النفاثة الويلزية غاريث بيل : إلى ريـال مدريد ب 100 مليون يورو !!

ما كتيرة!

الكترة نقصد بيها ما بتجيب ليها اتنين سوبر استار كدا!

على العموم لو حيبيعو دي ماريا كويس! * (أكيد حيلعب طرف يمين عكس توتنهام، لانو رونالدو مكانو محفوظ)

____________
* مهند الطاهر ريال مدريد

يا ريس .. كلام كويس والله لكن الموضوع أظن لسع ما نجض!




_
يا عابد .. ياخ يشتغل في مجالو .. ورونالدو خلوهو يشتت!
بالنسبة لي دي ماريا أفضل من رونالدو .. مزااااج كـدا بس!!

اخينا العزيز الريس عبد اللطيف بكرى

بالله وصلت لحدى ويلز وانا منتظر رجوعك جنب الحى الدبلوماسى

خلينا نشوف طريقه نسحب من المائة مليون دى واحد فقط

تحياتى

سيد سيدنا

التحية للاستاذ عبد اللطيف وزار بوسته الكرام ورمضان كريم

ده حا يكون فقد كبير للدوري الانجليزي لانو وعلى الرغم اني ما بشجع توتنهام لكن كان بمتعنا (قوة+حرفنة+ تهديف غريب). لكن اتوقع انو العنف والخشونة الزائدة بتاعت الدوري الاسباني ما جتنفع معاهو.

واحد صديق من يهود توتنهام الموضوع ده مضايقو شديد اسمو سايمون كل ما اسالو الزول ده حا يمش ولا لأ يصر لي وشو ، امبارح كررت السؤال قال لي
he should make it easier to leave by making us hate him a little

Quote: التحية للاستاذ عبد اللطيف وزار بوسته الكرام ورمضان كريم ده حا يكون فقد كبير للدوري الانجليزي لانو وعلى الرغم اني ما بشجع توتنهام لكن كان بمتعنا (قوة+حرفنة+ تهديف غريب). لكن اتوقع انو العنف والخشونة الزائدة بتاعت الدوري الاسباني ما جتنفع معاهو. واحد صديق من يهود توتنهام الموضوع ده مضايقو شديد اسمو سايمون كل ما اسالو الزول ده حا يمش ولا لأ يصر لي وشو ، امبارح كررت السؤال قال لي he should make it easier to leave by making us hate him a little

هلا أسامة ومبارك عليك الشهر ياخ ،،

بالفعل ذهابه ضربة قاضية للبيرميرليغ ، تتوتنهام ليس لديه مايحسره في ذهاب لاعب بمثل مؤهلاته ، فهي صفقة العمر ، والتي قد لا تتكر لبيل إذا اشاح بوجهه عنها ، 200 ألف جنيه إسترليني في الأسبوع يا أسامة : والله يفوتها يبقى مجنون ،،

بقاء ريـال مدريد بمثل هذه القوة الشرائية هو دافع كبير لخلق المواهب وتحفيز الأسر للإهتمام بكرة القدم وتنمية المهارات لدى النشيء والتعامل مع الأمر من منظور إقتصادي بحت : أفضل الأن مليون مرة للأسرة أن ينجح أحد أفرادها للدخول لهذه الأندية الكبرى من الحصول على وظيفة مهما علا شأنها : 2000 جنيه إسترليني لخريجي الهندسة في الشهر،،

200 ألف في الأسبوع ؟؟؟ إنا لله ، أربعة مليون وتمانماية وتمانين ألف ريـال سعودي (في الشهر)ما يعادل راتبه الشهري بالسوداني تسعة مليارات وخمسمائة مليون جنيه سوداني بالقديم!!

قراية شنو ومراية شنو!!!!

Quote: خلينا نشوف طريقه نسحب من المائة مليون دى واحد فقط

والله ياسيد إنت راجل قنوع خلاص !!!

هو واحد شايل مائة ، أنحنا خمسين عايز مليون بس؟

خلاص جيب جماعتك وتعالو البيجري لينا زي الزول دا المليون حلال عليهو

Quote: ورونالدو خلوهو يشتت!

شفت دي التنظيرات زاتها الخلت السودانيين منظراتية!
الواحد يشطح ليك كدااا ويقعد يقول ليك في كلام غريب

يشبكك الصبة بدون رملة وملاح التقلية بدون ويكة والما عارف شنو كدا بدون شنو!

Quote: يا ريس .. كلام كويس والله لكن الموضوع أظن لسع ما نجض!

أنا حصل كضبت عليكم؟؟؟ ههههههه

Quote: يا عابد .. ياخ يشتغل في مجالو .. ورونالدو خلوهو يشتت! بالنسبة لي دي ماريا أفضل من رونالدو .. مزااااج كـدا بس!!

رونالدو فقد أهم خصايصه : المراوغة ، بقى مابيعرف : بس يبقى نجم الفريق بلا منازع!!

Quote: ما كتيرة! الكترة نقصد بيها ما بتجيب ليها اتنين سوبر استار كدا! على العموم لو حيبيعو دي ماريا كويس! * (أكيد حيلعب طرف يمين عكس توتنهام، لانو رونالدو مكانو محفوظ) ____________ * مهند الطاهر ريـال مدريد

ياحبيب ، بركة بالشوفة ياخ ، وهذا العام حتشوف العجب!!

ماكتيرة ياخ ،،
ذكرتني واحد سعودي مدريدي مرضان : الجماعة قالو ليهو 95 مليون كتيرة على رونالدو : قال ليهم : والله امركم عجيب ، ياخ خلي الفريق يدقع ، وحنا دافعين حاجة من جيبنا؟؟

ريـال مدريد ملك السوق ، وأي لاعب عايز يهدد فريقو يقول ليهم ناس مدريد اتصلو علي ههههههههههه

الزول دا يستاهل ، وهو الذي سيفسد الفرحة الكتلونية بجلب نيمار !!

البركة في نيمار الجاي للمتعه وخلى المال كاااااااااااااااااااااااك
تاني الزبط حيكون على السكين اها ميسي بمسكو خمسه نيمار اربعه خلى ابو مية ينفعكم
نسيت اقوليك رمضان كريم وتصومو وتفطرو ياريالاب بي بصله

صراحة مكسب كبير للريال يا أبوخالد
لكن أنا برضو زي ود الصايم معجب بدي ماريا و شايفو أفضل من جاريث بيل



* يقال إنو الجزيرة حصلت علي حقوق بث الدوري الإنجليزي .. الكلام ده صاح ؟

قد تتفاجأ يا استاذنا لو قلت ليك انا من مشجعي فريق توتنغهام في الدوري الإنجليزي بعد مانشستر يونايتد .. ومتابع للويلزي بيل في المواسم التلاتة الماضية ..
قد تكون نقطة تحول بيل هي مباراة الفريق مع توتنفهام اللي إنتهت 4-3 في إيطاليا ووقتها سجل بيل 3 أهداف في خمسة دقائق تقريباً..
بيل سريع وقوي وشوااات ..ومرة مرة كده بيعمل ليهو لعبات حقت خيال ما بطالة خصوصاً في تمرير الباصات البينية بي بطن الرجل..
أعيب عليه الأنانية في كتير من الأحايين لكن طبعا الريال يفرق عن توتنغهام ..
بس ح تظل المشكلة ويين يلعب بيل ؟؟ ومكان منو؟؟؟ وياتو خانة؟؟؟
قلبة رونالدو لليمين ما ح تكون صاح وربما تدخل المدرب في إشكالية مزاجية رونالدو اللي بيتعامل على أساس إنو نمبر ووون وما مفروض يتغيير من حتتو عشان لاعب صاعد..
دي ماريا لاعب مجدي لكن مع انشيلوتي الله اعمل يدقها ..دي ماريا كان بيعرف قيمته مورينهو بس..
في إعتقادي المكان الأسلم لي بيل هو منطقة الوسط وريال يلعب تاني بي إرتكاز واحد ويضحي بي خضيرة في الإحتياط..
بالمناسبة أبونسو حصل معاهو شنو؟؟ مورينهو باااكي فيهو ..
الريال محتاج لي طرف يمين بأسرع فرصة وما عارف مالهم ما سكّو الموضوع ده ..

Quote: الريال محتاج لي طرف يمين بأسرع فرصة وما عارف مالهم ما سكّو الموضوع ده ..

رسل ليهم الـــ CV بتاعة بلة جابر واقبض العمولة

Quote: رسل ليهم الـــ CV بتاعة بلة جابر واقبض العمولة

ولييي بلة جابر ..
الCV بتاعتي ما بتظبط معاهم ؟؟

Quote: قد تتفاجأ يا استاذنا لو قلت ليك انا من مشجعي فريق توتنغهام في الدوري الإنجليزي بعد مانشستر يونايتد .. ومتابع للويلزي بيل في المواسم التلاتة الماضية .. قد تكون نقطة تحول بيل هي مباراة الفريق مع توتنفهام اللي إنتهت 4-3 في إيطاليا ووقتها سجل بيل 3 أهداف في خمسة دقائق تقريباً.. بيل سريع وقوي وشوااات ..ومرة مرة كده بيعمل ليهو لعبات حقت خيال ما بطالة خصوصاً في تمرير الباصات البينية بي بطن الرجل.. أعيب عليه الأنانية في كتير من الأحايين لكن طبعا الريال يفرق عن توتنغهام .. بس ح تظل المشكلة ويين يلعب بيل ؟؟ ومكان منو؟؟؟ وياتو خانة؟؟؟ قلبة رونالدو لليمين ما ح تكون صاح وربما تدخل المدرب في إشكالية مزاجية رونالدو اللي بيتعامل على أساس إنو نمبر ووون وما مفروض يتغيير من حتتو عشان لاعب صاعد.. دي ماريا لاعب مجدي لكن مع انشيلوتي الله اعمل يدقها ..دي ماريا كان بيعرف قيمته مورينهو بس.. في إعتقادي المكان الأسلم لي بيل هو منطقة الوسط وريال يلعب تاني بي إرتكاز واحد ويضحي بي خضيرة في الإحتياط.. بالمناسبة أبونسو حصل معاهو شنو؟؟ مورينهو باااكي فيهو .. الريال محتاج لي طرف يمين بأسرع فرصة وما عارف مالهم ما سكّو الموضوع ده ..

والله يامولانا لو قلت نوتنغهام فورست كانت مبلوعة شوية ، لكن تتونغهام ، وخصوصا بعد ذهاب مودريتش وفان دير فارت بقى لعبهم ينعس شوية ، والدوري الانجليزي عموما ماشي في إتجاه الدوري الاسباني من حيث هيمنة الغريمين الكبيرين على اللعبة ، فرق زي ارسنال وليفربول وحتى شيلسي خرجوا من الصورة في الموسمين الماضيين ، وبقت الحكاية فلوس العرب التي غيرة الخارطة،،

فعلاً، غاريث بيل خلقت له مباراة الانتر ومن داخل السانسيرو أمجاد عظيمة ، وكونه يحوز على جائزة أفضل لاعب في الدوري الانجليزي لعامين متتالين لهي دلالة على تميز الفتى ، وهو على فكرة مهووس بريـال مدريد منذ صغره (أخرج وكيل اللاعب أثناء المفاوضات مع رئيس النادي الملكي بيريز صورة له في عمر العاشرة بزي الريـال )
تبقى المشكلة يلعب وين!!
رونالدو قاعد يلعب غلط في ريـال مدريد، ونادراً ما كنا نشاهده في مانشيستر على الجهة اليسرى ، إذن غاريث بيل خانتو مضمونة ، ولينا البحث عن مكان لرونالدو: وغالبا مايكون خطير وهو في العمق الهجومي ،،

أؤيدك مائة بالمائة في الزج بخضيرة في دكة البدلاء ، وجبن مورينهو ثبت ثقافة لاعبين في الارتكاز !!
ألونسو متواجد في الفريق ، لكن جاء من هو أفضل منه مراحل :إرتكاز وصناعة ألعاب : اياراميندي!!

الطرف اليمين محلولة بوجود الناشيء كارفخال : أحسن مدافع في البوندس ليغا العام المنصرم ، وهو سيكون حديث المجالس مع إيسكو هذه السنة !!

قومت نفسنا يامولانا ياخ!!

Quote: صراحة مكسب كبير للريال يا أبوخالد لكن أنا برضو زي ود الصايم معجب بدي ماريا و شايفو أفضل من جاريث بيل هلا ياعريس ، أخبارك وأيامك كلها مباركة،، مكسب كبير دون شك ، متمكن شديد ومرعب وسيشكل قوة دفع رباعية مع المدمرة الأخرى،، ليس هنالك مقارنة بينه وبين ديماريا ، الأخير أروش ، وضعيف البنية وأناني للحد البعيد ، ميزتو الوحيدة أنه خطير في الهجمة المرتدة !! * يقال إنو الجزيرة حصلت علي حقوق بث الدوري الإنجليزي .. الكلام ده صاح ؟ نعم ، أخذت الحق الحصري ولكن على مايبدو حيزيدو القنوات والرسوم للقنوات الموجودة حالياً، وهذا المكسب الثاني : الجزيرة أكثر إنتشاراً ، وفكرة أنك تعمل رسيفر فقط لكل دوري دي فكرة منتهية ،،

مرحبتين ياحامد ،
وتصوم وتفطر على خير ،، ولا هو العيد قرب هههههه،،

==

نيمار إختار برشلونة لأنو قابض منهم مقدم ليهو سنتين ، وهو لحد كبير يشبه ريـال مدريد اكتر من برشلونة
وأنا لأول مرة في تاريخ البارشا سأطرب للعبهم : الواد لعاب وممتع والله مافي شك،، وحيكون مختلف من باقي
البرازيلين الاحترفو في اوربا كلهم من حيث الإنضباط : كان نجماً في البرازيل وغني جدا يعني ماحيكون مستجد
نعمة زي الجماعة الخلعتهم اوربا وانتهت موهبتهم بصورة سريعة زي رونالدينو وروبينهو!!

عموماحيكون الدوري جميل هذه السنة ،،

يا عمر الفاروق....الملكي رجع كارفخال ..بس الله يكفينا شر اربيلوا ...

بيل في السوق ويبدو انه سيحطم الرقم القياسي

ويبقى الدون هو الاول

البيول شتت دي برضو سلامة

وهيجواين ما داير يتخارج

دي عوجة كبيرة

الشغلة لسه ما تمت

ولا يزال بواش يصرح .... ومويز يرغب ...

إنتو الجبتوهم بالملايين السنوات الفاتت عملوا ليكم شنو

قوموا طوطوها ... وفي رواية قوموا لفوا ...

تكاكو من 2002 .. ولي الآن ... جعجعة بس






الشغيل

معقولة يا عبد اللطيف ؟؟؟
توتنغهام ممل ؟؟ ياخ فانديرفارت تحدييدا كان من الناس المملين في الفريق..
لكن تعال شوف ناس ديمبلي ديل !! أناقة وحركة دؤوبة ونشاط وحرفنة ..
الود لينون ده شعلة من النشاط..
الأدييب بايور الحرفنة كلها..
دييفو الإجرام والقرصنة ..
وعندهم صف بتاع أسود واقفين ورا ..
ياخ ده فريق أنيييق جدا جدا..
بختلف معاك في قصة هيمنة الفريقين في انجلترا دي..
انجلترا معروفة بسيطرة الفريق الواحد صاااح وهو من يونايتد ..لكن الدوري الانجليزي عموووما يشهد صراع محموم لحدي اخر لحظات في الخمسة فرق الكبرى وبيكون الصراع محتدم من قولة تييت لحدددي اااخر تيت ..
ربما برحيل لاسير فريجسون يفقد الدوري بعض من بريقه وربما بنقل قناة الجزيرة ليهو يفقد كللل بريقه فمتعة الدوري الانجليزي كانت مرتبطة عندي بإستديوهات ومحللين قناة ابو ظبي الرياضية ..
ناس نضيفيين وراقيين ومرتبيين..
إستديوهات الجزيرة إستديوهات جايطة فيها من الهرج ما يكفي لي قفل التلفزيون .. وفيها من التوانسة والمغاربة و الجزائريين ما يسد نفسك من التكملة ..
ياخ في ابو ظبي الرياضية خالد شنيف و حاتم الطرابلسي قمة الروووقة والنضافة ..

Quote: اياراميندي!!

مين دا؟

Quote: يبدو أن دراما صفقة انتقال جاريث بيل نجم توتنهام هوتسبير الإنجليزي إلى ريال مدريد الإسباني قد أوشكت على الانتهاء. فقد أكدت صحيفة "الديلي ميل" البريطانية أن الريال يعتقد أنه نجح في إقناع مسئولي السبيرز ببيع بيل بمقابل تاريخي يبلغ 87 مليون جنيه إسترليني، ما يعادل 130 مليون دولار. وقالت الصحيفة في تقرير نشرته اليوم الخميس: بعد أسابيع من الإصرار على عدم بيع بيل، فإن إدارة توتنهام يبدو أنها استسلمت وتراجعت عن موقفها السابق. من جانبها قالت صحيفة "آس" الإسبانية إن توتنهام وافق على رحيل بيل مقابل 125 مليون يورو. وأشارت الديلي ميل إلى أن الاتفاق تم مبدئيا بالفعل بين النادي الملكي وتوتنهام، إلا إن الإعلان الرسمي سيتم فور الانتهاء من صفقتي المهاجم روبرتو سولدادو لاعب فالنسيا الإسباني، وألفارو موراتا لاعب ريال مدريد، لتعويض الرحيل شبه المؤكد للنجم الويلزي من قلعة "وايت هارت لين". وأكدت الصحيفة أن مسئولي السبيرز أعربوا عن إصرارهم بأن يكون موراتا، البالغ من العمر 20 عاما، والذي أحرز هدفين للفريق الأول للريال، جزءا من الصفقة، حيث يتوقع أن يكون اللاعب الصاعد أحد الوجوه الواعدة في كرة القدم الإسبانية خلال السنوات القليلة المقبلة. وأشارت إلى أن رحيل بيل عن توتنهام يمثل ضربة أخرى جديدة لآمال رئيس النادي دانييل ليفي ومدرب الفريق البرتغالي أندريه فيلاش بواش في الحصول على أحد المراكز الأربعة الأولى في الدوري الإنجليزي الممتاز، البريمييرليج، هذا الموسم، من أجل المشاركة في دوري أبطال أوروبا. وكان السبيرز قد فشل في صفقة المهاجم الإسباني الدولي ديفيد فيا لاعب برشلونة السابق الذي فضّل الانتقال إلى أتليتكو مدريد الإسباني. يذكر أن تقارير صحفية أكدت أن بيل أعرب عن رغبته في الرحيل إلى ريال مدريد، وأنه أبلغ مدربه بواش بتلك الرغبة منذ عدة أيام.

مرحباً بالنفاثة الويلزية

ولكن لا للتفريط في كونتراو او موراتا او مودريتش

نديهم ...بيبي واربيلوا ..

الحبايب : الساطور وصل


معتصم دفع الله وصبري طه وكل الرجافة عليهم استلام بطاقات المشاهدة من صلاح شتات وود الصايم



عمر الفاروق وين ياخوانا مختفي ما رديت علينا العيد


وياعمران انتهت معاناتك ما عايز اشوفك ضعيف بعد دا


لكل الاحباب في الميرنغي : في بطيخ صيفي رائع هذه الايام بانحاء المملكة

انا حصل كضبت عليكم؟؟؟

http://www.youtube.com/watch?v=s4zVqx2tT8Iandsns=em

بالتوفيق يا عبد اللطيف ...
والريال السنة ما شاء الله بس انشلوتي دا يظبط دفاعه شوية

Quote: انا حصل كضبت عليكم؟؟؟

حاشاك

بس المشكلة مافي البطيخ، المشكلة في عمار مرق وخليفة الكانو في الاسبوع الفات!

طبعاً المباراة الافتتاحية مع بيتيس والفازو فيها بصعوبة ليست مقياس، انشيلوتي ما ساهل ابدن، والاداء التصاعدي افضل بكثير من البداية الجيدة ثم الهبوط.

شوية نقاط كدا..

- يعني ما ممكن بيبي وراموس يكونو جالطنها كدا!
- بعين مخلوعة وهلع شديد كنت متابع اصابة فاران ورجوعه قبل اسبوعين للتدريبات، الود دا لازم يكون معاهو واحد! وبيبي برة.
- اداء متميز من مارسيلو ومودريتش والقنبلة "ايسكو"، خضيرة واوزيل بعيدين عن الفورمة.
- خايف مع الطرفين غاريث بيل ورونالدو بنزيمة يتعب زيادة! الراجل دا بكون اخطر مع الباصات الطولية والقصيرة. الموضوع داير ذكاء من انشيلوتي.
- اشد قون بتاع ديفيد فيا في برشلونة
- قعدة زيدان في الكنبة ساكت مريحة للزول!



________________


يا عمر الفاروق جاييك في الدوري الانجليزي دا! بعدين ابوظبي شنو ياخ الراقية! ما تاكلنا حنك وتراهن على اننا برولتاريا ولم نملك الا كرت الجزيرة!
اي نعم اتقل مذيع دماً بعد عمر الجزلي هو ايمن جادة الماسك استوديو الدوري الانجليزي - واسوأ واغبى مذيع في التاريخ هو علي الكعبي الشايفو اتقاسم مباريات الاسبوع الفات مع النباح بتاعكم العتيبي!
دا غير "ميدو" الخاتنو في الاستوديو وبتكلم زي الشفع وبنطط! (ياحليلك يا حازم امام) الا انو الجزيرة لديها محاسن كثيرة!
بـ 150 دولار تحضر اوروبا كلها! ياخ كرت الجزيرة ارخص من جالكسي ميني أو اياً كان اسمه!
ثم انو شيخ شيوخ الدوري الانجليزي خالد الغول والراجل مهمش جداً في الجزيرة للاسف!
كورة زي مانشستر وتشيلسي بتاعت يوم الاتنين الجاي دا، تستاهل منو غير رؤوف خليف؟

وان شاءالله الشماشي سواريز يرضى ويجينا في ارسنال!

Quote: قراية شنو ومراية شنو!!!!

يا تيفا طيب وكت انت عارف كده ليه ضللتونا وشبكتونا اقرو قانون وبطيخ! كان تجيبوا للواحد كورة شراب وبعد داك تخلوهو يشوف مستقبلو( لووووول). قلت لي 100 مليون يورو ينطح يورو!

محبتي.

أعتقد ومع سباعية البارسا في استهلاليته لدوري هذا الموسم .. ما عندكم طريقة تنافسوه إلاّ تشوفوا ليكم فكي كارب ...

محمد يوسف يا سمح ي (زين) ..
وزين عالم جميل زي ما كل الناس عارفة ..
عارف ريال مدريد ده دفاعه شوارع والرّصة بتاعتو أبداً ما مريحة ..خصوصاً في الأطراف.. والأخص الطرف اليمين ..لأنو الطرف الشمال الريال مغطي الخلل بي الضغط على الخصوم والاعتماد عليه في الهجوم ..
بيبي لاعب ما قدر الريال بس الظروف خادماهو شديد .. انا بستغرب واحد زيل دانيل آآقر بتاع ليفربول ما يتسجل في عمق الدفاع .. لأ وفي حاجة كده إسمها وولكر بيلعب في توتنغهام طرف يمين ياخ ده والله يحل ليك مشكلة خط كااامل مننن الكورنر للكورنر..معقولة نحن بقينا نفهم ونشوف كورة أحسن من ناس انشيلوتي و مورينهو؟؟ غايتو انا لو مسكوني ملف تسجيلات الريال ده سنتين بس بجيب ليهم الابطال تاني..
ريال مدريد عندو مشكلة تفاهم بين رباعي الدفاع وخصوصاً في الهجمات المرتدة لاحظ ليهم بيتفرتقو كيف ..لا مارسيلو بيقدر يعمل العقم الدفاعي لا راموس بيقدر يشيل الطرف اليمين لا بيبي بيقدر يملا الوسط ..
الأسوأ إنو كمان عملوا راموس الكابتن ..والكابتنية دي حاجة خطرة لمن تديها لي لاعب مشاكس ومصادم ..لأنك كده ح تنزع منو أهم ميزة بيتمييز بيها وهي الروح القتالية وبتحولوا لي لاعب مثالي بحكم إنو بقا قائد الفريق وبالتالي حالياً راموس بقا لاعب مسكين وبيحاول يبقا نموذجي عشان كده انا بشوف يشيلو منو الكابتنية ويدوها لي رونالدو ..
عارف رونالدو تحدييدا ليه؟؟؟ لأنو فعلا نحن محتاجين رونالدو يحس بي روح الفريق ..رونالدو لحدي اللحظة ومنذ تسجيله في الريال انا ما شوفتو مشى إحتفل مع لاعب أحرز هدف للريال!! يا يجيب القون هو ويجري يفرح يا كمان ما عايز !!! اصصصلو ما حصل شوفتو فرحان لي زول ولا جرى ليهو مع زول في هدف!!! ودي ممكن يعملا لو هو بقا الكابتن وممكن يحس مسئولية القائد ويلعب باصات الأقوان ..
المهم ده كلو تنظير انا عارف بس انا دي فلسفتي القاطعا من كنكوجي ويم ما قد تصح نظريتي ..

تخريمة :
بجيك في موضوع المعلقين والإستديوهات ده ..مرة تانية إن شاء الله ..
ويا عبد اللطيف العيد الجاب الناس لينا ما جابك..ياخ أعزمني كورة للريال في البنابيو ما عندي مشكلة بمشي معاك :):)

عموري يا فاروق.. انت من زمان خايف يقولو ليك فهمك في الكورة احسن من الغنا! لا لا شفت

وانت زاتك العيد الجاب الناس ما جابك، الكورلا السبعة وتمنين بتصر بنزين!

والله لكن راااجل..بديت بي كورولا87!!!
انا خمسة سنة اغتراب سايق عربية اكبر مني..كريسيدا مواليد 76

Done

افادة غاريث بيل

Quote: Posted by Tottenham Hotspur on 1 September 2013 - 19:01PM "I have had six very happy years at Tottenham but it's the right time to say goodbye. We've had some special times together over the years and I've loved every minute of it. “I would like to thank everyone at the Club, the Chairman, Board, staff, coaches and players – and most of all the fantastic fans who I hope will understand this amazing career opportunity. “I am not sure there is ever a good time to leave a club where I felt settled and was playing the best football of my career to date. I know many players talk of their desire to join the club of their boyhood dreams, but I can honestly say, this is my dream come true. “I am well aware that I would not be at the level I am today were it not for firstly Southampton and then Spurs standing by me during some of the tougher times and affording me the environment and support they have. “Tottenham will always be in my heart and I’m sure that this season will be a successful one for them. I am now looking forward to the next exciting chapter in my life, playing football for Real Madrid." موقع تتونهام