Post: #1
Title: حادثة فريق النسور فى شندى توضح بعد نظر البروف شداد
Author: Luai Salah
Date: 08-21-2013, 07:53 AM
انسحب فريق النسور امام الاهلى شندى بعد خسارته مام الاهلى شندى واتهام الحكم بالسكر وفتح بلاغ ضده واجراء كشف سكر على الحكم , فريق النسور هو يتبع للشرطة واصبح يتعامل مع الفرق والاتحاد العام بذهنية الشرطى تكررت تجاوزات فريق النسور فى الدورى الممتاز ومباراته مع المريخ ليست ببعيدة
المهم كانت نظرت البروف شداد بعدم تقييد الفرق التابعة للقوات النظامية لفرق الاتحاد العام ومنافساته والان وضحت تماما بعد نظر البروف
|
Post: #2
Title: Re: حادثة فريق النسور فى شندى توضح بعد نظر البروف شداد
Author: محمد عبد الله الامين
Date: 08-21-2013, 08:49 AM
Parent: #1
فعلا الكورة ماشية للفوضي في السودان بعد تدخل القطاعات الحكومية وخاصة ناس ابو طيرة
|
Post: #3
Title: Re: حادثة فريق النسور فى شندى توضح بعد نظر البروف شداد
Author: عمر الفاروق
Date: 08-21-2013, 09:22 AM
Parent: #2
انا مع البروف شداد قلباً وقالباً ..
لكن انا ما شوفت لي فوضى أكبر من فوضى المريخ في حياتي ..
أسة أخطر ياتا ؟؟ إنسحاب فريق بي سبب سكر حكم ولا إنسحاب فريق ساااي كده عشان ما يجيبو فيهو القون التالت ؟؟
ينسحب الفريق ويشيل اللاعب الكورة فيتم إختياره للمنتخب القومي ويشارك الفريق المنسحب في البطولات عااادي ..
وتكرر الإنسحاب من كأس السودان الفائت تقريباً وسمعنا بقرار حرمان المريخ من المشاركة في البطولة وهاهو يلعب نهائي البطولة بتاعت السنة دي عااادي..
ياخي انا لحدددي اللحظة ما عارف الحصل شنو في مباراة المريخ وهلال كادوقلي اللي كانت السنة الفاتت والمريخ مشى كوستي إنتظر في مبيدان الرابطة بينما إنتظر هلال كادوقلي ملعبه ..
فاز هلال امدرمان والسودان بالدوري فتم قفل القضية بإفتراض إنها نتيجة أصبحت لا تؤثر في مسار الدوري !!!
هلال مريخ ..والان تم إضافة فرق القوات النظامية للفوضى ..
|
Post: #4
Title: Re: حادثة فريق النسور فى شندى توضح بعد نظر البروف شداد
Author: الرفاعي عبدالعاطي حجر
Date: 08-21-2013, 09:47 AM
Parent: #3
| Quote: هلال مريخ ..والان تم إضافة فرق القوات النظامية للفوضى .. |
.....................................................................................حجر.
|
Post: #5
Title: Re: حادثة فريق النسور فى شندى توضح بعد نظر البروف شداد
Author: مرتضى احمد عبد القادر
Date: 08-21-2013, 10:01 AM
Parent: #4
هو أساساً مافي فريق إسمو النسور دا فريق الهاشماب الأمدرماني إتهجمو عليهو ناس الشرطه وقلعوهو قلع
|
Post: #6
Title: Re: حادثة فريق النسور فى شندى توضح بعد نظر البروف شداد
Author: عمر الفاروق
Date: 08-21-2013, 10:04 AM
Parent: #5
هي لكن عاد يا مرتضى لو لسة إسمو الهاشماب كان تلقاهو لي اللحظة في ميدان الليق بياخد الخمسات والستات والسبعات بل وصلت لي الحداشرات..
خصخصة الأندية ما مشكلة وعسكرتها برررضو ما مشكلة ففي النهاية هي مؤسسة زيهم زي حرس الحدود والجيش الملكي واسماء كتيييرة في الكورة الافريقية ..
فقط المطلوب أن يفرض الإتحاد هيبته .. بس..
|
Post: #7
Title: Re: حادثة فريق النسور فى شندى توضح بعد نظر البروف شداد
Author: مرتضى احمد عبد القادر
Date: 08-21-2013, 10:53 AM
Parent: #6
Quote: هي لكن عاد يا مرتضى لو لسة إسمو الهاشماب كان تلقاهو لي اللحظة في ميدان الليق بياخد الخمسات والستات والسبعات بل وصلت لي الحداشرات..
خصخصة الأندية ما مشكلة وعسكرتها برررضو ما مشكلة ففي النهاية هي مؤسسة زيهم زي حرس الحدود والجيش الملكي واسماء كتيييرة في الكورة الافريقية ..
فقط المطلوب أن يفرض الإتحاد هيبته .. بس.. |
خصخصته ما مشكله بس عسكرته مشكله طبعا وسرقته مشكله أكبر
|
|