لعنة الله على الحكومة التي اضطرت الناس للسرقة في نهار رمضان!

عدت من صلاة الجمعة .. ولما خرجت قبيل المغرب وجدت أن اللصوص قد (فقعوا) مراية
العربية ؛ومن عجب أن المنزل يلاصق إدارة شرطية لا تخلو من الحراسة على مدار الساعة!

هسع الحكومة دخلها هنا شنو

--
في مكة السفنجات بيجازفوها في رمشة عين

Quote: ومن عجب أن المنزل يلاصق إدارة شرطية لا تخلو من الحراسة على مدار الساعة!

غايتو في امبدة, الحرامية خلو المصلين الفي الجامع الملاصق لبسط الامن الشامل و سرقوا اللستك و العفريتة بتاع دورية الشرطة لمن ناس الطارة مشوا يصلوا.

Quote: (فقعوا) مراية

اسمها (جازفوا) المراية ههههههههههههههههه
بعدين شنو حكاية رمضان دي يعني الناس تبطل ليكم الشغل ولا شنو

Quote: لعنة الله على الحكومة التي اضطرت الناس للسرقة في نهار رمضان!

انا ممما شفت العنوان ال(.........)يل دا ...
عرفت ان الموضوع حى حى فى اللحم الحى !












ـــــــــــــــــــــــــــــــــــ
مراية واحدة هبطت عليهم اللعنة
يعنى لو سرقوا االتانية ح توقع على وثيقة التحرير ؟
لووووووووووووب .

Quote: (فقعوا) مراية

فقعوا المرايه ولا فقعوا المراره ؟

عندي بوست هنا ممكن تجي تلعن الحكومه ذي ما عايز

حـمـلـة الـدعـاء على الحـاكـم الـظـالـم عـمـر الـبشـير واعوانه (صور)

أما لو كان الحرامي صائم .. فاللعنة لعنات!

Quote: ثلاثة لصوص يكسرون سيارة (صيدلاني) وجهت محكمة جنايات الكلاكلة إلى ثلاثة محاكمين تهمة الاشتراك الجنائي في سرقة متعلقات من سيارة (صيدلاني) كانت تقف بأحد شوارع الكلاكلة. وكان المتهمون قد تم القبض عليهم وبحوزتهم المتعلقات المسروقة، واعترفوا وقالوا إنهم كسروا زجاج السيارة واستولوا على جهاز (لابتوب) و(كاميرا). هذا وحددت جلسة للنطق بالحكم في القضية.

فردة مراية خلتك تصب جام لعناتك ... الصيدلاني بتاع حادثة الكلاكلة دا الا يشعل النار في نفسو في ميدان عام

Quote: أقدم شاب سوداني على ضرب والدته في نهار رمضان على رأسها، بحسب الموقع الإلكتروني لصحيفة “الخرطوم”. وتسبب الشاب في إصابة والدته بأذى جسيم. وأبلغت الأم الشرطة بأنها كانت تناقش مع ابنها بعض القضايا، فقام بضربها بعصا على رأسها. تم إسعاف الأم إلى المستشفى وتوقيف الابن والتحقيق بغرض معه.

دي الحاجات اللي تستحق ان تطلق اللعنات على الحكومة من اجلها فما يقف وراء هذه الصور من العقوق هي الازمات والضغوط التي يرزح تحتها المواطن والسبب الاول والاخير هو فشل النظام الحاكم
أما ام الكبائر التي اقترفتها الحكومة فهي التفريط في وحدة الوطن وانهار الدماء التي تسيل وتخلّف عشرات الضحايا

Quote: فردة مراية خلتك تصب جام لعناتك ... الصيدلاني بتاع حادثة الكلاكلة دا الا يشعل النار في نفسو في ميدان عام

يأتي بمقتبس عن ابن عاق بحسبان أن ذلك أدعى لصب اللعنات على الحكومة .. فيا للسذاجة!

Quote: يأتي بمقتبس عن ابن عاق بحسبان أن ذلك أدعى لصب اللعنات على الحكومة .. فيا للسذاجة!

يمكن يقصد ان الحكومة لم تربيه... فعليها اللعنة هههههههههه

Quote: مراية واحدة هبطت عليهم اللعنة يعنى لو سرقوا االتانية ح توقع على وثيقة التحرير ؟

سرقوا وطن فلم يتحرك ساكناً ولم تهتز له شارب .

سرقوا له مرايا صار يسبهم فلا تتامل



________

المرايا التي ارجعت ملاسي لصوابه

Quote: أما لو كان الحرامي صائم .. فاللعنة لعنات!

لم أفهم لعنات على من؟!
إن كنت تقصد السارق
فلا يجوز شرعاَ أن تلعن السارق
لأننا لا نعلم بحاله وما دعاه للسرقة
الرجل لم يلعن هذا السارق
ولو كنت تقصد الحكومة
فلا اعتقد أن الأمر يفرق في شأنها
لو كان السارق صائم أو لا

ولابد كذلك أن نعلم
الفرق الكبير في حجم الجرم بين السرقة العادية كهذه
كبرت أو صغرت و بين الغلول وهو الاختلاس او الرشوة أو الضرائب
جريمة الاختلاس في الدين أعظم بكثير من جريمة السرقة
قال الله تعالى :وَمَا كَانَ لِنَبِيٍّ أَنْ يَغُلَّ وَمَنْ يَغْلُلْ يَأْتِ بِمَا غَلَّ يَوْمَ الْقِيَامَةِ
- قام صلى الله عليه وسلم في الناس ، فقال :
" أدوا الخياط والمخيط . فإن الغلول عار ، ونار ، وشنار على أهله يوم القيامة
أَبي ذَرٍّ رضي الله عنه، قَالَ: أَتَيْتُ النَّبيَّ صلى الله عليه وسلم وَعَلَيْهِ ثَوْبٌ أَبْيَضُ وَهُوَ نائِمٌ، ثُمَّ أَتَيْتُهُ وَقَدِ اسْتَيْقَظَ، فَقالَ:
(ما مَنْ عَبْدٍ قَالَ لا إِلهَ إِلاّ اللهُ ثُمَّ ماتَ عَلى ذَلِكَ إِلاّ دَخَلَ الْجَنَّةَ قُلْتُ: وَإِنْ زَنى وَإِنْ سَرَقَ
وَإِنْ زَنى وَإِنْ سَرَقَ قَالَ: وَإِنْ زَنى وَإِنْ سَرَقَ، قُلْتُ:
وَإِنْ زَنى وَإِنْ سَرَقَ قَالَ: وَإِنْ زَنى وَإِنْ سَرَقَ، قُلْتُ: وَإِنْ زَنى وَإِنْ سَرَقَ قَالَ: وَإِنْ زَنى وَإِنْ سَرَقَ عَلى رَغْمِ أَنْفِ أَبي
ذَرٍّ وَكانَ أَبُو ذَرٍّ إِذا حَدَّثَ بِهذا قَالَ وَإِنْ رَغِمَ أَنْفُ أَبي ذَرٍّ).

أرجو أن لا يفهم من كلامي تهوين جريمة السرقة
لكني فقط أحاول وضع معايير لقياس
الجريمة هذه وهذه وما هي الأكبر وما هي الأصغر
نسأل الله العافية من صغارها وكبارها

ياما عكست ليك المرايا احوال الشارع
لكن كنت فى احايين كثيرة بتتجاهلها

المرايه التي زعزعت موت الضمير

Quote: لعنة الله على الحكومة التي اضطرت الناس للسرقة في نهار رمضان!

الحيكومة التطير عيشتها

هسي المناسبة شنو؟

استغفر يا أخي

ياأخي كان تقول اللهم إني صائم

وتحتسب

بدلاً من اللعن المكروه

حتى للكافر

معليش يا ملاسي العنوان غير موفق

Quote: مراية واحدة هبطت عليهم اللعنة يعنى لو سرقوا االتانية ح توقع على وثيقة التحرير ؟ لووووووووووووب .

أوسكااااار والله يا دينا ..

الجاتك في مرايتك سامحتك


رمضان كريم

الحمد لله مراية عربيتك عكست ليك سؤات الحكومة
المؤمن مراءة اخيه و المداهن مراءة عربيته،،،

كلميني ... يا ...

والله انتو وحكومتكم تتفلقوا ... نحن يكفينا من السودان الكابلي دا بس ...









... المهم ...

up

لي فوووق ..وبيان لكل من يظن ان معارضة أو ركوب ملاسي موجة " الطرابيــد " جديدة أو خوفاً من ثورة سبتمبر المجيدة التي هزت عرش النظام .. ؛)

Quote: up لي فوووق ..وبيان لكل من يظن ان معارضة أو ركوب ملاسي موجة " الطرابيــد " جديدة أو خوفاً من ثورة سبتمبر المجيدة التي هزت عرش النظام .. ؛)

يا حيدر الزين إنت لخبات، وبس.

عاهدت نفسي ان لا أخاطب منسوبي الحكومة،
لكن للضرورة أحكام...

Quote: عاهدت نفسي ان لا أخاطب منسوبي الحكومة،

انت خلي عندك شجاعة وقول لملاسي انت من ازلام النظام بتجي تقول لي قول ليهو كدة لي شنو

بعدين .. اثباتاً للحق وقولاً على النصيحة ولو على انفسنا..
السيد حسين ملاسي تم ظلمه هنا وبهتانه عياناً بياناً انه جديد في قصة المعارضة دي وخوفاً من الثورة كتب بوستات..
لكن تراهو قدامك تاريخ البوست الزفت فيهو الحكومة من اجل " المراية " حقته خلى يجي زول يغالط..

دا اكان ما جاء " احدهم " وطلعني مزور البوست :)

Quote: دا اكان ما جاء " احدهم " وطلعني مزور البوست :)

دع الناس تحمل اوذارها، إنت الجابرك علي العتالة شنو.

برضو تقول لي ما لخبات ؟؟؟...

لا لخبات عشان رفعت بوست لبراء ذمة شخص ما..؟
الساكت عن الحق شيطانٌ اخرس ..


انتو بلع النصيحة دي بتشرقكم قدام في القبر ..

Quote: اوذارها،

اوزارها بالزاء زرقينة طال عمرك

Quote: اوزارها بالزاء زرقينة طال عمرك

عليك الله ما تحدس بيها ملاسي.
أستُرني، وتاني لومك بي ما بكررا.



تووووبة...

خلاص ما بكلمو ..:)
علا انت تاني ما تقاطعوا .. فمهما كان السيد حسين لديه وطنيته المهضومة في بعض الاحيان




ـــــــــــــــــــــــــ
هسع عاين الجماعة ناس " هناي " ديك شردوا فِرد شردة.. ملاسي دا ان بقا بعاتي باقي ليك كان بيناوط لي هسع

لن تنجح (التغيير) لهذا السبب!

كدي أفتينا في العنوان دا،
هل صحيح أم لا ؟؟؟.

Quote: خلاص ما بكلمو ..:) علا انت تاني ما تقاطعوا .. فمهما كان السيد حسين لديه وطنيته المهضومة في بعض الاحيان

أنا لا أتحدث عن الوطنية المهضومة، وأرجوك لا تطلب مني
عدم المقاطعة، فترك الصعوط ليس بالشئ الساهل.

يبدو انني سأعود للكتابة مرةً أُخرى بعد توقفي
طوال هذه المُدة.

تحياتي...