تحليل خطاب البشير .. هل هو خطاب مودع؟

ملامح وجه البشير دائماً تعكس ما بداخله، ويظهر الغضب والفرح الطفولي في وجهه
واليوم لا يظهر عليه غير الحــــزن، حزن شديد وعبوس بائن، لأنه إنما ينعى ملكه
ويبكي كالنساء ملكاً لم يصنه كالرجال

أغلب الخطاب كان عن الحج والتعلق بأستار الكعبة
لم يحدثنا ـ كما كل خطباء المساجد ـ عن قصة الفداء ومواعظها
ولم يتحدث ـ ككل السياسيين ـ عن خطة الفترة القادمة ـ غض النظر عن المناسبة ـ فلا
حديث عن عفو وصفح عن "المخربين" و "شذاذ الآفاق"، ولا حديث مخدر عن الوضع
الإقتصادي ولا حتى عن تشكيل وزاري .. بل حديث عن الزهد في كل شيء

جاء في حديثه:
ـ كعبة مشرفة تلــــوذ بها الأرواح
ـ حديث عن التقوى ـ ذكرها مرات عديدة متقاربة ـ يقصد: "ومن يتق الله يجعل له مخـــرجا"
ـ قطع لعلائق القلب عما سواه تعالى ...... وأن نفوض أمورنا كلها إلى الله سبحانه وتعالى
ونعتقد أن الأمر كله لله .. والمـــــلك بيد الله (بدون مناسبة)
ـ واجب علينا ........ وأن نتمثل أسلافنا ذوي القلوب الكبيرة والشجاعة المملوءة (لعله يقصد عبود)
في التنحي السهل و (سوار الذهب) بالإستجابة
ثم ....
أبقوا عشرة على الهوية الإسلامــية

وهل ترك هوية
غير هوية العبط والسفه والدم
يوصي بها؟!؟!؟



إلى جهنم وبئس المصير
بحق من ذهبت إلى محله المبارك


آمين




تحياتي واحترامي

كل عام وانتم بخير اخوتي ...

لاسعيآ ولا لبيك وما زلنا نتضرع للحق عز واجل بان يرينا في عمر البشير واعوانه ومن والاه عجائب قدرته .

شعر سعد عبد القادر العاقب سعيد

سافك دم
وماكلْ سُحْت
وجايِّي تحجْ؟
ذنوبك تلحقك وسط الحجيج وتفجْ
لا لبيك ولا سعديكْ
حجار الكعبة تلعن فيكْ
وكلْ طايفْ ملبي الليلة يدعو عليكْ
وكيف داير تطوف بالبيتْ
ودم شهدانا لا زال جاري بين ايديكْ

Quote: ـ كعبة مشرفة تلــــوذ بها الأرواح ـ حديث عن التقوى ـ ذكرها مرات عديدة متقاربة ـ يقصد: "ومن يتق الله يجعل له مخـــرجا" ـ قطع لعلائق القلب عما سواه تعالى ...... وأن نفوض أمورنا كلها إلى الله سبحانه وتعالى ونعتقد أن الأمر كله لله .. والمـــــلك بيد الله (بدون مناسبة) ـ واجب علينا ........ وأن نتمثل أسلافنا ذوي القلوب الكبيرة والشجاعة المملوءة (لعله يقصد عبود) في التنحي السهل و (سوار الذهب) بالإستجابة ثم .... أبقوا عشرة على الهوية الإسلامــية

ياخي عمك ده ما عميق للدرجة دي...

انت ما شفت الدراب بتاعو لمن يتكلم بما يفكر فيه

الكلمة رصينة وماب تشبه الخرمجة الزمان بنسمعها مثال.( تحت جزمتي- وبلوها واشربوها , والزرعنا اليجي يقلعنا ,ثم الخاتمة الهوت دوق)

وكت أصلو في كوز ممكن يكتب كلمة زي دي من زمان فاكين فينا الدراب داك ليه؟!والآ دا تلميع لأبو لمعة !

بالرغم من أن الكلمة مفعمة بالإيمان في ناحية و وضمائرهم في برازخ بعيدة عن الإيمان والتقوى !

يبدو ان المسألة غشغيش للشعب الصابر وممكون ! ما حنقول غشغيش لله لأن الله عالم بكل شيئ !
ويمهل ولا يهمل !!
وبعدين يا ريت في الهوشة الايمانية دي يطلق سراح الوليدات من بيوت الأشباح يخليهم يعيدوا مع أهلهم الكبدهم اتفطر !
تخريمة:
من قال إنها خطبة وداع ما يعشم !! لأن الزول مكنكش والكنكشة ظهرت في اللمز الذى ختم بيه الخطاب!

والله يكضب الشينة.

سؤال :

ما قلتوا الزول دا في الحج ! يعني قطعوا ليه الحجة ورحلوهو تاني ولا شنو ؟؟!

ثورة ثورة حتي النصر.
ست البنات.

لاسعيآ ولا لبيك وما زلنا نتضرع للحق عز واجل بان يرينا في عمر البشير واعوانه ومن والاه عجائب قدرته .

شعر سعد عبد القادر العاقب سعيد

سافك دم
وماكلْ سُحْت
وجايِّي تحجْ؟
ذنوبك تلحقك وسط الحجيج وتفجْ
لا لبيك ولا سعديكْ
حجار الكعبة تلعن فيكْ
وكلْ طايفْ ملبي الليلة يدعو عليكْ
وكيف داير تطوف بالبيتْ
ودم شهدانا لا زال جاري بين ايديكْ

هو الزول دا كمان عندو افكار لي هناك؛
ياخ دا محدود، وامكانياتو الفكرية اقل من عادية،
ضحل ضحالة السنين،
سبابو قريب، واخلاقو نتشة
يرغى ويزبد في الفاضي؛
والقصر دا زاتو ودوهوا ليهو،
ولكنه استطاب المكوثا، على ارتال الشهداء،
وتجزئة الوطن، حوله الفساد وفوقه، وجنبه،
وهو ذاتو غرقان لشوشته،
الزول حسابو عند الشعب السوداني عسير؛