحترم الجنسية قسمها بالهوبلي
وشهد عهده أعنف استخدام مفرط للقوة لفض المظاهرات في تاريخ السودان!
أين تحدثت عن قبلية أو عنصرية وهل كل القبيلة تراست
اتحاد طلاب ارتريا أو وزارة!
انا اهاجمه وليست لدى اى خصومة شخصية ضده وهو رجل في قمة الفشل
وما فعله سيدونه
التاريخ
انا تعرضت له في سطر فقط وانتم تناديتم
خفافا
وثقالا
تطالبون
بالدليل وكل ما اتيكم
بدليل تشككون
حتى بوابة وزارة الدفاع انكرتوها
لم يبقى إلا أن تطالبونني
ببطاقة العضوية أو الصورة التذكارية لاتحاد الطلاب!
تقولون لي مصداقيتك في المحك
وعندما ارد تتهمونني
بالغرض
والخصومة
الشخصية!وأن سكت ستقولون
هرب جني !
جني

غايتو بعد دا إلا بطاقة العضوية حقة الاتحاد أو الصورة التذكارية للاتحاد
جني

نفترض فيك حسن النية :
انت براك طلعت وزير الدفاع قاعد اسكيتو وهسي جاي تستدل بموقع تبع وزراتو
والناس دي ما مختلفة معاك انو يكون رئيس اتحاد ارتري واللا بتيخ
وقالو ليك عااااااااااااادي الموضوع زي الزبادي وجابو ليك كمية من الناس اشتغلت في ارتريا وفي ناس لحدي وقت قريب سودانيين وشغالين مع الجكومة الارترية
انا صراحة لله كدة حاسي بيك متناقض مرات تقول اخوهو ممكن يشتغل وزير لكن هو لا
ياجني جهجهتنا مغاك وجهجهة الملعقة ياخ


العنصرية والعنصرية المضادة مدانة بشتى اشكالها
فشنو على قول ود الزين شكلك كدة يامعلم ح تاخد سيك وفي قبولك

طيب يا جني
أنا دا كنت في إتحاد الطلبة الأفارقة الأمريكان African American
لو رجعت السودان وأصبحت وزير للطاقة (أبو الجاز)
أها حا تقول علي شنو?

عارف يا جني نص وزارات الإنقاذ وزرائها يحملون الجنسية الأمريكية
أو بصورةأخرى لو جني السوداني دا كان عندو جنسية مذدوجة أريترية/سودانية معنى كدا جني دا ما عندو حق يكون وزير في دولة السودان?

مجرد سؤال

يا خردة هذا وضع مختلف تماما
كان هنالك اتحاد للسودانيين
واتحاد للارتريين
وقتها لم تستقل ارتريا الرجل قال إنه ارتري وترأس اتحاد طلاب ارتريا
وارتريا والسودان دولتان متجاورتان تتعارض مصالحهما
وتتفق
هذا وضع لا ينطبق على وضعك
هنالك دول لا تجيز ازدواج الجنسية بسبب تعقيدات كثيرة!
هسة يا خردة انت أمريكي دولة معادية ومطلع دين السودان نلاحقك
بالتجسس والتخابر
ونطالبك
تتجند
ضد امريكا باعتبارها دولة عدو كيف ولو قللنا
ليها سلمينا

الخردة دا ما حتقول
محتاجين ليهو في إعادة التدوير
يا خردة قول كلام غير دا ولا تدافع عن حقك الشخصي في الاستوزار
أصحابك بتأمين الجنوب الساهمموا
في الانفصال رجعوا شردوا وفكوا
اهلهم
عكس الهواء!
يا كوستاوي كذب مرة في أمريكا واخلع جنسيتك
وقول انا ارتري
عشان تعرف حاجة
جنب

Quote: لو رجعت السودان وأصبحت وزير للطاقة (أبو الجاز) أها حا تقول علي شنو?

الأخ كوستاوي بعد السلام
أبعد من وزارة الطاقة من فضلك دي محجوزة لعدة أسباب . البترول من جنوب كردفان وأنا من هناك كمان.
إنت من كوستي شوف وزارة الزراعة عشان تزرع في أم عقارب والمقينص.
ولكن المشكلة عندي جواز بريطاني ما عارف دا ينفع ولا ما ينفع؟
تحياتي

كبـّاشي الصـّـافي
(العوج راي والعديل راي) .

يا خوى كان كدة ما بتعرف الاسنا!
دي إسنا في القبول!
سمعت ليك عنصرية ضد شخص واحد!
جني

يا جنى انا مدين ليك بإستيضاح عشان ما نظلمك والنقاش يقل لو ما إنتهى:

1- هل ابراهيم محمود الان إرترى او يحمل الجنسيـة الإرتريـة؟
2- هل ابراهيم محمود حمل الجنسيـة الارتريـة فى اى يوم من الايام؟
3- أى جنسيـة وباسبورت كان ابراهيم محمود يحمل فى القاهـرة ، حين كان متضامنا مع القضيـة الارتريـة وجعلوه رئيسا لإتحادهم؟
4- هل فى رأيك ان رئاسـة إتحاد طلبة أجنبى والشخص (خارج البلاد) يكون سببا فى فقدانه الجنسيـة أو إتهامه بالتخابر؟
5- هل إبراهيم حينها تخابر مع الطلبة بصرف النظر عن وجود دولة لهم.. تخابر ضـد وطنه الســودان، أم كانت رئاسته للإتحاد تعبيرا عن الشعور العام الذى كان يسود الساحـة السياسيـة السودانية؟

شفت الأجوبة المحددة حتخلينا نمشى كويس فى النقاش.

Quote: هل إنت صادق مع نفسك ومقتنع إنو إبراهيم محمود اللي كان وزير الداخلية يتحمل وزر ضحايا هبة سبتمبر ؟؟؟؟ هل إنت مقتنع إنو الآلة الأمنية اللي قمعت إحتجاجات سبتمبر تأتمر بأوامر إبراهيم محمود .. ولا القصة بالنسبة ليك بقت مجرد مماحكات

كلام يضحك بس
لو ما وزير الداخلية مسؤول مسؤولية شخصية عمن قتلوا في التظاهرات...يبقى مين المسؤول؟؟
يكون المسؤول وزير وزارة السياحة يا ربي؟

Quote: لو ما وزير الداخلية مسؤول مسؤولية شخصية عمن قتلوا في التظاهرات...يبقى مين المسؤول؟؟ يكون المسؤول وزير وزارة السياحة يا ربي؟

يا اخ زياد كل هـذه الاحداث مرصودة ومعروف من تسبب فيها.. وما ممكن يفتح تحقيق فى بوستات المنبر لأن الموضوع اكبر من كدا.. وفى ستمائة جهة امنية ومليشيات افراد لهم مصلحـة شخصيـة فى الإنقاذ..
المهم هـذا ليس وقت إدانة او تبرئة، فى ظل نظام ديمقراطى الملفات دى كلها حتتفتح.. ولو امكن خلينا فى موضوع البوست.. وشكـرا

Quote: هل إنت صادق مع نفسك ومقتنع إنو إبراهيم محمود اللي كان وزير الداخلية يتحمل وزر ضحايا هبة سبتمبر ؟؟؟؟ هل إنت مقتنع إنو الآلة الأمنية اللي قمعت إحتجاجات سبتمبر تأتمر بأوامر إبراهيم محمود .. ولا القصة بالنسبة ليك بقت مجرد مماحكات

الأخوة المدافعون عن وزير الداخلية الباشمهندس إبراهيم محمود لدرجة وصلت أن يصف أحدكم قبيلة الجعافرة بكل ما هو قبيح حتى المهنة التي يتعيش منها الكثيرون.
لا تنسوا أو أعرفوا إن كنتم لا تعرفون أن الجعافرة تجار كبار ومستوردين ومصدرين ويكفيهم أن خليل عثمان رائد الصناعة الحقيقية منهم. فعندما إمتلك مصنع النسيج السوداني الأمريكي كان كثيرون لا يعرفون الفرق بين الضراع والمتر.
من الجعافرة علماء في كل المجالات .. خبراء في عدة مجالات .. إداريين يشار إليهم بالبنان ساهموا في تطور الإدارة السودانية منذ زمن الخدمة المدنية المعروفة. أسسوا الشركات الناجحة وأداروا المشاريع ذات الدخل المحترم.. عملوا أساتذة في جامعة الخرطوم يوم لا جامعة غيرها.. أداروا كبريات المستشفيات في السودان كأطباء يشار إليهم بالبنان. إن كان جنِّي منهم فهو شرف له وليس
منقصة. كما أن جني رجل مؤهل ولكن قد يكون فُهِم حديثه خطأ.

السؤال المهم الآن: هل يعتبر وزير الداخلية مسؤول عن الذين أغتيلوا بالرصاص الحي في هَبَّة سبتمبر 2013 أم لا، حتى ولو قتلوا بواسطة من يلبسون الملابس المدنية؟ ومن هم الذين يلبسون الملابس المدنية ولا يعرفهم وزير الداخلية؟
إن كان لا يعرفهم فهذه مصيبة، كيف لا يعرف من يحملون السلاح في داخل عاصمته ويقتلون الناس على مرمى حجر من مكتبه؟ وإن كان يعرفهم وتقاضى النظر عنهم فالمصيبة أعظم مهما كانت الأسباب والمسببات؟
ثالثاً: كم من اللاعبين الخردة حصلوا على الجنسية السودانية في عهده ولم يقدموا شيئاً للسودان في كرة القدم؟ أليس مسؤولاً عن تجاوز قانون الجنسية المعروف من زمن الإستعمار؟

قلنا لكم أن الباشمهندس إبراهيم محمود سوداني كامل الدسم وعنده رقم وطني (متلي كي) ولكنه أخطأ في ما ذكرنا أعلاه. أما رئاسته لإتحاد الطلبة الإريتريين في الأسكندرية مصر فلا غبار عليه طالما كان ينفِّذ تعليمات التنظيم الذي يتبع له.

الأخ حيدر.. الآن الموضوع صار يسير في دائرة لا أول لها ولن يكون لها آخر. فقط أوقف الردود على المتداخلين حتى يموت البوست كمداً وشوف ليك موضوع تاني فما أكثر المشاكل في السودان التي تحتاج لقلمك.
تحياتي

كبـّاشي الصـّـافي
(العوج راي والعديل راي) .

كل ساعة تمر وتفقد مصداقيتك اكتر
وتتعرى اكتر

ونشفق عليك اكتر

.الكضب خيبة

.امش اتصالح مع نفسك

الحق نفسك

Quote: الأخوة المدافعون عن وزير الداخلية الباشمهندس إبراهيم محمود لدرجة وصلت أن يصف أحدكم قبيلة الجعافرة بكل ما هو قبيح حتى المهنة التي يتعيش منها الكثيرون.

الأخ زول قوانزوو..

توقفت عن مدخل مداخلتك، لأنه لم يكن صحيحا وكان فعلا غريباً..
فأولا ما فى زول قاعد يدافع عن وزير الداخلية.. وإنما ننتقـد إتجاه مقيت لعنصريـة والقبليـة النتنـة.. وكل من قرأ المداخلات يعرف ذلك.

ثم أنت قلت "أن يصف أحدكم" وكأنك تتحدث من حزب او لجنة او نقابة او منظمـة من اى نوع.. فى الوقت الذى الناس ديل افراد وشخصيا ادنت الأخ الذى تفوه بالعنصريـة بصورة واضحة ومكشوفة ولم يظهر بعد ذلك.. فكيف تتحدث يا اخى عن (أحدنا).. طيب ليه ما يكون أحدكم لو الناس كيمان.. ولو قرأت ردى عليه لعرفت اننى أتهمته بالخبث وأنه اراد يضحك علينا مرتين.. والاخ حيدر جنى، مهما اختلفنا فى الاراء فلا يمكن ان يقارن بهـذا الرجل المتذاكى.. وعكس ما فهمته انت، كان همه تشويه سمعة منتقدى جنى ولكنى إنتبهت اليها ورديت عليه بما يستحق. أقرأ مداخلتى بعدين قةل لو كان (احدنا او احدكم)..

يا كنتونا اتقى الله فيما تكتب، وإن كان زلة قلم فعـد عنهـا.. أنا ما عندى اى فرق حين اقول رأيى، بين جنى وحسين عوضاى وبينك.. كلنا المفروض نتناقش للوصول للحقيقـة، ولو وجدناها عند اى منا فكلنا رابحون.. مثل مجموعة تبحث عن ذهب، لو وجده احدهم يحتفلون جميعـاً.

Quote: يا اخ زياد كل هـذه الاحداث مرصودة ومعروف من تسبب فيها.. وما ممكن يفتح تحقيق فى بوستات المنبر لأن الموضوع اكبر من كدا.. وفى ستمائة جهة امنية ومليشيات افراد لهم مصلحـة شخصيـة فى الإنقاذ.. المهم هـذا ليس وقت إدانة او تبرئة، فى ظل نظام ديمقراطى الملفات دى كلها حتتفتح.. ولو امكن خلينا فى موضوع البوست.. وشكـرا

يا أخ أبوريش...ياخ دا كلام بديهي و معروف
كان مرصودة وللا ما مرصودة...وزير الداخلية مسؤول قبل غيره من أحداث قتل المواطنين المتظاهرين (بحكم منصبه)
يعني مثلاً...وزير الصحة في الدول المحترمة بقدم إستقالته إذا حدث تلوث أو خطأ جسيم في مستشفى عام...ليس لأنه من قام بالفعل الخطأ ...بل بحكم منصبه مسؤول عن عدم إتخاذ الإجراآت المناسبة لمنع حدوث ذلك الخطأ
نفس الشي لمن (الطيارات الإسرائيلية جات بالليل و كانت طافية أنوارا...) ليه طالب الناس بإستقالة وزير الدفاع؟؟هل لأنو كان سادي خدمة في مراقبة الرادار؟؟؟ ما ياها المسؤولية الوزارية!!
كان يجب على وزير الداخلية تقديم إستقالته فور وقوع الأحداث لعدم كفاءة أجهزته الأمنية و فشلها في حماية أرواح المواطنين (المتظاهرين)...هذا إذا نفينا تهمة قتلهم عن بعض تلك الأجهزة الأمنية
مرات كتيرة ما بتكون المسؤولية مباشرة و إلا كانت قضية جنائية...ممكن تكون غير مباشرة و تاخد الجانب الأخلاقي
منصب الوزارة دا مسؤلية جسيمة قبل ما يكون وجاهة و ترضيات

Quote: كان مرصودة وللا ما مرصودة...وزير الداخلية مسؤول قبل غيره من أحداث قتل المواطنين المتظاهرين (بحكم منصبه)

يا اخى زياد الله يرضى عليك.. أى بوست عنده موضوع بيناقشـه Topic وموضوع البوست هو جنسيـة إبراهيم محمود وليس عمل شنو واللا ما عمل شنو.. ممكن يتفتح بوست اخر لل topic الموضوع دا..
شوف فى كم بوست فى الصفحة الاولى دلا بس.. لو كل واحد ختى موضوعه فى أى مكان حيكون عندنا بوست واحد فقط فى المنبر كله تتناقش فيه كل المواضيـع.. ودا ما كويس للبحث بعدين.. يعنى لو فى طلبة وباحثين يفتشوا لمعلومة حيكونوا مثل البتفش لإبرة فى صحراء العتمور. فممكن تناقش الموضوع المطروح، أو تفترع بوست جديد بالموضوع الجديد المختلف هـذا.

حبيبنا أبوريش
زي ما بقولوا أهلنا: الأعوج ما بنعدلو
أنا دخلتني في البوست دا جزئية معينة شفتها غلط و حبيت أصحح الفكرة...
أها أنا موضوع البوست فتحت ليهو بوست منفصل أوضح وجهة نظري:

" />" target="_blank">وجهة نظر الأخ جني...حسب ما فهمتها أنا!
مش على كيفي؟
في زول دافع أكتر مني في منبر بكري دا

Quote: يا اخى زياد الله يرضى عليك.. أى بوست عنده موضوع بيناقشـه Topic وموضوع البوست هو جنسيـة إبراهيم محمود وليس عمل شنو واللا ما عمل شنو.. ممكن يتفتح بوست اخر لل topic الموضوع دا.. شوف فى كم بوست فى الصفحة الاولى دلا بس.. لو كل واحد ختى موضوعه فى أى مكان حيكون عندنا بوست واحد فقط فى المنبر كله تتناقش فيه كل المواضيـع.. ودا ما كويس للبحث بعدين.. يعنى لو فى طلبة وباحثين يفتشوا لمعلومة حيكونوا مثل البتفش لإبرة فى صحراء العتمور. فممكن تناقش الموضوع المطروح، أو تفترع بوست جديد بالموضوع الجديد المختلف هـذا.

Quote: مش على كيفي؟

على كيفك ونص وخمســة :)

Quote: يا جنى انا مدين ليك بإستيضاح عشان ما نظلمك والنقاش يقل لو ما إنتهى: 1- هل ابراهيم محمود الان إرترى او يحمل الجنسيـة الإرتريـة؟ 2- هل ابراهيم محمود حمل الجنسيـة الارتريـة فى اى يوم من الايام؟ 3- أى جنسيـة وباسبورت كان ابراهيم محمود يحمل فى القاهـرة ، حين كان متضامنا مع القضيـة الارتريـة وجعلوه رئيسا لإتحادهم؟ 4- هل فى رأيك ان رئاسـة إتحاد طلبة أجنبى والشخص (خارج البلاد) يكون سببا فى فقدانه الجنسيـة أو إتهامه بالتخابر؟ 5- هل إبراهيم حينها تخابر مع الطلبة بصرف النظر عن وجود دولة لهم.. تخابر ضـد وطنه الســودان، أم كانت رئاسته للإتحاد تعبيرا عن الشعور العام الذى كان يسود الساحـة السياسيـة السودانية؟ شفت الأجوبة المحددة حتخلينا نمشى كويس فى النقاش.

والله أسئلة سطحية تؤكد عدم فهم مقصدى
ومن ثم كل هذه المداخلات الطائشة
ياخ إبراهيم وزير داخلية الكيزان والسودان بالضرورة يحمل الجنسية السودانية وجواز سفر دبلوماسي سوداني وأنه في ايام الاسكندرية لم تكن ارتريا مستقلة وبالضرورة
لم يكن يحمل الجنسية أو وثيقة سفر إريترية
انا احاكمه
انا سياسيا واخلاقيا
بأنه اختار الانتماء لاريتريا
باختياره بين اتحاد الطلاب الاريتريين واتحاد الطلاب السودانيين. وأنه عاش وتقمص
هذه الروح وان هذا الاختيار لا يمكن أن يكون عبثا وأنه موقف غير أخلاقي وان صاحبه غير مؤتمن على وثائق ليستغلها
في لعبة اى تغيير لموازين
القوى وديمغرافية
الأرض وأنه خادع
أما للسودانيين وأما للارتريين!
ياخ انا زهجت
من ترديد الكلام لدرجة الملل
وللعلم انا لي موقف من مناصرة الثورة الاريترية ليس بسبب عدم القناعة بحقهم الإنساني ولكن لأن السودان سيدفع ثمنها من أرضه ودفعه فعلا وسيدفعه
لاحقا أيضا من الأطماع الاريترية مستقبلا

Quote: بأنه اختار الانتماء لاريتريا باختياره بين اتحاد الطلاب الاريتريين واتحاد الطلاب السودانيين. وأنه عاش وتقمص هذه الروح وان هذا الاختيار لا يمكن أن يكون عبثا وأنه موقف غير أخلاقي وان صاحبه غير مؤتمن على وثائق ليستغلها

يا جني يا صاحب

طلب التنظيم منه ان بتغمص هذا الدور كرأقت الهجان وذات التنطيم عينه وزيرا للداخليةدي سياسة تنظيم
الموقف الغير اخلاقي للتنظيم ول لابراهيم محمود يا شاطر اتا
التظيم غير مؤتمن كمؤسسة حاكمة ول الزول العندك معاو تار د يا بتاع المواقف الاخلاقية
لو في موقف غير اخلاقي يكون موقفك اتا ده ، عامل فيها بتاع تحرر وليبرالية وحق الشعوب وتجي تقول الكلام دا

Quote: وللعلم انا لي موقف من مناصرة الثورة الاريترية ليس بسبب عدم القناعة بحقهم الإنساني ولكن لأن السودان سيدفع ثمنها من أرضه ودفعه فعلا وسيدفعه لاحقا أيضا من الأطماع الاريترية مستقبلا

اتا بالجد تستحق الشفقة وما عندك اي قكرة
شوف المصريين والاحباش واراضيك المحتلة وما عندك اي موقف ضدهم
شوف التشاديين والجنوبيين ودول الجوار الاخرى تجي تقول عندك موقف من مناصرة ثورة من اجل التحرر والانعتاق
يسا زول ما تسمع كلام انك ما عنصري وقلم لا يشف له غبار
يا صاحب حار بك الدليل

والسودان دا حقي براى ما تشوفها انت معاى
والله يا حسين وأيضا لست مؤمنا بدور الدولة الرسالية. التى تتصدى له الإنقاذ الذي يجعل من غزة أقدس من الفاشر
وان السودان هو أولا واخيرا

تاني عاوز حاجة
جني

اسئلــة سطحيــة واللا جوفيــة، باللاى بس رد عليها تقديرا للإحترام المتبادل بين الناس.. وفى رأيى هى ما سطحيـة بل مهمـة جدا وفى لب الموضوع.. مع احترامى لرأيك..
الكلام الذى اوردته ليس إجابات على الأسئلـة.. ولو الراى المخالف لرأيك وتحديك الأسئلـة يخليك تزهج زى السيـد الصادق المهدى فمعليش.

والسودان دا حقي براى ما تشوفها انت معاى
والله يا حسين وأيضا لست مؤمنا بدور الدولة الرسالية. التى تتصدى له الإنقاذ الذي يجعل من غزة أقدس من الفاشر
وان السودان هو أولا واخيرا

تاني عاوز حاجة
جني

وانت ما شايف انها رد على أسئلتك!
تبقى عوجة!
جني

اقدم إعتذار ي واسفي للاخوة الجعافرة فهم أخوة كرام ....

وما بدر مني من النفس الأمارة ........

اللهم قنا شر انفسنا

Quote: والسودان دا حقي براى ما تشوفها انت معاى

أي حرف تكتبه في هذا البوست تكتب انك السوداني الوحيد والأمة دي كلها تبع

طيب إبراهيم دا موش سوداني وانا قلت ارتري لماذا لم يحتج الآخرين وانحصر
الاحتجاج لدى فئة معينة
أليس البقية سودانيين ويهمه
امره أيضا!
لسبب بسيط انهم يعرفون أنني تحدثت عنه بصفة شخصية ولم أعنى أحدا غيره بسبب اختياره اتحاد الطلاب الاريتريين بدلا عن اتحاد الطلاب السودانيين!
ولكن لأنكم اعتبرتوه


رمزا حاملا لجينيات والحمض
النووى لقبيلة تتمدد
في بلدين حين اني لم اتعرض لقبيلة أو إثنية ولم ولن أنكر حق بني عامر السودان فى أرضهم التى جادوا
بدمائهم دفاعا عنها!
من هو العنصري
الذى كال
السباب
لعقلية
يتوهم أن جني يمثلها ام
الموسوس
المرتاب
الكيشوتي
المحارب بسيف ابي حية النميري الخشبي لعاب المنية
ولسان حاله يكاد المريب يقول خذوني!
جني

Quote: طيب إبراهيم دا موش سوداني وانا قلت ارتري لماذا لم يحتج الآخرين وانحصر الاحتجاج لدى فئة معينة أليس البقية سودانيين ويهمه امره أيضا! لسبب بسيط انهم يعرفون أنني تحدثت عنه بصفة شخصية ولم أعنى أحدا غيره بسبب اختياره اتحاد الطلاب الاريتريين بدلا عن اتحاد الطلاب السودانيين! ولكن لأنكم اعتبرتوه رمزا حاملا لجينيات والحمض النووى لقبيلة تتمدد في بلدين حين اني لم اتعرض لقبيلة أو إثنية ولم ولن أنكر حق بني عامر السودان فى أرضهم التى جادوا بدمائهم دفاعا عنها! من هو العنصري الذى كال السباب لعقلية يتوهم أن جني يمثلها ام الموسوس المرتاب الكيشوتي المحارب بسيف ابي حية النميري الخشبي لعاب المنية ولسان حاله يكاد المريب يقول خذوني! جني

جني اخوي زمان اخونا ود القاضي قال يتفق الكل لما الموضوع يمس فئات معينة من الغرب والشرق والجنوب القديم والجديد .. ومعك أتساءل أين أخوان اخونا الوزير من حزبه في المنبر وكأن الرجل ما كوز واين الشوعين دعاة العدالة في المجتمع عندما يمس الأصل في الانسان .. جني لو لا مداخلات الأستاذ/ حسين عبدالمجيد ومحمد E سليمان والاستاذ صديق رحمه لقت لا صلة لنا بكم .. نعم تداخلنا لأن الموضوع بهذه الطريقة مس الكثيرين من اهل الشرق الأصلاء والما عاجبوا يشرب من البحر ..

قلت لي كيف الدكتور ابوالقاسم لا يستوزر لكن هويته عندك مقدسة طيب نحن هوية ابراهيم عندنا مقدسة إيه رأئك يا جني ..

نعرش على كده يا صاحب