Post: #1
Title: دخول سهل لدولة قطر عبر "تأشيرة سياحية عبر الانترنت"
Author: عماد موسى محمد
Date: 12-25-2013, 07:55 AM
Parent: #0
Quote:
الخطوط الجوية القطرية تطلق خدمة إصدار التأشيرات عبر الإنترنت
يسهل النظام الحصول على تأشيرة سياحية إلى دولة قطر
12-24-2013
أطلقت الخطوط الجوية القطرية هذا الشهر خدمة إلكترونية جديدة تمكن الراغبين بزيارة قطر من تقديم طلب إصدار تأشيرة سياحية عبر الإنترنت. وتتوفر الخدمة للمسافرين مع الخطوط الجوية القطرية وذلك من خلال موقعها الإلكتروني www.qatarairways.com
وصرّح متحدث باسم القطرية: "يسهل النظام الجديد إجراء الحصول على تأشيرة سياحية إلى دولة قطر، ويمكن للمسافرين متابعة وضع طلبهم عبر الإنترنت."
ويمكن للمسافرين الحصول على تأشيرة سياحية مدتها شهر واحدة مع إمكانية الدخول لمرة واحدة إلى الدوحة ويجب استخدامها في غضون 60 يوماً من تاريخ إصدارها. ولا يمكن تمديد صلاحية التأشيرة.
ويمكن للمسافرين تقديم الطلب عبر الإنترنت بخطوات بسيطة. وتستغرق التأشيرة عشرة أيام عمل لإصدارها وتبلغ رسومها 55 دولار أمريكي للشخص الواحد. ويمكن تسريع إجراء إصدار التأشيرة في غضون سبعة أيام تقريباً مقابل رسم قدره 120 دولار أمريكي للشخص الواحد. رسوم الفيزا غير مستردة.
وعلى المتقدمين بطلب الحصول على تأشيرة تقديم الوثائق الآتية: تذكرة مؤكدة من وإلى الدوحة على متن الخطوط الجوية القطرية، وحجز فندقي عبر قسم "اكتشف قطر" (القسم المختص بالعطلات الداخلية في الناقلة). وتعتمد مدة التأشيرة على مدة إقامتهم الفندقية. الإقامة في قطر يجب أن لا تزيد عن 30 يومياً ويجب أن تكون لأسباب سياحية فقط.
وتعد الدوحة واحدة من أسرع مدن العالم نمواً متميزة بمزيجها المتناغم بين التراث والحداثة. وتحتضن الدوحة عدداً من المباني التي باتت اليوم من أهم معالم الفن والثقافة والتراث مثل متحف الفن الإسلامي الذي يضم أعمالاً تعود لأكثر من 200 سنة من تاريخ الحضارة الإسلامية. وفي سوق واقف يعود زواره إلى الزمن القديم حيث سيجدون مصنوعات يدوية إضافة إلى المأكولات التراثية والبهارات والعطور العربية والأقمشة والتحف الفنية. ويعد حي كتارا الثقافي مركزاً للفن والثقافة في الدوحة حيث تزخر برامجه بفعاليات و حفلات فنية وعروض درامية علاوة على المطاعم الراقية والشاطئ والمرافق الخاصة للرياضات المائية المتوفرة فيه. كما تضم الدوحة عدداً من الفنادق الفاخرة ذات تصنيف الخمس نجوم الأمر الذي يجعلها وجهة رائدة لسفر الأعمال.
الدوحة، قطر |
مافي حدّ يتّصل عليّ .... ههه
أنا ناقل للخبر الجميل دا من هنا:
موفع النيلين
|
Post: #2
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 08:01 AM
Parent: #1
للأسف كانت هناك فُرص للإخوة السودانيين
يتم تجنيدهم لقوّة"الشُّرطة" ولو جاءوا بوضع "زائر" عادي
الحمد لله تم تجنيد مئات منهم..وبعضهم الآن تحت التدريب
لكن-وأسفاه- حصلت مخالفات قانونية من بعض إخواننا السودانيين-هداهم الله
إذ تم اكتشاف مجموعة منهم اشترت "إقامات" ثم جاءت للتجنيد للشرطة
تم إبعاد هؤلاء الشباب، ومن ثمّ تعسّرت مسألة التعيين من الأساس
لذلك فالزيارة السياحية-حسب علمي- لا تتيح للزائر أن يتجنّد أو يعمل إجراءات
لكن البقدّرو ربّنا منو البوقّفو؟
كل شئ وارد
سلامتكم
|
Post: #3
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 08:38 AM
Parent: #2
موضوع عدم وجود تأشيرات عمل للسودانيين
مثل الناس الآخرين: شئ مؤلم ومُخزٍ...مؤلم لأن هناك
كودار سودانية ذات مؤهلات عالية وأناس سودانيون ذوو تخصصات وقدرات رائعة..
لكن السياسات "المبوجكة" و"الغموض" العجيب الذي يكتنف هذه
المسألة -مسألة "فسح" التأشيرات للسودانيين...حرم عدداً كبيراً من إخواننا
السودانيين من فرص عمل عجيبة وكثيرة ومتوفرة في قطر
يا إخوة يا مسئولين: نرجو مزيداً من التفهّم والمرونة والفهم الواااسع مراعاة لأحوال المحرومين
وأرجو ألا تكون الحزبية تلعب دوراً هنا..فالله رقيبٌ على ما نفعل
|
Post: #4
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 09:09 AM
Parent: #3
هوي يا ناس !!
اللي عندو استفسار يتصل بالخطوط القطرية
وما يلومني ههه
أي اعتذار/ تراجُع..إلخ هم المسئولون
نقلنا الخبر بس يا كرام
لا شك دي أخبار أكيدة سودانيزأونلاينية" !!!
**********
كلامي دا ذكّرني بقصة واقعية حكاها بعض الإخوة الذين دخلوا مرّةً مسجد
لطائفة الختمية في أم بدة فوجدوا فيه هذا التحذير والتهديد من أي درس أو نصيحة..إلخ وكتبوه
محفورا على حائط المسجد:
بهذا يُعِلن مسجد الختمية الكرام
عن منع الكلام
في الجمعة وسائرِ الأيام
ومن يخالف هذا الكلام
يعرّض نفسه للملام
عاش أبو هاشم عاش أبو هاشم عاش أبو هاشم
ويُخزي عدوّو المتغاشم!!
**********
فاعملوا حسابكم ...
هه
|
Post: #5
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: أيمن محمود
Date: 12-25-2013, 10:07 AM
Parent: #4
شكرا يا عماد
بس والله انا ما شايف اي سبب سياحي واحد بخلي الزول يجي قطر ؟!
|
Post: #6
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: Asim Fageary
Date: 12-25-2013, 10:13 AM
Parent: #5
Quote:
شكرا يا عماد
بس والله انا ما شايف اي سبب سياحي واحد بخلي الزول يجي قطر ؟!
|
التحية لصاحب البوست
ريحتني يا أيمن محمود، أنا من قبيل قريت البوست دا وإستغربت!
كنت قايل الزيارة دي وراها حاجة تانية
لكن زيارة سياحية إلا يكون عندي صقور الصيد وأمشي البر إصطاد بيها
لكن ما ظن البمشي قطر يكون ماشي يصطاد !
|
Post: #7
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: هشام عباس
Date: 12-25-2013, 10:27 AM
Parent: #6
الشيخ عماد تحية طيبة
احتمال اكون في قطر خلال الاسبوع القادم ولمدة يومين انشاء الله
حسب ما عرفت المفروض انا اجى الحدود عادى ويدقوا لى دخول
هل هذا صحيح ام ستواجهنى مشكلة استخراج زيارة عشان نعمل حسابنا من حسع ؟؟؟
|
Post: #8
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عزام حسن فرح
Date: 12-25-2013, 10:48 AM
Parent: #7
أيمن محمود وفقيري.. جهلك بِالشئ لا يعني عدم وجوده.. قد أصبحت سِياحِية وقبل 2022م سَوف تتفَوق على كثير مِن الدُول الأخرى في هذا الصدد.. أرى أن تضاروا جهلكُم بِالصمت
|
Post: #9
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 10:58 AM
Parent: #5
Quote: شكرا يا عماد
بس والله انا ما شايف اي سبب سياحي واحد بخلي الزول يجي قطر ؟! |
يا أيمن يا ود الحلال "سياحي" شنو؟ هو يستغلّ الفرصة دي عشان يدخل..
السوداني يجي هنا عشان يجتهد يلِم قرِش قرشين.....هناك في سودانّا "ساح" عدييييل كدة هههه
شكري
|
Post: #10
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: Asim Fageary
Date: 12-25-2013, 11:02 AM
Parent: #9
Quote:
أيمن محمود وفقيري.. جهلك بِالشئ لا يعني عدم وجوده.. قد أصبحت سِياحِية
وقبل 2022م سَوف تتفَوق على كثير مِن الدُول الأخرى في هذا الصدد.. أرى أن تضاروا جهلكُم بِالصمت
|
الإقتباس الفوق دا كلام عزام
Quote:
يا أيمن يا ود الحلال "سياحي" شنو؟ هو يستغلّ الفرصة دي عشان يدخل..
السوداني يجي هنا عشان يجتهد يلِم قرِش قرشين.....هناك في سودانّا "ساح" عدييييل كدة هههه
شكري
|
والإقتباس التحتاني دا كلام صاحب البوست
___
يا عزام بطل لواقة وجهل سياحة شنو في قطر
|
Post: #11
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 11:04 AM
Parent: #9
| Quote: أيمن محمود وفقيري.. جهلك بِالشئ لا يعني عدم وجوده.. قد أصبحت سِياحِية وقبل 2022م سَوف تتفَوق على كثير مِن الدُول الأخرى في هذا الصدد.. أرى أن تضاروا جهلكُم بِالصمت |
ههه
عزّامنا يا صعب..أدّيتم "خيش مقطّع" طوالي؟!
الناس ديل إمكن يكونوا في عالَم آخر..
ومرّات الإعلام ما بيعطي الصورة الحقيقة للشئ
خلينا نكرمهم وبعد داك يشوفو البلد في رحلة إلى
"الؤلؤة" أو "فنار" أو "اسباير" او لوسيل...أو "حديقة المها"
أو .إلخ
حيقتنعوا عديل..
وأقوليك..أنا والله مادايرهم "يسيحوا" الناس"ساحت" عديييل
|
Post: #12
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: هشام عباس
Date: 12-25-2013, 11:30 AM
Parent: #11
مشكورا بادر الاخ صلاح مختار بالاتصال بعد الاطلاع على البوست وقدم لنا بعض
التوجيهات المفيدة ...
ياخى السودانيين ديل شعب جميل جدا
|
Post: #13
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 11:34 AM
Parent: #11
Quote: التحية لصاحب البوست
ريحتني يا أيمن محمود، أنا من قبيل قريت البوست دا وإستغربت!
كنت قايل الزيارة دي وراها حاجة تانية
لكن زيارة سياحية إلا يكون عندي صقور الصيد وأمشي البر إصطاد بيها
لكن ما ظن البمشي قطر يكون ماشي يصطاد ! |
عاصم فقيري
وعليكم السلام شرّتنا
ههه
قطر الآن غييير
مش صيد صقور بس وطبعا جزء محترم من التراث
قطر غييير
والله صحي
على كل حال مرحب بيك وإنت ضيفنا من الآن
|
Post: #14
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 11:36 AM
Parent: #13
| Quote: وعليكم السلام شرّتنا |
تصحيح لود فقيري
شرّفتنا
ومرحبتين حبابك
|
Post: #15
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 11:40 AM
Parent: #14
Quote: الشيخ عماد تحية طيبة
احتمال اكون في قطر خلال الاسبوع القادم ولمدة يومين انشاء الله
حسب ما عرفت المفروض انا اجى الحدود عادى ويدقوا لى دخول
هل هذا صحيح ام ستواجهنى مشكلة استخراج زيارة عشان نعمل حسابنا من حسع ؟؟؟ |
هشام
مرحبتين
وتشرّف قطر
لابد يا هشام تتأكد من نقطة الدخول دي
بعدين "الإقامة الأصل" مش صورة منها..أعرف أنا
شباب كادوا يرجعونهم من الحدود لأنهم ماجءوا بالأصلية
ونتابع معك
|
Post: #16
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: أيمن محمود
Date: 12-25-2013, 12:04 PM
Parent: #11
مرة من المرات فجأة كده هفت لي انا وصاحي وطالما انو احنا ما معيدين في السودان نقوم نمشي قطر ساي كده
الكلام ده كان العصر كده اليوم القبل الوقفة لعيد من الاعياد في سنة 2010 - المهم دخلنا النت حجزنا على بكرة المساء
صاحبي بالمرة قال لي عندو صاحبوا ممكن نفاجؤ !
بعد وصلنا قوم يا صاحبي اضرب لى صاحبك ... التلفون مقفول والا قاطع ما متذكر، ما مهم
بيتنا يومنا في الفندق والصباح قررنا نلف في قطر ... سألنا ناس الفندق يا جماعة احنا جايين سياحة - ممكن نمشي وين؟
بتاع الفندق قال لينا في بحيرة شنو كده ما عارف جمبها سيتي سنتر، مشينا انا وصحبي قلنا نشوف ... !
المفاجأة كانت انو في السيتي سنتر لقينا صاحب صاحبي (سايح)
حق الله بق الله واللازم منو - قلنا ليهو والله صدفة غريبة ... قال لينا ولا غريبة ولا حاجة ... اي زول بفتش ليهو لي زول في قطر ... بس يجي سيتي سنتر ده مرتين تلاتة كل جمعة
أكيد حيلاقيه ! 
المهم في يومنا داك لفينا زين ... تاني يوم قلنا نلف حتات تانية لقينا نفسنا بنعيد الشريط من الوكرة للدخان !
بصورة عامة ناس محترمين وطيبين - الا الفيها بتعرفوا من أول يوم !
الآن بلاش ما بمشيها - لكن ممكن ادفع تكاليف سفرة لأديس ابابا (مثلاً) وانا في قمة السعادة رغم اني زرتها مرتين قبل كده !
-
باريس، لندن، نيروبي وواشنطن وما عداهن قرى وقفر
ماشي وين؟
ماشي الخور 
|
Post: #17
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: Fathi Ali Mohammed
Date: 12-25-2013, 01:44 PM
Parent: #16
عصام فقيري و ايمن محمود
البسمع كلامكم يقوا انتو قاعدين في فينيس :)
اليكم بعض الاماكن السياحية في قطر, عشان لو جيتونا قريب:
سوق واقف
المتحف الاسلامي
القرية التراثية - كتارا
حديقة الحيوان - حاليا تحت التوسعة و التحديث
حدائق اسباير زون - لمحبي الرياضة أوالخضرة و الهواء النقي
حدائق الكورنيش - لمحبي الرياضة أوالخضرة و الهواء النقي
شاطيء السيلين - لمحبي الاستعراض بالعربات و المغامرات الرملية
اكوابارك - لمحبي الالعاب المائية
مسجد الدولة (محمد عبد الوهاب) - للدروس الدينية القيمة ولمحبي العمارة و التحف الاسلامية
جزيرة اللؤلؤة - high quality fans and international resturants and coffeshops
خور العديد- لهواة الصيد و الكثبان و الشواطيء
قلعة الزيارة
محمية الدوسري
على سبيل الامثلة و ليس الحصر.
بالمناسبة يا ايمن, سيتي سنتر مافي جنبو اي بحيرة !!
الحصة الجاية المولات و أماكن التسوق :)
|
Post: #18
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: أيمن محمود
Date: 12-25-2013, 01:57 PM
Parent: #17
| Quote: بالمناسبة يا ايمن, سيتي سنتر مافي جنبو اي بحيرة !! |
ما تزعل يا الفاتح بحيرة او كورنيش ... حاجة بالشكل ده !
الموضوع ليهو اكتر من تلات سنين !
|
Post: #19
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 01:58 PM
Parent: #17
| Quote: الحصة الجاية المولات و أماكن التسوق :) |
شرّفتنا يا فتحي علي
وبارك الله فيك
باقي ليك البحيرة القالها أيمن /جنب السيتي سنتر/ ههه إمكن شافها في الحلم؟ ههه
على كل حال مرحبا يأيمن وصحبه
|
Post: #20
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: أيمن محمود
Date: 12-25-2013, 02:12 PM
Parent: #19
| Quote: باقي ليك البحيرة القالها أيمن /جنب السيتي سنتر/ ههه إمكن شافها في الحلم؟ ههه |
غايتو يا عماد حاجة كده اظن فيها نافورة وبينشات حوالينها !
واجمل مبنيين - واحد فيهو زي كورة كده بالذهبي على ما اذكر وجامع صغير مبنى في لسان داخل البحيرة او الخليج ما عارف
وشدة ما الاماكن محدودة اظني صورت زي سته سبع صور بس في الرحلة كلها!
مع تنظيم كاس العالم اظنهم ممكن يعملوا ستي سنتر تاني وممكن جدا البد تبقى غير !
|
Post: #21
Title: Re: دخول سهل لدولة قطر عبر andquot;تأشيرة سياحية عبر الانترنتandquot;
Author: عماد موسى محمد
Date: 12-25-2013, 07:27 PM
Parent: #20
شكرا أيمن
وسأتيك تفصيلا
وشكري للجميع
|
Post: #22
Title: انا وصديقي البوردابي محمدحمزة الحسين مشينا مناسبة غلط-قبل زفاف د.عزان.هههههه
Author: ذواليد سليمان مصطفى
Date: 12-25-2013, 10:09 PM
Parent: #1
بالامس حدث لي انا وصديقي العزيز/ محمد حمزة الحسين، طرفة من الطرف المضحكة وبالجد حاجة تحير العقول وتشيب الرأس، والمناسبة كانت دعوة من احد بورداب سودانييز اون لاين دوت كوم.
وطبعاً عندما يحدث اي مناسبة لبوردابي من سودانييز اون لاين يخبر صاحب الدعوة زميل يقوم بفتح هذه الدعوة في المنبر العام، وانا اطاوق في المنبر العام لقيت بوست بعنوان دعوة لبورداب الخرطوم بمناسبة زفاف عضو المنبر (عزان سعيد) في صالة الفروسية. وقلنا خير لانو عزان ما قصر في رمضان وصل البيت فطر مع مجموعة من البورداب.
على كل حال الحصل شلت التلفون واتصلت لود الحسين قلت ليه في بوردابي عرسو اليوم والراجل دا عزيز لدي لازم نشاركو على طول ود الحسين-استجاب للدعوة وقال لي الدعوة وين قلت ليه في جوار نادي التنس واسمها صالة نيلتون، قال لي تعال لي نمشي بعد المغرب قلت ليه خير، ركبت الهايس واتجهنا الى الخرطوم من الفتيحاب لفة سراج ومن جاكسون ركبنا مواصلات مايو نزلنا جوار الصالة، وقبل ما ندخل الصالة اتصل علي صديق والمكالمة جرت اكثر من 15دقيقة، ثم اعتذرت له قلت ليه داخلين عرس اخونا عزان من سودانييز اون لاين.
اخونا ود الحسين كان ماسك التلفون وبسمع في القران الكريم انتظرت لحد ما كمل السورة، ومنه اتجهنا لبوابة الصالة وسالنا شرطي المرور والحرس قلنا ليه دا عرس د.عزان سعيد، قالوا ما عارفين طيب نمش نسأل البواب فمشينا لبواب وسالنه قلنا ليه دا عرس د.عزان سعيد قال لينا نعم.
الشفقة ما ترك لينا فكرة ومن البداية قلت لي ود الحسين احسن نقيف بره الصالة عشان نقابل البورداب لانهم بطبعهم بقيفوا بره ، او ندخل ونقعد في اول تربيزة جنب الباب عشان لمن يجو داخلين يعرفو ديل تربيزة البورداب وحتى العريس لمن يجي داخل نقوم نبارك ليه من الباب ونبقى مارقين، ود الحسين قال لي ما نقعد طرف الى نقعد في النص، قلت احسن احترم رأي لكن برضو نقعد في التربيزة رقم 2 ومشينا قعدنا جنب السماعات ونتأمل في جمال الصالة واهل العريس والعروس.والله ما طالبني حليفة الناس الشفتهم في الصالة كلهم حلب؟، فقال لي ود الحسين انت عارف الناس البسلموا من القداديم نسوان والرجال ديل ما ناس عزان، قلت خير كدا خليني اتاكد واثناء حديثي معه جاء شاب طويل لابس جلابية وعايز يقعد براه ناداه ود الحسين قال ليه اقعد معنا فسال من العريس هل اسمه عزان الشاب نعم طيب العروس دكتورة الشاب برضو قال نعم، فسالته عن علاقته مع العريس قال لي دا معرفة. طيب قلت يعني صحبك قال يكون كدا.
ومن هنا دخل الشكك فينا ، وكنت خائف من التصوير وان لايتجه صاحب الكاميرا علينا حتى يأخذ صور مننا فكنت حريص على ذلك.
طبعا الجماعة كلهم حلب وعندهم مصوراتي كلمة شاذة زي وزي ود الحسين يعني من السواد الا الليل، واخونا المصوراتي يبدو بتاع استديو متخصص في التصوير ، في كل حمسة دقائق يصور النسوان وفي واحد طويل ابو صلعة واقف يستقبل في الناس اصلاً ما لفت عين لينا غير المرة الاولي.
الساعة كانت 9:25دقيقة مساءاً وفجاءت دخل شاب في عمر الثلاثيات يرتدي بدلة سماوي وسط زغاريد وعدسات كاميرا المصور الفتوغرافي والفيديو، ثم بدا الشاب يبشر يسلم بالقبلات والاحضان.فسالت الشاب هل دا عرس ولا حاجة تانية الشاب ابو جلابية كلو ما نسالو يقول لي دا حنة ومرة خطوبة، فقمت من التربيزة عملت نفسي عندي مكالمة فاتخارجت بزحمة الزغاريد والفرحة التي عمت الصالة.
فتركت محمد حمزة الحسين والشاب ابو جلابية يتناولون الحديث فقمت اتصلت على ود الحسين وقلت ليه الناس البرة ديل قالو لينا دا خطوبة قوم اتخارج بسرعة، فود الحسين كان حريص على الخروج بصورة فنية فاستقل ايضاً فرصة اطقاء لمبات الصالة وتشغيل اللمبات المبهرة والدخان واخونا ابو جلابية ايضاً كسب الفرصة ما اطفاء اللمبات اول طفية دخل ليك يدو توش في الباسطة وكوكتيل الفاكهة، فقال ما ممكن تخلوني براي. قلنا ليه خير انحن ماشين صالة الفروسية نحصل العريس عزان وانت خليك عائيش مع الخطوبة والدبلة.فاخونا ابو جلابية داير يورطنا لكن الله فتح بصيرتنا وسترنا من الفضيحة.فتحركنا الى صالة الفروسية فوجدنا المكان المقصود اصلاً الفروسية وباركنا للعريس د.عزان ./B]
|
Post: #23
Title: Re: انا وصديقي البوردابي محمدحمزة الحسين مشينا مناسبة غلط-قبل زفاف د.عزان.هههههه
Author: خالد العبيد
Date: 12-25-2013, 10:28 PM
Parent: #22
إذ تم اكتشاف مجموعة منهم اشترت "إقامات" ثم جاءت للتجنيد للشرطة
تم إبعاد هؤلاء الشباب، ومن ثمّ تعسّرت مسألة التعيين من الأساس
----------------------
الاقامة بكم ؟!
الالغاء له اسباب امنية
حتى لا تشرب قطر من كأس التنظيم الدولي للاخوان المسلمين مرة اخرى !!
يا عمدة عندك فكرة : كيف انتشر فكر الاخونجية في قطر والخليج ؟
ومين الاشطر الطواويش ام عمك ضاحي في الامارات !!
|
Post: #24
Title: Re: انا وصديقي البوردابي محمدحمزة الحسين مشينا مناسبة غلط-قبل زفاف د.عزان.هههههه
Author: Elhadi
Date: 12-25-2013, 10:28 PM
Parent: #22
ذو اليد انت من الليلة كاتبي المفضل
قلتا لي لقيتو الجماعة كلهم حلب :)
|
Post: #25
Title: Re: انا وصديقي البوردابي محمدحمزة الحسين مشينا مناسبة غلط-قبل زفاف د.عزان.هههههه
Author: محمد عبدالله مختار
Date: 12-25-2013, 11:32 PM
Parent: #24
تحياتي يا عماد لك ولضيوف البوست ..
للأسف يا عمده التأشيرة السياحية دي ما منها فايدة طالما موضوع الإقامات المغلقة دي ما اتلقا ليهو حل
أنصح الماشي هناك (سياحة) يسأل عن (كرك النعيمي) ، أهم معلم سياحي في الدوحة
|
Post: #26
Title: Re: انا وصديقي البوردابي محمدحمزة الحسين مشينا مناسبة غلط-قبل زفاف د.عزان.هههههه
Author: محمد عبدالله مختار
Date: 12-25-2013, 11:39 PM
Parent: #25
يا جماعة والله أيمن محمود ده جاب النجيضة ما تعصروا عليهو ساكت
أما ذواليد فهو بحق وحقيقة فاكهة هذا البوست ..
|
Post: #27
Title: Re: انا وصديقي البوردابي محمدحمزة الحسين مشينا مناسبة غلط-قبل زفاف د.عزان.هههههه
Author: المسافر
Date: 12-26-2013, 05:56 AM
Parent: #26
Quote:
أما ذواليد فهو بحق وحقيقة فاكهة هذا البوست .. |
ذو الأيدي فاكهة
وصاحبو باسطة وقعد انبسط
وكمان قاري ليها سورة
|
Post: #28
Title: Re: انا وصديقي البوردابي محمدحمزة الحسين مشينا مناسبة غلط-قبل زفاف د.عزان.هههههه
Author: haroon diyab
Date: 12-26-2013, 06:32 AM
Parent: #25
محمد عبد الله
| Quote: أنصح الماشي هناك (سياحة) يسأل عن (كرك النعيمي) ، أهم معلم سياحي في الدوحة |
يمين ده شارع بيتنا زااااااااااااااتو
|
Post: #29
Title: Re: انا وصديقي البوردابي محمدحمزة الحسين مشينا مناسبة غلط-قبل زفاف د.عزان.هههههه
Author: عماد موسى محمد
Date: 12-26-2013, 08:42 AM
Parent: #28
هه
الموضوع خدمي ..جاب ليهو تعليقات طريفة وجميلة ووو
وكمان محمد مختار ما قصّر..لسّة مذّكّر الكرك هههه
يا هارون جاييك يا جارنا العزيز وجميع الشباب الذين شرّفونا
خالد العبيد..إنت عندك وسواس قهري إسمو"الكيزان؟ ههه
إنت off point !
بس نرُد على دا :
Quote: الاقامة بكم ؟!
الالغاء له اسباب امنية |
!!
ليس لي معرفة بسعر إقامات وهذا أصلا شئ غير قانوني
حتى نعرف سعره
Quote: حتى لا تشرب قطر من كأس التنظيم الدولي للاخوان المسلمين مرة اخرى !!
يا عمدة عندك فكرة : كيف انتشر فكر الاخونجية في قطر والخليج ؟
ومين الاشطر الطواويش ام عمك ضاحي في الامارات !! |
أشطر اللي عرِف الحق وتمسّك بالشرع
والباقي بعد داك ما فيهو فايدة
شكري يا خالد
|
|