لو في مسئول عنده اخلاق وشاف الصورة دي مفروض ينتحر ...!!!!!

Post: #1
Title: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-03-2013, 11:43 PM
Parent: #0

أو يستقيل بحد أدني ويبكي لحدي ما ربنا ياخد روحه
عل وعسى ان يُغفر له .....

Post: #2
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-03-2013, 11:47 PM

أو دي ....

ومتن الخبر :
عمليات نوعيه وبشجاعة متناهيه لإخراج اطفال (مرابيع الشريف)
بكل هدوء وتحت توجيهات كبار السن الي بر الامان بواسطة الشباب طوال القامه
وحتي الان استشهد اربعه اطفال ...!!!!!!!!!
(منقول)

Post: #28
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: طه جعفر
Date: 08-06-2013, 02:58 AM
Parent: #2

شكرا جزيلا استاذ
احمد موسي
و جميعنا يعرف ان اللصوص لا يستحون و لا يخافون الله
خاصة اذا كان القانون و السلطة في ايديهم

الله لشعب السودان

طه جعفر

Post: #3
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: كمال سالم
Date: 08-03-2013, 11:47 PM

يا أحمد يأخ ما تصعب الأمور .. الفى صوره ديل بيسبحوا ويلعبوا ومبسوطين كمان .
مسئول شنو البنتحر ليك ؟!!

Post: #4
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: عبدالعزيز عثمان
Date: 08-03-2013, 11:49 PM
Parent: #3

يا مطر الله كتير نشكر
ربنا رسل جات رحماتو
خيرا دافق منها سماتو
وبدل الحاكم ختت ودبر
وزال العوج الفي ساحتو
ميز مجري السيل بي جيهة
وخلا الدافر في وجهاتو
شيد تحت الشارع كبري
ماكان صابو المحنة الجاتو
وكيف الفقرا اسدو الدافق
وحيلة الواحد بس ضرعاتو
شفت الصور الجات بكتني
وجيعة الفقرا الما فكتني
شفت الناس الشقيانين
بين الموية وخمج الطين
وكم ياخلق كم غرقانين
كم الماتوا المفقودين
بلدا يغرق في فد مطرة
كيف لو عقبت صاروا اتنين
يااهل الخير هو يالزينين
شدوا حزامكم يااهل الحارة
ماكايسنها من حكامنا
ديل شالوها معانا متين
نحن عشمنا في شعبا زاهي
ابيض قلبوا واملا العين
نمرق هذا السيل بي سواعد
ونرجع نعدل حالا شين
كل من فرط في حق الفقره
اضوق الصاع صاعين اتنين

Post: #5
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-03-2013, 11:55 PM
Parent: #4

Quote: يا أحمد يأخ ما تصعب الأمور .. الفى صوره ديل بيسبحوا ويلعبوا ومبسوطين كمان .
مسئول شنو البنتحر ليك ؟!!

والله إلا كدة يا كمال ...!!!

Post: #7
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: الهادي ابوبكر
Date: 08-04-2013, 00:03 AM
Parent: #4

إن لله وإنا إليه راجعون

يا وطن والله العظيم ما ليك وجيع .....

وناس تستاهل .......

وكمان عاملين نداءات تبرعات ... أمال الحكومة دي شغلها شنو وقاعدة تحكم في شنو ولي شنو وفي شنو .......

حسبي الله عليهم حكومة وشعب ..

Post: #6
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Adam Omer
Date: 08-03-2013, 11:56 PM

الاخ

Ahmed usa

ســــــــــــــــــــــــــــــــــــــــــــــــــــــــلام
و رمضان كريم

أصلا لالالا يوجد هناك مسؤل!!! أما عن ألاخلاق و الله لا توجد أخلاق لد أى مســـــــــــــــــــــــــــؤل فى هذة البلد

اذا كان هناك أخلاق أو مســــــــــــــــــــــــــــــــــــــــؤل لما حصل هذا

أللهم أذهب بى مســــــــــــــــــــــــؤلين الســــــــــــــــــــــــــــــــــــــــــــــــــــــــــــــــــودان قبل نهاية هذا الشهر الكريم يا كريم

Post: #8
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-04-2013, 00:45 AM
Parent: #6

Quote: أللهم أذهب بى مســــــــــــــــــــــــؤلين الســــــــــــــــــــــــــــــــــــــــــــــــــــــــــــــــــودان قبل نهاية هذا الشهر الكريم يا كريم

اللهم آمين ..!!

Post: #9
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: مهدي صلاح
Date: 08-04-2013, 00:52 AM
Parent: #8

اذا كان القصد مسئول بهذه المواصفات وسط النظام الحاكم فالبحث هو عن عملة لا أقول نادرة بل غير موجودة
المسئولين وبكل قوة عين يبررون الكارثة التي وقعت بان معدلات الامطار والسيول كانت تفوق التوقعات

Post: #10
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: newbie
Date: 08-04-2013, 00:54 AM
Parent: #8

المسعولين بقولو دي إبتلاءات

Post: #11
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-04-2013, 01:03 AM
Parent: #10

Quote: المسئولين وبكل قوة عين يبررون الكارثة التي وقعت بان معدلات الامطار والسيول كانت تفوق التوقعات

معقول ..؟!!!
وناس الإرصاد ديل قاعدين وين ..؟!!!
تصدق يا أخي أنا عندي صديق عاااادي كلمني بالسيل ده قبل ساعة من وصوله مرابيع الشريف
قال لي في سيل جاي من فوق كتير زي ساعة كدة بصل وقد كان
ده مواطن
الحكومة الاسمها حكومة ما كانت عارفة ..؟ََ
الحكومة ما متوقعة تمشي تجي حكومة تتوقع وتتجهز .....

Post: #14
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: محمد محمود محمد
Date: 08-04-2013, 01:24 AM
Parent: #11

Quote: الحكومة الاسمها حكومة ما كانت عارفة ..؟ََ

أفرض كانت عارفة ...كانت ح تعمل شنو؟
_________________
يا أحمد يا أخوي دي منظومة فشل متكاملة بتحكم البلد...

-

Post: #12
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: نادر
Date: 08-04-2013, 01:04 AM
Parent: #10

بتناقض نفسك ليه؟
مش قلت دي أحسن حكومة ؟؟؟

Post: #13
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-04-2013, 01:11 AM
Parent: #12

Quote: بتناقض نفسك ليه؟
مش قلت دي أحسن حكومة ؟؟؟

احسن حكومة مابكون فيها اخطاء ..؟!!!
لو فيها مفروض نبصم زيكم بالعشرة على أخطاءها ..؟!!!
بعدين قصة احسن حكومة دي انا قلتها وين ..؟!!!!
كدي نخلي البوست ده يرتاح حبة ونشوف جملة احسن حكومة دي انا قلتها وين
وبياتو سياق ...

Post: #15
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: منتصر عبد الباسط
Date: 08-04-2013, 01:37 AM
Parent: #13

Quote: احسن حكومة مابكون فيها اخطاء ..؟!!!
...

طبعاَ لو كانت أخطأ وليست خطايا
والفرق بين الخطأ والخطايا أن الخطأ يحدث مع النية المخلصة والسعي الجاد في شأن خدمة الناس
ووضع الأولوية للأمور الإنسانية والتحوط لكل طارىء
ثم من بعد هذه الجهود إذا حدث تقصير غير متعمد وغير معتاد يقال أخطأ وا
ولكن إذا كانت ما سميته أخطأ معتاد حدوثه هنا وهناك فهنا لا يسمى خطأ بل يسمى خطيئة
ولا يحدث مثل هذا التقصير المتزايد في كل الأمور في أحسن حكومة
ولا أي حكومة عادية متوسطة الحال بل يحدث في أسوأ حكومة
...تردي في الصحة تردي في كل الخدمات وتقول أخطأ؟!
هذه خطايا وليست أخطأ
في زمن الحكومات السابفة كان يعوض كل من يتهدم بيته
فهل هذا يحدث في حكومتك الرشيده هذه ؟!
من لا يتحمل المسئولية ويأخذ ولا يعطي
لا يهمه ولا يضره لو تهدمت كل البيوت إلا بيوتهم وبيوت أتباعهم

Post: #16
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: سفيان بشير نابرى
Date: 08-04-2013, 07:30 AM
Parent: #15

يا افكاتو سلامات
حميد عندو بيت شعر حكمة عديل بيقول :-
يا دِكة السَلطة و دخانه و شملته
في شرعك الإنسان يموت إن زادت المويه
و يموت من قِلته!؟

Post: #17
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: سيف اليزل الماحي
Date: 08-04-2013, 08:28 AM
Parent: #16

.

يازول الكلام ده كيف!؟ وإنت قلت حبيبك نافع!

ياموسى إنت داير الكلام الجد ولا حاجة تانية؟

.

Post: #18
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: ibrahim alnimma
Date: 08-04-2013, 08:40 AM
Parent: #17

المدهش بالجد هو اندهاش البعض عن اداء هذه السلطة التي تعرف كيف تستمر دون اي مسؤالية عن المواطن ......تعرف كيف تضحك علي المواطن مستخدمة ضعاف النفس والمنتفعين والموالين البررة كسبورة للكتابة ومايكرفون لايصال صوتها الكاذب ....

Post: #19
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: عثمان دغيس
Date: 08-04-2013, 09:15 AM
Parent: #13

Quote: يا أحمد يا أخوي دي منظومة فشل متكاملة بتحكم البلد...

Post: #20
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: نادر
Date: 08-04-2013, 10:07 AM
Parent: #13

وأنت بتسمي بحر الإخفاقات ده مجرد أخطاء يمكن التغاضي عنها؟
كل يوم فاتح ليك بوست بي مشكلة اجتماعية أو إنسانية وجاي تثبت فكرة إنها مجرد أخطاء؟
الخراب الوصل ليهو حال البلد ده وتقول أخطاء؟ هسه بالله العايشين فيها دي عاصمة؟ والله أنا خجلت عديل من منظر الخرطوم
والناس عايشة بصورة طبيعية وكأنما الوضع عادي ومافي مشكلة.
بعدين كلامك عن إنو دي أفضل حكومة موجود في بوست من بوستاتك، أمشي فتشوا براك، بعدين هو أنت قلت بتحب أبوالعفين
عليك الله تاني لو بقيت كوز عديل كده ماش تفرق معاك شنو!!!!

Post: #21
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-04-2013, 01:28 PM
Parent: #20

Quote: بعدين كلامك عن إنو دي أفضل حكومة موجود في بوست من بوستاتك، أمشي فتشوا براك

يازول إنت طبيعي ...؟!!!!
انت جبت حاجة امشي افتشها أنا ..؟!!!
طيب افتش وين سعادتك ..؟!!
اها أنا زمان قلت حزب المؤتمر الوطني احسن حزب
وأحسن حزب دي قارنتها بأحزابكم الكرتوية الحالية دي
ده رأيي انا ...مفروض يكون رأي كيف طال عمرك ..؟!!!
وماحصل يوم قلت الحكومة دي احسن حكومة ولا أكعب حكومة
تعال نظّر لي وقول لي الحزب هو الحكومة ....عشان ناخد ليكشر في العلوم السياسية من فخامتكم ...

Post: #22
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-04-2013, 01:34 PM
Parent: #21

Quote: بعدين هو أنت قلت بتحب أبوالعفين
عليك الله تاني لو بقيت كوز عديل كده ماش تفرق معاك شنو!!!!

أهااااا نسيت ...بالمناسب أعمل لي لستة بالمفروض أحبهم ومفروض اكرههم
ونفرض انو أنا بحب د.نافع ده بضرك في شنو ..؟؟؟
ونفرض إني بحب د.نافع ده بمنعني لو غلط اقول غلط ؟؟
يازول انت طائفي .؟؟
قصدي يعني من من ناس سيدي صاح ولو غلط ؟؟
ولا إنت زول غر الوعي ..؟!!!
ولا رمضان قام بيك ؟؟؟
قوووووووول بقيت كوز ده ممنوع ؟؟
هل ممسموح لينا بس بطريق واحد للحق ؟؟

Post: #23
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-04-2013, 02:14 PM
Parent: #22

قصيدة اكثر حزناً من صفحى اليل lSalih‎ Abdelrahman Salih‎‏ بالفيسبوك

ريس البلد وينو
لا بان ولا طله
لاجانا يتفقد
لا زارنا في الحله
لا شاف وقع كم بيت
لا جاب طحين لا زيت
+++
لا كفن الميتين
الماتو جوا السيل
لا جابلو طوريا
ساعدنا شد الحيل
وأصبحنا نص الليل
ما جانا منك زول
ولا طله منك زول
+++
فاطر في كافوري
وشعبك فطورو أنين
نايم وتتقلب
وشفع كتار صاحيين
متوسد الموكيت
وشعبك رقد في الطين..

Post: #24
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Deng
Date: 08-04-2013, 04:16 PM
Parent: #23

أحمد موسى.

صورك دي مقارنة مع صور الأطفال القتلى بدارفور وجبال النوبة لا تساوي شئ.
ديل لو كان بنتحرو كانو أنتحرو من زمن كانو بقتلو في الجنوبيين.
ولكن دي ياها أخلاق الكيزان كده؟

أنتو كيف يا أحمد موسى؟

لسه بتفتكر في خير في المجرمين ديل؟

Post: #25
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-04-2013, 04:42 PM
Parent: #24

Quote: أنتو كيف يا أحمد موسى؟

نحن كويسين ... إنتو كيف مع الإصلاح الرئاسي بتاع الشيرمان سلفا ..؟!!!

Post: #26
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-05-2013, 10:48 PM
Parent: #25

...(المحكومين) ....

...(الحُكام) ....

الحُكام منقولة من بوست الزميل فرانكلي ...
قائد طائرة البشير المروحية يعتذر عن الهبوط في الكرياب ومرابيع الشريف

Post: #27
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-06-2013, 01:12 AM
Parent: #26

صورة لحكامنا اليوم وهم يتفقدون سيول 2013 :

صوره للدكتور عمر نورالدائم وزير المالية رحمه الله والمهندس محمود بشير جماع وزير الري والسدود وهم يتفقدون المواطنين في العاصمة إبان فيضانات وسيول عام 1988

Post: #29
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-06-2013, 07:30 AM
Parent: #27

الحكومة أعلنت خطتها العلاجية بالدعاء والتضرّع ود ماقلنا فيه شئ كل شئ بأمر الله
ومن ذلك ابتلائنا باولئك الرجال
الشئ التاني يشيلو من المواطنين قروش يعينو بيها مواطنين تانيين
السؤال : و في مواطن عنده قرش فايض ..؟!!!
وبرغم ذلك ودون تدخل الحكومة المواطنين قاطعين من جلدهم وشايلين بعض
بس الرجاء الحكومة تطلع نهائي من الجهد الشعبي ده عشان مايروح الجد الشعبي شمار في حوافز ...
المستغرب ليه هو ليه مجلس الوزراء ماقال نقتطع راتب شهر ولانصه ولا اسبوع ولا حتى يوم او ساعة للسيول
كأنما العقارب تتكاثر بجيوبهم المكتنزة بالنقد المحلي والاجنبي ...!!!

Post: #31
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: تبارك شيخ الدين جبريل
Date: 08-06-2013, 07:51 AM
Parent: #29

Quote: الحكومة أعلنت خطتها العلاجية بالدعاء والتضرّع ود ماقلنا فيه شئ كل شئ بأمر الله

انتو عشان ما بتقولوا شي في دا ... ما قادرين تقولوا شي في داك ...

... المهم ....

Post: #30
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: حسن حماد محمد
Date: 08-06-2013, 07:50 AM

كتب المعتوه دينق

صورك دي مقارنة مع صور الأطفال القتلى بدارفور وجبال النوبة لا تساوي شئ.

يا معتوه موت الاطفال بل موت اى انسان فى دارفور أو فى الجنوب أو فى الكرياب والمرابيع أمر جلل

ويأسف له كل من لديه ضمير

ولا مجال للتفضيل أو المقارنة

الموت هو الموت وربنا يرحم كل موتى المسلمين

ياخى حل عن سمانا وبطل ترهاتك واحقادك الدفينة وعنصريتك البغيضة

الاستاذ احمد والجميع كل عام وانتم بخير

Post: #32
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-06-2013, 07:56 AM
Parent: #30

Quote: هذا ما كتبته الأخت رشا المهدي قبل قليل:

Rasha ElMahdi والله العظيم بتاع الامجاد الوصلنا الليله قال جاي هسي من شرق النيل الناس قاعده في الظلط جعانين وعطشانين ليهم يومين زول جاهم مافي الا مصريين جو بي عربات وزعوا سنتدوتشات وناس تاني جابو ليهم اكل!!! والطامه الكبري مرقوا جثث طفلين ميتين وهم ماسكين بعض!! والله مسخ علي الدنيا!! حسبي الله ونعم الوكيل فيهم

منقول من الفيس ..........

Post: #33
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: سيف اليزل الماحي
Date: 08-06-2013, 09:30 AM
Parent: #32

.

لكن صورة حكامك موبالغة !!! ديل حكام دوليين!

.

Post: #34
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Alshafea Ibrahim
Date: 08-06-2013, 01:57 PM
Parent: #33

عيد سعيد أستاذنا
أها إن شاء الله لقيتو مسئول؟؟ ما ينتحر كثيرة عليهم المواطنين شديد ما يستحقوا .. بس يقدم استقاله .. منتظرين ظهورهذا أو ذاك المسئول..
لنا الله
الشفيع

Post: #35
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: عماد شمت
Date: 08-06-2013, 02:11 PM
Parent: #34

اها أنا زمان قلت حزب المؤتمر الوطني احسن حزب

يارااااااااااااااااااااااجل!!!!!!!!!!!!!!!!!!!!!!!!

Post: #36
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-06-2013, 02:33 PM
Parent: #35

Quote: اها أنا زمان قلت حزب المؤتمر الوطني احسن حزب

يارااااااااااااااااااااااجل!!!!!!!!!!!!!!!!!!!!!!!!

قلنا زمان ...أنت جاي بعد زمان تعيد اللي كان ... ؟!!
وينك الزمن د كله ..؟!! الموضوع ده كان مدور ليه سنتين وشوية ..!!!

Post: #37
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Balla Musa
Date: 08-06-2013, 02:56 PM
Parent: #36

شايف فى مقارنة بين صورة عمر نورالدايم وصورة حكام اليوم فى وسيلة تفقد المتضررين..

المهم فى الأمر ماذا فعل عمر 88 وعمر 2013 للمتضررين؟

النتيجة التعادل السلبى

الملك عبد الله لم يتفقد جدة وقتها حين غرقت وتضرر البعض ولكن كاشه وصلهم ودا المهم.

Post: #38
Title: Re: لو في مسئول عنده اخلاق وشاف الصورة دي مفروض ينتحر ...!!!!!
Author: Ahmed musa
Date: 08-06-2013, 05:01 PM
Parent: #37

Quote: المهم فى الأمر ماذا فعل عمر 88 وعمر 2013 للمتضررين؟

النتيجة التعادل السلبى

اخوي الغالي بلة موسى المواطن داير يحس المسئول جنبه
موش دايما المسئول (فوق) حت لحظة الكوارث
بعدين الطيارة مابتنزل ينزلوا في اقرب مكان ويركبو عربات كبيرة
صدقني اهنلنا ديل طيبين وحركة زي دي كانت حتكون رصيد ايجابي للحكومة
الكاشات دي م قناعانين من تالاها بس دايرين المؤازرة