Post: #1
Title: الوليه دايره زول يجضمه .. وناس ابزرد البدافعوا عن عروض الكوزات ابعدو
Author: Haju Muktar
Date: 07-19-2013, 03:46 PM
Parent: #0
هسع عليكم الله دي بشر ؟؟؟؟؟؟؟؟؟؟
Quote: الخبر:
أعلنت نائبة رئيس البرلمان سامية أحمد أنه لا توجد أزمة إنسانية بدارفور ولا مشكلة في الإقليم، وقالت سامية للصحفيين أمس: ( إن معسكرات النازحين تحولت لمدن سكنية، وإن الحديث عن عدم توفر الأمن مفتعل).
التعليق:
الحديث عن أزمة إنسانية وحرب طاحنة يشهدها الإقليم لا يحتاج لكثير عناء لإثبات ذلك، بل نحيل سامية فقط لما تعج به أضابير المنظمات الدولية المهتمة بحقوق الإنسان ورصدها الدقيق والمفصل للانتهاكات في دارفور، وندعوها لزيارة إقليم دارفور حتى تقف بنفسها على معاناة الناس هناك، وعن الاضطراب الأمني من عدمه يكفي فقط أن نؤكد أن الاشتباكات المسلحة وصلت حتى نيالا عاصمة ولاية جنوب دارفور. ونقول: إن المعسكرات التي تراها سامية مدناً سكنية يراها الجميع خياماً بالية لا تصلح للسكن الإنساني ، وإن كانت مدناً، فلماذا يصر ساكنوها على الرجوع لقراهم الأصلية؟ ولماذا يرفض المؤتمر الوطني ذلك؟ بدلاً عن الحديث من فوق الأبراج العاجية كان على حكومة المؤتمر الوطني أن تعترف بحجم الأزمة وتعقيداتها، ولكن يبدو أن المؤتمر الوطني لا يريد إلا أن يصحى على كابوس مزعج نراه قريباً يردُّ لأهل دارفور والسودان عامة حقهم المسلوب.
الميدان |
|
Post: #2
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: وليد محمد المبارك
Date: 07-19-2013, 03:56 PM
Parent: #1
يا هجو سلامات
الكلام ده ما عاوز ليه عروض وولايا
يعني يمكن الرد على سامية بدون وزيرة .. من غير وصفها بالولية .. او هتك عرضها عشان الناس تدافع عنه
مشكلة دارفور معلومة للداني والقاصي .. وهذا يوضح جهل الوزيرة .. موش جهلها بمشكلة دارفور .. بل جهلها بانها عاوز تغطي عين الشمي باصبعها
قالت مسكرات النزوح تحولة لمدن سكنية
هسع ده كلام زول بفهم !!!
اساسا ليه الناس مشت لي معسكرات نزوح .. عشان المسكرات دي تبقى مدن سكنية
هل في انسان بنزح من مسكنة بدون اسباب ؟!
ينزح البشر ويرحلوا للشديد القوي
|
Post: #3
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-19-2013, 04:01 PM
Parent: #2
Quote: مشكلة دارفور معلومة للداني والقاصي .. وهذا يوضح جهل الوزيرة .. موش جهلها بمشكلة دارفور .. بل جهلها بانها عاوز تغطي عين الشمي باصبعها
قالت مسكرات النزوح تحولة لمدن سكنية
هسع ده كلام زول بفهم !!!
اساسا ليه الناس مشت لي معسكرات نزوح .. عشان المسكرات دي تبقى مدن سكنية
هل في انسان بنزح من مسكنة بدون اسباب ؟!
ينزح البشر ويرحلوا للشديد القوي[/QUOTE
يا وليد سلامات
وعساك بخير
تعرف ياخي ده ما جهل
ده استعباط واستهبال
اصلا لو كان جهل قدر ده ما كان وصلت المنصب ده
الكيزان ديل عارفين وقاصدين
ومرات يتخيل لي بيكونو عايزين يفقعوا مرارة الشعب
|
Post: #4
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-19-2013, 07:32 PM
Parent: #3
Salma Salama · الأكثر تعليقا · Cedar Crest College
رش الكوزة ولاتاخذنك بها رأفة دى نايمة وين ؟ يعنى عم الريس قال انه قتل "عشرة الف بس " ما سمعته ياربى ؟ العشرة الف بس ديل بنى ادم يا ست سامية بنى ادم اضربى الرقم دا فى اى رقم يعجبك حيطلع العدد الحقيقى لمن تم قتلهم عنوة واقتدارا من جهة الرئيس العملك وزيرة، تقولى انه النازحين تم تسكينهم ، طيب يا ست الحسن والفكر الذ ى لا حد له مافكرتى انهم نزحوا ليه ؟ اما انك "بومة " زى ما بتقول خبوبة .. ياخ البومة بتفهم كيف تحافظ على صغارها ...
رد · أعجبني · متابعة المنشور · منذ 3 ساعات
العزيزه سلمي سلامي
تحياتي
الكوزه دي عبيطه ولا بتستعبط ما عارف
ولا هي فاكره الشعب السوداني عبيط
غايتو الله يعين الشعب السوداني
ربنا ابتلاهو بي جنس زي ديل
ما تعرفي تصنفيهم في يا تو خانه زاتو
|
Post: #5
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: mayada kamal
Date: 07-19-2013, 08:26 PM
Parent: #1
| Quote: إن معسكرات النازحين تحولت لمدن سكنية، وإن الحديث عن عدم توفر الأمن مفتعل |
تحويل بعض معسكرات اللاجئين الي قرية نموذجية (مخططة وبها دكاكين ومحلات وسوق وكهرباء ومصادر ماء مستديمة)
عمل ايجابي تشكر عليه الحكومة وتشكر عليه السلطة الاقليمية لدارفور ويدل على وعي اهلنا في دارفور
والغريبة انو تم بمباركة عدد من مشايخ و قيادات المعسكرات هذه وكمان بمباركة من حركة التحرير والعدالة والامم المتحدة(كمانحين)
يعني ليس من طرف الحكومة وحدها
وهذا لا ينفي ايمان الحكومة الكامل والقاطع بحق العودة لقراهم الأصلية بزوال المؤثر (التمرد).
|
Post: #6
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: حيدر حسن ميرغني
Date: 07-19-2013, 08:36 PM
Parent: #5
| Quote: عمل ايجابي تشكر عليه الحكومة وتشكر عليه السلطة الاقليمية لدارفور ويدل على وعي اهلنا في دارفور |
ليس هناك عمل ايجابي اكبر من تقديم القتلة الذين تسببوا في هذا الوضع المزري وتعويض كل نازح عن الاضرار التي طالته في ممتلكاته وارواح اقربائه
بعد داك لو عاشو في كوخ اكرم لهم من هذا الادعاء الذي لا يقف على اي حقيقة للوضع الراهن هناك
-
سلامات ميادة ورمضان كريم
لما لم يتكرم البشير بزيارة هؤلاء المتضررين بدلا من ان يجازف بالسفر للخارج ؟
|
Post: #7
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: mayada kamal
Date: 07-19-2013, 09:18 PM
Parent: #6
رمضان كريم عليك اخي حيدر
وتقبل الله صيامكم
Quote: لما لم يتكرم البشير بزيارة هؤلاء المتضررين بدلا من ان يجازف بالسفر للخارج ؟
|
علاقة الجزء الاول من سؤالك بالجزء الثاني شنو ما عرفت والله
لكن البشير زار الفاشر ، والطينة ، والطويشة
وكمان زار معسكرى السلام وزمزم بمدينة الفاشر
واعتقد كلكم شفتم الحشد الجماهيري الكبير اللي استقبلوه
|
Post: #10
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-20-2013, 09:20 AM
Parent: #6
Quote: ليس هناك عمل ايجابي اكبر من تقديم القتلة الذين تسببوا في هذا الوضع المزري وتعويض كل نازح عن الاضرار التي طالته في ممتلكاته وارواح اقربائه
بعد داك لو عاشو في كوخ اكرم لهم من هذا الادعاء الذي لا يقف على اي حقيقة للوضع الراهن هناك
|
الاخ حيدر سلامات الكيزان ما بيعترفوا بجرائمهم واثبت التاريخ الحديث انو الاسلاميين (الكيزان)هم اسؤ امة اخرجت للناس
Quote: لكن البشير زار الفاشر ، والطينة ، والطويشة
وكمان زار معسكرى السلام وزمزم بمدينة الفاشر
واعتقد كلكم شفتم الحشد الجماهيري الكبير اللي استقبلوه |
هسع عليك الله فرقك من الوزيره الوهم دي شنو
عدم فهم ونفاق وغباء
انت لسع بتراهني علي الحشود المصنوعه ومدفوعة الاجر
|
Post: #13
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: mayada kamal
Date: 07-20-2013, 03:29 PM
Parent: #10
| Quote: انت لسع بتراهني علي الحشود المصنوعه ومدفوعة الاجر |
ساعدونا بحبة منطق وعقلانية
خيالك واسع خلاس
|
Post: #8
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-20-2013, 07:48 AM
Parent: #5
| Quote: وهذا لا ينفي ايمان الحكومة الكامل والقاطع بحق العودة لقراهم الأصلية بزوال المؤثر (التمرد). |
يا مياده
كدي خلي الحكومه
اول حاجه تعترف انو في ازمه وفي اباده وفي تهجير وفي معسكرات نازحين وفي معاناة
مش الوزيرة دي تابعه للحكومه وبتقول مافي ازمه في دارفور
وبعدين زوال المؤثر ( التمرد ) ده مش عندو اسباب
خلي الحكومه تعترف بالاسباب اولا
بعداك البحث عن العلاج
ولكن امثال هذه الوزيره لا اظن يرغبون في الحل
|
Post: #9
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Nuha Ahmed
Date: 07-20-2013, 09:03 AM
Parent: #5
اها يا ميادة بعد ما يبنو القرى النموذجية دي حيعيشو من وين ولا لسع المنظمات توزع ليهم اكل.... لو ما في مشكلة الناس دي بترجع لي قراها لي زرعه ورعيها وعيشتها.
يا بكري الزول يتزكر باسويردو يكوس لي ايقونة الرد
|
Post: #11
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-20-2013, 10:11 AM
Parent: #9
| Quote: اها يا ميادة بعد ما يبنو القرى النموذجية دي حيعيشو من وين ولا لسع المنظمات توزع ليهم اكل |
الاخت نهي احمد
سلامات
ماتستبعدي مياده او الوزيره صاحبة السمو اعلاه
ممكن يجوا يقولوا ليك
خليهم ياكلوا جاتوووووووووو
|
Post: #12
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-20-2013, 03:16 PM
Parent: #11
.....
................................
.........................................
|
Post: #14
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: mayada kamal
Date: 07-20-2013, 03:46 PM
Parent: #11
Quote: ممكن يجوا يقولوا ليك
خليهم ياكلوا جاتوووووووووو |
البياكلو جاتووووووووووو في فنادق الدوحة وبرلين والفنادق الباريسية
من وراء مشكلة دارفور معروفين
|
Post: #15
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: عبداللطيف شريف على
Date: 07-20-2013, 04:05 PM
Parent: #14
Quote: تحويل بعض معسكرات اللاجئين الي قرية نموذجية (مخططة وبها دكاكين ومحلات وسوق وكهرباء ومصادر ماء مستديمة)
عمل ايجابي تشكر عليه الحكومة وتشكر عليه السلطة الاقليمية لدارفور ويدل على وعي اهلنا في دارفور |
الاخت ميادة ..
رمضان كريم ..
ارتباط الانسان بتراب مولده يحن اليه ويتلهف الى العودة والتبرك به ..
اهلنا فى الصحراء الكبرى يعشقونها ومتيمين بعشقها , الاخر الذى تجبره الظروف على عبورها يقاسى ويعانى (ولكن لاهلها هى متعة وحياة) ...
نحن فى الشمال الاقصى عند مايسمى بشلال كجبار نناهض قيامه لانه سيحرمنا من طلتنا على الشروق المذهل والغروب الرائع ...!!
ويحرمنا من مناجاة نهر النيل شقيقنا العتيد وابونا الروحى ........!!!
فارض الجدود هى موطنى وكلنا فى حب الاوطان صريع ....!
هكذا هو الانسان فى كل بقعة من وطنى العزيز مربوط بارض جدوده يزور مقابرهم فى العيدين و يترحم عليهم و يناجيهم ...
اتمنى ان يفهم انسان الانقاذ انه ليس بالاسمنت وتجميع البشر تكتمل حياتنا ونفرح (فرحانه تركب مع التقدير للاستاذ ود البوش)...
واتمنى ان يشعر الجميع بعضهم بعض ..
فالم اخى ونزوحه فى دارفور اتخيله واراه فى نفسى واهلى فارفضه ...
واراكم تتجاهلون القول :حب لاخيك ما تحب لنفسك )
وكذلك لا تاتى بفعل وتنها عنه عار عليك ان فعلت كبير .......!!!
كنت ساكون سعيدا لو انك تأسفت لما يحدث بغربنا الحبيب ...
وعن تصريح الوزير فهذا ما جادت به قريحتها وطفح به فهمها ولسبب هذا نحن فى المحن غارقون ....؟؟
|
Post: #17
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-20-2013, 08:01 PM
Parent: #15
Quote: كنت ساكون سعيدا لو انك تأسفت لما يحدث بغربنا الحبيب ...
|
الاخ عبداللطيف شريف
سلام ورمضان كريم
لا اعتقد انو الكيزان سيتأسفون علي جرائمهم فقد اعمي الله قلوبهم
وقلوبهم ممتلئه بالحقد والعنصريه
|
Post: #16
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-20-2013, 07:51 PM
Parent: #14
Quote: البياكلو جاتووووووووووو في فنادق الدوحة وبرلين والفنادق الباريسية
من وراء مشكلة دارفور معروفين |
مشكلت الكيزان بيكابرو في الغلط
وعمرهم ما بيعترفوا بأخطائهم حتي لو تشظي الوطن
وهو كبرياء غبي
|
Post: #18
Title: Re: الوليه دايره زول يجضمه .. وناس ابزرد البدافعوا عن عروض الكوزات ا
Author: Haju Muktar
Date: 07-23-2013, 06:48 AM
Parent: #16
| Quote: تحسر على الدماء التى أُريقت في دارفور وأقر بوجود ظلم في البلاد..البشير: كيف نسأل الرحمة وأيدينا ملطخة بالدماء؟ |
Quote: الخرطوم - إعترف الرئيس عمر البشير بان حكمه شهد ظلماً خيم على البلاد ، تسبب في في الجفاف وتأخر نزول الأمطار، وبدى الرئيس نادماً للمرة الأولى وهو يتحدث عن الدماء التى اريقت في دارفور وقال: نحن فرطنا في سماحة أهل دارفور وسماحة الأعراف، ودماء بعضنا البعض؟.
وتجمع مساء الاحد عشرات المسئولين النافذين في الحكومة على مائدة رمضانية دعا لها رئيس السلطة الإقليمية لدارفور التجاني سيسي بمنزله الفخيم في ضاحية كافوري ، تقدمهم الرئيس عمر البشير، وشارك في الافطار عدد كبير من اعيان اقليم دارفور.
وقال البشير- الذى ابتدر كلمته بمداعبة للسيسي بأنه أستاذه ودرسه- أننا جميعاً نسعى للعتق من النار في هذا الشهر، ونسأل الله أن يستجيب دعاءنا.
غير انه سرعان ما استدرك قائلاً: كيف يستجيب الله لدعائنا ونحن نسفك دماء المسلمين ودماء بعضنا البعض،ونحن اعلم بأن زوال الكعبة اهون عند الله من قتل النفس.
وزاد بأنه بحث ووجد أن كل شيء له عقوبة في الدنيا، ماعدا قتل النفس المؤمنة فإن عقوبته في الآخرة.
ثم عرج البشير ليقول أن هناك ظلماً مخيماً على البلاد تسبب في الجفاف وتأخر نزول الأمطار، وتساءل كيف نسأل الرحمة وأيدينا ملطخة بالدماء؟ .
واتهم الرئيس ما اسماها باليد الثالثة بالتورط في الاقتتال القبلي في دارفور، وطالب الحاضرين من أبناء دارفور بالتواثق ورفع أيديهم وأداء القسم.
ودعاهم للترديد خلفه "كتاب الله جاكم أقسموا وقولوا نحن مع السلام وضد الحرب"، وأضاف: (ما عايزين زول من برا ينصحنا بنحل مشاكلنا برانا).
ودعا البشير أهل دارفور بأن يصدقوا النوايا، وقال: (هل نحن صادقين عندما نسلم على بعضنا البعض أم أننا ننافق بعضنا)؟.
ووعد البشير بأن يقدم مؤتمر التعايش السلمي المزمع عقده في دارفور خلال الفترة المقبلة حلولاً ، مشددا على انه (سيكون مؤتمرا حقيقيا ونحن نقسم بأن نعمل كتيم واحد).
وقال البشير إن الدماء التي اريقت في دارفور أسبابها لا تستحق ذبح الخروف ناهيك عن قتل النفس، داعيا أبناء دارفور للتواثق بصدق والعمل من أجل السلام والاستقرار".
وأضاف نحن فرطنا في سماحة أهل دارفور وسماحة الأعراف، وأعتبر السودان بوتقة أفريقيا بالتسماح، وقال إن الصراعات القبلية فيها عنصر ثالث مخرب يثير النعرات" داعياً إلى مراجعة الذات في شهر رمضان.
من ناحيته ركز رئيس السلطة الإقليمية لدارفور التجاني سيسي في كلمته على ضرورة إيقاف إزهاق الأرواح في القتال القبلي في دارفور.
وقدم السيسي سردا تاريخيا لبداية الاقتتال معيبا على بعض أبناء دارفور استخدام القبيلة في تحقيق مصالح ذاتية وشخصية.
وقال على الجميع بمن فيهم أنا أن يبتعدوا عن ذلك، وزاد إن كثيراً من الدماء تسيل من أجل تحقيق مكاسب شخصية كالاستوزار والتوظيف، محذراً من خطورة استخدام القبيلة في الصراعات السياسية.
واعرب السيسي عن تفاؤله بأن أبناء دارفور قادرون على رتق النسيج الاجتماعي، داعيا إلى التوحد ونبذ القبلية، التي اعتبرها مهددا لكل السودان وليس دارفور فقط.
و أقر السيسي بأن دارفور تمر بأزمة وتواجه تحديات أهمها الصراعات القبلية، وقال إنها تصاعدت وخلفت المئات من القتلى وأعتبرها مدعاة للوقوف .
ووصف الصراعات القبلية باللعينة وقال إن الصراع بدأ في كتم ومليط وامتد إلى منطقة جبل عامر، مشدداً على ضرورة حسمها واحتوائها.
وأكد عزم السلطة على عقد مؤتمر قبلي بإجراء المشاورات، وأعتبر الصراعات القبلية الممتدة أخرت مسيرة المؤتمر.
وقال ما إن يخمد صراع إلا ونشب صراع آخر، وأكد أن الصراعات القبلية تختلف عن الصراعات المسلحة.
ورهن نائب رئيس الجمهورية د. الحاج آدم، الحرب برغبة أو رفض الإدارة الأهلية في إيقافها، وأضاف يمكن للسلطات المحلية والإدارة الأهلية إيقاف الحرب القبلية.
وقال إن ملف دارفور أصبح في يد الرئيس شخصياً، منادياً الرئيس بدعم السلطة المحلية والولائية.
ودعا من اسماهم بالعاجزين عن القيام بدورهم الاستقالة، وتعهد بوضع يده في يد رئيس السلطة الإقليمية لإنهاء الصراعات القبلية.
مؤكداً جاهزية الأجهزة التشريعية والتنفيذية لبسط الأمن في دارفور، وطالب السلطات الولائية بالقيام بدورها، وقال ينبغي لكل مستوى من السلطة أن يقوم بمسئوليته.
سودانتريبون |
ده كلام الريس بتاعك ياوزيرة السجم
ولا ده ريس خته في حله
|
|
|