الجو العام في البورد - بدون زعل !!!!!!!!!!!

Post: #1
Title: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:23 AM
Parent: #0

لاشك ان سودانيز اونلاين من اكبر المنابر السودانيه في الشبكة العنكبوتيه منذ سنوات طويله
و تضم كوكبه فريده منتقاه من الاعضاء المتميزين .

هذه معلومه .... لا غلاط فيها ... وما جبت حاجه من عندي ...

وخلينا نمشي خطوه لقدام ...

Post: #2
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:25 AM
Parent: #1

وحيث انني من المتابعين منذ فترة ليست بالقصيره لكتابات بعض الاعضاء كما هو الحال لاغلب متصفحي هذا المنبر ..
الا ان كتابات البعض الاخر يصيبك بالطمام والاشمئزاز لما تتميز به كتاباتهم من عنصريه او جهويه او فوقيه
وذلك حسب حالتهم النفسيه وقت الكتابه .

Post: #3
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:26 AM
Parent: #2

لقد خرجت بانطباع عام ( كغيري من القراء )
لبعض الاعضاء من منطلق كتاباتهم الاسفيريه
ويمكن تقسيمهم الى مجموعات اربعه ...
حسب ميولهم السياسيه والمزاجيه وهي كالتالي :

Post: #4
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:27 AM
Parent: #3

المجموعة الاولى –
وهم مؤيدوا الحكومه والمتعاطفين معها
( وتصفهم من لا يقف في صفها ( من المعارضه ) بالكيزان .. والامنجيه .. واالارزقيه .... وخلافه
( هذه الصفات الصقت بهم لصقاً )
ويلاحظ ان عددهم في البورد ليس بالكثير خلافاً عن المجموعات الاخرى النشطه.
او ربما انهم لا يشاركون كثيرا في الحوارات الجانبيه التي لا تسمن ولا تغنى من جوع ...
ويمكن تعففاً منهم .

Post: #5
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:29 AM
Parent: #4

المجموعه الثانية -
الشيوعيون والعلمانيون وهم بالضروره كثر
ويوصفون بالمعارضه وفي الغالب اكثرهم يقيمون خارج السودان
ومنهم من يحمل جوازات سفر اجنبيه
و يتخذون من الكي بورد سلاحاً لهم في فضح وتعرية النظام الحاكم
والتربص بهم واظهار ما لا يروقهم من ممارسات سلوكيه من رجالات الدوله .
وتصفهم المجموعه الاولى (الكيزان )
بانهم ( مناتلين ) غير وطنيين ويخدمون اجندات خارجيه لتفتيت الوطن مقابل حفنة من الدولارات .
( في الظاهر هم الاغلبيه في البورد ..) ودائما ما نلاحظ ان هذه المجموعتين يخاشنون بعضهم البعض والحكم يتفرج )

Post: #6
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:32 AM
Parent: #5

المجموعه الثالثه ...
هي مجموعة الطرب والفرفشه والونسه الدقاقه ..
وغالباً لا يتطرقون للامور السياسيه كثيرا ..
وهذه انجح المجموعات من غيرها في استقطاب القراء ... ولا توجد ضغائن او احقاد بينهم ..
وبوستاتهم دائماً ينالها القبول والاستحسان ..
بعكس البوستات التي يفتحها طرف من المجموعه الاولى ( الكيزان )
فتجد تداخل عنيف من المجموعه الثانية ( المعارضه ) بقصد العكننه والتشويش وتشتيت الفكرة التي من اجلها تم فتح البوست .
نفس هذا السيناريو .. يحدث عندما يقوم طرف من المجموعه الثانيه ( المعارضه ) بفتح بوست سياسي ومهاجمة الحكومه في موضوع معين
فتجد تداخل من المجموعه الاولى ( الكيزان )
ويصبح محور البوست السب والشتم بافظع الالفاظ والالقاب
ولا يستفيد القاري الحصيف الا الحسرة والندامه في دخوله هكذا بوستات .
( هنالك اعضاء معينون هم من يتصفون بالغلظه في الفاظهم والفجور في الخصومه )
والله المستعان ...

Post: #7
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:34 AM
Parent: #6

المجموعه الرابعه والاخيره –
هم المؤلفه قلوبهم ....
والذين لا لهم في التور ولا في الطحين
وليس لهم اي مصلحه او منفعه في مجاراة اي من المجموعات الاخرى ..
فهم يقرأون ما يعجبهم فقط ولا يشاركون
ولا يدلون بارائهم .. الا نادراً.. وبطريقه خجوله ... وما دايرين مشاكل ....
ماشين جنب الحيط .....
برضو أحسن ......

Post: #8
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:36 AM
Parent: #7

هذا هو .. باختصار الجو العام في منبر الاونلاين
من وجهة نظري الشخصيه ..
ويمكن غيري له وجهة نظر اخرى ...
وطبعاً لم اتطرق للاسماء لعدم الاحراج ....فكلم تعرفونها .....

وافتح المجال لكل من له اضافه في هذا الموضوع ........

وتقبلوا تحياتي ,,,,

محمد عبد المجيد ....

Post: #9
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 11:50 AM
Parent: #8

الاخ الزميل والكاتب المخضرم .. اساسي
له بوست قديم في تصنيف الاعضاء وقتئذ ( انطباعات مجنونه وشتره )
واستأذن منه للاستعانه به في اثراء بوستينا هذا للمصلحه العامه

انطبــــاعات مجنونة وشترة

Post: #11
Title: Re: الجو العام في البورد - بدون زعل !!!!!!!!!!!
Author: محمد هاشم ابوزيد
Date: 08-15-2013, 11:56 AM
Parent: #9

Quote: وافتح المجال لكل من له اضافه في هذا الموضوع ........

تفتح شنو ، انت جبت العيد طوالي
كلامك ده هو الزبده ويتطابق مع وجهه نظري

كل عام وانت بخير يا حبيب

Post: #12
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 12:09 PM
Parent: #11

Quote:
تفتح شنو ، انت جبت العيد طوالي
كلامك ده هو الزبده ويتطابق مع وجهه نظري

كل عام وانت بخير يا حبيب

يا باشمهندس ...... حبابك الف
وزيارتك دي عيد لينا ....ياااخ

كل عام وانت بخير ,,,,,,

تحياتي ,,,

Post: #10
Title: Re: الجو العام في البورد - بدون زعل !!!!!!!!!!!
Author: كمال سالم
Date: 08-15-2013, 11:52 AM
Parent: #8

Quote: المجموعه الرابعه والاخيره –

لالا يا مجيدو .. فى مجموعه خامسه إنت نسيتها .
إنه حسين ملاسى ... نعم ملاسى .. فهو مجموعه لوحدها فى هذا البورد
ويمكنك أن تسمبها المجموعه الخامسه .
فحسين ملاسى إستطاع بحنكه ودرايه وخبث ومكر ... وإقتدار .. إستطاع
أن يجعل كل المجموعات التى ذكرتها ( تلهث ) خلفه وخلف ما يكتب .
وهذه المداخله ربما .. ربما تكون دليلا على صدق كلامى ,, تحياتى ,,

Post: #13
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 12:13 PM
Parent: #10

Quote:
لالا يا مجيدو .. فى مجموعه خامسه إنت نسيتها .
إنه حسين ملاسى ... نعم ملاسى .. فهو مجموعه لوحدها فى هذا البورد
ويمكنك أن تسمبها المجموعه الخامسه .
فحسين ملاسى إستطاع بحنكه ودرايه وخبث ومكر ... وإقتدار .. إستطاع
أن يجعل كل المجموعات التى ذكرتها ( تلهث ) خلفه وخلف ما يكتب .
وهذه المداخله ربما .. ربما تكون دليلا على صدق كلامى ,, تحياتى ,,

ابو كمال .... سلام ... وكل سنة وانت بالف خير ...
وشكرا لمرورك الانيق ..

يمكن يكون كلامك صااح ...
والاخ ملاسي النعم فيه ...
الا انني كما اشرت سابقاً .. امتنع عن التطرق للاسماء ... للحرج البالغ
فكلهم زملاء .. واخوان ...

تحياتي لك يا برنس ,,,,

Post: #14
Title: Re: الجو العام في البورد - بدون زعل !!!!!!!!!!!
Author: وضاحة
Date: 08-15-2013, 12:14 PM
Parent: #10

قنقا اشواقات كتار

نسيت فى مجموعة تانية البتجيك نص اليل وتكون ضاربة القنقليز وتعمل فيها عندها شخصية وبتخوف الناس وتشتمن بالفظ بتاعت شوارع
وتتربص بالاخص للنساء ودا طبعا ناتج من انوا عندوا عقدة من زوجتوا او اموا او اختوا
لانوا بكون شاعر بنقص فيه او فى شخصيتوا مثلا ما شايل مسؤلتوا فى البيت النوع داك البكون قاعد فى البيت وبتشتغل زوجتوا وتصرف عليه

بجى المنتدى راسوا مليان ويبخ سموا وعقدوا للنساء الموجودات بالمنتدى الناجحات والمعروفيين من اصل طيب ومحترمات ومحبوبات من الاعضاء الفى المنتدى
وبكون عارف انهم بنات ناس وما بنزلوا لى مستواء التفاهات فا بحاويل يشوه صورتن للناس

او يمشى يعمل اسم وهمى فى الفيس ويجى ينبز بالفاظ ######انة لانوا ما بقدر يخش يكتب فى المنتدى باسموا المسجل بيه لانوا بكون معروف للناس هو منو
وزى ما يقولوا اهلنا الفيك بدربوا
وكل إينا بما فيه ينضح

النوع دا المفروض يمنع من دخول المنتدى نهاى

لانوا مريض ومحتاج لعلاج نفسي

تحياتى

Post: #15
Title: Re: الجو العام في البورد - بدون زعل !!!!!!!!!!!
Author: محمد عبد الله الامين
Date: 08-15-2013, 12:24 PM
Parent: #14

Quote: هذا هو .. باختصار الجو العام في منبر الاونلاين

الرماديين أحلي ناس ياااااااااااخ
بقيادة المايسترو محمد البشري

أصبت أخي محمد في تحليل المجموعات البتكتب في الاون لاين
وتقبل تحياتي .......

Post: #17
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 12:30 PM
Parent: #15

Quote:
الرماديين أحلي ناس ياااااااااااخ
بقيادة المايسترو محمد البشري

أصبت أخي محمد في تحليل المجموعات البتكتب في الاون لاين
وتقبل تحياتي .......

أبو حميد ... يا عزيز

شكراً على مرورك الكريم ...
وشايفك بتحب اللون الرماادي ..
يا أبيض ... يا أسوود .....

تحياتي لك ....

Post: #16
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 12:27 PM
Parent: #14

Quote: قنقا اشواقات كتار

نسيت فى مجموعة تانية البتجيك نص اليل وتكون ضاربة القنقليز وتعمل فيها عندها شخصية وبتخوف الناس وتشتمن بالفظ بتاعت شوارع
وتتربص بالاخص للنساء ودا طبعا ناتج من انوا عندوا عقدة من زوجتوا او اموا او اختوا
لانوا بكون شاعر بنقص فيه او فى شخصيتوا مثلا ما شايل مسؤلتوا فى البيت النوع داك البكون قاعد فى البيت وبتشتغل زوجتوا وتصرف عليه

بجى المنتدى راسوا مليان ويبخ سموا وعقدوا للنساء الموجودات بالمنتدى الناجحات والمعروفيين من اصل طيب ومحترمات ومحبوبات من الاعضاء الفى المنتدى
وبكون عارف انهم بنات ناس وما بنزلوا لى مستواء التفاهات فا بحاويل يشوه صورتن للناس

او يمشى يعمل اسم وهمى فى الفيس ويجى ينبز بالفاظ ######انة لانوا ما بقدر يخش يكتب فى المنتدى باسموا المسجل بيه لانوا بكون معروف للناس هو منو
وزى ما يقولوا اهلنا الفيك بدربوا
وكل إينا بما فيه ينضح

النوع دا المفروض يمنع من دخول المنتدى نهاى

لانوا مريض ومحتاج لعلاج نفسي

تحياتى

وضااحه .. يا دكترره ...

خلاص ديل نصنفهم ضمن المجموعه السادسه ....
طبعن ... هكذا .. موقف لم يمر بي ...
يااخ .. انتي شايله من الزوول دا .. شيل تقيل ...
خلاص .. المسامح كريم ..... مع انو ماعارف انتي قاصده منو ..

لك ودي الغير محدود ...

Post: #18
Title: Re: الجو العام في البورد - بدون زعل !!!!!!!!!!!
Author: السيد أحمد إبراهيم
Date: 08-15-2013, 01:31 PM
Parent: #16

Quote: مع انو ماعارف انتي قاصده منو ..

أحلف .. لووووووووووووووووووووول

Post: #19
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 01:44 PM
Parent: #18

Quote: أحلف .. لووووووووووووووووووووول

يا ابو السيد ... ياااخ ما تحكها شديد كدا ...

بعدين .. وضااحه دي جعليه .. ما بهمها ....
حسي لو قلنا ليها ... ورينا اسماء المجموعه السادسه دي
تجي تكبوهم ليك .. زي المافي شي .....

فخليها مستوره ... احسن .. ( الوش البدردق دااك )

تحياتي يا ملك ....

Post: #21
Title: Re: الجو العام في البورد - بدون زعل !!!!!!!!!!!
Author: امير طمبل
Date: 08-15-2013, 02:06 PM

مجيدو يا صديقي نهارك سعيد يا صاحب

البوست ده يخيل لي وصفت فيهو الواقع بالظبط بعدين مصطلح (المنالين) ده خلي حقوق الطبع محفوظة الي العبد لله لو سمحت
في مجموعة ودي الأهم نسيتها في كمية كده من كبار السن وديل دائما شغالين بالاغنية الشهيرة عيني ما تبكي و ممكن نسمهيم البكايين
ديل الله يسلمك ما يشوفو ليهم طرحة كتبت اي كلام و طوالي يجو ناطين تسلم الانامل يا شفيفة و ما عارف شنو ويجي واحد برضو يكتب
كتابة طاااعمه تقول حلو مر و حاجات كده كتيرة جدا و ديل عادة ما يتداخلو الا مع ذوات الثدي .
و الامثلة كتيرة و لا تحتاج فشاهدت عدد منهم لا يتداخل الي نون النسوة و لو تلاحظ بعض البوستات تجد نفس الاسماء مربوطة مع من فتح البوست ولكن لا تجده في باقي البوستات
وفي ناس مخدوعين جدا في بعض الشخصيات هههههههههه ده خلاف الناس البمدو قرعتهم كما اشيع هنا من قبل ودي عادة بتكون عبر نوافذ أخري .
عموما يا صديقي يخيل لي البوست ده حيكون فرصة لاي زول هبشو راس السوط
ولي عودة بالمهلة

Post: #22
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 02:32 PM
Parent: #21

Quote:
مجيدو يا صديقي نهارك سعيد يا صاحب

البوست ده يخيل لي وصفت فيهو الواقع بالظبط بعدين مصطلح (المنالين) ده خلي حقوق الطبع محفوظة الي العبد لله لو سمحت
في مجموعة ودي الأهم نسيتها في كمية كده من كبار السن وديل دائما شغالين بالاغنية الشهيرة عيني ما تبكي و ممكن نسمهيم البكايين
ديل الله يسلمك ما يشوفو ليهم طرحة كتبت اي كلام و طوالي يجو ناطين تسلم الانامل يا شفيفة و ما عارف شنو ويجي واحد برضو يكتب
كتابة طاااعمه تقول حلو مر و حاجات كده كتيرة جدا و ديل عادة ما يتداخلو الا مع ذوات الثدي .
و الامثلة كتيرة و لا تحتاج فشاهدت عدد منهم لا يتداخل الي نون النسوة و لو تلاحظ بعض البوستات تجد نفس الاسماء مربوطة مع من فتح البوست ولكن لا تجده في باقي البوستات
وفي ناس مخدوعين جدا في بعض الشخصيات هههههههههه ده خلاف الناس البمدو قرعتهم كما اشيع هنا من قبل ودي عادة بتكون عبر نوافذ أخري .
عموما يا صديقي يخيل لي البوست ده حيكون فرصة لاي زول هبشو راس السوط
ولي عودة بالمهلة

طمبل ......يا امير .....

مداخلتك في التنك .. وتمام التمام .... وشكرأ ليك كتير ....
وبالنسبة لحقوق الطبع على كلمة مناتلين دي .. فهي محفوظه لجنابكم وما تشيل هم .
لاكيين .. كيفتني في حناني .. في حكاية البكايين ديل ...
لانو في ناس ... قلبهم رهيف جدا .. زي حالتي كدا .. وما بحملو الهبباي في عز الصيف ...
ومالو ياااخ لو اتداخلو مع الجكس ... ما برضو احسن ما تسمع ليك كلمه فارغة ولا نبيزه طايره ...
عليك الله تعال تاااني .. وكب ما عندك من شمارات البورض .....

عاالم بطاالــــــــــــــــــه .....

لك ودي ...

Post: #20
Title: Re: الجو العام في البورد - بدون زعل !!!!!!!!!!!
Author: اساسي
Date: 08-15-2013, 01:48 PM
Parent: #18

Quote: الاخ الزميل والكاتب المخضرم .. اساسي

ااي ياخ عليك الله كل ما تلقي فرقة اطريني , انا بحب ليك الاطراء دا جنس حب
الانطباعات دي كانت سلسلة اكتر من اربعة او خمسة بوستات ما كلها في مكتبتي الما عامرة لانه تسعين في المية من بوستاتي ما دخلت مكتبتي لسع
شكله بكري راجي يسود لي المنبر بعد داك يلم باقي بوستاتي المشعثرة هنا وهناك

بالنسبة للبوست بتاعك بتاع الجو العام دا , الكتبته انت مقدمة بس وما غصت في العمق ودي رؤية عامة فقط لانه في المجموعة الواحدة بتلقي قوله تعالي ( بأسهم بينهم شديد تحسبهم جميعا وقلوبهم شتى ذلك بأنهم قوم لا يعقلون )
كونك ما تستشهد وتستدل بالعينات والاسماء دي حركة بتاعة تكبير لفة منك
بوستك دا لو دايره يمشي لي قدام وما يطون راي انطباعي عام يغطس جيب اسماء , غالبا يحصل سبعطاشر صفحة وتبقي بعدها زول مكروه للبعض وفتي احلام البعض وحبيب البعض
المافي شنو علي قول قيقا بالقديم

Post: #23
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-15-2013, 02:49 PM
Parent: #20

Quote:
ااي ياخ عليك الله كل ما تلقي فرقة اطريني , انا بحب ليك الاطراء دا جنس حب
الانطباعات دي كانت سلسلة اكتر من اربعة او خمسة بوستات ما كلها في مكتبتي الما عامرة لانه تسعين في المية من بوستاتي ما دخلت مكتبتي لسع
شكله بكري راجي يسود لي المنبر بعد داك يلم باقي بوستاتي المشعثرة هنا وهناك

بالنسبة للبوست بتاعك بتاع الجو العام دا , الكتبته انت مقدمة بس وما غصت في العمق ودي رؤية عامة فقط لانه في المجموعة الواحدة بتلقي قوله تعالي ( بأسهم بينهم شديد تحسبهم جميعا وقلوبهم شتى ذلك بأنهم قوم لا يعقلون )
كونك ما تستشهد وتستدل بالعينات والاسماء دي حركة بتاعة تكبير لفة منك
بوستك دا لو دايره يمشي لي قدام وما يطون راي انطباعي عام يغطس جيب اسماء , غالبا يحصل سبعطاشر صفحة وتبقي بعدها زول مكروه للبعض وفتي احلام البعض وحبيب البعض
المافي شنو علي قول قيقا بالقديم

يا اساسي .. يا قبل الكراسي ...
احييك ... واشكرك على مرورك الكريم ...الذي اثلج صدور قوم مؤمنين
يااااخ .. انت زوول ما ساهل تب .. ( نوع من الاطراء الذي تحبه )
وعارف كل خبايه واسرار هذا البورض –
وبعدين انا اذا جبت اسماء ... ح افتح لنفسي طاقه قدر كدا .. انا ما قدرها ...
والشكله حتقوم ... والكتاحه تصل للسماء ... وانا مافيني نفس للمناتله
وما عاوزين عوار راس ...
لاكيين اذا جاء واحد وفتاا لينا الحاصل شنو ما بطاال .. وجات منك يا جامع ...
يلا بيلاي .... همتك معانا وادينا بعض انطباعتك في الموضوع دا ..
ومنكم نستفيد ..

وتقبل تحياتي الما ليها حدود .. يا برنس .... يا كبير .... ( اطراء )

Post: #24
Title: Re: الجو العام في البورد - بدون زعل !!!!!!!!!!!
Author: امير طمبل
Date: 08-15-2013, 03:14 PM
Parent: #23

Quote: ومالو ياااخ لو اتداخلو مع الجكس ... ما برضو احسن ما تسمع ليك كلمه فارغة ولا نبيزه طايره ...
عليك الله تعال تاااني .. وكب ما عندك من شمارات البورض ...

مجيدو يا قريبي

الونسسة مع الجكس أصلا محتاجة لبعض المقومات مثلا الظرافة و خفة الروح ديل اذا ما إتوفرو يبقي
الزول شكلو بيكون بيهدر في وقتو ساكت وقع ليك .
بعدين في حاجة ما تفوت عليك لو ملاحظ أن أعمار الجنس اللطيف هنا أغلبيتها من 35 و انت طالع يعني
الحنك لو بقي عاضي ما بيلزمهم لأنو طيلة السنوات العدت دي بيكونو سمعن كلام يكفيهن باقي عمرهن
في بعض البكايين مرات بيدخلو بمكنة عرس الزين ودي الكارثة الكبري .
في بعض البكايين بيعتمدو علي المناظر مثلا واحد يقوم يشتري ليهو أي فون 5 يجي يكتب هنا يقول ليك أخير منو الجلاكسي 4
و في نوع كده مثلا يتصور جوة عربيتو و في نوع كده مثلا بيشرب السيجار الريحتو عفنة داك ديل غالبا بيحاولو يلفتو الانظار
نظام الناس مرطبين و كده نظام شوفونا و مافي ليكم .

Post: #26
Title: Re: الجو العام في البورد - بدون زعل !!!!!!!!!!!
Author: درديري كباشي
Date: 08-15-2013, 03:26 PM
Parent: #24

نسيت يا مجيدو

بعد السلام والمعايدة

المجموعة السنية
المجموعة الصوفية
المجموعة الشيعية ,..

والصراع الديني العقائدي وهذا ليس له علاقة بالسياسة او الرياضة او الفن او الغنا

وهو تقريبا افضل انواع الصراع هنا لانه يضخ كم هائل من المعلومات والمراجع والعنف اللفظي فيه مهذب نوعا ما ولكن اخطره التكفير

Post: #27
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 11:40 AM
Parent: #26

Quote:
نسيت يا مجيدو

بعد السلام والمعايدة

المجموعة السنية
المجموعة الصوفية
المجموعة الشيعية ,..

والصراع الديني العقائدي وهذا ليس له علاقة بالسياسة او الرياضة او الفن او الغنا

وهو تقريبا افضل انواع الصراع هنا لانه يضخ كم هائل من المعلومات والمراجع والعنف اللفظي فيه مهذب نوعا ما ولكن اخطره التكفير

الاخ الفاضل ... درديري كباشي

بعد السلام والتحية المباركة ... كل عام وانتم بخير ,,
اشكرك على مرورك الكريم .....
وفعلا قد فاتني ان اصنف هذه المجموعة الدينية .... بالرغم من محدودية عددهم في البورد
الا انها في تقديري الاهم وكان يجب ان تاتي في المرتبة الاولى
لما لها من اثر مباشر في حياتنا الاجتماعية ...
والاخطر في نظري .... ذلك .....الذي عاد ليبشر بالمسيحيه .... وفاتح بوست طويل وعريض
علماً بانني لم ادخل و اقراء هذا البوست لاقتناعي بخواء الفكره ... ومعرفتي بكاتبه ...
و القاري السوداني فطن .. متدين بالفطره ... لا تفوته هذه الهرطقات ....
ان شاء الله .. عندما اتفرغ قليلاَ سوف اضرب امثله لهذه المجموعه الدينية ...
وياريت يديك معانا يا درديري ومساعدتنا في هذا الخصوص .....

وتقبلي ودي الا محدود

Post: #29
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 12:09 PM
Parent: #24

Quote:

مجيدو يا قريبي

الونسسة مع الجكس أصلا محتاجة لبعض المقومات مثلا الظرافة و خفة الروح ديل اذا ما إتوفرو يبقي
الزول شكلو بيكون بيهدر في وقتو ساكت وقع ليك .
بعدين في حاجة ما تفوت عليك لو ملاحظ أن أعمار الجنس اللطيف هنا أغلبيتها من 35 و انت طالع يعني
الحنك لو بقي عاضي ما بيلزمهم لأنو طيلة السنوات العدت دي بيكونو سمعن كلام يكفيهن باقي عمرهن
في بعض البكايين مرات بيدخلو بمكنة عرس الزين ودي الكارثة الكبري .
في بعض البكايين بيعتمدو علي المناظر مثلا واحد يقوم يشتري ليهو أي فون 5 يجي يكتب هنا يقول ليك أخير منو الجلاكسي 4
و في نوع كده مثلا يتصور جوة عربيتو و في نوع كده مثلا بيشرب السيجار الريحتو عفنة داك ديل غالبا بيحاولو يلفتو الانظار
نظام الناس مرطبين و كده نظام شوفونا و مافي ليكم .

أميرووو .. يا منقه ....

لقيتك ختييير .... وعندك خبره واسعة في امور الجكس
قلت لي .. مكنة عرس الزين .....؟؟؟؟
ياااخ .. دي احسن مكنه .... تدووووم .. وتدوووم ... وتدووووم

منك خوف يا ود ابوروووف ( مع انك ساكن بحري )

بيلاي ابقى ... تعال ... تااني ...
وكب لينا شوية حنك نحنا ما عارفينو ..
وخلينا نستفيد من خبراتكم الطويله..

تحياتي يا برنس ,,,

Post: #25
Title: Re: الجو العام في البورد - بدون زعل !!!!!!!!!!!
Author: حامد بدري
Date: 08-15-2013, 03:25 PM
Parent: #23

مجيدو كلو سنة وات طييب
نسيت ناس حملة الاباريق والداقي طارو فرد نغمه وديل فئة فوق طبقة المؤيدين والمتعاطفين مع الحكومة
يعني السيل كابي كسر بيوتنا وفرتق ايو شئ اجيك واحد ابريقي يقوليك السيل في امريكا
والامطار من الله واللباسات في السوق الشعبي
لو عايز نماذج قول ذيع نذيع

Post: #28
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 11:59 AM
Parent: #25

Quote:
مجيدو كلو سنة وات طييب
نسيت ناس حملة الاباريق والداقي طارو فرد نغمه وديل فئة فوق طبقة المؤيدين والمتعاطفين مع الحكومة
يعني السيل كابي كسر بيوتنا وفرتق ايو شئ اجيك واحد ابريقي يقوليك السيل في امريكا
والامطار من الله واللباسات في السوق الشعبي
لو عايز نماذج قول ذيع نذيع

صاحبي .. حامد ..

وانتا طيب با اخوي .... وربنا يحقق ليك احلامك الكتيرة ديك ....
وشكراً على المداخله ...
اعتقد ديل من ضمن مؤيدي الحكومه ...
وما دايرين لها الحرج في ظروف الامطار والسيول
وحنكم انها اكبر من امكانيات البلد ...

وياريت تجيب نماذج ...... ذيع يااخ ... وانا يهمني .....

تحياتي ....

Post: #31
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 12:19 PM
Parent: #28

Quote: الآخ محمد مجيدو , أحيييك أطيب تحية , بوست ممتاز , كلنا ضد مهاجمة عضوات البورد من النساء لآ نه عيييب ...

الاخ على احمد ... من الفيس بوك

بعد التحية .. والسلام ... وكل سنة وانتا طيب ..
واشكرك على التعليق ...

ولا شك ان تقاليدنا واعرفنا السودانية السمحه تمنعنا من مهاجمة الاخوات ..من النساء والفتيات في اي مكان وزمان...
فما بالك لو كن من الزميلات الفضليات في هذا المنبر .... فلا بد من مخاطبتهن باللين والرقه ...
والله المستعان ...

تقبل تحياتي ,,,

Post: #32
Title: Re: الجو العام في البورد - بدون زعل !!!!!!!!!!!
Author: عادل البراري
Date: 08-16-2013, 12:31 PM
Parent: #28

يا مجيدو يا فقري تحياتي
وا خوفي من القونقليزيشين هو الدفرك ناحية التصنيف
مما وقع لوضاحة في جرح قد لا يكون كبير لكن نحن نظنه هكذا ونرفضه بشدة
مع فط سطر نقول القونقليزيشن خلطه سحرية من تصاميم مجيدوا في زمن لا ينتشي
حبيبي الغالي : -
محمد هاشم ابوزيد
هندسة برص حبات الكزبره زي بلوكات الاسمنت سماكة 20 سم
الشوق الشوق لخقة إيديك شوق وسلام
يا قونقليزيشن صنفت واجدت اها اطلع لقدام
لك حبي
جوالي كما هو

Post: #34
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 01:02 PM
Parent: #32

Quote:

يا مجيدو يا فقري تحياتي
وا خوفي من القونقليزيشين هو الدفرك ناحية التصنيف
مما وقع لوضاحة في جرح قد لا يكون كبير لكن نحن نظنه هكذا ونرفضه بشدة
مع فط سطر نقول القونقليزيشن خلطه سحرية من تصاميم مجيدوا في زمن لا ينتشي
حبيبي الغالي : -
محمد هاشم ابوزيد
هندسة برص حبات الكزبره زي بلوكات الاسمنت سماكة 20 سم
الشوق الشوق لخقة إيديك شوق وسلام
يا قونقليزيشن صنفت واجدت اها اطلع لقدام
لك حبي
جوالي كما هو

يا دووولي .. يا لذيذ .. يا رايييق ...
كل سنة انت والاسرة الكريمه بخير وعافيه في ربوع الرياض الما بتتقعد من الزحمه ....

يااخ وضاحه ... لامن قالت يجيك واحد ضارب قنقليز .... قلتا ...دي قاصدني انا ولا شنوو ..
الا ان علاقتي الجيده معها ... تمنعني ان اكون انا المقصود ....بالاساءة اليها ...

حسي انا اصنفك .. مع ياتو مجموعه ؟؟؟....
مع المعارضين ... ولا مع ناس الطرب والفرفشه ...
وانتا بتااع كلو ... ويمكن تطلع كوز .. ونحنا ما عارفين ..... كااااااك

تحياتي .... على طول الخط ....

Post: #30
Title: Re: الجو العام في البورد - بدون زعل !!!!!!!!!!!
Author: السر جميل
Date: 08-16-2013, 12:19 PM
Parent: #25

الأخ محمد ...

تحياتي وكل عام وأنت بخير ...

الجدد والقدامي ...
للأسف بعض الأخــوة يعتبرون الأقدمية تمنحهم الحق في توجيه آراء الجدد من الأعضاء ...
وإنتقاد أسلوبهم في الطرح ويكون ذلك مقبولاَ على العموم في حرية الرأي والرأي الآخر ...
ولكن ليس بقصد التمييز بين هولاء وأولئك ...
وأعتقد الجميع يخطئ ويصيب ويقبل النصح والتصويب وهذا ليس مقصوراً على فئة دون الأخري...

وبعدين تقول الله والرسول صلى الله عليه وسلم إنت من الكيزان ...
تنتقد المعارضة برضو إنت كوزززززززززززززززززززززز....
تتحدث عن الأحزاب العلمانية إنت مأجـور ومنتفع كوووووووز...
تنتقد الحكومة والنظام إنت معارض لا غبار عليك....
انتي ضدي ما لم تثبت العكس ...

أعتقد بهذا التنوع والإختلاف والتصنيف يكمن سر سودانيز أولان...
بوتقة جامعة لكل الناس وبمختلف الفئات العمرية والفكرية والمستويات التعليمية ...
بغض النظر عن اللون والجنس والنوع وبدون أي تمييز ضار بين الناس ...
وان كان هناك اختلاف نرجو ان لايفسد الود بيننا ...
ومحاولة الإلتقاء بهمزات وصل تجمعنا وما أكثرها ...
الهم في النهاية الوطن هذه الكلمة الكبيييييييييييرة ...
والاهل والاصدقاء والجيران والبسطاء من الناس في بلادي...

أكيد إحترامي ،،،

Post: #33
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 12:48 PM
Parent: #30

Quote:
الأخ محمد ...

تحياتي وكل عام وأنت بخير ...

أعتقد بهذا التنوع والإختلاف والتصنيف يكمن سر سودانيز أولان...
بوتقة جامعة لكل الناس وبمختلف الفئات العمرية والفكرية والمستويات التعليمية ...
بغض النظر عن اللون والجنس والنوع وبدون أي تمييز ضار بين الناس ...
وان كان هناك اختلاف نرجو ان لايفسد الود بيننا ...
ومحاولة الإلتقاء بهمزات وصل تجمعنا وما أكثرها ...
الهم في النهاية الوطن هذه الكلمة الكبيييييييييييرة ...
والاهل والاصدقاء والجيران والبسطاء من الناس في بلادي...

أكيد إحترامي ،،،

الانسان الجميل .....السر جميل ...
السلام عليكم .. وكل عام وانتم بخير ...
واشكرك جداً على مداخلتك المثمره التي تعكس دواخلك الطيبه..
واحييك على هذا الشعور النبيل .....
وكما قلت هذا التنوع والاختلاف يكمن في سر هذا المنبر العتيق ..
وكلنا نكتب من اجل الوطن الكبير ....
واختلاف الراي لا يفسد للود قضيه ...
ومن اجل هذا كانت فكرة هذا البوست ..لان نرتقي بالكلمة الحسنه
وان لا نجادل بعضنا البعض الا بالتي هي احسن ..
وان كنت فظا غليظ القلب لانفضوا من حولك ...
ويا ليت قومي يعلمون ... ويا ليت قومي يفقهون..

بارك الله فيك .... وتقبل عاطر تحياتي ,,,,,,,

Post: #35
Title: Re: الجو العام في البورد - بدون زعل !!!!!!!!!!!
Author: وضاحة
Date: 08-16-2013, 01:12 PM
Parent: #33

Quote: يا دكتوره ناس القنقليز بجوك اسي بي تحت ههههههههه الباجيرو كيف ههههههههههه

دا قنقا لسة ما صنقوا تحت مجموعة وما لقيى ليه حيروا فى صنقوروا دا هههههههههههههه

Post: #36
Title: Re: الجو العام في البورد - بدون زعل !!!!!!!!!!!
Author: عزالدين عباس الفحل
Date: 08-16-2013, 01:19 PM
Parent: #35

وضــــــاحـــــة ،
قـــــطــــر ،،،،

...

شــــو الـقـنـقـلـيـز ده ؟
ده نــوع مــن الـســفـرجــل ،
...

عزالدين عباس الفحل
ابوظبي
...

Post: #39
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 01:37 PM
Parent: #36

عـــنــدمـــــا ضــــحـــــك الـــمـــلـــــيـــــــاديـــــــــــــر،

يا امير طمبل ......

تعال اقراء ... يوجد ايفون فايف .... ( وش خجلان )

Post: #37
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 01:20 PM
Parent: #33

Quote:

الأخ مجيدو , تحياتى .. الجو العام للبورد إنعكس علينا نحنا المساكين أيضا ( بتحت ) يعنى مرات بجينا ( دراب ) واقع من معارككم ( الدونكيشوتية ) دون أن يكون لنا فيها ناقة أو ( جمل) .! يعنى هسع لازم أغالطك فى كلامك القلتو بطريقة النقد الأدبى الزمان إنو المنبر ( و تضم كوكبه فريده منتقاه من الاعضاء المتميزين .) والكلام ده إنت نفسك ذكرت عكسه (الا ان كتابات البعض الاخر يصيبك بالطمام والاشمئزاز لما تتميز به كتاباتهم من عنصريه او جهويه او فوقيه) يعنى ماقصة ( كوكبة ) ولا منتقاة وصراحة نحن أيضا نصاب بالطمام و( القوباء ) من بعضكم وتأكد نحن الغالبية العظمى وأعنى ( القراء ) .. والشيئ التانى قفزت مباشرة للمجموعة ( الثانية ) دون ذكر المجموعة الأولى فلقد جعلتها ( عائمة ) فلم تذكر صراحة أن المجموعة الأولى هى ( الكيزان ) أو( كوادر) تنظيم الأخوان المسلمين المبثوثين فى الأسافير أو مايسمونه هم ( الجهاد السايبرى ) أو الأليكترونى أنا متأكد بعد كل مداخلة من أحدهم يتصلون به ويهنئؤه ب ( جعله ألله فى ميزان حسناتك ) ..
رد ·
· منذ ‏20‏ ساعة

الاخ العزيز يوسف باشري ...... من الفيس بوك
اشكرك جزيلا على تعليقك الظريف ....
وبعدين هذا المنبر به عدد كبير جدا من الاعضاء ...( لا اذكر الرقم بالضبط )
وانا عندما ذكرت كوكبه ليس بالضروره ان كل الاعضاء كواكب ..
بل فيهم المشاترين الذين يكونون السبب في تلبك امعاؤنا الدقيقه ..
واصابتنا بالطمام .. ومرات تلف في الزائده الدوديه .....
اما عدم ذكري بالتفصيل عن المجموعه الاولى
فاللبيب بالاشارة يفهم .....

وان شاء الله احاول ان اضرب امثله لهذه المجموعات
واستعين ببعض البوستات او مقتطفات منها ...

وادونا .. دفره ....

تحياتي لك ....

Post: #38
Title: Re: الجو العام في البورد - بدون زعل !!!!!!!!!!!
Author: عادل البراري
Date: 08-16-2013, 01:26 PM
Parent: #37

يا كنج مجيدو
اديني فرصه احي اخوي يوسف باشري
فله التحية وهاجس شوق

عادل البراري

Post: #40
Title: Re: الجو العام في البورد - بدون زعل !!!!!!!!!!!
Author: aosman
Date: 08-16-2013, 01:38 PM
Parent: #25

Quote: يمكن يكون كلامك صااح ...
والاخ ملاسي النعم فيه ...
الا انني كما اشرت سابقاً .. امتنع عن التطرق للاسماء ... للحرج البالغ
فكلهم زملاء .. واخوان ...

من كده نفهم بأنك تابع للمجموعة الرابعة , ولا برضو ما داير تذكر أسماء؟

Post: #41
Title: Re: الجو العام في البورد - بدون زعل !!!!!!!!!!!
Author: وضاحة
Date: 08-16-2013, 01:57 PM
Parent: #40

قنقا

دى مجموعة الرسائل الخاص
بكى وجعير ونخجى جد وسفر كمان بالطيارات لدار المحبوبة

Post: #43
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 02:08 PM
Parent: #41

Quote:
دى مجموعة الرسائل الخاص
بكى وجعير ونخجى جد وسفر كمان بالطيارات لدار المحبوبة

يا دكتررره ....

لقد نصبتك ... ملكة ... الطرب والفرفشه ... دون منازع ....

النبق ... النبق .... النبق ....

ابو كدا .... زاتووووو
( الوش الاخدر البدردق داك )

Post: #42
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 01:58 PM
Parent: #40

Quote:

من كده نفهم بأنك تابع للمجموعة الرابعة , ولا برضو ما داير تذكر أسماء؟

aosman

كلك نظر .....
وأهنئيك .. على هذا الذكاء الخارق .....
وخليك على كدا .....

Post: #44
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 02:16 PM
Parent: #42

Quote:
سلام مجيدو
التحية ليك و للعضاء و القراء الكرام
بوست لذيذ جداً
لو لا هذا التنوع في الآراء ، و لو لا المشاكسات و حتى ( الشتائم) لم يكن هذا المنبر ليطاق.
أنا متابع (شرس) لهذا المنبر منذ أكثر من 7 سنوات . الأعضاء خليط من كل أصناف البشر و هذا سر نجاحه و شعبيته

تقبل ودي

الاخ عبدالعزيز علي ....

بعد السلام ... وكل عام وانت بخير ...
واشكرك على التعليق الجميل ...
والظاهر عليك بتحب المناكفات ...
وكما يقولون - لولا اختلاف الاذواق لبارت السلع ..

تحياتي لك ...

Post: #45
Title: Re: الجو العام في البورد - بدون زعل !!!!!!!!!!!
Author: امير طمبل
Date: 08-16-2013, 02:16 PM
Parent: #42

Quote: يا امير طمبل ......

تعال اقراء ... يوجد ايفون فايف .... ( وش خجلان )

مجيدو يا صديقي
جمعتك مباركة و يومك سعيد
ولو إني مررت علي البوست ولكن ما فهمت حاجة و نظرا لحساسية الموضوع أعزرني ياخي من الدخول
في الملفات الضيقة دي مع إنو صاحب البوست زول صديقي لكن خلينا يا قريبي في المجموعات حقتنا ههههههههه
بعدين لاحظت ليك حاجة غريبة في البورد ده في ناس كده بتصنفك حسب مزاجها و ناس كده تكرهك بدون ما يكونو
اصلا بيعرفوك تصدق قبل كم يوم قابلت لي بوردابية معانا في قطر اتعمدت ما تسلم علي صراحة فرستني و زعلتني
لكن لما رجعت البيت قلت في نفسي المشتهي الحنيطير يطير .
دحين يا حبيبنا خلينا مع المجموعات حقتنا ديك و انا كل فترة بجيك صادي

Post: #46
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-16-2013, 02:29 PM
Parent: #45

أميروووو ... يا صديقي ...

جمعتك مباركه ان شاء الله ...

يمكن البوردابيه الما سلمت عليك .. تكون معذره... ومقدرت تسلم عليك
او تكون ما انتبهت ليك ... المهم ما تشيل في قلبك ياااخ...
وان شاء الله تجي تقراء كلامك دا .. وتوضح ليك وجهة نظرها ...

اها في موضوع تصنيف الناس من طرف كدا ...
شايف جاء زميل واتداخل هنا .. وشاتني طوالي مع ناس المؤلفة قلوبهم ...
ما .. بطاال .... اهو لقينا لينا ... ناس نمشي معاهم
بدل ما نحنا لافين صينيه كدا ....
تحياتي .... وخليك قريب ...

Post: #47
Title: Re: الجو العام في البورد - بدون زعل !!!!!!!!!!!
Author: aosman
Date: 08-16-2013, 03:42 PM
Parent: #46

Quote: كلك نظر .....
وأهنئيك .. على هذا الذكاء الخارق .....
وخليك على كدا .....

ياخي إنت كملت الذكاء كله بهذا التصنيف الخطير الذي لم يسبقك عليه أحد وبلا شك إنه يستحق عليه جائزة

Post: #48
Title: Re: الجو العام في البورد - بدون زعل !!!!!!!!!!!
Author: طارق ميرغني
Date: 08-16-2013, 05:38 PM
Parent: #47

يا مجيدو

وست ظريف ودمو خفيف

حبيت مداخلات ولدنا البحراوي امير طمبل وبنتنا وضاحه
استمروا

Post: #49
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-17-2013, 03:49 AM
Parent: #48

Quote:
يا مجيدو

وست ظريف ودمو خفيف

حبيت مداخلات ولدنا البحراوي امير طمبل وبنتنا وضاحه
استمروا

العزيز طارق .....
متعك الله بالصحه والعافيه ... وكل عام وانتم بخير ,,,

وشكراً على مرورك الانيق ....

يا ترى صاحبك فايز ود القاضي .... اي من هذه المجموعات تناسبه .....؟؟؟
اعتقد مجموعة البكايين ... مناسبه معاه .... ما شايفو ببكي كيف للفنانه ديك ......
او مجموعة ... القصف العشوائي ... عشان هو مشاتر ... وبرمي الكلام ... دوراااب ...

تحياتي ,,,,

Post: #50
Title: Re: الجو العام في البورد - بدون زعل !!!!!!!!!!!
Author: محمد مجيدو
Date: 08-17-2013, 04:38 AM
Parent: #20

Quote:
بالنسبة للبوست بتاعك بتاع الجو العام دا , الكتبته انت مقدمة بس وما غصت في العمق ودي رؤية عامة فقط لانه في المجموعة الواحدة بتلقي قوله تعالي ( بأسهم بينهم شديد تحسبهم جميعا وقلوبهم شتى ذلك بأنهم قوم لا يعقلون )
كونك ما تستشهد وتستدل بالعينات والاسماء دي حركة بتاعة تكبير لفة منك
بوستك دا لو دايره يمشي لي قدام وما يطون راي انطباعي عام يغطس جيب اسماء , غالبا يحصل سبعطاشر صفحة وتبقي بعدها زول مكروه للبعض وفتي احلام البعض وحبيب البعض
المافي شنو علي قول قيقا بالقديم

بعد تمحيص ... وتفكير .... شفتاا انو كلام اخونا الكبير ... اساسي ... في محلو
والزول دا ما بتكلم ساااي .... خبير عالمي ( اطراء )
عشان كدا .... قررت اجيب امثله واسماء لكل مجموعه ....
ويمكن اضافة مجموعات اخرى حسب المعطيات ...
ونخش في الغريق ... شويه ... شويه ...
سجن سجن ... غرامه غرامه ...

ويا ريت تساعدونا .. بالصفقه ... والمويه البارده ...
وما فينا زول يزعل ... كلو.. موثق ... وقوقل ما بكضب ...

انتظرونا .....
وربنا يسهل ....