رسالة الي أولاد وبنات الغبش والزرقه في الدنيا عشان تعرفوا حاجه ####

لما تعيش في حته ما فيها أي جمال غير طبيعة الخالق وبكل ###### وقرف الحاجات الممكنة واللي ما ممكنه أنت عايش في عاصمة أسهما الخرتوم وكمان لو صحيت من النوم الصباح علي أصوات عجيبه أعرف أنك كنت نايم في حوش واقع علي شارع ظلط في منفي أسمو الوداي الاخضر في السودان وكان أنت عايز تمارس حريتك الشخصية ولا أمكانيتك تسمح ولا عيون الناس بطلت تبحلق فيك دي مأساة المشروع الحضاري وبقايا سكان السودان القديم لو حسّيت ُ انك تستحقّ الحياة الراقية والفنانة ولكين ما في شئ في الحياة يديك الشعور دا وكمان الامل معدوم فانتَ من سكان السودان حينما تحسّ ان انسانيتك قـد راحت منك لاسبب ######## جدا وحياتـُك وحياتك ُ الغالية ما بتهم اي زول غيرك أنت من حملة الرقم الوطني في السودان .
برضو لوعندك أحساس بالزهج والملل أعرف أنك من سكان بقعة في الدنيا أسمها السودان حينما تحسّ ُ بالمهانةِ لحظة لا في كل عمرك من الكيزان والضبان وكل المخلوقات في الارض وتحاول تمرق من بيتك ماشي لاي كوكب في العالم وما تلقي طريقة دا بيؤكد أنت من السودان الشمالي كمان
المهم خلاص بقت البلد صحن فته ما معروف فيها غير اللحمة والعضام الفوق الرز راح والرغيف بقي عجين والقصة جا طت شديد جدا
أنا كويس بعد دا كلو مش غريبه !؟
تحياتي لما يسهر بالليل في الظروف دي بسوي في شنو دي قيضتو هو وموضوعو كمان !!!!
التوقيع
*واحد منتهي الزهج

يا زهير..

أستهدا بالله كدا..
وهدّى أعصابك..
أنا شآيفة بوستاتك من الصبآح موّلعة..

صدقنى كل دا..
واللى كانوا السبب..
مآ عآرفين...
ولو عآرفين...
ما هّآميهم..
ولو هّمآهم ينبسطوا أكتر..

فى النهاية تجيب ليك ضغط ولا سكرى ولا ذبحة لا قّدر الله....
وأنت لسه على باب كريم...
بتقول يا زوآج..

غّير الآستراتيجية بتآعة الزهج دى..
وشوف النتيجة كدى..

خلي زهير يفضفض يا نو تاور، خليهو يعبر عن حالنا بدون تزييف و تلوين.
ما امر من الواقع في ســـــــودان اليوم على الشباب الاً المستقبل المجهول.