Post: #1
Title: غاريث بيل..وارغو الكرة الإسبانية..
Author: عمر الفاروق
Date: 10-27-2013, 08:12 AM
غاريث بيل لاعب موهوب تابعت مسيرته الكروية بحكم حبي ومتابعتي لفريق توتنغهام بالدوري الانجليزي ..
وأتذكر المباراة نقطة التحول في حياة غاريث بيل ضد إنتر ميلان ويومها سجل بيل ثلاثة أهداف في خمسة دقائق تقريبا وخسر توتنغهام 4-3 في مباراة كان مهزوم فيها 3-صفر..
تميز بيل مع توتنغهام في دوري العام الماضي وقاد الفريق للمركز الخامس خلف ارسنال وكان الفريق الاقرب للتمثيل في الشامبيونز لييق لحدي اخر جولة ..وساهم بيل بإحرازه لي 21 هدف تقريبا الموسم الفات مع توتنغهام..
اظهر بيل سرعة فائقة مع قوة في التسديد إضافة لقوة الإلتحام ..خصوصا عندما يلعب في الجهة اليسرى من الملعب كلاعب حر في تلك المنطقة من دفاعها ووسطها وهجومها..
ريال مدريد في محاولة لرد صفعة نيمار قرر يشتري غاريس بيل ..وبأي تمن لترضية وتسكيت الجمهور الريالي الغاضب..
خصوصا وإنو برشلونة قدم لي بيل العرض مرتين في 2010 و2011 تقريبا ..
ظفر الريال اخيرا بغاريث بيل في صفقة وصفت بالأعلى في التاريخ ..وكانت المشكلة في أين سيلعب بيل في وجود رونالدو ودي ماريا وأوزيل..
المكان والخانة الأساسية لي بيل هي في خانة رونالدو المستحدثة جديدا ( الطرف الأيسر) علماً بي إنو رونالدو بيلعب في مانشستر معظم الوقت إما على الطرف اليمين أو رأس الحربة ..
رونالدو بجبورته وقوة شخصيته ودلاله يبدو إنو رفض يلعب في أي خانة خلاف الطرف الأيسر كخانة أساسية .. تم توليف خانة لغاريث بيل في الطرف الأيمن وتمت التضحية بي أوزيل المتألق حالياً مع الأرسنال..
تم إشارك بيل في اربعة مباريات تقريباً لم يظهر فيها بيل أييي تمييز ولم يضع أي بصمة أو يطرح نفسه كنجم قادم وحتى الهدف اللي أحرزه كان هدف إستروبيا أي كلام..
غاريس بيل يشبه للحد البعيد الماسورة المريخية وارغو المتألق في كأس الأندية الإفريقية وهداف البطولة ولكن ما أن جاء المريخ إلا وصار أكبر ماسورة في تاريخ الكرة السودانية رغما عن قناعتي بموهبة وارغو ..
لو إستمر أنشلوتي في خوفه من الدون رونالدو وعدم وضع بيل في خانتهالأساسية فسيخسر الريال اللاعب ويخسر خانة ويخسر الأموال المصروفة وربما تنتهي مسيرة اللاعب ب إعارته لي بلد الوليد أو غرناطة ..
تخريمة :
لكن يا الحكم مااا بااالغت معانا ..بلينتي وكرت أحمر ..دي النعام ادم الله يرحمه لو حاكما كان حسبا..
|
Post: #2
Title: Re: غاريث بيل..وارغو الكرة الإسبانية..
Author: خالد عبد الله محمود
Date: 10-27-2013, 08:39 AM
Parent: #1
Quote: تخريمة :
لكن يا الحكم مااا بااالغت معانا ..بلينتي وكرت أحمر ..دي النعام ادم الله يرحمه لو حاكما كان حسبا.. |
الحكم ما أداكم ليها في مباراة ألتشي !!
عايزنو يخت ليكم في كشف الحنة و في كشف العرس !!! 
|
Post: #3
Title: Re: غاريث بيل..وارغو الكرة الإسبانية..
Author: حامد بدري
Date: 10-27-2013, 08:46 AM
Parent: #2
كاااااااااك كلو سنة وات طييب ياطييب
معاك الحكم صرف ضربة جزاء زي الشمش لي رونالدو وطرد ماسكيرانو لانو منع هدف
رايك شنو في تدخل بيبي مع فابريغاس بامانه اعاقه من الخلف تدخل على القدم طبعا فابريغاس ضهرو للحارس
|
Post: #4
Title: Re: غاريث بيل..وارغو الكرة الإسبانية..
Author: أبوذر بابكر
Date: 10-27-2013, 08:47 AM
Parent: #1
زماااااااااااان أنا قلت ليك يا عمر ووريتك
الريال مقبرة النجوم
كلامى ده بعد شويه حيبقوهو من المأثورات
حقو الزول يعمل ليهو كتاب اسمه
المأثورات فى ريال الماسورات
كنت داير احسب ليك النجوم الكانو متوهجين
وانطفو بعد جو مدريد
لكين اكيد انت عارفهم كلهم
وغاريث ده ما حيكون الأخير
وآخر السنة بذكرك الكلام ده
هسه الكم ومية مليون دى
كان اشترو بيها كم قطعة ارض فى الخرتوم
ما كان السنة الجاية جابت ليهم اضعاف
ملحوظة:
الريال اصلا ما فيه غير تلاتة
كاسياس
انخل دى ماريا
مسعود اوزيل
واوزيل فات بى ليلو
اوزيل فات يا حليلو
شوف ظبط ليك كورة المدفعجية كيف
|
Post: #5
Title: Re: غاريث بيل..وارغو الكرة الإسبانية..
Author: أبوذر بابكر
Date: 10-27-2013, 08:50 AM
Parent: #4
نسيت اقول ليك يا فاروق
غايتو روبن واسنايدر الله شاف ليهم من الدمار
مرقو بى ققدرة قادر
وشوف هسه قاعدين يعملو فى شنو
بى تحت تحت قالو
روبن كاتب فى حيطة البيت حقهم
رب ضارة نافعة
ههههههههههه
وآخر دعوانا
اللهم اعز برشلونة باحد العمرين
عمر الفاروق
أو
عمر احساس
ان شاء الله ربنا يهديك وتمرق من الضلال الفيهو ده
|
Post: #6
Title: Re: غاريث بيل..وارغو الكرة الإسبانية..
Author: صبري طه
Date: 10-27-2013, 08:57 AM
Parent: #1
Quote:
جمال الشريف: رونالدو يستحق ركلة جزاء، لكن البرسا يستحق واحدة أيضًا ..!
26/10/2013 8:42:00 م
لكن البرسا يستحق واحدة أيضًا
أكد الخبير التحكيمي في قناة الجزيرة الرياضية "جمال الشريف" أن فريق برشلونة يستحق الحصول على ركلة جزاء في الشوط الثاني وأيضًا ريال مدريد.
وكانت مباراة الكلاسيكو والتي أقيمت على ملعب الكامب نو لحساب الأسبوع العاشر من الليجا الإسبانية انتهت بفوز الفريق الكتلوني بهدفين مقابل هدف وحيد.
ومن خلال تحليله للحالات التحكيمية على قناة الجزيرة الرياضية قال الشريف "برشلونة يستحق الحصول على ركلة الجزاء في الدقيقة 52 لصالح سيسك فابريجاس بعد تدخل بيبي، كما أن ريال مدريد يستحق ركلة جزاء أيضًا لمصلحة كريستيانو رونالدو بعد أن دفعه ماسكيرانو".
وفي نهاية حديثه أكد جمال أن الكرة التي لمست يد ظهير أيسر برشلونة "أدريانو كوريا" داخل منطقة الجزاء كان قرار الحكم صحيحًا بعدم احستاب ركلة جزاء لأن أدريانو لم يكن متعمدًا في لمس الكرة.
|
أما فيما يختص بركلات الجزاء الواضحة أنقلك إلى ركلة أخرى في مُباراة سابقة
ــــ
فا شنو .. حقّو تعرّش على الأخطاء التحكيمية .. وسوء تقدير الحكم أو ضعف نظره أو انشغاله بتذكّر حبيبته وكدا
|
|