Post: #1 Title: السودانيون بكالقيري يحتفلون بعيد الفطر المبارك Author: بثينة تروس Date: 08-18-2012, 09:15 AM Parent: #0
التهنئة بعيد سعيد، مع الأمنيات بعام خير ننعم فيه بسودان حر وديمقراطي معافى..
أسوأ ما فعل هذا النظام، هو سياسة فرق تسد، وذلك بازكاء نار القبلية والجهوية البغيضة.. فلنهزم هذا النظام بالحرص على وحدتنا كسودايين في المنشط والمكره.. الدعوة أدناه لجميع السودانيين بالمدينة لحضور الحفل الغنائي في أمسية أول أيام العيد الأحد 19 أغسطس 2012..
بثينه تروس
Post: #2 Title: Re: السودانيون بكالقيري يحتفلون بعيد الفطر المبارك Author: عبدالله عثمان Date: 08-18-2012, 09:47 AM Parent: #1
مبروك العيد ومبروك العضوية أهو البورد نوّر بالحبايب كدي ادينا طلة في الصالون كتبنا عن "قلة الجرذان" عيد سعيد كالقري حديد
Post: #3 Title: Re: السودانيون بكالقيري يحتفلون بعيد الفطر المبارك Author: Yasir Elsharif Date: 08-18-2012, 09:51 AM Parent: #1
سلام يا بثينة
ألف مرحب بك مشاركة جديدة في سودانيز أونلاين..
وكل عام وأنتم بخير يا ناس كالغري.. سعدنا بمتابعة مظاهرات كالغري وشاهدنا الصور والفيديوهات من النصري أمين.
العزيز عبد الله عثمان شكرا بترحيبكم الذى يفوح منه عطر المحبة ورياحين العيد,وصادى ليك فى الصالون بس كترت على (الجبهات) بالطبع المسالمه
ياسر الشريف شيخى فى المنابر الحره,اتمنى ان يطالنى من نورك بريق.
مرتضى جعفر متشكرين ياسيدى على الترحيب,لكن كيف أدخل القش واحدث جلبة وانتم أسياده وخير أهله. لقد قبلت عضوية المنبر بدعوة كريمة أعتبرتها تشريف لا أرفضه من سيد الحوش العزيز بكرى أبوبكر.والذى أستمعت بملاقاته فى الأيام الفاتت بمدينتنا كاللقيرى و بقضاء وقت معه بالرغم من قصره, الا أنه عميق, عمق التوفيق والنجاح الذى حققه ومازال يحققه هذا المنبر. عيدكم سعيد وأن شاء يعود علينا ونحن نرقص أبتهاجا برحيل طغمة الهوس الدينى من صدر موطنى.
العزيز الفاضل سبيل عيدكم سعيد ومتشكرين على الترحيب اللطيف وربنا يجعله عام خير على اهلنا الطيبين فى السودان وعلى كل سودانى مهموم بقضايا وطنه الجريح بثينة تروس
Post: #8 Title: Re: السودانيون بكالقيري يحتفلون بعيد الفطر المبارك Author: سلمى الشيخ سلامة Date: 08-18-2012, 03:40 PM Parent: #6
يا بثينة السمحة وما هينة ازيك يا ام فاطمة الجميلة اتمنى انك بخير واسرتك بخير سعيدة بشوفتك رسلى تلفونك فى الخاص تحياتى
بثينة..حبابك يا صديقة كل سنة و الجميع بخير و عافية..
مرحب بيك في جمهورية سودانيز اونلاين..
كبر
Post: #12 Title: Re: السودانيون بكالقيري يحتفلون بعيد الفطر المبارك Author: بثينة تروس Date: 08-19-2012, 00:06 AM Parent: #11
الصديق العزيز كبر شكرا على الترحيب وعام سعيد على الجميع,وكل امانينا هذا العام بعام خير ينعم فيه أنسان السودان الحبيب بعيش كريم وموفور الكرامة فى ظل دستور ديمقراطى يسع كل أبناءه فى الهامش والمركز بثينة تروس
Post: #13 Title: Re: السودانيون بكالقيري يحتفلون بعيد الفطر المبارك Author: munswor almophtah Date: 08-19-2012, 01:21 AM Parent: #12
إنتى الباس ويرد دى ما بفشوها?? بلبسوها ساكت زى شدة العيد ياخى الروقه والمهله وإن شاء الله قدم خير وانت عارفه دواك فى
طبعا نحن سلفيين حفلتنا بالنهار!
وكل سنه إنت وخالد وفاطنه وآمنه وأهلكم أجمعين بألف خير.
منصور
Post: #14 Title: Re: السودانيون بكالقيري يحتفلون بعيد الفطر المبارك Author: Luay Elhashimi Date: 08-19-2012, 01:33 AM Parent: #13
سلام بثينه وكل سنه وانت طيبه والاسره ومرحب بيك وبي قلمك
Post: #15 Title: Re: السودانيون بكالقيري يحتفلون بعيد الفطر المبارك Author: بثينة تروس Date: 08-19-2012, 03:10 AM Parent: #14
الأخ منصور مفتاح ترحيبكم عندى ذو نكهة خاصه,أشكركم عليه,عيدك سعيد وربنا يجعله عام خير ينجمع فيهو جميع السودانيين على أختلافاتهم ,ونكون كما كنا,ملح الارض وأطيب نبتها.. لقد ذكرت ياعزيزى
Quote: طبعا نحن سلفيين حفلتنا بالنهار!
أما نحن ياسيدى فأننا (سودانيين) نحلم بالكل الواحد , سودان وطن حبيب واحد ماقد كان وماسيكون,يجمعنا جميعا شيوعين,سلفيين,أنصار أمام وختمية ,جمهوريين ,وصوفية,شيعة وسنة بعثيين ورافضين,نتحاضن فى الاعياد ونعزى بعضنا البعض فى أحزاننا ونشيل تقيلة المحتاج,ونغطى البتنادى يا ابو مروه ,نختلف فى الدين والسياسة ونقتسم اللقمة بيناتنا ,وطفلة صغيرة تتربى فى (كندا) تحس بأختلافنا عن الأخرين وتقول بأى لغة من اللغات ديل أهلى.. ويا ود أهلى عليك بالعنوان فى هذا البوست, وبأذن الله سوف تجدنى وزوجى وأهلى من الحاضرين. بثينة تروس
Post: #16 Title: Re: السودانيون بكالقيري يحتفلون بعيد الفطر المبارك Author: بثينة تروس Date: 08-19-2012, 03:29 AM Parent: #15
لؤئ الهاشمى ليك وحشة والله ,عارف دى من عظمة بورد بكرى ابوبكر هذا, انه يجمع الشتات,عيد سعيد, واتمنى ان اكون رقما مفيدا فى ساحتكم هذه. بثينة
Post: #17 Title: Re: السودانيون بكالقيري يحتفلون بعيد الفطر المبارك Author: HAYDER GASIM Date: 08-19-2012, 04:13 AM Parent: #16
عيدكم إتبارك ... ويغشاكم بالهنا وسعد الطالع,
تحياتي لكل الأصدقاء الوريفين بكالقري, فأكثرهم من عندنا { أونتاريو } ونعم الأصدقاء.