Post: #1
Title: ناس المريخ ديل شكلهم كدا جادّين !!
Author: صبري طه
Date: 12-23-2013, 11:40 AM
Parent: #0
Quote: تعديل لمباراة المريخ والبايرن وترقب للقاء الهلال والإسماعيلي
الاثنين 23 ديسمبر 2013 الساعة 2:04
حول استضافة مدينة الدوحة لتحضيرات الفريق قال الأمين العام للمريخ: إن اختيارهم للدوحة جاء نتيجة لارتباط الفريق بأداء مباراة بايرن ميونخ، وهي فرصة تاريخية يجب العض عليها بالنواجز كهدية قيمة بمواجهة بطل العالم، وأكرر أن الخيارات المطروحة بطاولة مجلس الإدارة فوقع الاختيار على مدينة الدوحة لإستضافة تحضيرات الفريق ومواجهة بطل العالم بايرن ميونخ في التاسع من يناير وهو الموعد المحدد لقيام المباراة، وأكد الفريق طارق بأن توقيت المباراة قابل للتعديل، وأضاف أن هناك تجارب أخرى أمام بطل روسيا وبطل النمسا وبعض أندية المقدمة القطرية.
|
|
Post: #2
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 11:44 AM
Parent: #1
ثمّ يا إدارة المريخ بالمنطق كدا عايزين تاخدوا ليكم شوّال بتاع أقوان ؟!
قد تصل نتيجة المُباراة لدستة أهداف !!
والسبب المريخ في طور تحضيري يا دوبك ومهما اجتهدتوا سيكون الفريق خارج الفورمة وبعيد عن الإعداد الجيّد المطلوب لمُنازلة فريق كالبايرن ...
أضف إلى ذلك البايرن في قمة فورمته وهو حالياً في مُنتصف الموسم وجاهز موية ونور لدك حصون البارسا والريال فما بالكم بالمريخ السوداني !!!
|
Post: #3
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 11:47 AM
Parent: #2
قد يقول قائل النتيجة ما مُهمّة المُهم الاحتكاك .. إلخ ...
أقول .. النتيجة ما مهمّة في إطار المعقول .. يعني لحدّي ستة سبعة أهداف ما مُشكلة .. لكن أن تتجاوز العشرة أهداف فهذه ستكون بمثابة إهانة للكرة السودانية ...
|
Post: #4
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 11:51 AM
Parent: #3
حلك واحد من إتنين .. يا تستعمل المكمدات أو كمان تاخد علاج بلدى .. المحريب مفيد غايتو ..
و كاااااااااااااااااااااااااااااااك ...
يبدو إنو الإخوة الهلالاب المباراة دى عاملا ليهم نفسيات تقيلة ... تهىء..تهىء..
|
Post: #6
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 11:55 AM
Parent: #4
Quote: حلك واحد من إتنين .. يا تستعمل المكمدات أو كمان تاخد علاج بلدى .. المحريب مفيد غايتو ..
و كاااااااااااااااااااااااااااااااك ...
يبدو إنو الإخوة الهلالاب المباراة دى عاملا ليهم نفسيات تقيلة ... تهىء..تهىء.. |
على العكس بعد المُباراة أنت من سيبحث عن بطانية تقيلة .. لأنّو الكاكات مع الإتناشرات حتكتر ...
|
Post: #5
Title: Re: ناس المريخ ديل شكلهم كدا جادّين !!
Author: عمر عثمان عبد الوهاب
Date: 12-23-2013, 11:52 AM
Parent: #3
ماعليك ياشيخ صبري
يتمسح بيهم الواطه مامشكله
الجماعة متعودين وكده
نظام عن(.........)ه في الفارغه مدفوع حقها
المهم نازلنا البايرن شخسيا
|
Post: #7
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 11:56 AM
Parent: #5
أما بالنسبة للأخ عمر .. فعليك بالقرض ... تحرقو و تشم و إن شاء الله بتبقى طيب ..
حمى شديدة تجتاح الأخوة فى نادى الحكومة (نادى الحركة الوطنية سابقاً) ... بطل السودان مع بطل الألمان .. هيييييييييييع .. حديد لاقى حديد ..
وين ود البشرى و المدعو عمر الفاروق .. (وش بتدردق فى الواطة و فطسان من الضحك)
|
Post: #9
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 12:01 PM
Parent: #7
| Quote: حمى شديدة تجتاح الأخوة فى نادى الحكومة (نادى الحركة الوطنية سابقاً) ... بطل السودان مع بطل الألمان .. هيييييييييييع .. حديد لاقى حديد .. |
حمّى شنو .. وبطّيخ شنو ؟
أنا أتحدّث عن توقيت المُباراة .. إنت يا دوبك في الإعداد .. وهُم في القمة ...
لو كنتو الاتنين في القمّة مُشكلة .. فما بالكم بالمريخ وهو في طور الإعداد !!!!!!!
|
Post: #8
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 11:56 AM
Parent: #5
Quote: ماعليك ياشيخ صبري
يتمسح بيهم الواطه مامشكله
الجماعة متعودين وكده
نظام عن(.........)ه في الفارغه مدفوع حقها
المهم نازلنا البايرن شخسيا |
هي لو كانت على كدا .. على الهلال مُنازلة البارسا .. المافي شنو ؟
|
Post: #10
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 12:03 PM
هل يقصد الأخ صبرى البارسا البلعب فى رابطة المايقوما ولا يا بارسا فى البارسات ..
و كااااااااااااااااااااااااااااااااااااااك ..
|
Post: #11
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 12:07 PM
Parent: #10
| Quote: هل يقصد الأخ صبرى البارسا البلعب فى رابطة المايقوما ولا يا بارسا فى البارسات .. |
البايرن في مُباراة ودّية حيلعب ليكم تقريباً بالكشف كلّو .. يعني ناس الشوط الأول عندهم شوّال أقوان .. وكذا الحال لناس الشوط الثاني ...
|
Post: #12
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 12:08 PM
Parent: #10
يا صبرى إستهدى بالله .. المريخ العظيم حيقابل البايرن و بطل النمسا و فريق أوروبى تانى برضو بطل الدورى فى بلادو ..
أبطال مع بعضينا زى ما قال عادل إمام .. إنت متوتر مالك .. خليهم يدونا 30 صفر ياخ نحن راضين .. هههههههههههههههه
قلبك علينا شديد يعنى ؟ (وش منطط عيونو)
|
Post: #14
Title: Re: ناس المريخ ديل شكلهم كدا جادّين !!
Author: معاوية محمد الحسن
Date: 12-23-2013, 12:12 PM
Parent: #12
| Quote: هي لو كانت على كدا .. على الهلال مُنازلة البارسا .. المافي شنو ؟ |
ولكن هل سيرضي البارسا منازلة الهلال كما رضي البايرن منازلة الزعيم
|
Post: #18
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 12:35 PM
Parent: #14
| Quote: ولكن هل سيرضي البارسا منازلة الهلال كما رضي البايرن منازلة الزعيم |
ولماذا لا يرضى البارسا .. القصة وما فيها الكاش بقلل النقاش ...
ثمّ ياخي الهلال لعب ضد سانتوس فريق (بيليه) .. يعني عندنا عادي تسمع المذيع يقول شواطين قطّع الكورة لي بيليه في راسو !!
هسّي عايزينكم إنتو تلعبو ضد ميسي .. أقلّ من ميسي غير مقبول .. شُفت كيف ؟!
|
Post: #13
Title: Re: ناس المريخ ديل شكلهم كدا جادّين !!
Author: ismeil abbas
Date: 12-23-2013, 12:10 PM
ألأخ/صبرى السلام عليكم.
لا أرى غرابة فى مقابلة المريخ لبايرن ميونيخ..قبلها لاقى الهلال سانتوس..
هناك مكاسب كثيرة سوف تسجل للأدارة وقصة الخبرة وألأحتكاك دى ما ذات جدوى لأنها مباراة واحدة..وممكن الفريقين يتفقوا على النتيحة لأنها مباراة ودية وتشريفية للمريخ.
خلوا الناس فى حالهم....كان ما متوا من البرد بتموتوا من الضحك....زى ماقال المسطول.
إحترامى للجميع.
|
Post: #15
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 12:13 PM
Parent: #13
إسماعيل الحريف .. أحيك شديد ... عين العقل والله ..
|
Post: #16
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 12:26 PM
Parent: #15
يا أحباب أين مُباراة المريخ مع البايرن في جدول مُباريات بايرن ميونخ لهذا الموسم ؟
رابط مُباريات البايرن لهذا الموسم هنا
|
Post: #22
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 01:03 PM
Parent: #16
Quote: يا أحباب أين مُباراة المريخ مع البايرن في جدول مُباريات بايرن ميونخ لهذا الموسم ؟
رابط مُباريات البايرن لهذا الموسم هنا |
لاعبنها كيرى يا صبرى بس إنت هدى أعصابك و قومة النفس ما كويسة عشانك هههههههههههههههههههههه
|
Post: #17
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 12:31 PM
Parent: #13
وعليكم السلام أخي إسماعيل ...
Quote: لا أرى غرابة فى مقابلة المريخ لبايرن ميونيخ..قبلها لاقى الهلال سانتوس..
هناك مكاسب كثيرة سوف تسجل للأدارة وقصة الخبرة وألأحتكاك دى ما ذات جدوى لأنها مباراة واحدة..وممكن الفريقين يتفقوا على النتيحة لأنها مباراة ودية وتشريفية للمريخ.
خلوا الناس فى حالهم....كان ما متوا من البرد بتموتوا من الضحك....زى ماقال المسطول. |
يا سُمعة ليس لدي اعتراض في مُنازلة المريخ ولو لمنتخب العالم .. اعتراضي فقط على توقيت المُباراة .. لو كانت عند منتصف الموسم للمريخ أو حتّى آخره قبل فترة الراحة ما مُشكلة ...
عندك الرجاء المغربي انهزم من البايرين بهدفين فقط .. ومرد ذلك للإعداد الجيّد .. دي كل القصّة ...
|
Post: #19
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 12:38 PM
Parent: #17
| Quote: نزار الحسن عبر نافذة تعليقات الفيسبوك كتب: والله يا صبري رغم اني هلالابي لكن شايف اذا المريخ لعب المباراة دي ح تكون المباراة عكس التوقعات والمريخ ح يلعب كورة كما لم يلعب من قبل ويحاول يثبت نفسه بالحماس ومرت علينا نحن كسودانيين مباريات كتيرة بنلعب فيها بي حماس مع فرق كثيرة جدا ونطلع بي اقل الخسائر ونطلع بي فرمالتنا الأداء الرائع والاحتكاك .. |
حماس بدون إعداد جيّد يا نزار حيخلّص اللياقة في ربع الساعة الأولى وبعدها عينك ما حتشوف إلاّ النور !!
عادي ياخ المريخ يلعب كورة كويسة لكن مع الإعداد الجيّد ...
|
Post: #20
Title: Re: ناس المريخ ديل شكلهم كدا جادّين !!
Author: محمد عمر الفكي
Date: 12-23-2013, 12:55 PM
Parent: #19
يا صبري
سلام
شوف الحوار دا بيني وبين ود عمتي ونحن الاتنين مريخاب تعليقاً على بوست منزله هو على الفيس
Quote: السر الفكي
مدرب بايرميونخ كنت افكر في مباراة المريخ الصعبة ..احتفظت ببعض النجوم للقاء زعيم السودان.
محمد عمر: ههههههههههه مبالغة يا ريجان
hours ago via mobile
السر الفكي: دي حقيقة ذكرها موقع كورة
21 hours ago via mobile · Like |
|
Post: #47
Title: Re: ناس المريخ ديل شكلهم كدا جادّين !!
Author: صبري طه
Date: 12-24-2013, 08:30 AM
Parent: #20
وعليكم السلام يا ود الفكي ...
Quote: شوف الحوار دا بيني وبين ود عمتي ونحن الاتنين مريخاب تعليقاً على بوست منزله هو على الفيس
Quote: السر الفكي
مدرب بايرميونخ كنت افكر في مباراة المريخ الصعبة ..احتفظت ببعض النجوم للقاء زعيم السودان.
محمد عمر: ههههههههههه مبالغة يا ريجان
hours ago via mobile
السر الفكي: دي حقيقة ذكرها موقع كورة |
|
ياخي كاااااااااااااااااااااك ...
وهاك دي من عندي:-
جوارديولا يتأسف لغياب روبن عن مُباراة البايرن المُعقّدة أمام المريخ السوداني !!!
|
Post: #21
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 12:56 PM
Parent: #19
قلت لى القصة كاش يا صبرى ؟؟
الحمى وصلت الراس .. حلك تعدى مرحلة القرض ... لازماك حقن ههههههههههههههههه ..
يعنى أى زول عايز يلعب مع بايرن ميونيخ يمشى يدفع قروش ؟ طيب ما تدفعو و تلعبو خصوصاً إنكم أصبحتم نادى الحكومة رسمى و شعبى .. هذه الحكومة التى حلحلت ديون الهلال المليونية فى يومين و دفعت 20 مليار جنية فى 17 يوم رغم المسغبة و الفقر .. و بالمناسبة دى بسأل أين أئمة الجوامع خصوصاً مع العودة الميمونة لوارقو صينية .. ههههههههههههه
صبرى يا عزيزى أنا و الصفوة عموم مستمتعين جداً بجرسة أخوانا الهلالاب دى .. و برضو فى غاية السعادة لمقابلة بطل العالم فريق بايرن ميونيخ العظيم .... معليش ياخوانا .. عارفنها حارة والله ..
|
Post: #23
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 01:13 PM
Parent: #21
صديقى العزيز العريس الجديد حمدى حسن من نواحى الفيس بوك قال ليك التالى يا صبرى ( و هو دارع صورة سيدا و سيد أبوها و أمها) :
Quote: أخصائي موارد بشرية في شركة سلطان بن عبدالعزيز للإتصالات الطبية والتعليمية Hmadi Ali
يا صبري من حقق تطلب اللعب مع برشلونة او حتى بايرن ميونخ
لكن للاسف طلبك حيترفض
لانو الفرق دي بتلعب فقط ضد الفرق اصحاب البطولات القارية
انت عندك بطولة قارية؟؟
وتييييب
بالمناسبة احد اقطاب الهلال اتصل على الشركة المنظمة وطلب انو يحولوا المباراة لتكون ضد الهلال او الشركة تنظم ليهم مباراة مع فريق اوروبي
وكان رد الشركة ان الشركة تنظم وتتدعو الفرق اصحاب البطولات القارية فقط
هههههههههههههههههههههههههههههههههههههههههههه |
|
Post: #24
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 01:21 PM
Parent: #23
صديقى العزيز مهدى من نواحى منتدى شبكة المريخ أبت نفسه إلا و أن يشارك و يهدى الأخ صبرى التصميم البسيط التالى
قلت ليهو يا مهدى الزول دا مورود قال لى ما مشكلة الهلالاب جلدهم تخين (وش ميت من الضحك)
* التعديل لتصحيح خطأ إملائى ..
|
Post: #25
Title: Re: ناس المريخ ديل شكلهم كدا جادّين !!
Author: هشام عباس
Date: 12-23-2013, 01:42 PM
Parent: #24
حتى لحظة قراءة هذا البوست كنت اعتقد ان لقاء البايرن والمريخ نكتة الموسم
لكن ما دام لبس الاخ صبرى ثوب المشفقين على المريخ تأكدت ان اللقاء حقيقى
وهذا ما يهمنى في هذا البوست
اما نتيجة المباراة فلا يعيب المريخ ان خسر بال 14 ما دام كبير العالم البارسا لم يعبه الخسارة
وفى مباراة رسمية بالسبعة من ذات الفريق مع الشفقة طبعا
|
Post: #26
Title: Re: ناس المريخ ديل شكلهم كدا جادّين !!
Author: Mahmoud Mustafa Mahmoud
Date: 12-23-2013, 01:59 PM
Parent: #25
وليد عكاشة يا صفوة..
شيل البوستر بسرعة..
الزول العمل البوستر كاتب بايرن ميونيخ بطريقة فضيحة عديل..
بارمينخ؟؟
عليك النبي شيلو سريع..
..
..
|
Post: #49
Title: Re: ناس المريخ ديل شكلهم كدا جادّين !!
Author: صبري طه
Date: 12-24-2013, 08:41 AM
Parent: #26
Quote: وليد عكاشة يا صفوة..
شيل البوستر بسرعة..
الزول العمل البوستر كاتب بايرن ميونيخ بطريقة فضيحة عديل..
بارمينخ؟؟
عليك النبي شيلو سريع.. |
المُشكلة بعدما شالو .. أصبح كلامك خير دليل ...
ياخي نحن كهلالاب لا نلتفت لمثل هذه الصغائر .. اطمئن ...
وبايرن ميونخ يطلق عليه أيضاً بايرن منشن ...
فممكن صاحبنا دا اتلخبط بين الاسمين وطلعت من اللخبطة دي اسم جديد .. المافي شنو ؟
|
Post: #28
Title: Re: ناس المريخ ديل شكلهم كدا جادّين !!
Author: صبري طه
Date: 12-23-2013, 02:11 PM
Parent: #25
Quote: حتى لحظة قراءة هذا البوست كنت اعتقد ان لقاء البايرن والمريخ نكتة الموسم
لكن ما دام لبس الاخ صبرى ثوب المشفقين على المريخ تأكدت ان اللقاء حقيقى
وهذا ما يهمنى في هذا البوست |
وأنا مُستنيك تأكّد لي خبر المُباراة دي .. عشان يوم 9 يناير أتفرغ للاستمتاع بالمُباراة ...
Quote: اما نتيجة المباراة فلا يعيب المريخ ان خسر بال 14 ما دام كبير العالم البارسا لم يعبه الخسارة
وفى مباراة رسمية بالسبعة من ذات الفريق مع الشفقة طبعا |
إن كُنت تقصد نصف أبطال أوروبا للموسم الماضي فهما مُباراتين مجموع أهدافهما سبعة وليست مُباراة واحدة .. الذهاب 4 أهداف والإياب 3 أهداف ...
|
Post: #44
Title: Re: ناس المريخ ديل شكلهم كدا جادّين !!
Author: عزالدين آدم علي
Date: 12-24-2013, 07:09 AM
Parent: #24
لا يقارع الكبار ...... إلا الكبار
كيف لاينازل المريخ فريق البايرن؟
نادي يمثل السودان خير تمثيل
يا أخوانا ده كاسات محمولة بالجو
فهذا حق طبيعي إنجازاته تمنحه هذا الشرف
أحمر لهب ..... أصفر دهب
المريخ جمال .. سوى العجب
نجمك سما .... تيمك غلب
إبداع وفنون متعة وطرب
نعم الإحتكاك مطلوب ... ورضيانين بأكثر من درزن
عشان نجي نفرغ فيكم بدل درزن درزنين يا موجوعين
ياخي مالكم ومالنا ... أنحن ما بنهاب أي نادي
ماتنسو المرة الجاية المريخ ممثلاً للأندية الإفريقة
في كأس العالم أيه رأيكم يا حاقدين إتو ديل
|
Post: #50
Title: Re: ناس المريخ ديل شكلهم كدا جادّين !!
Author: صبري طه
Date: 12-24-2013, 08:44 AM
Parent: #44
Quote: ماتنسو المرة الجاية المريخ ممثلاً للأندية الإفريقة
في كأس العالم أيه رأيكم يا حاقدين إتو ديل |
لكي تمثّل في كأس العالم للأندية يجب عليك الفوز ببطولة دوري أبطال إفريقيا التي وصل الهلال فيها للنهائي مرّتين بينما لم يصل المريخ لنهائيها ولا مرّة !!!
|
Post: #48
Title: Re: ناس المريخ ديل شكلهم كدا جادّين !!
Author: صبري طه
Date: 12-24-2013, 08:33 AM
Parent: #21
| Quote: يعنى أى زول عايز يلعب مع بايرن ميونيخ يمشى يدفع قروش ؟ |
وإنت مُفتكر الشغلانية شنو ؟
أرصد ليك مبلغ يسيل له اللُعاب .. ومع تحضيرات الموسم الأوروبي القادم ستجد البايرن في العرضة جنوب ...
ــــــــــ
|
Post: #27
Title: Re: ناس المريخ ديل شكلهم كدا جادّين !!
Author: عبد المنعم مختار
Date: 12-23-2013, 02:00 PM
Parent: #1
ولي وريهم بالله
يا يوم بكره ماتسرع
|
Post: #29
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 02:25 PM
Parent: #27
عدلنا الصورة يا محمود ولا يهمك يا صفوة ..
أوووو عبد منعم .. وين الحى بيك يا راجل ؟
ياخوانا أخوكم صبرى دا أفقدوهو ... هههههههههههههههههههههههههههه
|
Post: #51
Title: Re: ناس المريخ ديل شكلهم كدا جادّين !!
Author: صبري طه
Date: 12-24-2013, 08:46 AM
Parent: #29
| Quote: ياخوانا أخوكم صبرى دا أفقدوهو ... هههههههههههههههههههههههههههه |
عُذراً للغياب .. وأهو رجعت تاني .. وفي انتظار المُباراة ...
|
Post: #30
Title: Re: ناس المريخ ديل شكلهم كدا جادّين !!
Author: نور الدين عثمان
Date: 12-23-2013, 02:32 PM
Parent: #27
يا صبرى بص فى ورقك ....
تحياتى
|
Post: #31
Title: Re: ناس المريخ ديل شكلهم كدا جادّين !!
Author: خالد عبد الله محمود
Date: 12-23-2013, 03:11 PM
Parent: #30
و الله يا صبري بدون مكاجرة مجرد مقابلة فريق سوداني لبطل أوربا شئ إيجابي للكرة السودانية بغض النظر عن النتيجة ....
بعدين ياخ تخيل الفريق الإتغلب من الوحدات الأردني سبعة حيقابل الفريق الغلب برشلونة سبعة ... في متعة أكتر من كده ؟ 
|
Post: #32
Title: Re: ناس المريخ ديل شكلهم كدا جادّين !!
Author: ارصد محمد جلال
Date: 12-23-2013, 04:06 PM
Parent: #31
المريخ عالم جميل ...
اضرب الرشاشة ياقريبي
|
Post: #33
Title: Re: ناس المريخ ديل شكلهم كدا جادّين !!
Author: الامين موسى البشاري
Date: 12-23-2013, 05:25 PM
Parent: #32
| Quote: ناس المريخ ديل شكلهم كدا جادّين !! |
جـــداد شديد كمان .. والله صحي :)
السمعه ولا طولة العمر يا صبري اخوي
|
Post: #34
Title: Re: ناس المريخ ديل شكلهم كدا جادّين !!
Author: مجاهد محمد عباس
Date: 12-23-2013, 06:36 PM
Parent: #1
يعني هسع داير تقنعني إنو قلبلك علي سمعة الكرة السودانية..؟؟؟!!!
وين وطنيتك دي لما 2 بقت 12 و خليتو الكاف يعتمد الفيديو في حسم الشكاوي بالفضيحة دي ..؟؟!!!
وين وطنيتك و الحكم الكاميروني بحتسب ليك قوون و الكورة في خط ستة ... حادثة خلت مازمبي يطالب بتعيين تحكيم هجين و هو ما تم و مشى في دربو الإسماعيلي السنة التانية و للأسف خسرت المباراتين..؟؟!! في إدانة أكتر من كدا؟؟!! و خجلة؟؟!!
وين غيرتك علي سمعة الوطن و إنت رئيسك بدي الحكم الجزائري بونية عشان أبى يقبل الرشوة؟؟!!
وين إحساسك العالي دا و جمهورك يجي داخل الإستاد في كورة الأهلي المصري بالتابوت و السيوف؟؟!!
و كان سمعة الوطن حسب مقياسك بالنتائج ... يبقى السودان سمعتو في الحضيض في دول (الخمسات) الآتية:
1- المغرب .. خمستين
2- تونس ... 3 خمسات و سداسية..
3- الأردن
4- الجزائر
5- الكنغو الديمقراطية
و كان نسيت ذكروني ...
دا غير إنك شايل تاج (الركض) بلا منازع و في البال الجرية من وفاق سطيف الجزائري المنتظركم للرد حتى اللحظة...
و شلتو شرف أول فريق سوداني يقصيه فريق (صومالي)..
يا حبيب دا أنت طلعت (ملوث) سمعة الوطن بالنتائج و التزوير و المعاملة السيئة و الهروب من المواجهات و الرشاوي ...
قوم اتعشى بدري و اتغطى كويس في البرد دا و أحلام سعيدة فيها تشوف الصفر دا بقى -1 يا رب ....
|
Post: #35
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-23-2013, 09:50 PM
Parent: #34
غايتو كتر خيرك يا صبرى لميت لينا الاحباب كلهم ..
أرصد يا قريبى مختفي وين انت يازول ..
أخونا باشمهندس مجاهد ممثل المسلمية بنواحي انجمينا .. براحة على الراجل دا ياخ .. يعنى هسى كدا كويس ؟ طفشت الراجل من البوست بتاعو ههههههههخ
|
Post: #36
Title: Re: ناس المريخ ديل شكلهم كدا جادّين !!
Author: مهدى الصادق السيد
Date: 12-23-2013, 10:49 PM
Parent: #35
صبري شفقان علي المريخ وسمعة السودان دي والله نكتة الموسم
مجرد انكم كهراراب تفكروا تنازلوا بطل العالم فدأ لوحدو انجاز
وزي ما قال ليكم وليد عليكم بالحرجل والقرض والمحريب ولا مانع من الحلبة
|
Post: #37
Title: Re: ناس المريخ ديل شكلهم كدا جادّين !!
Author: طارق حرسي
Date: 12-23-2013, 10:55 PM
Parent: #35
احي يا مصاريني
ياخي والله الصفيراب ديل موباااااااااااااااالغة
صبري طه ازيك ياخ
قلت لي شنو ؟؟
جادين ؟؟
والما بخلي زعيم الكرة السودانية وكبيرها جادي شنو ؟؟
الكبار مع الكبار يا عمك
انتو خليكم مع اشراقة القضارف والعصمة الكاملين ومدو رجولكم قدر اصفاركم
وتاااااااااااني
احي يا مصاريني
|
Post: #38
Title: Re: ناس المريخ ديل شكلهم كدا جادّين !!
Author: haroon diyab
Date: 12-24-2013, 05:51 AM
Parent: #37
معقولة بس.....؟
الشبكة كلها بي جاي
بوست تستحق عبيهو اوسكار ياصبري
وليد عكاشة
وارصد محمد جلال
ومهدي الصادق
وطارق حرسي
نطالب ابو صلعة بمنح عضوية لكل من :
شاهين + شهلابي + جمرة
ينصر دينكم رشوا لي الرشاشة ده لامن يفهم حاجة
رشاهو مورلي علي قولة ود الباوقة 
وكااااااااااااااااااااااااااااااااااااااااااااااااااااااااااااااك
|
Post: #39
Title: Re: ناس المريخ ديل شكلهم كدا جادّين !!
Author: عمر الفاروق
Date: 12-24-2013, 05:52 AM
Parent: #37
عندي إحساس الكورة ما ح تتلعب..
السودانيين دايماً شغلهم ني وما منجض..
وفي اللحظات لأخيرة تظهر الأعذار ..
|
Post: #40
Title: Re: ناس المريخ ديل شكلهم كدا جادّين !!
Author: usama Babiker
Date: 12-24-2013, 06:12 AM
Parent: #39
حسب علمنا الوسيط لهذه المباراة هو نفسه ...
سمسار وداد بابكر في نيلها السيدة العربية والاولى
وهو نفس السمسار الذي جعل جمال الوالي أفضل رئيس نادي عربي تأثيراً ..
والباقي تمو خيال ..
|
Post: #41
Title: Re: ناس المريخ ديل شكلهم كدا جادّين !!
Author: حمزاوي
Date: 12-24-2013, 06:18 AM
Parent: #39
حسع البوست دا لزومو شنو
صبري عامل بيت البكي والزول راكب في المواصلات
انت ما تنتظر لغاية الهزيمة وتعال شيل الفاتحة
احي يا مصاريني
ياخي ذي ماقالوا ليك عاين في كراسك
وجهز حالك يوم 9 يناير عشان تشاهد الكبيرين بيستعرضوا
يعني حنكون احسن من برشا
|
Post: #42
Title: Re: ناس المريخ ديل شكلهم كدا جادّين !!
Author: معاوية محمد الحسن
Date: 12-24-2013, 06:34 AM
Parent: #41
| Quote: ثمّ ياخي الهلال لعب ضد سانتوس فريق (بيليه) .. |
يا سيد صبري من ردك ده المفروض تعرف بأن مثل هذه المباريات لا ينظر فيها للنتيجة
هذه مباريات تاريخية وتسجل فى سجل الفريق والدليل انك لازلت تذكر مباراة سانتوس
التى اقيمت فى السبعينات ولا ولتم تذكرونهارغم خسارتكم لها
كما لازال جيل بريمة وطارق وابو عنجة وسكسك يفتخرون انهم لعبوا ضد ليفربول فى الثمانينات
هذه مباريات تاريخية تسجل فى سجل الفريق ولاعبيه ويكفى أن كل رياضي العالم سيسمعون يوم 9 يناير
بفريق اسمه المريخ السوداني سيقابل بطل العالم للاندية
|
Post: #43
Title: Re: ناس المريخ ديل شكلهم كدا جادّين !!
Author: معاوية محمد الحسن
Date: 12-24-2013, 06:46 AM
Parent: #42
هذه واحدة ياصبري من فوائد لقاء الزعيم بالبايرن اهتمام وسائل الاعلام الافريقية والمواقع بخبر المباراة قبل اسبوعين من موعدها مما سيخلق شهرة وسمعة واسعة للمريخ عالميا
Quote: اهتمت العديد من المواقع ووسائل الاعلام الأفريقية بخبر تأكيد اقامة مباراة بين المريخ حامل لقب الدوري الممتاز وبايرن ميونخ بطل أوروبا والعالم ونوّهت إلى أن المريخ ستُتاح له فرصة مواجهة حامل لقبي أبطال أوروبا وكأس العالم للأندية في الدوحة يوم التاسع من الشهر المقبل وقال موقع سوبر سبورت جنوب الأفريقي إن المريخ سيواجه بطل ألمانيا واوروبا والعالم يوم التاسع من يناير في الدوحة وأورد تصريحاً لجمال الوالي رئيس المريخ أكد فيه اقامة المباراة وذكر أن الترتيبات اكتملت وأشار الوالي إلى أن المريخ متحمس لخوض المواجهة ويأمل الحصول على مكاسب عديدة من اللقاء ونوّه رئيس المريخ إلى أنهم وضعوا كافة الخطط الخاصة باللقاء فيما نقل موقع ماي غانا اون لاين الخبر وأكد أن المريخ سيلتقي بايرن يوم التاسع من يناير وقال الموقع إن المريخ سيواجه بطل أوروبا في الدوحة في مباراة ودية
|
|
Post: #45
Title: Re: ناس المريخ ديل شكلهم كدا جادّين !!
Author: Mirghani Taitawi
Date: 12-24-2013, 07:28 AM
Parent: #43
Quote: يعني هسع داير تقنعني إنو قلبلك علي سمعة الكرة السودانية..؟؟؟!!!
وين وطنيتك دي لما 2 بقت 12 و خليتو الكاف يعتمد الفيديو في حسم الشكاوي بالفضيحة دي ..؟؟!!!
وين وطنيتك و الحكم الكاميروني بحتسب ليك قوون و الكورة في خط ستة ... حادثة خلت مازمبي يطالب بتعيين تحكيم هجين و هو ما تم و مشى في دربو الإسماعيلي السنة التانية و للأسف خسرت المباراتين..؟؟!! في إدانة أكتر من كدا؟؟!! و خجلة؟؟!!
وين غيرتك علي سمعة الوطن و إنت رئيسك بدي الحكم الجزائري بونية عشان أبى يقبل الرشوة؟؟!!
وين إحساسك العالي دا و جمهورك يجي داخل الإستاد في كورة الأهلي المصري بالتابوت و السيوف؟؟!!
و كان سمعة الوطن حسب مقياسك بالنتائج ... يبقى السودان سمعتو في الحضيض في دول (الخمسات) الآتية:
1- المغرب .. خمستين
2- تونس ... 3 خمسات و سداسية..
3- الأردن
4- الجزائر
5- الكنغو الديمقراطية
و كان نسيت ذكروني ...
دا غير إنك شايل تاج (الركض) بلا منازع و في البال الجرية من وفاق سطيف الجزائري المنتظركم للرد حتى اللحظة...
و شلتو شرف أول فريق سوداني يقصيه فريق (صومالي)..
يا حبيب دا أنت طلعت (ملوث) سمعة الوطن بالنتائج و التزوير و المعاملة السيئة و الهروب من المواجهات و الرشاوي ...
قوم اتعشى بدري و اتغطى كويس في البرد دا و أحلام سعيدة فيها تشوف الصفر دا بقى -1 يا رب .... |
أكيد نسيت:
عندما تدحرج الهلال من الجبل الأخضر امام فريق درجة تانية (المقاولون العرب) بالسبعة.
وبملعبه امام الهونفيد بالتسعة .
الركض من بطولة الصداقة بابها بعد هزيمته من الهلال السعودي.
التابوت والسبف حين!!! معركة ذات المراتب الزرقاء.
فضائح بالجُملة والقطاعي.
______________________
طرشقتو البوست قبل ما يقول يا هادي!!!!!!!!.
|
Post: #46
Title: Re: ناس المريخ ديل شكلهم كدا جادّين !!
Author: صبري طه
Date: 12-24-2013, 08:25 AM
Parent: #45
Quote:
عاجل ..خلافات بين المريخ والشركة الراعية لمباراته امام بايرن موينخ
يترقب المريخ ردا رسميا من الشركة القطرية الالمانية الراعية لنادي بايرن ميونخ الان بعد ان خاطبها المريخ بشان مباراته امام النادي الالماني المحدد لها في الثامن من يناير المقبل مطالبا ان يكون صاحب الحق في الاعلان عبر قميصه خلال المباراة لكن الشركة رفضت طلب المريخ واكدت انها صاحبت الحق في الاعلان لتغطية منصرفات المباراة وحسب رد شفاهي من الشركة عبر الهاتف فانها ستنفق اموالا ضخمة علي المباراة وانها ستتكفل باستضافة المريخ 3 ايام بفندق 5 نجوم مع الاعاشة والترحيل داخل الدوحة بجانب تذاكر السفر لعدد 35 شخصا واكدت الشركة منحها المريخ حق تلفزة المباراة محليا عبر احد القنوات المحلية ودخل المريخ في جدل مع الشركة وتمسك بمطالبه واكدت الشركة النظر في الطلب والرد عليه رسميا
وذكرت الانباء ان الشروط التي وضعها الاحمر للشركة اصبحت تهدد قيام المباراة بطريقة جعلت المريخ يبدي بعض المرونة والتجاوب في امكانية التراجع عن مطالبه |
يا سلام .. كمان جابت ليها خلافات .. ويظل الكبير كبير
ولا نامت أعيننا نحن ذاتو 
ــــــــــ
|
Post: #52
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-24-2013, 09:38 AM
Parent: #39
عمر يا عمك .. يمين الله مشتاقين يا ود قلبا ..
|
Post: #53
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-24-2013, 10:45 AM
Parent: #39
اطمئن اطمئن يا عمر ... ملعوبة أن شاءالله ..
هارون دياب يا صفوة .. نتقابل فى الدوحة بإذن الله
|
Post: #54
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-24-2013, 03:10 PM
Parent: #53
سيدا و ريبرى ... حديد لاقى حديد ...
دا البسموهو حسن الخاتمة و كدا يا صبرى .. فى خواتيم حياتو الرياضية ينال شرف مقابلة بطل العالم .. بطل العااااااااالم ...
سيدا يستاهل طبعاً .. يعنى معقول يخليها قبل ما يلعب مع ناس فيليب لام .. ملام شديد جدا جدا .. ربنا شافك يا سيدا غايتو ..
|
Post: #55
Title: Re: ناس المريخ ديل شكلهم كدا جادّين !!
Author: محمد عمر جبريل
Date: 12-24-2013, 05:24 PM
Parent: #54
هههههههههههههه
ياخوانا قال ليكم المشكلة كلها فترة الإعداد ما كفاية ..!
يعني يا صبري مثلا لو المريخ قعد يعد فريق الكرة طلاطاشر شهر واسبوعين معسكرات في أقل واحد كان في البرازيل . انت متخيل المريخ ها يصمد قدام البايرن؟؟
ياخ لو حكومة السودان عن بكرة أبيها ما عندها موضوع غير المباراة دي .. خاتي في بالك إنو ممكن تحصل نتيجة مقبولة ولو نسبيا
قول المريخ دا كلو شلعوهو وجابو أحسن لعيبة في السودان وطنيين وأجانب .. ها يحصل شنو مثلا ؟؟
غايتو
|
Post: #56
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-26-2013, 07:42 AM
Parent: #55
بوست جميل زى معقولة ينزل الصفحة التالتة ... ما صاح والله ..
الحبيب مهدى الصادق .. منور البوست يا زعيم ...
|
Post: #57
Title: Re: ناس المريخ ديل شكلهم كدا جادّين !!
Author: عمر الفاروق
Date: 12-26-2013, 07:49 AM
Parent: #56
| Quote: سيدا يستاهل طبعاً .. يعنى معقول يخليها قبل ما يلعب مع ناس فيليب لام .. ملام شديد جدا جدا .. ربنا شافك يا سيدا غايتو .. |
يااا حليلك يا العجب ح تنهيها في فاشر السلطان مع ناس بابور وساجور وانت راجع تجيب معاك شوالات سعوط تعمل العجب للعماري الجيد ..
|
Post: #58
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-26-2013, 07:53 AM
Parent: #57
فيصل عجب يظل أسطورة مريخية .. و حتى لما رجع من الإعتزال رجع لمريخ آخر ولائى ...
بخصوص تعليقك .. العجب براهو سواها فى نفسو يا عمر .. ما حسبها صاح .. هسى كان المريخ كرمو فى الدوحة فى مباراة البايرن .. قعد يبارى لى الرشيد و الكاردينال لامن ودوهو التوج ..
دون دون .. هيثم سيدا بس ..
ربك يهون .. هيثم سيدا بس
صباحك ورد يا عمر ياخى .. شايف المغرض أساسى عمل هيروشيما و شتت من البوست داك (وش ميت من الضحك)
|
Post: #59
Title: Re: ناس المريخ ديل شكلهم كدا جادّين !!
Author: عبد الله فقير
Date: 12-26-2013, 07:55 AM
Parent: #57
غايتو شغل حسادة ساي
|
Post: #61
Title: Re: ناس المريخ ديل شكلهم كدا جادّين !!
Author: وليد عكاشة
Date: 12-26-2013, 07:57 AM
Parent: #59
مش كدا بالله يا فقير ..
تسلم الصفوة الأمورة الفى بروفايلك دى يا صفوة ..
ياخوانا فى زول فيكم شاف سيد البوست دا ؟ ههههههههههههههههههههه
|
Post: #63
Title: Re: ناس المريخ ديل شكلهم كدا جادّين !!
Author: صبري طه
Date: 12-26-2013, 08:25 AM
Parent: #61
| Quote: ياخوانا فى زول فيكم شاف سيد البوست دا ؟ ههههههههههههههههههههه |
يا وليد سيد البوست متفكرو على طول فاضي يعني ...
ثمّ ياخي مُش احتمال أكون مشغول بالترتيب لتجهيزات حضور المُباراة من شراء تلفزيون حديث .. إلخ ...
المُهم في الأمر لمّا يوم المُباراة يقرّب .. نبهني .. عشان ممكن أنسى مهرجان الأهداف ...
|
Post: #60
Title: Re: ناس المريخ ديل شكلهم كدا جادّين !!
Author: معاوية محمد الحسن
Date: 12-26-2013, 07:56 AM
Parent: #56
ياوليد عضان تعبك فى البوست ده نوجه ليك دعوة للحضور للدوحة لمشاهدة اللقاء
ابقى مارق الكورة قربت وماتفوتك ردمة الزومة لريبري
|
Post: #62
Title: Re: ناس المريخ ديل شكلهم كدا جادّين !!
Author: صبري طه
Date: 12-26-2013, 08:23 AM
Parent: #60
| Quote: هذه واحدة ياصبري من فوائد لقاء الزعيم بالبايرن اهتمام وسائل الاعلام الافريقية والمواقع بخبر المباراة قبل اسبوعين من موعدها مما سيخلق شهرة وسمعة واسعة للمريخ عالميا |
يعني إنتو مُحتاجين لشهرة وسمعة عالمية ... ما تنسى الكلام دا إنت كتبتو بي نفسك ...
في استديوهات الجزيرة الرياضية الخاصة بمُنافسات الأندية الإفريقية .. دائماً ألاحظ وجود شعار الهلال السوداني والأهلي المصري .. ولم ألاحظ البتّة وجود شعار المريخ إلاّ في حالة وجود مُباراة طرفها المريخ !!
|
Post: #64
Title: Re: ناس المريخ ديل شكلهم كدا جادّين !!
Author: طارق حرسي
Date: 12-26-2013, 05:09 PM
Parent: #62
Quote:
في استديوهات الجزيرة الرياضية الخاصة بمُنافسات الأندية الإفريقية .. دائماً ألاحظ وجود شعار الهلال السوداني والأهلي المصري .. ولم ألاحظ البتّة وجود شعار المريخ إلاّ في حالة وجود مُباراة طرفها المريخ !! |
حبينا صبري طه
كدي يا صبري اخوي خلينا من الاستديو التحليلي للجزيرة الرياضية و شعار الهلال وشعار المريخ
وبمناسبة الشعار ده ... اها شعاركم رجعو ليكم ؟؟
ما حصل دخلت موقع الكاف ولاحظت اسم المريخ مزين الصفحة مع كبار القارة السمراء ولا وجود للهلال معهم ؟؟
http://www.cafonline.com/competition/champions-league_2010/n...sunday-in-cairo.html
غايتو الصفيراب ديل بيحبو الحاجات الميتة
استديو تحليلي وتصنيف وترتيب واعفاء من تمهيدي .......
مودتي
|
Post: #65
Title: Re: ناس المريخ ديل شكلهم كدا جادّين !!
Author: محمد النيل
Date: 12-26-2013, 06:44 PM
Parent: #64
| Quote: ثمّ ياخي الهلال لعب ضد سانتوس فريق (بيليه) .. يعني عندنا عادي تسمع المذيع يقول شواطين قطّع الكورة لي بيليه في راسو !! |
حلوة يا صبرى
والنتيجة كانت 1 صفر فقط بس
الله يستر من العشرة صفر
|
|