من اقوال وزراء و قيادات المؤتمر الوطنى (منقول)

الدفاع بالنظر(عبد الرحيم محمد حسين ) ـ الإسرائيلين لو كانوا رجال مفروض ما يجو بالطيارات ، المفروض ينزلوا الأرض ح نحاربهم بالسواطير (الحاج آدم) ـ لا تجزعوا من ارتفاع وانخفاض قيمة الدولار (على عثمان ) ـ السودانيين كانوا شحاتين ( مصطفى عثمان إسماعيل) - متوسط دخل الفرد 1800 دولار (ربيع عبد العاطي ) ـ الكوايتة يحبونا (بائع سودانير ) - البشير من اولياء الله (كاروري) - المرأة غير المختونة عفنة ( دفع الله نسوان ) - الجراد مرسول من اسرائيل (محي الدين تيتاوي) - عليكم بتقوية الايمان لمواجهة الغلاء - بلد فيها البشير ما بتجوع ابداً (الخضر) - الحسوا كعوكم ـ ينعقون - أن ما حققته الإنقاذ من إنجازات لو منحت الأصوات المعادية لها عمر سيدنا نوح فلن تستطيع أن تحققه(نافع على نافع) - ان تعريفة المياه التى يدفعها المواطن تساوى ثلث التكلفة (مدير مياه الخرطوم ) ـ أعداء السودان وجهوا حلفائهم الي تخريب اقتصاد السودان لكن فشلت مخططات اعداء الاستقرار (عطا) - الجنوب لم يكن في يوم من الأيام جزءاً من الوطن (مشاعر الدولب) - قوش ومن معه قدموا خدمة للوطن (وزير العدل) - سنحل الازمة الاقتصادية بتصدير الذهب والدكاترة والنبق (وزير المالية على محمود) - أنا مستغرب الشعب السوداني ما طلع مظاهرات احتجاجاً على ضرب الحركة الشعبية لكادوقلي لشنو (تاجر العملات قطبي المهدي) - نحن عندنا مرجعية ما فيها حاجة اسمها الفشل وهي من اجتهد واصاب فله أجران ومن اجتهد وأخطأ فله أجر واحد انت شوف مرجعيتك شنو (المتعافي)

Quote: يحكى ان البشير مشى تركيا لاقي اردوغان قال ليهو النهضة الفي تركيا دي كيف عملتوها رد عليهو وقال: بنختار مساعدين اذكياء البشير قاليهو: بتعرفو كيف اذكياء…. اردوغان قال ليهو بكل بساطه بسألهم أسئلة بسيطة… البشير قاليهو: زي شنو يعني؟ … ابتسم اردوغان وقال: دقيقة: بوريك. … نادى الوزير داؤود أوغلو وقاليهو: ياداؤود امك وابوك جابو ولد هو لا اخوك ولااختك يطلع منو؟ قال ليهو: انا… البشير رجع متكيف وقال إلا أسأل الجماعة…. لاقاهو عبد الرحيم في المطار واثناء ما هم راجعين سأله قاليهو: ياعبد الرحيم امك وابوك جابو ولد لاهو اخوك ولااختك يطلع منو؟ عبد الرحيم راسو سخن قاليهو: اديني فرصه افكر واجيك… المهم عبدالرحيم سأل طوب الواطة مافي زول عرف الجواب، شاف بالصدفة صلاح قوش ناداهو سأله و قاليهو: امك وابوك جابو ولد لاهو اخوك ولااختك يطلع منو؟ قاليهو انا… عمك اتكيف ورجع للبشير قاليهو: عرفتها يابشه …. قاليهو: اه يابو العريف منو؟ قاليهو: صلاح قوش.. قام البشير قاليهو: انا عارفك غبي من يومك الإجابة الصحيحة داوووووووود اوغلوووووووو يامتخلف!!!!!!!