موصلي وشلة المبدعين رايكم فى الباشكاتب الكبير والصغير دويتو!يوجد فيديو

سجلتو ليهو بالموبايل وهو معى يستمع لكاسيت العربية
جنى

ماشاء الله عليهو
ايوه خليهو يسمع للعمالقة دائما ، واكيد بيقتدي بيك في الحتة دي
وابعدوا من المؤدين بتاعين نجوم الغد ومن شابههم

سلام يا جني وماشاء الله على الباشكاتب الصغير. ترديده للزمات ينم عن موهبة موسيقية كامنة. برضو خليهو يشوف كليبات للاطفال من فئته العمرية وهم يعزفون او يغنون ودي بتساعد في إعطائه الثقة اكتر في نفسه وفي ذات الوقت بشهر بتواجده في بيئة ( طبيعية) بين اقرانه. مشكلتنا زي ما قال الراحل المقيم وردي إننا في السودان بنتعلم الموسيقى بصورة خاطئة.وبعد ما نكبر في حين العالم كله بيبدأ تعليم الموسيقى من سن مبكرة جدا في فترة الطفولة.لذلك فإن ظاهرة التذوق العلمي والنقد الموسيقي عندنا تعتبر ضعيفة نوعا ما.على حد تعبيره. الكليب ادناه هدية للباشكاتب .وهو لطفل صيني عمره 6 سنوات وبيحب موزارت. شاهدته Ellen في فيديو ووجهت له الدعوة للولايات المتحدة وإستضافته في برنامجها.


محبتي

ياسلام ياجني ياخ ربنا يحفظو
اقترح ان تسلمه لاستاذ متخصص في الم،سقي
آو تلحقه باحدي الكونسرفتوارات وتتفرغ له كما فعل الاستاذ شداد مع
اولاده وهم الان يسدون عين الشمس فخرا

أكاد أجزم إنو زمنو أحسن من أبوهو..

الولد دا عندو حس موسيقي وفني فبالله ما تتكلم قدامو عن السياسة والإنقاذ وما شاكل ذلك.

ما تخرب مستقبلو..


كل سنه وانت والأسرة بألف خير.

ما عارف ظروفك كيف يا جني .
بس عليك الله الولد ده وقبل ما يكبر كان الله هون .
كيف ما كيف تشوف طريقة تقابلبو الفنان محمد الامين .
قصة يقابلو فيس تو فيس دي مهمة مهمة وبتفيدو كتير .
..
ربنا يحفظو
وربنا يطول عمر الباشكاتب .
تحياتي