خليتيني وين ماشة يا جوهرة وماسة .. نادية عثمان مختار

انا لله وانا اليه راجعون ..

كانت اولى كلماتنا هنا في هذا المكان ..

ولتكون اخر كلماتي لها وهي بين يدي مليك مقتدر ..

اللهم اغفر لها وارحمها واعف عنها وعافها
اللهم أكرم نزلها ووسع مدخلها، واغسلها بماء وثلج وبَرَد
ونَقِّهِا من الخطايا كما ينقى الثوب الأبيض من الدنس
اللهم أبدلها داراً خيراً من دارها، وأهلاً خيراً من أهلها،
اللهم وقِهِا فتنة القبر وعذاب النار ..

اللهم آمين



ا

اعزيكم واعزي نفسي .. واهلها واعزي الشعب السوداني كافة ..

اللهم صبرني على فراقها ..

يا ريتني لو كاتبة ..
ياريتني لو شاعرة ..
عشان كان اوري الناس كيف بينا من اخلاص ..
وعشان اوريهم طبعك الحساس ..
وقلبك الابيض الشايلنا بي تحنان
وخليتيني وين ماشة يا جوهرة وماسة

وجعني الخبر بالحيل بقيت نواحة طول الليل
في كل لحظة اترقبك جاية ..وين يا نعووم انتي ..
انا انا يا نادية موجوعة انا يا نادية مقهورة ..
اتقصى ضهري وراك واتقطعت احشاي ..
بكن معاي بالحيل صحباتك الحلوات
الكنتي بتريدهم زي نحن بس اخوات ..

ياريتني لو شاعرة وياريتني لو كاتبة
عشان اوري الناس كيف كنتي بتريديني
وكيف بينا من احساس ..

اسال ربي كريم يحن لي بلقاك ..

تغمدها الله بواسع الرحمه و المغفرة و اسكنها فسيح جناته
احسن الله عزاءك و عزاء بنتها و اسرتها و جميع محبيها

( انا لله و انا اليه راجعون )

اللهم أرحمها و أغفر لها
اللهم نقها من الذنوب كما ينقى الثوب الأبيض من الدنس
اللهم تقبل صالح أعمالها و تجاوز عن سيئاتها و أبدلها لها حسنات
اللهم أجعل قبرها روضة من رياض الجنة و لا تجعله حفرة من حفر النار
اللهم أنزلها منزلة الصديقين و الشهداء و حسن أولئك رفيقا

البركة فينا و فيكم يا إنعام الفقد كبير

تعازينا الحارة لك يا انعام و لكل اسرتها نسأل الله لها الرحمة و المغفرة

نسأل الله أن يتغمد الفقيدة نادية مختار بواسع رضوانه وغفرانه
ويجعل الجنة مرقدها ومثواها
ويلهم آلها وذويها ومعارفها الصبر وحسن العزاء
تعازينا الصادقة والمواساة لك اخت إنعام ولأسرتها الكريمة ولمنبر سودانيزاونلاين

اللهم ارحمها رحمة واسعة
البركة فيكم يا نعو
اعرف كم كانت قريبة ليك وكيف كانت بتحبك وتعزك

خلي بالك من ايمان ودي الطريقة الوحيدة البنعز بيها من فارقنا
ان نتفقد من تركوهم خلفهم في الدنياالفانية دي


مودتي

اللهم ارحمها واغفر لها
وامطِر قبرها شآبيب الرحمة
وانزِلها منزلة الصديقين والشهداء وحسُن أولئك رفيقا
اللهم اجعلها من أصحاب اليمين ، في سِدرٍ مخضود،
وطلحٍ منضود, وظِلٍ ممدود, وماءٍ مسكوب, وفاكِهةٍ كثيرةٍ ,
لا مقطوعة ولا ممنوعة, وفُرُشٍ مرفوعة.

إنا لله وإنا إليه راجعون.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إلتقيتها في إجازتي الأخيرة بمطار الخرطوم
هي تودع إبنتها إلى القاهرة للجامعة
وأنا أودع إبنتي للدوحة
قالت لي : زايغ من بورداب الخرطوم ليه؟
قلت لها : ما زايغ والله ولكن كثرة المشاغل والأسفار, وإنت ليه زايغه من المنبر؟
قالت : إعداد البرنامج ماخِد وقتي كله.
إفترقنا على أمل لقاء لم يتِم....

اللهم ارحم نادية عثمان مختار واغفر لها

اللهم آمين يا احمد العمار ..

( انا لله و انا اليه راجعون )

فاجاني الفقد الجلل الجمني عن مشاركة الاخرين العزاء وبت لا اقوى علي الدخول الي المنبر مسودا برحيل نادية

اللهم ارحمها واغفر لها واسكنها الفردوس الاعلي

ولكم حسن العزاء يا انعام

جبر الله كسركم اختي انعام

الدوام لله وحده

Quote: كانت اولى كلماتنا هنا في هذا المكان .. ولتكون اخر كلماتي لها وهي بين يدي مليك مقتدر

أمتن لهذا المكان, صرح للأحياء ومبذل شعور لمن يرحل.

عرفت نادية هنا ... كذلك,

البركة فيكم يا إنعام... ولي

عودة

إنفجعنا بشدة ... لذلكم الخبر الشؤوم,

فرحيل نادية كان أطنانا من العذاب,

وكان حملا أثقل على الكتوف متكاتفة

بين الدموع تسيل, والمخاط يفرج عن نفسه بلا إذن,
سألت زوجتي وهي تشاركني ذات مقام الأحزان العليا
برحيل نادية, فقلت لها ... كتب كل موجوع على نادية,
إلا إنعام حيمورة؟ فردت بتلقائية عاليه وحس وجوب ...
وقالت: إنعام في هذه اللحظات يرشوا فيها بالموية لتفوق,

... أصدقت الرواية, وتجملت في خاطري ... أحزاننا

إلى حيث نادية ذهبت ... كلنا ذاهبون,

لكنها ... ذهبت بخصال ماجدة وسيرة عطرة
وحرف جزل وقصيد شديد ومشاعر إنسانية
ووطنية طيبة ... فلنجاور هذا الصرح الهمام

... ولنقتفي ... ما تركته من أثر, بل وما
يستظره السراب ... فكله ... مجيد, مجد
نادية الراحلة ... في كنف حضور باذخ

لم تنقطع أصلا أحزاننا على وفاة نادية,

لكن حضور إنعام حيمورة يستحق سرادقا

إسفيريا مبينا ... فهي ... نادية {الحية}

خبر السواد الجاكم يومها يا انعام في بيوتكم وجانا في غربتنا؟

يا حليله يا انعام الحنينه و الضحاكه و صبوره.

يا حليله الهميمه و الشايل هم ايمان وحيدتها و اخوانا و اخواتها.



وميته حاره و قاسيه و خاطقه

ربنا يصبركم جميعا يا انعام

ويصبر زميلتها وصديقتها و خطيبة اخوها الكانت معاها.
وربنا يكمل عليها نعمة الشفاء.


وربنا ثبت ابنتها ايمان

واشقائها.....وشقيقاتها ويقسم لهم المحنه و الترابط ويطرح البركه في ايمان.


انا لله و انا اليه راجعون.

ربنا يرحمها و يحسن اليها
ربنا يصبرك يا أنعام.
حال الدنيا، نعمل شنو!

العزيز ابو حسين .. شكرا لوقوفكم معاي في هذه الظروف القاسية واللحظات المؤلمة

د. ياسر .. فقد عظيم ومصاب جلل

اسامة العوض .. يارب يارب .. ربنا يصبرنا على فراقا

د. نجاة .. انا عارفاها بتخاف من العربات وقطع الشارع وهي كانت حاسة انو نهايتا حا تكون بي عربية وقد كان ..


لها الرحمة والمغفرة ولنا الصبر وحسن العزاء

اللهم آمين يا اسمارت اللهم آمين ...

اول مرة الاقي نادية كنا عاملين حفلة استقبال لزميلنا احمد على القاسم نظمنا الحفل انا ومنى خوجلي .. وحضر ناس كتار من ضمنهم نادية عثمان وقعدت شوية وقالت انا ماشة لاني مسافرة بكرة جوبا

قالت لي بمشي وبجيكم نتلم تاني .. شاءت الاقدار ان يتوفى محمد زوجها .. لما اتصلت اعزيها ما كنت بعرفا الوقت داك كويس .. بعد زمن قالت لي اي زول عزاني في محمد متذكراه ومتذكرة مكالمتو ومواساتو لي

خاصة انتي وتراجي ..


بينا حكاوي كتيرة ... وصحبة جميلة .. كنت بفتخر بيها وبعتز بيها .. الله يرحما يا اسمارت الله يرحما

تراجي ...

شوفي دا يا تراجي ..





جات مخصوص لعرسي .. وقالت لي عدت المطبخ علي وجباتا لي .. جابت لي حلل النعيمية البتحبها وكل مرة بتشاغلني بيها وتقول لي عدت مطبخي عاملة شنو معاك ونقعد نضحك كل يوم بنتواصل كل يوم

ما انقطعنا من بعض اصلا ..

الله يا انعام

هجمة السواد و الرماد عليكم

Quote: بعد زمن قالت لي اي زول عزاني في محمد متذكراه ومتذكرة مكالمتو ومواساتو لي خاصة انتي وتراجي ..

ربنا يرحمها كانن بنقدر الحاجات مهما كانت بسيطه.

Quote: تراجي ... شوفي دا يا تراجي .. جات مخصوص لعرسي .. وقالت لي عدت المطبخ علي وجباتا لي .. جابت لي حلل النعيمية البتحبها وكل مرة بتشاغلني بيها وتقول لي عدت مطبخي عاملة شنو معاك ونقعد نضحك كل يوم بنتواصل كل يوم ما انقطعنا من بعض اصلا ..

البركه في مشاكرتها لك وبركه في كمية الذطريات الطيبه التركتها لكم.

خلوا بالكم من ايمان

ورسلي لي تلفونها في الحاص لو بتقدري.

انا لله وانا اليه راجعون.

يااااا حيدر قاسم ..

.. انا في المقابر بفكر احكي ليك انو انا حضرت تشييعك ..
وكيف كنتي في ثوبك الابيض ..
وكيف مررت يدي عليك من اول العنقريب حتى اخره علني اجد يدك تمتد لتستقبلني ..لتصافحني ..
كيف كان منظرك وانتي بكل هدوء ساكنة دون حراك ..
هل ساتحمل فراقك يا نادية هل ..
سافتقدك يا نادية الى ان ارقد بجوارك ..
سافتقد الضحكة ..
سافتقد القلب الابيض الناصع ..
سافتقدك اهدائتك لي مع كل اطلالة على الشاشة
سفتقدك مناداتك لي .. نعوم .. نعوم بت عمي حيمورة .. نعوم بت امي حنانة ..

يا الله يا الله لك الرحمة والمغفرة


عندما سمعت الخبر (حنانة) كانت في غرفة العمليات لاجراء عمليه عيون ..
ما كان في اي طريقة امرق ولا اجري ولا امشي ليها علني اجدها بين الحياة والموت
ضربت في تلفونا رد علي زول .. قلت ليهو حصل شنو وينا عايزاها عايزة اكلما .. قال لي انتي منو انا الشرطة .. قلت ليهو انا صاحبتا قال لي .. رحلت ..
ولم اراها الا في ذلك المشهد المهيب ..

لا اله الا الله محمدا يا رسول الله ..

محمد فضل الله المكي .. شاء القدر ان تلتقو .. سبحان الله .. لها الرحمة والمغفرة يارب

اساسي .. رحيل موجع .. استغفر الله العظيم لكن كل لحظة بتخيل لي انو الكلام دا ما حاصل .. الحمد لله .. ربنا يصبرنا يا اساسي ..

ود الباوقة .. الدوام لله .. نعم الدوام لله ... ربنا يرحمها ويغفر لها ويجعلها مع الصديقين والشهداء ..



نادية عثمان

دا اول مشاركة لي لي نادية في بوست لنا مهدي بنعزيها في وفاة زوجها محمد 2006 ..

الأخت الحبيبة \ انعام .

الفقد عظييييييييم لدرجة هزة كيانه من جوة

ويا ريت لو الاعمار بتتقسم .. البركة فيك يا حبيبة وربنا ارحم حبيبة الكل نادية

ويعوض شبابها الجنة واجعل البركة في بتها .. وان شاء الله اخر الاحزان .

فعلا يا مني عمسيب هزة كيانا من جوة حقيقة

الم غير محتمل ..

بس مافي غير ندعو انو ربنا يرحما ويجعلها مع الصديقين والشهداء ..

Quote: اللهم أرحمها و أغفر لها اللهم نقها من الذنوب كما ينقى الثوب الأبيض من الدنس اللهم تقبل صالح أعمالها و تجاوز عن سيئاتها و أبدلها لها حسنات اللهم أجعل قبرها روضة من رياض الجنة و لا تجعله حفرة من حفر النار اللهم أنزلها منزلة الصديقين و الشهداء و حسن أولئك رفيقا البركة فينا و فيكم يا إنعام الفقد كبير

Quote: سافتقدك يا نادية الى ان ارقد بجوارك ..

يا الللله, يا إنعام,

عزاؤنا أن ما يزال

في الدنيا, من هم

على هذا القدر من

الصدق والوفاء.


لك الحياة ولنادية الرحمة

Quote: لكنها ... ذهبت بخصال ماجدة وسيرة عطرة وحرف جزل وقصيد شديد ومشاعر إنسانية ووطنية طيبة ... فلنجاور هذا الصرح الهمام ... ولنقتفي ... ما تركته من أثر, بل وما يستظره السراب ... فكله ... مجيد, مجد نادية الراحلة ... في كنف حضور باذخ

احيييييييييي يا انعام خبر نزل علي كالصاعقه ..
والغريبه من الصباح كان عندي احساس غريب ..

كنت بستبعد فى الخبر الشؤوم . قلته ما بصدق الا اسمع من انعام ...
كنت منتظراك تقولي لي الخبر ده إشاعه .. لكن صوتك من الو .. فطر قلبي وقطعني ...

نادية وعدتنى بالزيارة لي دبي .. واتوقعتها مع منال ومنى خوجلي في زيارتهم لي دبي ..

وزعلته لمن ما جات .... قلته حا اتصل عليها واقول ليها ده وعدك .... ولكن .. ولكن ..


انعام .. قولي يارب ... ربنا يبنى لي نادية بيت فى الجنة ويجعله ملتقانا ..


الله يصبرك يا حبيبه ..








--------------------
ماما حنانه صحتها كيف ؟

احيييييييييي يا انعام خبر نزل علي كالصاعقه ..
والغريبه من الصباح كان عندي احساس غريب ..

كنت بستبعد فى الخبر الشؤوم . قلته ما بصدق الا اسمع من انعام ...
كنت منتظراك تقولي لي الخبر ده إشاعه .. لكن صوتك من الو .. فطر قلبي وقطعني ...

نادية وعدتنى بالزيارة لي دبي .. واتوقعتها مع منال ومنى خوجلي في زيارتهم لي دبي ..

وزعلته لمن ما جات .... قلته حا اتصل عليها واقول ليها ده وعدك .... ولكن .. ولكن ..


انعام .. قولي يارب ... ربنا يبنى لي نادية بيت فى الجنة ويجعله ملتقانا ..


الله يصبرك يا حبيبه ..








--------------------
ماما حنانه صحتها كيف ؟

Quote: اللهم اغفر لها وارحمها واعف عنها وعافها اللهم أكرم نزلها ووسع مدخلها، واغسلها بماء وثلج وبَرَد ونَقِّهِا من الخطايا كما ينقى الثوب الأبيض من الدنس اللهم أبدلها داراً خيراً من دارها، وأهلاً خيراً من أهلها، اللهم وقِهِا فتنة القبر وعذاب النار .. اللهم آمين

أحسن الله عزاءك أخت أنعام وعزاء الجميع.