خالد البيه...رسام كاركتير سوداني يتحدث عنه العالم ونجهله!!!!!!

خالد البيه فنان كاريكاتير سوداني، اختارت منظمة "مراسلون بلا حدود" إحدى لوحاته لتضعها على غلاف كتابها السنوي 2012.

يرسم لوحات سياسية لانتمائه إلى عائلة سياسية أدت إلى حضور السياسة بشكل دائم في حياته، ولعل السياسة أيضاً هي السبب في استقراره مع عائلته في قطر.

ويقول البيه في إحدى تصريحاته الصحفية "السياسة أثّرت في عدة جوانب من حياتي. أفقدتني الانتماء. جعلتني أنفذ رسوما سياسية عن الوضع في الشرق الأوسط والسودان، وحاولت نشرها لكن كنت أقابل بالرفض دائما".

http://news.alnaddy.com/article/573708+%D9%85%D8%B1%D8%A7%D8...84%D8%A8%D9%8A%D9%87

عفراء
كيف انك
خالد عبدالله البيه من الشباب البخلو املنا مخضرة
خالد اتولد في بخارست ودرس مراحله التعليمة من الابتدائى الى الثانوى في قطر
وتخرج من الجامعة الامريكية بالشارقة هندسة ديكور داخلى وخالد كان محظوظ
بعد تخرجة مبشارة عمل كمصم قرافيك مع اخونا وصيقنا عماد عبدالله ابان دورة الالعاب الاسيوية
حيث كان عماد رئيس القسم الذى يعمل به خالد وعماد خلال تلك الفترة كان متبنى
خالد ومعجب بموهبته لذا والده صديقنا عبدالله ود البيه بقول ان عماد غرس في خالد
اشياء انا ماكان ممكن اغرسها فيه خالد يعمل حاليا كبير المصممين بهئية متاحف قطر
التحية لعماد وتلميذه خالد

غايتو يا عفراء لو زولك البتتكلمي عنو ده ياهو الجابوهو في برنامج كلام نواعم في MBC فبالجد بعيييداً عن قصة إبداعه في فن الكراكتير فهو ضعيييف جدا في الحوار والكلام..
ياخ ده ما جاوب ولاااا سؤال صاح في اللقاء الاتعمل معاهو وما قدروا يطلعوا منو بي أييي معلومة ..
غايتو خرمجتو دي ما فاتو فيها زول إلا حمزة سليمان في مداخلته الهاتفية الشهيرة عبر قناة النيل الأزرق ..
وياريت لو ياهو زولك القاصداهو تمشي تفتشي حلقة كلام نواعم الاخيرة وشوفي الزول ده مشتت كيف وشتت معاهو مقدمات البرنامج..

إبداع يا عمر الفاروق
لقيت ليك فرقة تشنيف برضك, خليت الكاريكاتير و السياسة و عماد عبدالله و مسكت في الحوار و الكلام ههههههه

ثم البرنامج اسمه كلام نواعم مالك بتحضرو :)

____________________

سلام عفراء

عمر الفاروق
لك التقدير
انه خالد البيه الذى عنته عفراء

طبعا يا ود البشري كان نفسي أقول ليه إنت البحضرك كلام نواعم شنو بس خفت من لسانه ...باقي أصله هو وأساسي مقابلني...
بس بعد شفت الحلقة لقيت فيها فقرتين كدي بكونن هن الجابنو ....المهم يا عمر ياخ يقولو ليك رسام تقول لي حوار...
ياخي الشاب ده استعملت رسوماته علي نطاق دول الربيع العربي...بعدين شوف ده راي النيويورك تايمز في شغله.
...مشكور بدر ألدين علي التعريف بالفنان الشاب خالد


[

Quote: While the Arab Spring has led to considerable instability and uncertainty, Mr. Albaih continues to wield his pen as he surveys the region. “I hate it when people say it failed; it took the French Revolution 70 years to settle!” he said in a break from his jotting, which is part traditional ink on paper and part computer design. Born in Romania — his father was based there as a Sudanese diplomat — Mr. Albaih, 33, was exposed early in life to both hard-edge political and social issues, and cartoons. His father was fired by Sudan’s military government in 1989. His mother, an activist, campaigned against the practice of female genital mutilation in Sudan. “I love comics, and my dad used to bring home an Egyptian magazine called Sabah al-Kheir that heavily relied on cartoons,” he said in an interview that mixed English with Arabic. “It was amazing to me how effective cartoons were.” Signs of his creativity, and talent, were evident early on. One of the first characters he created as a child was “Supernamusa,” a superhero mosquito on a mission to rid Sudan and the world not of evil in general, but of malaria. “He was a hero fighting his own kind,” recalls Mr. Albaih, laughing. “Malaria was everywhere in Sudan!” He followed the work of many cartoonists, but his greatest inspiration was the Palestinian cartoonist Naji al-Ali, who was renowned for his criticism of Arab governments and the Israeli occupation of Arab lands, through his character Handala.

يا عفراء سلامات
حسع عمر يقرأ ليك كل الكلام دا !!!
لخصي الموضوع واديه المفيد ...
ــــــــــــــــــــــــــــــــــــــــــــــــــــــــــ
تليفون محمد عابدين بالخاص لو سمحتي

http://www.dc4mf.org/ar/content/1580