Post: #1
Title: ود الباوقة .. هن كلهن ربعين والباقي وجع كرعين !
Author: Asim Fageary
Date: 11-21-2013, 12:15 PM
يا ود الباوقة المريد والهائم في عشق البشير
يا أخوي العمر كان الله مد فيه كم ربع قرن بالله عليك !
هن كلهن ربعين (يعني 50 سنة) وبعدها وجع الكرعين وغيرها من أمراض الشيخوخة
دا غير أمراض العصر الحالية من ضغط وسكري وهلما جرا (والله هلما جرا دي براها توديك الآخرة ناقص عمر)
تقول لي نصبر لحدما تزرعه وتحصده
هو الحصاد الجاكم بارد داك (بتاع البترول) وديتوه وين عليك الله أوعكم تقولوا إتبرعتوا بيهو للدول الفقيرة !
ود الباوقة الزمن كالسيف إن لم تقطعه قطعك
وناسك ديل أخدوا وقتهم مضروب في 10
مش تالت ومتلت بل أكتر مما كانوا يتوقعوا هم أنفسهم
والسودان بقى جنازة بحر كل الناس خايفة من مسؤوليته
لأنه البيشيلوا بيتوكح بيهو ولو ما عمل حسابه حيتفتت حتة حتة (يتفتت حتة حتة دورها في راسك كويس)
قال ينتظروهم تاني ربع قرن كمان ............... يا ساتر من مــخ العسـاكر !
|
Post: #2
Title: Re: ود الباوقة .. هن كلهن ربعين والباقي وجع كرعين !
Author: Asim Fageary
Date: 11-21-2013, 12:45 PM
Parent: #1
ياخي الإنقاذ دي لمن جات كنا في ريعان شبابنا
ما كنا بنعرف المستحيل
جات الإنقاذ كله شيء بقى مستحيل
وأنت يا ود الباوقة ما زلت تكابر وتغني للإنقاذ (مستحيل عن حبك أميل)
|
Post: #3
Title: Re: ود الباوقة .. هن كلهن ربعين والباقي وجع كرعين !
Author: Asim Fageary
Date: 11-21-2013, 12:50 PM
Parent: #2
يا ود الباوقة
حقوا تغني ليهم لو كنت ناكر لاللهوى زيك كنت غفرت ليك
ودي مراقة مافي أفضل منها في حالة العشق الصوفي التي إنتابتك بل تلبستك
|
Post: #4
Title: Re: ود الباوقة .. هن كلهن ربعين والباقي وجع كرعين !
Author: البشير دفع الله
Date: 11-21-2013, 01:12 PM
Parent: #3
Quote: ياخي الإنقاذ دي لمن جات كنا في ريعان شبابنا
|
بوست ميه ميه ياخ
نبهتنا لحاجة ما كنا جايبين ليها خبر
انو الانقاذ تمددت لدرجة قف تأمل
ربع قرن عمر زول ممكن يكون اتخرج من الجامعة واشتغل وتزوج كمان لو ظروفو كانت تمام
ربع قرن الكان طفل حاليا رجل عندو اولاد
الناس قامت وما بتعرف غير الانقاذ والبشير
ههههههههه
تحياتي يا عاصم فقيري
|
Post: #5
Title: Re: ود الباوقة .. هن كلهن ربعين والباقي وجع كرعين !
Author: Asim Fageary
Date: 11-21-2013, 01:20 PM
Parent: #4
البشير دفع الله
الصديق الخلوق
كيفك ياخي
بالله إنت كنت ناسي ولا شنو
هاك دي:
واحد قال مشى السودان إجازة أهو زي حالتنا دي
وبعدين مشى يعزي في فراش
أخد قعدته مسافة كدا وقاعد مع الشباب
قال ليهم يا أخوانا زمان مش كان بيكون في ناس كبار في بيوت العزاء الواحد لما يجي ماشي بيقوم يسلم عليهم
الناس مشت وين
الشباب قالوا ليه: يا عموا ما إنت الناس الكبار
حتى صاحبك إنتبه لإنه قد هرم وهرم وهرم .. وهو في بلاد الغربة
تسلم يا البشير دفع الله
(غايتو لو شفت صرفة لإسمك عملت ليهو شوية تعديل يكون جميل)
|
|