Post: #1
Title: نطالب بنقل الأمم المتحدة الخرطوم و سنعطي أمريكا تعويضا
Author: سيف النصر محي الدين
Date: 09-17-2013, 07:05 PM
Parent: #0
و زغرطي يا اللي منتيش غرمانة
|
Post: #2
Title: Re: نطالب بنقل الأمم المتحدة الخرطوم و سنعطي أمريكا تعويضا
Author: سيف النصر محي الدين
Date: 09-17-2013, 07:39 PM
Parent: #1
أهلنا في شمال الوادي عندهم ذخيرة لا ينضب معينها من الأمثال ، و المثل أعلاه انا معجب به بشكل خاص لانه بيلفق لمواقف كثيرة من مثل مواقف بعضهم هههههه. و نحن هنا في جنوب الوادي برضو عندنا من المقال ما يناسب كل حال حتى و إن لم يكن بمثل طلاوة كلام أولاد بمبه، و في مثل موقفنا الراهن هذا ربما نذكر مقولتنا هذه: هو الكلام بقروش!
|
Post: #3
Title: Re: نطالب بنقل الأمم المتحدة الخرطوم و سنعطي أمريكا تعويضا
Author: سيف النصر محي الدين
Date: 09-17-2013, 08:12 PM
Parent: #2
هل كانت ام ضريوة هي التي توعدت أمريكا ؟
ام أن المحليات تشابهت علينا ؟
|
Post: #4
Title: Re: نطالب بنقل الأمم المتحدة الخرطوم و سنعطي أمريكا تعويضا
Author: سيف النصر محي الدين
Date: 09-18-2013, 02:59 PM
Parent: #3
قال ليك الفار مرة جا النادي لقى الأسد قاعد مع جماعة أصحابو and they were having fun المهم الفار قعد في تربيزة مقاصدة الأسد و قعد يحمر ليهو و يقول: غايتو الليلة في واحد حيتدق دق العيش، اها أصحاب الأسد لاحظو و قالوا للأسد : الفار ده مالو معاك، قال ليهم: انسو ما تشتغلوا بيهو، و هو من ناحيتو طنش و عمل ما شايف بس الفار واضح انو ما كان ناوي يجيبها البر و واصل في ترديد نفس الكلام انو الليلة في زول حيتدق دق العيش، لما الحكاية كترت و بقت مزعجة الأسد استأذن من أصحابو و مشى على الفار اداهو لطخة واحدة بس رمتو ليك زي مية متركده و رقد مغمى عليهو زي ساعتين قام بعدها اتنفض و عاين للجماعة و قبل ما يفرتق قال ليهم: مش قلت ليكم انو الليلة في واحد حيتدق دق العيش!
|
Post: #5
Title: Re: نطالب بنقل الأمم المتحدة الخرطوم و سنعطي أمريكا تعويضا
Author: Mahjob Abdalla
Date: 09-18-2013, 03:09 PM
Parent: #4
الهبيب دكتور سيف بيني و بينك المرة دي زولك كتر المحلبية لكن يبدو انو مصمم حيعملها و الامريكان حيدوهو الفيزا. صدقني في الكلام ده
|
Post: #7
Title: Re: نطالب بنقل الأمم المتحدة الخرطوم و سنعطي أمريكا تعويضا
Author: سيف النصر محي الدين
Date: 09-19-2013, 11:12 AM
Parent: #6
سلامات يا محجوب قول أدوه تأشيرة اها يعني شنو ؟ هل سيظل هذا الرجل و نظامه يعملون من أجل انتصاراتهم الصغيرة و من ثم يسوقونها لنا فنشتريها؟ و بعدين لاحظ اللغة المستخدمة عمدا لتزييف وعي الجمهور و تصوير الأمر في جو من التحدي و البطولة و "الرجالة" مع أن الحقيقة أنهم يخافون و يقلقون من سفر الرجل حتى لو سافر بضعة أمتار خارج الحدود!
|
Post: #8
Title: Re: نطالب بنقل الأمم المتحدة الخرطوم و سنعطي أمريكا تعويضا
Author: Mahjob Abdalla
Date: 09-19-2013, 03:49 PM
Parent: #7
Quote: هل سيظل هذا الرجل و نظامه يعملون من أجل انتصاراتهم الصغيرة و من ثم يسوقونها لنا فنشتريها؟ |
الهبيب دكتور سيف بالضبط هو سيظل يعمل لاجل انتصارات لهذه و نحن نشتريها و الدليل ياهو كل بوستات الصفحة الاولي من هذه الشاكلة و كما توقعت فقد تحصل علي التأشيرة او كما قرأت في بوست مجاور هذه مناورة لشغل الناس عن الحديث فيما يخص الوضع الاقتصادي في السودان.
_____________ شفت لي تصريحين احدهم من وزير المالية بخصوص البيتزا و الاخري منه هو شخصيا بخصوص ال###### الحار.
|
|