Post: #1 Title: أنور التكينة وتكاليف الزواج !!! Author: محمد عكاشة Date: 08-03-2013, 07:15 PM
الاستاذ انور التكينة الاعلامي المرموق والناشط الكبير سوف يقدم ملاحظاته وأفكاره حول اقتصاديات الزواج وتكاليفه فى المجتمع السوداني من خلال برنامج قناة النيل الازرق (للودقضية) حلقة اليوم السبت 3أغسطس 2013 الخامس والعشرون من شهررمضانفى تمام الحادية عشرة والثلث ينضم اليه الدكتور دقش ودكتوركمال ميرغني وبدرالدين الماحي وفى الضفة الاخري آمال شيبون..فاطمة سالم..داليا الياس ويسرا القاسم وعبر الهاتف دكتورة داليا الكباشي,,
Post: #2 Title: Re: أنور التكينة وتكاليف الزواج !!! Author: عزالدين عباس الفحل Date: 08-04-2013, 06:28 AM Parent: #1
Post: #3 Title: Re: أنور التكينة وتكاليف الزواج !!! Author: jini Date: 08-04-2013, 08:10 AM Parent: #2
حضرت البرنامج وحزنت للتناول الفطير للضيوف و مقدم البرنامج جني
Post: #4 Title: Re: أنور التكينة وتكاليف الزواج !!! Author: tmbis Date: 08-04-2013, 09:37 AM Parent: #3
شكرا للزميل محمد عكاشـة معد البرنامج .. وللزميل انور التكينة.. وبالرغم من مشاركتي التي كانت قبل دقائق من تحدثي ومداخلتي اعتقد انني كنت احتاج لمساحة واسعــة جدا أو بالاحرى انا وداليا كنا نحتاج لمساحة واسعـة للتحرك فيها لان لنا الكثير لنقوله عن التجربـة .. واعتقد ان الحلقـة أو الظاهرة تحتاج لعدة حلقات للنقاش لانها اصبحت من الظواهر الكارثية التي تحيط بالمجتمع والتي ساهمت بنحو سلبي من هدم الكثير من القيم..
Post: #5 Title: Re: أنور التكينة وتكاليف الزواج !!! Author: عثمان دغيس Date: 08-04-2013, 09:46 AM Parent: #4
وين الحلقة يا ناس ...؟ ضيوف مميزين .... بس كيف كان التناول فطير يا جني ...؟ عموما لازم الزول يشوف الحلقة في الأول ..
Post: #6 Title: Re: أنور التكينة وتكاليف الزواج !!! Author: tmbis Date: 08-04-2013, 10:03 AM Parent: #5
سلام يا دغيس .. والله انا زيك بفتش للحلقـة .. عايز اسمع انا هببته شنـو ..؟ طبعا كنت انا في الجزء التاني من البيت بي هناك مشغول بي صيانة المكيف ومعاي فنيين .. مع معرفة بالحلقـة وانو داليا ح تتداخل .. وانا متابع البرنامج .. بعد شويـة اشوف ليك صورة الزميلة على الجمب واسمعه ليك بتربرب .. عاينته للصورة ياربي الزولة دي شايفه وين شايفه ووين ..؟ ههههههه المهم فتحت الباب ودخلته عليها .. قالت ليهم اهندا زاتو جا .. عشان يحكي ليكم كمان وقامت درعت فيني التلفون ههههههه غايتو اخوك بي جاي وجاي امورو مشت .. وشارك بي حرفنة وزي ما قلته الموضوع ضخم جدا لانو معاهو تبعات كتيرة كنت اتمنى انو الفرصة تكون اكبر ومستوى النقاش يكون فيهو وضع لحلول بصورة جادة جدا .. وبالرغم من ذلك اعتقد يا جني انو الناس دي ما قصرت .. وكان في حديث مثمر جدا .
Post: #7 Title: Re: أنور التكينة وتكاليف الزواج !!! Author: عزالدين عباس الفحل Date: 08-04-2013, 10:15 AM Parent: #5
.. شكرا يا عز الدين .. انا طبعا حرصت اني اتابع الحلقـة بشكل جيد .. واعتقد انو السبب الاساسي العددية الكبيرة لي الضيوف وفرص المشاركة الضيقة علشان كدا المتحدث ما بيلقى الفرصة الكافية علشان يطرح وجهة النظر او المشاركة بشكل جيد يوضح فيهو مفاهيمو .. لكن كأفراد اعتقد انهم كانوا على مستوى معرفي جيد .. بالاضافة للتخصصية للاساتذة المتعودين على مثل هذه المشاركات من صحفيين او اجتماعيين .. موضوع نقاش الحلقـة موضوع ضخم جدا لكن العديدة مهولة اضف لذلك زمن البرنامج قصير لذلك كان الانطباع الذي وصلك ووصل لي جني .. لكن معظم الناس الاتكلمت بتحس بي انها بتتكلم عن رؤوس مواضيع فقط ..
Post: #9 Title: Re: أنور التكينة وتكاليف الزواج !!! Author: عثمان دغيس Date: 08-04-2013, 10:33 AM Parent: #8
بالله هندا زاااتو جاء ... هههههههههههه فكتهم فيك ... تمام ... فعلا أنا يخيل لي إنو تجربتكم أخدت صدى كبير وتصلح أن تكون حالة دراسة ... وكانت فرصة إنو الناس يعرفوا ومن خلال التجربة أمور كتيرة .. لكن فعلا الموضوع محتاج لترتيب .. ولنقاش مفصل ومدروس
Post: #10 Title: Re: أنور التكينة وتكاليف الزواج !!! Author: tmbis Date: 08-04-2013, 10:40 AM Parent: #9
Quote: تمام ... فعلا أنا يخيل لي إنو تجربتكم أخدت صدى كبير وتصلح أن تكون حالة دراسة ... وكانت فرصة إنو الناس يعرفوا ومن خلال التجربة أمور كتيرة .. لكن فعلا الموضوع محتاج لترتيب .. ولنقاش مفصل ومدروس
والله فعلا يا دغيس .. وطبعا انا يا دوبك بسخـن كدا علشان افتح التوربينات كويس .. اشوف ليك محمد عثمان قعد يتململ عايز يجازف مني المداخله يا يقطعو الخط قمته طوالي يا زول خارجته ليك نفسي .. بالرغم من اني كنت عايز اتكلم كتير واوجه كلام خاص للصحفيين الحضور في الحلقـة لانو فعلا المسالة محتاجة لي دراسـة عاجلة خاصة بعد ان انتقلت الظاهرة لمرحلة التطور السرطاني .. واصبحت صعبة الاحتواء واصبحت فيها ابتكارات سخيفة جدا على شاكلة عروس تجي محمولة في تابوت ويتخته قدام زوجها في الكوشـة ويفتح زوجه التابوت ليفاجأ بيها .. تصدق انو الكلام دا حاصل في السودان ..؟ اها تاني المافي شنو؟؟
Post: #11 Title: Re: أنور التكينة وتكاليف الزواج !!! Author: معاوية الزبير Date: 08-04-2013, 10:42 AM Parent: #10
في هذه اللحظة الساعة 12:40 الأحد بتوقيت مكة تتحدث د. داليا
Post: #12 Title: Re: أنور التكينة وتكاليف الزواج !!! Author: عزالدين عباس الفحل Date: 08-04-2013, 10:48 AM Parent: #9
ما ح يصدق كلامك يا الفحــل .. لكن حسع دي لو قلت ليهو تمبس والله جاب سيرتك في الحوار حسع دي تلقاهو قعد يضحك ويتبسم لي آخر ضرس .. العجب كان قلت ليهو تمبس شكرك على ما تقوم به من اعمال في موقع سودانيزاونلاين .. والله باقي اليوم دا يجيك لا عندك ومعاهو فطورو وسحورو
يا زول انصاص ليالي شنـو .. انا مداخلتي كانت خمسـة دقايق بس لكن مداخلة مثمرة .. اصلو الخبراء الزينـا ديل الواحد فيهم بكون عامل زي ميسي .. يدخلو في آخر دقيقتين .. لكن بغسل الميدان كلو ويجيب ليهو قونين ويجدع ليهو تلاتة اربعة باصات حقات قون وبعد كدا يمتع نفسو ويمتع زملانو والجمهور ويمتع الخصم.. حسع لو انت باحث عن المتعة .. عليك الله فتش اللنك بتاع الحلقـة .. لكن على شرط جيب ليك شاي بي نعناع وولع ليك حجـر شيشـة وقفل الغرفـة عليك .. شان تقدر تستسفيد من الكلام ال ح تسمعو
Quote: ممكن لنك الحلقة يا عمك جاتني رسالة من السودان قال لي اصحابك في النيل الازرق لحسن الحظ كنت برة البيت في الوقت داك
لنك الحلقـة تعمل بيهو شنو ..؟ انت فرحان واللا شنو ..؟ واللا أول مرة يعني يجيبوني في التلفزيون .. واللا كمان عايز تقشر بي .. مع اصحابك العجيبين البتصلو بيك عشان يقولو ليك اصحابك في التلفزيون .. اهو انا قاعد معاك عندك اي سؤال انا مستعد.
يعني بي طريقتك دي انا تاني ما اظهر في شاشـة مثلا ..؟ انا ما يستضيفوني في برنامج واللا شنو يعني ..؟
Quote: دون الـولـوج ، فـي نـمـط ، الـتـجـارب الـشـخـصـيـة ، الـسـودان عـريـض ، الـفـقـر و الـتـرف ، مـخـالـب ،
يا عزالدين اتفق معاك انو الحلقـة كانت ممكن ان تتم بأجمل مما كانت عليه .. بمراعاة امور بسيطـة لكن هذا ما يمنع انو كان في كلام جميل من المتخصصين الاجتماعيين .. والبرنامج بي طبيعتو او في مجمل حلقاتو السابقـة كان عبارة عن حوارات نارية وصلت حد السباب في حلقات محددة .. لكن اعتقد ان الضيوف كانو بقدر عالي من المعرفـة وادارو الحوار بشكل جيد .. ومقدم البرنامج فقط بتجيهو التعليمات من المخرج اللي بي دورو بقوم بي توجيهو وبتصرف هو بمقتضى ما وصلو من تعليمات
أكثر ما أعجبني في مداخلتكما انت والدكتورة انها كانت واضحة ومحددة وبالتالي مفهومة جدا، وإلا كان عمر الفاروغ فتح فيكم بوست 22 صفحة باين عليكم متعودين على أضواء الكاميرات رمضان كريم عليكم ياخ
والله يا معاوية متعودبن على الأضواء الله يسلمك .. لكن زي اساسي دا البقنعو لينا منو ؟؟ كل سنة وانت طيب ياخ والقابلة على امنياتك ..
.. يا اساسي شنو ياخ ما تتحرك شويـة وجيب لينا اللنك عشان تتعلم شويـة فقه المقابلات التلفزيونية للمشاهير وكيفية إدارات الحوارات على الهواء مباشرة .. .. بعدين بكري مالو ما رفع اللنك دا .. يعني متضامن مع اساسي مثلا ..؟ واللا اساسي هو القاعد يرفع اللنكات فوق واللا شنو الحاصل ..؟
والله يا الفحل ,, الواحد كان بي ايدو يعمل حاجات كتيرة لكن في الحلقـة الجاية ان شاء الله .. في حلقة العيد
Post: #26 Title: Re: أنور التكينة وتكاليف الزواج !!! Author: tmbis Date: 08-05-2013, 11:21 AM Parent: #25
شكرا يا بكري .. لكن جايب لينـا الجزء التاني ..؟ الحنك كان في الجزء الأولاني .. في الدقيقة اتنين وخمسيــن .. تاني الواحد ف يالموقع دا يجيب حاجاتو براهو..
Post: #27 Title: Re: أنور التكينة وتكاليف الزواج !!! Author: أبوعبيدة محمد الأمين Date: 08-05-2013, 12:16 PM Parent: #26
ياعلاء ياخ دحين ماعصرت علينا شديييد؟ ياخ ما معقول تختوا لينا فيديو مدته ساعة وربع دون تحديد للزمن الجميل الذي تداخلتم فيه أنت وزميلة البورض فحقو ياخ تتكرم بقص المقطع بتاعكم وتجيبو لينا هننا ده
ثم انه شائفك عاصر على صديقنا اساسي شديد هههه ، قلت لي صوتك جميل في التلفزيون؟ هههه خلاص عندي ليك مقترح تنزلو لينا صوت بس عشان نعمل ترويج ونبيعهك نغمة للجلاكسي والأيفون بسسسسس.
Post: #28 Title: Re: أنور التكينة وتكاليف الزواج !!! Author: محمد يوسف الزين Date: 08-05-2013, 12:25 PM Parent: #27
يا علاءالدين والله انت وجماعتك كنتو متألقين عديل، من ناحية: عدم الكبكبة، الفصاحة، عدم الاندهاش، عدم استخدام كلمات مثل "يعني"
ثم انو موضوع بهم ثلاثة ارباع الشباب السوداني الآن، تقوم تشتغل باساسي!
Post: #29 Title: Re: أنور التكينة وتكاليف الزواج !!! Author: أبوعبيدة محمد الأمين Date: 08-05-2013, 12:38 PM Parent: #28
ياعلاء شكراًياخ و لقيتك حريف جاوبت على سؤالك قبل طرحه ماشاء الله (ليهم حق ناس النيل الأزرق يستضيفوك) لكن ياخ الشبكة عندنا كعبة شديييد فلسه ماقدرنا نصل للدقيقة خمسة خليك من الخمسين هههه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
محمد يوسف ياخ معقول؟ ثم العيد مبارك عليك
تخيل والله ماعرفت بالإسم ، لكن بعد شفت الصورة اتذكرتك ههههه
بالمناسبة السعيدة دي نفهم إنه أساسي إنصرافي.؟
Post: #30 Title: Re: أنور التكينة وتكاليف الزواج !!! Author: محمد يوسف الزين Date: 08-05-2013, 01:17 PM Parent: #29
Quote: لكن ياخ الشبكة عندنا كعبة شديييد فلسه ماقدرنا نصل للدقيقة خمسة
ابوعبيدة المخستك كيفك؟ كل سنة وانت طيب والعفو والعافية ياخ
