Post: #6 Title: Re: ***** يا عبد اللطيف زولك دا طلع ماسورة زيك ... **** Author: tmbis Date: 09-16-2013, 06:43 AM Parent: #5
Quote: عليك الله متع نفسك بالفن دا :-
يا عادل .. انت قايل الجقلبـة دي كلها في شنـو ..؟ ما في الود نيمار دا .. عبد اللطيف ما قدر يلقى ليهو طريقة يشرب بيها الود نيمار دا قال انا يا زول اعمل سهر الجداد ولا نومو .. عليك الله خليك من حصان الجري دا .. ما ياهو عندهم حصان زيو بيجري من الخط للخط .. عمل شنو ؟؟ في النهاية جاب قوون في نفسوووو
Post: #7 Title: Re: ***** يا عبد اللطيف زولك دا طلع ماسورة زيك ... **** Author: ABUHUSSEIN Date: 09-16-2013, 03:41 PM Parent: #6
و الله يا تمبس قابلتو أمبارح الهم ظاهر في وشو ......
ياخ جايبين ليهم حصان بي 100 مليون ....؟؟؟
ياخ نيمار دا إمتعك و يخليك تتمنى الكورة دي ما تنتهي كلو كلو ..
بعدين ببهدل ليك المدافعين بي صورة بايخة شديد ياخ 7 فاولات معاه و كرتين صفر بي سببو ..
و الغريبة إردموه ليك و إقوم إتنفض زي الما حصل شي لا بقول أخ و لا بشكي للحكم ...
غايتو يا صاحبي الموسم دا حا إكون متعة ما بعدها متعة نجدد الكروت و نتفرغ للمتعة ...
غايتو صاحبنا أبو خالد لو جا داخل البوست دا إكون فدائي عديل كدا ...
Post: #8 Title: Re: ***** يا عبد اللطيف زولك دا طلع ماسورة زيك ... **** Author: عصام علي أحمد Date: 09-16-2013, 04:58 PM Parent: #1
Post: #9 Title: Re: ***** يا عبد اللطيف زولك دا طلع ماسورة زيك ... **** Author: ABUHUSSEIN Date: 09-17-2013, 05:45 AM Parent: #8
أهلاً أخونا عصام
ياخي زولم دا غير الجري ما عندو حاجة القون الجابو ضرب الكورة و ضرب الحارس كان عايز إقد ليه صدرو ..
غايتو زولم دا شكلو حا إدخل ليهم جوه الشبكة أكتر من الكورة ...
تحياتي و إحترامي
Post: #10 Title: Re: ***** يا عبد اللطيف زولك دا طلع ماسورة زيك ... **** Author: عبد اللطيف بكري أحمد Date: 09-17-2013, 08:42 AM Parent: #9
برد عليكم من اسطانبول بعدين!!
الزول مخلوع من أول مباراة له في أعظم نادي في التاريخ ،،
وهو أكيد تحت ضغط المبلغ الكبير ، فأي حركة بيعملها السماسرة في سوق المواسير طوالي بعملو ليها جرد،،
صبركم علينا ياتمبس و ياعصام!! ماتابعو لي ابو حسين دا !!
Post: #11 Title: Re: ***** يا عبد اللطيف زولك دا طلع ماسورة زيك ... **** Author: garjah Date: 09-17-2013, 09:29 AM Parent: #10
فعلا
قنعنا من الانصاف
في هذا البورد
الزول حريف لمن مقطعا عدييييل
قوة بدنية وذهنية
ال100 عليه قليلة
والدوري يكضب الحرفاء
ويا عبد اللطيف جيب من زي ده
قشة ما تعتر ليك
ولا تعبأ بالمواسير
Post: #12 Title: Re: ***** يا عبد اللطيف زولك دا طلع ماسورة زيك ... **** Author: ABUHUSSEIN Date: 09-17-2013, 10:36 AM Parent: #11
Quote: صبركم علينا ياتمبس و ياعصام!! ماتابعو لي ابو حسين دا !!
مالو أبو حسين كمان ...؟؟؟ ماسورة و ل ماسورة ....
صدقني زولك دا السنة الجاية حا تلقاهو معروض في سوق المواسير بي 100 دولار
Post: #13 Title: Re: ***** يا عبد اللطيف زولك دا طلع ماسورة زيك ... **** Author: صبري طه Date: 09-17-2013, 11:45 AM Parent: #12
يا عبداللطيف .. قول يا لطيف ...
Post: #14 Title: Re: ***** يا عبد اللطيف زولك دا طلع ماسورة زيك ... **** Author: ABUHUSSEIN Date: 09-17-2013, 01:30 PM Parent: #13
Quote: ولا تعبأ بالمواسير
يا زول خليكم مع مواسيركم دي لم تصدوا إنتو زاتكم .....
Post: #15 Title: Re: ***** يا عبد اللطيف زولك دا طلع ماسورة زيك ... **** Author: khaleel Date: 09-17-2013, 03:34 PM Parent: #14
ابو حسين
شايف الراجل جدد 17 مليون في السنة
أحدثت نظارة البرتغالي كريستيانو رونالدو التي ظهر بها أثناء حدث توقيعه على تجديد عقده مع ريال مدريد اليوم الأحد، ضجة على شبكات التواصل الاجتماعي.
وظهر النجم البرتغالي داخل أروقة ملعب سانتياجو برنابيو، وهو يرتدي سترة سوداء أنيقة، مع بنطلون جينز، ورابطة عنق زرقاء قاتمة، وحزام شفاف، ومعه النظارة الكبيرة السوداء، التي أصبحت آخر صيحات الموضة في العالم في السنوات الأخيرة.
وظهرت تلك النظارات في الماضي واندثرت قبل أن تعيدها شركات الموضة والتصميم للحياة من جديد.
وتهكم رواد فيسبوك وتويتر على نظارة رونالدو منذ ظهور صوره على الانترنت، وكتب أحد الأشخاص "يبدو أن رونالدو كان ينتظر أموال التجديد لشراء النظارة الجديدة" و"رونالدو استعار نظارة (ألفريدو) دي ستيفانو لتوقيع العقد".
وكان رونالدو قد دخل عالم الموضة منذ فترة، ويفكر في الاستمرار في هذا الطريق، حيث قرر إقامة خط إنتاج ملابس داخلية باسمه، على غرار ما قام به النجم الإنجليزي المعتزل ديفيد بيكهام.
