***** لـكـن ما بـعـمـلـوهـا كـــدا يا كــيـــشـــة *****

(1)
أديها صنة شوية خلي الناس تروق و بعدين شوف ليك سبب تاني ....
كدا شينة شديد يا كيشة .....

(2)
أجمل حاجة إنو الوهم ما ناقشين حاجة
و هم طبعاً عايزين إعرفوا أي حاجة
خليهم إضربو أخماس في أسداس عسى و لعل تلفق معاهم

(3)
غلبك البتسوي قلت أخير كدا ....

(4)
لا بأس

(5)
يا زول حصل خير

(6)
الجايات أكتر من الرايحات

(7)
بعدين ياخ الرياض جوها جو دافوري
أو زي ما قال كبسور جو مكوى ...

Quote: طه طلحة · الأكثر تعليقا أبو حسين جن وفقد المحنة .. ههههههههههه رد · · منذ ‏23‏ ساعة

أخونا طلحة سلام
ابو حسين جن ممكن لكن لسه ما فقد المحنة..
بعدين ياخ وقت الزول جن ما تديهوا دعوة كااااااااربة ترجع ليه عقلو

و بعدين ضحكتك دي خبيثة و ل بريئة ...؟؟؟؟


تحياتي و إحترامي

إنت يازول لافخك ديناصور؟؟

هههههههههههههههههههههههه@ أبو خالد!
ديناصور أكبر من ديناصور اليوم داكـ!!

Quote: إنت يازول لافخك ديناصور؟؟

الامنجي عادل فك الشفرة سريع ياخ مالو عيبو لي

Quote: هههههههههههههههههههههههه@ أبو خالد! ديناصور أكبر من ديناصور اليوم داكـ!!

هههههههههههههه

مبالغة أنت !!

طيب ياخ طبقو لينا خلونا نتوفى مرة واحدة نرتاح من الكشات دي!!

ههههههههههههههههه


عمك عمل غمران مالوووو؟

وراك سنة للحول

أخونا الدكتور المبجل عبداللطيف المكنى بـ أبو خالد سلام من الله عليكم و رحمة منه و بركاته
أما بعد
ديناصور أكبر منك ...؟؟؟ يا زول إنت الديناصور زااااااااااتو بضرب بيك المثل في الكائنات المعمرة في هذه الفانية
بعدين أسمع صورتك دي من سنة كم يا حريف
يعني شايل ليك صورة من سنة دو و في واحدة من سفراتك لي فرنسا و ل إسبانيا خسرت فيها 500 يورو جايي تحشش بيها هنا.......؟؟؟؟؟
و بعدين لو حسبنا ليك سنين خور عمر و خور بركة و خور طقت و خور أبو عنجة ديل براهم بنوصلك بيهم 60 سنة لم تحسب عليهم سنين شبا و الأبيض
بنكمل ليك 85 سنة و نطلعك من ناس الزهايمر و نلقى العذر لي مداخلتك دي يا ديناصور...
بعدين بقيت تتونس مع الحاقدين في بوسطيني ... ياخ و الله دي كبيرة شديد
أها زولك الحاقد دا ممكن أبيعوا ليك و أشتريهو في البوست دا ... و الحاقد بكون شايف البوست دا و دخل و طلع و هو ما فاهم أي شئ
و لم شافك إنت دردقت نفسك قال إدردقك إنت زيادة عسى و لعل إفهم حاجة
أجمل مافي البوست دا أهو الناس كلها بدون إستثناء بتكون ما فاهمة حاجة و بنتظروا زول دايش فدائي إنداح و بعدين إجو هم دافرين
و شوف كمان الشايقي المطرطش دا عايز يعمل فيها الود شفت و صاحبي كمان و عايزني أرسل ليه كمان في الخاص ....
الشايقي دا ذكرني شايقي دايش زيو كدا برضو لم كان برلوم حاول إعمل فيها صاحبي و ماقدر غايتو إدقش في المنبر دا لم عرف حاجة .
الله إطراهو بالخير أخونا عبدالحكم و الله بي طرطشتو دي لكن برضو مشتاقين ليه الله يديهو العافية ...
و بي مناسبة الطرطشة و المطرطشين دي حا تعملوا شنو مع اليوفي الليلة .... برضو حا تجيبو ليهم النفاثة بتاعتكم الماسورة دا ...؟؟؟
عارف يا أبو خالد لقيتني الليلة ما عندي مزاج كتابة لو ما كدا كان مليتك فقر أكتر من كدا ...
غايتو لو قريت مداخلتي دي كلها تكون زول فارغ و ما عندك شغله تقضاها ...
و أخيراً و ليس آخراً قوم لف إنت و الإتنين الوهم الفوق ديل ...

Quote: غايتو لو قريت مداخلتي دي كلها تكون زول فارغ و ما عندك شغله تقضاها ...

هههه لما وصلت الحتة دي براي قلت (صدقت والله) وحسيت فعلا اني زول فارغ البباري لي مداخلة - مداخلة شنو! قول بوست كامل - مرض زي دا
قوم لف ياخ :)

ود البشرى

Quote: هههه لما وصلت الحتة دي براي قلت (صدقت والله) وحسيت فعلا اني زول فارغ البباري لي مداخلة

الحال من بعضو ,,,,
لكن تعال النسعلك ..
انا الزول ده مجبور عليه ... ود عمي و مجبور اتابع حالتو خخخخخخخ
انتو مالكم او الجابركم شنو؟

Quote: انتو مالكم او الجابركم شنو؟

والله يا ود داوش أنا من العنوان قلت المعلّم دا بكون قابض ليه قبورة و لا أم سيسي من مناضلين الفيس أبين طرح وخمارات قلت النجي نقزقز معاه
لقيتو ما عندو موضوع وطالع بينا العالي ساي بدون ترس تقيل

عبداللطيف و ودالصايم ..
انتو ابوحسين ده ما عندو هوايات واهتمامات أخرى غير البعمل فيهو ده ؟!!


...
عبداللطيف دي حاف عشان اخونا المحقق كونان ما يقبضك بالثابته :)

Quote: الشايقي المطرطش دا عايز يعمل فيها الود شفت و صاحبي كمان و عايزني أرسل ليه كمان في الخاص .... الشايقي دا ذكرني شايقي دايش زيو كدا برضو لم كان برلوم حاول إعمل فيها صاحبي و ماقدر غايتو إدقش في المنبر دا لم عرف حاجة .

دايش انت يا وهم
ياخ المقصود من البوست ما أظن يكون مناضل
أغلب الظن تكون قاصد سيد الحوش وده شعر ما عندنا ليهوا رقبه

Quote: شايقي دايش زيو كدا برضو لم كان برلوم حاول إعمل فيها صاحبي

والله تقابل عبدالحكم علي الطبيعه لا تجي تكتب هنا انا الدايش

التعديل مزاج

هههههههههههههههههههههههه@ المشرّف!
ياخ أبو حسين دا كان بطّل شغلتو دي إلا يبيع سبح!!




سييييييييييبو ياخ .. أشغله الله في نفسه وباسوورده





_
غايتو يا أبو حسين لمن وصلت عبارتكـ الأخيرة دي
قررربت أقول لنفسي (زوووووط)!!

أنا كنت متأكد إنو البوست دا حا إلم لي الوهم بمختلف ألوانهم حتى اللون التركوازي كمان
الديناصور جاب ليه صورة زول شين لي شنو ما عارف .... لكن البعرفوا إنو الزول دا لا يذكر اللوتري إلا و يذكر هذا الشخص
أي لوتري مقدم فيه و يقال إنو الجماعة عندهم رأي فيه لأنهم شافو ليه الصورة دي في النت :-


لا عرفوه بعزف على الفلوت
لا عرفوه بدخن مارجوانا

المهم شختو ليه كل طلباتو و ختوه في البلاك ليست
خاصة لم عرفوا إنو عندوا صاحبو إسمو حسن شحاتة .... زول بتاع شمارات بي صورة رهيبة
قبل ما تكتب ليك نقطة في البوست إجي داخل إقول ليك : مافي Hint ..؟؟؟؟؟
زول ماسورة أو بالأصح الإتنين مواسير
أها الجوز دا بكون جا داخل البوست و مفتكرين نفسهم أذكياء .... خلاااااااااااااااص حا إفهمو الحاصل شنو .... و لم خاب ظنهم قامو وســخــوا و طلعوا
ناس حاقدين و حاسدين ....
أما تلميذ الديناصور اللي قال ليه حاف ما تخاف فا دا حكايتو حكاية ... قال ليك الزول دا لو جاء لي ناس أول مرة أقوم إمسك ليك المايك
و هاك يا نقة إلا الكهرباء تقطع لكن غير كدا مافي حاجة بتسكتو زول زي دا ما تستفيد منو إلا إكون عندك قضية خسرانة و تسوقو معاك محامي
إنجض ليك القاضي و هيئة المحلفين و الحرس و حتى الكراسي زاتها تقوم تتخارج ....
أما إبن عمي اللي متواطئ مع الوهم لأنو هو زاتو وهم زيهم و كدا بقول ليه مبروك عليك الشهادة الدولية في الوهم و كدا و ياهم شبهك
الشايقي المطرطش كتب و مسح يعني طلعت شايقي و جـبـان كمان ....

يا جماعة يدي وجعتني و الله و لنا لقاء إن شاء الله

Quote: لا عرفوه بعزف على الفلوت لا عرفوه بدخن مارجوانا المهم شختو ليه كل طلباتو و ختوه في البلاك ليست خاصة لم عرفوا إنو عندوا صاحبو إسمو حسن شحاتة .... زول بتاع شمارات بي صورة رهيبة قبل ما تكتب ليك نقطة في البوست إجي داخل إقول ليك : مافي Hint ..؟؟؟؟؟ زول ماسورة أو بالأصح الإتنين مواسير أها الجوز دا بكون جا داخل البوست و مفتكرين نفسهم أذكياء .... خلاااااااااااااااص حا إفهمو الحاصل شنو .... و لم خاب ظنهم قامو وســخــوا و طلعوا ناس حاقدين و حاسدين .... أما تلميذ الديناصور اللي قال ليه حاف ما تخاف فا دا حكايتو حكاية ... قال ليك الزول دا لو جاء لي ناس أول مرة أقوم إمسك ليك المايك و هاك يا نقة إلا الكهرباء تقطع لكن غير كدا مافي حاجة بتسكتو زول زي دا ما تستفيد منو إلا إكون عندك قضية خسرانة و تسوقو معاك محامي إنجض ليك القاضي و هيئة المحلفين و الحرس و حتى الكراسي زاتها تقوم تتخارج .... أما إبن عمي اللي متواطئ مع الوهم لأنو هو زاتو وهم زيهم و كدا بقول ليه مبروك عليك الشهادة الدولية في الوهم و كدا و ياهم شبهك الشايقي المطرطش كتب و مسح يعني طلعت شايقي و جـبـان كمان .... يا جماعة يدي وجعتني و الله و لنا لقاء إن شاء الله

بي ردك للناس كلها في مداخلة واحدة الله يستر سيد الشي ما يكون

وهم

Quote: أنا كنت متأكد إنو البوست دا حا إلم لي الوهم بمختلف ألوانهم حتى اللون التركوازي كمان الديناصور جاب ليه صورة زول شين لي شنو ما عارف .... لكن البعرفوا إنو الزول دا لا يذكر اللوتري إلا و يذكر هذا الشخص أي لوتري مقدم فيه و يقال إنو الجماعة عندهم رأي فيه لأنهم شافو ليه الصورة دي في النت :- لا عرفوه بعزف على الفلوت لا عرفوه بدخن مارجوانا المهم شختو ليه كل طلباتو و ختوه في البلاك ليست خاصة لم عرفوا إنو عندوا صاحبو إسمو حسن شحاتة .... زول بتاع شمارات بي صورة رهيبة قبل ما تكتب ليك نقطة في البوست إجي داخل إقول ليك : مافي Hint ..؟؟؟؟؟ زول ماسورة أو بالأصح الإتنين مواسير أها الجوز دا بكون جا داخل البوست و مفتكرين نفسهم أذكياء .... خلاااااااااااااااص حا إفهمو الحاصل شنو .... و لم خاب ظنهم قامو وســخــوا و طلعوا ناس حاقدين و حاسدين .... أما تلميذ الديناصور اللي قال ليه حاف ما تخاف فا دا حكايتو حكاية ... قال ليك الزول دا لو جاء لي ناس أول مرة أقوم إمسك ليك المايك و هاك يا نقة إلا الكهرباء تقطع لكن غير كدا مافي حاجة بتسكتو زول زي دا ما تستفيد منو إلا إكون عندك قضية خسرانة و تسوقو معاك محامي إنجض ليك القاضي و هيئة المحلفين و الحرس و حتى الكراسي زاتها تقوم تتخارج .... أما إبن عمي اللي متواطئ مع الوهم لأنو هو زاتو وهم زيهم و كدا بقول ليه مبروك عليك الشهادة الدولية في الوهم و كدا و ياهم شبهك الشايقي المطرطش كتب و مسح يعني طلعت شايقي و جـبـان كمان .... يا جماعة يدي وجعتني و الله و لنا لقاء إن شاء الله

OMG !!
Sooo funny !!!
23 سطر تانين لو سمحت يا أستاذ ..

Quote: 23 سطر تانين لو سمحت يا أستاذ ..

لا ياخ..
بجيه صداع نصفي بالطريقة دي :)

الشايقي المطرطش عامل لي فيها الود بتاع أغاني شوايقة ...
غايتو الشوايقة كلهم و غير الشوايقة كان كتفوهم سنين و قالو ليهم أكتبوا ليكم قصيدة حلوة ما بقدروا إكتبوا زي القصيدة دي:-

عافية منك وراضية عنك سو رضايا
كلمات: علاء الدين عبدالرحيم
غناء: عبد الرحيم أرقي


عافيه منك وراضية عنك سو رضايا
وما بخيب الرضا والدتو يا جنايــا
******
أنت من يادوب صغير من زمان دايما معايا
انت ديمه امامى ساير ما بخليك بى قفايا
مابتغيب من عينى لحظه ولا حصل سبتك ورايا
لا من الله يشيل امانتو انا ببقى خاصاك بالرعاية
******
لى يرعاك البيرعى لي بيك يبرد حشايا
أصلك انت هديه منو والله بيك أجزل عطايا
جيتنى واحد مالو تانى رحمه فى اخر صبايا
قبل ماافقد قدرتى وقبل ماتنهار قوايا
جيتنى زى بدرا منور وفجأة طليت فى سمايا
******
أنت لما خلاص كبرت داير تسيبنى اعيش برايا
داير تفارقنى وتهاجر والحزن يصبح جزايا
كيف يهون لك تحزن أمك شان تحقق ليك غايا
كان مسافر عشان علاجى بلقى فى شوفتك دوايا
وكان عشان تسقينا مالك نحن بى حنك روايا
كان عشان كرعينا راحل نحن بى بعدك حفايا
كان مهاجر عشان تعرس خير أبوك مالى التكايا
وخيرو وافر ابوك يحمدو مراحو مليان بالسعايا
وبالقروش الجيب مجكن ولسع برضو الجايا جايا
******
برضو منك ما بقصر بحفر أديك المعايا
كان ده كلو كمان شوي بتلقى فى دهبى الكفايه
اصلى من سويتو ناذره يبقى لى ايام قسايا
خاتا للزمن البعاند لى سعاتك يا عشايا
أنت من شبيت صغير راسي ما بتحتاج وصايا
ما حصل خيبتا ظني ولا فشل فيك زين غنايا
لاتسيب أمك تهاجر يمه محتاجي الحمايا
******
لاتسيبنى وراك ترحل انت ياك ضلى وضرايا
أنت فوق الحوبة مقنع انت للمكشوف غطايا
دايري منك تبقى جنبي . جنبي فى فرحى وفى بلايا
دايري كان قحيت اتبنك ارفع اقسملك غتايا
أنت ساعة تبقي جنبي تبقي ضلي وتوب قفايا
وما بخاف ظلم الليالي وأنت ياك عكاز عمايا
******
دايري أقضى عميري جنبك أصلو قارب للنهايا
خايفي كان سافرتا ترجع تلقي فاضي البيت بلايا
حينا ما بتنفع قروشك وما تجيب لك أم سوايا
ماني عارفي سبب رحيلك يا وليدي شنو الحكاية
الا تبقي براك شايف في فراق الوالدة غايه
ما بعاتبك وما بلومك لو رحلت بلقي في الأمثال عذايا
علي حجر دايما قليبك وقليبي كله عليك جنايا
***

و اللي باللون الأحمر ديل نار إحرقوا عديل كدا يا شايقي يا وهم ...
أما تلميذ الديناصور اللي أزهق مداخلتين إتنين في البوست دا فأكيد مبيت النية لي شئ الله إستر منو ...(منو راجعة للشئ)
لكن ما مشكلة أصلاً أنا متعود على المواهيم و وهم المواهيم ..... يعني حسن شحاتة دا كتير بجي داخل و يقعد يخبط يمين و شمال
هو و صاحبو الأشتر داك ...... و كمان شايفهم بقوا تلاتة بعد إنضمام الوهم التالت ليهم و أصبحوا أصحاب كفاح مشترك في عكننة مزاج
الناس الرايقين زيي كدا...
كما لا يفوتنا أن نذكر أخونا وهبة ..... الله يطراه بالخير راجل طيب و الذي أصبح ناشط في الفيس بوك و أصبح مفكر و واعظ كمان
و يرجع الفضل في ذلك لي أخونا سيد الحوش الذي طلب منه أن يتفرغ لكتابة الأدب و تثقيف الأمة السودانية من خلال الفيس بوك..
كما لا يفوتني أن أشكر إبن عمي الموهوم على تواجده في هذا البوست العامر ...


أتمنى إنو مداخلاتي دي ما تكون دمها تقيل عليكم و تلقى القبول و الرضى لديكم

و العاقبة عندكم في المسرات

يا زول ...الصداع, أعمل حسابك

:)

عارف يا حسن شحاتة مرات كدا بحن عليك من حتلانك في بوستات الناس ..
أسي إنت البوست دا قعدت تنقز فيه مالك زي المانصيح
ياخ دا بوست هايف و مافيه ثمرة...
لكن حبك لي الشمار هو الخلاك تحتل فيه
عليك الله ما جاك وجع قلب من عدم معرفتك للحاصل شنو ...؟؟
صاحبك الشايقي طبعاً هاج و ماج لمن قنع و بيني بينك هو زاتو بتاع شمارات زيك أسي تلقاهو نوم ما قادر إنوم
كل ما إتقلب بي جنبة إقول شقي الحال دا قاصد شنو بي بوستيه دا...
الشايقي بتاع شمارات لمن مرضان عديييييييييل كدا... لكن تقيل شوية ما زيك
بعدين إنت لسه بي هناك و ل رجعت هنا ...؟؟؟
لو لسه هناك طالبين منك خدمة بالله عايزينك تتفقد لينا أخونا في الله المقكر و الأديب أخونا وهبه و تبلغوا سلامنا و أشواقنا
و بالمرة تشوف لينا حالو كيف بعد أن عرفنا قصة صاحبو المسافر الصين ... قالو قال بقدم ليه خدمة تفرحوا...

أمشي أكمل باقي الكورة و كان الله حيانا بجيكم تاني

Quote: الشايقي المطرطش عامل لي فيها الود بتاع أغاني شوايقة ... غايتو الشوايقة كلهم و غير الشوايقة كان كتفوهم سنين و قالو ليهم أكتبوا ليكم قصيدة حلوة ما بقدروا إكتبوا زي القصيدة دي:- عافية منك وراضية عنك سو رضايا كلمات: علاء الدين عبدالرحيم غناء: عبد الرحيم أرقي عافيه منك وراضية عنك سو رضايا وما بخيب الرضا والدتو يا جنايــا ****** أنت من يادوب صغير من زمان دايما معايا انت ديمه امامى ساير ما بخليك بى قفايا مابتغيب من عينى لحظه ولا حصل سبتك ورايا لا من الله يشيل امانتو انا ببقى خاصاك بالرعاية ****** لى يرعاك البيرعى لي بيك يبرد حشايا أصلك انت هديه منو والله بيك أجزل عطايا جيتنى واحد مالو تانى رحمه فى اخر صبايا قبل ماافقد قدرتى وقبل ماتنهار قوايا جيتنى زى بدرا منور وفجأة طليت فى سمايا ****** أنت لما خلاص كبرت داير تسيبنى اعيش برايا داير تفارقنى وتهاجر والحزن يصبح جزايا كيف يهون لك تحزن أمك شان تحقق ليك غايا كان مسافر عشان علاجى بلقى فى شوفتك دوايا وكان عشان تسقينا مالك نحن بى حنك روايا كان عشان كرعينا راحل نحن بى بعدك حفايا كان مهاجر عشان تعرس خير أبوك مالى التكايا وخيرو وافر ابوك يحمدو مراحو مليان بالسعايا وبالقروش الجيب مجكن ولسع برضو الجايا جايا ****** برضو منك ما بقصر بحفر أديك المعايا كان ده كلو كمان شوي بتلقى فى دهبى الكفايه اصلى من سويتو ناذره يبقى لى ايام قسايا خاتا للزمن البعاند لى سعاتك يا عشايا أنت من شبيت صغير راسي ما بتحتاج وصايا ما حصل خيبتا ظني ولا فشل فيك زين غنايا لاتسيب أمك تهاجر يمه محتاجي الحمايا ****** لاتسيبنى وراك ترحل انت ياك ضلى وضرايا أنت فوق الحوبة مقنع انت للمكشوف غطايا دايري منك تبقى جنبي . جنبي فى فرحى وفى بلايا دايري كان قحيت اتبنك ارفع اقسملك غتايا أنت ساعة تبقي جنبي تبقي ضلي وتوب قفايا وما بخاف ظلم الليالي وأنت ياك عكاز عمايا ****** دايري أقضى عميري جنبك أصلو قارب للنهايا خايفي كان سافرتا ترجع تلقي فاضي البيت بلايا حينا ما بتنفع قروشك وما تجيب لك أم سوايا ماني عارفي سبب رحيلك يا وليدي شنو الحكاية الا تبقي براك شايف في فراق الوالدة غايه ما بعاتبك وما بلومك لو رحلت بلقي في الأمثال عذايا علي حجر دايما قليبك وقليبي كله عليك جنايا

غايتو دي أحلي شي في البوست