Post: #1
Title: تلاته رغيفات بجنيه من الان دا كلام ...دأ
Author: زهير عثمان حمد
Date: 10-08-2013, 02:03 PM
#
يعني دي حرب ضدنا عديل كدا والله أنا كنت من أكبر المشترين للرغيف في وجبة الفطور عشان البوش يا شباب وطبعا كل الغلابه كانوا عارفين أنو الرغيف وزنها نقص من ماية وخمسه جرام لسبعين جرام قالنا ياخي ماشي معليش في النهاية أربعه رغيفات زي ناس الهضيبي ممكن يشبع من الاربعه ديل لكين زي مولانا والعبد لله عايز الواحد تمانية عيشات المهم
اليوم في حالة من حالات الاذي الانساني الواضح للمساكين أمثالنا من أبناء شعب السودان وعدم الشعور بي معاناتنا نحن اللي ما بناكل غير البوش في الفطور وفتة العدس في الغدا نشوي شنو بس
*قاموأ عملوا تلاتة رغيفات بجنيه
جد غضبانيين
*أشوف فيكم يا بشير والي الخرتوم برانا حالتنا متاخرة يعني خلاص بعدم الاكل كمان نموت والله بنموت ليكم أصلو بس كدا
وح نرجع الاربعه رغيفات بجنيه وعينك تشوف يا وهم !!!!!!
دي عالم جشعه جدا مرضونا شديد !
|
Post: #2
Title: Re: تلاته رغيفات بجنيه من الان دا كلام ...دأ
Author: زهير عثمان حمد
Date: 10-08-2013, 02:15 PM
Parent: #1
أتحاد المخابز يعلن التسعيرة الجديدة للخبر وذلك لإرتفاع المواد المستخدمة في صناعة الخبز حيث بلغ سعر أنبوبة الغاز كبيرة الحجم 1560 جنيهاً بدلاً عن 760 جنيهاً فيما شهدت أسعار الخميرة إرتفاعاً غير مسبوق وكذلك أسعار (الأكياس) التي تستخدم في التعبئة هذا بالإضافة لتذبذب أسعار الدقيق . وكان والى الخرطوم قد اكد قبل ايام ثبات اسعار الخبز ووزنه وكلف لجنة برئاسة وزير مالية الولاية بالطواف على المخابز العاملة بالخرطوم للتأكد من التزامها بالسعر والوزن المحدد من قبل السلطات . واكد اتحاد المخابز بولاية الخرطوم الشهر الماضى وقبل قرارات الحكومة برفع اسعار الوقود والسلع والخدمات استحالة التزامهم بوزن (70) جرام لقطعة لقطعة الخبز الواحدة نتيجة لتكلفة التشغيل والانتاج المتزايدة وقال ان الحكومة اذا الزمتهم بذلك سيضطر ثلثى مخابز الولاية الى الاغلاق . وارتفعت اغلب السلع والخدمات بشكل جنونى قبل وبعد قرارات الحكومة الاقتصادية التى اصدرتها نهاية سبتمبر الماضى وقضت برفع اسعار الوقود .
|
Post: #3
Title: Re: تلاته رغيفات بجنيه من الان دا كلام ...دأ
Author: مني عمسيب
Date: 10-08-2013, 02:19 PM
Parent: #2
تحياتي ليك \ الاخ زهير
ده كلام ده؟
ايها المتضرر!!!!
فماذا انتم فاعلون ؟
|
Post: #4
Title: Re: تلاته رغيفات بجنيه من الان دا كلام ...دأ
Author: زهير عثمان حمد
Date: 10-08-2013, 02:51 PM
Parent: #3
الاخت بت عمسيب
تحيتي
لوكي الصبر بنظم في الصفوف طالعين بكرة الشارع من تصبح
|
Post: #5
Title: Re: تلاته رغيفات بجنيه من الان دا كلام ...دأ
Author: باسط المكي
Date: 10-08-2013, 02:56 PM
Parent: #4
عup
|
Post: #6
Title: Re: تلاته رغيفات بجنيه من الان دا كلام ...دأ
Author: ناصر حسين محمد
Date: 10-08-2013, 03:43 PM
Parent: #5
فوووووق
كلام ده ما ينزل تحت
|
Post: #7
Title: Re: تلاته رغيفات بجنيه من الان دا كلام ...دأ
Author: زهير عثمان حمد
Date: 10-08-2013, 09:08 PM
Parent: #6
قالوا التنفيذ لقرار زيادة سعر الرغيف بعد العيد
عشان يمتصوا الاحتقان قالوا بالله شوف الناس ديل
|
Post: #8
Title: Re: تلاته رغيفات بجنيه من الان دا كلام ...دأ
Author: nour tawir
Date: 10-08-2013, 09:45 PM
Parent: #7
يمشوا الطآبونه يآخدوا صورة مع الرغيف ويرجعوا..
|
|