اقتراحي ...بعدم الموافقة على بناء البيوت من الجالوص مرة اخرى

لندعم مشروع مصانع قوالب البلوك صغيرة الحجم وتستورد

من دول الهند والصين من اجل تغيير هندسة البناء من الجالوص للبيوت الاسمنتية...

توفير المصانع في شكل نفير من اخواننا المغتربيين والاصدقاء...

والاسمنت بدعم من برنامج المسئولية الاجتماعية للشركات المختلفة

وبسواعد الشباب سنبني .

===============================
لسلام عليكم
الإخوة الأعزاء
أرغب في عمل مصنع صغير لإنتاج البلوك الأسمنتي المفرغ ولدي عدة أسئلة ياريت لو تساعدوني في الإجابة عليها
1- كيف تتم خلطة البلوك الأسمنتي؟
2- كم ينتج واحد طن من الأسمنت مع الخلطات الإضافية من البلوك الأسمنتي؟
3- كم سعر ماكينة صنع البلوك البياضة المتحركة وأين؟
وياريت لو في أحد لديه دراسة جدوى لمثل هذا المشروع يمدنا بها كما أني سمعت بأن هناك مصانع سورية الصنع ياريت لو حد يعطينا عنا معلومات
وشاكر لكم تعاونكم
اخوكم قرشي من السودان

وكان الرد :

أنواع المصانع
1- مصنع أتوماتيكىبالكامل
2- مصنع نصف أتوماتيكى
3- مصنع البياضة أو ال egglaying machines
أنواع البلوكالأسمنتى
1- بلوك أسمنتى عادى ( هناك عدة مقاسات أكثرها أنتشاراًمقاس 40*20* 20 )
2- بلوك أسمنتى عازل للحرارة thermal block ( أيضاً يوجد عدةمقاسات و أكثرهم أنتشاراً المقاس السابق )
3- بلوك أنترلوك عادى أو ملون ويستخدم فى الأرصفة ( كما بالصورة )

4- كربستون بلوك و يستخدم فى حواف الأرصفة


هناكبعض المصانع التى تقوم بأنتاج أول نوعين فقط و تكون أرخص بنسبة قليلة عن التيتستطيع أنتاج الأنترلوك العادى....و تزيد النسبة فى حالة الأنترلوكالملون.
المواد اللازمة لأنتاج البلوك و عذراً أذاأختلفت المسميات
1- أسمنت
2- رمل
3- رجش ( أعتقد يسمىشرشور فى دول الخليج ) أو crushed stone
4- مياه
المصانع أسعارها تختلف حسب الأتى:
1- بلدالمنشأ ( أقلهم سعراً الصينى ثم التركى ثم الأوروبى )
2- نوع المصنع ( أتوماتيك - نصف أتوماتيك- بياضةegg laying.......و أقلهم سعراً و أنتاجاً البياضة )
3- أنتاجية المصنع فى الشفت ( أقل أنتاج يومى تقريباً 8000 ألاف بلوك بأعتبار اليوم بهشفت واحد أو 8 ساعات عمل و أعلى أنتاج رأيته كان 50 ألف بلوك.....ربنا يبارك لصاحبه )
قمت بزيارة بعض المصانع فى الأمارات قبل بدء التجهيز و كان معظمهم يعملبالأوتوماتيك سواء كامل أو نصف اتوماتيك.
التجهيزاتالمطلوبة مع الماكينة ( على قدر ما أسعفت الذاكرة )
1- الماكينةنفسها
2- المولد mold لصب البلوك داخله ليأخذ الشكل المعتاد......و عادةً بتحتاجالى 5 أنواع أو أكتر من المولد و أكثرهم أنتشاراً هو قياس 40*20*20 المسمط solid والمفرغ hollow .
3- البالتات وهى اللتى يتم وضع البلوك عليها بعد خروجه منالماكينة و يترك عليها الى أن يجف سواء التجفيف أتوماتيك أو عن طريق أشعة الشمس وتحتاج فى حدود 1000 بالتة و من الممكن عملها فى ورشة حدادة بدلاً من شرائها عن طريقالشركة الموردة للمصنع لخفض التكاليف
4- الخلاط أو ال mixer و هو ما يتم خلطالمواد الخام بداخله تمهيداً لدخولها الماكينة.
5- حاوية الأسمنت او ال CEMENT SILO و يتم تخزين الأسمنت بها قبل دخوله الى الخلاط
6- بعض السيور الناقلة لنقلالمواد من أماكن تخزينها الى الخلاط
7- غرفة التجفيف الألى ( أختيارية )
8- روبوت الألتقاط أو ال picking robot ( غالى جداً......حوالى 60 ألف دولار ) و كل وظيفته تنحصر فى تجميع البلوك الخارج من الماكينة فى مجموعات يتم وضع كل مجموعة علىحدة على ونش شوكة لتأخذ الى مكان التخزين و التجفيف
كل النقاطالسابقة عدا البالتات و غرفة التجفيف الألى و روبوت الألتقاط.....تكلفت من شركةتركية حوالى 170 ألف دولارللمصنع الأوتوماتيك بدون غرفةالتجفيف الألى
البالتات كما ذكرت نحاول تصنيعها لخفض التكلفة
غرفةالتجفيف الألى يتم الأستعاضة عنها بالتجفيف بواسطة أشعة الشمس و بالطبع تأخذ وقتاكثر.
روبوت الألتقاط يتم الأستعاضه عنه بتجميع البلوك بواسطة ونش الشوكة و أيضاتستهلك وقت و بترول أكثر.
نفس الشركة عرضت مصنع البياضة على140 ألف دولار
و يتراوح سعر المصانع الأتوماتيك الصينىمن 100 الى 130 ألف دولار
سعر البالتات فىالشركة التركية حوالى 200 درهم للواحدة و نحتاج ل 1000 بالتة أذن المجموع 200 ألف درهم ( ولكننا نبحث صنع البالتات بمعرفتنا لخفض التكاليف )
بعض المعدات الأخرى
1- سيارات نقل ( التكلفة المبدئية 170 ألف درهم لسيارة واحدة )
2- لودر أو شيول ( التكلفة المبدئية 90 ألف درهم لعدد 1شيول )
3- ونش شوكة fork lift ( التكلفة المبدئية 180ألف درهم لعدد 2 ونش شوكة )
و نعتمد فى تمويلهم علىالتقسيط.
و من المتطلبات لتركيب المصنعالأتوماتيك أو النصف أتوماتيك قاعدة أسمنتية ( صبية خرسانة ) لتركيب الماكينة عليهاو هى غير مطلوبة فى مصنع البياضة.
و تتكلف فى حدود 200 ألفدرهمللمصنع المتفق عليه مع الشركة ( تقوم الشركة بأعطائك الأبعاد المطلوبةو بناءً عليها يتم حساب التكلفة )
عددالعمال فى الشفت بيكون فى حدود من 8 الى 10 عمال
تقوم الشركةالمشترية للمصنع بدفع مصاريف الأقامة والسفر لعدد 2 مهندسين من الشركة الموردة عندبدء التركيب و ذلك لتركيب الماكينة و تدريب العمال.
و بعض الشركات الصينيةالموردة تشترط حصول المهندس على 50 دولار فى اليوم كمصروف جيب.
هناك بالطبع مصاريف أخرى أذكر منها :
1- مصاريف فتح الأعتماد
2- مصاريف بناء مبانى الأدراة و مبنى المصنع و سكن العمال ( سكن العمال من الممكن أن يكون خارجى )
3- مصاريف تأمين الشحنة من ميناء المغادرةالى ميناء الوصول و من الممكن التفاوض أى من الطرفين يتحملها.
4- مصاريف تأمينالشحنة من ميناء الوصول الى أرض المصنع
5- مصاريف تجهيز المبانى من مكاتب وكراسى و أجهزة كمبيوتر و خلافه.
6- مصاريف ترويج و دعاية

أصغر مساحة أرض يتم عليها العمل 3200 متر مربع .....و هى لازمة للتصنيع و التجفيف و التخزين .
و أخيراً إن أصبت فمن الله و إن أخطأت فمن نفسى.

Quote: اقتراحي ...بعدم الموافقة على بناء البيوت من الجالوص مرة اخرى

وما هو اقتراحك بكيفية مساعدة المنكوبين هذه المرة ؟؟

ده اقتراحك إنت ولا اقتراح حبوبتك ماري انطوانيت؟؟!!

راجع ما كتبته في البوست وستجد اقتراحي ......

اما اقتراحي انا......بان لا يبنوا بيوت من اساسو ... ماهم قاعدين في السهلة زي العجب ....رحلات بس......في موية ذوبت ليها انسان ولا في شمس سيحت ليها طفل


---------------
اللهم لا تمحنا ولا تبلينا

كان افضل لو طالبت حكومة البلطجة الطالعة ماكلة نازلة ماكلة في مواد البناء ....برفع اناواتها عن مواد البناء و كف يد مافيا الانقاذ عن الاستيلاء على اقوات الناس .... وما مافيا الانقاذيين في الاسمنت و غيره من السلع بخافية عن احد

كدي عليك الله شوف (حبوبتك) اذا كان عندها اقتراحات تاني.

انت اسه يا غريبة بي فقرتك دي كان مشيت شلت ليك كيس كيسين، شوال شوالين مع اولادك بتاعين نفير ... مش احسن من تنظيراتك الفطيرة دي؟

و أنا بقترح يبنوها من البسكويت....
علشان لم تجي المطرة الناس تلقى حاجة تاكلها ....

ناصر
مشتاقين ياخي
إلى درجة لا تتخيلها
-
ياخي إنتو المغتربين ديل

فضل فيكم حيل تشيلوا شيكارة
-
ياخي صلاح دا
أهو بفكر في المعالجة المستقبلية

الجذرية للمشكلة المتكررة
-
ما تغرقوا في شبر موية
والبحث عن الحلول
أيضاً عمل مسؤول
-

فكروا وساهموا

في حل مشلكة الغلابة المساكين
سواء بالمال
أو بالأفكار
والبلد كلها مفترض تكون في نفير
ودي برضو فزعة
مالكم تشابه عليكم البقر؟
-
ولكم العتبى حتى ترضوا
صلاح والضيوف الكرام

Quote: ناصر مشتاقين ياخي إلى درجة لا تتخيلها

عمنا عبدالفتاح و الله بالاكتر يا راجل يا سمح
بركة الجيتنا راجع بالسلامة.

Quote: ياخي صلاح دا أهو بفكر في المعالجة المستقبلية

صلاح ده بالذات ينطم يسكت و المشكلة بتتحل بي همة الرجال الحقيقيين
كل التحية لي ناس نفير و قفو في الحارة زي الصناديد اهو ديل المفروض يحكموا السودان

توفير المصانع في شكل نفير من اخواننا المغتربيين والاصدقاء...

والاسمنت بدعم من برنامج المسئولية الاجتماعية للشركات المختلفة

وبسواعد الشباب سنبني .

______________________________

نفير الأخوة المغتربين والأصدقاء .. حيكون لحد بتين؟!.. وللا للناس المتضررة
الآن ؟! لو .. نعم .. طيب الناس الـ ما عندها حتى حق الجالوص فى المستقبل حيكون جالوص وللا نفير؟!.
دعم الشركات للأسمنت وسواعد الشباب برضو ينطبق عليهو السؤال الفوق.

الله المستعان.

سلام وبعد ...

اولا كلم الحكومة تعمل مجارى ومصارف للسيول

وبعدها المواطن ما حيحتاج للبلوك

Quote: اسامة بابكر · غايتو ياغريبة انت مثال للانتهازي وكمان اهبل وعوقة ... ياخي قوم لف الناس في شنو وانت في شنو ؟؟؟ رد · أعجبني · متابعة المنشور · منذ ‏5‏ دقائق Jamal Mohammed Abdulla · متابعة انا أرجح إنك غبي وما بتستغبى .. يعني الناس البتبني بالجالوص دي بتبني بمزاجها كده عاجبها الجالوص رد · أعجبني · متابعة المنشور · منذ ‏6‏ دقائق Abdelazim Mekki · الأكثر تعليقا · TU Berlin أمشي أسال حبوبتك رد · 1 · أعجبني · متابعة المنشور · منذ حوالي ساعة ‎‏ Gossai Amir · ‏ ولله لم ولن ارى في حياتي حثاله مثل المعتوه صلاح غريبه. نسأل الله السلامه رد · أعجبن

عارف يا غريبة .... حسع مثلاً والحمد لله قاعد في بيت ابوي البنى بنعمة ربنا وفضله من عرق غربة استمرت اكثر من خمسة وثلاثين سنة.

لكن لأي سبب لو لقيت انو لازم ابني في الظروف دي ... عارف الجالوص دا ذاته ما حاقدر عليه ..... جالوص شنو ؟ تكلفة راكوبة في تلتلة مع اليومية البنشتغل بيها وما بتكفي المصاريف ...


يا أخي بطل استفزاز للناس .....

اقتراحك ياغريبه للشعب السودانى بانو تانى مايبنى بيوته بالجالوص زى اقتراح مارى انتوانيت للشعب الفرنسى ، جان جاك روسو قال والعهدة على الراوى فى واحد من كتبه ، "وهو لم يورد الاسم صراحة بل اشار اليها بى نبيلة "، ان سليلة النسب و الحسب ملكة الفرنجه الفرنسيس ، زوجة الملك المبجل لويس السادس عشر قالت ردا على احتجاج الشعب الفرنسى "و اللكان بجهز الوكت داك فى ثورته العارمة" بانو ما لاقى رغيف ياكلوا
ردت الملكة مارى انتوانيت طيب ما ياكلو كيك !
شفت كيف يا مستر غريبة ، والله فعلا دنيا غريبه!
قلت ما يبنو بالجالوص ؟
هو فى رغيف !
فعلا غريبة
نحن غايتو ثورتنا المتعثرة دى لو فى يوم نجحت غايتو تشيلو شيلتكم

قال مايبنو جالوص ....قال

بالمناسبة دى صورة الملكة سليلة الحسب و النسب مارى انطوانيت .... شيله كبرها وبروزها وخليها عندك فى البيت

عشان بتفكر زيها .......... وكده

يا غريبة
والله اقتراح ما بطال بس عاوز شوية تعديل لو في إمكانية
كدي اسأل لينا لو البلوكات دي ممكن نعمل بيها كباري علي الأقل
نقدر نخارج الناس الغرقانه دي:):)
امين علي الشيخ
كاتب وتاجر ومدون ودكتور ويحمل إقامة راعي
الخرطوم .. القاهرة...تل أبيب ...الربع الخالي وبالعكس

Re: الى قاسم مهداوي : لم وثيقتك المفبركة عليك ... وكن وطني ولو للحظة

الم اقل لك من قبل انك لست بانسان مجرد نفر ( طربمة ساكت ) لم تصل بعد لمرحلة الانسان فى التطور الجينى
توقف نموك الشكلى فى مراحلة الاولى وخرجت بهذا الشكل وما يجعلك تشبه البشر هو كونك تمشى على قدمين وفقط
فالدجاج ايضا يسير على قدمين و طير (الرهو) وباقى فصيلة الطيور وحتى هذى لا تستحقها
انت مجرد ( بـــو ساكت )
تعريف البو
البو ــ
هو جلد صفير العجل محشو تبن يوضع امام البقرة التى فقدت صغيرها ليتمكن الراعى من حلبها
يعنى يوضع هذا البو امامها راقدا ـ كتموية بانه صغيرها ــ ذلك انت يا هذا البو






قاسم المهداوى
خارج النص :ــ
عندما تاتى الى القاهرة سابنى لك 6 بلوكات من الطوب الاحمر فى وجهك وبالتصوير كمان

الى قاسم مهداوي : لم وثيقتك المفبركة عليك ... وكن وطني ولو للحظة

الم اقل لك من قبل انك لست بانسان مجرد نفر ( طربمة ساكت ) لم تصل بعد لمرحلة الانسان فى التطور الجينى
توقف نموك الشكلى فى مراحلة الاولى وخرجت بهذا الشكل وما يجعلك تشبه البشر هو كونك تمشى على قدمين وفقط
فالدجاج ايضا يسير على قدمين و طير (الرهو) وباقى فصيلة الطيور وحتى هذى لا تستحقها
انت مجرد ( بـــو ساكت )
تعريف البو
البو ــ
هو جلد صفير العجل محشو تبن يوضع امام البقرة التى فقدت صغيرها ليتمكن الراعى من حلبها
يعنى يوضع هذا البو امامها راقدا ـ كتموية بانه صغيرها ــ ذلك انت يا هذا البو






قاسم المهداوى
خارج النص :ــ
عندما تاتى الى القاهرة سابنى لك 6 بلوكات من الطوب الاحمر فى وجهك وبالتصوير كمان

كتب ا صلاح:

(سلام وبعد ...

اولا كلم الحكومة تعمل مجارى ومصارف للسيول

وبعدها المواطن ما حيحتاج للبلوك )

رغم المحاولات اليائسة لتجاوز هؤلاء المخلوقات الاانهم يجبروك على مواجهة جهلهم وسذاجتهم!

اليوم .. العالم برمته يتجه نحو الرجوع الى المواد الاولية للبناء...

البناء بالطين هو ارقى أنواع البناء فى عصرنا هذا لما له من إمكانات ترميم البيئة والقيم الجمالية والاقتصادية ياعديمى الذوق والاخلاق .

قبل ان يبنى الناس المدن والقرى يتم مايسمى بالتخطيط/ التصميم العمرانى - تخطيط المدن/ تصميم المدن ..
وتتم دراسة المكان ومناخاته وتصميم بنى تحتية تتجاوب مع المكان ثم بعدها ياتى الناس ليبنوا بيوتهم .. .

من اتوا بكم... مخلوقات عجيبه وغريبة .

وبرضو حقو يمنعو أكل الكسرة

ويخلو الناس كلهم ياكلو جاتو بس

قرأت سابقا لمهندس مدني اجنبي زار السودان ,, اعجب جدا بالمنازل التقليدية السودانية المبنية من اللبن بضم اللام ومزبلة ,, فقال هي الاصلح لمناخنا فقط تحتاج لمعالجات , اما الاسمنت فهو يحول المنازل لافران
وقعت حيطتي الخريف الفات حوالي 8 امتار ,, قالو لي ابنيها بلوك ,, القطعة الواحده ب 4 ج غير الاسمنت , محتاج ل 2.5 قطعة طوليه و 5 قطعة رأسيه شان ابني متر رأسيا , يعني 12.5 لمترين 25 قطعة لمترين رأسيا , 8 امتار 200 قطعة ,, 800 ج غير الاسمنت والرملة والمصنعية ,, جبت زنكي قديم بس !
شوف بيوت ام درمان القديمة دي مبنيه من سنه كم وصامده

** فعلاً أنت غُريبه وغريب كمان ...
## بدل الإستهبال والإستنكاح وإستفزاز الناس ببوساتك القبيحه والتى تشبه الجهه التى تحاول أن تتلصق بها ... كلم البشكير والوالى الفاشل يغيثو الناس الفقدت بيوتا ,, بدلاُ من هذا السخف والغباء المُستحكم والذى ليس غريباً عليك ياغريبه ,,
** خارج النص :- تخيل أنا من صفير بكره الغُريبه الببيعوها قدام المُستشفيات ,, وسبحان الله إتسخاها بالغبار وتُراب العربات يشبهكك تماماً ..
(خبير إستراتيجى فى شأن السخافه وعوارة وهبالة مُنتسبى اللأوطنى )
(دُبى ,, أسمرا ,, اديس ابابا ,, جده ,, الرياض ,, القاهره ,,, الخرطوم )

اقتراحك مرفوض مني يا غريبة وعليك الله ما تتعب نفسك .كفاية علينا العلينا

يا جماعه ما تظلمو الراجل فعلاً طلع خبير وطني
دا تعليق للمعتوه غريبه فى حملة نفير

Quote: صلاح حسن موسى غريبة : انا مستعد ولي خبرة 30 عام وفي ادارة الكوارث بالسعودية ت 0113113031 See Translation

يا خ انت ذاتك كارثه محتاج لزول يديرك
هو السعوديه فيها كوارث لمدة 30 سنه ؟؟

يا صديق الموج ياخ ما تشوف رعاياك ديل

مره واحد عامل لينا فيها مطوع

والمعتوه دا 30 سنه ادارة كوارث

يابلد
اسمعينى وهاك كل البيعه كامله
اسمى هاشم امى امنه
ابوى ميت وكان خضرجى
ومرة صاحب قهوه فى ركن الوزارة
بيتنا طين واقع مشرم ولما حال الطين يحنن
نشقى شان يلقى الزباله
خلى القاب الجرايد
من ممثل ولا شاعر
ولاكاتب ولا ناقد
كلو زى يفط الدكاكين والمطاعم
كلو زينه وماهو شاهد
تلقى مكتوب ترزى احلام العرايس
وجوه فستان مرمى واحد
او مطعم الجنه الفريده
وجوه قدرة فول وحله
ومويه للعطشان فى قله
وزى كلام شاعر بقدر
فى بلدنا الحاله واحدة
المطار ياهو المحطه
والكوميت يوم تبقى كارو
والزمن بيروح اونطه


------------
الأبيات لهاشم صديق

بوست انصرافى ...

يا شباب هذا البوست لتشتيت جهودكم فقط ...

ارحكم الى النجيضة كيف نعين اهلنا ...




غريب يا غريب والله ...

وحات الله ما لقيت ليك زول يرفع ليك سلالم بكري تعرف لو اتمسكنا بي جالوصنا وجلابيتنا ومركوبنا وتراثنا السمح
كان الجنيه بقا بي تلاته دولار المركوب ال يركبك في راسك المدوقس ده
بيتنا في الكلاكلة جالوص واقف ليو ستة وخمسين سنه تعال ابدأ بيو استثماراتك القمئية دي (واحد عادي مصبعو )

الاخ الفاضل صلاح غريبة
سـلام بـطـعـم الـقـرنـفـل ،
،،،...


.





عزالدين عباس الفحل
ابوظبي
...

غريبة أختشي.

ابو كضوم

بتستغل ظروف الناس علشان تعمل بزنس
إختششششششششششششششششششششى

Quote: تعريف البو البو ــ هو جلد صفير العجل محشو تبن يوضع امام البقرة التى فقدت صغيرها ليتمكن الراعى من حلبها يعنى يوضع هذا البو امامها راقدا ـ كتموية بانه صغيرها ــ ذلك انت يا هذا البو

قسووووم شكيتك على الله ضحكتنى لما شرقتى بالشاى

يا اخوانا لاتقسوا على الأخ صلاح
قد يكون خانو (البوست)
وكان ممكن يكون بوست مفيد جدا لو كانت دعوته لتطوير الأمكانات المحلية باقل تكلفة لتطوير طريقة البناء في السودان
ولكن ربط البوست بكارثة السيول حول البوست نفسه لكارثة وتم اعتباره بوستا انصرافيا
انا اوافق على الأفكار التي طرحها غريبة بس .................. في مناسبة اخرى
وكل عيد وانتم بخير و عصابة الأنقاذ في مذابل التاريخ(مذبلة واحدة مابتشيلهم)

ود الشيخ

البناء بالطين احد اهم الحقول التى اجتهد فيها معهد بوث البناء و الكثير من المهندسين السودانيين باعتبار انها مبانى صديقة للبيئة و توفر نسبة معتبرة من الطاقة لخاصية كسبها و فقدها البطئ للحرارة.

ما حدث للبيوت و السكان ليس بسبب ان البيوت تبنى من الجالوص فهناك عشرات الآلاف من البيوت المبنية من الجالوص فى ام درمان القديمة و بحرى احتملت اكثر من ستين خريف لأن اهلها يعتنون بها و لا يبخلون عليها بالتذبيل فى كل عام. كما ان البعض اضاف ما يسمى بالقشرة و قام بعمل البياض لها و دام ذلك ايضا عشرات الاعوام .

السبب هو انه لا يوجد نظام صرف صحى متكامل لصرف مياه الامطار بسبب عجز الحكومات السابقة و حكومتكم الحالية التى توفرت لها الموارد ولكنها فضلت الصرف على افراد الحزب الحاكم و الاولويات الامنية و ما الى ذلك من اوجه الفساد. كما انها توسعت فى منح الاراضى السكنية فى اى حتة للمواطنين دون بنية تحتية مناسبة و فى مناطق خطرة كالمجارى الطبيعية للسيول و الامطار. و اخيرا و ليس اخير حكومتكم افقرت الناس بطريقة منهجية فاصبح الكثير من الناس لا يجدون ما يسدون به رمقهم ناهيك عن ترميم البيوت .

بالمناسبة يا صلاح ا شاركت شخصيا كمهندس مدنى فى عمل بيوت الجالوص و انتجنا حوائط اختبارية و بيوت نماذج مسكونة حتى الآن و يلهج لسان اهلها بالشكر لحبيبنا الطين فلا تتحدث عن شئ ليس لمجال خبرتك الواسعة جدا دخل فيه و اتركه لخبازيه.

يا اخونا انتو الجنا العوير دا بى صحو؟

هناك بيوت فى كل قرى و مدن الســودان بنيت "من ســنة دو" و من "ســنة حفروا البحر" وهى مازالت صامدة, كل ما تحتاج اليه هو "لياس ســنوى بالزبالة" استعدادا للخريف و هذا كل شيىء.

شيىء آخر, لو ســلمنا جدلا أن اقتراحك هو الحل الأمثل لما نحن فيه الآن, فهل فى مقدور كل انســان بســيط يكابد فى أن يوفر قوت عياله اليومى, هل فى مقدوره أن يبنى بالبلوك؟

الجنا العوير دا ما لقى ليهو زول يديهو راسو؟

للمزيد عن بيوت الطين فى المانيا واوربا اليكم هذا الرابط
http://www.networkearth.org/naturalbuilding/clay.html

بالمناسبة يا صلاح المعرفة اليوم موجودة حتى لو كنت ما مهندس . قوقل شوية قبل ما تكتب او الذى يكتب باسمك .. هل انت مهندس فعلا؟

.


بلوك في عينك!


.

adobe home in arizona
المشكلة مافى بيت الطين..... المشكلة فى تخطيط المدن .......منازل الطين فى اريزونا يسكنها الاغنياء