لعناية تاج السر الملك!

سلام يا ملك
و كل سبتمبر و أنتم و البني كجة بألف خير،
إتزكرتك و أنا بقرا الكلام دا في الفيسبوك
أنقله كما هو دون أي تتش:


أفتخر بأنك سوداني :
نحن السودانيون اول من استخدم:-
السفنجة كأداة للقتال..
علبة الكريم كمستودع للتمباك..
راس البيت كمخزن..
لستك العربية كحامل للطشت
علبة الصلصة كوز مزيرة..
واغطية الحلل دركسون عربية عند الشفع..
ترس العجلة برضو لكسير التلج..
نحن اول شعب يفتفت بسكويت بركة والطحنية فوق الفول
واول شعب يستخدم موس الحلاقة عشان يبري قلم الرصاص
وصناديق الببسي للجلوس جنب الدكان
وبرضو أستخدمنا الشراب لعمل كورة
ما تنسى نحنا اول شعب استخدم الروث فى لياسة المنازل والسقف ...
نحنا اول شعب ياكل الرز بالكستر .
أول شعب يستخدم القنا عراضات مرمى
أول شعب يستخدم انبوبة العجل لُبادات
(2)
نحن اول شعب ينشف اللحمه ( شرموط )
نحن اول شعب ينشف السمك ( كجيك )
نحن اول شعب ياكل السمك بعد ما يعفن وريحتو تملا البلد ( ملوحه (
نحن اول شعب ينشف الباميه ( ويكه (
نحن اول شعب ينشف البصل
نحن اول شعب ينشف الطماطم
نحن اول شعب ينشف الرغيف
نحن اول شعب ينشف خزاين الدوله من الموااااااااااااااارد
نسيت بلى الفريت ؟
نحن اول و آخر شعب يستخدم اغطيه زجاجات المشروبات للعب البلى
(3)
وما تنسى غطا علبة الصلصة الصغيرة نعمل بيهو "قرقور"
أول شعب يعمل من كرت الاسكراتشات (خاصة كرت سوداني) قرقريبه للعواسه
يا خي الااخترع الابريه دا ما هين كلو كلو
والله أنا محتار زيك في أول واحد زرع ونشف ودقق وخمر وخلط توابل وعاس عشان يطلع منو عصير؟!!
وأول شعب إستخدم قزاز البيبسي في هرس الفول.. بل قل أول شعب أكل الفول أصلا
والشعب الوحيد الذي (يرفع) الفاتحة..
وبمعني ادق الشعب الوحيد الذي يجد صاحب العزاء نفسه مضطرا عند موت قريبه ان يرفع يديه وينزلهما حوالي 3534 مرة علي التوالي
و الشعب الوحيد لمن يضحك يقول استغفر الله
اول شعب استعمل صفق الجوافة كدواء للكحة والحساسية
و نحن الشعب الوحيد
البنقول للزول ما تتكلم ساكت
كيف يتكلم وهو ساكت ؟؟؟!!!!
الشعب الوحيد الكل واحد عايز الحافلة تنزلو قدام بيتهم

(4)

عندنا حاجات متفردة ممكن تبقي علامات تجارية :-
الابريه
القونقليز
الكركديه
القضيم
العرديب
المحريب
القرض
دي كلها ممكن تكون في BAGS
زي الليبتون :صحيح في تجربة كركدي بس ما لقت ترويج ودعاية بش منافس
تعريجة :
القرشي استشهد في حكم عبود .. و اand#65275;تنين الآن عاملين ليهم حدايق !!!
رئيس اتحاد العمال السودانيين ما عامل و رئيس اتحاد الطand#65276;ب ما طالب !

و شارع الحرية بنتهي في منطقة السجانة
ونحن الشعب الوحيد البشتري علبة المربى عشان يغسلها ويخت فيها بهارات
باختصار نحن شعب حلو ومتنافض
ونحن الشعب الوحيد العندنا ابو ادم مع انه ادم ما عنده ابو !!.

شكرا ليك يا معز

اليومين دي برضو عندنا قروب شغال في الاتجاه ده هههههه ساحاول نقل بعص مساجلاته هنا
خرافية شديد في تقصي ارثنا الشفاهي وارثنا في مجموعه الشامل
شكرا لك مرة ثانية