وقالو علينا خوافين

وقالو علينا خوافين
وقالو علينا ليه ساكتين
وقالو علينا أيه حارسين
وقالو علينا ما طالعين

أنحن بس بالصبر صابرين
شراره تولع وحطابين
نزيل العتره حفيانين
نشق التمره متقاسمين
بأخوى واخوك متكاتفين
نخش القلة متضامنين

نصب الزيت نسدد دين
نبق النار نغير دين
نزح الرييس والفاسدين
وما خايفين
ده انحن للجمر ماكلين
ديل كفار سرقوا قرشنا
ديل زنديق باعوا عرقنا
ديل اوثان فسدوا اكلنا
ونحن بس بالصبر صابرين
وما خايفين

قالو قطاع للامان امنين
كضب والله واستهتار
ونسه شمال وضحكه يمين
قالو قطاع للزرع زارعين
كضب والله واستحقار
ديل للشتله هم حاصدين
قالو قطاع للوقود داعمين
كضب والله واستنفار
ديل للوقود سارقين
وقالو علينا خوافين
انحن بس بالصبر صابرين

قولو الحق والحق يتقال
تخمه ونوم وراحة بال
قصور وجوارى واسترحال
يخوت ومبانى ما بتطال
طالعين نازلين دى سرقة مال
دراهم و ين دولار و ريال
دهب وجواهر وفضه مكنوزين
سويسرا الشام بلاد الصين
وقالو علينا خوافين
ونحن هدفنا ما بيتنال
ده نحن هدفنا سترة حال
مافى وسيط لا عم لا خال
ولسع برضو خوافين
انحن بس بالصبر صابرين

مدارس خاصه للدافعين
جامعه وبعثه للساقطين
وين اولادنا ديل شاطرين
نزلو الشارع ديل ضايعين
مافى وظايف هم حارسين
امش وتعال سنين وسنين
ونحن هناك الاهل راجيين
يشيلو تعبنا ما قادريين
يشيلو وهنا ما لاحقيين
وديل فى النيمه هم قاعدين
وين الشغله ما جاديين
وقالو علينا خوافيين
انحن بس بالصبر صابرين
دفنا شبابنا وما نادميين
املنا كبير فى الباقين
يكونو الغلبه والغالبين

ده الله معانا قول اميييييين
وما خايفين وما خايفين