المنبر و كدوس شبخ العرب

اولا
سأغني للفرح خلف اجفان العيون الخائفة
فلأن العاصفة
وعدتني بنبيذ
وبأنخاب جديدة
وبأقواس قوس قزح
شاعر فلسطيني
فمبروك العيد
وعام قادم ووطن حر ديمقراطي يسع الجميع

عطفا علي حكوة كدوس شيخ العرب
ينصرف بعضنا عن قضايا اساسية نحو قضايا اقل اهمية بحسن نية مفرطة

مثلا
ما شاع حول عمار عوض الجاز
البوست المنقول عن اصل القصة , لم يصل عدد مشاهداته ومشاركاته لذلك المفند لها ,, رغما عن تنادي الناس لمقاطعته

في خضم الحديث عن شهداء الوطن , والتوثيق لهم ظهرت فاطنة شاش
أنزوي الحديث عنهم وتراجعت بوستاتهم , وعليت فاطنة شاش
من تحدثوا عنها لاشك في غيرتهم , ولكنها غيرة مربوطة بالغيظ والحنق

احذر البوستات التي تناديك
فهي شرك
لتصرفك وتستنفد طاقتك
احذر البوستات التي تذكرك بنكتة انصاري السنة والانصاري

انتو الناس دي كدوسها منكسره فيهو قشة شيخ العرب !

جنس كدوسات وجنس قش
تدي ربك العجب

شيخ العرب بنضف في كدوسو بي قشة ,, في نضافتو ديك انكسرت قشة في ماسورة الكدوس ,, سج و لج غلبو يمرقا
وهو مشغول كيف يطلعو القشة دي والخرمة بدت تزيد , جاتو مرتو تبكي
مالك بتبكي ?
ابوي مات
قال ليها
اتي في ابوك المات ولا في كدوسي الانكسرت فيهو القشة

لك التحية اخي عبد الحفيظ
بوست مهم امل ان يمر عليه الكل

Quote: اتي في ابوك المات ولا في كدوسي الانكسرت فيهو القشة

دعك من البورد ككل في ناس بتطبق النظرية دي في البوست الواحد
كدوس شيخ العرب موجود في كل مكان خلينا نتعامل معاهو كواقع او قل قدر وخلينا نستمتع بالقدر

لعلك يا "حكيم"
تتكرم على الجميع
وتقوم بالفعل بعد التنبيه الحكيم الذي بذلته
برصد البوستات التي لا تكون إنصرافية
وليست كمثل قشة شيخ العرب
في هذا البوست


هذا ولك كامل
محبتي واحترامي

شخصياً أثمن كل بوستاتك
وأتمنى أن تبقى عالياً
وتحظى بالقراءة من الجميع
لما فيها من فائدة جمة
وحسن عرض

سلمت

مرحبا بلة
وحبابك
أتمني لو كنت حكيما بأي معنا من المعاني ,, وكلمة إنصرافية كلمة متعدية علي الآخرين ولن اقصدها ,,ولكن الامر تراتيبي فقط ,, فكدوس شيخ العرب بالنسبة له أولية قصوي ,, كما ان فداحة فقد والد زوجته أولية لها
ولست مؤهلا أكثر من قارئ لأحدد
كامل الود

مرحبا العربي
وحبابك
قال الفيتوري
صدقني يا ياقوت
الأعظم من قدر الانسان
هو الانسان
كامل الود

دفعتي وصديقي أب سن
ثبات عقلي ودرقتي وسيفي
تعرف نحن (كسودانيين) عندنا مشكلة عويصة جداً
وتتخلص في إنو نحن بتاعين مغالطة
الواحد ممكن يمسك ليك حاجة صغيرة جداً ويقعد يلاويك فيها لا حولو
لحدي ما تقول الرووووب
بس عشان يقول أنا انتصرت


تحياتي مثنى وثلاث ورباع

Quote: أتمني لو كنت حكيما بأي معنا من المعاني ,, وكلمة إنصرافية كلمة متعدية علي الآخرين ولن اقصدها ,,ولكن الامر تراتيبي فقط ,, فكدوس شيخ العرب بالنسبة له أولية قصوي ,, كما ان فداحة فقد والد زوجته أولية لها ولست مؤهلا أكثر من قارئ لأحدد

شكرا لوهاطة النَّفس....

Quote: وتتخلص في إنو نحن بتاعين مغالطة الواحد ممكن يمسك ليك حاجة صغيرة جداً ويقعد يلاويك فيها لا حولو لحدي ما تقول الرووووب بس عشان يقول أنا انتصرت

كدوس شيخ العرب
لكن القشة دي عيل كان القشة أم روح.......!

بمناسبة الكدوس .....كنت يا ود أبوسن أحب الوقوف عند حافة الخيران
عند وقت الغروب وانا استمتع بالوزين أبو كدوس وهو يسبح ويلاعب المياه
محبتي

تحية
و
فوق
لحين
ميسرة

تعرف يا ود اب سن،،الناس في ما يعشقون مذاهب..
والله انا ما عارف قاصد شنو,,
لكن عندنا صديقنا مدرس،،اسع مفتش تعليم..
لا يفارقه الرادي ابدا،،ومتخصص فيها وجودتها..
يعرف مواقع المحطات في الليل البهيم،،
لا تمل انامله ابدا عن تحريك الموشر،
لندن،،مونت كارلو،،صوت امريكا،روسيا العرب
النشرات،،
ولكنه لا يتم الخبر ابدا..
سقطت طا.....حول
وقع زلز...حول
قتل ....حول
ابوه قال ليهو ياولدي الخبر البخليك تتمو شنو...
قال ليهو،،،والله يابا انا جقلبتي دي كلها منتظرن اذيعو القيامة..
وهكذا يا صديقي..
قربت تنتهي رحلة العمر..
والخيل قد تعبت..
لم يعد مجديا ان تلهب ظهرها بالسياط
وطن علي الغلب قلبك ياقلق الروح
وطن علي القلب قلبك..
رغم ان مرسيل يغنيني الان...
ولان العاصفة ،،وعدتني.....

حبابك بدر يا دفعة
الملاواة والمعافرة في الكلام ماها سمحة , وحكاية الزول يلاويك لامن تقول الروب ماها سمحة , وفي ناس إنت وهو راس بطاوعك وعليك امان الله من تبقوا وسط الناس يلحس كلامو معاك وينكرك تب
اهلنا بقولو
اخوك كان رميتو قوم منو
وكتان الزول عرف الصاح وظهر من نضميهو ما تطلع زيتو ياخ

مرحبا العبيد
النفس دي كان ما عفصا سيدا بعفصوها ليهو الناس
النيل الابيض علي بعد دقايق من بيتي او كما يقولون قاب قوسين او ادني ,, ولا كما قال الغناي مسافة تشتهي الروح شهيق
علا ######ان ###### شديد ,, وريحتو عفنة ومليان قشة البحر العاملة مشكلة للملاحة النهرية ,, وليها قانون , لو لقوك شايلها بتتحاكم ,, وقريت دراسة قبل كدة بقولو ممكن يستفيديو منها في الطاقة ,, لكنها بقت مجرد دراسة , الحكومة مشغولة بحاجات اهم ! كيف تخضع وتقهر المواطن وكيف تقلع قروشو

مرحبا يا عبدالعزيز
وحبابك
إن عشقت أعشق قمر
وإن سرقت اسرق جمل
ومادروا يا صاحبي ان البعض كقول الشاعر
تصدق
في واحد
بيسرق ولاية
وده اصل الحكاية وضروري النضال
وفعلا الناس فيما يحبون مذاهب ,, وخير المذاهب ما دفعت بالحركة الثورية ودفعت بحركة الوعي الانساني للامام وقفزت بها من فوهة اللامبالاة وتغبيش الوعي ,, والانجرار وراء المتعة الذهنية المجردة وارضاءا لرغبات الطفولة

ود أبوسن أخوي
تحياتي
لا تتوقف أبدا والكل في حالة أستماع
لك كل الود

Quote: ابوه قال ليهو ياولدي الخبر البخليك تتمو شنو... قال ليهو،،،والله يابا انا جقلبتي دي كلها منتظرن اذيعو القيامة..

حبابك زهير اخوي
وسعيد بتواجدك هنا
طيب ياخ ساعدونا بالصفقة فالحديث ذو شجون ويجر بعضه بعضا ويدعمه

من الفيس بوك
آمال حسن
ألف مرحب ياخية
مداخلة جيدة ومحترمة
وآت ذ بوينت
بجيكي صاد

سلام آمال حسن
حبابك يا خية
قال حميد
هردت لهاتي بالغنوات
وقت يبرد حشاك يا مي
من التعب البلا صالح
تفيقي
تروقي
تنجمي
تسوي مكانسك المطرة
تدخلي البيت وتنحمي
تمرقي صبوحة للجيران
قدح فوق إيد
وف إيد ألمي
تحية وعذرا للاستطراد في القصيدة والتي همني منها نصفها , ولكنها تنغرس في كما النصل المسوم في جسدي ,, تطربني وتحزنني ولي اسبابي الخاصة من حميمية الخطاب وقوة المعني العام ,,, رحم الله امي فاطنة بت حليمة
ما داير افترض طهرانية ثورية , ولا ترفع اخلاقي زائف ,, ولا إدعاء تفوق فكري ولا سلوكي ,, لكن ما يدور كثيرا يعجز فهمي القاصر وتصوري لهذا الموقع المقروء من كثير من الناس
تحول البوستات نحو الشخوص مابين قادح ومادح ,, وسألت في اكثر من وبصيغ مختلفة
لماذا نكتب
هل قدم المنتدي رسالة ألقت حجرا في بركة السكون
بلا شك للمنتدي دوره الرائد الذي يحفظ له في الوعي والاستنارة وكشف الفساد ,,
ولاشك في حرفية البعض العالية في الكتابة لغة ومضمونا
ولكن
ولكن هذه تحتاج لحوار بذهن مفتوح دون سؤ نية او قصد مسبق
من يكتبون هنا يتمتعون بقدر لا يستهان به من المعرفة أيا كانت ,,
ولكن

آمال حسن
حبابك يا خية
بفرح بيك والله وبي كتاباتك ,, والرد عليك ولا علي الناس البتكلف نفسها تكتب تحت ,, فرض عين ,, لا كتر خيري ولا بارك الله فيني ,, فأنتم من تستحقون الشكر لتكبد عناء الكتابة
النقد من اجل التقويم والنقد الذاتي مهمة محفوفة بالمخاطر والتعدي عليك ,, فحتي تصليح إملاء كلمة يجر علي المصلح وبالا ,, دعك من غيرها , ولكن لا سبيل غيره
نقول رأينا ككتاب ومتابعين أي كقراء وليس حكماء او قضاة ,
لكن
بالجد
لكن