Post: #1
Title: الفريق بكري لرئاسة الجمهورية!!!!!
Author: MOHAMMED ELSHEIKH
Date: 11-24-2013, 11:22 AM
بكرى حسن صالح لرئاسة الجمهوريه لفريق ابنعوف للدفاع
حسن أحمد طه للماليه على محمود (بيتزا) للصناعه د. غندور للخارجيه أسامه عبدالله للكهرباء عوض الجاز للطاقه سناء حمد للرعايه الإجتماعيه السمؤال خلف الله للثقافه للماليه مُهندس عماد حسين وزير دوله لمجلس الوزراء فيصل حماد وزير دوله للنقل أحمد كرمنو وزير دوله للعمل , الطيب بدوى وزير دوله للشباب والرياضه عبدالمنعم السنى وزير دوله للتربيه والتعليم جمال محمود وزير دوله برئاسة الجمهوريه محمد عبدالله شيخ إدريس وزير دوله بوزارة الأوقاف بلال عثمان بلال وزير دوله ............
|
Post: #2
Title: Re: الفريق بكري لرئاسة الجمهورية!!!!!
Author: MOHAMMED ELSHEIKH
Date: 11-24-2013, 11:31 AM
Parent: #1
| Quote: أجاز المكتب القيادي في اجتماع طاريء عصر أليوم التشكيلة الجديدة للحكومة من: الفريق بكري لرئاسة الجمهورية......... الخ |
دا اهم شيء في الارقام العجيبة الفوق دي
|
Post: #3
Title: Re: الفريق بكري لرئاسة الجمهورية!!!!!
Author: MOHAMMED ELSHEIKH
Date: 11-24-2013, 11:35 AM
Parent: #1
| Quote: أجاز المكتب القيادي في اجتماع طاريء عصر أليوم التشكيلة الجديدة للحكومة من: الفريق بكري لرئاسة الجمهورية......... الخ |
الكلام دا صاح؟
|
Post: #4
Title: Re: الفريق بكري لرئاسة الجمهورية!!!!!
Author: ناصر المحسى
Date: 11-24-2013, 11:38 AM
Parent: #3
ابو عينين للأمن
|
Post: #5
Title: Re: الفريق بكري لرئاسة الجمهورية!!!!!
Author: محمد علي عثمان
Date: 11-24-2013, 11:43 AM
Parent: #3
القصد وزير رئاسة الجمهورية
|
Post: #6
Title: Re: الفريق بكري لرئاسة الجمهورية!!!!!
Author: garjah
Date: 11-24-2013, 12:17 PM
Parent: #5
| Quote: القصد وزير رئاسة الجمهورية |
خلعتونا يااااخ
ايوا كده يا محمد علي عثمان
|
Post: #7
Title: Re: الفريق بكري لرئاسة الجمهورية!!!!!
Author: MOHAMMED ELSHEIKH
Date: 11-24-2013, 12:58 PM
Parent: #6
والله فعلا اتخلعنا
وافتكرت انو سيتم ترشيحه للدورة القادمة للرئاسة
سنحاول ارفاق بقية اللسته
التحية لكم
|
Post: #8
Title: Re: الفريق بكري لرئاسة الجمهورية!!!!!
Author: ناصر المحسى
Date: 11-24-2013, 01:01 PM
Parent: #7
تداولت الأوساط السياسية والإعلامية أمس قائمة وصفت بالمقترحة للتشكيل الوزاري المرتقب، حيث جاءت القائمة بالفريق عوض بن عوف وزيراً للدفاع، حسن أحمد طه للمالية، المهندس صلاح أحمد علي للمعادن، الفريق أول ركن عبد الرحيم محمد حسين للأمن القومي، الفريق أول بكري حسن صالح لرئاسة الجمهورية، المهندس عمر سليمان للتقانة والاتصالات، إبراهيم غندور للخارجية، انتصار أبو ناجمة للرعاية والضمان الاجتماعي، المهندس إبراهيم محمود للصناعة، عبد المنعم السني للشباب والرياضة، خميس كجو للتعليم العالي والبحث العلمي، عبد الرحمن أبو مدين للزراعة، الطيب حسن بدوي للثقافة والإعلام، وعوض أحمد الجاز لوزارة النفط. وجاءت القائمة بكل من صلاح ونسي وسناء حمد الصادق وحاج ماجد سوار وفيصل حماد ود. نجوى عبد اللطيف وإدريس عبد القادر وأحمد كرمنو وزراء دولة لحزب المؤتمر الوطني. ولم يتسن للصحيفة التأكد من صحة ذلك التشكيل الوزاري.
صحيفة الإنتباهة
ع.ش
|
Post: #9
Title: Re: الفريق بكري لرئاسة الجمهورية!!!!!
Author: MOHAMMED ELSHEIKH
Date: 11-25-2013, 06:09 AM
Parent: #8
تشكر ناصر يامحسي على رفدنا بالقائمة
والتي قال فيها ابنهم حسين خوجلي في ونسته اليومية"الله يكضب الشينة"
الشخبطة الفوق دي قصتها شنو؟
تكون مخصوص للناس الحرامية البسرقوا؟
حيث قمت انا بالسطو على ايميل و كوبي بيست وكانت تلك النتيجة.
|
Post: #10
Title: Re: الفريق بكري لرئاسة الجمهورية!!!!!
Author: محمد مجيدو
Date: 11-25-2013, 06:16 AM
Parent: #1
كويس شالوا وزير العواسه .....
|
Post: #11
Title: Re: الفريق بكري لرئاسة الجمهورية!!!!!
Author: MOHAMMED ELSHEIKH
Date: 11-25-2013, 07:51 AM
Parent: #10
مرحبا مجيدووحبابك
| Quote: كويس شالوا وزير العواسه ..... |
بس ياخي اهو اتفكينا من الكسرة والقراصة
وفضلو معانا ناس البتزا والهوت دوق
|
Post: #12
Title: Re: الفريق بكري لرئاسة الجمهورية!!!!!
Author: Siddig Elghali
Date: 11-25-2013, 01:49 PM
Parent: #10
"كويس شالوا وزير العواسه"
صحي والله كلامك صحي شالوا وزير العواسة وجابوا عيال الحله ليفتتوا ما تبقي من السودان عملا بوصية جدودهم زمان
|
Post: #13
Title: Re: الفريق بكري لرئاسة الجمهورية!!!!!
Author: طارق ابراهيم ابوالفضل
Date: 11-25-2013, 03:14 PM
Parent: #12
هل خلت القائمة من كمال عبداللطيف
والله شايف انو الزول دا كويس لو صبرو ليهو
كفاية انو في ناس اغتنت بسبب فتحه للتعدين بواسطة الاهالي
وتحسنت اوضاع كتيرين جدا
بدل احضار شركات والقسمة على اتنين
|
Post: #14
Title: Re: الفريق بكري لرئاسة الجمهورية!!!!!
Author: MOHAMMED ELSHEIKH
Date: 11-25-2013, 06:34 PM
Parent: #13
الأخ ابو الفضل
تحية
كمال عبداللطيف لم يفتح التعدين الأهلي للسودانيين و هي هبة من الله منحها لعباده المساكين.
ماهي التسهيلات التي قام بها للمعدنين الأهليين؟ سوى البحث عن طريقة لنهبهم. كمال كان مكلفا بمنع التعدين الأهلي ومنح التسهيلات للشركات الطفيلية والطفابيع
ولكن ارادة المواطنين وعزمهم كانت اقوى من نواياهم واستاعوا تثبيت حقهم بالقوة عدييل كدى.
التعدين الأهلي الحالي بدأ بالصدفة في منتصف التسعينات بواسطة مجموعة معلمات من منطقة الباوقة كنن في رحلة خلوية لمنطقة وادي السنقير حيث تحصلت احداهن
على قعة صغيرة كانت السبب في فتح الطريق لأهلنا بتلك المناطق وليس كمال عبد اللطيف!
|
Post: #15
Title: Re: الفريق بكري لرئاسة الجمهورية!!!!!
Author: MOHAMMED ELSHEIKH
Date: 11-27-2013, 05:02 AM
Parent: #14
| Quote: لو جاء وزير واحد من التشكيلة السابقة نحن ضد الحكومة |
هذا قول حسين خوجلي في ونسته اليومية
ياحسين اخوي ليه بتعين في الفيل وتطعن في ضلو؟
يعني لو جات تشكيلة جديدة يسيرها جماعة المكتب السياسي والمكتب القيادي ومجلس الشورى حاتفرق بي شنو يعني؟
ياخي قولوا عديل عايزين تغيير هيكلي كامل للبنية السياسية والتنفيذيةوالتشريعية
وناس المؤتمر الوطني ديل يقوموا يلفو ويسلموا الأمر لحكومة انتقالية متفق عليها تضع خارطة طريق للتغير القادم
وهذا.... أو الطوفان
|
Post: #16
Title: Re: الفريق بكري لرئاسة الجمهورية!!!!!
Author: عبدالكريم أحمد الامين
Date: 11-27-2013, 05:23 AM
Parent: #1
## إرهاصات التشكيل الوزارى الجديد .. اسماء الوزراء و وزراء الدوله ## ]
** منقول ** وردنى على بريدى الإلكترونى **
## مايتداول فى فضاء الخرطوم ##
بكرى حسن صالح لرئاسة الجمهوريه ,,
الفريق عبدالرحيم ( أبورياله) للأمن
الفريق ابنعوف للدفاع ,,
حسن أحمد طه للماليه ,,
على محمود (بيتزا) للصناعه ,,
الفريق قوش للداخليه ,,
د. غندور للخارجيه ,,
كرتى للعدل ,,
أسامه عبدالله للكهرباء ,,
معتصم عبدالرحيم وزيراً للتربيه والتعليم ,,
عوض الجاز للطاقه ,,
كمال عبداللطيف للتعدين ,,
سناء حمد للرعايه الإجتماعيه ,,
السمؤال خلف الله للثقافه ,,
ياسر يوسف وزير دوله للإعلام ,, صلاح ونسى وزبر دوله للخارجيه ,, الصادق محمد على وزير دوله للماليه ,, مُهندس عماد حسين وزير دوله لمجلس الوزراء ,, فيصل حماد وزير دوله للنقل ,, أحمد كرمنو وزير دوله للعمل ,, الطيب بدوى وزير دوله للشباب والرياضه ,, عبدالمنعم السنى وزير دوله للتربيه والتعليم ,, جمال محمود وزير دوله برئاسة الجمهوريه ,, محمد عبدالله شيخ إدريس وزير دوله بوزارة الأوقاف ,, بلال عثمان بلال وزير دوله ............
## إذ صح مايتدوال فى فضاء الخرطوم التى لاتعرف الإشاعه :-
** سؤال برئ ماهو الفرق بين أحمد وحاج أحمد ؟؟ نفس الأسماء التى أدمنت الفشل وهوت بنا للحضيض !!!!!!!!!!!!!!!!!!!!!!!!!!!!!!!!
** الغريبه :- الــمُـــتـــعـــافـــــن :- إسمو غير مكتوب .. وكذلك وزير الداخليه .......... والبقيه خروج بلاعوده ......................
|
|