صبأ ود الباوقة والعاقبة في المسرات!

ربع ( قرن ) لم نأكل مما نزرع يا سيدي الرئيس ....

Quote: استبشر اهل السودان خيرا بقدوم ثورة الانقاذ الوطني بعد زوال ما يسمى بالديمقراطية التي اوردت البلاد مورد الهلاك امنا واقتصادا وتعليما .. وتنفس الشعب السوداني الصعداء بان ( انفك ) من الصفوف المتراصة من ( دغش ) الرحمن طلبا للخبز والبنزين والفحم والسكر فاصبحت كل هذه السلع متوفرة وعلى مدار الساعة فالخبز على سبيل المثال للحصر يمكنك شرائه من اقرب ( كنتين ) في الحي واذكر قبل عام وفي زواج ابنتي قمت بشراء3 الف رغيفة من المخبز المجاور لمنزلي دون تكلف او عناء او هيلمانه الان وبعد ربع قرن تعود الصفوف التي لم يشاهدها جيل كامل في حياته وتقوم الدنيا وتقعد من اهل الاختصاص وغيرهم . وزارة التجارة .. المالية.. ( حرس الحدود ) ولاية الخرطوم .. اتحاد اصحاب المخابز .. بنك السودان البنوك التجارية .. واخيرا النائب الاول .. كل هذا من اجل توفير الخبز لسكان العاصمة ومع كل هذه الزيطة والزمبريطة تكون الحلول آنية وقد تظهر الازمة الى السطح في غضون الايام المقبلة لان كافة المعالجات هشة وارتجالية والمخرج من هذه الازمة واضح كوضوح الشمس في كبد السماء نواصل ....

Quote: ثم كانت الطامة الكبرى استيراد تقاوي القمح التركية الفاسدة والتي كانت بمثابة سلاح دمار شامل على مشروع الجزيرة بشكل عام وعلى فشل موسم زراعة القمح بشكل خاص

Quote: جاء في الاخبار ان البرلمان ( يستعد ) يستعد دي (حلوة ) مش كدا لاستدعاء وزير الزراعة للمسااءلة واحتمال كبير يعتذر عن الحضور والجمل ماشي

تلقوها عند الغافل يا فقيري

وبعدين ازيدك من الشعر بيتين

لن اقفز من سفينة الانقاذ مهما كلف الامر

قال صبا قال

Quote: وبعدين ازيدك من الشعر بيتين لن اقفز من سفينة الانقاذ مهما كلف الامر قال صبا قال

تقفز كيف أكتر من كدا

ما تقول زي العادة كنت في الخرطوم هسع والخبز راقد هبطرش

ولا دي بقت تعمل تأنيب ضمير

برضها مرحلة من القفز

سلامات عاصم
ودالباوقة المحيرني فيهو عارف
الفي ناسو ديل وبعد دا مصر
يكابر مرات كدة زي البتظهر
عليه صحوة ضمير ونقول خلاص
صبأ زي كلامك طوالي بجي
يجدد البيعة غايتو ربنا يصلح
حالنا
تسلم

Quote: سلامات عاصم ودالباوقة المحيرني فيهو عارف الفي ناسو ديل وبعد دا مصر يكابر مرات كدة زي البتظهر عليه صحوة ضمير ونقول خلاص صبأ زي كلامك طوالي بجي يجدد البيعة غايتو ربنا يصلح حالنا تسلم

أخي سليمان وعليكم السلام

إنها مرحلة فقدان التوازن وهي المرحلة التي تسبق تأنيب الضمير


نتمنى أن يسير إلى الأمام

.

يقول الله تعالى : ( وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ ، وَمَا لَكُمْ مِنْ دُونِ اللهِ مِنْ أَوْلِيَاءَ ، ثُمَّ لَا تُنْصَرُونَ ) [ هود : 113 ] .

حري بالباوقة أن يتدبر هذه الآية، عن أحوال من يتماهون في موالاة الطغيان والظلم!

.

سلامات عاصم وضيوفه

لو خليتو الراجل ياخذ قراره براحته ويصل لقناعاته بنفسه دون تأثير خارجي يكون أفضل

وانتم عارفين حالة العناد البتصيب معظم السودانيين وبتخليهم يصروا على رأيهم لو الناس قالوا ليهم : ما قلتو نوبة أو ما شابه من الأقوال

اتذكرت وانا بقرأ البوست دا قصة القاضي الجابو ليه زول بتهمة سب ام زول تاني

والزول ناكر

قام القاضي شحن الزول حماسة ومدح لقبيله

الزول قام طوالي قال: يا مولانا حرم قلت له العن امك والعن امك انت ذات يا مولانا

حبيبنا عاصم

تحياتي ،،
دا اسمو العتاب الناعم ياخ!
اشرح ليكـ العتاب الناعم دا بكون كيف .. والله صحي :)

زي ما تكون لاعب حريق مع خطيبتكـ
وتقول كدا خطيبتك تقوم تجدع ليها كرت نص لاعب معاها عن طريق الخطأ
فتقوم تقول ليكـ: يا حبيبي عايزه ارفع الكرت لأنو شغال معاي .. ما كنته قاصده اجدعو ياخ!

انت تقوم تقول ليها : ولا يهمك يا روحي ارفعيهو
بس تاني ما تعملي كدا ...

يا الأمين البشاري لكن ما بالغت !

يعني التصوف في الحب وصل الحد دا ؟

دي تبقى دروشة حب ما مسبوقة خااااااااااالص

- الدروشة في حب البشير -

هذا سيكون عنوان البوست القادم

مطلوب حضورك يا الأمين (بريدك يا البشير غيروها بقت بريدك يا عمر البشير .........)

يا عاصم
الكيزان ديل ناس بتاع مصالح ولبسين اقنعة
يعنى فى سبيل مصالحن ممكن يدوسوا على اي شى وعلى اقرب الناس ليهم
ممكن يلفقوا ليك تهمة ويكذبوا لحدى ما هم نفسهم يصدقوا الكذبة

ديل وباء انتشر أهل السودان المسكين
ما شايف اخلاق الناس اتغيرت كيف
جوعوهم وقاموا اشتروهم
والجوع كافر زى ما بقولوا اهل السودان

ود الباوقة دا راجل مسكين طيبان قلبوا زى الطفل الرضيع
بس مشكلتوا الوحيدة انوا اضينة جارنوا من اضانوا وخواف
بخاف يصفوا لانوا بعرف الكثير من اسرارن
الله يكون فى عونوا
مسكين

Quote: يا عاصم الكيزان ديل ناس بتاع مصالح ولبسين اقنعة يعنى فى سبيل مصالحن ممكن يدوسوا على اي شى وعلى اقرب الناس ليهم ممكن يلفقوا ليك تهمة ويكذبوا لحدى ما هم نفسهم يصدقوا الكذبة ديل وباء انتشر أهل السودان المسكين ما شايف اخلاق الناس اتغيرت كيف جوعوهم وقاموا اشتروهم والجوع كافر زى ما بقولوا اهل السودان ود الباوقة دا راجل مسكين طيبان قلبوا زى الطفل الرضيع بس مشكلتوا الوحيدة انوا اضينة جارنوا من اضانوا وخواف بخاف يصفوا لانوا بعرف الكثير من اسرارن الله يكون فى عونوا مسكين

وضاحة إزيك

الكلام دا خطير

دا إستنتاج منك ولا قالوا ود الباوقة في نطاق ضيق خلال أوقات صلفاء ذهني ؟

عاصم يا صديقي ..ود الباوقة دا ما جابو فى صفنا
إلا صف الرغيف ..!


لذيذ باوقيشن دا ياخي ..
ذى صحبك بريمة ..:)


_____

قول ليهو ما مشكلة .. خلى أهلك ياكلوا كيك ..وبس
صعبة دي ؟!

Quote: عاصم يا صديقي ..ود الباوقة دا ما جابو فى صفنا إلا صف الرغيف ..! لذيذ باوقيشن دا ياخي .. ذى صحبك بريمة ..:) _____ قول ليهو ما مشكلة .. خلى أهلك ياكلوا كيك ..وبس صعبة دي ؟!

تعرفي يا أمونة بت مختار

في ناس بتقفز بحركة واحدة وسريعة

وناس بترتب للقفز وتجيب ليها مبررات

ديل بسموهم شنو عارفة، في لغة الريدة اللي بتسبه ريدة ود الباقوة للبشير

لكن بتنطبق على ريدات تانية
ي
الواح قالوا (يخلي الباب متاكا ويقعد جنبه يتباكا)

ياهو دا البسوي فيه ود الباوقة