يامفراكتنا المصون موش بلف السفر ده قفلناو كاااك

لكل بداية نهاية يامفراكه مشيتي السودان وبرطعتي واتحننتي وهيصتي بي افخر التياب وطقوم الدهب عرس اخوك حضرتي واحد وعشرين يوم غير التذاكر والشنط تكملي تمنية الف ريال يعني اربعمية ريال في اليوم قالوولك انا جداد المتعافي النموذجي الببيض اربعه مرات في اليوم ولا انا مؤتمر وطني كاااااااااااااك اتي موش عارفه الزنقه الهنا نطاق ونقاط حمور وصفور وخدور وكفيلي ملفو ودابظرطه نجدد الاقامه بالكروب وتحت تحت وبي غادي اصبع ضوه مافي
عجبتك قصة انك تبقي راجل البيت واحد وعشرين يوم وقالو ليك ناس كيدهن عظيم خياتك ماتخلي ليو ريال عشان فكرو مايروح بعيد ويعرررس فيك موش ووقعتي فيني زي مكنة البروست شووووو شوووو عشرة دقايق تلقي بوخو طالع اييي والله اتا ماعارف السودان كيف والغلاء والمعيشة ولاي لو ده اتا بي اكلك الكتير داك مليونين ماتكفيك باليوم تاكلي السوس بت عمي
غايتو لو ماكان ضمدتي جراحي بي شراء الواطه ان شاء الله تقطعوها بالعافية اتي ووليداتك ضمنتي ياام داقوسه لانو اتي عارفه رايي في حكومة السودان ماف حل معاها ياتشيل مكينة تطبع عملة اجنبيه كمان ماعمله محلية هبوووب ساي ياتشتري واطه تاني ايو مشروع يمرقو عليك ناس الايصالات بوروك ليو ضحا وعشان كده المغتربين نفخو الاراضي نفخ خروف الضحيه واغلب الاراضي البدوها المساكين مواسير يقولو ليك دي جنبها كبري ودي جنبها الحديقة المعلقة وفي الاخير تمشي تسكن صوت الركشات طرطرطرطرطرطرطرطرطرطرط طيييييييييييييييييييييييييط فوق اضنينك الاصلن لامات فيها باعوض الدنيا كلها والعجب القعونج
بالنسبة لي قراري حتسمعيو بعد تجي هنا والافضل انو جوازك تدبسيهو كررج رج تاني ليك سفر انسي والدايرنا يجينا والقرار ده ماقرار بتاع البلف عوض ده قرار نهائي لارجعة فيه وكان اتي راسك حديد فابوكم راسو فولاذ (الحته دي تحديدا داير الجاسوسات الخاصات الفاكوهم وراي يوروك ليها طقطق ويمنع الوسطاء )
طبعا حاسعا كما سعيت خلال العقدين السابقين من اغترابي انو اسدد القدود العملتيهم في الميزانية مع باقي الواطه تلاته سنين باذن واحد احد في الفترة دي عقلي حيكون مشغول بالعربية عيون كديس الدخلتي قروشا هناك واديتيني الهكرة الوجعت ضهري وراسي عشان تعرفي برضا بالقليل وماهماني عررض الدنيا
وكدي النسمعك دايره ودايره :):)