Post: #1
Title: واصبح كل زول صايم وعايم وهايم (شعر البلولة حاج الامين حول السيول)
Author: عمر صديق
Date: 08-04-2013, 01:27 AM
رحمات الاله امطاورو جاتنا غزيرة
اسادت مياه لاعالي لاجزيرة
فاقدين الولاية المانفع تخذيرة
وين الوالي والنايب ووينو وزيره
××××××××××××××××
حالنا عجيبة في الكرياب مياهنا رهايم
بعد تم الدما السيل بشوفو مهايم
فقدنا الماوي والدخري ووفقدنا بهايم
واصبح كل زول صايم ووعايم وهايم
|
Post: #2
Title: Re: واصبح كل زول صايم ووعايم وهايم (شعر البلولة حاج الامين)
Author: عمر صديق
Date: 08-04-2013, 01:41 AM
Parent: #1
الناس اصبحت من العليها حياري
لابيت سكنة لادكان ولا بيارة
كان واسانا مسئول لو اتانا زيارة
الا الوالي حايم فوقنا بي طيارة
+++++++++++++++
ياناس المحلية الصغيركم داري
الظاهر لي قصدك نسكن البنداري
في الكرياب هنا والزول يصل كداري
ناسكم عايمة زي طير البقر سداري
|
Post: #3
Title: Re: واصبح كل زول صايم ووعايم وهايم (شعر البلولة حاج الامين)
Author: عبدالعزيز عثمان
Date: 08-04-2013, 02:19 AM
Parent: #2
ن ام بده وبين كافوري
الحاج يوسف والدروشاب
هذي الساعة صعاب وصعاب
بين الناس المسرورين
ماكلين اطياب
شاربين انخاب
ناسا ساهره الليل في انين
بين السيل الشال لحفاتا
وله عجينها الاصبح طين
وناس كافوري البعبدو الله
بالتفاح وقمر الدين
ناس احلاما سخينة وكسرة
وناس غرقانة في التمكين
ناس اللحظة بيوته بتوقع
ناس اطفاله تموت الحين
وناس كافوري ديل اهل الله
لي نعيم الاخرة معتكفين
دنيا واخري ومبسوطين
وليه ياامبدة بيوت الطين
وليه ليه شرموط وعجين
ناس جهال وجد فارغين
ناس امبدة وناس تانين
ماخلونا نضوق رمضانا
شوية مطرة وحبة طين
وسبعة وعشرة اموات فقرين
عكرو دمنا ديل فارغين
خلها تغرق مشقولين
ليلة قدر
وقيام وتمكين
وايه الجاب رمضان كافوري
لي ام بده
مطره
وسيل
وعجينا طين
أعج
|
Post: #4
Title: Re: واصبح كل زول صايم ووعايم وهايم (شعر البلولة حاج الامين)
Author: عبدالعزيز عثمان
Date: 08-04-2013, 02:24 AM
Parent: #3
ا مطر الله كتير نشكر
ربنا رسل جات رحماتو
خيرا دافق منها سماتو
وبدل الحاكم ختت ودبر
وزال العوج الفي ساحتو
ميز مجري السيل بي جيهة
وخلا الدافر في وجهاتو
شيد تحت الشارع كبري
ماكان صابو المحنة الجاتو
وكيف الفقرا اسدو الدافق
وحيلة الواحد بس ضرعاتو
شفت الصور الجات بكتني
وجيعة الفقرا الما فكتني
شفت الناس الشقيانين
بين الموية وخمج الطين
وكم ياخلق كم غرقانين
كم الماتوا المفقودين
بلدا يغرق في فد مطرة
كيف لو عقبت صاروا اتنين
يااهل الخير هو يالزينين
شدوا حزامكم يااهل الحارة
ماكايسنها من حكامنا
ديل شالوها معانا متين
نحن عشمنا في شعبا زاهي
ابيض قلبوا واملا العين
نمرق هذا السيل بي سواعد
ونرجع نعدل حالا شين
كل من فرط في حق الفقره
اضوق الصاع صاعين اتنين
|
Post: #5
Title: Re: واصبح كل زول صايم ووعايم وهايم (شعر البلولة حاج الامين)
Author: عمر صديق
Date: 08-04-2013, 01:41 PM
Parent: #4
شكرا جزيلا ياعبد العزيز علي المرور واثراء البوست
|
Post: #6
Title: Re: واصبح كل زول صايم ووعايم وهايم (شعر البلولة حاج الامين)
Author: عمر صديق
Date: 08-05-2013, 00:46 AM
Parent: #5
فوق
|
|