Post: #1
Title: وما رميت إذ رميت
Author: طلحة عبدالله
Date: 09-12-2013, 09:02 PM
الغريبة الزول دا أنا الوحيد الفط مداخلتي .. برغم أنو أنا وقفت معاهو واديتو من إحساسي Quote: المرة دي عندي إحساس انو توقعات الرحال ح تصدق ..
غايتو الناس الشتموهوا راجيهم اعتذار ولا عزاء للمريخاب .
رفعت الأقلام وجفت الصحف .
|
وطبعا الأخطبوط طال عمرو لما يحس ويشعر فقطع شك الكلام انتهى ..
ولا يفوتني بهذه المناسبة أن أقول :
الكهل المصري الكذاب الحضري لا كورة لا أخلاق
والحكم اتجابن وإلا كان المفروض يطردو
وخبير التحكيم الطاهر بالغ عديل كونو يدي الحكم 9 من عشرة ..
والبت الإسمها ميرفت دي مما بقت تتكلم في الكورة في التلفزيون فالرماد كال حماد الكورة السودانية كلها
وليس هلال مريخ يس .. ملاحظين معاي الحاجة دي ؟؟
إذا نخلص من هذه المعادلة إنو
ميرفت دي أكبر كج لاقاني أنا والزول الجمبي دا ..
وكذلك أشرف الرحال كج كبير جدا والمرة دي مشت معاهو لأنو الإخطبوط طال عمرو إتدخل .
أوع تصدق نفسك يا رحال .
وإتا عامل إيه يا .............. هناي .
ربما يتبع ...
|
Post: #2
Title: Re: وما رميت إذ رميت
Author: abas
Date: 09-12-2013, 09:12 PM
Parent: #1
|
Post: #4
Title: Re: وما رميت إذ رميت
Author: طلحة عبدالله
Date: 09-12-2013, 09:27 PM
Parent: #2
أبدا والله يا مالديني .. عمري ما غيرت رأيي في الحضري ولا ح اغيرو ..
البوست الطويل عريض داك اتا ما كملتو الظاهر عليك .
|
Post: #3
Title: Re: وما رميت إذ رميت
Author: محمد البشرى الخضر
Date: 09-12-2013, 09:27 PM
Parent: #1
قوم لف, وبعد تلف
قم فبارك :)
|
Post: #5
Title: Re: وما رميت إذ رميت
Author: طلحة عبدالله
Date: 09-12-2013, 10:07 PM
Parent: #3
هي اتا في قم فبارك واللا في الناس الأكلونا وعملوا نايمين ديل .. ههههههههه
..............................
يا عباس ياخ لف كدا واللا كدا عامل حلتك الكلها شحم دي .
|
Post: #6
Title: Re: وما رميت إذ رميت
Author: عمر الفاروق
Date: 09-12-2013, 10:46 PM
Parent: #5
طلحة يا حبوب اخدا مني..
انت اكبر الرابحين من خسارة المريخ..
بكل بساطة لانو خلاص كده ممكن تقول باي باي الحضري فقدانتهت الاسطورةالوهمية التي باعها صحفيو المريخ لجمهوركم المسكين..
تمسك المريخ بالحضري لانو عشعشت في اذهانهم انو المريخ ما بيخسر من الهلال والحضري واقف..
والادارة صدقت.. والجمهور ..واللاعبين..بل الحضري نفسه صدق..
علما بانو الحضري خسر من المريخ مرتين تقريبا وهو حارس للاهلي..
باي باي الحضري لانو يادوووب الجمهور ح يفوق من الصدمة ويكتشف انو الحضري تسبب في الاقوان التلاااتة.. وما هو الا كهل عجوز خرب ممكن تشوت فيهو كشك ليمون من اللعوتة..مع انو بدا وكانو الحضري في كامل لياقته..
اهوالهلال طبق ليك الغلب يا حضري وبدل القون تلاااتة..
طلحة اسمعا مني..الحضري بعد كده بنطرد بعد ما ح يصرح تصريحات مستفزة يصف لعيبة المريخ بالحميير والادارة بالاغبياء..
|
Post: #7
Title: Re: وما رميت إذ رميت
Author: أيمن محمود
Date: 09-12-2013, 10:57 PM
Parent: #6
| Quote: الحضري بعد كده بنطرد بعد ما ح يصرح تصريحات مستفزة يصف لعيبة المريخ بالحميير والادارة بالاغبياء.. |
الزمن ده الزول ما يمرق النصيحة كلو كلو ؟!
- يا طلحة كتر البتابت عيب 
|
Post: #8
Title: Re: وما رميت إذ رميت
Author: طلحة عبدالله
Date: 09-12-2013, 11:19 PM
Parent: #7
يا أبو عمير طول ما في ناس مكابرين ورأسم قوي وما عايزين يعترفوا أو يسمعوا الكلام
صدقني ح اكون دائما ربحان أستمتع بردود الأفعال بتاعت الجماعة ديل لما نقول ليهم
وننصحم وما يستبينوا النصح حتي بعد ضحي وقعان الفاس في الرأس ..
القول ما أقوله دائما ولي الفوز ولهم الخسران والنشوف البتعب منو ؟؟ ههههههههههه
الحضري خازوق كبير زينوهوا الأدعياء من المسترزقين على حساب المريخ ودقوهوا
في جسد النادي النازف .
اللهم لا شماتة ..
بالطريقة دي ح نفضل نبارك ليكم كتير يا هلالاب برغم الضعف البائن عليكم .
يا أيمنوف بتابت شنو ؟؟ الحضري دا حمامة مكسورة الجناح قبل ما ينفرض على المريخ
من ناس جمال الوالي وشلتو .
|
|