Post: #1
Title: من صفحة زوجة المعتقل المناضل أمجد فريد #
Author: زهير عثمان حمد
Date: 10-25-2013, 05:05 PM
بتاع الامن: وعليكم السلام ( قبل ما اسلم عليهو ) دايره شنو؟
دايره كتير لكن حسه جايه اسأل موضوع الاكل حصل فيو شنو.
بتاع الامن: قلنا ليك مانعننا من هناك نستلم اكل وهم بدوهم اكل احسن من اكلك ده.
أبداً ده كلام ما حاصل. حتى صباح العيد لما أخرتو الفطور هم قايلنكم اتأخرتو لانو قايلين خرفانكم الربطوها دي حتدوهم منها وشغل اللحمه كتير وفي النهايه جبتو ليهم فول بارد ! صح ولا ما صح؟؟
بتاع الامن (وش خجلان) ده الكلام العندي, عندك كلام امشي قولي ليهم هم. هُم منو؟
بتاع الامن: (وش بقولي انت بليده ولا شنو) تمام انت جزو من شغلك انك توصل رسائل للبقولو ليك استلم وما تستلم ديل؟
بتاع الامن: اها خير! ما فهمتك!
بتاع الامن: (وش ما فاضي فجاءه) ايي قولي. أقول! بتاع الامن: ايي قولي يا زوله! الاجراء ده اسمو شمارات صح!
بتاع الامن: اقول ليك حاجه؟ ماتضيعي زمنك معاي انا عبدالمأمور وانتي عارفه كده.
ايوا عارفه وكمان عارفه انك علي الاقل! ذي الشيطان الاخرص.يلا شوف انت غير السكات عملته شنو وايوا حاقول و حاقول لأسيادك الامرنك ديل قدر ما الخلقكم لينا إديني.والقصه لو قوّالات بالله قول ليهم اطلعو لينا الشارع عشان نقول ليهم الدايرنو و نسمّعم كويس.
|
Post: #2
Title: Re: من صفحة زوجة المعتقل المناضل أمجد فريد #
Author: باسط المكي
Date: 10-25-2013, 05:24 PM
Parent: #1
التحية لك ساندرا
والحرية لامجد ورفاقه المعتقلين
ولشعبنا مع الفجر الجديد الف موعد
|
|