نكات عن زهج بعض الناس في رمضان

وأحد جاب لي زوجتو لحمة
وعندو ضيوف فاطرين معاو .
زوجتو سألتو : أسمع أعملها ليكم دمعة ؟
قال ليها : يدمعن عيونك .
أعمليها أي حاجة . هههههههههههها

اذاعو العيد قلت لأخوي العيد ثبتو
قال لي
يعني فرحان كده السنه الجاية مافي رمضان ?

عزيزنا عبدالحفيظ
سلامات
ورمضان كريم
وأحد زهجان جدا في الافطار جايب معاو مصاصة طويلة زي متر .
وخاتي المصاصة في كوز الحلومر ويشرب .
وأحد سألو :
أسمع بتشرب كدي ليه ؟
قالو : عندي سكري والدكتور قال لي : تبتعد عن السوائل .
هههههههها

مسطول عمرو ما صام في رمضان طوالي فاطر، السنة دي في اول يوم رمضان قال لمرتو : ما تنسي تصحيني للفطور
مرتو قالت ليهو : سجمي وانت ياتو يوم كنتا بتصوم
قال ليها : ليه أصلو ... بقينا كفار للدرجة دي لا صوم لا سحور


شهركم مبارك وتقبل الله الصيام والقيام

عزيزنا مهدي
سلامات
وأحد رباطابي شغال في منهاتن بعمل دليفري بيتزا لواحدة خواجيه وهو صايم وزهجان .
الخواجيه سألتو دي بيتزا بي الزيتون ؟
قال ليها نان بليلة لوبيا ؟؟؟؟؟ وههههههها

في رمضان بنصلي العصر جماعة المكتب ..
زميل مصري بزوغ قبل الصلاة .. مسكتو لازم يصلي ويطلع
الامام قال استوو ... أخونا المصري قال ليه شغالين من الساعة عشرة الصبح مستوين على الآخر .. يلا خلصنا ..

الأول: رمضان كريم
التانى: الله أعلم !

Quote: اذاعو العيد قلت لأخوي العيد ثبتو قال لي يعني فرحان كده السنه الجاية مافي رمضان ?

الم نجد ما نسخر ونتضجر منه سوى شهر القرآن. ؟؟؟
كفى إستهزاء بقيم الدين وأركان الاسلام ومن لا يود الصيام فلا يجهر بالمعصية ويؤذي المؤمنين في أحب الشهور إليهم !!!!

صديقي المزارع كتب لي: وكنت قد سالته ان كان صائما هذا العام
( يازول هوي الزراعة دي ما معاها صيام، يا الزراعة يا كمان الصيام، لو خلينا الزراعة ناكل كيف؟
والدنيا حر نار، الفطور بعد الصيام ما مظبط ابدا،
دحين يا اخوي الله ما امر بالهلاك،
نحاول نعوض السنة الجاية....)

الأخ الكريم محمود سلام و رمضان كريم عليك ..
يحمد لك غيرتك على الدين و ان كانت فى ظنى فى غير محلها
أعد قراءة عنوان البوست ثانية:

Quote: نكات عن زهج بعض الناس في رمضان

فالسخرية و المفارقة هنا ليست من الشهر الكريم و انما من (بعض) الذين لا يطيقون الجوع و العطش ..

و بالطبع شهر رمضان فيه من المشقة التى لا تخفى على أحد ( وَعَلَى الَّذِينَ يُطِيقُونَهُ )
ومن هنا تأتى المفارقات ..

أعاننا الله و اياكم على صيامه و قيامه بالوجه الذى يرضى عنه ربنا ..

تتحياتى ..

عزيزنا عبدالوهاب المليك
سلامات
و رمضان كريم
غايتو يا عبدالوها بعد الساعة 3 كلنا بنكون علي الآخر زي صاحبك ده .
ياخ اليومين دي حر يفسخ .

التحية والسلام لكم جميعا
واحد بقول لصاحبو: رمضان السنة دي جايي في عز الحر
قال ليهو : هو الخسران

بحسب أحد منسوبي الهلال الاحمر السعودي سبب النرفزة والشكلات قبل الافطار هو انخفاض الجلوكوز

Quote: انخفاض الجلوكوز سبب لـ 90% من حالات الشجار قبيل الإفطار من جانبه قال مدير الشؤون الفنية لمراكز الفرق الاسعافية بمحافظة الطائف محمد الخليوي أن معظم حالات المشاجرة التي تم رصدها ومباشرة الحالات الناجمة عنها تحدث ( بنسبة 90 في المائة ) في فترة العصر إلى ما قبل الإفطار في أيام الصوم، وذلك بسبب انخفاض جلكوز الدم مما يتسبب في سرعة انفعال الإنسان وسهولة استثارته بأبسط الأمور

ناس كتيرة جلوكوزيها بنخفض من بدري ... بيدخل عليهم الضهر وهم في آخر جليكوزاية

عزيزنا حسام
سلامات
ورمضان كريم
قالوا وأحد حلف لو زوجتو جابت ولد الا يصوم خمسة أيام .
قامت زوجتو جابت ولد وزولك طوالي صام الخمسة أيام . يعد أسبوع الولد مات .
قام زولك حزن علي الولد و حلف يخصم الخمسة أيام من رمضان ههههههههها .

عثمان موسي
سلامات ورمضان كريم


هترشات صايم


قمة انحراف فــى رمضان ~
.



.
انك تكــون أنـت و كوبــاية المـويه فى أوضــة لوحدكــــــــم.








في اول ايام العيد." عند
شعورك بأي رعشة
في الجسم أو أهتزاز
في صباح العيد فلاتقلق !
إنه إبليس أعاد تفعيل الخدمة
لديك

حميه في رمضان

عزيزنا عمر
سلامات
ورمضان كريم
ألف شكر

عريبي اصلو ما صام عمرو كلو ، الجماعة قالو ليهو عيب اولادك وبناتك كبرن ياخي لازم تصوم صاحبنا صام وكان يوم حار جدا
الجماعة سألوه : أها الصيام كيف ؟
صاحبنا رد : والله كان ما جغيمات الوضو كان العطش كتلني

--------------
واحد زي العريبي الفوق دا الجماعة اقنعوه يصوم
بقا يطلع ويجي يعاين يلقى الشمس لسع فوق
يدخل اوضتو بعد شوية يجي يعاين برضو يلقى الشمس فوق
لما زهج بقا يسأل ولدو يا جنا : الشمس ما غابت ؟ ولدو يرد لسع ما غابت يا ابوي
كرر السؤال لولدو ثلاثة مرات والولد يرد نفس الإجابة
في المرة الرابعة لما الولد قال ليهو لسع ما غابت يا ابوي
وفي قمة زهجو صاحبنا قال : نان الليلة عدوها دا صايم تغيب كيف

والله يا عثمان موسي ضحكتك قريبة ساي انت والمعاك
لاسع ما اتقالت حاجة مدهشة تسرق ضحكة من زول
اللهم انتو متلككين علي الضحك ساكت وهاجمنو في محله

Quote: والله يا عثمان موسي ضحكتك قريبة ساي انت والمعاك لاسع ما اتقالت حاجة مدهشة تسرق ضحكة من زول اللهم انتو متلككين علي الضحك ساكت وهاجمنو في محل

أساسي رمضان كريم،
النكات النوويه الذهبية في هذا الإتجاه لاتنتهي وأثق أن من تداخلوا هنا يعرفوا جانبا منها لكن لا أحد يجرؤ على
إيرادها كي لايساء فهم الغرض منها ودرءا لشبهة التجديف والردة واحتراما وتوقيرا للشهر الكريم لذا كانت ملحهم البريئة ..
ومن تلك الطرائف (البريئة) حكى لي صديقي الراحل بشير الخواض أن جارتهم العجوز في قرية من قرى النيل الأبيض
كان يدور بينها وأحفادها في نهار رمضان الآتي:

هي: إنتو يا أولادي الساعه كم هسه،
هم: الساعه إتنين
هي: الغنم ديل أديتوهم برسيم؟
هم: آآآي
هي: أها الساعه كم يا عيال ؟
هم: الساعه إتنين ونص يا حبوبه
هي: البقره دي أديتوها قش؟
هم: آآآآآآي
هي: أها هسه الساعه بقت كم؟
هم: تلاته إلا ربع
هي: قش البقره بليتوهو ليها بي مويه ؟ الرسول رشوهو ليها بي شوية مويه ..
هم: رشّيناهو..
هي: طيب الساعه مشت كم؟
هم : تلاته إلا عشره،
هي: السواسيو والجداد ديل أديتوهم مويه؟
هم: قلنا ليك أديناااااهم.
هي: من الزير؟
هم: لا من البرميل..
هي: نان الساعه بقت كم؟
هم: تلاته بس.
هي: يا دوب تلاته! أنا إنشاالله رمضان الجاي مايلقاني حيه في الدنيا دي..

Quote: واحد زي العريبي الفوق دا الجماعة اقنعوه يصوم بقا يطلع ويجي يعاين يلقى الشمس لسع فوق يدخل اوضتو بعد شوية يجي يعاين برضو يلقى الشمس فوق لما زهج بقا يسأل ولدو يا جنا : الشمس ما غابت ؟ ولدو يرد لسع ما غابت يا ابوي كرر السؤال لولدو ثلاثة مرات والولد يرد نفس الإجابة في المرة الرابعة لما الولد قال ليهو لسع ما غابت يا ابوي وفي قمة زهجو صاحبنا قال : نان الليلة عدوها دا صايم تغيب كيف

دي مدهشة بالاضافة لواحدات تانيات معاها

مرحبتين عزيزنا عبدالمنعم الطيب
ورمضان كريم
يازول الزراعة في رمضان صعبة . بس ممكن تفتح الموية في القمح ليل
بعد ما تلبع الحلومر

واحد مسطول قال للتاني: نحن في السودان بنتتظر آذان المغرب.. أها ناس المغرب بنتظروا آذان السودان؟
تحياتي.



كبـّاشي الصـّـافي

(العوج راي والعديل راي)

عثمان موسي ياظريف

رمضان كريملك ولضيوفك


فيواحد حلفاةي كنا فاطرين مع بعض قبل ايام قال عندو قريبو في السعودية


شغال معاهو فلبيني وجاهو عاوز يسلم


وبقول ليهو ياصديق انا في اسلام


قال قريبهم بقول ليهو ياصديقانت في صبر شوية


وتاني يجيهو الفلبيني ويكرركلامو
فقال بلدياتهم قال ليهو

ياصديق في بروبليم بعد اسبوع (يقصد رمضان)

وبعد كدا انت في اسلام

اصمان انت صائم كيف مع حر امريكا دا ؟
امريكا ..
من اصعب الاماكن للصوم خصوصا في الصيف (اتحدي )
ربنا يعينكم ..

كتب القاص يحيى فضل الله:-
بنات الحلة الصغيرات كنسن الساحة في ذلك العصر والاطفال الصغار بمتعة متناهية تنتمي الي اللعب رشوا رمل تلك الساحة بالماء ..
وفي داخل البيوت كانت النسوة يقمن بتجهيز تفاصيل الافطار الذي سيخرج الي تلك الساحة ، في الصواني المغطاة بالاطباق الملونة .. دائما النسوة يتنافسن في افطار يوم الجمعة وهو يوم خاص في أيام رمضان .. لذلك لابد من أطباق طعام خاصة ومشروبات خاصة ، تكسر ديمومة مشروب الحلومر والأبري الابيض في الايام العادية..

اقتربت الشمس من مغيبها .. وقد رصت البروش علي تلك الساحة .. بدأت صواني الطعام تتوافد من داخل البيوت الي الساحة .. الشيخ عبد التواب كان اول من جلس في الساحة يعترض طريق المارين في الشارع داعياً اياهم للافطار بالحاح سوداني تلقائي لا علاقة له بالموائد المفتعلة جدا هذه الايام ..

آذن الاذان وبدأت الحلوق تستقبل المشروبات الرمضانية .. والأصابع تتلقف البلح الملين بالماء .. وكعادة الشيخ عبد التواب أكل بلحتين وشرب القليل من الماء ونادي في ذلك الجمع وكأنه يحاول التخلص من عبء الامامة :-

الصلاه يا اخوانا ..

أبعدت صواني المشروبات ووضعت بجانب صواني الاكل المتنوع والشهي .. رصت كل الصواني خلف البروش واقام محمدين الصلاة بصوت قوي..

أثناء اصطفاف الجمع ، وحين كبر الشيخ عبد التواب تكبيرة الإحرام كان خميس الدرويش قد اقترب من تلك الساحة بعد أن خرج من مخبئه خلف بيت صليحة الدلالية..
خميس عادة ما يداهم موائد الافطار في رمضان ويداهم ملمات العوازيم بمناسباتها المختلفة .. كان خميس درويشاً أبلهاً لا يؤاخذ علي أفعاله وهي أفعال أدمنت اقتحام العزائم لأن به شرها مجنونا للطعام .. حيث كان يستطيع أن يقضي علي عزومة كاملة تكفي لاكثر من عشرين شخصا ..

المهم اقترب خميس من صواني الطعام والمشروبات والمصلون كانوا ينحنون للسجدة الاولي من صلاة المغرب .. القريبون من تلك الصواني الموضوعة خلف البروش أحسوا باقتراب خميس .. هكذا كان الوضع خميس خلف المصلين وامامه الصواني متاحة .. خميس يقترب اولا من الصواني التي بها المشروبات الرمضانية يرفع غطاء كورة ويصيح بانفعال :-
كركدي؟ لا اله الا الله ..
ويسمع المصلون حركة مشروب الكركدي وهو يمر بحلق خميس الدرويش بقرطعة عالية ..

الشيخ عبد التواب يحس بمداهمة خميس ويرفع صوته عاليا بالتكبير ومحمدين يكرر ذلك بصوت أعلي وكأنه يحاول بذلك ايقاف خميس ..
خميس يرفع غطاء سلطانية ويصيح فرحا:-
قمر دين ؟؟ لااله الا الله ..

ويعلو صوت الشيخ عبد التواب بالتكبير متماهيا مع محاولة إبعاد خميس .. ويعلو بدرجة أعلي صوت محمدين مقيم الصلاة وهي محاولة ايضا لإبعاد خميس عن الصواني ولكن علي

طريقة اياك اعني يا جارة ..
عصيدة ؟؟ لا اله الاالله ..

المصلون يتململ منهم من يتململ بنية داخلية تحاول إدعاء الخشوع .. خميس ينتقل الي صواني الطعام يرفع طبقاً عن صينية ويصيح متهللا:-
لحمة محمرة ؟؟ لا اله الا الله

ويتداخل صوت الشيخ عبد التواب العالي أكثر من اللازم وهو يقرأ سورة صغيرة من القرآن مع صوت مضغ خميس النهم:-
حمام محشي ؟؟ لا اله الا الله ..

محمدين يهدد بصوته خميس وهو يقول : سمع الله لمن حمده ..
كمونية؟؟ لا اله الا الله ..

الصلاة تضطرب والخشوع يهتز بهذا المهدد الخطير ..
باميه مفروكة لا اله الاالله ..
أحد المصلين في الصف الأخير لا يملك إلا أن يلتفت ليري خميس وهو يشرب ملاح البامية بطريقة غريبة ، لكنه يرجع الي صلاته خائفا من فضيحة انفلات خشوعه ..

جداده محمره ؟؟ لا اله الا الله ..
وهنا لم يحتمل الامام الشيخ عبد التواب هجمة خميس الشرسة والشرهة علي صواني الطعام وبعد ان فقد خشوعه ما كان منه إلا أن قطع الصلاة صائحا:
ما معقول يا خميس ..
وهجم بقية المصلين علي خميس الذي فر وهو يحمل بين يديه صحن فته كبير مزيناً بالأرز واللحوم وهو يضحك بطريقة غريبة وبغضب جائع..

فيما بعد قال الترزي نور العين للشيخ عبد التواب : يا شيخ عبد التواب تاني ناكل اول حتي نصلي .. وهكذا تغيرت طريقة الشيخ عبد التواب في أداء صلاة المغرب في رمضان ذلك خوفاً من هجمات خميس الشرهة ..

عزيزنا جعفر
سلامات
ورمضان كريم .. ياخ مبالغة

حلفاوي صايم
عملو معاهو لقاء في الاذاعة
ماهو اجمل يوم في حياتك
قال :- يوم ايد الفتر
سالو المذيع :- وليه يوم عيد الفطر بالتجديد
قال :- لانو ابعد يوم من رمضان السنة الجاية


قديمة شوية

عزيزنا عبدالله فقير
سلامات
ورمضان كريم
صاحبك الحلفاوي بالغ
ياخ أهلنا الحلفاوين ناس دمهم خفيف ومامكن تمرق منهم وأنت زعلان كلوكلو .

عزيزنا عبدالله
سلامات
وألف شكر ليك علي جلب شغل عزيزنا المبدع يحي فضل الله
ربنا يديك ويديه العافية .
أكرر الشكر

عزيزنا Muhib
سلامات
أرجو أن تكون عافية
وألف شكر ياخ علي المتابعة والمرور الجميل
تحياتي

Quote: اصمان انت صائم كيف مع حر امريكا دا ؟ امريكا .. من اصعب الاماكن للصوم خصوصا في الصيف (اتحدي ) ربنا يعينكم ..

الاخ محب صوم رمضان بعد الاربعين من العمر بيبقى يقين سااااااااااااااكت ...


الاول :رمضان كريم .

الثانى : ان شاء الله .

نكرر الشكر أخي عبداللطيف
علي الدعم والمشاركات والمتابعة
تحياتي

عزيزنا محمد المرتضي
سلامات
قصة زولتكم ذكرتني حكاية زوجة عمنا عليها الرحمة .
الساعة 4 ود بتها نزل من العجلة وكان جايب معاو ربع لوح ثلج .
هي شافتو بشتت في نشارة الخشب علي الثلج .
قالتلو يا وليدي في جهنم دي الليلة أريتني كان بقيت نشارة خشب . هههههههها

عزيزنا أساسي
سلامات
ورمضان كريم
يا أخوي لو ما تلككنا اليوم السلبة ده بفوت كيف ؟؟؟؟
السنة دي يا أساسي رمضان في أمريكا حر ما تتخيل .
تقول لي زول أنا صايم من الساعة 4 للساعة 8 ونص ولا موية ولا ساندوتش ما حيصدق .
مره يا أساسي كنت فارش بضاعة في شارع البرودوي في رمضان والحر يفسخ . وأحدة سألتي وعرفتني
من السودان وصايم في الحر ده . والله يا أساسي دفعت حق الجينز دبل وفوق لي ده مية دولار ساكت . ( بدل حر )
حر البلد دي يمكن يكون أشد من حر مكة المكرمة

عزيزنا حاج الصافي
سلامات
ورمضان كريم
ياخ عليك الله ضروري تجدع لي تلفون عزيزنا محمد حسني
عشان نكفر ليه بعد الحصل لي بنيتو .
ضروري ضروري .
وألف شكر علي المشاركة الجميلة

عزيزنا عمر
سلامات
ورمضان كريم
غايتو الفلبين والباكستان ديل بدشدشوا اللغات دي جنس دشدشة .
..
قالوا : باكستاني شغال طلبة مع نجار سوداني في جدة .
السوداني قال للباكستاني روح جيب خشبة من كوم الخشب دأك .
أتاريهو في كديس نايم تحت كوم الخشب .
الباكستاني رجع للسوداني قالو يا رفيق كتير في ناو ناو بخ كتير دينجرس بجي في خشب . ههههههها

تناديني اساسي يا عثمان ..ياخ انت فعلا صائم ههههه

زمان جرت العادة أن يحضر احد الأزهريين المصريين إلى الخرطوم في شهر رمضان ليقوم بالوعظ بالمسجد الكبير بالخرطوم
في إحدى المرات جاء شيخ مصري وصادف أن شهر رمضان كان في فترة الصيف و الحر الشديد
بدأ مولانا في الوعظ عن فضل شهر رمضان وهو عرقا ن شديد رغم المراوح شغالة
وبعد أن انتهى من الدرس قال ( يا إخواني السودانيين الذين تصومون في مثل هذا الجو انتم ما محتاجين لوعظ )

Quote: والله يا عثمان موسي ضحكتك قريبة ساي انت والمعاك لاسع ما اتقالت حاجة مدهشة تسرق ضحكة من زول اللهم انتو متلككين علي الضحك ساكت وهاجمنو في محله

اضيف دى يا عثمان موسى لنكات الزهج :)



اساسى ليك وحشة والله

نكتة حقيقية حصلت مع الوالد في اخر ايام رمضان المولعة ديك في التلفزيون بتاع امدرمان جايبين مداحين بعددو في فضائل رمضان
وفي النهاية بقولو مع السلامة يارمضان راح توحشنا يارمضان فااذا الوالد و بتلقائية شديدة يقول بصوت عالي ياخ كفاية خليهو يفارقنا!!!!
طبعا كلنا متنا من الضحك وفعلا الزهج بعمل حاجات تضحك ...

*

عزيزتنا أشراقة مصطفي
سلامات
ورمضان كريم وألف مراحب .
شنو يا أستادة أشراقة زمن طويل والمنبر فاقدك .
وهاك دي :

قالوا يا أشراقة في حلفاوي
دخل المطعم للفطور في حوض الغسيل مافي صابونة هبش الحنفية مافي موية
قام قاليهم : أنتو المطعم ده شغال بالتيمم ؟ ههههههههها