Post: #1
Title: ظُرَفاء المنبر
Author: عبدالعزيز الفاضلابى
Date: 07-18-2013, 07:07 PM
Parent: #0
هذا المنبر يضم كوكبة من الظرفاء والظريفات لَكَمْ اضحكتنا تعليقاتهم التي تتفاوت بين السخرية والمساخة والتهكم ـ وبعضها ينثر السماحة بمحبة تجعلك تحب الكاتب والمخاطَب .. سنحاول هنا في هذا البوست أن نعرض لكم نماذج من ظُرفهم ولما كانوا كثيرين فإيدكم معانا حتي نأتي عليهم جميعاً فنكون قد جمعنا ظرفهم ونوادرهم في مكان واحد. ابدأ ليكم بصاحبي ودشيقوق ـ عشان خابزو وعاجنو من زمن المحاكم والمحاماة في السودان .. وشيقا لو عاوزين نقتطف من ظرافاتو فنخلتو مليانة شـ خـاليب وممكن يتعمل ليها بوست لحالو ودي واحدة منها.
|
Post: #2
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 07:11 PM
Parent: #1
كتب ودالمنسي ود شيقوق إطـير ماتحجيني بي إسـمو مسنوح مسخوت زولين فيهو ما بختلفو زي دابي الرجيمة مأذي الخلق بي سمو إتلافا ريح الخلوق قُبَّال يكمل نضـمو
رد عليهو شيقوق: تعجبني وقت ترفع ضرعاتك لا فوق وتلولح حجباتك وتقوم تنده سـُفـلـ يـك البجيب ليك النضمي السمح من جبال واسو
|
Post: #3
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 07:22 PM
Parent: #2
ودالقاضي ده شغلو براهو أي بوست حقه ولا مشارك فيهو اكيد تلقي السخرية والظرافة حاضرة.
كتب ذواليد سليمان عن ان قريباً له سمي اولاده باسماء الملائكة وعدد بعضا منها وبخطأ إملائي حيث اراد ان يكتب اسم الملك (عتيد) كتب عقيد .
ودالقاضي كتب ليهو: إنت يا ذواليد ! عقيد ده مَلَكْ جديد ولا قديم واترقي
|
Post: #4
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 07:37 PM
Parent: #3
ود الباوقة و حيدر (Jini) ودالباوقة قال لي جني: أنا كان بقيت أبوك كان دفرتك رميتك في البحر. جني قال ليهو: كان إنت بقيت أبوي كان رميت نفسي براي
|
Post: #5
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 07:56 PM
Parent: #4
غير اعضاء المنبر إذا في شئ عجبهم من عضو فيمكن مراسلتي علي: [email protected]
|
Post: #6
Title: Re: ظُرَفاء المنبر
Author: محمد المرتضى حامد
Date: 07-18-2013, 08:15 PM
Parent: #5
عزيز ، رمضان كريم،
لاشك أن من ورد ذكرهم ، مع آخرين هنا ، مشهود لهم بعلو الكعب في الظرف والطرفة الذكية الحاضرة ، وهناك 3 تعليقات مررت بها في هذا المنبر لن أنساها لأن كل تعليق منها يستحق جائزة خاصة وسأسعى للبحث عنها وإيرادها.
مما لاشك فيه أن معظم الذين يكتبون هنا يتمتعون بروح ظريفة بل إن الكثيرين ممن عرف عنهم (المناقره) هم في الأصل ظرفاء فقط تتقمصهم حالات جدية أحيانا أراها مصطنعة، لاشك أن عزيزنا عثمان موسى من أبرز قادة بوستات السهل الممتنع ولايمكن تجاوزه إذا تحدثنا عن الظرف والكتابات المزركشة..
|
Post: #7
Title: Re: ظُرَفاء المنبر
Author: usama Babiker
Date: 07-18-2013, 08:27 PM
Parent: #6
Quote: مما لاشك فيه أن معظم الذين يكتبون هنا يتمتعون بروح ظريفة بل إن الكثيرين ممن عرف عنهم (المناقره) هم في الأصل ظرفاء فقط تتقمصهم حالات جدية أحيانا أراها مصطنعة، لاشك أن عزيزنا عثمان موسى من أبرز قادة بوستات السهل الممتنع ولايمكن تجاوزه إذا تحدثنا عن الظرف والكتابات المزركشة.. |
انا ابصم بالعشرة علي ذلك ...
|
Post: #8
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 08:33 PM
Parent: #6
مرحبا بيك محمد المرتضي رمضان مبارك إنت بي مداخلتك دي فَصَّلت الدبلان علي جسد البوست بالمقاس الدقيق يلا الحقنا بالتعليقات الوعدتا بيها واضح انها طريفة من مداخلتك الفوق دي.
|
Post: #9
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 08:50 PM
Parent: #8
Quote: انا ابصم بالعشرة علي ذلك ... |
اسامة بابكر رمضان مبارك وحبابك عشرة فعلاً مداخلة مرتضي دي عجبتني كتير
صبري طه
ايام العلالة الكانت قايمة في الصور الـ نشرها اخونا علاء الدين قام صبري زهج من كترة الغلات واللولوة راح جاب دليل رأي انه قاطع ود البشري قال لي صبري: هههههههه قوية يا صبري اشرحها لجادات واحدة واحدة يمكن يقتنع صبري قال ليهو: ولو قال لي ناس قوقل ديل كيزان .. أمشي وين أنا ؟
|
Post: #10
Title: Re: ظُرَفاء المنبر
Author: عبدالفتاح أبوشيمة
Date: 07-18-2013, 08:52 PM
Parent: #8
الفاضلابي رمضان كريم
إنت ذاتك ظريف وبوستيك ظريف،
ما تنسى ودالصايم اللي دايماً حايم، أنا قاصد ود الصايم دا
ما ود الصايم داك،
والأمثلة لا تحصى ولا تعد،
صدقت فيما يتعلق بحبيبنا وحبيب الكل ود شيقوق
اللي ما بتلقى منو مروق
وله االتحية من على البعد
ولك كل الود
|
Post: #11
Title: Re: ظُرَفاء المنبر
Author: محمد المرتضى حامد
Date: 07-18-2013, 09:10 PM
Parent: #10
واحد من التعليقات التلاته يا عزيز كان لدينا خالد في بوست عن الأنيقات..
|
Post: #12
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 09:40 PM
Parent: #11
Quote: ما تنسى ودالصايم اللي دايماً حايم، أنا قاصد ود الصايم دا
ما ود الصايم داك، |
حبيبنا ابوشيمة ـ هلا وغلا ـ ورمضان كريم ياخ محمد عبدالماجد الصايم ده ملك الطرفة بلامنازع طبعاً انا مخصوص أخرت ذكره عشان نقُش بيهو في النهاية وشيقوق ده غير شغل المنبر ده عندنا ذكريات تانية بس محتاجة لي بنابر مش منابر
|
Post: #13
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 10:03 PM
Parent: #12
Quote: واحد من التعليقات التلاته يا عزيز كان لدينا خالد في بوست عن الأنيقات.. |
حبيبنا محمد المرتضي ـ حبابك الف فكرة البوست دي جاتني لما قريت مداخلة صبري طه الجبتها فوق دي وبعده علي طول قفزت الي ذهني ملاحة وطرافة دينا خالد. دينا خالد دي يخيل لي هي العَلَّمت ود شيقوق السناحة.
اكتر حاجة عجبتني لدينا ـ عندما كتب ودالباوقة بوست بعنوان انهم (يقصد ناس الحكومة) ماحا يسيبوا السلطة الا لما يخلوا السودان زي اليابان.
بعد بوست ودالباوقة ده بشوية إنضربت اليابان بالتسونامي الشهير داك وصرنا نري الصور الآتية من اليابان والدمار كبير لدرجة انك لاتصدق ان هذه الصور من اليابان وتحسبها من اي دولة في العالم الثالث. دينا طوالي فتحت بوست وقالت لود الباوقة اها ياود الباوقة ارتحت بعد لحقتوها اليابان فاجتمع لها الذكاء وخفة الدم.
|
Post: #14
Title: Re: ظُرَفاء المنبر
Author: محمد المرتضى حامد
Date: 07-18-2013, 10:17 PM
Parent: #13
ودالصايم دا يا عزيز أسميه Messi المنبر.. مبالغه.. في أحد الايام ضحكت على تعليق له حتى أدمعت عيناي.. إتصلت به وحكى لي (خلفية) التعليق فأبدع يومها ..
خرافي..
|
Post: #15
Title: Re: ظُرَفاء المنبر
Author: Osman Musa
Date: 07-18-2013, 10:35 PM
Parent: #12
عزيزنا أستاذ الفاضلابي سلامات يا ود العم ورمضان كريم أستاذ محمد المرتضي ده يا أستاذ عبدالعزيز زول من أظرف ظرفاء الأمة . ودي ما محتاجة أي شهادة . تحياتي يا ظريف
|
Post: #16
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 11:08 PM
Parent: #15
Quote: أستاذ محمد المرتضي ده يا أستاذ عبدالعزيز زول من أظرف ظرفاء الأمة |
عثمان موسي هلا وغلا ودعمي اوعا يكون الامة الحزب ـ كان كدي نطالب بحذف مداخلاتو. Just kidding ياعثمان ياخ انت لو قريب مننا ماتجي تبرنا بي فطور معانا في البيت بالمرة الوليدات يتعرفوا علي عمهن.
|
Post: #17
Title: Re: ظُرَفاء المنبر
Author: خالد علي محجوب المنسي
Date: 07-18-2013, 11:13 PM
Parent: #15
الفاضلابي يا جميل أهنيك بهذا البوست الجميل ود شيقوق فعلاً من ظرفاء المنبر الكعبين أنا بالذات بحب بس أداقرو ولو ما داقرتو ما برتاح وحتى عندما يكون جاد مابصدقو اصلو شيقوق عندي في رأسي وحتى في الجاد مادي لسانو
ذات مرة اجبرت نفسي ان ارد عليه في بوست رد جاد وحلو في نفس الوقت اتصل بي تلفونياً وجاءني صوته الجهور يكورك ( طبعاً شيقوق بتكلم في التلفون زي كلامو في خلا البردانة ) قال لي : مالك الليلة محموم ( بي نغمته البردانية ... مورود انت ولا شنو ) شيقوق معاي عندو حكاوي تشيب الرأس
ومرة سألت الاستاذة منى خوجلي شيقوق في بوست فتحته بعد عودة ودشيقوق من السودان ( تستفسر وقالت : انت يا شيقوق ليه اي بوست تفتحو بكون ناجح ويدخلوا في ناس كُتار ؟؟ ) رديت عليها وقلت ليها : ( شيقوق حايم في المنبر زي ضبانة الإنداية ) زعل مني زعل شديد واتصل بي نبذني هههههههه والحكاوي كتير مع المسنوح دا والايام دي ماعارفو غاتس وين ( اظنو يا الفاضلابي ختم القرآن عشرة مرات في العشر الأوائل دي )
|
Post: #18
Title: Re: ظُرَفاء المنبر
Author: عبدالعزيز الفاضلابى
Date: 07-18-2013, 11:33 PM
Parent: #17
Quote: رديت عليها وقلت ليها : ( شيقوق حايم في المنبر زي ضبانة الإنداية ) زعل مني زعل شديد واتصل بي نبذني هههههههه والحكاوي كتير مع المسنوح دا والايام دي ماعارفو غاتس وين ( اظنو يا الفاضلابي ختم القرآن عشرة مرات في العشر الأوائل دي ) |
سلامات بن عمي علا يكون ختمه في خلوة فكي تسفاي
|
Post: #19
Title: Re: ظُرَفاء المنبر
Author: محمد المرتضى حامد
Date: 07-19-2013, 10:13 AM
Parent: #18
عزيزنا وحبيبنا وصديقنا بدرالدين شنا من أجمل الذين كتبوا الطرف والملح في هذا المنبر ولا أنسى الملا عمر.. بدرالدين ، وهو مريخابي معروف ، كتب مرة قائلا ما معناه: مشيت بيت عزابه ما عندهم مصلايه ولما جا وقت الصلاه فرشوا لي جريده وعند الركعة الأولى قرأت عنوان بالبونط العريض ( حااااااامد بريمه يقرر الإعتزال) فلم أرفع من الركوع إلا بعد أن قرأت الصفحة كاملة.
|
Post: #20
Title: Re: ظُرَفاء المنبر
Author: خالد علي محجوب المنسي
Date: 07-19-2013, 12:16 PM
Parent: #19
Quote: سلامات بن عمي علا يكون ختمه في خلوة فكي تسفاي |
وتزح وتزح وتزح لامن زال الضُل وتسفاي.... صامدزولك الزمن دا كلو لفطور معا قادر الله في خلقو
احم احم احم دستور يا احمد البشير الهدندوي وموش احمد البشير دا قريب من ناس تسفاي
|
Post: #21
Title: Re: ظُرَفاء المنبر
Author: حمد عبد الغفار عمر
Date: 07-19-2013, 12:26 PM
Parent: #20
رمضان كريم يا فاضلابي وكل سنة وانت طيب
من التعليقات برضو بتاع قيقراوي
لما محسن خالد قال طائر على صدري وسحابتي ثقيلة
قيقراوي كتب : طائر على صدري وسحابتي شااااايلة
|
Post: #22
Title: Re: ظُرَفاء المنبر
Author: ست البنات
Date: 07-19-2013, 01:48 PM
Parent: #21
من الظرفاء طارق جبريل ,
وخالد محجوب المنسي ( مرة خالد شاف ليى صورة وكان شعرى منكوش , كتب ليى : يا ست البنات صورتك ما عندها عوجة , لكين شعرك مالو منكش كدى؟ أجيبلك مشاطة أمي تهجرو ليك؟؟). وفي كثيرين بس ما مستحضراهم. ست البنات.
|
Post: #23
Title: Re: ظُرَفاء المنبر
Author: Osman Musa
Date: 07-19-2013, 02:22 PM
Parent: #22
يا أستاذ عبدالعزيز عليك شوف الأيام بتجري كيف ياخ الدنيا شغلتنا مشغولية عجيبة آخر مره قابلتك وجيتكم في البيت عارف تتذكر متين ؟ يوم ندوة مضوي الترابي في كلية بروكلن سنة 1998 .. الزمن بجري
|
Post: #24
Title: Re: ظُرَفاء المنبر
Author: عبدالعزيز الفاضلابى
Date: 07-19-2013, 03:28 PM
Parent: #23
شباب سلام بجيكن صاد اخونا ود البشري وكت يزعل بالذات نامن الهلال يتغلب بتطلع منه حاجات حلوة ـ مرة كان الهلال غالب الأمل عطبرة وكانت هناك شكوك حول الأداء المتهاون للأمل فكتبت لود البشري قلت ليه الكورة قالوا مبيوعة. رد علي رد زولاً محرقاهو روحو من ناس الهلال قال لي:
يالفاضلابي أنا في الامارات وانت في امريكا شِنْ عَرَّفني بيها مبيوعة ولا تامزين.
أحد الإخوة لا أذكر اسمه جاب تعليق ودالبشري ومعاهو وش ضاحك وكتب: فاضلابي أحذر الهلالابي إذا غَضِب.
|
Post: #25
Title: Re: ظُرَفاء المنبر
Author: عبدالعزيز الفاضلابى
Date: 07-19-2013, 05:21 PM
Parent: #24
Quote: عزيزنا وحبيبنا وصديقنا بدرالدين شنا من أجمل الذين كتبوا الطرف والملح في هذا المنبر ولا أنسى الملا عمر.. بدرالدين ، وهو مريخابي معروف ، كتب مرة قائلا ما معناه: مشيت بيت عزابه ما عندهم مصلايه ولما جا وقت الصلاه فرشوا لي جريده وعند الركعة الأولى قرأت عنوان بالبونط العريض ( حااااااامد بريمه يقرر الإعتزال) فلم أرفع من الركوع إلا بعد أن قرأت الصفحة كاملة. |
يااستاذ مرتضي ده ياهو بدرالدين شنا الممثل ولا تشابه اسماء غايتو كان بدرالدين شنا الممثل نحن نكون بندخل في المنبر ده زي الزول البدخل الأوضة في الضلمة. بدر الدين شنا الممثل ده ـ ايام كنا ممتحنين معادلة كان عندنا محاضرات اعدادية في قصر الشباب والأطفال ـ بدرالدين ده كان بجي هناك ـ طبعاً داك بيتن نحن الكنا جداد خلا .. يوم لقا شلة مننا (طلبة قانون)قال: ياخوانا عاوز امشي اصلي خلوا لي جزمـ تي دي جنبكم ـ بعد الصلاة جا راجع : ياخوان عاوز جزمتي . يازول جزمة شنو نحن مابنعرفك (بقصد المزاح معاه) ياجماعة انا قبل شوية ختيت معاكن الجزمة دي وقلت ليكن ماش اصلي أثبت لينا انها جزمتك (طبعاً طلبة قانون والمعادلة طالعا ليهم في الراس زي حمي الملاريا) ياخوانا والله دي جزمتي يازول ماتحلف لينا ممكن أي زول يحلف بالكِضِبْ ويقول الحاجة دي حقتي. ياجماعة اقول ليكن شنو يعني؟ نحن دايرين دليل مادي دليل مادي؟ ايوه. طيب الدليل المادي ما دي جزمتي كيف يعني؟ بتشبهني.
Quote: فلم أرفع من الركوع إلا بعد أن قرأت الصفحة كاملة |
مباااالغة ـ دي ماسبقه عليها زول
|
Post: #26
Title: Re: ظُرَفاء المنبر
Author: عبدالعزيز الفاضلابى
Date: 07-19-2013, 05:34 PM
Parent: #25
Quote: لما محسن خالد قال طائر على صدري وسحابتي ثقيلة
قيقراوي كتب : طائر على صدري وسحابتي شااااايلة |
كل سنة وانت طيب ياحمد ورمضان مبارك قيقراوي حتي هو الاخر مطموس
ماعارف ليه دايما ملخبت بين قيقراوي واساسي ؟
|
Post: #27
Title: Re: ظُرَفاء المنبر
Author: فتح الرحمن حمودي
Date: 07-19-2013, 07:00 PM
Parent: #26
Quote:
كل سنة وانت طيب ياحمد ورمضان مبارك قيقراوي حتي هو الاخر مطموس
ماعارف ليه دايما ملخبت بين قيقراوي واساسي ؟
|
لووووب
يا فاضلابي بنسمح ليك تنبز لكن ما تسئ! اساااااسي مرة واحدة كدا!؟ ودا يتلخبتوا معاهو بي وين بالضبط؟![](http://www.sudaneseonline.com/db/attention/010_Smile.gif)
--------
يا حمد انا طائري ما كان في صدري ولا حاجتين .. وكتها كان طار لي عديييل .. دغمستها ليكم سااااي!!
حبيبنا محسن شبكني ليك في كنيسة (لُود) .. وشبكتا فيها وبقيت اعرض بيها في نص البورض .. قيلا كنسيستن جد جد!! والله كان عندكم قيد مشتهي ليو مجنون .. ياهو ترا انا دا قدااااامكم المافي شنو!؟
|
Post: #28
Title: Re: ظُرَفاء المنبر
Author: محمد البشرى الخضر
Date: 07-19-2013, 07:04 PM
Parent: #27
رمضان كريم الفاضلابي تامزين شنو ياخونا من هسّى وبقيت تنسى :) كانت "مبيوعة ولاّ تمتامة"
|
Post: #29
Title: Re: ظُرَفاء المنبر
Author: محمد المرتضى حامد
Date: 07-19-2013, 08:13 PM
Parent: #28
Quote: ده ياهو بدرالدين شنا الممثل ولا تشابه اسماء |
إنه هو يا عبعزيز.. من أنقى وأطهر القلوب التي تنبض في جوف إنسان في هذا الزمن المشبوه.. مكانه ما زال شاغرا منذ أن غادر السلطنة إلى أرض كانت مليون ميل مربع..
له الود المغربل والمحبة أينما أقام..
|
Post: #30
Title: Re: ظُرَفاء المنبر
Author: عبدالعزيز الفاضلابى
Date: 07-19-2013, 08:32 PM
Parent: #28
Quote: وخالد محجوب المنسي ( مرة خالد شاف ليى صورة وكان شعرى منكوش , كتب ليى : يا ست البنات صورتك ما عندها عوجة , لكين شعرك مالو منكش كدى؟ أجيبلك مشاطة أمي تهجرو ليك؟؟). وفي كثيرين بس ما مستحضراهم. ست البنات |
مرحبا ست البنات وست الناس كووولهم ودالمنسي تربية حبوبات ـ وحَفَّاااااظ
|
Post: #31
Title: Re: ظُرَفاء المنبر
Author: عبدالعزيز الفاضلابى
Date: 07-19-2013, 08:47 PM
Parent: #30
Quote: يا أستاذ عبدالعزيز عليك شوف الأيام بتجري كيف ياخ الدنيا شغلتنا مشغولية عجيبة آخر مره قابلتك وجيتكم في البيت عارف تتذكر متين ؟ يوم ندوة مضوي الترابي في كلية بروكلن سنة 1998 .. الزمن بجري |
غايتو يا ودعمي الحياة دي زي خُرْجَ البِتِّيخ توزنه بي هنا يقع بي هناك ـ والزمن يجري والخُرُجْ ما انعدل. الله يدينا العمل الصالح
|
Post: #32
Title: Re: ظُرَفاء المنبر
Author: عبدالعزيز الفاضلابى
Date: 07-19-2013, 09:04 PM
Parent: #31
Quote: ودا يتلخبتوا معاهو بي وين بالضبط؟ |
شكلو يتوارا لي كدي من كوستي
Quote: والله كان عندكم قيد مشتهي ليو مجنون .. ياهو ترا انا دا قدااااامكم المافي شنو |
بلدياتنا قال لعمنا عبدالقادر (الشقي يعتر ليهو بيضو) عمنا عبدالقادر قال ليهو: نحن عَتَّر لينا لامِنْ فَقَهْنا هسع يافتح الرحمن كاتب اسمك في البروفايل لغاية الجد التاسع عشر ومسمينو حمودي؟ إنتو شغالين بنظام قبل الميلاد ولا شنو؟ حمودي دي مفروض تكون في اول الاسم الناس الزمان ديل ما كانوا Wireless
|
Post: #33
Title: Re: ظُرَفاء المنبر
Author: عبدالعزيز الفاضلابى
Date: 07-19-2013, 09:21 PM
Parent: #32
Quote: رمضان كريم الفاضلابي تامزين شنو ياخونا من هسّى وبقيت تنسى :) كانت "مبيوعة ولاّ تمتامة" |
مَتْدوِّشْ آوي اخبار البرير شنو ياهندسة
|
Post: #34
Title: Re: ظُرَفاء المنبر
Author: الطيب شيقوق
Date: 07-19-2013, 09:52 PM
Parent: #33
Quote: علا يكون ختمه في خلوة فكي تسفاي |
ههههههههههههههههههههههههههههها ياخ منو الاظرف منك انت يا عزو
يعني تفتح ليك بوست مولع نار زى دا الا يكلمني بيهو المرتضى؟
جاييكم بالمهلة
|
Post: #35
Title: Re: ظُرَفاء المنبر
Author: الطيب شيقوق
Date: 07-19-2013, 10:05 PM
Parent: #34
Quote: عندنا ذكريات تانية بس محتاجة لي بنابر مش منابر |
هههههههههههها كمان؟
14
جاييك يا المنسي انعدل لي كويس
|
Post: #36
Title: Re: ظُرَفاء المنبر
Author: Gaafar Ismail
Date: 07-20-2013, 03:40 PM
Parent: #35
احد الزملاء كتب بوست (لا اذكر اسمه الآن) عند قدومه من المغرب للالتحاق بعمل في الخليج طلبت منه الشركة إجراء فحص طبي ، وبعد عمل الفحص وفي انتظار النتيجة اتصل به ساعي الشركة الهندي الجنسية ليخبره نتيجة الفحص . ويبدو أن الساعي نقل له النتيجة بلغة لم يفهمها فجاءه وسواس بأنه قد يكون مصاب بالإيدز ، ولكن النتيجة اوضحت انه سليم وصحته عال العال: علق الزميل جني : كنت يا اللخو بتلعب حفيان في دوري المغرب الحار
|
Post: #37
Title: Re: ظُرَفاء المنبر
Author: خالد علي محجوب المنسي
Date: 07-20-2013, 05:23 PM
Parent: #36
يا عبد العزيز طبعاً ست البنات ( سكينة بت كمبال دي من أظرف الناس عندما تتكي وتشرب ليها فنجان قهوة وتقعد تحكي ليك عن مواقف في بلاد الغرب بلهجة شايقية تزيل كل بخور الضباب في بلاد الغربة كنت أحكي معها الساعات الطوال أيام كنت في كوسوفا واجد الليل سرقني والوقت قارب للفجر
فعلاً مرة نزلت ليها صورة لشخصها الصورة حلوة بس شعرها كان منكوش وقلت لها يا بت اللخو كان الفرشاة التسريحة ماتوفرت أادي ليك زينب بت العبادية مشاطة امي عليهنَّ رحمة الله الكلمة بترقد يا الفاضلابي والله هذا الكلام تقريباً كان في عام 2006 وشوف ست البنات لي هسي متذكرا ولذا بنقول دايما الكلمة الطيبة حلوة وبترقد ولما نجعلها ديدن حديثنا في هذا المنبر نذكر بها بعضنا بعض لذا كنت مسرور شديد من ان وفقت في فتح هذا البوست الجميل يذكر الناس ويعرفوا ان الكلمة الحلوة طيبة
تحياتي ود الفاضلابي
|
Post: #38
Title: Re: ظُرَفاء المنبر
Author: الطيب شيقوق
Date: 07-20-2013, 07:28 PM
Parent: #37
Quote: ولذا بنقول دايما الكلمة الطيبة حلوة وبترقد ولما نجعلها ديدن حديثنا في هذا المنبر نذكر بها بعضنا بعض |
انت الحكم دي داسيها لمتين؟ ولا منتظر بيها حارتا الاكتر من دي؟
|
Post: #39
Title: Re: ظُرَفاء المنبر
Author: خالد علي محجوب المنسي
Date: 07-20-2013, 07:40 PM
Parent: #38
Quote: انت الحكم دي داسيها لمتين؟ ولا منتظر بيها حارتا الاكتر من دي؟ |
الجميل الحلو طعم ودشيقوق كيفك في هذا الشهر الكريم ... تصوم وتفطر علي خير يا ............ الحكم بتطلع لما الحكمة يولدها ود الفاضلابي بروعته ورائعه هذه السجم والرماد بجي لما نغتس في الوحل ونجيب مقلعين معانا خبوب ههههههههههه مشتاقين وين كنت غاتس يا أبـــ رويس ما شفقنا عليك في اللبدا دي لكن كنا عاوزين نموت انا الفاضلابي ونعرف انت غاتس وين ؟؟؟؟ ههههههههههههه
|
Post: #45
Title: Re: ظُرَفاء المنبر
Author: الطيب شيقوق
Date: 07-20-2013, 09:38 PM
Parent: #39
Quote: كيفك في هذا الشهر الكريم ... تصوم وتفطر علي خير يا ............ الحكم بتطلع لما الحكمة يولدها ود الفاضلابي بروعته ورائعه هذه السجم والرماد بجي لما نغتس في الوحل ونجيب مقلعين معانا خبوب ههههههههههه مشتاقين وين كنت غاتس يا أبـــ رويس ما شفقنا عليك في اللبدا دي لكن كنا عاوزين نموت انا الفاضلابي ونعرف انت غاتس وين ؟؟؟؟ ههههههههههههه |
آآآآآي خلي حكيك ناعم كدى عشان النواعم يجن يتمرمغن في حكيك
|
Post: #40
Title: Re: ظُرَفاء المنبر
Author: ست البنات
Date: 07-20-2013, 07:43 PM
Parent: #38
تحياتي لكم جميعا ورمضان كريم وخفيف عليكم خاصة اخوي خالد المنسي الرهيف ,
ويا فاضلابي دا بوست ظريف ولملم الناس الظريفين ومنهم خالد وقيقراوي ( قبيلة الجعليين).
لكن غاب عنه ود عمي جبريل طارق لعل المانع خير! وصادالكون تانى.
ست البنات.
|
Post: #41
Title: Re: ظُرَفاء المنبر
Author: عبدالعزيز الفاضلابى
Date: 07-20-2013, 08:13 PM
Parent: #40
Quote: علق الزميل جني : كنت يا اللخو بتلعب حفيان في دوري المغرب الحار |
الاستاذ جعفر رمضان مبارك جني كبير المسانيح في المنبر ,, ونوادره مع ودالباوقة وبشاشا كتيرة ان شاء الله نلقط ليكن منها
|
Post: #42
Title: Re: ظُرَفاء المنبر
Author: وضاحة
Date: 07-20-2013, 08:18 PM
Parent: #41
عزو سلامات
شيقا المسنوح دا فاكهة المنتدى وملك الدراب لكن قبل الساعة 12 بليل
|
Post: #43
Title: Re: ظُرَفاء المنبر
Author: خالد علي محجوب المنسي
Date: 07-20-2013, 08:29 PM
Parent: #41
Quote: تحياتي لكم جميعا ورمضان كريم وخفيف عليكم خاصة اخوي خالد المنسي الرهيف ,
ويا فاضلابي دا بوست ظريف ولملم الناس الظريفين ومنهم خالد وقيقراوي ( قبيلة الجعليين).
لكن غاب عنه ود عمي جبريل طارق لعل المانع خير! وصادالكون تانى.
ست البنات. |
ست البنات (سكينة ) الطاعمة بطعم لبينة مقننة وقت الصباح وفي بنيبر تقطعت حباله وتدلت نشربها شرفا مشتاق ليك كتير وانت تزمبعي في طرقات بلود الفرنج
الجلسة والله تحلو في وجودك يا ام ريقن حلو وطاعم كدي ادي ود الفاضلابي بعض من حديثك الجميل الحلو يزين هذا البوست ( وانا اعتبره بوست رمضان نجلس فيه نود بعضنا بعضا ) ولازم المواظبة علي الحضور وانا ليك علي اجيب ليك المسنوح ود جبريل تحياتي ست البنات والبركة والمودة للغالي ود الفاضلابي
|
Post: #44
Title: Re: ظُرَفاء المنبر
Author: عبدالعزيز الفاضلابى
Date: 07-20-2013, 08:34 PM
Parent: #41
Quote: لكن غاب عنه ود عمي جبريل طارق لعل المانع خير! وصادالكون تانى. |
اختنا ست البنات رمضان مبارك الشهادة الشهد بيها في حقك ودالمنسي دي غير قابلة للنقض اما اخونا ود جبرين ده فانا فاقدو من سنة الفين
|
Post: #46
Title: Re: ظُرَفاء المنبر
Author: الطيب شيقوق
Date: 07-20-2013, 09:42 PM
Parent: #44
Quote: لكن قبل الساعة 12 بليل |
آآآآآآآآي انت يا وضاحة اضاري في الفاضلابي ود عمك دا
نحن فلوووووووووووول
فلوووووووووول
|
Post: #47
Title: Re: ظُرَفاء المنبر
Author: طارق جبريل
Date: 07-20-2013, 09:45 PM
Parent: #46
فاضلابي وبقية العقد الفريد رمضانكم كريم ياخي وكل سنة وانتو طيبين
ست البنات بت عمي كيفنك ياخ الناس التحت تصوموا وتفطروا علي خير بجيكم بي رواقة
|
Post: #48
Title: Re: ظُرَفاء المنبر
Author: فتح الرحمن حمودي
Date: 07-20-2013, 10:14 PM
Parent: #47
يا ستهن ياخ انا جعليتي فكت ... زمااان اسي بقيت قيقا بايتا معاو ساي
----
كتر خيركم انت وعبد العزيز شاحد ربي يديكم قدر ما يرضيكم في الشهر الكريم دا
ويا فاضلاب .. اسمي دا قصة حياتي قلبنة من العنوان .. اسي قطر الشنبات دا سايقو (حمودي)! ..
بقت علي حكاية البنت التي طارت عصافيره (طائرها مافي صدرها) قلبها عاقل وعقلها مقلوب!!
|
Post: #49
Title: Re: ظُرَفاء المنبر
Author: أحمد أبكر
Date: 07-21-2013, 00:03 AM
Parent: #48
تسلموا على البوست الدمو خفيف بس نسيتو عباس الدسيس وعبدالله ود البوش ثنائي رهيب ========= التوقيع: واحد من جمهوركم المعجب باللعيبة الحريفين الظراف
|
Post: #50
Title: Re: ظُرَفاء المنبر
Author: عبدالعزيز الفاضلابى
Date: 07-21-2013, 05:13 AM
Parent: #49
Quote: بس نسيتو عباس الدسيس وعبدالله ود البوش ثنائي رهيب |
مرحبا احمد ابكر رمضان مبارك الدسيس وود البوش سمعتهم سابقاهم في ناس من الفيس بووك رشحوهم لينا حاننكت ليهم محنهم وروائعهم وانتوا ايدكم معانا وهم زاتم معزومين عشان يقضوا معانا باقي رمضان في البوست ده البلح والحلومر والمطايب رااااقدة
|
Post: #51
Title: Re: ظُرَفاء المنبر
Author: عبدالعزيز الفاضلابى
Date: 07-21-2013, 05:26 AM
Parent: #50
دي مشاركة من الفيس ببوك بواسطة أخونا
محمد عبدالقادر ضرار
Quote: يا سلااااااااااااام عليك يا استاذ عبدالعزيز ، الله ينصرك وينصر ديييييين الجابك ذااااتو ، يكفي البوست دة بدايتو بي ود شيقوق ، وسلاسة الورود في جية ود المرتضى ، ياهن دي هي البوستات البنفتش عليها تفرحنا وتمسح هموم غربتنا ،،، اللة يفتحها عليك ياخ ويجعل ايامك كلها سعادة يااااارب ، بالله عليك جر لينا ود الصايم دة هنا ومعاهو مورتا وحسبو كمان ، وعباس الدسيس دة كمان كوم تااااني هو وطارق جبريل والـــــ( بقجة ) فيها كتييييييييييير من ظرفاء المنبر .... |
|
Post: #52
Title: Re: ظُرَفاء المنبر
Author: عبدالعزيز الفاضلابى
Date: 07-21-2013, 05:32 AM
Parent: #51
ودي من أخونا مصعب مصعب (MuSab Musab) وعنده فيها تساؤل مهم يحال الي شيقوق لأنه زول غيره بقدر يباصر بكري ماف لأنه شيقوق بي عضمة كيبوردو قال هو فلول
Quote: والله ما عارف الواحد تدوه باسوورد وتجلوه ليه ما فاهم لكن السؤال كيف ارجع الباسوورد. تاني شيئ منبركم ده فيه تزكيه زي بنابر الكيزان .ولا ليه اتجاه سياسي؟ انا بسال بس. |
يامصعب نحن ريسنا ده زي مرسي الا نعمل ليهو مظاهرة في رابعة العدوية في اريزونا حتي يديك باسوورد
|
Post: #53
Title: Re: ظُرَفاء المنبر
Author: عبدالعزيز الفاضلابى
Date: 07-21-2013, 05:42 AM
Parent: #52
Quote: بقت علي حكاية البنت التي طارت عصافيره (طائرها مافي صدرها) قلبها عاقل وعقلها مقلوب!! |
يا قيقا اسمك ده عشان الواحد يكملوا الا يبقي عنده نفس عبدالباسط عبدالصمد كلامك الـ في الأقتباس ده ذكرني أخونا أحمد الحبو حايم في الخرتوم لاقته بت لابسة سلسل متدلي علي صدرها وفي نهايتو تدلت منه طيارة , صاحبنا قَهَّا في البنية البت شافت عيويناتو لي وين رايحة مسكت السلسل وقالت ليهو: عجبتك الطيارة؟ قال ليها: لا عجبني المطار
|
Post: #54
Title: Re: ظُرَفاء المنبر
Author: هويدا شرف الدين
Date: 07-21-2013, 06:26 AM
Parent: #53
سبحان الله الواسطات دخلت في أي شئ هسع في ذمتكم ود شيقوق المسنوح دا ظريف يا ناس الدنيا رمضان طلعو النصيحه دي مره واحده في عمركم
|
Post: #55
Title: Re: ظُرَفاء المنبر
Author: عبدالعزيز الفاضلابى
Date: 07-21-2013, 08:13 AM
Parent: #54
Quote: سبحان الله الواسطات دخلت في أي شئ هسع في ذمتكم ود شيقوق المسنوح دا ظريف يا ناس الدنيا رمضان طلعو النصيحه دي مره واحده في عمركم |
سلامات ياهويدا قولة المسنوح دي براها زي قميص يوسف انت اظنك ماشفتي المسنوح ده Live
|
Post: #56
Title: Re: ظُرَفاء المنبر
Author: الطيب شيقوق
Date: 07-21-2013, 11:55 AM
Parent: #55
هويدة المسنووووووووووحة
Quote: سبحان الله الواسطات دخلت في أي شئ هسع في ذمتكم ود شيقوق المسنوح دا ظريف يا ناس الدنيا رمضان طلعو النصيحه دي مره واحده في عمركم |
باقي لي انت فاقدة ليك لبعة بعنكوليبة
|
Post: #57
Title: Re: ظُرَفاء المنبر
Author: خالد علي محجوب المنسي
Date: 07-21-2013, 04:52 PM
Parent: #56
Quote: سبحان الله الواسطات دخلت في أي شئ هسع في ذمتكم ود شيقوق المسنوح دا ظريف يا ناس الدنيا رمضان طلعو النصيحه دي مره واحده في عمركم |
هههههههههههه واسطة شنو الظرف مرات بكون نابع من معين شوية شواطين راكين في الرأس ودافي راسو دفار شواطين راكبين ههههههههههه قولي بسم الله لما تتكلمي عنو ما ينط فيك ابودريع ( ودا أصغر اولاد ماما في رأسه )
|
Post: #58
Title: Re: ظُرَفاء المنبر
Author: الطيب شيقوق
Date: 07-21-2013, 07:31 PM
Parent: #57
Quote: انت اظنك ماشفتي المسنوح ده Live |
اناياعزو شفتها ليك لايف لكن ما بوصفها ليكم خايف تفطس ليها واحد فيكم ساااااا ي
|
Post: #59
Title: Re: ظُرَفاء المنبر
Author: ست البنات
Date: 07-21-2013, 08:02 PM
Parent: #58
يا الحبان ايزيكون ,
أها جبتالكون طارق ود عمي جبرين ! قصررت معاكون؟؟
انا وكت اكون وسط الجعليين ديل بتتغلب عليى لهجة الشايقييى !! دحين فكوا الطلاسم براكون!!
وهنا نغيير النغمة:
أما عن اخوي خالد المنسي:
فقد تحدثنا عبر الهاتف كثيرا , ثم ذات صباح صيفي تخلوا سماءه من الغيوم فى أبوظبي وانا أبحث في الايميل عن مكنون الرسائل أذا برسالة يذيلها رقم هاتف جديد غير الذى الفته للأخ خالد كى نتواصل , وفى دهشة دققت فى رقم الهاتف مستدركة انه فى الأمارات! وسريعا أدرت قرص الهاتف , ثم في ذات اليوم التقيت خالدا فى واحد من مراكز دبى التجارية . شاب نحيل أسمر اللون طويل القامة تسبقه ابتسامته, وكانت بصحبتى شابة من الأسرة ففكرت فى خداع خالد وايهامه بان الشابه هى انا ( لم يسبق ليى ان التقيت خالدا من قبل) وحين حيته الشابه وانا ارقبهما من بعد اذا بخالد يلتفت يمنة ويسرى بحثا عنى ! وهنا تيقنت بانه اكتشف الخدعة. فاتيته مبتسمة . وكان لقاءا مفرحا وما اجمله من احساس ان تلتقي أخا لك لم تلده امك وزميل لك جمعتكم الاسافير فصرتم أصدقاء واخوة فى الله !
وكان المفروض ان التقى القردابي فيما بعد لكن الظرف لم يسمح ! خالد نعم الأخ والصديق وهو انسان ياسرك بحلو حديثه وظرفه وحكمته . تحياتى لك اخي خالد ورمضان كريم وتحياتي الى احمد ووالدته وجميع الاسرة . وتحياتى لكم جميعا.
ست البنات.
|
Post: #60
Title: Re: ظُرَفاء المنبر
Author: Osman Musa
Date: 07-21-2013, 08:26 PM
Parent: #59
يا الفاضلابي ياخ خالد المنسي ده السنة الفاتت عزمني شاي ومعاو ود عمو في مول في الشارقة يازول الزول ده ضحكو جاب السكيرتي وأتلمت علينا الدنيا والعالمين . خالد من أظرف المهاجرين خبره في جخانين الدنيا دي كلها والحمدلله الهبط في شارقتو دي أهو جمب أهلو مو زينا . وقروشو ربط ربط هيع .
|
Post: #61
Title: Re: ظُرَفاء المنبر
Author: خالد علي محجوب المنسي
Date: 07-21-2013, 09:40 PM
Parent: #60
Quote: يا الحبان ايزيكون ,
أها جبتالكون طارق ود عمي جبرين ! قصررت معاكون؟؟
انا وكت اكون وسط الجعليين ديل بتتغلب عليى لهجة الشايقييى !! دحين فكوا الطلاسم براكون!!
وهنا نغيير النغمة:
أما عن اخوي خالد المنسي:
فقد تحدثنا عبر الهاتف كثيرا , ثم ذات صباح صيفي تخلوا سماءه من الغيوم فى أبوظبي وانا أبحث في الايميل عن مكنون الرسائل أذا برسالة يذيلها رقم هاتف جديد غير الذى الفته للأخ خالد كى نتواصل , وفى دهشة دققت فى رقم الهاتف مستدركة انه فى الأمارات! وسريعا أدرت قرص الهاتف , ثم في ذات اليوم التقيت خالدا فى واحد من مراكز دبى التجارية . شاب نحيل أسمر اللون طويل القامة تسبقه ابتسامته, وكانت بصحبتى شابة من الأسرة ففكرت فى خداع خالد وايهامه بان الشابه هى انا ( لم يسبق ليى ان التقيت خالدا من قبل) وحين حيته الشابه وانا ارقبهما من بعد اذا بخالد يلتفت يمنة ويسرى بحثا عنى ! وهنا تيقنت بانه اكتشف الخدعة. فاتيته مبتسمة . وكان لقاءا مفرحا وما اجمله من احساس ان تلتقي أخا لك لم تلده امك وزميل لك جمعتكم الاسافير فصرتم أصدقاء واخوة فى الله !
وكان المفروض ان التقى قيقراوى فيما بعد لكن الظرف لم يسمح ! خالد نعم الأخ والصديق وهو انسان ياسرك بحلو حديثه وظرفه وحكمته . تحياتى لك اخي خالد ورمضان كريم وتحياتي الى احمد ووالدته وجميع الاسرة . وتحياتى لكم جميعا.
ست البنات. |
ستنا وست البنات ( سكينة بت كمبال ) تعرف يا الفاضلابي هذا المنبر فيه حسنة واحدة يجمعك بناس حلوين قلوبهم تجمع حنين الماضي وظرف الحاضر المستقبل اغرب شئ لما لميت في تلفون ست البنات دي قبل سنتين وهي تزور دولة الامارات وكنت حينها جديد لنج في بلاد العرب وبفضي من جسدي بردود اعوام كُثر ( جليد وضباب وشهفوفة مصحوبة بثلج سكنت الجوف في بلاد الفرنج ) منطلق بي قميص وبِنيطلين ساكت حوفا ... تواعدنا انو نلتقي في ستي سنتر ديرا ( دبي ) وفعلاً جاء موعد اللقاء وكان في معيتي صديقي الصادق ابوعشرة وصديق دراسة في المجر ( مهيد هاشم طه وزوجته ) وزي ماهي فكرت تخدعني انا كانت المسخا تلزمني هي ارسلت قريبتها على اساس انها سكينة وانا كنت اتفقت مع الصادق ان يسلم عليها على اساس انه خالد المنسي وألتقى الصادق قريبتها وتعارفو ونحن بعيدين نضحك كل واحد علي الاخر انا كنت متأكد من انو البتسلم علي الصادق دي ماهي المسنوحة سكينة لكن ماقادر اقول لي وفي نهاية الامر ناديته يا الصادق دي ما سكينة اها ديك المسنوحة سكينة
وحقيقة اقولها سكينة إنسانة إنسانة إنسانة وخيرة خيرة خيرة وبتعمل الخير ولا من شاف ولا من داى وخيرها تفعله بيمنها ولا تعلم شمالها وهذا كلمة حق اقولها في حقها وانا الذي عرفتها عبر هذه السنوات وعرفت من ممن عرفوا سكينة في بلاد المهجر ( مصر واستراليا ) حفظك الله اختي سكينة وان شاء الله ماتكوني شطبتي رقمي هو نفسه 00971501546277
|
Post: #62
Title: Re: ظُرَفاء المنبر
Author: خالد علي محجوب المنسي
Date: 07-21-2013, 09:56 PM
Parent: #61
Quote: يا الفاضلابي ياخ خالد المنسي ده السنة الفاتت عزمني شاي ومعاو ود عمو في مول في الشارقة يازول الزول ده ضحكو جاب السكيرتي وأتلمت علينا الدنيا والعالمين . خالد من أظرف المهاجرين خبره في جخانين الدنيا دي كلها والحمدلله الهبط في شارقتو دي أهو جمب أهلو مو زينا . وقروشو ربط ربط هيع . |
عِتمان جنى موسى ( ود ناس سعران ) لك التحية ورمضان كريم يا سلااام على اليوم داك يوم شوفتك وألتقيتك يا جميل كنت فرح قبل وبعد اللقاء بك يا رائع تعرف يا عثمان في ناس كدي تدخل قلبك من غير إذن وطرق باب وفي ناس بي الكربونات مابتقدر تهضما ( زي ناس من مسقط شغالين في سوق الاوراق المالية هههههههه ) حتى ابن عمي كان سعيد ودائماً بسألني منك والله وربنا يجمعنا يا الحبيب كمان وكمان لك مني اجمل الاماني والدعوات بقضاء شهرنا هذا في عبادة وصوم مبارك يرفع لك يوم لا ينفع مال ولا بنون وتجزى به يومها ينفعك ويرقعك وتخل به جنات الرحمان من باب الريان
|
Post: #63
Title: Re: ظُرَفاء المنبر
Author: الطيب شيقوق
Date: 07-21-2013, 10:34 PM
Parent: #62
Quote: وفي ناس بي الكربونات مابتقدر تهضما |
انت عاد الشكر ما بتقدرو بخلي دوماتك سايلة ودلاعتك امبوبة تلعّب رولاندينو ذاتو
|
Post: #64
Title: Re: ظُرَفاء المنبر
Author: Osman Musa
Date: 07-21-2013, 11:21 PM
Parent: #63
عزيزنا الطيب شيقوق بعد السلامات ود المنسي قلتلو دوماتك سايلة ودلاعتك أمبوبة ؟؟؟؟؟؟ أديتو من ده النوع ؟ ياخ صاحبك ود المنسي ده من جيل جديد جيل ما بفهم الا 3 حاجات هي CALL و CLICK و VISIT . ياخ تجي تشبكو دلاعتك ؟ وعصيدة بي ملاح أم تكشو ؟ الزول ده من شندي ولي مدرسة فكتوريا لا شاف صرار لا لبدة حمار . خليك شوية خفيف عليه وخليه اليحكي ليك قصة صاحبو العشرقتلو البستكولا .
|
Post: #65
Title: Re: ظُرَفاء المنبر
Author: عباس الدسيس
Date: 07-22-2013, 00:18 AM
Parent: #64
Quote: الدسيس وود البوش سمعتهم سابقاهم في ناس من الفيس بووك رشحوهم لينا حاننكت ليهم محنهم وروائعهم وانتوا ايدكم معانا وهم زاتم معزومين عشان يقضوا معانا باقي رمضان في البوست ده البلح والحلومر والمطايب رااااقدة |
مولانا عبدالعزيز اخبارك كل عام وانت بخير بدون مقدمات شكر كثير للناس الرشحوني المنبر فيهو فطاحلة الظرافة كونو الزول انزغم في نصهم ... ما بصدق. ناس ود شيقوق وطارق جبريل والبقية شعر ما عندنا ليهو رقبة غايتو بنحاول نكون معاكم في المفترع الظريف نتابع ونديها دخلات في النص. أي زول بكون عندو مواقف كوميديه اوصلها كيف المشكله هنا كمان في مواقف من الصعب تقدر توصلها لانو فيها عامل الحركة داعم رئيسي مثال: في سنين قبل البلوغ الزول يكون عايز اجد نفسو من خلال مغامرة عاطفية أو شقاوة. في أي حي تلقي مربي اجيال كل فصل اربت فيهو مرتين حصلنا المربي في الفصل الخامس الراجل صوتو كبير العلع وفات سن البلوغ ما كنا معجبين بيهو بل تستهوانا تصرفاته كانت ليهو مغامرات عاطفيه بعد اليوم الدراسي مع بت تنتظره في كورنة المدرسة يمشي معاها حتي اوصلا البيت . اتذكر دائما كلمات الوالده عن البنات البدرسن في الابتدائيه وكبار السن فهي تقول (( اجي يا بنات امي البنات ديل اهلن بقرو فيهن لي شنو كبار الواحده شطور ماليات حلوقا احسن اعرسوهن)). البت كانت من النوعية دي.. كانت بتجيني غيره من صاحبنا مربي الاجيال كنت دائما اتقرب ليهو لدرجة مرات اتنازل ليهو من السندوتش في سبيل القي لي حبيبه اقشر بيها . أول حاجة فكرت فيها عشان تدعم طموحي الغرامي عندي شنطة دموريه مشيت لي صاحب خالي يعمل في صباغة وطباعة الملايات والثياب رسم اشكال في الشنطة الراجل شغلو كلو مع النسوان غالبية الالوان العندو حريميه دخل لي كم ورده لونها بمبي وبنفسج ((تذكرتها عندما طلب مني ابني شراء شنطة اسبونش للمدرسه اخترته له واحده متينه فيها جزء بمبي زعل مني وبادرني بجمله يا بابا انت مابتشوف ولا ما بتعرف دي حقت بنات قلته ليهو انا كان بعرف امك بتشتري لي الملابس)). وانا طالع من المدرسه صادف خروج بنات الابتدائي اتقدل مزهو بشنطة الدموريه المنقوش جانبها سالتني بنت جريئه من وين اشتريتها في تلك اللحظه لم استطيع الكلام للدهشه.. تكلمت معي بنت..... لحظة كانت غريبه فاتح خشمي وما قادر اجاوب. صديقنا مربي الاجيال قال لي (( الشرك قبض يا فرده)). قعد ازن لي في راسي لما صدقته ... انا قلته خلاس دي زولتي. الظاهر البت معروفه بخفتها تتكلم مع اي زول كمان شكلها غير جميل بس نعمل شنو الله اراد لينا ... كمان يعني بتفك الحيرة تخليني مميز بين الزملاء زول عندو جكسويه ما مهم الشكل !!! طيب الخطوه الثانيه شنو الراجل طبعا خبره وبشتغل في الاجازه عندو قروش قال لي تديها فتيل ريحه هديه..الحكاية جابت ليها قروش وأنا فرش السندوتش في مشكله ادوك ليهو نهاية الاسبوع والوالده شابكانا سندوتش بليله بدل الفول ومرات طعمية عايزه ليها جردل موية عشان تنزل من الحلق...... قفلت علي كده رحته البيت العصر مشيت افتش في الكوش جمب الدكاكين عشان القي فتيل ريحه فاضي لفيت الحي كلو اخيرا وجدت فتيل صغير بتاع ريحة بنت السودان غسلتو شلته الورقه البره جبته لي ورقه رسمته فيها قلب وسهم لصقتها في الفتيل كان عندنا في البيت كلونيا الفيها الخمسات مليت منها الفتيل ومشيت المدرسه منتشي ... كان عندنا الصباح جمعيه ادبيه اقترحته للزملاء اغني وجدته معارضه لصوتي الشين مع اصراري وعباطي وافقو علي منحي فرصة الغناء والسبب التاني ماسك قروش الكفر ((الكوره)) ممكن ازوغ منهم عشان كده جاملوني.... تغنيت بي اغنية الكاشف .... انا ما بقطف زهورك بعاين... في الفسحه مربي الاجيال سألني بعدين جاهز؟؟؟ قلت ليهو ايوه بس اديك الفتيل تدي ليها انتا..... زعل حمر عيونو نهرني... انتو وقت ما بتقدرو علي الحب بتشبكو مالكم شوف لازم تشيل مع الفتيل زهور تدي ليها أو تاني ما توريني وشك ده ...... انا طالع من المدرسه قطعته زهور صباح الخير مشيت قابلتها مع مربي الاجيال رميت ليها فتيل الريحه وزهور صباح الخير تحت كرعيها وقمته جاري بعد لفيت اللفه الخبر جاني شالت الفتيل وخلت الزهور مرميه في واطات الله ما كان عندي الشجاعه اتلفت عشان اشوفا انتظرته تاني يوم بفارق الصبر جينا الطابور . الناظر صديق الوالد اول حاجه طلعوني بره في نص الطابور بعد التفتيش والاجراءات الاخري كنت انا موضوع الطابور تحدث الناظر بصوت عالي (( ود الشريف امس بغني انا ما بقطف زهورك بعاين إستحملنا صوتو فقع بيهو اضنينا نهاية اليوم الدراسي لقيتو بكبر في الزهور كبر قطع صباح الخير كلو دي جريمه. الجريمه الكبري مشي جدعو لي بت تحت كرعيها الود روميو... شدوني بتاعين سادس عشرة جلدات كل ما تذكرها طرف الجعبه يرف ..... الطامه الكبري واحد صديقنا حاقد علي كلم لي اخوها كان بدرس معانا خلي المدرسه مشي المنطقه الصناعيه الشكله دورت... المصيبه اخوها ده بشاكلك انت تكون واقف اديك بنيه ولا شلوت ويقوم جاري الف بي المربع الثاني تكون انت نسيت الشكله وواقف طاااااااااخ اجي اضربك واقوم جاري... شكلتو بتعدي اكثر من كم شهر بعد القي ليهو زول تاني اشبك معاهو .... دق الناظر هين بقيت اتفكا من اخوها كيف!!
|
Post: #66
Title: Re: ظُرَفاء المنبر
Author: حاتم الياس
Date: 07-22-2013, 00:39 AM
Parent: #65
والله أنتظرت كتير عشان واحد يجى يشير (لحاتم الياس كاحد ظرفاء المنبر)...... ثم بعد المتابعة لأداء الظرفاء المقصودين هنا أكتشفت أنو البوست ربما يعنى نمط المدرسة المسرحية السودانية القديمة فى الفكاهة..ناس ابوقبوره والفاضل سعيد والسميح الله يرحمو
|
Post: #67
Title: Re: ظُرَفاء المنبر
Author: اساسي
Date: 07-22-2013, 00:48 AM
Parent: #66
اساسي وقيقراوي بتلخبتوا ؟؟
يا اخوانا نبزوا لكن ما تسيؤا
|
Post: #68
Title: Re: ظُرَفاء المنبر
Author: Osman Musa
Date: 07-22-2013, 01:11 AM
Parent: #67
عزيزنا حاتم الياس سلامات ورمضان كريم جد بتذكرك وأحد من ظرفاء السودان . ما ظنيتك تتذكرني بس أنا طاريك من يوم قابلتك مع أبن أختنا محمد مبارك عشاء الضيفان الحارة ال 9 . الزمن طال يا أخوي والناس أتشتتت .
|
Post: #69
Title: Re: ظُرَفاء المنبر
Author: حاتم الياس
Date: 07-22-2013, 01:38 AM
Parent: #68
ياعثمان كيف ياخ..محمد مبارك عشا الضيفان صديق من أولى ابتدائى هو علم وابوه علم بلاشك سمعت انه بنواحى كندا ....أنا والله الكلام ده جبتو ساى (لخبته) منى ياعثمان لكن أظنك برضو صاحب (بُرل)..هل مازالت فى ذاكرتك حفلة ود اللمين فى بيتهم بعد الأنتفاضة لمن غنا (مساجينك لأول مره)
|
Post: #70
Title: Re: ظُرَفاء المنبر
Author: اساسي
Date: 07-22-2013, 01:57 AM
Parent: #69
محمد مبارك عشا الضيفان في نواحي استراليا جنكم لخبتة
|
Post: #71
Title: Re: ظُرَفاء المنبر
Author: حاتم الياس
Date: 07-22-2013, 02:06 AM
Parent: #70
كدى ثبت لينا أول حاجة أنو حاتم الياس ومحمد حيدر المشرف من ظرفاء المنبر..
|
Post: #72
Title: Re: ظُرَفاء المنبر
Author: mutwakil toum
Date: 07-22-2013, 02:21 AM
Parent: #71
|
Post: #73
Title: Re: ظُرَفاء المنبر
Author: اساسي
Date: 07-22-2013, 03:28 AM
Parent: #71
بثبتك انت يا حاتم بالكتير لو عثمان ثبت لينا انه محمد عشا الضيفان باستراليا المشرف شدة ما دمه تقيل لمن بقيت اشيل هم لي شراينه واوردته
|
Post: #74
Title: Re: ظُرَفاء المنبر
Author: الطيب شيقوق
Date: 07-22-2013, 10:46 AM
Parent: #70
عثمان
Quote: ياخ صاحبك ود المنسي ده من جيل جديد جيل ما بفهم الا 3 حاجات هي CALL و CLICK و VISIT . |
وكمان نجيض بالحيل في video conferences يا عثمان
Quote: ياخ تجي تشبكو دلاعتك ؟ وعصيدة بي ملاح أم تكشو ؟ الزول ده من شندي ولي مدرسة فكتوريا لا شاف صرار لا لبدة حمار . |
حالف اكنّو ليك بحبل جلد مسلوخ جديد كلما نشف يروح ماكنو ليك - تاني زولك عمرو ما يلبلب
|
Post: #75
Title: Re: ظُرَفاء المنبر
Author: خالد علي محجوب المنسي
Date: 07-22-2013, 03:19 PM
Parent: #74
في التبادي يا ود موسى الشكر على انك رغمتني علي التلح شوال الملح
نحن ولاد بندر لا صررنا لا حلبنا لكن شوفنا الصررو والحلبو وهسي لو جيتك بصرر وبحلب نحن ناس زراحة حراثة وعزقي وقفيس نخل وتلقيح منقا هههههههههههههههههه بتعرف جنس يا عررريب الخلا السهيت
وفلاحة العرريب يجلب ######و ويجلس فرقو أو يربط درب وإرجا الإضينا يسلبو الهيلكم حقيقة وفيها ما بتنغلبو فالحين في القنيص ترعو وتعرفو حلبو
رجالة وكرم بيهن انا عبد العزيز إتخصينا وكت الكوع إحر نحجا العروض ونصينا
|
Post: #76
Title: Re: ظُرَفاء المنبر
Author: عبدالعزيز الفاضلابى
Date: 07-22-2013, 03:36 PM
Parent: #75
اصبح الصبح فوجدت البوست مليان ظرفاء برجع ليكن واحد تلو الآخر ,, واساسي زاتو في البوست ده ..؟ كيف ده ماشهر الخيرات الجراب مليان ظرفاء بس نوادرهم اصبروا لينا عليها .. ودالمدير وشيعته .. ودالباوقة ومعارضته ودالصايم ,, وشركاؤه والظرفاء تتري ادونا يومين تلاتة
|
Post: #77
Title: Re: ظُرَفاء المنبر
Author: خالد علي محجوب المنسي
Date: 07-22-2013, 04:57 PM
Parent: #76
Quote: حالف اكنّو ليك بحبل جلد مسلوخ جديد كلما نشف يروح ماكنو ليك - تاني زولك عمرو ما يلبلب |
ههههههههههههههههههه حبل الجلد يسمى ( حبل القد ) والكُنان يكون بضفيرة من حبل القد أو سعف النخل وكلاهما عندما يجف يضغط اكثر ويكرب قوي هههههههه وتستخدم كذلك ضفيرة السعف في الجبيرة لانها عندما تجف بتركب قوي
ولكن يا المسنو أنا لو كنت من أهلك كان كربت ليك كُنان دبل شعان ما تملى البلد مسانيح ( كفاية انت )
|
Post: #78
Title: Re: ظُرَفاء المنبر
Author: الطيب شيقوق
Date: 07-22-2013, 09:13 PM
Parent: #77
Quote: ههههههههههههههههههه حبل الجلد يسمى ( حبل القد ) والكُنان يكون بضفيرة من حبل القد أو سعف النخل وكلاهما عندما يجف يضغط اكثر ويكرب قوي هههههههه وتستخدم كذلك ضفيرة السعف في الجبيرة لانها عندما تجف بتركب قوي
ولكن يا المسنو أنا لو كنت من أهلك كان كربت ليك كُنان دبل شعان ما تملى البلد مسانيح ( كفاية انت ) |
مسنووووووووووووح وحاة الله كليمة بتفوت عليك مافي
هسه وضاحة فاكرة كلامنا النفسو حار دا غلاط في حدود واطة
|
Post: #79
Title: Re: ظُرَفاء المنبر
Author: خالد علي محجوب المنسي
Date: 07-23-2013, 05:21 PM
Parent: #78
Quote: مسنووووووووووووح وحاة الله كليمة بتفوت عليك مافي
هسه وضاحة فاكرة كلامنا النفسو حار دا غلاط في حدود واطة |
هذه يا شيقوق كانت رسالة للحبيب ود موسى جنى عِتمان وليد ناس سعران
نحن كان ما متنا شقينا المقابر بس ما وطينا قبر بنمشي نضارف علي القبور
في الخرتوم ما بتفرزنا من جنون الخرتوم مفتحين ونلحس الايكريم جب وما بدفق من خشمنا ههههههههههه وفي البلد نقلع البنطلين وندرع العراقي ... نقرع ونعسق ونقفس وفي الحلة لما نرجع من الزراعة ضحى نقيل ونقشر نطالع الحسان الصبايا ونرشف الحب مودة مع قهوة او شاي بي النعناع من إيدين السمحة في البنوت وعايشين حياتنا كوكتيل تتجافا جانبه ونتقن هذه الجوانب وما ترفزنا ناس المدن يقولوا علينا ولاد بندر وناس الضواحي يقسمو بصمة بالعشرة ما فتنا البلد بي المرة وحبها معنا شبّا .. من شفع صغار بفوق البحر نتجارّى ... إتعاشرنا بقينا أحبا ,,,, حارسين الجبابيد ديمة .... ونشرب من مياهو العذبة ....
يا ود موسى نحن هجين وصعب فهمو هههههههههه تحياتي ومودتي لكما وتحياتي للجميل ود الفاضلابي الذي سمح لنا بهذه النافذة نلتقي عبرها حنية ومودة تجمعنا
|
Post: #80
Title: Re: ظُرَفاء المنبر
Author: الطيب شيقوق
Date: 07-23-2013, 07:39 PM
Parent: #79
Quote: وتحياتي للجميل ود الفاضلابي الذي سمح لنا بهذه النافذة نلتقي عبرها حنية ومودة تجمعنا |
نان وين هو الهامل الترك البوست سائب لوضاحة وعولا وما عاد تاني
|
Post: #81
Title: Re: ظُرَفاء المنبر
Author: خالد علي محجوب المنسي
Date: 07-23-2013, 09:54 PM
Parent: #80
Quote: نان وين هو الهامل الترك البوست سائب |
البركة فيك أنت يا البركة الحلو
مين زي ودشيقوق البرقع ويسوي مين زي ودشيقوق فتيل ومضوي الكريم وهميم وكلا بو ما بتهوي إت تشيل الأتقل يا أبــ ضراعاً قوّي
وتسلم يا الحبيب وأللهم اني صايم احسن اقول فيك شيتن حلو
ولحين ميسرة
|
Post: #82
Title: Re: ظُرَفاء المنبر
Author: عبدالعزيز الفاضلابى
Date: 07-23-2013, 11:03 PM
Parent: #81
Quote: نان وين هو الهامل الترك البوست سائب لوضاحة وعولا وما عاد تاني |
سلامات ياشيقا ابداَ منبر بكري ده يندمك علي البوست الـ تفتحو النت ده اي موقع ادخله شغال زي العجب اول ماتجي لـ منبر بكري ده زي الزول العندو دستور ـ وكترة وغش يلخبط ليك كميوترك حتي ولو نظام الحماية بتاعك حِلف النيتو هسع في ناس كتار عاوز اجيب عينات من ظرافتم لكن الكمبوتر لافيهو ايقونات رد ولا بحث بس راقد زي خشم زول السكري عدمان السن .
|
Post: #83
Title: Re: ظُرَفاء المنبر
Author: jini
Date: 07-24-2013, 07:51 AM
Parent: #82
حبيب نورة ظريف ظرفاء البوست في تعليقه على بوست بعنوان هل تجوز امامة الاغلف او المعتوه للصلاة! علق حتى كدت ان افطس ضحكا
Quote: إمام المسجد الجمبنا ده أنا شاكّي إنو أغلف عشان كده حلفت ما أصلي لا وراه لا قدامو |
لا حظ لا وراهو لا قدامو لعله خجل وفضل استبدال المعتوه بالاغلف! وعلق جنى حتى اوشك ود المرتضى ان يفطس من خلال رسالة نصية ارسلها لى بسبب ابتعاده عن البورد
Quote: الما بتلحقو جدعو هسة الجاب المقارنة لاغلف مع معتوه شنو!وكان طلع معتوه واغلف! تكون عجوة معطونة بي عسل! جني |
|
Post: #84
Title: Re: ظُرَفاء المنبر
Author: MOHAMMED ELSHEIKH
Date: 07-24-2013, 08:15 AM
Parent: #83
ايام المناوشات بين خضر الطيب وابو حسين قرأت اجمل مناوشة منذ التحاقي بالبورد ومازلت اضحك حتى اليوم. واحد نشر صورة لأبوحسين قديييييمة لابس جلابيتو العجيبة ديك اها الجماعة قعدو يعلقو عليها نط خضر الطيب قائلا: دا ابوحسن لما كان في طور الشرنقة اسع طبعا بقى " حشرة كاملة" ------------------------------ غايتو الله يمرقني هسع من ابوحسين يقوم يألف في بوست كمان
|
Post: #85
Title: Re: ظُرَفاء المنبر
Author: عبيد الطيب
Date: 07-24-2013, 08:48 AM
Parent: #84
Quote: حبيب نورة ظريف ظرفاء البوست في تعليقه على بوست بعنوان هل تجوز امامة الاغلف او المعتوه للصلاة! علق حتى كدت ان افطس ضحكا
إمام المسجد الجمبنا ده أنا شاكّي إنو أغلف عشان كده حلفت ما أصلي لا وراه لا قدامو
لا حظ لا وراهو لا قدامو لعله خجل وفضل استبدال المعتوه بالاغلف! وعلق جنى حتى اوشك ود المرتضى ان يفطس من خلال رسالة نصية ارسلها لى بسبب ابتعاده عن البورد
الما بتلحقو جدعو هسة الجاب المقارنة لاغلف مع معتوه شنو!وكان طلع معتوه واغلف! تكون عجوة معطونة بي عسل! جني |
وإنت ذاتك يا جني أظرف زول مع جماعتك الإتنين
شكرا لصاحب البوست وشكرا للسمحين جميعا ويا جني بخصوص إمام الجامع الما بصلي وراهو حبيب نورا
فيه إمام جامع شحتف حالنا بي الدعاء علي بشّار الأسد كل يوم مبطّل أغراضنا بالدعاء الطويل اها مرة صلي جنبي باكستاني أظنو سواق لموزين زهج بلحيل من الإمام اها بعد ما طلعنا لكزني قائلا صديق إنت معلوم هذا إمام هو سوي دعاء مطر يجي غبار و سوي دعاء بشّار واحد سنة و6 شهر بشّار مافي روح وإمام مافي يسكت
محبتي
|
Post: #86
Title: Re: ظُرَفاء المنبر
Author: محمد عبد الماجد الصايم
Date: 07-24-2013, 09:13 AM
Parent: #85
![](http://www.sudaneseonline.com/db/attention/010_Smile.gif)
|
Post: #87
Title: Re: ظُرَفاء المنبر
Author: سامى عبد المطلب
Date: 07-24-2013, 09:27 AM
Parent: #86
حبابك الفاضلابى بوست خفيف وظريف ... الظرفاء فى المنبر ده ما شاء الله امسك عندك دى من طرف المقتول غيله قيقا الراوى عليه من الله ما يستحق من الرحمه ....
|
Post: #88
Title: Re: ظُرَفاء المنبر
Author: سامى عبد المطلب
Date: 07-24-2013, 09:33 AM
Parent: #87
وحينما طلب ناذر الخليفه رابط لموضوع بوست عابر للقارات رد عليه ملاسى :-
|
Post: #89
Title: Re: ظُرَفاء المنبر
Author: عبدالعزيز الفاضلابى
Date: 07-25-2013, 06:17 AM
Parent: #88
أساسي متوكل جني سامي ود الصايم رمضان مبارك برجع ليكن ولكل الحبايب الفوق ليكن وناس الفيس بووك أصل الموقع عندي لافيهو أيقونات ولا فيهو التابز الفوق ونبحنا وفترنا مع الريس بكري الظاهر الريس معتكف انا بكتب ليكن طبيش ساكت زي الزول البتَبِّن في الشارع بالعكاز ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ انت باود الصايم بتكتب مداخلتك بالحبر السري كيف؟
|
Post: #90
Title: Re: ظُرَفاء المنبر
Author: الطيب شيقوق
Date: 07-25-2013, 06:52 AM
Parent: #89
Quote: ابداَ منبر بكري ده يندمك علي البوست الـ تفتحو النت ده اي موقع ادخله شغال زي العجب اول ماتجي لـ منبر بكري ده زي الزول العندو دستور ـ وكترة وغش يلخبط ليك كميوترك حتي ولو نظام الحماية بتاعك حِلف النيتو هسع في ناس كتار عاوز اجيب عينات من ظرافتم لكن الكمبوتر لافيهو ايقونات رد ولا بحث بس راقد زي خشم زول السكري عدمان السن . |
ياخ طول بالك كلنا زيك - الشي دا من منبر بكري ما من جهازك - اوع بس تجيك غشامتك تجدعو برة الحوش
ضحكتني العبيد ود الطيب وقصة الباكستاني
|
Post: #91
Title: Re: ظُرَفاء المنبر
Author: خالد علي محجوب المنسي
Date: 07-25-2013, 09:39 PM
Parent: #90
Quote: اها مرة صلي جنبي باكستاني أظنو سواق لموزين زهج بلحيل من الإمام اها بعد ما طلعنا لكزني قائلا صديق إنت معلوم هذا إمام هو سوي دعاء مطر يجي غبار و سوي دعاء بشّار واحد سنة و6 شهر بشّار مافي روح وإمام مافي يسكت
|
ههههههههههههههه انت ما يشيل تلفون انا سوي اتصال بس
|
Post: #92
Title: Re: ظُرَفاء المنبر
Author: عبدالعزيز الفاضلابى
Date: 07-26-2013, 09:26 PM
Parent: #91
معتزالقريش من الظرفاء
|
Post: #93
Title: Re: ظُرَفاء المنبر
Author: خالد علي محجوب المنسي
Date: 07-27-2013, 08:54 PM
Parent: #92
اميرة الشيخ سماح
ردودهم من احلى مايكون ( ظريفة )
|
Post: #94
Title: Re: ظُرَفاء المنبر
Author: درديري كباشي
Date: 07-27-2013, 09:05 PM
Parent: #93
ممكن نساهم يا قضلابي في هذا البوست اللطيف والذي يتناسب تماما مع طخمة رمضان وجهجهة الجهاز الهضمي ..
انا مما اشتركت في المنبر مع بداية العام وكنت في طور الفرجة اقلب في البوستات احاول اتعرف على مود الناس ..
صحكني تعليق في بوست لاحد المتناحرين يرد على الآخر الظاهر المشاحنات بينهم مزمنة وليها صدى ..
يقول صاحب الرد.
ياخي نحن عارفنك ما بتعرف تكتب .. كمان ما بتعرف تقرا ؟؟؟؟؟؟؟؟؟؟؟
صراحة ذهلت وصدمت وضحكت وزعلت باختصار كدا احترت
لكن والله لا اذكر الاسماء نرجو من يتذكر البوست وهذا الرد اللاسع واللازع ان يمدنا به ..
|
Post: #95
Title: Re: ظُرَفاء المنبر
Author: خالد علي محجوب المنسي
Date: 07-28-2013, 09:28 PM
Parent: #94
لحين ميسرة ويجي واحد ظريف
|
Post: #96
Title: Re: ظُرَفاء المنبر
Author: الطيب شيقوق
Date: 07-29-2013, 10:45 AM
Parent: #95
Quote: البركة فيك أنت يا البركة الحلو
مين زي ودشيقوق البرقع ويسوي مين زي ودشيقوق فتيل ومضوي الكريم وهميم وكلا بو ما بتهوي إت تشيل الأتقل يا أبــ ضراعاً قوّي |
حركت حجباتك ولا شنو؟
|
Post: #98
Title: Re: ظُرَفاء المنبر
Author: يازولyazoalيازول
Date: 07-29-2013, 11:44 AM
Parent: #96
زمان لما كنا بنتظارف كنا بنكتب كده:
شيرى ملت الباندويدث
بالمناسبة الذى يكتب باسم aba هو المرحوم خالد الحاج يرحمه الله
كانت لنا صولات وجولات ورمضان كريم عليكم جميعاً
هشام
|
Post: #97
Title: Re: ظُرَفاء المنبر
Author: محمد حمزة الحسين
Date: 07-29-2013, 11:32 AM
Parent: #76
Quote: ودالمدير وشيعته .. ودالباوقة ومعارضته ودالصايم ,, وشركاؤه |
الحمدلله الجات سيرتنا انا من شيعة ود المدير غايتو كان ما جاااا ونكرنى حطب اصلووووو داااا مسخووووووط كماااااااان وظربون احياناً كثيرة رمضان كريم : : : : : : : مع التحيات لله الزاكيات
|
Post: #99
Title: Re: ظُرَفاء المنبر
Author: أشرف محمد الباقر
Date: 08-02-2013, 03:12 AM
Parent: #97
. الحبيب مولانا عبد العزيز الفاضلابى:
دة من ألطف وأظرف البوستات اللي شفتها فى المنبر. متابعين وبنضحك بكل جوانحنا فى زمن صعب فيهو الضحك..
متابعين وراجعين ليك تاني إنشاء الله
أشرف الباقر. .
|
|