Post: #1
Title: حكومة الظل وبرلمان الأطفال!
Author: Hussein Mallasi
Date: 12-25-2013, 11:04 AM
Parent: #0
حكومة الظل؛ التي أعلن عن بعض ملامحها في مؤتمر
صحفي أمس؛ ذكرتني ببرنامج (برلمان الأطفال) التلفزيوني!
|
Post: #2
Title: Re: حكومة الظل وبرلمان الأطفال!
Author: احمد الأمين على إدريس
Date: 12-25-2013, 01:36 PM
Parent: #1
يا حسين السلام عليكم
ستسمع بالشباب ديل فى مقبل الايام - ستذكرهم انت ونحن والتاريخ
يحتاجون مننا الدعم واننا نتجمع ونوقف معاهم ونطور فى فكرتهم ومبادرتهم بصورة تمرقنا مما نحن ..
بدلاً من لعن الظلام فالافضل ان نوقد شمعة ولو كانت زى شمعة صلاح جادات فى البوست داك ..
هم فعلوها واوقدوا الشمعة يبقى حقو نضيف معاهم بعض الشموع بدل نقعد ننفخ ونطفى شمعتهم ..
|
Post: #3
Title: Re: حكومة الظل وبرلمان الأطفال!
Author: امجد محمد الأمين
Date: 12-25-2013, 02:00 PM
Parent: #2
اول مرة اتفق معك فتأمل .
|
Post: #4
Title: Re: حكومة الظل وبرلمان الأطفال!
Author: الجنيد حمد
Date: 12-25-2013, 02:45 PM
Parent: #3
تحية طيبة
الفكرة جيدة في الاصل
استعجال الاعلان عنها غير مبرر وقد يساهم في قبرها
إذا كان الانتقاد لانهم استعجلوا نقول يحق ذلك
شخصياً اقترحت تشكيل حكومة الظل قبل عام ونصف وغيري كثيرون ممن يؤمنون بضرورة ذلك
وقدموا الاقتراحات الخاصة بتكوين حكومة الظل
Quote: تحية طيبة
الى جماهير شعبنا الصامدة
تمر بلادنا بمنعطفات خطيرة ومستقبل مظلم في ظل تعنت الطغمة الحاكمة
مما جعل الثورة والسعى للتغيير امر واقع ونسير فيه بصورة جيدة وملموسة
وتعلم جماهير شعبنا بأنه ستكون هناك اخفاقات اثناء حدوث التغيير
فنحن مطالبون باعادة الحياة الى وطن سجن لاكثر من عقدين
وكل القوى الديمقراطية متفقة على التغيير عبر كل الطرق
سوى التغيير المسلح او السلمي او الانتفاضة المحمية والهدف والغاية واحدة وهى ازالة النظام الفاسد
مما يتوجب علينا طرح برنامج لادارة الدولة الى حين اجراء الانتخابات
فاقتراح حكومة تصريف الاعمال وتسميتها اصبح ضرورة حتى يتسنى لنا ادارة الامور بصورة سلسة
حكومة اتمنى أن تكون من التكنوقراط على أن يكون هناك مجلس عسكرى ومجلس سياسي قوامهما افراد من الاحزاب السياسة والحركات المسلحة
والامر متروك للاضافة او الحذف اوالتعديل للزملاء بالراكوبة |
|
Post: #5
Title: Re: حكومة الظل وبرلمان الأطفال!
Author: Hussein Mallasi
Date: 12-25-2013, 10:07 PM
Parent: #4
شوية اصحاب اتلموا مع بعض ومشوا طيبة برس وعملوا مؤتمر
صحفي واتوزعوا الوزارات .. والما جا (تلقاهم) مسكوا ليهو وزارتو!
|
Post: #6
Title: Re: حكومة الظل وبرلمان الأطفال!
Author: Hussein Mallasi
Date: 12-25-2013, 10:12 PM
Parent: #4
شوية اصحاب اتلموا مع بعض ومشوا طيبة برس وعملوا مؤتمر
صحفي واتوزعوا الوزارات .. والما جا (تلقاهم) مسكوا ليهو وزارتو!
|
Post: #7
Title: Re: حكومة الظل وبرلمان الأطفال!
Author: AMNA MUKHTAR
Date: 12-25-2013, 10:19 PM
مالهم ؟!
حلوييين ويملوا العين ..
عشان شباب بس زعلانين كدا وهايجين عليهم ..
إلا يكونوا ديناصورات أدمنوا الفشل يعني ؟
عالم لا ترحم ولا تخلي رحمة ربنا تنزل !!
أمثالك يا ملاسي فالحين للنقد وتكسير المقاديف فى الفارغة والمليانة بس .
(حركة حلوة يا شباب ..وعملت حراك جيد ومطلوب )..
|
Post: #8
Title: Re: حكومة الظل وبرلمان الأطفال!
Author: يحي قباني
Date: 12-25-2013, 10:26 PM
Parent: #7
| Quote: إلا يكونوا ديناصورات أدمنوا الفشل يعني ؟ |
ديناصورات دي من عُمُر كم يعني يا آمنه ... ؟
|
Post: #9
Title: Re: حكومة الظل وبرلمان الأطفال!
Author: امجد محمد الأمين
Date: 12-26-2013, 06:04 AM
Parent: #8
| Quote: أمثالك يا ملاسي فالحين للنقد وتكسير المقاديف فى الفارغة والمليانة بس . |
|
Post: #11
Title: Re: حكومة الظل وبرلمان الأطفال!
Author: عمر الفاروق
Date: 12-26-2013, 06:36 AM
Parent: #10
إستعجلت ساااي نزلت مداخلتي دي بهناك قبل ما أشوف البوست ده ..
هنا موقعها المناسب .. :) :)
Quote: وزير تعليم خريج كلية علوم بحار ببورتسودان !!!!!؟؟؟
ها نحن ذا ..على دروب كنزنا ......
.نسير معا وآمالنا تسير قبلنا....
من غيرنا يقطع يوما مثلنا ..
دربا خطيرة الى الجزيرة من غيرنا ...
جيم مع بمبو ..في رحلة مثيييرة
معقولة بس تلاتة ارباع الوزراء من خريجين ثورة التعليم العالي الكيزانية ؟؟
بالله ماف وزير خريج كلية نصر الدين الطبية ووزيرة خريجة النصر التقنية ؟؟ |
|
Post: #12
Title: Re: حكومة الظل وبرلمان الأطفال!
Author: AMNA MUKHTAR
Date: 12-26-2013, 06:41 AM
Parent: #11
لو كنت بتقصد أنور كنج يا الفاروق ، فأنور ليس خريج كلية علوم البحار /جامعة البحر الأحمر.
فهو خريج أكاديمية علوم التقانة والبحرية فى مصر .
( أنور شاب طموح ومجتهد ، لكنه وعيه السياسي مشوش جدا ) .
|
Post: #13
Title: Re: حكومة الظل وبرلمان الأطفال!
Author: أسامة خلف الله مصطفى
Date: 12-26-2013, 06:42 AM
Parent: #10
Quote: مالهم ؟!
حلوييين ويملوا العين ..
عشان شباب بس زعلانين كدا وهايجين عليهم ..
إلا يكونوا ديناصورات أدمنوا الفشل يعني ؟ |
أمنة مختار ...العزيزة...
مسكين البدا يأمل.....
والله مقصرين الشباب في عدم إعطائهم لفاقد المواقف واللون والطعم السياسي ملاسى....
ودى موبقة كبيرة...كونوا يتخطوا شخصية كبيرة كصاحب الأسطر المعدودة الصحفى الكبير ملاسى...
وبعدين مع حرية الصحافة التي اكد وجودها في ندوته الأخيرة بمركز الخاتم....يستأهل وزارة الإعلام في حكومة الضل.....
كل هذا التملق والاموقفية ويطلع منها فاضى ..ولا حيكومة ضل....يا للتعاسة وخيبة الأمل....
نصيحة من أخ أسفيرى وكبير مناضلي الكيبورد:
عليك الله كان ما قلبت حكومة الضل....وأنت الخبير في مناصرة الانقلابين....
|
Post: #14
Title: Re: حكومة الظل وبرلمان الأطفال!
Author: عمر الفاروق
Date: 12-26-2013, 06:55 AM
Parent: #13
ايوة يا امونة بقصد انور ..
وأكيد عارفو خريج مصر من أيام عامل موقع الاغاني بتاع anwarking ..
نحن أولاد دفعة بالمناسبة يا امنة ..
شوفي انور طموح لكن طموحه شخصي لا يرتقي لي إنو يبقيهو وزير لو نطط ..
فكره أكاديمي بحت مع كتييير من الأنا الواضحة طوااال مسيرة انور الاكاديمية ..
وده لو جاكم وزير أوول شي ح يعمل لي روحو سبعة عربات واحدة توصلو الشغل والتانية ترجعو من الشغل والتالتة لي مشاوير الاصحاب و و و ..
التاريخ لا يرحم والسياسة ما زي التعليم ..وما عشان مثلا عملت ماجستير في كوريا ودكتوارة في الواغ الواغ فأنت مؤهل لوزارة لمجرد نتيجتك الاكاديمية ..
ثم وانا عموووماً كده جننني وجن الدكتور البيتخرج من رومانيا ويعلق ليك بعد داك زمالة البورد الامريكي والبريطاني وبروفسير من اكسفورد..
|
Post: #15
Title: Re: حكومة الظل وبرلمان الأطفال!
Author: ناصر حسين محمد
Date: 12-26-2013, 07:24 AM
Parent: #14
هي خطوة عجرز عنها الكثيرين ومن اكتفو بالتنظير وطقطقت الكيبورد
ومن ينظر للامر أو من لديه معرفة بخلفية الازمة السودانية " ليس وليدة الانقاذ، بل منذ الاستقلال" يستطيع ان يدرك الهدف من حكومة الظل
حكومة الظل السودانية مخرج من الازمات باشتراطات معينة..!!
|
Post: #16
Title: Re: حكومة الظل وبرلمان الأطفال!
Author: Hussein Mallasi
Date: 12-26-2013, 08:19 AM
Parent: #15
| Quote: حلوييين ويملوا العين .. |
| Quote: ( أنور شاب طموح ومجتهد ، لكنه وعيه السياسي مشوش جدا ) . |
حلوييين ويملوا العين ووعي سياسي مشوش جداً .. فتأمل!
_____
عين شن ودي يا كافي البلا!
|
Post: #17
Title: Re: حكومة الظل وبرلمان الأطفال!
Author: حمد عبد الغفار عمر
Date: 12-26-2013, 09:08 AM
Parent: #16
قالوا من ضمن الأجندة مراقبة أداء الحكومة الحالية
عشان شنو مثلا؟
بعدين دا هسة ما إنقلاب رأسو عديل زي انقلاب البشير ناس مجهزين الوزراء وكل شيء
طيب ما يسجلو البيان الأول وتوشك على الإذاعة
المافي شنو؟
الفيل واضح العايز يطعن يطعن عديل
|
Post: #18
Title: Re: حكومة الظل وبرلمان الأطفال!
Author: AMNA MUKHTAR
Date: 12-26-2013, 07:21 PM
Parent: #17
| Quote: عين شن ودي يا كافي البلا! |
هيروغليفي دا يا مرسي ؟!
..........
هسه أنور كنج بي عولاقو دا ..
مش أحسن مليون مرة من يوسف الكودة ..
الحجز ليهو كرسي فى حكومة الظل بتاعة الفجر الجديد ..
الزلابية هانت من زمااااان .
|
Post: #19
Title: Re: حكومة الظل وبرلمان الأطفال!
Author: Hussein Mallasi
Date: 12-26-2013, 09:56 PM
Parent: #18
من يومك السويتي ليك فيهو حزب ودعيتي الناس للتأسيس
برسايل الموبايل؛ استقر في يقيني انو الزلابية قد هانت تماماً!
|
Post: #20
Title: Re: حكومة الظل وبرلمان الأطفال!
Author: Hussein Mallasi
Date: 12-26-2013, 09:56 PM
Parent: #18
من يومك السويتي ليك فيهو حزب ودعيتي الناس للتأسيس
برسايل الموبايل؛ استقر في يقيني انو الزلابية قد هانت تماماً!
|
Post: #21
Title: Re: حكومة الظل وبرلمان الأطفال!
Author: AMNA MUKHTAR
Date: 12-27-2013, 09:01 AM
Parent: #20
أنا والمعاي سوينا حزب ..ودخلنا التاريخ شئت أم أبيت .
إنت سويت شنو يا المتصيحف المنظراتي على الفاضي .. ؟
_________
مش قلت عليك فالح بس فى تكسير المقاديف والهدم ..
وطبعا دي مشكلة معروف سببها بيكون شنو .
( هسه طبعا إنت بتكون ندمان وسافي التراب ..)
|
Post: #22
Title: Re: حكومة الظل وبرلمان الأطفال!
Author: العوض المسلمي
Date: 12-27-2013, 09:13 AM
Parent: #21
افهم من كدة يا امنة انك من انصار حكومة الظل التي تشكلت ام من انصار الفكرة
|
Post: #23
Title: Re: حكومة الظل وبرلمان الأطفال!
Author: Hussein Mallasi
Date: 12-27-2013, 12:48 PM
Parent: #21
والحال كذلك فيا لهوان التاريخ البدخلوهو بحفنة رسائل موبايل لا يستجاب لنصفها!
|
|