صورة مفزعة لمياه الخرطوم

ماخذوة من الفيسبوك.

كنت من ضمن الطاقم الهندسى الذى يعمل بادارة المشاريع بمياه المدن ما بين العام 1986 و العام 1989م حينما اعتقلت.
و قتها كانت لدينا مشاكل مزمنة خاصة بالاطماء فى وقت الخريف و عدم مقدرة محطات التنقية المقامة على مواجهة كمية الطمى القادمة زمن الفيضان بسبب التجريف الذى حدث فى اعقاب كارثة الجفاف و التصحر التى ضربت السودان فى اوائل الثمانينات من القرن الماضى .
كان حجم الطمى الوارد فى المتر المكعب وقتها حوالى 8 كجم بينما صممت المعالجات لتنقية حجم طمى لا يزيد عن النص كيلو جرام للمتر المكعب.

فى قسم المشروعات كانت لنا حلول فنية مقترحة و افكار هندسية كانت تتطلب بيوت خبرة عالمية مختصة لوضعها فى الاطار الذى يسمح لباقى خطوات التصميم و التنفيذ ان تبدأ . لكن كان ينقصنا المال بشدة وكانت كل حكوات الصادق المهدى وقتها ينقصها المال و غير مهتمة اصلا بترتيب الاولويات

حملات اعلامية مركزة كانت تشن علينا مما يسمى بصحف الجبهة الاسلامية القومية وقتها بسبب مشكلة المياه هذه و كنا نحاول جهدنا ولكن ليس باليد حيلة..حقيقة كان الفنيون واصحاب الوجعة مبعدين من سلسلة اصدار القرار التى كان يمتلك ناصيتها السياسيون وحدهم.

بعد ان حلت الانقاذ بالبلاد و استلمت المال و العباد كان فى امكانها بما توفر لها من مئات الميارات من الدولارات صرف اليسير منها لحل مشكلات مكياه المدن المزمنة وفى مقدمتها الخرطوم و بورسودان و الابيض. لكن ما كان يحدث فى حكومة الصادق كان يحدث و مازال فى ظل حكومة الانقاذ تغير فقط من حيث زيادة الموارد بطريقة لم يسبق لها مثيل فى تاريخ السودان ولكن مازال ابعاد المختصين عن دائرة صنع القرار موجودا و الحقيقة ان جلهم قد فصلوا و ابعدوا من جهاز الدولة تماما و قائمة الاولويات الحمقاء التى قصمت ظهر السودان موجودة و بقوة.

الانقاذ لم تستطع بما توفر لها من فرص و اموال طائلة ان تغير وجه البلد و فشلت أن تؤثر بقوة فى الخدمات التى تهم المواطن و التى ظلت مشاكلها هى نفسها بل ربما اكبر ...
السؤال؟ اين ذهبت هذه الاموال الضخمة؟ اين هربت و لمصلحة من؟

لوصرفت الانقاذ جزء بسيط من هذه الاموال لحلا مشكلة المياه و بصورة شاملة فى كل مدن البلاد و اريافها ولوفرت مياه الشرب النظيفة للناس ووقتهم شر الامراض و جنبتهم معاناة ثمن الادوية المرتفع .

كل سنة وفى نفس التوقيت تبرز هذه المشكلة المخجلة التى تبرهن بالدليل القاطع أن السودان بلد فاشل يحكمه فاشلون و فاسدون. الناس كادت روحهم ان تخرج و المسئولون مشغولون بتامين سفر الرئيس لنيجريا و قفل البلف و اطلاق سراح صلاح قوش.

[]
صلاة النبي .... الحيكومة بقت تجيب لينا في رمضان شراب العرديب في المواسير؟

__________
يا باشمهندس ..... الناس في السودان بيشربوا ساكت ما بيعاينو للموية، أو كل واحد ينقي الموية العايز يشربها بي طريقتو (ترويق الموية في الأزيار أو الصهاريج بمجرد التخزين أو بالشب، أو لمن يملك الفلاتر ذات الشمعات).
الحكومة دي تتقطّع؟ مش كفاية عاملة ليكم سد شنو .. وسد شنو؟

شكرا محمد ابراهيم على.

هذا الاحمق يعتقد انه يخاطب قبيلة من البدائيين لا علاقة لها بالمدنية.

هو يقص ان المياه آمنة من ناحية اضافة الكلور لها ولكنها يعرف انها غير امنة من نواحى اخرى فى مقدمتها ال Turbidity

لو كان صادقا ينشر جدول بمواصفات مياه الخرطوم مقارنا بالمواصفات العالمية المعتمدة بواسطة الامم المتحدة.

الأخ هشام المجمر وضيوفه تحية و تقدير

الغريبة إنو في زيارة للوزير لمحطة تنقية ومعالجة المياة عدة مسؤولين أكدوا على نقطة المقاييس الكيميائية سودانيا وعالميا وكيف أنو المياة دي بعكورتا مطابقة للمقاييس وآمنة للإستخدام، فهل الكلام ده صحيح؟؟

تحياتي

Quote: لو كان صادقا ينشر جدول بمواصفات مياه الخرطوم مقارنا بالمواصفات العالمية المعتمدة بواسطة الامم المتحدة.

ما للدرجة دي كمان ...!!!

سلام ياهندسة
طالما المسئولين بصرحوا انه الضائقة المعيشية ابتلاء وتحل بالاستغفار
ووزير الزراعة بدعو لصلاة الاستسقلء لانجاح الموسم الزراعى
واننا قادرين نهزم اسرائيل بالسواطير بس يبقوا رجال ويجونا بالواطة
او لو جو بالطيارات ما يجونا وكت العشا يولعوا الانوار
فالموية العكرانة ما مشكلة لانه حسب مدير المياه :
( الطمى دة ما مشكلة وخلق منه الانسان )
ديل مسئولين ولا فكوة

بالرغم من انو تبرير ضعيف لمسئول .. لكن بالجد .. موية الطمى مضرة بالصحة ؟ دايرين راى طبي
شربناها لامن قلنا بس ...

بالمناسبة الناس التشرب من آبار ما بجى فيها الطمى .. حتى لو كانت قريبة من البحر
وكنا بنستغرب زمان فى امدرمان تحديدا لما تفتح الماسورة وتجى الموية حمرا

Quote: موية الطمى مضرة بالصحة ؟

انا شفت ناس في السودان بشربو موية تقول الناس ديل ما ممكن ييصبحو للصباح
اديك مثال لما يحدث في بعض مناطق السودان
في بعض مناطق السودان المصدر الوحيد للمياه هو الامطار وتحفظ في الحفائر او قيعان الخيران وعادة الناس ترد الماء وهي تركب حميرها وفي جانبيها خرج لحمل الماء
الحمار من عادتو اول كرعيهو ما يصلن الموية ببول الله يكرمك اها اتخيل الموية بعد كم شهر بتكون عبارة عن شنو والناس ما عندها حل الموية المخلوطة بالامونيا دي او الموت عطشا
لكن برضو ما ممكن نقول الطين غير مضر او مفيد كما اراد المسؤول ان يوحي
الرد مفروض يكون بسيط وهو في صيغة سؤال اذن لماذا نهدر موارد البلاد لتنقية المياه من الاطماء؟
لي ما يدوها كلور بس ويلزوها للمواطنين عشان يتغذو ؟

شخصياً كانت قراءتي مختلفة شوية .....بالاضافة الي ان الوزير يحاول ان يصنع المبررات التي تغفر لهم عجزهم وقلة اداءهم المهني .....فان عينه علي جيب المواطن البسيط .....فهو لمح الي انهم يتحملون 70% والمواطن يدفع فقط 15 جنية وهي ما تساوى 30% ولاحظو قوة عينه وطمعه في ارهاق المواطن مرة اخري ........وهذا مع نيته علي ابقاء نفس الخدمات لانهم صنعو من الطين فان الطين لا يضر ....طيب ليه ما ناكل طين ولماذا نستحمي من الطين ولماذا نغتسل منه وهو لا يؤثر علي الوضوء ؟؟؟؟؟هؤلاء العجزة يبيعون الوهم والدجل ......
وكما قال الاخ الباشمنهدس محمد ابراهيم ولماذا اهدرنا كل الاموال السابقة في تنظيف وتنقية المياه طالما بيننا مثل هذه العبقرية التي عرفت اننا خلقنا من الطين ويجب ان نشرب وناكل الطين ......
والطريف انه استند الي انه زول ريف بيدوس اي حاجة .....في الريف هناك قول في الاثر يقول اصغر منك دوسو فلماذا اذن لا نسردب للباعوضة ونحن ناس ريف عادي الملاريا عندنا ؟ طبعاً هؤلاء يحبون ان يبيعوا الوهم ويستثمروا في الجهل .....لذلك قلنا ان الاخوان المسلمين يهتمون بالجهل واشاعة الامية وسط الجامعات .....ولذلك قلنا انهم ضد الاعلام الحر وضد حرية الاعلام.......لان مثل هذه الاكاذيب لن تمر في وجود صحافة حرة واعلام حر.......لذلك هم حريصون علي الامية واشاعة الجهل السياسي والمعرفي ......

الاخ/ سمير شيخ ادريس

سلام

من المؤسف ان يصرح مسئول بمياه الخرطوم هكذا تصريح.

لا مشكلة اطلاقا ان يكون ابن ريف ولكن المشكلة انه بعد دراسته للهندسة لا يتاسف على الايام التى كان يشرب فيها المياه عكرة نسبة لاهمال الحكومة للمناطق الريفية.

هذا الشخص هو آخر من يفترض ان يحتل هذا المنصب الحساس ...مغصة كبيرة وفشل اكبر للسودان و السودانيين

مسئول يقول البنقو ما مخدرات، ويشجع الشباب على تعاطيه،

وآخر يقول أكل الطمي صحي لانو خلق منو الإنسان.

الجماعة ديل ماشين كويس،

باكر حيجي واحد يفتي بتحليل العرقي.

المهم تخلوهم يحكوكم لغاية ما يسلموها لعيسى كما قال غبي ثالث.

.
.

يارب إن أهلنا في السودان عبادك ففّرج عنهم عاجلاًُ غير آجل، يار ب إن الشعب السوداني يناديك كما ناداك نوح (ع) ( ربي إني مظلوم فانتصر) .

.
.

.
.

في زماننا هذا :المعاناة في أبشع صورها هي أن تكون مواطناً سودانياً . (فقر ومرض وذل وتشريد،دون أدنى بصيص أمل في المستقبل) ربي أقم الساعة.

.
.

ندعو السيد مدير مياه الخرطوم لقراءة النص التالى ليكف عن الادعاء ان عكورة المياه ليست لها اضرار صحية


Turbidity and human health
Excessive turbidity, or cloudiness, in drinking water is aesthetically unappealing, and may also represent a health concern. Turbidity can provide food and shelter for pathogens. If not removed, turbidity can promote regrowth of pathogens in the distribution system, leading to waterborne disease outbreaks, which have caused significant cases of gastroenteritis throughout the United States and the world. Although turbidity is not a direct indicator of health risk, numerous studies show a strong relationship between removal of turbidity and removal of protozoa. The particles of turbidity provide "shelter" for microbes by reducing their exposure to attack by disinfectants. Microbial attachment to particulate material has been considered to aid in microbe survival. Fortunately, traditional water treatment processes have the ability to effectively remove turbidity when operated properly. (Source: EPA)


لا اعرف من اين جاء هؤلاء البشر.

بصراحة و دون رتوش هذا كذب و عدم ضمير و انعدام مهنية

Drinking water standards
Governments have set standards on the allowable turbidity in drinking water. In the United States, systems that use conventional or direct filtration methods turbidity cannot be higher than 1.0 nephelometric turbidity units (NTU) at the plant outlet and all samples for turbidity must be less than or equal to 0.3 NTU for at least 95 percent of the samples in any month. Systems that use filtration other than the conventional or direct filtration must follow state limits, which must include turbidity at no time exceeding 5 NTU. Many drinking water utilities strive to achieve levels as low as 0.1 NTU.[8]

كل الدول لها تقيس عكورة المياه وفقا للمراجع والاختبارات المعروفة و تحرص على ان لا تتخطى عكورة المياه النسب المسموح بها عالميا لكى لا يضار السكان من زيادة العكورة فى مياه الشرب

الا مسئولينا فى السودان يريدون ان يبرروا فشلهم المقيم بخداع المواطن وادعاء ان عكورة المياه لا تضح بصحة البشر.

سبحان الله

قال شنو : نحن اولاد ريف بنشرب الموية عكرانة..

Quote: الانقاذ لم تستطع بما توفر لها من فرص و اموال طائلة ان تغير وجه البلد و فشلت أن تؤثر بقوة فى الخدمات التى تهم المواطن و التى ظلت مشاكلها هى نفسها بل ربما اكبر ... السؤال؟ اين ذهبت هذه الاموال الضخمة؟ اين هربت و لمصلحة من؟

اللهم إن أهل السودان عباد من عبادك ففرج عنهم
اللهم خذ الظالمين بالظالمين يا رب العالمين.. اللهم آمين ...

Quote: اللهم إن أهل السودان عباد من عبادك ففرج عنهم اللهم خذ الظالمين بالظالمين يا رب العالمين.. اللهم آمين ...

آمين يا الشايقى

اخي باشمهندس مجمّر – سلامات مرة اخري ورمضان كريم. من اوجب واجبات اي حكومة قائمة طويلة تشتمل، في صدرها، علي ثلاثة بنود رئيسية (كحد ادني): (1) الأمن؛ (2) العدل؛ (3) وصحة البيئة. الأمن هو سلامة الناس، في كل ارجاء الوطن العريض، وسلامة اموالهم وممتلكاتهم واعراضهم والحفاظ علي طرق معاشهم. والعدل هو المساواة التامة بينهم امام القانون وفي الحقوق والواجبات وفرص التعليم والعمل وخدمات الصحة والتنمية والرعاية الأجتماعية. اما صحة البيئة فهي نظافة وسلامة مسكنهم ونقاء ما يتنفسون من هواء وتوفر ونظافة ما يأكلون من طعام وما يشربون من ماء. هذا باختصار شديد.

الحديث عن الماء المتوفر في مواسير الخرطوم لكنه متسخ لابد ان يأتي في اطار القائمة اعلاه. هل هو ترف اذن؟ بالطبع لا. ولكنه جزءٌ من كلٍ لا ينفصل، يحدّق في وجوهنا كل صباح جديد. الحل ليس في نقد القائمين علي امر مصلحة مياه الخرطوم (بالرغم من انه نقد مسبب وفي محله تماما) وانما في مسك التور من قرونو! والي ان يأتي ذلك اليوم فسيكون هناك، في كل يوم تشرق فيه الشمس، امر اعصي وامرّ من المياه المتسخة. ذكرت ان هذه المياه ظلت متسخة لما يقارب الثلاثة عقود (منذ عام 1986). لا بل هي هكذا قبل ذلك التاريخ وستظل هكذا دون حل ناجع الي أن يأتي اليوم الذي تقوم في بلادنا حكومة وطنية ديمقراطية حقيقية( بدون طائفية) تعرف وتعي الحد الأدني من اوجب من واجبات الحكومة!
ولك معزتي.

الاخ وضاح عبد الرحمن

سلام

Quote: الرغم من انو تبرير ضعيف لمسئول .. لكن بالجد .. موية الطمى مضرة بالصحة ؟ دايرين راى طبي شربناها لامن قلنا بس ... بالمناسبة الناس التشرب من آبار ما بجى فيها الطمى .. حتى لو كانت قريبة من البحر وكنا بنستغرب زمان فى امدرمان تحديدا لما تفتح الماسورة وتجى الموية حمرا

ارجو ان تكون قد قرأت ما اوردته بخصوص ضرر المياه العكرة ومخاطرها على صحة الانسان وهو ربما لا يكون ضررا مباشرا ولكن العكورة تعد موئلا للطفيليات و الميكروبات داخل نظم توزيع المياه مما يهدد بانتشار الامراض الخاصة بتلوث المياه مثل الاسهالات و النزلات المعوية.

محمد ابو العزائم ابو الريش

تحياتى

Quote: صلاة النبي .... الحيكومة بقت تجيب لينا في رمضان شراب العرديب في المواسير؟ __________ يا باشمهندس ..... الناس في السودان بيشربوا ساكت ما بيعاينو للموية، أو كل واحد ينقي الموية العايز يشربها بي طريقتو (ترويق الموية في الأزيار أو الصهاريج بمجرد التخزين أو بالشب، أو لمن يملك الفلاتر ذات الشمعات). الحكومة دي تتقطّع؟ مش كفاية عاملة ليكم سد شنو .. وسد شنو؟

السد السد ..الرد الرد

حكومة هتافات
حكومة صبيان
حكومة عصابات

Quote: ما للدرجة دي كمان ...!!!

لية نحنا بهائم يعنى ولا شنوا وللا انته بتعقد انوا الخوجات احسن من السودانين ؟

Quote: لأخ هشام المجمر وضيوفه تحية و تقدير الغريبة إنو في زيارة للوزير لمحطة تنقية ومعالجة المياة عدة مسؤولين أكدوا على نقطة المقاييس الكيميائية سودانيا وعالميا وكيف أنو المياة دي بعكورتا مطابقة للمقاييس وآمنة للإستخدام، فهل الكلام ده صحيح؟؟ تحياتي

ده كلو كذب على الناس يا اخ مصعب

الموية .. نظيييييييفة!!!

وكتيييييرة!!

وماذا عن غير الخرطوم؟

لاجئات من إقليم النيل الأزرق

http://www.ipsnews.net/2012/06/refugees-in-so...humanitarian-crisis/

هشام المجمر يا معارضة يا سنة ناعمه انت ............رمضان كريم
مش قالوا فى المثل الانقاذى : ناكل من ما نشرب او نطفح مما نسبحّ!!
وبعدين مش نافع قال لينا: اشربو كوعكم
والبشير قال : لينا: شراب آفاق
وتيييييييييييييييب،،،

ده القرف ! والحنتويل البشسربو منو ناس ( الخرتوم ! ) فى شهر ( إتنين ! )
قال موية خريف قال !!!!!!!!!!

image hosting tinypics
........
الصوره ماخوده يوم 02/20/ 2012 ...
فى الخرطوم بحرى ...........
عبدالماجد

Quote: شخصياً كانت قراءتي مختلفة شوية .....بالاضافة الي ان الوزير يحاول ان يصنع المبررات التي تغفر لهم عجزهم وقلة اداءهم المهني .....فان عينه علي جيب المواطن البسيط .....فهو لمح الي انهم يتحملون 70% والمواطن يدفع فقط 15 جنية وهي ما تساوى 30% ولاحظو قوة عينه وطمعه في ارهاق المواطن مرة اخري ........وهذا مع نيته علي ابقاء نفس الخدمات لانهم صنعو من الطين فان الطين لا يضر ....طيب ليه ما ناكل طين ولماذا نستحمي من الطين ولماذا نغتسل منه وهو لا يؤثر علي الوضوء ؟؟؟؟؟هؤلاء العجزة يبيعون الوهم والدجل ...... وكما قال الاخ الباشمنهدس محمد ابراهيم ولماذا اهدرنا كل الاموال السابقة في تنظيف وتنقية المياه طالما بيننا مثل هذه العبقرية التي عرفت اننا خلقنا من الطين ويجب ان نشرب وناكل الطين ...... والطريف انه استند الي انه زول ريف بيدوس اي حاجة .....في الريف هناك قول في الاثر يقول اصغر منك دوسو فلماذا اذن لا نسردب للباعوضة ونحن ناس ريف عادي الملاريا عندنا ؟ طبعاً هؤلاء يحبون ان يبيعوا الوهم ويستثمروا في الجهل .....لذلك قلنا ان الاخوان المسلمين يهتمون بالجهل واشاعة الامية وسط الجامعات .....ولذلك قلنا انهم ضد الاعلام الحر وضد حرية الاعلام.......لان مثل هذه الاكاذيب لن تمر في وجود صحافة حرة واعلام حر.......لذلك هم حريصون علي الامية واشاعة الجهل السياسي والمعرفي ......

الاخ ابراهيم النعمة

تحياتى

شكرا على المساهمة . اشاعة الجهل و عدم المعرفة منهج معتمد عند الاسلام السياسى

Quote: كن برضو ما ممكن نقول الطين غير مضر او مفيد كما اراد المسؤول ان يوحي الرد مفروض يكون بسيط وهو في صيغة سؤال اذن لماذا نهدر موارد البلاد لتنقية المياه من الاطماء؟ لي ما يدوها كلور بس ويلزوها للمواطنين عشان يتغذو ؟

الاخ محمد ابراهيم على

تحياتى

المصيبة ان هذه هى الرسالة الموجهة للناس . اعقلها و توكل ..مافى شئ اسمو علم ولا مهنية ولا مواصفات...الكع بس

Quote: سئول يقول البنقو ما مخدرات، ويشجع الشباب على تعاطيه، وآخر يقول أكل الطمي صحي لانو خلق منو الإنسان. الجماعة ديل ماشين كويس، باكر حيجي واحد يفتي بتحليل العرقي. المهم تخلوهم يحكوكم لغاية ما يسلموها لعيسى كما قال غبي ثالث.

ههه حلوة اخ حامد بس خلينا من قصة التسليم لعيسى

Quote: سئول يقول البنقو ما مخدرات، ويشجع الشباب على تعاطيه، وآخر يقول أكل الطمي صحي لانو خلق منو الإنسان. الجماعة ديل ماشين كويس، باكر حيجي واحد يفتي بتحليل العرقي. المهم تخلوهم يحكوكم لغاية ما يسلموها لعيسى كما قال غبي ثالث.

ههه حلوة اخ حامد بس خلينا من قصة التسليم لعيسى دى

غايتو يا باشمهندس هشااام المجمر
مع احترامى لأهمية الموضوع البى تتحدث عنه من ناحية استاندر عالمى
لكن من الله خلقنا ما سمعنا زول شرب موية مااااااات وإلا لم نكن نكتب بينكم الآن
(سمعنا لو (عومتا ) يعنى السباحة فى الموية يتجيك بلهارسيا ولو خليت الموية راكدة بدون تيار ولم تجففها
لساعد ذلك فى توالد الباعوض الناقل للملاريا وساعدت فى تكاثر القعونج الذى يقلق منااام الصبية عشاءاً كما يحدث فى كل خريف )
ياخى ناس الكلاكلات وابو ادم لى قريب دا بى يشربوا فى موية الابار المصدية والتى لا تستطيع ان تبتلع منها بقتين فوق بعض وان
بردتها ..وبردتها لامن جااات الانقاذ وجابت ليهم الموية الانتا شايفا عكرااانة دى ولسانهم يلهج بالثناء ليل نهار وتقول لى القروش مشت وين
يعنى خلاص كداااا وصلنا مرحلة الرفاهية لشرب الماء المؤوزن والنقى نقاء الثوب الابيض من الدنس يا هندسه هاااااااهـ نظروا لينا فى القتصاد
وسبل المعايش البقت جبااارة دى يا اتصلحت يا مرقنا معاكم ضد الحكومة دى وهذا ليس قبل ان تضع الحركات المسلحة اسلحتها المشهورة
ضد الوطن والمواطنين لانو بى صراحة الآمن من الاهمية بمكان المعايش والتى تسهل دبارتها وإلا لما ربطهم المولى عز وجل مع بعض
فى امتنانه على اهل قريش (الاية ) { فَلْيَعْبُدُوا رَبَّ هَـذَا الْبَيْتِ * الَّذِي أَطْعَمَهُم مِّن جُوعٍ وَآمَنَهُم مِّنْ خَوْفٍ} سورة قريش

ما لم توفق فيه يا هندسة فتحك لنافذة للنضال بالماء العكرة قبل ان تنتهى نافذة النضال بالجرى من ابوجاااااا
ياخى رمضانك كريم والله اقول لك العيد يتبارك عليك مرة واحدة
:
:
:
مع التحيات لله الزاكيات
التعديل بقصد تنسيق الايات لظهور ارقام وكودات فصلت بين حروف الاية

Quote: يارب إن أهلنا في السودان عبادك ففّرج عنهم عاجلاًُ غير آجل، يار ب إن الشعب السوداني يناديك كما ناداك نوح (ع) ( ربي إني مظلوم فانتصر) .

آمين يا الازهرى

Quote: اخي باشمهندس مجمّر – سلامات مرة اخري ورمضان كريم. من اوجب واجبات اي حكومة قائمة طويلة تشتمل، في صدرها، علي ثلاثة بنود رئيسية (كحد ادني): (1) الأمن؛ (2) العدل؛ (3) وصحة البيئة. الأمن هو سلامة الناس، في كل ارجاء الوطن العريض، وسلامة اموالهم وممتلكاتهم واعراضهم والحفاظ علي طرق معاشهم. والعدل هو المساواة التامة بينهم امام القانون وفي الحقوق والواجبات وفرص التعليم والعمل وخدمات الصحة والتنمية والرعاية الأجتماعية. اما صحة البيئة فهي نظافة وسلامة مسكنهم ونقاء ما يتنفسون من هواء وتوفر ونظافة ما يأكلون من طعام وما يشربون من ماء. هذا باختصار شديد. الحديث عن الماء المتوفر في مواسير الخرطوم لكنه متسخ لابد ان يأتي في اطار القائمة اعلاه. هل هو ترف اذن؟ بالطبع لا. ولكنه جزءٌ من كلٍ لا ينفصل، يحدّق في وجوهنا كل صباح جديد. الحل ليس في نقد القائمين علي امر مصلحة مياه الخرطوم (بالرغم من انه نقد مسبب وفي محله تماما) وانما في مسك التور من قرونو! والي ان يأتي ذلك اليوم فسيكون هناك، في كل يوم تشرق فيه الشمس، امر اعصي وامرّ من المياه المتسخة. ذكرت ان هذه المياه ظلت متسخة لما يقارب الثلاثة عقود (منذ عام 1986). لا بل هي هكذا قبل ذلك التاريخ وستظل هكذا دون حل ناجع الي أن يأتي اليوم الذي تقوم في بلادنا حكومة وطنية ديمقراطية حقيقية( بدون طائفية) تعرف وتعي الحد الأدني من اوجب من واجبات الحكومة! ولك معزتي.

الاخ الكريم بله البكرى

تحياتى

ربما تكون محقا انو المسألة كلها بايظة بقت على الموية و ان الحل لابد وان يكون فى وجود سلطة وطنية ديمقراطية تضع المواطن كاولوية .

لكن اخاف ان سكتنا على اساس ان التغيير لابد وان يكون فى قمة السلطة أن يجئ يوم لانجد فيه شيئا لم يفسد او ربما لانجد بلدا أو بشرا. لذلك دائما ما اقول لابد من النقد و عدم السكوت و النضال لاصلاح الحال المائل حتى ولو كان جزئيا.. فما ذنب اطفال السودان لكى يشربوا مياه كهذه سواء ان كان فى المدن او فى الريف فيمرضوا و يعانى اهلهم من سسوء صحتهم و غلاء العلاج؟

ارى ان نرفع صوتنا برفض اى تدنى فى الخدمات و رفض اى محاولة من الحكومة لفرض الرضاء بهذا التدنى كأمر واقع.

سلام يا باشمهندس هشام. أتفق معك تماما:-
"........ان نرفع صوتنا برفض اى تدنى فى الخدمات ورفض اى محاولة من الحكومة لفرض الرضاء بهذا التدنى كأمر واقع"

Quote: لية نحنا بهائم يعنى ولا شنوا وللا انته بتعقد انوا الخوجات احسن من السودانين ؟

شكرا يا امير.

مياه الشرب النظيفة من حقوق الانسان الاساسية

الاخ الباقر

سلام

Quote: وماذا عن غير الخرطوم؟

الناس فى الاقاليم تعبانة جدا اخونا الباقر...هناك حيث التهميش وعدم الاهتمام يعانى الناس فى الحصول على الماء غض النظر عن صلاحيته من عدمها

يا صديق الموج

سلام

سنتين سجن و برضو سنة ناعمة...ههههه

المهم

مش الشاعر قال

نَشْرَبُ إِنْ وَرَدْنَا المَاءَ صَفْـواً... وَيَشْـرَبُ غَيْرُنَا كَدِراً وَطِيْنَـا

الظاهر غيرنا ديل نحنا

الاخ محمد حمزة الحسين

تحياتى

Quote: غايتو يا باشمهندس هشااام المجمر مع احترامى لأهمية الموضوع البى تتحدث عنه من ناحية استاندر عالمى لكن من الله خلقنا ما سمعنا زول شرب موية مااااااات وإلا لم نكن نكتب بينكم الآن (سمعنا لو (عومتا ) يعنى السباحة فى الموية يتجيك بلهارسيا ولو خليت الموية راكدة بدون تيار ولم تجففها لساعد ذلك فى توالد الباعوض الناقل للملاريا وساعدت فى تكاثر القعونج الذى يقلق منااام الصبية عشاءاً كما يحدث فى كل خريف ) ياخى ناس الكلاكلات وابو ادم لى قريب دا بى يشربوا فى موية الابار المصدية والتى لا تستطيع ان تبتلع منها بقتين فوق بعض وان بردتها ..وبردتها لامن جااات الانقاذ وجابت ليهم الموية الانتا شايفا عكرااانة دى ولسانهم يلهج بالثناء ليل نهار وتقول لى القروش مشت وين يعنى خلاص كداااا وصلنا مرحلة الرفاهية لشرب الماء المؤوزن والنقى نقاء الثوب الابيض من الدنس يا هندسه هاااااااهـ نظروا لينا فى القتصاد وسبل المعايش البقت جبااارة دى يا اتصلحت يا مرقنا معاكم ضد الحكومة دى وهذا ليس قبل ان تضع الحركات المسلحة اسلحتها المشهورة ضد الوطن والمواطنين لانو بى صراحة الآمن من الاهمية بمكان المعايش والتى تسهل دبارتها وإلا لما ربطهم المولى عز وجل مع بعض فى امتنانه على اهل قريش (الاية ) { فَلْيَعْبُدُوا رَبَّ هَـذَا الْبَيْتِ * الَّذِي أَطْعَمَهُم مِّن جُوعٍ وَآمَنَهُم مِّنْ خَوْفٍ} سورة قريش ما لم توفق فيه يا هندسة فتحك لنافذة للنضال بالماء العكرة قبل ان تنتهى نافذة النضال بالجرى من ابوجاااااا ياخى رمضانك كريم والله اقول لك العيد يتبارك عليك مرة واحدة

بصراحة لم افهم ما تقصد من مداخلتك هذه و ما الهدف منها؟

الاخ عبد المجيد عبد المجيد

تحياتى

و شكرا على الصورة

سلام يا باشمهندس

يقال انو ناس عطبرة مويتهم بلوكوها عدييل كدى (كما ان ضلمتهم بيتكلو عليها العجلة)

هناك حماية الهية في موضوع الموية دا ياهشام .
ياخي والله لو شفت الموية البشربوها اهلنا في الشماليةتقول اندفقت وخموها جابوها ليك