Post: #1 Title: فالديز ضيع الكاس مع الريال برعونه واتى به من الاتليتكو ببساله بررررشا Author: حامد بدري Date: 08-29-2013, 08:24 AM
في الموسم السابق ضاع لقب كاس السوبر من البرشا بسبب هدف دي ماريا بعد خطفه الكره بعد تساهل ورعونه من حارس البرشا فالديز في ملعب الكامب نو وهذا الهدف اعطى الاولوية للريال في مباراة الاياب وذهب الكاس بحسرة للغريم بالامس انقذ فالديز مرمى البرشا كما في مباراة الذهاب من هدف مؤكد مية المية وبيد واحد مع انو الكرة كانت قوية جدا
Post: #2 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: حامد بدري Date: 08-29-2013, 08:34 AM Parent: #1
لقطة المباراة وكانت التيكي تاكا اتلتيكيوية كااااااااك خشمي اتكعوج لو خشت كان شربنا الزيت حار والسنة دي مع اللعب التقليدي وبيكيه الفارش الدكوه بالليمون والتبش واتشتح زي بتاع الكراتييه ده الله يسترنا والادارة مع طاطا يسلقو لينا في البطاطا قال مامحتاجين مدافع من انتم فالفريق محتاج مدافعين غزال وطيارة ورشاقة واستخلاص ويكون خبير في الدوري الايطالي الفرنسي الانجليزي الالماني والبرتغالي الدفاع قاعد رشوشه ساي لو لاقينا الريال او المانشيست او الشيلسي بناكلا حاره وضهرنا لي هسع معسَّم من سبعة ريبرييه وابصلعه روبن فماترفعو ضغطنا واشترو مدافعين تلاته
Post: #3 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: حامد بدري Date: 08-29-2013, 09:59 AM Parent: #2
دي هفوة فالديز السنة الفاتت
Post: #4 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: حامد بدري Date: 08-29-2013, 10:07 AM Parent: #3
اها دي من اللقطات المابنساها كان متا عديل واحده من ماسكرانو والتانية من شاكيرا شوارع فاتحه هبابي وكانو سبب مباشر في اصابتي بضغط الدم العصبي فبرشلونه يجري معانا في الشريان والتوتر ليلتها كانت سبب مباشر ده غير النوفاخ بتاع المقرضين من فريق الدجاج الابيض
Post: #5 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: حامد بدري Date: 08-29-2013, 03:14 PM Parent: #4
Quote: Maldiny Myamy · متابعة · الاداره العامه للزراعه محليه عطبره في مهندس زراعي برشلونه زي المريخ ماشه معاها الايام دي باالبركه مع اختلاف فروق الوقت رد · أعجبني · متابعة المنشور · منذ 4 ساعات
ياهندزة بالطريقة دي بكتلوني مابقدر اشجع برشا بدون تعصب وجوعيير ومرات بدور اشق الشاشة عشان اثبت الفيش للغطية شئ جايب لينا السبعات غير الناحية اليمين وتشتح بيكيه ماف وبعدين فيجول الاسد عجز خالص ولسع مصرييين بل قالو مافي عديل صرفنا نظر من المدافع
Post: #6 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: osama fadlalla Date: 08-29-2013, 04:31 PM Parent: #5
Quote: لقطة المباراة وكانت التيكي تاكا اتلتيكيوية كااااااااك خشمي اتكعوج لو خشت كان شربنا الزيت حار والسنة دي مع اللعب التقليدي وبيكيه الفارش الدكوه بالليمون والتبش واتشتح زي بتاع الكراتييه ده الله يسترنا والادارة مع طاطا يسلقو لينا في البطاطا قال مامحتاجين مدافع من انتم فالفريق محتاج مدافعين غزال وطيارة ورشاقة واستخلاص ويكون خبير في الدوري الايطالي الفرنسي الانجليزي الالماني والبرتغالي الدفاع قاعد رشوشه ساي لو لاقينا الريال او المانشيست او الشيلسي بناكلا حاره وضهرنا لي هسع معسَّم من سبعة ريبرييه وابصلعه روبن فماترفعو ضغطنا واشترو مدافعين تلاته
ههههه .. ناس البارشة ديل شغالين بمقولة الهجوم خير وسيلة للدفاع .. لكن السياسة دي ذاتها ما بتظبط لو مسي ما في كامل القه ....
و ذي ماقلت .. دفاعهم ده ما بياكلهم عيش في الشامبيون لييق
Post: #7 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: محمد البشرى الخضر Date: 08-29-2013, 07:41 PM Parent: #6
Quote: فماترفعو ضغطنا واشترو مدافعين تلاته
ههههه اليشوف الحرقة دي يا حامد يقول بتتكلم مع ناس البرير و الكاروري
Post: #8 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: حامد بدري Date: 08-30-2013, 02:58 PM Parent: #7
Quote: ههههه .. ناس البارشة ديل شغالين بمقولة الهجوم خير وسيلة للدفاع .. لكن السياسة دي ذاتها ما بتظبط لو مسي ما في كامل القه ....
و ذي ماقلت .. دفاعهم ده ما بياكلهم عيش في الشامبيون لييق
اسامه فضل الله عشان يكون بيدي لابيد عمر كاااااااااك الشامبيون لييق شنو وحات نظري شامبيون البرير مانلحقو بعد قفلو البلوفا بتاعت الدفاع اصحا ياروسيل
Post: #9 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: حامد بدري Date: 08-30-2013, 03:15 PM Parent: #7
Quote: Quote: فماترفعو ضغطنا واشترو مدافعين تلاته
ههههه اليشوف الحرقة دي يا حامد يقول بتتكلم مع ناس البرير و الكاروري
المخضرم ودالبشرى ياهسسسودة موقع كلاسيكو برشلونه العربي متابعنو كويس الناس ديل ناس قسم الجوده وانا عضو خبره هناك كدي رشح لينا مدافع مناسب زي طارق احمد ادم يعيد الثقة للدفاع
Post: #10 Title: Re: فالديز ضيع الكاس مع الريال برعونه واتى به من الاتليتكو ببساله بررر Author: حامد بدري Date: 09-01-2013, 12:53 PM Parent: #9
هدف نيمار في مباراة الذهاب الظاهر السنة دي يادرون يادرون ماحنغلب الفرق الكبيره ربنا يستر
