التحيات لله الزاكيات لرجال شرطة الحركة حمامة السلام

بوست فى نفس خط هدوء الاحوال وممارسة الناس لمعاملاتها اليومية بإطمئنان
وإن سبقنى حسين ملاس
:
:
:
:
مع التحيات لله الزاكيات

صيدلية محمد سعيد الفرع الرئيسى بمحطة سراج داومت عملها منذ البارحة
ومحطة سراج لمن لا يعرفها هى المتضرر الاكبر من اهداث الشغب حيث احرقت بها الطلمبة الرئيسية
ومجمع المواد الاستهلاكية للبيع المخفض وعدد ثلاثة مكتبات زيادة على كسر ونهب كل الاكشاك المجاورة بدون فرز
اليوم ظهر الابيض المكوى بجوارها يمارس مهمته فى تنظيم حركة السير والمرور التحية لهم اينما كانوا
:
:
:
:
مع التحيات لله الزاكيات

اليوم سترقد سكينتى التى احملها لللحظات الحالكة فى مخبئها مرتاحة من التسكع بين طيات ملابسى جيئةً وذهابا
وسيرتاح كتفى من عتالة لاب توبى غدواً ورواحاً وسينام مطمئن فوق سطح المكتب لحين عودتى لمداعبته نهار كل يوم
(المكتب دا عبارة عن تربيزة صغيرة عادةً ما اعرض عليها سامبل من بضاعة المحل وكان مكضبنى اسعلوا معاوية ود المدير )
:
:
:
:
مع التحيات لله الزاكيات

التحيات لله .. الزاكيات لله .. هكذا تعلمناها
شرطة الحركة (المساكين ديل) هم من يتحولون لوحوش في استقطاع عرق الناس ظلماً وعدواناً
وكثيراً ما رأينا أباً عائلاً لأسرة وهو يتوسل اليهم ويقسم بالله أنه لا يملك الا ما سيأخذونه وسيرجع خالي الوفاض لأهله ولكنهم يزدادون طغياناً وظلماً ..
المواطن المسكين عليه أن يدفع لأنه لم يرخص السيارة والكتييييير من سيارات الضباط ليست مرخصة بل يسمح لهم بالمرور + التحية
ومن العجب أنهم يتحدثون عن سلامة الركاب ولا يهم الا قائد المركبة الذي (يدفع المخالفة) اذ لم يحدث أن اهتموا بسلامة الراكب الذي لا يضع حزام الأمان بجوار السائق
الزاكيات لله فقط والظالمين سيمهلهم الله ولكنه لن يهملهم ..

Quote: التحيات لله الزاكيات لرجال شرطة الحركة حمامة السلام

إنت يا زول عاضاك شعرانة ؟؟؟...

Quote: إنت يا زول عاضاك شعرانة ؟؟؟...

والله يا مدير مظاهرات يوم واحد جهجة باكاتنا
الهدوء الحذر يخيم على المزالج وعتبات المركبات
الليلة من الصباح الابيض الناصع يفتح النفس ويريّح الفؤاد
ودليل عافيه انو الامن مستتب اصلوا الجماعه ديل غلبانييين ومالهومش فى الوحشية نصيب
لهم التحية فقد غدوا كحمامة السلام التى حملت غصن الزيتون دليلاً على انحسار الماء وظهور اليابسة

وبعدين تيه ..........
ياخى انا الشعرانة عضيتنى الليلة والله امبارح انتا من صُحك هو هسى الزمن دا فى شعران
والواحد لو لقاها الليلة يقبضا بين السبابة والابهام ويقعد يتملاااااا من شدة ما مشتاق لى قرصتا
:
:
:
:
مع التحيات لله الزاكيات

ههههههههههههه

والله دي عضة ###### في جزارة ما تعمل كدا

التحيات لله الزاكيات والسكين لزوم شنو

Quote: التحيات لله الزاكيات والسكين لزوم شنو

تعرف ياااااا طارق ديييك زنقـــــة كــــــــلب فى جزارة
الكــــلب ما بيتعضي ياخى
ثم انو ......
ما سمعتا بى قصة سكينتى لليوم الاسود
ياخى والله السكين زاتا بقت ما بتخارجك فى الخرتوم دى الا بث بى تتقل فلبك من الجرى والزلعهـ
مشكور على المرور
:
:
:
:
مع التحيات لله الزاكيات

أخى محمد عبد الله فعلاً معذبننا معذبين خلق الله
غايتو الشهر دا فات عليهم( القنزب ) , كمان ما تقول داخل عليهم عيييد تلقاهم فى ضيق شديد
لكن حقيقة ظهورهم اليوم بعث الطمأنينه فى قلوب المواطنين
بهدوء الاحوال الامنيه فهم كما ذكرت يمثلون حمامة السلام بلبسهم الابيض المكوى والمميز وهو موضوع البوست
شكراً للمرور
:
:
:
مع التحيات لله الزاكيات

التعديل لخطأ كتابى فى اسم محمد عبد الله مختار

محمد حمزة سلامات
اول مرة من الله خلفني اجد انسانا يشكر في ناس المرور :(
هم اصحابي لكن ما بشكروا :(

دكان التشاشة ان شاء الله مرق منها

تذكرت اتنين موت قرنق ما عارف ليه؟

يا محمد همزه
الشي دي ياداب ابتدت و الانت شايفو ده استراحة محارب ليس الا
و باكر ناس الحركة ديل ذاتم حيتقدموا الصفوف لإسقاط نظام القتلة و اللصوص.

Quote: يا محمد همزه الشي دي ياداب ابتدت و الانت شايفو ده استراحة محارب ليس الا و باكر ناس الحركة ديل ذاتم حيتقدموا الصفوف لإسقاط نظام القتلة و اللصوص.

سيف النصر يا قريبي ياخى دى حسادة منك ساااى كان ما ظنيتوا حلم
انتا برضك قنعتا وعايز تكسر قزازة سمنك
الاصلاح لازم يكون داخلى وبتجرد ونكران ذات ياخى اليومين ديل بنصحك اقراء لى فرانكلى بتاع جمهورية الموز جنوبسودان
بتعمل توزان كويس
:
:
:
:
مع التحيات لله الزاكيات

Quote: دكان التشاشة ان شاء الله مرق منها تذكرت اتنين موت قرنق ما عارف ليه؟

عبد اللطيف السيدح يادفــــعـــــــه
معقول يا صديق تحصل دى واكون بكتب بينكم غايتو بينى وبينك استخدمنا الحيلة
لكن الدخلا فينا اتنين قرنق تانى عمرها ما تمرق عشااااان كدا الحكومة لمن لقت الحرايق بقت
هم زات نفسهم اتذكروا اليوم داك وجوووو مخلوعين خوفاً من تكرار ذات السيناريو ياخى ديل طلعوا فيهم عاقلين كُتااار
اظرف حاجة الوزير بدرية سليمان عندها ود اخوها عمر سليمان متشمر مع المتظاهرين وعرقوا يخُر الجماعة واحد مثقف قال لهم دا بيت وزيرة نحرقوا
والجماعة يعجبوك اوووووووبح الود مرق من نصهم وقال لهم هوووووى يا جماعة دا بيت عمتى غايتو فى المسافة ديييك فى كم طوبة كدا ضربوا ليك الفايبر
قالوا ارموا قدام والله دا فلم وانا على بعد 30 متر منوووو ما قول قالوا الكتمة كولها شربناها معاهم لا يدنا لا كراعنا
تحيات لك وللصغار يا صديق ما نسعل منك فى شينة تصدق العكادى لسع دافن دقن ما عارف بسوى فى شنووووو
:
:
:
:
مع التحيات لله الزاكيات

Quote: محمد حمزة سلامات اول مرة من الله خلفني اجد انسانا يشكر في ناس المرور هم اصحابي لكن ما بشكروا

شيخ العوض سلامات يا حبوب
لعلك خرجتا منها بالسلامة والله لو عندى ليك تلفون كان ضربتا اطمن عليكم
تعرف ضربتا لى حبيب الكُل ذو اليد وانا مزنوق قدام المحل اشوف فى العمايل السودا وغالبنى افوت
قال لى والله احاحى فيهم منى ومن جيرانى يا الله يا الله اقتنعوا ما يخربوا
ثم انو ......
اصحابك ديل ما بيتشكروا لكن تعرف ظهورهم بعد غيبة ادانا احساس بالامان الناس ديل ناس (قنزب ساااى )
ما ناس مجابدااااا
بعدين تيه يا صاحب تعرف اياهو دا حالنا
يمشى عبود نشتهيهو
يمشى نميرى نشتهيهو ويمشى الصادق نقول يا حليل الحربة والديمقراطية
انا خايف جماعتى ديل بى سجمم ورمادم دا يمشوا نقوم من الصباح نتوشح مرتبنا الحربى ونمسك فى ام الوليدات ونقلدا زيييين ونبكى
يا حليل لمن كونا بنمرق ونجى نصاص الليل والعوااااا تقع كنتا وييين ومشيت ويييين نشتهى الحته البى نمشى ليها
:
:
:
:
ى ضومتك يالعوض صدام بى يتشكر حسى العراقييين ما قالوا يا حليلو
مع التحيات لله الزاكيات

جو مارقين جرذان، ديدان، صراصير نظام القتلة مع الهدنة.

بشاشا يا عظيم النوبه يا عنصرى يا مستلب
ياخى حمدلله على سلامتك والله بعد شناتك دى برضووو انا بقرا ليك لانك زول واضح ودغرى
وضوحاً بقد العين عشاان كدا مداخلتك دى بجيها راجع بي رواقة بالمناسبة مشيت ارد عليك بى غادى فى بوست
دينق العنصرى والمستلب زيييك لكن لقيت بكرى قفل البوست حسى عليك الله كولها يومين لو خلاهو نقزقز بيهو فوقا اشنوووو
الا ما بنقدر نقول شئ البوست مكتوب باسمنا وما حقنا
:
:
:
:
مع التحيات لله الزاكيات

يا محمد همزة قول بسم الله، انت مش كاتب عن بوليس الحركة؟
اها لما أقول ليك ناس الحركة طوالي تجري للحركة الشعبية و تنسى ناس حركتك
الفاتحلهم البوست؟؟
دي خلعة منك ساكت غايتو!

محمد همزة تحياتي.

مع خالص شكري لي شعورك تجاه شخصي الضعيف، ولكن انه عهدي ان اقول الجواي كماهو لي خصومي وبغض النظر عن رد الفعل، واطالبم بالمثل تجاهي.

كلامك القتو بحق اهلنا في الهامش بسمعو عادي من امثالك في جو البيت ليل نهار، وبرد عليهم بذات الطريقة ومرات بنشبك عديل كده!

اذن كلامك ده هو اساس طريقة تفكير كل شمالي كقاعدة وكنتيجة ملتو ملا يين والبلد اتشلعت.

اذن ثق تماما لن تاخذني الرافة بك متي ماوقع في عيني زي كلامك المخجل ذاك، وانت بذات الطريقة اطلاقا ماترحم بشاشا متي ماوقع في عينك كلام مستفذ ليك.
الصاح كده!

.
نـسـأل الـمـولـي الـقـديـر ،
أن يـعُــم الـسلام والأمــن ،
كُــل ربــوع الـسـودان ،
والـرحـمـة والـمـغــفـرة ،
لأمـــوات الـمـسـلـمـيـن ،
...

.






عزالدين عباس الفحل
ابوظبي
...

.

الفحل عزالدين عباس الفحل
ياخى وانتا فى البلد الطيب اهلُلها ديييك ماتنسوا الغلابة ديييل من الدعوات الدسمة
لانو والله وما طالبنى حليفه الناس هنا بين الخلعه .. الخُلعة من اتنين جون قرنق
واغسطس خليل وبين سندان التدهور الاقتصادى الكسر الرسن دا لكن تعرف
خُــــتْ فى بالك قصة الخواجة الجا يعمل دراسة لى معايش السوداينين قدر ما يضرّبا يلقاها
مووو لافقه يقول لهم بتموها كيف يقول ليهو الله كريم الرزق على الله لكن الامن اهم من كل شئ
تصبح من الصباح آمن مطمئن على باب كريم بابه ما انقفل ومفتاحه ما إنكسر
تخرج كالطير تروح خماصا وتعود بطاناااااا لااامن الله يفرجاااا ونعم بالله
:
:
:
:
:
مع التحيات لله الزاكيات

يا بشاشا يا عظيم النوبه يا كوشى يا دقة قديمة
إنتا بالمناسبة عنصرى وقاعد تفش غبينتك بى ذكر الفاظ العنصريه وانتقادها تبرئة لزمتك وتلقاك تتراقص طرباً من جوة
ولو عايز الدليل كلمة كارهـ زاتك القاعد تصرفا للمتحررين من العقد والدونيه من اولاد الهامش
وكأنك بتقول ليهم ما تتذكروا اصلكم وتلملموا فى علبكم انا سعيد بى نفسك البارد دا معاااى
وما خايف من تحذيرك لى لكن عشااان نكون على بصيرة من الامر
ايهما افضل ........
الذى يحس باالعنصريه ويكتم التصريح بها ايماناً منه وقناعة بانها لا تثمن ولا تغنى من جوع
ولانها فعل لا يمكن ممارسته باى حال وقد تجاوزها الزمن وقد تزوج البعض منهم من سلالات سراريهم وهم سعداء بذلك
:::
:::
أم الرجل الذى ينبش جذور العنصريه ليصرح بها ويستنكرها ظناً منه انه متصالح مع نفسه ولا يريد لتلك المشاعر ان تتخمر
فتنز كما السمن العتاقى فى جوانب وتفاصيل حياته اليومية كالتذكير كل زول باصلوا وفصلوا وان لم يتذكر يكون كاره لذاته


العنصرية يا بشاشا صارت إرث وسلوك من الماضى لا يحمية اى قانون ولا اخلاق بدليل الذى يتعاطاها يتعاطاها على خجل
فى جلسات الجبنة والانس البرئ وقد تجاوزها النشئ لدرجة لا يعلمون كثيراً من تفاصيلها ومسمياتها
مثل السريه والإناااا واللحمة وناسكم وهيلنا ولم يتبقى منها غير الدونيه التى يحسها كثير من ابناء وطنى ولا مبرر لذلك
لانو كل زول عاجب اموو أو كما يقول المثل كل قرداً عند أمو غزال ولا فضل لعربى على عجمى الا بالتقوى أو كما قال صلى الله عليه وسلم

داير اسعلك سعال برئ لو جيت فتحت لى بوست وشتمتك فى صمة خشمك بعيد عنك (أعزك الله )
وقلتا ليك يا سكران يا حيران يا ود شدادة المريسة وانتا مربينك بى قروش العرقى شن فايتك وقالوا زمان ناس حلتكم
من ريحة التُشك المدفق فى الأزقة الواحد يسكر بلا يشرب
ابقى عنصرى والله الفهم دا كيفنوووو
ياخى ما تفتل لى بوستينى دا بجيك فى الربع الجاى فوتك بى عافية
:
:
:
:
مع التحيات لله الزاكيات

يا سيف النصر يا قريبى
نحنا الخُلعة الدخلت فينا من ناس الحركة الشعبيه تانى ما بتمرق بأخوووى واخووووك
وخلى بالك ما تقاعس المواطن الغلبان بالرغم مما يحس به من دغمسة
لمجريات حياته الاقتصاديه ما هو إلا نتاج تخوفة من انفلات الامر والدخول فى دوامة البحث عن الآمن
وزى ما قلتا لى عزالدين عباس الفحل الرزق على الله الحياة تلاقيت والخرطوم دى زى ما قال توفيق عيسى مكى اتملت ناس ضهارى
ومافى زول وارث فوقا حاجه والبلد البت جييها للرزق احرص على كل ما يهئ لك اسباب الرزق وهو الآمن
ود فزاعة الحكومة يا خوووى والله ناس الحركة ديل حركاتم ########ه وانا عارف الكلام دا لكن كونوا ظهورهم يرتبط باستتباب الامن
هذا ما لفت نظرى ودعانى لفتح البوست مستبشراً ومبشراً
:
:
:
:
:
مع التحيات لله الزاكيات

يا كوز أنت حكومتك المجرمة بتقتل في الناس وأنت لسه حايم بي جاي؟

صحي الاختشو ماتو.