Post: #1
Title: ماذا ان فعلها المشير
Author: عمر عثمان عبد الوهاب
Date: 10-02-2013, 07:41 AM
يطل علينا ليعلن تنحيه عن الحكم وايها المواطنون
الاحرار اعلن تنحي عن الحكم علي ان تكون هناك فترة
انتقالية يقوم بتسيير امور البلاد السيد00
وزير الدفاع؟؟؟ مافي امل
طيب منو مع موجة التخوين الحايمه اليومين دي؟؟
البشير ووزراؤه وامنه وشرطته خونه
الصادق وبطانته والميرغني وهيلمانته والترابي وحيرانه خونه
مجموعة ال 31 خونه
قناة الجزيره خائنه
حتي المسيكين ود حسب الدايم في كلمتين قالهم
طلعتوهو اسماعيل حسب التايم ومسحتو بي كرامة اهلو
الواطه وشلتو حالو
الوحيد الذي لم يرد اسمه السيد فاروق ابوعيسي
هل ياتري هو الرئيس القادم؟؟ليه لا؟ نجرب
والله انا بفكر في سوار الذهب مع انو عسكري لكن
نوعا ما نضيف ووطني غيور0 وعملها قبل كده يعني
خبره0وفي النهايةموعودون بعسكري0 فلن يدخل القصر
بروف او دكتور ماحيينا0
في فئة ليست بالقليله من الشعب السوداني لاهم كيزان
مطلقا ولاهم معارضه مطلقا0 يعني بين وبين ومترددين
لكن يميلون لتاييد البشير والانقاذ0 والاغرب ان الثوار
والخارجين في المظاهرات لم يوثقو رجل امن او شرطه يوجه
سلاحة ليردي احدالذين سقطو علما بانهم كلهم يحملون موبايلات
وتراهم يتحدثون مباشرة واثناء تظاهرهم0
لحظة اعلان تنحي البشير علي ساكني العاصمة المثلثه وماجاورها التوجة
الي منطقة جنوب جبل اولياء والتمترس للزود عن حدود السودان
الجنوبيه الجديده0
ومن بقي منهم داخلها تشكيل لجان وتامين العاصمة من الفوضي
والتفلت
|
Post: #2
Title: Re: ماذا ان فعلها المشير
Author: عمر عثمان عبد الوهاب
Date: 10-02-2013, 08:42 AM
Parent: #1
ابكي علي وطني عندما اري شاب زي الورد يسقط
مدرج بدمائه مامعروف الجهة التي قامت بقتله
الحكومه تقول ماانا0 بل مندسين
المندسين يقولو الحكومه
ناس يقولو ليك زول لابس سروال وعراقي
شايل بندقية بي منظار من شباك العماره ديك
اضحك علي ست شاي كل يوم بتترزق الله تحت النيمه
تبيع شاييها0 حلقت عليها مظاهره تهتف بموت البشير ومضت لقت روحه
لابنابر لاكفتيره شاي لاكبابي لا كيس لبن0
انتم اليوم امام رجل جعلي0 والجعليين خابرنهم فيهم مافيهم من الحماقه
والعكلته0 يعني تطبطب عليهو وكم كلمه طيبة يسلمك الحكومه ورقبتو0
تجيهو بالعافية يسل روحك0
والانقاذ ورجالاته مكابر من انكر انهم انجزو الكثير الكثير
وقفزوا بالبلاد قفزات مقدرة وفي كافة المناحي0
عايزين يمشو وهم مطمئنين
|
Post: #3
Title: Re: ماذا ان فعلها المشير
Author: رأفت ميلاد
Date: 10-02-2013, 08:49 AM
Parent: #2
سلامات يا عمر عثمان
إذا خرج البشير متنحياً ستكون خاتمة خطابه طلقة أنتحارية من مسدسه .. ذلك الخيار الوحيد له لينفد بجلده مما ينتظره
|
Post: #4
Title: Re: ماذا ان فعلها المشير
Author: عمر عثمان عبد الوهاب
Date: 10-02-2013, 09:23 AM
Parent: #3
حبابك رافت
ماللدرجة دي ياللخو
الرجل عمل واخلص وانجز في كثير من النواحي
هذه الحكومه وبكل مسالبهاهي من اقوي الحكومات
التي مرت علي السودان ومنذ استقلاله
فان اجمع الشعب علي استبدالها فالتكن بطريقة
سلسله ومرنه وحضاريه وتشبهنا كسودانيين
يعني يامعارضه شوفو لينا حل وسط
|
Post: #5
Title: Re: ماذا ان فعلها المشير
Author: رأفت ميلاد
Date: 10-02-2013, 09:51 AM
Parent: #4
سلامات تانى يا عمر عثمان
Quote: حبابك رافت
ماللدرجة دي ياللخو
الرجل عمل واخلص وانجز في كثير من النواحي
هذه الحكومه وبكل مسالبهاهي من اقوي الحكومات
التي مرت علي السودان ومنذ استقلاله
فان اجمع الشعب علي استبدالها فالتكن بطريقة
سلسله ومرنه وحضاريه وتشبهنا كسودانيين
يعني يامعارضه شوفو لينا حل وسط |
حل وسط كيف يا ود عثمان .. مافى لون بين الأسود والأبيض ..الأغبش يا أسود مسهوك أو أبيض ######ان
هؤلاء الناس وصلوا الحكم بلا تفويض من الدبابة الى الخج .. جل أنجازهم زرع التفرقة والقتل والأرهاب .. وعمر البشير يده ملطخة بالدماء ومطلوب قى الداخل والخارج
لم تكن هناك حكومة فى يوم من الأيام .. هم عصبة أستولت على الحكم وتمددت كروشهم غنى وأفتقر الشعب كل يوم أكثر من الذى قبله
طلقة على رأسه تساوى أكثر من قيمته كأنسان
|
Post: #7
Title: Re: ماذا ان فعلها المشير
Author: محمد حمزة الحسين
Date: 10-02-2013, 12:04 PM
Parent: #4
Quote:
لحظة اعلان تنحي البشير علي ساكني العاصمة المثلثه وماجاورها التوجة
الي منطقة جنوب جبل اولياء والتمترس للزود عن حدود السودان
الجنوبيه الجديده0 |
شكراً شيخى الشامي الحبر عبد الوهاب
فقد استعدة توازنك الايام الاخيرة دى ما عرفتك شايت ويييين
الاشجار تموت واقفة يا شيخ الحبر
:
:
:
:
مع التحيات لله الزاكيات
|
Post: #6
Title: Re: ماذا ان فعلها المشير
Author: العربي إبراهيم العربي
Date: 10-02-2013, 10:31 AM
Parent: #2
(ابكي علي وطني عندما اري شاب زي الورد يسقط
مدرج بدمائه مامعروف الجهة التي قامت بقتله
الحكومه تقول ماانا0 بل مندسين
المندسين يقولو الحكومه)
مع كامل احترامي للاراء الانت طرحتها بس اسمح لي اقول ليك الكلام الفوق دا فية استفزاز لاهل الضحاية !!!!
خلينا من الحكومة او المندسين كما اسميتهم انت.... انت رايك شنو مين القتل الشباب الذي الورد ديل ؟؟؟؟
ولماذا تضحك علي ست الشاي ؟؟؟
المفروض تتضامن معاها في محنتها علي الاقل بدل الضحك عليها
طيب انت فرقك شنو من الحكومة الخلت نساء كثيرات يبعن الشاي ؟
وفرقك شنو من المندسين الكسرو البنابر بتاعت ست الشاي؟
انا شخصيا بتعامل مع عمر البشير علي انو سوداني وفرض نفسوا في العمل العام خلينا من قبيلتوا شنوا !!!! وممكن يعمل شنوا عشان هو من قبيلة شنوا؟؟؟؟
اخيرا وليس اخراً انت عاوز البشير يفعلها ليه طالما انت شايف حكومتوا انجزت وقفزت بالبلاد قفزات .......
ولك الود كله
|
Post: #8
Title: Re: ماذا ان فعلها المشير
Author: عمر عثمان عبد الوهاب
Date: 10-02-2013, 02:26 PM
Parent: #6
محمد حمزه كيفنك
عبدالمنعم الطاهر هو من افرازات الانقاذ ومن
الذين اتو بالسلام وبجون قرنق الي الخرطوم رافعا
الرايه البيضاء طالبا السلام0 والسلام الذي نعيشة اليوم ماهو
الا نتاج بطولة هؤلاء الرجال الذين ضحو باراواحهم رخيصة فداءا للوطن0
واما انا شايت وين دي قلتها من قبل0
هنالك شريحة كبيرة في الشعب السوداني لاهم بكيزان
ولا هم بمعارضه ويزدادون يوما بعد يوم0 فالشعب لدغ من قبل اكثر من مرة0
مظاهرات ومسيل دموع وكبع ولبع وسجون ياتي التغيير اذ هو من السيء الي الاسوأ0
لا والمره دي جابت ليها بنادق تصورك وتفقع مابين عينيك0
وبيني وبينك البشير يكتسب شعبية يوما بعد يوم لعدم قناعة الشعب
بهذه المعارضه الهشه والتي تشابه لحد كبير ماقبلها0
فاختارو البشير عن الفوضي التي ستعم البلاد 0
اما شيخ الحبر فوالله لا اعرفه0
لك ودي ومشكور
|
|