النهج الأثنى والعنصر للجبهة الثورية

لانختلف كثيرا فى الوضع المتردى فى بلادنا والذى أوصلتنا لها الانقاذ بسبب تخبط السياسات وحرصها الشديد على التمسك بالسلطة وعدم التفريط فيها وعدم أتاحة الفرصة للجميع بمختلف توجهاتهم السياسية والعرقية، ولكن هذا فى نفس الوقت لايمنح المعارضين الحق فى التصرف حسب أهواءهم ، فسياسة الجبهة الثورية الأخيرة والتى تستهدف الابرياء فى هجومها على ام كرشولا وامروابة وأخيرا ابوزبد ، خير دليل على الفلس الفكرى والنهج الاجرامى والعدوانى والذى يستهدف فى الأساس استقرار المواطنين الآبرياء وممتلكاتهم، ومهما كانت تبريرات قادة الحركة الثورية بأنها لاتستهدف المواطنين العزل والبنية التحتية فهذا كله تدحضه الحقائق على الارض والشواهد كثيرة لايمكن التهرب منها، ولكى أدلل على ما أقول
فأننا أنسخ هنا نص رثاء لاحد مقاتلى الجبهة الثورية فى قائدهم
الميدانى فضيل رحومة


.
خال فاطنة لا زلت أتذكر كلماتك لنا فى خريف 2009م بغرب كردفان ومعنا الشهيد/ الدناع أحمد آدم والجنرال/ حامد سرير (أربعات) والقائد/ فضل الله سرير (ام سيسية) والشهيد/ سلمان الصافى فى وسط تلك الغابات فى ظل شجرة الجميزة الكبيرة ونحن نحتسى أكواب الشاى , حيث قلت لنا: نحن عيال المسيرية لازم نمشى فى درب (المرحوم) بابو ونصلح الخطأ الوقعونا فوقا ابهاتنا وجدودنا ودواسهم مع الجلابة ضد اهلنا الجنوبيين , لأن مصالحنا مع الجنوب ما مع الشمال , والدينكا أقرب لينا من الجلابة , بينا وبينهم دم وحسب ومصالح رعى وألمى والكلام عشان يبقى ياهو نحن طلعنا من شهامة(1)و (2) ولحدى ما انتو حصلتونا فى خلانا دا وخليتو القراية والسكن السمح والاكل السمح وجيتو ترقدوا معانا فى تراب الله دا , وام باكر فى ناس بسمعوا بيكو وبجونا , وبنبقى جماعة وقوة والكان نايم ومغشوش بيوعى , وحق اهلنا بنقلعا عينك يا تاجر , بس وصيتى ليكو النضال مر وصعب وشقا وداير صبر وعزيمة , وانتو قدر المشاكل دى كلها وانحنا بنموت وبنلحق المرحوم بابو وما بنحضر المراد لكن انتو بتكملوا المشوار انشاء الله..
أخوك المكلوم/ محمد عبد الرحمن الناير بوتشر
الاحد الموافق 17 نوفمبر 2013م


ان هذا النهج العنصري البغيض الذى تشكل فى عقلية قادة الجبهة الثورية لاعلاج له ، فذهاب الأنقاذ لن يزيله، والخوف كل الخوف أن مستقبل بلادنا سيكون فى يد قادة مثل هؤلاء فأقول وبكل صراحة ، على السودان السلام ،
هاشم محمد الحسن عبدالله is online now

قدرت ما فتشت علي النهج العنصري البغيض الذى تشكل فى عقلية قادة الجبهة الثورية
في الكلام المقتطف دا ما لقيته
كدي أشرح
نحن ناس علي قدر فهمنا

Quote: نحن عيال المسيرية لازم نمشى فى درب (المرحوم) بابو ونصلح الخطأ الوقعونا فوقا ابهاتنا وجدودنا ودواسهم مع الجلابة ضد اهلنا الجنوبيين , لأن مصالحنا مع الجنوب ما مع الشمال , والدينكا أقرب لينا من الجلابة , بينا وبينهم دم وحسب ومصالح رعى وألمى

سلام يا نصر
يا هو الكلام البسيط ده القوم قرون استشعار اخونا هاشم

اها يا هاشم عندي قول زيادة لكن لغاية ما نسمع سببك ان كان مختلف عن هذا الذي كوته انا.

جبت المقطع المقصود يا محجوب
واحد من "عرب" المسيرية
قال أن "مصالحهم" مع " زنوج" الجنوب
وليس مع "عرب" الجلابة

هل هذه عنصرية ؟؟؟؟؟؟؟؟

كانت تكون عنصرية لو أنه قال أن "الدم العربي"
الذي يوحد المسيرية مع الجلابة
يلزمهم بمحاربة "زنوج الجنوب"

برضو منتظرين رأي راعي البوست

هذا بوست عنصرى وتعال وشوف منبع العنصرية فى شمالنا .
;-عند إنشقاق الحركة الشعبية والجيش الشعبى فى التسعينات كنت فى منزل الراحل الشريف زين العابدين بالالف مسكن وقلت بالم شديد هذا مؤسف ان يتقاتل الاخوة المناضلين بدل مواجهة العدوالاصلى عندها قال مضوى الترابى خلى العبيد يقتلوا بعض نحن مبسوطين بالحيل.
;-فى تلك الايام صادفت الاخ عبدالحفيظ عباس حزب حزب أمة وقال لى يافقيرى نحن كويس معانا فى حزب الامة لمن الجنوبيين يقاتلوا بعضهم بعدين يجونا ضعاف .
;-عند مجزرة الاجئين السودانيين بميدان مصطفى محمود نظمت مظاهرة احتجاجية امام القنصلية المصرية بمدينة هيوستن تكساس وعند دعوة الاتحاديين للمشاركة قال لى سكرتير أو مسئول الحزب بدالس تكساس لن نخرج فى هذه المظاهرة ولن نخرج ضد مصر .هذا وكان معظم الضحايا من شعب جنوب السودان ومن الدارفوريين وابناءجبال النوبة والنيل الازرق ياترى من هم العنصريون فى السودان ؟
ويمكن أن نوثق العنصرية تاريخيا وحاضرا وملموسا بين السودانيين حتى فى المهجر ونشاهد ذلك يوميا بعض الاحيان .

لماذ لم يخرج الاتحاديون ضد مصر والتاريخ يقول أن جد زعيمهم الكبير جاء على ظهر دبابة تركية ، فقد كان يقول السودانيون السودان للسودانيين كان ينادي أرباب الاستعمار الانجليزي المصري باتحاد السودان مع مصر ، خلوها مسنورة كما قال على الحاج ، من يتحدث عن العنصرية يجب عليه أن يتحسس رأسة ويبحث عن تاريخ اجداده الذي لا يتشرف به حتى من استعمر السودان ، فقد أصبح فضيل محمد رحومه وأبوزمام الكير حامدين من عرب كردفان عنصريون ، نعم أختاروا الجبهة الثورية ونحترم اختيارهم ، أما أن يصبحوا عنصريون فذلك شيء آخر ، والمتحدث لو عرف لولا عرب البقارة والله ستصل المكان الذي وصل فيه أحد أجدادك قول لي ثاني أسمه منه .

يا هاشم

هسي بقت عنصرية واثنية عندما انحازت هذه القبائل الى الجبهة الثورية ورفعت بندقيتها ضد نظام الانقاذ؟

والدائرة الجهنمية دي ليه ما فطنت ليها حكومة البشير وهي تجيش القبائل وتسلحها ضد قبائل سودانية أخرى باسم الدين والعروبة؟


الاثنية والعنصرية هو مشروع رسمي للموتمر الوطني ومابقى من شرازم الحركة الاسلامية في حكومة البشير

والناس لمن كانت بتكورك وتعارض الخطاب العنصري دا المغلف باسم العروبة والاسلام لانها شايفها مآلاتو شنو...والحريقة التي ستحرق الجميع

Quote: ;-عند إنشقاق الحركة الشعبية والجيش الشعبى فى التسعينات كنت فى منزل الراحل الشريف زين العابدين بالالف مسكن وقلت بالم شديد هذا مؤسف ان يتقاتل الاخوة المناضلين بدل مواجهة العدوالاصلى عندها قال مضوى الترابى خلى العبيد يقتلوا بعض نحن مبسوطين بالحيل. ;-فى تلك الايام صادفت الاخ عبدالحفيظ عباس حزب حزب أمة وقال لى يافقيرى نحن كويس معانا فى حزب الامة لمن الجنوبيين يقاتلوا بعضهم بعدين يجونا ضعاف . ;-عند مجزرة الاجئين السودانيين بميدان مصطفى محمود نظمت مظاهرة احتجاجية امام القنصلية المصرية بمدينة هيوستن تكساس وعند دعوة الاتحاديين للمشاركة قال لى سكرتير أو مسئول الحزب بدالس تكساس لن نخرج فى هذه المظاهرة ولن نخرج ضد مصر .هذا وكان معظم الضحايا من شعب جنوب السودان ومن الدارفوريين وابناءجبال النوبة والنيل الازرق ياترى من هم العنصريون فى السودان ؟

هذه هي عنصرية السياسيين و الصفوة، و عن عنصرية العامة فحدث و لا حرج و نحن نعرفه جيدا. عشان كده، من يعتقد
ان السودان سوف تتعافى عما قريب فهو موهوم. المجموعات التي لا تكف عن الحديث عن عنصرية الثورية ليس لديهم
عسكري واحد في القوات المسلحة، يستخدموا اخواننا في حروبهم و يجوا يتهمونا بالعنصرية، اعتقد انو جا وقت فرز الكيمان،
اي زول يقاتل اصالة عن نفسه و نيابة عن عنصره، لو ما عندك اهل و مقطوع تاكل نيمك بس!

الأخ سمير كوو

بارك الله فيك ، لو فهم أبناء الهامش سياسة أضرب العبد بالعبد لما أستمرت هذه الحرب سنينا عجافا

شكرا الاعزاء
حاتم الهوارى
صديق الغالى
سمير كوكو
صاحب البوست لم يرد على المداخلات وإذا أتى مرحبا به فى بوسته ويمكن ان نسأله عن والده عضو مجلس راس الدولة السابق رحمه الله وماذا قدم للوطن .وماهو عطاءه فى المعارضة السودانية فى اطار التجمع الوطنى الديمقراطى وحزبه الاتحادى الديمقراطى .