Post: #1
Title: فـــرش متـــــاع .. وتحريك جـــمود
Author: tmbis
Date: 09-23-2013, 07:02 AM
وبعد حضوري للمؤتمر الصحفي لسعادة الرئيس القائد / قائد ثورة الانقاذ الوطني المشير عمر حسن أحمد البشير .. ماذلت في انتظار المؤتمر الصحفي
علني اطلع بجملـة مفيدة من المؤتمر الصحفي الذي حضرته بالامس وانا ما ذلت في انتظار المؤتمر الصحفي ..
ووين المؤتمر الصحفي دا ..؟
هل في مؤتمر صحفي تاني .. يلي هذا المؤتمر الصحفي دا .. يعتبر توضيحي للمؤتمر الصحفي دا؟
..
|
Post: #2
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 07:14 AM
Parent: #1
اعذرني يا سعادة المشير ..
اعذرني يا خال .. انا نمتـه اثناء تحريك جمودك دا ..
تخيل فجأة كدا .. حسيت بي راسي (كبـــس) .. الله يهديك ذكرتني استاذ الهندسة التحليليـة .. وجداول اللغريثمات والحصة التالتة ما بعد الفطور ..
تخيل نمته في وضعية عجيبة جدا وانا قاعد على الكرسي ..
تخيل سيادة الرئيس زول نايم في الكرسي شايل الروموت بي ايدو اليمين .. واللي حق الشيشة بي ايدو الشمال ..
فجأة صحيت ..
صحيت وقمتـه جاري ..
جريت انكش في ادراج الدواليب والمكتبة الصغيرة .. وإلخ إلخ عشان افتش الالة الحاسبة
الالة الحاسبة حقت التلفون الموبايل كلامك دا ما بتتحملو .. بطرشق التلفون ..
لو تلفوني طرشق بتغرمو لي يا سيادة الرئيس ؟؟ .. ياخ انا بي الله ويامين قدرته اشتريهو بدل تلفوني القديم ابو لمبـــة ..
|
Post: #3
Title: Re: فـــرش متـــــاع .. وتحريك جـــمود
Author: محمد حيدر المشرف
Date: 09-23-2013, 07:16 AM
Parent: #2
حضرت بتاع محلية كرري ؟!
|
Post: #7
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 07:41 AM
Parent: #3
| Quote: حضرت بتاع محلية كرري ؟! |
اها دا بالذات يا حيدر .. نجم المؤتمر الصحفي حق امس ..
ذكنري برنامج .. محمد سليمان حق المسابقات داك .. اداني احساس انو دا البرنامج زاتوووو ..
اداني احساس انو سعادة المشير ح يقول ليهو .. تعال شيل ليك صندوق فنجريـة مني ساااي كدا ..
..
اضف ليهو بتاع الشرق الاوسط ..
ياخ الكاميرا مان بالغ شديد .. جاب ليك سعادة المشير فاتح خشمو بي طريقة عجيبه جدا .. وما فاهم الحاصل شنو
انا بيني وبين نفسي قلته .. بركــة .. عجبني ليك .. قايل نفسك براك بتاع تحريك جمود .. عاين تحريك الجمود دا كيف عليك الله ..
طبعا الصحفي شبك ليك عمك .. ننزله ونطلعه .. وإلخ إلخ ..
|
Post: #4
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 07:18 AM
Parent: #2
ملحوظــة :
يا سيـادة المشير .. مؤتمرك الصحفي دا تعرف كان ناقص منـو ..؟
كان ناقص (تيتـــاوي) ..
تيتـــاوي احسـن زول الايامات دي بيعمل (تحريــــــك جمود ) ..
|
Post: #5
Title: Re: فـــرش متـــــاع .. وتحريك جـــمود
Author: خالد عبد الله محمود
Date: 09-23-2013, 07:29 AM
Parent: #4
تيتاوي كان متسنتر قدااااام لكن شكلو ما فهم التكتح 
|
Post: #6
Title: Re: فـــرش متـــــاع .. وتحريك جـــمود
Author: ABUHUSSEIN
Date: 09-23-2013, 07:41 AM
Parent: #5
بالله إنت عندك أخلاق تحضر بيها مؤتمر صحفي للبشير ....؟؟؟؟
|
Post: #8
Title: Re: فـــرش متـــــاع .. وتحريك جـــمود
Author: محمد عبدالرحمن
Date: 09-23-2013, 07:48 AM
Parent: #6
| Quote: انا بيني وبين نفسي قلته .. بركــة .. عجبني ليك .. قايل نفسك براك بتاع تحريك جمود .. عاين تحريك الجمود دا كيف عليك الله .. |
|
Post: #19
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 01:28 PM
Parent: #6
| Quote: بالله إنت عندك أخلاق تحضر بيها مؤتمر صحفي للبشير ....؟؟؟؟ |
أمبارح بالذات يا عادل .. كان عندي اخلاق ..
قلت احدده معاهو ..
لانو الانسان لازم يحدد الحاجات .. واريتني ما حددتها ..
ياخ انا لحدت الان ما عارف الموضوع كانو شنو زاتوووو .. تقولي عندك اخلاق .. الزول دا كان بتكلم عن شنو ما عارف .. المهم كان بيحكي بي لغة الارقام ..
وهناك فرق كبير بين لغة الارقام ولغة الضاد ..
|
Post: #9
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 07:48 AM
Parent: #5
| Quote: تيتاوي كان متسنتر قدااااام لكن شكلو ما فهم التكتح |
هههههههههههه ..
والله يا خالد تيتاوي دا بعد الزعمطـة والبهدلة البهدلته ليهو قناة البي بي سي قبل يومين .. والله تاني ما ظنيتو يقيف ليهو قدام مايك وقفه سااي خليهو يتكلم ويسال ويجاوب ..
يا لهذا التيتاوي ياخ ..
|
Post: #10
Title: Re: فـــرش متـــــاع .. وتحريك جـــمود
Author: عبدالله احيمر
Date: 09-23-2013, 07:59 AM
Parent: #9
تمبس ســــــــــــلام
..Quote: كان ناقص (تيتـــاوي) ..
تيتـــاوي احسـن زول الايامات دي بيعمل (تحريــــــك جمود ) .. |
يا خي كويس انك نمت ,و ما حضـرت لما الرئس قال ( الناس الكبار بتذكـروا لما ........., مش يا تيتـاوي )
|
Post: #11
Title: Re: فـــرش متـــــاع .. وتحريك جـــمود
Author: عبدالله احيمر
Date: 09-23-2013, 08:00 AM
Parent: #9
تمبس ســــــــــــلام
..Quote: كان ناقص (تيتـــاوي) ..
تيتـــاوي احسـن زول الايامات دي بيعمل (تحريــــــك جمود ) .. |
يا خي كويس انك نمت ,و ما حضـرت لما الرئس قال ( الناس الكبار بتذكـروا لما ........., مش يا تيتـاوي )
|
Post: #12
Title: Re: فـــرش متـــــاع .. وتحريك جـــمود
Author: عبدالله احيمر
Date: 09-23-2013, 08:01 AM
Parent: #9
تمبس ســــــــــــلام
..Quote: كان ناقص (تيتـــاوي) ..
تيتـــاوي احسـن زول الايامات دي بيعمل (تحريــــــك جمود ) .. |
يا خي كويس انك نمت ,و ما حضـرت لما الرئس قال ( الناس الكبار بتذكـروا لما ........., مش يا تيتـاوي )
|
Post: #13
Title: Re: فـــرش متـــــاع .. وتحريك جـــمود
Author: عبدالله احيمر
Date: 09-23-2013, 08:02 AM
Parent: #9
تمبس ســــــــــــلام
..Quote: كان ناقص (تيتـــاوي) ..
تيتـــاوي احسـن زول الايامات دي بيعمل (تحريــــــك جمود ) .. |
يا خي كويس انك نمت ,و ما حضـرت لما الرئس قال ( الناس الكبار بتذكـروا لما ........., مش يا تيتـاوي )
|
Post: #20
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 01:39 PM
Parent: #13
والله يا محمد عبد الرحمن .. حقو تشوف الحتة دي في الفيديو ..
ياخ مقهي قهييه عجيبة خلاص ما نقش اي حاجة من كلام الزول دا ...
..
| Quote: يا خي كويس انك نمت ,و ما حضـرت لما الرئس قال ( الناس الكبار بتذكـروا لما ........., مش يا تيتـاوي ) |
والل الحته حقت تيتاوي دي ما حضرتها .. فعلا الوكت داك كنت نايم
والله يا عبد الله فعلا النوم دا عبادة عجيبة خلاص ..
|
Post: #14
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 08:02 AM
Parent: #9
بعد رفع الدعم ورفع الضغط بعد المؤتمر الصحفي دا
بدل القصة الحزينة حقت الدبابيس دي اقترح .. انو تيتاوي يسعى ليهو محل زي بتاع قدر ظروفك داك ..
بدل الدبابيس .. يجيب مشابك ..
مشابك الخشـب الزمان ديك .. ااي واحدة تكون طرحتة واقعة منها .. يديها مشبككيـن ولستك وطشــت ومكوة فحم .. لانو زي شايفو نظر في نوعية الاقمشـة والتياب والحاجات دي شديد ..
ومع تحريك الجمود دا اعتقد انو زاتووو غسالات الكهربة ما منها فايده .. الناس تغسل واللا تاكل هوووت .. ؟
|
Post: #15
Title: Re: فـــرش متـــــاع .. وتحريك جـــمود
Author: الطيب عثمان يوسف
Date: 09-23-2013, 10:29 AM
Parent: #1
Quote: Amal Omar · Saguaro High School
البشير كان واضح في كلامو للداير يفهم .. ما مشكلتنا لو كان الفهم قسم ..
او واحد امعة وعامل فيها عادل امام .. اجمل ما غني المرحوم محمد وردي ..
ما بخليك ان بقيت حي
رد · أعجبني
· متابعة المنشور · منذ 2 ساعتين |
*** دا من تحت يا عمك ... سيرش على اسم المدرسة دى بلاي .
|
Post: #16
Title: Re: فـــرش متـــــاع .. وتحريك جـــمود
Author: عمران حسن صالح
Date: 09-23-2013, 10:40 AM
Parent: #15
| Quote: البشير كان واضح في كلامو للداير يفهم .. |
أها
حسي أنا ادردق هنــا واعمل ميت ؟؟
أكوركـ ؟
ياااااااااااااااااااااااااااا أبو مروة
أنا ما كوركت هنــا عشان الناس الفاهمة دي
والله جد
قلت : الحقوني : البشير أقنعني .
أها ظهرو الناس الفاهمين
والله جد
انت يا تمبس بما انك فهمكـ تقيل ما تدخل البوست حق الكوراكـ حقي
حا تفهمني شنو ؟؟
........
والله نستاهل أكتر كمان
إنا لله ياخي
|
Post: #22
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 02:00 PM
Parent: #16
Quote: انت يا تمبس بما انك فهمكـ تقيل ما تدخل البوست حق الكوراكـ حقي
حا تفهمني شنو ؟؟ |
يا عمران اهم حاجة الاخلاق .. اهم حاجة الاخلاق ..
عارف امبارح انا الغبينة النمته بيها .. والهل لو ما الجو اتصلح شويـة ونايم بون مكيف كان شقتني نصين ..
ياخ انا نمته بي حسرة عجيبة خلاص .. يعني تكون قاعد تسمع وتشوف ليك في منظر بتاع زول بتكلم وناس بتتكلم معاهو ويرد ليها والناس تصفق ومتكيفة
وانت ما فاهم حاجة ..؟
اللذيذة شنو بنادي فيهم بي اساميهم .. يا فلان عليك الله اضرب لي تلاتة في تلاتة بي كم ..؟
والجزر التربيعي حق خمسة وسبيعن من عشرة بطلع معاك كم ..؟
ياخ جظر تربيعي شنو يا سيادتك .. ياخ انا علاقتي مع الرياضيات دي المنفلة .. والقسمة بي باقي
ياخ مفروض يحترم تواضعنا المعرفي .. كان يرد لينا في الاتو حقنا .. يرد لينا في الحتة بتاعت العضـة .. ما يتزاوغ لينا منها ..
ياخ انا ابوي خدم الجيش والشرطة والشعب واي حاجة عمرو كلو .. وتوفى وهو ماشي يويعارفر جيب لينا حاجات رمضان وتخيل انو ضربتو عربية شرطة .. الله يرحمو ..
الشئ البعرفو انو معاشو دا .. في الوقت الحالي .. ما يجيب لينا لستك عربية وراني .. ولا حتى دركسون خليك من انو خمسة عربيات ونكب ليها بنزين ويعمل لينا المعادلة دي ويكورك لي
الزول القاعد بي وراهو .. يا فلان عليك الله جيب لي الالة الحاسبة دي .. عشان احسب ليهم العلاج المجاني عشان ما يقولو الانقاذ حرمتم من حاجة ..
ياخ مفروض نحن الايتام ديل يراعو مشاعرنـا شوية ..اقلاهو يخلونا نفهم حاجة انهم بيعملو في شنو ..؟
|
Post: #17
Title: Re: فـــرش متـــــاع .. وتحريك جـــمود
Author: هشام عباس
Date: 09-23-2013, 10:45 AM
Parent: #15
تمبس تحياتى
انا ما حضرت المؤتمر الصحفى لكن من امس لافى على كل المواقع افتش على تلخيص للمؤتمر
او معلومة او اى حاجة ليها فايدة قيلت في المؤتمر للاسف ما طلعت الا بمعلومة واحدة قالها البشير
( ارتفاع الاسعار في الايام الجاية حاجة نفسية ) .
الراجل دا عبقرى يا تمبس بس نحنا الما فاهمنو
|
Post: #23
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 02:19 PM
Parent: #17
Quote: تمبس تحياتى
انا ما حضرت المؤتمر الصحفى لكن من امس لافى على كل المواقع افتش على تلخيص للمؤتمر
او معلومة او اى حاجة ليها فايدة قيلت في المؤتمر للاسف ما طلعت الا بمعلومة واحدة قالها البشير
( ارتفاع الاسعار في الايام الجاية حاجة نفسية ) .
الراجل دا عبقرى يا تمبس بس نحنا الما فاهمنو |
غلطان يا هشام ..
كيف ما تحضر .. ؟
والله تعرف انا كنت بره حايم .. الست المدام رسلت لي قالت لي عمك الساعة تمنية حاول تحضرو عشان تديني التفاصيل ..
يللا قلت دي مناسبة سعيدة زاتووو انو الواحد ليهو فترة وزنو زاد .. وبقت تقوم ليهو حبوب شباب تاني . شكلو كدا ارتاح ورطب
فشنو .. نحاول نحرق دهون وسكريات عشان الحبوب دي ما تعوق الزول ..
لغيت لي كم مشوار كدا وضغطت ليك الحديدة .. وفللي على البيت .. ولعته حجر كارب جدا قلت الليلة يا انا يا الريس دا .. ح افهمو يعني ح افهمو
..
غايتو الحاجة الوحيدة الطلعت بيها انو قال انهم عملو للاقتصاد تحريك جمود .. تحريك جمود اقتصادي .. الباقي داك كلوووووووووو فهمتو (جت) عليهو
ياخ دا عبقري والله لمن بي هناك .. ياخ كمية الارقام الحافظة دي انشتاين بتحيرو .. اررررررر .. ورررررررر ..... رصاها
تعرف يا هشام انا بقيت لاعب على امل واحد . انو يختم الجلسـة دي بي عرضـة ورقصة جديدة تتماشى مع ادبيات المرحلة .. شان الواحد كان شوووية بطنو بردت
ياخ الواحد بطنو اتنفخت زمبارة بس ........
جيهنا جيهه مظبوطة
|
Post: #18
Title: Re: فـــرش متـــــاع .. وتحريك جـــمود
Author: هشام عباس
Date: 09-23-2013, 10:45 AM
Parent: #15
تمبس تحياتى
انا ما حضرت المؤتمر الصحفى لكن من امس لافى على كل المواقع افتش على تلخيص للمؤتمر
او معلومة او اى حاجة ليها فايدة قيلت في المؤتمر للاسف ما طلعت الا بمعلومة واحدة قالها البشير
( ارتفاع الاسعار في الايام الجاية حاجة نفسية ) .
الراجل دا عبقرى يا تمبس بس نحنا الما فاهمنو
|
Post: #21
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 01:45 PM
Parent: #15
| Quote: *** دا من تحت يا عمك ... سيرش على اسم المدرسة دى بلاي . |
يا جنابوووو ..
سلامات ..
ياخ انت كنت كمندان كبير .. والكلام الميت بتاع ناس الحجاب الحاجز دا ما يمشي فيك .. بالذات حق اسم المدرسة .. والصورة البتتخته دي ..
نحن ناسنا ديل عارفنهم يا كمندان .. عارفين بندقهم فتاشة من ووين . .
انت بس يا جنابو ركز لي في الحتة بتاعت تحريك الجمود الاقتصادي بتاعت عمك دي .. والله انا مكيفاني ليك كيف شديد خلاص ..
..
بعدين لاحظته انو ناس الحجاب الحاجز رفعو الاسكيل شوية .. محمد وردي ، وما بخليك لو شنو داك .. وإلخ إلخ ..
هم الواحد لو بيعمل حاجاتو ويغني لينا والله ما عندنا اي مشكلة ..
|
Post: #24
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 02:38 PM
Parent: #21
| Quote: دخلت المنبر وعقبت علي موضوع الزول ده و حساب بنتي في ال فيس بوك كان مفتوح ,, وما يتعب ويعمل سيرش لانو المدرسة دي مدرسة اذا جاك الهوا من جميع الجهات فأين تضع رأسك .. ثمح ..و لآنو اصلا عمل سيرش عني قبل كده و طلعني فيهو قبة من غير فكي و في الحتة دي بالذات جات اغنية المرحوم وردي ودي مسألة اخري .. وعشان توووش ما تخش وترفع وتحرش عشان تستمتع بي ردودو الاستعلائية |
يا جنابو ..
اها خد ..
مش قلت ليك ناس الحجاب الحاجز ديل خليهم علي .. ما تتعب معاهم كتير ..
يعني ابو امل دا . او فالنفترض انو عمك كبييير كدا .. لكن خطير في التقنية والفيس بوك ومعاصر لدرجة انو بستعمل كمبيوتر بتووو وعندو فيس بوك زيها واحد والكتوف متلاحقة واي حاجة
تخيل يا جنابو قاعد يخلي البوردي بتاع بكري دا كلووووو .. ويجي عشان يرد لي انا .. ويفضي لي نفسو كدا دا ..
تخيل من الزاوية التانية .. انو قال استعلائية في ردودي ليهو ..
ياخ دي قلب فيها هووبا عديل كدا .. ياخ عرفت من متييين ..؟ ومن متين زاتووو دخلته معاك في حتة زي دي .. استعلائية وبتاع . شكلك بطنك منفوخـة من فوق قلته تجي تضغط نجمة وتغير نغمة من تحت الواحد فيكم ما يكمل رجالتو ويكتب العايز يقولو بي حسابو الفوق دا
بعدين مسالة افتش عليك دي .. دي شغلتي انا .. انا قاعد اعرف بعمل فوق شنو ..
انت تعال اكتب بي كمبيوترك بي كمبيوتر بتك بي كمبيوتر بتاع الدكان .. ما عندك اي قشة مرررة
اكتب وخلي الباقي علي انا دا ..
بس زي ما قلته لي اخوانك .. بقية الشبكـة المنظمـة .. القاعده تجي ترد لي تمبس وحيدر الزين وابو حسيـن ..
اعملو حسابكم البقع في طريقي .. طبعا عارفيني عامل كيف صاااح ..؟
قال شنو .. قال حساب بتي
لا وكمان .. الحتة بتاعت استعلائية دي .. والله دي اوسكار عديل
يا كمندان ..
عندك زي اربعة خمسـة ادلة في الرد دا .. وانت تمشي تفتش للمدرسة ..
قلت ليك الجماعة ديل ناسي وانا سيدهم .. انت بس اديها صنـة .. حسع دي قبل يومين واحد وقع في الشرك وبلع الطعم كويس ...
ونحن لما نشرك .. ما قاعدين نشرك ساااي .. بنملى الجبادة كلها صارقيل .. بس الواحد يبلع بس ..
جماعتك ديل ان شاء الله اي واحد يبلع .. بنخنقو ليك .. ونحن لما نخنق الواحد الشهادة ما بقلبه .. بموت فطيس ..
هوووي يا .. هوووي يها .. الواحد فيكم ما يبلع ساااي .. لازم يلوك اول
|
Post: #25
Title: Re: فـــرش متـــــاع .. وتحريك جـــمود
Author: tmbis
Date: 09-23-2013, 04:04 PM
Parent: #24
مزيدا من الاستفزاز يا سيادة الرئيس ..
مزيدا من العبارات الفضفاضة ..
التوالي .. المصفوفة .. الهوت دوق والبيتزا ثم تحريك الجمود الاقتصادي ورفع الدعم ..
..
ارفع .. ارفع يا سيادة الرئيس هي لله لا للسلطة ولا للجاه ...
|
Post: #26
Title: Re: فـــرش متـــــاع .. وتحريك جـــمود
Author: حمد عبد الغفار عمر
Date: 09-23-2013, 04:20 PM
Parent: #25
سلام يا علاء
عبد الخالق لما سألوه في المحكمة قدمت شنو لشعبك ؟ قال ليهم الوعي بقدر ما استطعت
هسة بالله البشير دا يقول قدم شنو؟
ياهو الهوت دوغ دا
فرمالتو القاشر بيها اليومين ديل
|
Post: #27
Title: Re: فـــرش متـــــاع .. وتحريك جـــمود
Author: محمد حمزة الحسين
Date: 09-23-2013, 05:45 PM
Parent: #25
Quote: ياخ مفروض يحترم تواضعنا المعرفي .. كان يرد لينا في الاتو حقنا .. يرد لينا في الحتة بتاعت العضـة .. ما يتزاوغ لينا منها ..
|
وبالمرة كداااااا يشوف لينا الدولار دا برقد واطاااااا بتييين
:
:
:
مع التحيات لله الزاكيات
|
|