Post: #1
Title: المرأة الحديدية ... وكربوناتها
Author: أيمن محمود
Date: 11-23-2013, 07:13 AM
|
Post: #2
Title: Re: المرأة الحديدية ... وكربوناتها
Author: أيمن محمود
Date: 11-23-2013, 07:32 AM
Parent: #1
واحنا في ريعان الطفولة الباكرة كنا بنلعب اولاد وبنات عادي في حوش من الحيشان بتاعة الاهل، غالباً مافي مخاشنات بين الاولاد والبنات، بالكتير ولد لئيم ممكن يقلع من بت لعبتها - فتقعد تبكي- يرجعها ليها الا (مواهب) ما عندها قشة مرة، تلعب مع البنات، تلعب مع الاولاد وخصوصا الاولاد بيعملو ليها الف حساب - لو دقيتها ... بتدقك أكتر ! بتلعب كمبلت مع الاولاد ... ولبعتها حارة خلاص ! وعندها نبلة ... أي والله نبلة عديل بتاعة لستك القروش ديك !
|
Post: #3
Title: Re: المرأة الحديدية ... وكربوناتها
Author: أيمن محمود
Date: 11-23-2013, 07:44 AM
Parent: #2
غايتو مافي شافع من اولاد الحلة او بناتها - لعب مع مواهب الا وضاق (مواهبا) ، شخبيت بالاضافر وعضعيض ووصلت لحدي مرحلة الكربون ... والله تديك كربون ومواهب مااانعة ... ممكن تقع بيك الخور عادي ! تبكي بس ... وتفتح فيها بلاغ
|
|