Post: #1
Title: عااااااااااااااجل موسي هلال يقود المظاهرات لاسقاط النظام
Author: Haju Muktar
Date: 09-28-2013, 06:11 AM
عمار الضعين
دعا موسي هلال مواطني محلية كتم بشمال دارفور للتظاهر لاسقاط نظام المؤتمر الوطني ويوزع ملصقات في ارجاع المدينة ويحذر الشرطة من المساس بالمتظاهرين السلميين
منقول من الراكوبه
http://www.sudaneseonline.com/news-action-show-id-117786.htm
|
Post: #2
Title: Re: عااااااااااااااجل موسي هلال يقود المظاهرات لاسقاط النظام
Author: ابكر سعيد آدم
Date: 09-28-2013, 06:47 AM
Parent: #1
لاتوجد حكومة في محلية كتم
ولي من يتظاهروا
فاعتبروها اول محلية تم تحريرهو من مرتزقة المؤتمر الوطني
كتم محررة تماماً
لا مجلس تشريعي لا معتمد لا حاكم عسكري لارئيس محلية لا ضابط اداري
الله اكبر هذه اول المحليات قد تم تحريرها من دنس المؤتمر الوطني
|
Post: #3
Title: Re: عااااااااااااااجل موسي هلال يقود المظاهرات لاسقاط النظام
Author: Bashasha
Date: 09-28-2013, 06:52 AM
Parent: #2
ابكر سلامي،
انتا بتعتبر استلام واحد مجرم زي موسي هلال للسلطة حسب تصورك، تحرير؟
والله ماعدت افهم حاجة!
|
Post: #4
Title: Re: عااااااااااااااجل موسي هلال يقود المظاهرات لاسقاط النظام
Author: Tragie Mustafa
Date: 09-28-2013, 06:52 AM
Parent: #2
موسي هلال ياتو يا هجو الجاي تسوقه لينا هنا؟!
اليس هو من نعت بعض شعبنا بالفروخ واولاد الحرام قبل اقل من اسبوعين؟!
اتمني ايا يآتي اي فراغ في محاولات التبرير ولا يقول لي اعتذر ولا اتنيل.....
الثوره السودانيه مفتوحه فعلا ابوابها لكل متراجع من هءلاء السفاحين و القتله....
بس برضو بنقولها لامثال موسي هلال
انه لو كان به حقا مصداق ذره من الصدق لترك الامر لاخرين من اهله او قريته يظهرون في الصوره وان لا يتبنها هو بتاريخه المهبب.
ويا ابكر.....كتم تحررت ممن؟! اليس هؤلاء انفسهم هم من ارتبكوا مذبحة معسكر كساب؟!
ام يتوهم موسي هلال ان دماء اهله اغلي من دماء الاخرين؟!
|
Post: #5
Title: Re: عااااااااااااااجل موسي هلال يقود المظاهرات لاسقاط النظام
Author: عبدالمنعم الطيب حسن
Date: 09-28-2013, 07:05 AM
Parent: #4
موسى هلال انقاذي قيادي كامل الدسم،
لا فرق بينه وبين نافع وعلي عثمان،
كلهم في الهم ظلم....
له خلافات داخلية مع ناسه حول السلطة ومغانم ومنافع،
فهذا امر يخصه،
التغيير القادم يحاسب موسى هلال، كماكبر...
|
Post: #6
Title: Re: عااااااااااااااجل موسي هلال يقود المظاهرات لاسقاط النظام
Author: بريمة محمد
Date: 09-28-2013, 07:27 AM
Parent: #5
غايتو .. بح حلقنا ..
ثورة الجماهير تنتهى بمجرد ما يقوم متنطعى المدن البعيدة والحركات المسلحة بالتحشر في أمرها .. أنتم أفضل من يساعد الأنقاذ في البقاء على السلطة.
شتان ما بين أجندة الشعب وأجندة المتنطعين أمثال بشاشا وتراجى ..
نجح الشيخ موسى هلال فيما فشلتم فيه سنين عددا ..
بريمة
|
Post: #7
Title: Re: عااااااااااااااجل موسي هلال يقود المظاهرات لاسقاط النظام
Author: وليد محمد المبارك
Date: 09-28-2013, 08:23 AM
Parent: #6
موسى هلال !!!!
|
Post: #8
Title: Re: عااااااااااااااجل موسي هلال يقود المظاهرات لاسقاط النظام
Author: فرح الطاهر ابو روضة
Date: 09-28-2013, 08:33 AM
Parent: #7
Quote: موسى هلال انقاذي قيادي كامل الدسم،
لا فرق بينه وبين نافع وعلي عثمان،
كلهم في الهم ظلم....
له خلافات داخلية مع ناسه حول السلطة ومغانم ومنافع،
فهذا امر يخصه،
التغيير القادم يحاسب موسى هلال، كماكبر... |
|
Post: #9
Title: Re: عااااااااااااااجل موسي هلال يقود المظاهرات لاسقاط النظام
Author: أشرف الرحال
Date: 09-28-2013, 09:07 AM
Parent: #8
| Quote: التغيير القادم يحاسب موسى هلال |
اكيد التغيير القادم ليس كسابقه عفى الله الحساب ولد
مودتي
الرحــــال
|
Post: #10
Title: Re: عااااااااااااااجل موسي هلال يقود المظاهرات لاسقاط النظام
Author: عبداللطيف شريف على
Date: 09-28-2013, 10:16 AM
Parent: #9
التغير القادم سيكون حسابيا ..
(لكل فعل رد فعل مساو له فى القوة ومضاد له فى الاتجاه ) ..
حتى يرعوى من به عقل , ويخرج الوطن من الارتهان للطائفية والبيوت المحمية والدجل ...
|
Post: #11
Title: Re: عااااااااااااااجل موسي هلال يقود المظاهرات لاسقاط النظام
Author: ابكر سعيد آدم
Date: 09-28-2013, 03:29 PM
Parent: #10
على جميع الزملاء اريد تنبيهكم
بان موسى هلال غير موجود في مدينة كتم
كتم مدينة محررة من ابناءه
والخطير فالامر
يعمل الامنجي إبراهيم بقال سراج مع المجرم موسى هلال
فلابد من تعرية الانتهازي ابراهيم بقال سراج
البوردابي الذي يملك سلاح من صديقه السابق الدجال كبر
رغم بعدي من الوطن قلبي على الثوار
|
Post: #12
Title: Re: عااااااااااااااجل موسي هلال يقود المظاهرات لاسقاط النظام
Author: Kabar
Date: 09-28-2013, 03:43 PM
Parent: #11
موسى هلال بتاع فنيلتك...
يعني نمرق من البشير نقع في مجرم الحرب موسى هلال؟..
كل يوم بتأكد لي انو ناس قطاع الشمال هم اكثر حرصا على بقاء نظام البشير ..ياخي ديل أظرط من نافع و على عثمان و الحنكوش مصطفى اسماعيل (بتاع ياكلوا عصيدة) ، لأنو ده النظام الوحيد العامل ليهم توم و شمار..!!!
سودانية عفوية ... لا حزبية ولا ثورية....ولا ترابية ذاتو..!!!
غريبة... هو موسى هلال شنو غير سيدو الميرغني؟..واحد يقول ليك نمهل حكومة الزبانية عشان تتراجع..و التاني يقول ليك ندعوهم للمظاهرات..!!!
غاتيو شيخنا موسى هلال غير يلزم الفروة في انجمينا ولا فورت لامي ذاتو.. ما في حل ليهو تب...!!!
ممكن نوفر ليهو شدرة في ام حجر (بتاعة ناس ابن عمر و منو كده ما عارف) و بي العدم مقاطعة ام التيمان..!!
شرحو: لا موسى هلال ولا الترابي ولا الميرغني.. لأنو الزمن السوداني اتجاوزهم من زمااااااااااااااااااااااااااااااااااااااااااااااااااااااااااااااااااان..!!!
كبر
|
Post: #13
Title: Re: عااااااااااااااجل موسي هلال يقود المظاهرات لاسقاط النظام
Author: Tragie Mustafa
Date: 09-28-2013, 04:28 PM
Parent: #12
الغريبه.....انا كتبت مداخله هنا البارحه اليوم ما شايفها
نخزي الشيطان ونقول نسيناها.....اي كتبتها وربما لم ارسلها ونعيد لبريمه.....
يا بريمه
متنعطي المدن (تراجي و بشاشا) كما سميتنا
انظف....مليون مره من مناضلي الهامش الذين يتلونن كالحرباء.....واياك ان تتوهم انه كملية الاستهبال التي مارسها محمد سليمان في بوست هباني لاعادة انتاج موسي هلال فاتت علينا
بس ما عندنا زمن للغو الفاضي الان.....وحنرجع لها بهدؤ وقد وثقنا لكل شيء حتي الناس ما تنط من كلامها.
ويا ابكر التحيه لك انك اعدت شرح معني تحرير كتم.
وعقبال بقية المدن السودانيه.
|
Post: #14
Title: Re: عااااااااااااااجل موسي هلال يقود المظاهرات لاسقاط النظام
Author: د.محمد بابكر
Date: 09-28-2013, 04:45 PM
Parent: #13
| Quote: نجح الشيخ موسى هلال فيما فشلتم فيه سنين عددا .. |
موسى هلال ده منو?? ونجح فى شنو?? عليك الله يا بريمه اصمت فلربما بدوت اكثر ذكاءا..طممت بطنّا ياخى..البلاد تشتعل من اقصاها الى اقصاها ودماء غالية تسيل مهرا للحريه وانت تجى تقول لينا الشيخ موسى هلال ?هو نحن ناقصين شيوخ?صحى انت زول off point..
اناشد كل الزملاء فى المنبر تجاهل مثل هذه البوستات المقرفه تماما ولننصرف لشان الثورة السودانيه..
|
Post: #15
Title: Re: عااااااااااااااجل موسي هلال يقود المظاهرات لاسقاط النظام
Author: Haju Muktar
Date: 09-29-2013, 08:32 AM
Parent: #12
| Quote: كل يوم بتأكد لي انو ناس قطاع الشمال هم اكثر حرصا على بقاء نظام البشير |
هسع قطاع الشمال الدخلو هنا شنو ؟
ده خبر وانا اوردته كما هو ولم اعلق عليه
وهسع لو موسي هلال فاد مظاهرات ضد الكيزان وهو مجرم حرب معاهم
بكون عندو اجندتو الخاصه
وده كويس مع الشعب المسكين ومظلوم بساهم في اضعاف النظام
وده ما معناهو لو سقط النظام الشعب بيغفر لمجرم الحرب موسي هلال
موسي هلال والبشير لاهاي كتيره عليهم لانها فيها رفاهيه
الاتنين مصيرهم خاذوق القذافي في مؤخرتهم في ميدان عام
|
Post: #16
Title: Re: عااااااااااااااجل موسي هلال يقود المظاهرات لاسقاط النظام
Author: محمدين محمد اسحق
Date: 09-29-2013, 11:44 AM
Parent: #15
الاخ العزيز هجو مختار لك التحية و التقدير
موسي هلال و بعد ما قام مع حكومة الابادة بتبديل ثياب مليشيات الجنجويد بثياب حرس الحدود و غيرها من مسميات يريد ان يلبس لبوس الثورة
عليه ان ان يسلم نفسه اولأ الي يد العدالة الدولية ذلك ارحم له و أفيد للثورة السودانية ضد النظام الحاكم
|
|