العنز دي جنت ول شنو ؟ يا أبو ادريس من التميس

لا احرى لا ادرى دخلت المنبر كان القا ليك
مرحبا صديق عيسى صالح
قلت بسم الله العنز دي جنت ول شنو ؟
يا ابو ادريس من التميس
يا ابو ادريس من التميس
أها قلت دي فرصة اتعلم فيها الكبشرة للزمن والزين
وحتى كتابة هذه الحروف لا ادري ان تعلمتها ول دقيق طاحونة جادالله فيهو جاز
ومنها احكي لكم حكاية العنز التي الذي جنت ومن ثم حكاية التميس الجنن بت علوبة
.
.
صحي عميكة ولابعرف كبشرة ولا حاجة
عامل فيها شمش الدين الشويطين
كنترول برنت اسكرين
سي
في
ملف ورد وحفظتها وقلت خلاص الولد يعني بقى تكنولوجي سقنل تو
جيت لرفع الصورة
قال لي سجم امك يا الخزين
.
.
المهم يا سيد اللمنتي ليك عملت خروج وقلت
اسع كان جني قام علي وقلت زووووووووووووووووط الصديق دا اقبل وين ؟
لكن خفت الدحيشة تعنفض بي
ودردق بي يا اللوري درق بي
ما تقول شكرا يا الصديق عيسى صالح ؟ قول شكرا يا معجب
ويا بكري نجض عصيدتك دي نجضا لسع فيها فلعص هههههههههه والله فلعص دي ما اعرفا واحد الا من صقيعة سلامة

ابو الزفت
بعبصت جاي بعبصت جاي
ولب اللوري انقلب

والله ما بطال اخير من عبدالعزيز عثمان الوقع منو الفيديو في الدلجة

بعد كدا ممكن احكي حكاية الكلـــب الاكل الدريش
ول اغني اغنية
ووب علي انا من سامية
ول نرجع لموضوع الجبنة الخ الخ الخ
ول اخير حكاية فاطنة السمحة وعبدالكريم الكويس
غايتو بكري دا يا جننا يا جنناهو
ول كمان جنت العنز التي الذي شالت جردل العجين في قرونا وقامت جارية
كعب الخرف والكلام الكتر

الفار لقى الكديس ميت طلع فوفو وقال
انا لمن اقوم صعب
.
.
دي كانت فرصة اعمل فيها فار هكر
غايتو يا ريس بكري كان كدي موقعك دا صقيعة ساهي
مافيهو ائ سكيورتي استاندنق اب داون هههههههههه

اخير منو حواشة آخر بيت تشرب بالناكوس
يا حليل الحواشات وشوال الكبس
والله يا جماعة وما طالبني حليفة انا زمان كنت قايل الدنيا دي كلها عيشتا في الحواشات
ولمن مشيت الخرتوم للجامعة اشيل واتلفت عشان اشوف حواشاتن وين
قريبة نجاضة ول بعيدة ضهرة ؟ هههههههههه والله جد
تطير عيشتكن يا ناس الخرتوم حواشاتكن وين يا مسانيح
نضااااااااااف وكرعيهن ما مشققات هي لكن السايبين عيشتكن كيفهنا يا العولق
لا ضحوة ولا ضهرية والله دي محقة وعدم مشهاد
ولليوم العلينا محتار في الناس العايشين برا حواشات
تاكلو شنو يا سايبين تاكلو السموم ؟
لا عيش
لا فول
لا عدس
ولا حتى لوبا عفن العفين دا ما زارعنو
وعلى الليمان كل ما امش لي بلد ولليوم العلينا دا اتلفت اكان اشوف لي حواشة ما شفتها
وفي الاخر اكتشفت اننا نحن اصدقاء المزارع طلعنا بندق في بحر
نزرع ونحش ونكدب ( كديبة يعني ) ههههههههههه
واخرتنا في قرطاسة كتبو قانون مشروع الجزيرة لماذا
ضرانا الله اضرو ضرانا في القروانا ضرانا الله اطلع زيتو
وزيت العامل هو البطلع مش زيت المكنات الامريكية
ودرن العامل انضف من كرفتة البنك الدولي وكل دقون الراسمالية
الله لاكسبكن ولا غزا فيكم بركة
لكن يوم القيامة بنقيف في تربيزة واحدة امام قانون الله

انت فى دا ولا فى الدعيات العجيبة دى عملت لينا قلق نفسي

Quote: عملت لينا قلق

قلق عديل كدي ؟
اخير احكي ليك حكاية ابو ادريس من التميس
المغترب جا عندنا هناك في صقيعة سلامة
لفى الحلة للفواتح واخر الليل جا واقع فطيسة
و جاتو حمى عملت ليهو ام هلا هلا
بقى يهضرب
بخروهو ببخرة الفكي ابو ادريس
اصبح كويس اتلتل
ساعة الفطور قال داير تميس
امو تاني جابت البخرات تبخر فيهو وتقول
يا ابو ادريس من التميس
باعتبار انو التميس هو الشيطان الرجيم
مش اخير من اشرح ليك معنى قلق ونبقى في حاو وهش ؟
تحياتي وضحضح

انت عاد ما ضمنتى اتجدع فينا سااااى

الجعلي يا وضاحة طالب الرباطابي قروش
الرباطابي مماطل الجعلي
سمح بديك ليهن
سمح بديك ليهن
اليوم داك الجعلي زرا الرباطابي قاليهو الا تحدد لي يوم لقروشي
الرباطابي كان بياكل في تمر
دفن فصاصة التمرة في الوطا
وقال للجعلي شفت الفصاصة دي تقوم وتبقى نخلة وتلد واشيل التمر اوديهو السوق
واديك قروشك
الجعلي ضحك ساخرا
الرباطابي قاليهو تضحك عاد ما ضمنت قروشك
بالزبط كدي دا حالي انا

Quote: انت عاد ما ضمنتى

Quote: ويا بكري نجض عصيدتك دي نجضا لسع فيها فلعص

هههه هههههه بكون مدقق عيشا وراء قمح ، وبعدين الاميرة وضاحة دى ما ظنيتا تعرف ليك الفصاصة دى علا تشرحا ليها

حمدلا بالسلامة يا الحبيب برجعتك يعود الحكى الطاعم وسمح

عماً لينا جابوهو وليداتو للحج مع امهم وهو ما بدور الجية عشان ما يهمل زراعتو اها الشغلانة تب مى واقعة ليهو
خسوساً بعد جابت ليها تسولب اها قاعد فى الواطة ومعاهو المرة وولدو بعد رموا الجمرة الكبرى
وعمنا اكرمك الله قاعد متكشف قامت المرة قالت ليهو يا راجل جنيت والله شنو ما تعدل قعدتك دى
قال ليها هو الجن ده كيفنو ما يانا قاعدين عرايا ونطقع بالحجار ..

Quote: هو الجن ده كيفنو ما يانا قاعدين عرايا ونطقع بالحجار ..

هههههههههههههههههههههههههه
عمك اب سروال يا سامي ولدي ومسمنو اب سروال عشان ما بلبس سروال هههههههههههه
فات السبعين وقال لاولادو داير اعرس
اولادو كلو كلو ابوا اوافقو ليهو
اها قاليهم والله ما تخلوني اعرس الا افضحكم فضيحة
بكرة من الصباح قعد في ضل الضحى عارف البنات بجن فوقو فازعات
عووووووووووووك أها ويشير باصابعه الاربعة وجدادو سااااااااااارب طبعا
عووووووووووووووووك اها وعلي كيفكن ههههههههههه

بوست الليل اب كيبوردا برا سروال
اديتنا الليل يا سامي الله انعل شيطانك
قت لي قاليها شنو ؟
هههههههههههههههههههههه

شــوووووووووووووووووف الغنماية عليكـ الله

شكرا يا بشاري على الفيديو والعنز العجيبة
عندنا مقولة تقوليك الزول دا مسكين العنز تاكل عشاهو
لكن غنمايتك دي ما برتضى بعشانا ذاتو
لانو اصلا بملاح لبن منها هي ذاتا ههههههههههه
قلت لي قرطعت البستي كولا عديل
امكن عندها جضمارة كونو البستي كولا فيها الدواشات
ههههههههههههههههه
شكرا يا حبيب للفيديو الرهيب

Quote: ويا بكري نجض عصيدتك دي نجضا لسع فيها فلعص هههههههههه والله فلعص دي ما اعرفا واحد الا من صقيعة سلامة

فلعص ياااااااااااااااااي الفلعص ده بنشال بالشوكه والسكيين كاااااااااااااااااااك

العصيده الكونديقا بتعرفا تلقطا فلعص فلعص وبعدين عمك ماكوررك لييم المكنه جاز

Quote: العصيده الكونديقا بتعرفا

حامد بدري يا فقري
اتا من زمن الكونديقا والبني كربو
كنت قايلك من ناس ض ضابط
اتاريك من ناس حمد لبد
وحمد سلخ الخروف والخروف سلخ حمد
ومان اندبان
سلام يا دفعة

ود البوش اخبارك لعلك طيب
شوق اردب سمسم
كنت غاطس في البطاطس
سمعنا قالو عايز تعرس صحي

Quote: سمعنا قالو عايز تعرس صحي

والله صحي
.
.
اما الشوق بلا حدود
شكرا عبس

يابا هوووووووي نعلك طيب
اها باقي لك انا مشيت عيدت الضحية في السودان
اجازة كدي يعني خفيفة وجيت قالب
وحصلت عندنا وفاة خالة لينا كدي اتوفت في كوقيلا ربنا يتولاها بالرحمة
وقمنا عليك امان الله بووووووووو بالهايس والروزات (حليل زمن الهوستن)
اها بعد مليت خلااااااااااص المسافة طويلة سألت الجماعة ما قربنا ناصل؟
قام عبد اللطيف ود الراوي قال لي لسة يا دوب دي مشاية العتامنة
قلت ليهو كب.. انا اخو ود البوش
واقووووووووووول كدي امعط لك تلفوني المو خمج وصورت المشاية الظاهرة في الصورة أسفله
وصورة تانية من الكنار قلت زيادة الخير خيرين والزول بستاهل
اها بعد مشينا شوية واتعدينا الحتة الحجة دورت
بعد مناقرة كتييييييييييرة اتضح انو العديناها في الاول وصورتها ليك دي مشاية ام كوراك
والعتامنة بعدها .. يعني النقة دي لمن حصلت كنا اتعديناها
ولمن جينا من هناك الواطات كانت مفللة تب ما في طريقة تصوير
دحين ااااااااخوي اتصبر بي مشاية ام كوراك مع العلم انو النية كانت مشاية العتامنة
لكن بوشك حظك مدوحس
اها فتك بي عافية

ود البوش يا عربيى كت غتسان وين

عليك الله المشايه المهردمه دى بزوق منها كيف اريتها كان ...........

اها بصحك بدور تعرس

اصبر لى نجامك ما عندى والله بكره احرش العرش العرب الماخت بتهم تانى كنارى بيكه الا تشوف فى الحلم وانت ماشى لاوراء

العربى كان فتح بجيب لاهله بليه وانت شكل بدرو تسيها

هسع انت مو جننت بكرى براه الناس كله بدورلها مترجمين

العتمانه شنو كمان البصورها الله يهديك هى كل خريف مويتها مغرقة العتان والسخيلات

كم شفاطه شغاله عندكم الخريف الفات
يا عربى

نادر النور
يا ضونا
سلام وشوق يا كلس
والبركة فيكم واحسن الله عزاكم
والله يا نادر قبل ما اكمل باقي كلامك نزلت اشوف صور مشياتنا زرقالتنا ابل فيها شوقي
من اول نظرة شكيت فيها قلت بسم الله متين مشايتنا قام ليها عشر هههههههههههه
زي ماقال ميتة بطارتي قنيط دا ما فيها هههههههههه
ميتة كان واقف لط والحفلة انتهت قالوا خلاص ارح قال بطارتي ما لقيتا
قالوا ليهو والفي يدك دي شنو ؟
قال دي ما بطارتي
عرفتها كيف ما بطارتك ؟
واشار للغماس الاحمر وقال بطارتي قنيط دا مافيها
جني وجنو مما اشتري البطارية طوالي قنيط دا بكسروا عشان بمحق الحجار بالكنتكة ههههههههه
اها انا مما شفت شدرة العشر المانعة دي قلت زرقالتنا قنيط دا ما فيها
.
.
والله كان تكون قدمت لي خدمة جليلة لو صورتها
ياخي بالغت ياخي ما كانت قدامكم ياخي لكن زي ما قلت انا دائما صيدي ناجع
ولبعدين اتا يا دابك في مشاية ام كوراك وتقول خلاص بلابيطك وقعن هههههههه
غايتو الغربة خربتكن مرة واحدة
شكرا جزيلا نادر ود اخوي
تحياتي

لا إله إلا الله محمد رسول الله صلي الله عليه وسلم
يا ود البوش مشتاقين ومشتاقين ومشتاقين
بي قدر شوقي لكل للمنبر والبنبر وكل الزينين هنا
لي سنين ما جيت داخل الحوش الوسيع دا
وأول ما دخلت الليلة ولقيت حروفك الندية وكلامك الملان حنية
هيجت علي الذكري والشجون والسنين الفاتوا ديلك
الفيها كم قاسيتو ويل
ياخي الله يديك العافية ويسكنك الصافية

اها شوف الناس دي مشتاقة ليكـ قدر شنو؟

تاني إن بقيت راااجل اغتس جنس غتستك اللخيرة دي

عبد الله ود البوش!

ود البوش

يا حبيبى الغالى وصديقى وزميلى منذ سنين عددا فالعتبى لك حتى ترضى فانت تعرف معزتى لك وصداقتى لك ولشخصل الغالى عندى منذ حنتوب الجميله والى يومنا هذا ،فانت تعرف جيدا النوايا الطيبه والعلاقة الصادقة التى بيننا طيله هذه الفترة والتى حملت اجمل اللحظات فى ساعات اللقاء بيننا وحتى عند فراقنا لم تتغير يوما ولن تتغير باذن الله ا.

سعدت كثيرا بظهورك على المنبر كما سعد الكثيرين غيرى وهم فى غاية الشوق لكتابات التى تحمل طبعنا من ارض الجزيرة ارض المحنة التى مازالت تضمنا بهذا الحنان والعاطفة المميزة والتى جعلت ابناء الجزيرة كل يدلوا بدلوه على هذا البوست شوقا وفرحا بعودتك .

ما كنت يوما اتصور ان اضع شخصك الغالى على جدا فى موقف مثل هذا .................. واكون انا السبب فى ذلك فلك منى كل الاسف الشديد ومشاركا لك فى كل مشاعرك التى تعيشها.

فالمعلومة العباره التى ذكرنها لمن لا يعرفها ان بيكا او قرية بيكا هى اساس الطريق الرابط بين مدنى والمناقل وهو نقط الوصل التى يمر بها كل العابرين بمشروع الجزيرة الى امتداد المناقل والعكس وبها كبرى على الترعة الرئيسية التى يروى منها مشروع الجزيرة . وما كان ذكرها الا تذكرة بايام خوالى كان لها ابلغ الاسر بحياتك العمليه والاسريه بمدنية المناقل والتى اصبحت واحدا من اهلها بتك السمعة الطيبة والاخلاق النبيلة التى كانت دائما تاجا على راسك لا يراه الا الذين عرفوك عن قرب .

اسال الله لك السعادة فى الدارين وان ينير طريقك وان يوقفك الى ما تصبو اليه

نعم الاخ انت ونعم الصديق الى ان يا خذ الله امانته

فلك المكانة السامية التى تزداد كل يوم يا ابن الاصول الثابتة .

كل اتمناه لك ان تكمل المشوار مغمورا بالسعادة الدائمة .

صديقك واخواك الذى لم تلدة امك

يوسف ابوسنينه

0550500113

ولايهمك أخي أبو سنينة
وعذرك ومقبول ولاداعي للاسف
وحصل خير

يعني في داعي تجيب سيرة التميس في جو الرياض الحلو ده .

تميس وفول بزيت زيتون وقرن شطة خضراء يضربك في النافوخ هي قمة المتعة ( الغذائية)

Quote: يعني في داعي تجيب سيرة التميس في جو الرياض الحلو ده . تميس وفول بزيت زيتون وقرن شطة خضراء يضربك في النافوخ هي قمة المتعة ( الغذائية)

ولياب يا عمك صبحك الله بالخير...

ما زال جو الرياض جميل ومدهش لليوم التالي لكن نكهة الكشة شوية كدة عاملة تغبيش على الصورة ^_^

ود البوش ... والله مشتافين .. وساعلين عنك .. علا الجماعة سبقونا ..
دحين يا خوي .. إنتا حلتك دي علاقتها بالصقيعة الجمب رفاعة شنو ..

Quote: إنتا حلتك دي علاقتها بالصقيعة الجمب رفاعة شنو

راحة البال
.
.
اخوي فرحات والله الشوق اكتر وما سعلت منك شينة يا كلس
تحياتي

Quote: ولياب يا عمك صبحك الله بالخير... ما زال جو الرياض جميل ومدهش لليوم التالي لكن نكهة الكشة شوية كدة عاملة تغبيش على الصورة ^_^

يا نادر و ولياب
تاني شوقكم للتميس مع الافغان الكفيلم الله

Quote: تميس وفول بزيت زيتون وقرن شطة خضراء يضربك في النافوخ هي قمة المتعة ( الغذائية)

ولياب يا استاذنا العزيز
والله عندك جنس حرص خلاص تلفاها بالاقواس
جو ... وفول ..... كان لازم يلزمها قوسين للتحديد
.
.
مرورك بالجد اسعدني يا ولياب
شكري وتقديري وتحياتي

الامين البشاري يا صديقي الصدوق
والله انا شوقي ليهم مضاعف
لكن المعايش جبارة
ثم ان البطاطس دايرة ليها اتلباجة هههههههههههه
بتعرف حكاية بخيت العجب امو يا البشاري ؟
بس بقت علي انا القدامك دا

صديقي ود كرار
السلام والشوق والاشتياق
.
.
بصراحة والله غلبني ارد ليك
كلامك دا مكانو القلب جوة وبس
الله اديم المحبة البينا ياغالي
شكري وتقديري وتحياتي

Quote: سمعنا قالو عايز تعرس صحي والله صحي

عمي عبدالله
والله الشوق مطر

علا ات قتا لي (اللوبا موسما متين؟)

Quote: علا ات قتا لي (اللوبا موسما متين؟)

اللوبا أتنفخك اتا وطارق نقد
ومعاكم ايمن دياب
لابدين وين يا عولق ؟
عاين جاي
واحد معرس تلاتة
مرض
لازم عملية
المبلغ طلع كبير
العروس الصغيرة قالت للاتنين التانين يلا كل واحدة تدفع نصيبا من قروش العملية
الاولى قالت بري
التانية قالت كو
الثالثة مقرشة قالت ليهن انا بدفع لكن بشفرو هههههههههههههه
.
.
ادريس يا متعشي
لمتين انا ابيت القوى ؟