Post: #1
Title: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-28-2013, 06:58 AM
Parent: #0
عناصر من الأجهزة الأمنية يحاولون فرض علاج ك ل ب بوليسى بالمستشفى البشرى
November 27, 2013
(حريات)
نشر نشطاء على مواقع التواصل الاجتماعى نص خطاب لاطباء بمستشفى بورتسودان يشكون فيه من محاولة عناصر من الشرطة ان تفرض عليهم علاج ك ل ب بوليسى في المستشفى ، مما يشير الى الطريقة التى تتعامل بها عناصر الاجهزة الامنية مع موظفى الخدمة المدنية ومن بينهم الاطباء .
(الخطاب مرفق):
|
Post: #2
Title: Re: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-28-2013, 07:09 AM
Parent: #1
اصلها جاطت في عهد نظام الابالسة الذي ساوي بين الانسان و الحيوان و هل حالة مستشفي بورتسودان تصلح لعلاج الادميين من اساسه؟
صورة اوضح لخطاب الاطباء
|
Post: #3
Title: Re: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-28-2013, 07:22 AM
Parent: #2
ناس الانقاذ ديل ما تستبعد، بكرة يطلعوا قرار بدمج كليتي الطب و البيطرة
|
Post: #4
Title: Re: الشرطة تحاول فرض علاج ك ل ب بوليسي بمستشفي بورتسودان
Author: cantona_1
Date: 11-28-2013, 07:41 AM
Parent: #3
هي بورتسودان الجن دي ما فيها مستشفى بيطري ولا شنو؟
الحكاية أن الزباط ما عارفين أن علاج البشرما بمشي مع الحيوانات والعكس. ببساطة يفهموهم أن الدواء ما حينفع مع الك ل ب .. وكان أسهل يدوا الك ل ب دواء يلحقوا أمات طه.
تحياتي
كبـّاشي الصـّـافي
|
Post: #5
Title: Re: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-28-2013, 07:46 AM
Quote:
هي بورتسودان الجن دي ما فيها مستشفى بيطري ولا شنو؟
الحكاية أن الزباط ما عارفين أن علاج البشرما بمشي مع الحيوانات والعكس. ببساطة يفهموهم أن الدواء ما حينفع مع ال######.. وكان أسهل يدوا ال###### دواء يلحقوا أمات طه.
تحياتي
كبـّاشي الصـّـافي
|
الاخ كباشي الصافي ، الفهم قسم يا عزيزي
|
Post: #6
Title: Re: الشرطة تحاول فرض علاج ك ل ب بوليسي بمستشفي بورتسودان
Author: بشير أحمد
Date: 11-28-2013, 07:54 AM
Parent: #3
تحياتي اخي محمد علي؛؛؛
بما إنو ده تخصصي...دخول الكلــــــــب لمستشفي بشري خطأ كبير ..وكان يمكن للعسكر أن يتصرفوا بأحسن من كده؛
الكلـــــــــب البوليسي دائماً بيكون عندو عساكر محددين بي الاسم فلان وفلان(للتدريب والاكل والشرب والتمشية والمهمات البوليسية )canine unit
وما بيعرف تاني اي زول غيرهم ...يعني لو جا اللواء هيمسلف بجيب خبرو
وبرضو بيكون عندهم الحد الادني لعلاج الاصابات في الكلــــــــب في حالة يكونو بعيدين من الوحدة البيطرية والمفروض بتكون في اي وحدة للكـــــــــلاب البوليسية
بس الموضوع ده غريب.
تحياتي لكل الاطباء البيطريين في وحدة الكلاب البوليسية..
ح اتصل علي الاخ الدكتور في بورتسودان واديك النجيضة...وكان طلع كلام حريات صاح..ح أعضي الاخ الدكتور ده في نص راسو.
|
Post: #7
Title: Re: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-28-2013, 08:03 AM
Parent: #6
Quote:
تحياتي اخي محمد علي؛؛؛
بما إنو ده تخصصي...دخول الكلــــــــب لمستشفي بشري خطأ كبير ..وكان يمكن للعسكر أن يتصرفوا بأحسن من كده؛
الكلـــــــــب البوليسي دائماً بيكون عندو عساكر محددين بي الاسم فلان وفلان(للتدريب والاكل والشرب والتمشية والمهمات البوليسية )canine unit
وما بيعرف تاني اي زول غيرهم ...يعني لو جا اللواء هيمسلف بجيب خبرو
وبرضو بيكون عندهم الحد الادني لعلاج الاصابات في الكلــــــــب في حالة يكونو بعيدين من الوحدة البيطرية والمفروض بتكون في اي وحدة للكـــــــــلاب البوليسية
بس الموضوع ده غريب.
تحياتي لكل الاطباء البيطريين في وحدة الكلاب البوليسية..
ح اتصل علي الاخ الدكتور في بورتسودان واديك النجيضة...وكان طلع كلام حريات صاح..ح أعضي الاخ الدكتور ده في نص راسو.
بشير احمد
|
شكرا دكتور بشير و نحن في انتظار تحرياتك .
|
Post: #8
Title: Re: الشرطة تحاول فرض علاج ك ل ب بوليسي بمستشفي بورتسودان
Author: بشير أحمد
Date: 11-28-2013, 09:19 AM
Parent: #7
تحياتي يا محمد...
شوف الكـــــــــــــــــلاب البوليسية دي جاية من الخرطوم لعمل عرض في مهرجان التسوق في بورتسودان
لفترة اسبوع..
بس حكاية إنو ودوها المستشفي البشري ...الاخ والزميل/الدكتور(الضابط) قال ما تبلغنا عنها حاجة ..ولو في جديد قال ح يكلمني.
|
Post: #9
Title: Re: الشرطة تحاول فرض علاج ك ل ب بوليسي بمستشفي بورتسودان
Author: بشير أحمد
Date: 11-28-2013, 09:20 AM
Parent: #8
الدكتور ده رايت ناو غير موجود في بورتسودان.
|
Post: #10
Title: Re: الشرطة تحاول فرض علاج ك ل ب بوليسي بمستشفي بورتسودان
Author: ود الباوقة
Date: 11-28-2013, 09:24 AM
Parent: #9
ربنا يجيب العواقب سليمة
دكتور بشير
تحياتي
|
Post: #12
Title: Re: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-28-2013, 09:39 AM
Parent: #10
التحريات يجب ان تكون من الطرفين يا دكتور من الضباط ومن دكاترة المستشفي الكتبوا الشكوي
|
Post: #11
Title: Re: الشرطة تحاول فرض علاج ك ل ب بوليسي بمستشفي بورتسودان
Author: خالد عبد الله محمود
Date: 11-28-2013, 09:34 AM
Parent: #7
لست بيطرياً و ليس دفاعاً عن الشرطة لكن أعتقد أن مجرد تطهير الجرح و لفه بشريط لم يكن ليمثل مشكلة حتي لو كان المستشفي بشري ..
بعدين الرسول عليه الصلاة و السلام قال ( في كل كبد رطب أجر )
|
Post: #16
Title: Re: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-29-2013, 08:04 AM
Parent: #11
Quote:
لست بيطرياً و ليس دفاعاً عن الشرطة لكن أعتقد أن مجرد تطهير الجرح و لفه بشريط لم يكن ليمثل مشكلة حتي لو كان المستشفي بشري ..
بعدين الرسول عليه الصلاة و السلام قال ( في كل كبد رطب أجر ) |
الاخ خالد عبد الله
الموضوع لبس بهذه البساطة و الا لقام رجال الشرطة بالاسعافات الاولية لل ك ل ب دون الحوجة للذهاب للمستشفي
الموضوع فيه عملية و بنج و دواء و عض
|
Post: #13
Title: Re: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-28-2013, 09:35 PM
Parent: #1
صدقوا أو لا تصدقوا....
ضمن فعاليات افتتاح مهرجان السياحه والتسوق السابع ببورتسودان كان فى استعراض لكلاب بوليسيه مدربه ضمن الفقرات .. المهم واحد من الكلاب عض اخوهو وجرحو . وفد من العساكر شكلهم مسؤلين عن الكلاب دى ، يقودهم ملازم اخدو ال###### فى قفصو ومشو بيهو مستشفى الشرطه عشان يسعفوهو !! ناس مستشفى الشرطه رفضو يستلمو ال###### اصلا . قامو اتحركو ومشو حوادث مستشفى بورتسودان ودخلو بى ######هم وسط الزحمه والكتاس والناس المساكين وكان فى دكتورات مغلوبات على امرهن سادين . قامو اصرو عليهم يسعفو ال###### فى العمليه الصغيره . طبعا الدكتورات اصرو انو ما يعملو اى حاجه لكن هددهم الضابط انو حيرفعهم في البوكس وخلاهم يكتبو لل###### بثدين وديازبام عشان الخياطه وكده ! اى والله ...
المهم ممرض العمليه الصغيره رضخ لى امرهم برضو وخيط جرح ال###### بعد ادوهو البثدين والديازبام فى صاله المستشفى وامام الملأ جمب العمليه الصغيره !
اذيدكم كمان وكمان ، كان فى عيان عندو زبحه قلبيه راقد وبيشوف المناظر دى و كان فى شافع مضروب وبينزف خلوهو ينتظر دورو بعد ال###### . ولما الدكتورات احتجو الضابط قال ليهم انو ال###### ده اهم من عياننكم ديل كلهم . وانو ال###### ده بياخد اموكلان وفلاجيل وبياكل بى 9 مليون وانتى يا دكتوره بتاكلى بى كم ؟؟!!
المهم الروشته كانت مروسه بال###### وما عارف يكون كتبو شنو فى دفتر البثدين وما بعيد يكون طلعو ليهو فايل اقامه قصيره كمان !
رغم انو مدير الشرطه اللواء حيدر وهو راجل راقى جدا وفاهم جاء لحدى المستشفى واعتذر للدكاتره ووقف الضباط وعمل ليهو تحقيق ووعد انو يتولى الموضوع بى نفسو ، الا انو انا لسه عندى وجع بطن مما حكو لى الموضوع وبحاول انساهو وما قادر !
د. الغاتح عمر ..المؤتمر السودانى
|
Post: #14
Title: Re: الشرطة تحاول فرض علاج ك ل ب بوليسي بمستشفي بورتسودان
Author: ترهاقا
Date: 11-29-2013, 06:39 AM
Parent: #13
أخونا محمد علي اخبارك؟
ا ل ك ب نعمة من نعم الله على البشر ، يلقن البشر وعلى مر السنين معنى الوفاء ، فلم لا يُعالج وسريعا
يمكن ظروف بيطرة ما كانت موجودة ، والذي (ربما) دعا هؤلاء الناس لأخذه إلى مستشفي بشري
على الاقل بيفهموا أكتر بصرف النظر عن من تولوا أمر ا ل ك ل ب
ولك الود
|
Post: #15
Title: Re: الشرطة تحاول فرض علاج ك ل ب بوليسي بمستشفي بورتسودان
Author: يحي قباني
Date: 11-29-2013, 06:54 AM
Parent: #14
يا محمد علي ...
لو كــاــب زول مهم ...
مالو ؟
امكن زي ما قال الفاجومي ...
هيص يا كــلــب الست ... هيص ...
بُكره تتولف وزاره ... للكلاب ياخدوك رئيس ...
|
Post: #17
Title: Re: الشرطة تحاول فرض علاج ك ل ب بوليسي بمستشفي بورتسودان
Author: محمد علي عثمان
Date: 11-29-2013, 08:11 AM
Parent: #13
Quote:
الدكتورات احتجو الضابط قال ليهم انو ال ك ل ب ده اهم من عياننكم ديل كلهم . وانو ال ك ل ب ده بياخد اموكلان وفلاجيل وبياكل بى 9 مليون وانتى يا دكتوره بتاكلى بى كم ؟؟!! |
طيب وكت ال ك ل ب ده مهم قدر ده جايبنو هنا ليه ما تسفروا بالطيارة الخرطوم و علي طول لمستشفي رويال
|
Post: #18
Title: Re: الشرطة تحاول فرض علاج ك ل ب بوليسي بمستشفي بورتسودان
Author: Mohamad Shamseldin
Date: 11-29-2013, 02:56 PM
Parent: #17
هسع يا جماعه...... الك ل ب العضا أخوهو ده...... لو قام كدي و عضعض ليكم المرضانيين واحد واحد في المستشفي دي ....الظباط ديل حا يقولو شنو
|
|