دوريات أمن الرياض تتمكن من ضبط متهم سوداني بوقت قياسي ( صور ) .. !!

سوداني وفي العقد الثاني من العمر وفي اول ايام الشهر الكريم ..

تمكنت دوريات الأمن بشرطة منطقة الرياض من الإطاحة بوافد من الجنسية السودانية في العقد الثاني من العمر تورط في السرقة من سيارة تقف بداخل فناء منزل وذلك بحي الربوة. وتعود تفاصيل القضية إلى أن عمليات دوريات الأمن تلقت بلاغاً فى ساعات الصباح فى اول ايام الشهر الكريم لمواطن يفيد بدخول جان لمنزله وسرقة بعضاً من محتويات سيارته التى تقف بفناء منزله فحاول اللحاق به إلا أنه لم يتمكن منه وعلى الفور تم تمرير المعلومات الاولية لدوريات الأمن العاملة بالميدان فجرى تمشيط الحي ووضع نقاط تفتيش عند جميع مداخل ومخارج الحي وقد أسفرت الجهود عن الاشتباه في شخص تنطبق عليه بعض الصفات التى ادلى بها المبلغ فتم رصده ومتابعته وعندما أحس بقرب دوريات الأمن منه لاذ بالفرار على الأقدام حتى تم القبض عليه واتضح انه شاب يبلغ من العمر 18 عاماً وبحوزته المسروقات. تم التحفظ على المتهم وسلم مع المضبوطات لمركز شرطة الملز لاستكمال إجراءات القضية.

يا كافي البلا حتى العجل الاسبير خمشو معاهو ..

مصدر الخبر: http://www.slaati.com/2013/07/16/p75364.html

رمضان كريم ياعوض

والله خبر مؤسف بس المحيرني كيف شال 5 لساتك وهو ماشي بي كرعينه

ومعاها حاجات تانية كما جاء في الخبر

ربنا يهديه ويفكوا من الورطة بس الخوف يقطعوا ايده الله يستر بس

تحياتي اخي عوض

وبحوزته المسروقات

أوكاشا
أفهم بس ،،،،، كيف تم القبض عليه وبحوزته الخمسة كفرات ؟؟؟؟؟!!!!!


بعدين ،،،، إنت فرحان كده مالك ؟؟؟
يعني البوست حقك دا قاصد بيه شنو ؟؟؟ دا خبر تقابلنو بيه صباحي !!!!!!
ما الفائدة الجنيناها من خبر ذي دا ،،، غير رماد الوش

وإنت فرحاااااااااااااان أوي


الله يسامحك بس

عاوزين نعرف الغرض انو الزول يجيب ليه مساله شخصيه لي زول غلط غلط شخصي


يعني نعلق نقول شنو عليه


ومافي شعب في الدنيا دي كلو صالح

ولو مسكنا السعوديين بتطلع يوميا مصيبه اكبر من دي

قال الله تعالى (وَلَا تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ تَعْمَلُونَ إِنَّهُ عَلِيمٌ بِذَاتِ الصُّدُورِ{7}سورة الزمر

هوالجان ده بدل مايشيل الخمسه لساتك دى ويجرى بيها
ماكان يخمش العربيه كلها فى كتفو ويطير بيها للسودان

خير غريب ياحبيب

كل سنه وانت طيب ياخ

يا اخونا صاحب البوست ناقل الخبر مخيير في البجيبو ما تتضايقو ساي
وبالعكس القصة دي رغم أنها قد تكون تحت تعريف الظاهرة بقليل لكنها موجوده
والنسبة معقوله حسب العدد المتزايد للمغتربين ومجموعة الظروف المحيطة بالمغترب
لكن كمان الناس من طبعها بتنشد الكمال وتستاء من اقتران جنسها بالسرقة او خلافه
البوست ممكن يكون بالنسبة لي تنبيه و تسليط ضوء على هذه السن تحديدا من الجيل الثاني او الثالث لأبناء المغتربين
أعرف اكثر من شاب تورط في عملية سرقة جرت لي سجون وضياع مجهود السنين لاهلهم
تحياتي للجميع